Prifti katolik Dom Kcira: I kerkoj falje atyre qe kam ofenduar me fjalet e mia

[mia@]

Cka ska n'deti breh.

http://www.kishakatolike.org/?cid=1,13,43

Hajt tash shkruaj : Sa i sigurt je qe kjo web faqe nuk eshte e sulmuar nga hakerat e KHG-se , te cilet kan futur kete deklarat , ahahah .

Sido qe te jet populla e ka kuptu mesazhin e priftit, e juve qe pajtoheni me fjalimin e tij , Zoti ju ndihmoft.

E ke shume gabim. Ne ndryshe nga ty nuk na bind qe videoja nuk ka manipulime, dhe jo se pajtohemi me ato qe ka thene ai prift. Nuk kemi intersa as ta shajme, as ta mburrim, ndyshe nga ca ketu.
Prape me habit fakti qe na kane marre seriozisht videon, pa kontaktuar me vet priftin, apo persona qe kane qene prezent ne ate tubim.
E pashe disa here videon dhe shume paqartesira vihen re ne te. Kjo mbase vjen nga shkeputjet, montimet qe mund ti jene bere videose jo te plote cuditerisht. Te le te kuptosh qe videoja eshte manipuluar sipas interesit te dikujt.

[muslimani72]

[QUOTE=Zëu_s;2625814]Po ku ka shkie ma t'prisht se ju bre ...


po ka, ju jeni de a se morre vesh a

[Renea]

E ke shume gabim. Ne ndryshe nga ty nuk na bind qe videoja nuk ka manipulime, dhe jo se pajtohemi me ato qe ka thene ai prift. Nuk kemi intersa as ta shajme, as ta mburrim, ndyshe nga ca ketu.
Prape me habit fakti qe na kane marre seriozisht videon, pa kontaktuar me vet priftin, apo persona qe kane qene prezent ne ate tubim.
e pashe disa here videon dhe shume paqartesira vihen re ne te.

alo frankfurt , RRJEP , QEN , sikur ne Srebrenic (e dijm cka ka ndodh ne Srebrenic ) , njerz me bisht , se kem meritu pavarsin , skish bo ma keq , bla bla bla si grat e kqija

Mjafton me i mbledh kto fjal edhe u pa se me cfar njeri kemi pun.

“Ne s’kemi merituar lirinë nga Beogradi. Është dashur të na rrjepë ashtu siç i ka rrjepur Milosevici në Srebrenicë 260 mijë qenë. Edhe në Kosovë me i pas rrjepë 1 milion e 900 mijë qenë, kurrgjë nuk ishte bërë më keq”, thotë Don Antoni në këtë xhirim.

Cka ka me u manipulu ktu hajt sqaroma se sdul kerkush me e sqaru , cka ju duket ketu gje e manipulue-montume.

[fegi]

Ipeshkvia: Don Antoni të mos ndikojë në tolerancë

Nga Express më 05.03.2010 në ora 16:00
(E plotësuar) Ipeshkvia e Kosovës ka reaguar sot lidhur me deklaratat e priftit Don Anton Kçira, bërë në një tubim në Detroit, në vitin 2007, i cili ditëve të fundit ka nxitur debat, pasi është postuar në internet dhe është publikuar në media.

Nëpërmes një deklarate për shtyp, Ipeshkvia e Kosovës, thekson se Don Anton Kqira, edhe pse me prejardhje nga Kosova, tash 20 vjet nuk është më nën jurisdiksionin e Ipeshkvisë së Kosovës, dhe si i tillë përgjigjet vetëm para autoriteteve kishtare në Detroit, ku edhe vepron.

Por Ipeshkvia ka ftuar të gjithë qytetarët, që raste të tilla, personat të vihen para përgjegjësisë personale dhe të mos lejohet të bëhen shkas ose rast lëkundjeje mirëbesimi, tolerance, bashkëpunimi dhe bashkëjetese vëllazërore ndërmjet shqiptarëve.

“Ne e dimë që autoritetet e shumta, kishtare politike dhe kulturore, nga të gjitha trojet shqiptare e kanë njohur si kontribues të madh dhe mbështetës të fortë të çështjes sonë kombëtare, në SHBA. Kontributi i tij ishte i madh, sidomos për lirinë dhe pavarësinë e Kosovës. Këtë gjë e dinë dhe mund ta dëshmojnë të gjithë ata që e njohin ose kanë pasur mundësi ta takojnë në aktivitetet e ndryshme që janë organizuar në Amerikë. Te ky njeri të gjithë kanë gjetur mikpritje, mirëkuptim, përkrahje dhe bashkëpunim vëllazëror”, thuhet në deklaratën, shpërndarë sot medieve.

“Këto rrethana na bëjnë të shqetësohemi shumë dhe na befasojnë fjalët e tija, gjë që në asnjë mënyrë nuk e paraqet jetën dhe qëndrimet e tija të mëparshme në çështjen kombëtare dhe ndërfetare tek ne shqiptarët. Si duket shprehjet e vrazhda ishin një çështje mllefi, zemërimi dhe hidhërimi, e mos të themi edhe dëshpërimi, për rrethanat në të cilat ai gjendej në momentin e këtij fjalimi”.

Ipeshkvia e Kosovës thekson se nuk i ndan në asnjë mënyre qëndrimet e tilla, të cilat nuk përputhen me besimin e krishterë, si dhe me qëndrimet e Kishës, e as me veprimet e tija të mëparshme.

“Ftohen të gjithë, që në raste të tilla të individëve të caktuar, siç e kanë pohuar në bisedën e tyre të këtyre ditëve Ipeshkvi ynë, Imzot Dodë Gjergji dhe Kryemyftiu i Kosovës, z. Naim Tërnava, të vihen para përgjegjësisë personale dhe të mos lejohen të bëhen shkas ose rast lëkundjeje mirëbesimi, tolerance, bashkëpunimi dhe bashkëjetese vëllazërore tek ne shqiptarët”, thekson deklarata.

Nga Marina në Detroit

Pasi çështja e Marinës u përmbyll, një aferë tjetër me ngjyra religjioze plasi në Detroit të ShBA’së. Në një xhirim të para tre vjetëve prifti shqiptar Don Anton Kçira shihet duke fajësuar Milloseviçin që nuk i ka vrarë 1 milion e 900 mijë shqiptarë, siç ka vepruar edhe në Srebrenicë. I kontaktuar nga Express në Detroid të SHBA-ve ku shërben, Don Antoni i mohon ato që ka thënë tri vjet më parë.

Nga Jeton Musliu

Don Anton Kçira duket i zhveshur nga ndjenjat njerëzore që një predikues fetar duhet të ketë, bazuar në një xhirim të bërë në vitin 2007 në Detroid të SHBA-ve.

Fjalimi i Don Antonit, i mbajtur në maj të atij viti, është bërë objekt debati në Kosovë dhe në forume të ndryshme në internet.

“Ne s’kemi merituar lirinë nga Beogradi. Është dashur të na rrjepë ashtu siç i ka rrjepur Milosevici në Srebrenicë 260 mijë qenë. Edhe në Kosovë me i pas rrjepë 1 milion e 900 mijë qenë, kurrgjë nuk ishte bërë më keq”, thotë Don Antoni në këtë xhirim.

Kjo është vetëm një fjali e tij e thënë më 13 maj 2007, vetëm disa ditë pasi autoritetet amerikane kishin arrestuar tre vëllezërit Duka, shqiptarë nga Maqedonia, nën akuzën për përgatitje të sulmeve terroriste në bazën e ushtrisë amerikane në Ford Dix të Neë-Jerssyt.
Don Antoni, i cili shërben në Kishën e St. Paul’s në Detroid, fjalimin e ka mbajtur në një mbledhje të organizuar nga Shoqata Intelektuale e Shqiptarëve në Amerikë.

I kontaktuar të enjten nga Express, vetë Don Kçira ka mohuar në mënyrë kategorike se ka thënë fjalë të tilla, pavarësisht xhirimit të përhapur ku ai shihet dhe dëgjohet.

Ai pretendon se fjalimi i tij është i montuar nga spiunë të ish Jugosllavisë, se fjalitë ia kanë lidhur në mënyrë që të ndryshohet tërësisht konteksti i asaj çfarë ka thënë.

“Numër kaq të madh që s’mund t’i numëroj, por nuk keni faj se ne jemi e zeza e vetvetes”, nis fjalimin e tij në këtë tubim me shqiptarë Don Antoni .

“Besomëni se është tragjedi për popullin shqiptar. Amerika me këtë zemër të madhe...”, ndërpret prifti katolik shqiptar fjalimin, për t’iu tërhequr vërejtjen disa të pranishmëve.

“Atje poshtë..., nëse nuk mund të na dëgjoni, mund të dilni jashtë..., nuk iu ka pru kërkush me zor, bla, bla bla, si gratë e këqija”, u drejtohet me nervozizëm Don Antoni disa personave të cilët nuk shihen në xhirim.

Më tej ai vazhdon. “Këta njerëz që i thonë vetes shqiptarë, dihet se çfarë shqiptarësh janë. Shqiptarë me bisht, shqiptarë me rroska(fëlliqur)”, vazhdon kleriku katolik.

Ky fjalim është mbajtur disa ditë pas arrestimit të tre shqiptarëve nga Maqedonia, që në atë kohë dyshoheshin për përfshirje në planifikime të sulmeve terroriste.

Për këtë veprim të vëllezërve Dritan Duka (30), Zaim Duka (28) dhe Elvir Duka (25), të cilët më vonë janë dënuar me burgim të përjetshëm, popullit amerikan i kishte kërkuar falje babai i tyre.

Por, në fjalimin e tij, në këtë xhirim, Don Antoni, një veprim të tillë të babait të tre vëllezërve e quan të pavlerë, meqë, sipas tij, një gjë të tillë nuk e kanë bërë drejtuesit e fesë islame.

”Më vjen keq që në letrën që është bërë, e që i kërkohet falje Amerikës, i kërkon falje një plak që është në pension e që kërkush nuk e vet asgjë, e nuk kërkojnë falje ata që duhet të kërkojnë në emër të fesë islame”, thotë Don Antoni.

“Në emër të popullit shqiptar ishte dashur të reagojë më tepër populli e jo me qenë me do qyqe”, thotë më tej prifti shqiptar, duke shtuar “...ju faleminderit dhe dashtë Zoti që prej këtij simpoziumi ta bëjmë një kundërshtim jo vetëm ndaj atij grupi në Neë -Jerssy, që ka bërë këtë krim, por të gjithë atyre që rrinë pas kësaj pune, e kemi shumë, kemi shumë edhe në Detroid”.

Tri vjet pas këtij fjalimi, Don Antoni pretendon se ajo çfarë ka dashur të thotë nuk është ashtu siç duket në atë xhirim disa minutash.

“Mundeni me pa këtë kasetë që është e copëtuar copa-copa, nuk është dhënë në tërësi”, thotë Kçira për Express, duke akuzuar për këtë një person me emrin Luigj Gjoka.

“Kam një spiun shumë të madh këtu të ish Jugosllavisë që i ka marrë në qafë shumë studentë. Ai është Luigj Gjoka. Ai ka krijuar fondin Vendlindja thërret këtu në Detrorid”, shton ai, duke preferuar më shumë të flasë për ndihmën që ai i ka dhënë Kosovës pas masakrës së familjes Jashari, në mars të vitit 1998.

Ai thotë se ka qenë i irrituar me numrin e pakët të të pranishmëve që kishin shkuar në atë simpozium, edhe pse në xhirimin e përhapur Don Antoni dëgjohet të shprehet për numër të madh të pjesëmarrësve.

“Mirëpo, aty ka qenë edhe një grup malësorësh që kanë qenë t’u ngrënë dhe na kanë prishë qetësinë”, sqaron Don Antoni për Express pjesën ku ai në mes të fjalimit të tij u kërkon disa të pranishmëve “të mos bëjnë zhurmë bla, bla, bla si gratë e këqija, por të lëshojnë sallën nëse nuk duan të dëgjojnë”.

Në sqarimin e tij, Don Antoni pretendon se kur ka përmendur Srebrenicën, e ka krahasuar atë se si aty kanë shkuar (vrarë) “260 mijë njerëz si të ishin qenë, e se si sot e kësaj dite askush nuk ka dhënë ndonjë përgjigje për ata të shkretë”.

Don Anton Kçira më tej vazhdon. “Ashtu do të kishin shkuar edhe 1 milion e 900 mijë, por në emocionion tim që më nervozuan këta njerëz, kam thënë se edhe ata do të kishin shkuar si qenë. Por, kush na shpëtoi? Amerika. Ajo na ka pru deri tash”, thotë prifti shqiptar që jeton dhe punon në Detroid.

“Mirëpo, Amerika i ka pruar 20 mijë shqiptarë..., Bill Clintoni..., nga lloçi i Maqedonisë i ka pru në bazën amerikane në Neë Jeresy dhe shqiptarët me e çu në hava këtë bazë, është turp për ne”, shprehet prifti, fjalimi para tre vjetësh i të cilit konsiderohet si më i rëndi që është bërë deri më tash nga ndonjë klerik katolik.

“Besomëni se kjo ka qenë krahasimi i Srebrenicës, rruga e Kosovës që do të kishte qenë po të mos ishte Amerika. A do të kishim pas atë lirinë që e keni ju atje...?. Beogradi mundohet me na shkatërrue. Ai person e ka shpërnda (Luigj Gjoka), i ka çu hoxhës, hoxha ia ka çue presidentit të Kosovës, Myftiut Tërnava dhe pastaj në You-Tube”, vazhdo më tej Don Anton Kçira.

I pyetur nëse dikush i ka kërkuar sqarime për këtë fjalim të mbajtur në maj 2007, Don Antoni e pranon se disa herë ka dhënë shpjegimet përkatëse.

“Më ka pyetur Ipeshkvi i Ipeshkvisë së Kosovës, Dodë Gjergji se si është situata dhe ia kam shpjeguar. Unë nuk kam dalë menç me i ba tana punët për Kosovën e më së mrami me dal më thënë me i vra si qenë”, thotë ai.

“Nuk muj n’ pikë shnoshi me i ba ata njerëz qenë. Jo vëlla..., por ishte një situatë e padrejtë që populli shqiptar duhej t’i dënonte ata terroristë”, thotë Don Antoni, i cili nuk pranon të kërkojë falje për diçka që ai thotë se nuk ka përse ta bëjë.

“Kujt me i kërku falje, se unë nuk kam bërë një krim siç ma kanë shpifë këta njerëz. Ata duhet me kërkua falje, që kanë bë këtë shpifje. Sa për Luigj Gjokën, sa ka qenë në Mal të Zi, gjithmonë ka bashkëpunua me ta (autoritetet), ka marrë në qafë shumë malësorë”, pretendon Don Anton Kçira për Express.

Duket se këtë xhirim të përhapur e kanë parë të gjithë. Të gjithë të cilët i ka kontaktuar gazeta, nuk ishte e nevojshme t’i shpjegohej situata. Madje as drejtuesve të lartë të Bashkësisë Islame të Kosovës.

Dr. Xhabir Hamiti, kryetar i Kuvendit të BIK-ut, thotë se ajo që ka thënë Don Anton Kçira në atë xhirim është skandaloze dhe jo e tolerueshme për një lider shpirtëror.

“Mirëpo, kjo nuk duhet të ndikojë në marrëdhëniet ndërfetare që kanë pasur dhe kanë shqiptarët e konfesioneve të ndryshme fetare. Një fjalim i tillë nuk guxon të ndikojë në luhatjen e tolerancës ndërfetare dhe ndërshqiptare”, thotë Hamiti për Express.

“Ne do të kërkonim nga krerët fetarë që ndaj individëve të tillë të marrin masa disiplinore sepse prijësit fetarë nuk përfaqësojnë vetëm interesat e tyre të ngushta, përderisa ata kryejnë funksione publike”, thotë profesor Xhabir Hamiti.

Por, zyrtarë të Ipeshkvisë së Kosovës nuk e ndjejnë të nevojshme ta bëjnë një gjë të tillë. Ata thonë se Don Anton Kçira nuk është pjesëtar në kuadër të autoritetetit të tyre.

“Edhe pse i njëjti ka lindur në Kosovë, bazuar në rregullat e Kishës, ai i takon Kishës Katolike të Detroidit në SHBA. Ipeshkvia e Kosovës nuk ka çfarë të thotë në lidhje me deklarimet e tij sepse ai nuk është pjesë e kishës sonë”, thotë Albert Jakaj, sekretar i Ipeshkvisë së Kosovës, për Express.

Sipas tij, Ipeshkvia e Kosovës është përgjegjëse për klerikët e saj që veprojnë vetëm në territorin e Republikës së Kosovës.

Shkaku
Tre vëllezërit nga Dibra e Maqedonisë, që komplotuan për të vrarë ushtarë amerikanë në bazën ushtarake Ford Dix, janë dënuar me burgim të përjetshëm. Dritan Duka (30), Zaim Duka (28) dhe Elvir Duka (25) kanë marrë përfundimisht dënimin pa iu dhënë mundësi për ankesë. Të tre shqiptarët, pjesë e grupit prej 5 vetash, u zunë pa arritur të kryejnë sulmin.
Ata u arrestuan para se të kryejnë sulmin. 2 persona e tjerë janë njëri nga Jordania e tjetri nga Turqia. Ata kanë mohuar akuzat. Dritan Duka kishte thënë se janë viktimë e një konspiracioni të Qeverisë amerikane. Gjatë tërë këtij procesi gjyqësor janë marrë në pyetje 50 dëshmitarë. Personat janë arrestuar në maj 2007, pas një hetimi 14 mujor të FBI-së.

[pejani34]

[QUOTE=muslimani72;2625819]

Po ku ka shkie ma t'prisht se ju bre ...


po ka, ju jeni de a se morre vesh a

mos e fyj se e ka per qellim mbylljen e temes , a nuk ja sheh piken e zez,

ashtu e ka edhe ne zemer,

[pejani34]

Duhezt Ndaluar Keti Anti Shqiptari ; Hyrja Ne Trojet Shqiptare , Ky E Ka Vendin Ne Burg Te Perjetshem; Ose Pushkatim.

[s0ni]

Per qellime fetare e doni ta publikoni kete leter apo per qellime qe ju shau si popull?
Nqs eshte qellimi i dyte ju mbeshtese, po qe i pari s'dua ta dije shume.

[Gostivari_usa]

Personalisht me vjen keq per kete atin, udheheqesin e kishes Shqiptare ne Shba, ose njeres prej shum kishave shqiptare ne SHBA.
Mund te jete edhe montim, nuk e perjashtoj kete mundesi. Nje njeri qe 40 vite ka punuar per ceshten kombetare, sa hap e cel syte fillon dhe punon kunder saj. Sikur nuk shkon.
Ajo qe eshte me rendesi eshte se personaliteli i tij eshte njollosur okay, dhe ketu diskutim nuk ka.
Tani topi eshte ne kembet e tija qe tju tregoj shqiptareve se ai eshte i pafajshem dhe se kjo video ne youtube eshte montim.
Nqs kjo video eshte montim, atehere kjo video eshte perpunuar duke u bazuar tek origjinali, qe rastesisht mund ti kete rene ne duar dikujt pa dashje , dhe ky mund ta kete shfrytezuar per qellime te erreta.
Andaj duke pasur parasysh te gjithe kete qe thash me lart, ne lusim kete prift , at, ose ku ta di une se cfar titulli kishtar me ka, qe te laj emrin e tij duke publikuar videon origjinale.
Nqs se nuk e publikon videon origjinale , ateher ia i ka thene ato fjale, dhe pik.


GV_USA

[Rugova]

ZEMËRPLASJA DERI NË BLASFEMI


Nga Adem Gashi


Në tri a katër linja postare, përfshirë edhe e-mail-in e facebook-un, pikërisht më 3 mars, më erdhi fjalimi i Don Anton Kçirës, mbajtur në Detroit, në një tubim të ftuar nga Shoqata e Intelektualëve Shqiptarë në Amerikë, rreth tri vjet më parë. Tubimi i dedikohej lajmit për kapjen e një grupi prej gjashtë vetave (tre prej tyre shqiptarë etnikë, vëllezër nga Dibra e Maqedonisë) që kishin planifikuar sulm terrorist kundër ushtarëve amerikanë në bazën ushtarake Fort Dix në New Jersey. (Lajmi është kumtuar nga Zëri i Amerikës, më 9 maj 2007).


Trazim dhe përrallisje


Unë e kuptoj trazimin deri në humbje ekuilibri që i bënte mendjet e mëdha si Konica e Fishta, të shfrynin mllef e sarkazëm më të hyrë të shekullit XX (kur Shqipëria ishte e pabërë), po nuk e shpjegoj dot shfryrjen e Don Anton Kçirës e të Shefqet Krasniqit (kur edhe Kosova tashmë është bërë). Nuk i kuptoj as komentuesit (shumë prej tyre miq të mi) për përrallisjet që bëjnë lidhur me emocionet, mllefin e çastit apo pasionin e priftit. A nuk e ditkan ata se titullarit klerikal në asnjë rrethanë nuk i lejohet moskontrolli për fyerje, sharje e blasfemi, aq më pak në tribuna publike? Këtu nuk është fjala për shkëputje fjalish nga konteksti. Teksti dhe shifrat janë kokëforta: “Na s’e kena meritu lirinë prej Beogradit. Asht dashtë qi Millosheviqi, sikurse i ka repë në Srebrenicë 260 mijë qej, m’i pas repë edhe n’Kosovë 1 milion e 900 mijë qej, besoni kurrgjë s’kish ba ma zi”.
Kleriku ynë i panderuar, kini kujdes unë nuk po u vë mbiemra shifrave, flet për miliona rrjepje njerëzish, shpirtrash. Lëmë me një anë besimet, fetë. A nuk e ditka Kçira se sot në botë dhe në Amerikë, gjithsesi, ka qindra e mijëra fondacione e shoqata për mbrojtje speciesh animale nga zhdukja, madje edhe nga ato grabitqare e helmuese? A nuk e ditka Kçira se terroristi e krimineli nuk është ekzemplar përfaqësues as i kombit, as i fesë? A nuk e ditka Kçira se Patriarku i kishës serbe, Pavle, i bekonte ditën për diell, faqe botës, kriminelët kur niseshin për Srebrenicë e Drenicë? Nuk e ditka Kçira se bijtë e popullit shqiptar nuk i kërkuan bekim as priftit, as hoxhës kur u nisën drejt vdekjes për liri si më 1911 si më 1990 e këtej (pa përmendur datat e tjera të shumta)? A nuk e ditka Kçira se të rënët për liri janë të shenjtë, shahitë, dëshmorë, kudo e kurdo që bien hapësirave të këtij globi. Thashë, TË RËNËT PËR LIRI.


Dërdëllitjet për përçarje


Dërdëllitjet për përçarje kombëtare e konfesionale (se gjoja i nxitka publikimi dhe riaktualizimi i kësaj fjale, - unë e dëgjoj dhe e shoh për herë të parë këtë video) janë përrallisjet e dyta të disa komentuesve. A nuk e ditkan ata, tok me Kçirën, se ky popull në planin e harmonisë dhe të tolerancës fetare ka maturuar (pa hyrë thellë në histori) edhe para një mbreti mysliman (Zogut), edhe para një peshkopi ortodoks (Nolit), sikundër edhe para një diktatori komunist (Hoxhës); para Evropës Plakë dhe Evropës së Re; para Amerikës, më në fund, para realitetit jetësor, si dje si sot?


Përrallisja e tretë


Përrallisja e tretë ka të bëjë me ndjesën dhe pendesën. Po përse u dashka që shqiptarët myslimanë dhe boshnjakët myslimanë të bëjnë kujdestarinë e fajësisë për çdo kokëkrisës që mund të shfaqet në çdo anë të kontinentit dhe në çdo kohë, mjaft që të ketë emrin Adem, bie fjala? Përse, pra, në mos qoftë tendenca për pozë snobizmi e vardisjeje deri në mazohizëm, po aq pështirosëse dhe e neveritshme, po kaq e padinjitetshme, kundruall vlerave të civilizimit botëror!
Kushdo tashmë e ka të njohur faktin e gjyqësisë amerikane dhe parimin e provës së fajit që ia bën ekuivalent ndëshkimin. A nuk u shqiptua tashmë botnisht edhe gjykimi dhe distancimi i familjarëve Dukaj nga Dibra? Mos, vallë, shqiptarët kudo që janë, sipas irit të Kçirës u dushka t’u bien trumbetave për harakirin kolektiv, se kështu u treguakan solidarë ndaj mundit të kasapëve-rrjepës që akoma nuk paskan mbaruar punë!? (“Asht dashtë qi Millosheviqi... m’i pas repë edhe n’Kosovë 1 milion e 900 mijë qej!”). Dhe, ç’do të mbetej pastaj në Kosovë, pos asaj që e dëshironte pikërisht krimineli?


Ligjëratë e drejtpërdrejtë


Mua dhe (dua të besoj deri në shkallë bindjeje) shumicën absolute të qytetarëve normalë e të rëndomtë, nuk mund të na bëjë të urrejmë njeri as “Bekimi” i Pavles, as “Blasfemia” e Kçirës, as “Fatvaja” e Homeinit. Pa dashur të bëj moral (po doemos që reflekton ironi) më vjen të shqiptoj porosinë lapidare të Jezuit: “Fali zot...”.


Vlerësim


Duke qenë relativisht njohës i mirë (pa asnjë pozë, s’kam nevojë për modesti) i teorisë së komunikimit, i teorisë së receptimit, konceptualizmit e semiotikës deri te variantet e postmodernizmit, më rezulton se Kçira vuan nga DEFEKTI I MAKINËS LOGJIKE. Një gjë e mendon një tjetër e thotë. Një gjë e ndjen një tjetër e shqipton. Bariut të popullit kjo as i përligjet as i lejohet.
Nuk kam as më të voglin dyshim se mendimi i shqiptuar prej tij, konotacioni i fjalisë së tij, nuk është rezultat i konceptit, i ndërgjegjes dhe i vetëdijes së tij (ruana zot, i kredos së tij)! Në asnjë mënyrë. Po, gjëma ka ndodhur tashmë, mandata ka marrë dhenë, ekuilibrat janë prishur. Në horizontin e pritjes, më e pakta që do të duhej të shfaqej, do të ishte Zhveshja e Veladonit: Kçira pa Don (Kishot).


(Autori është shkrimtar nga Prishtina)

[Rugova]

ZEMËRPLASJA DERI NË BLASFEMI


Nga Adem Gashi


Në tri a katër linja postare, përfshirë edhe e-mail-in e facebook-un, pikërisht më 3 mars, më erdhi fjalimi i Don Anton Kçirës, mbajtur në Detroit, në një tubim të ftuar nga Shoqata e Intelektualëve Shqiptarë në Amerikë, rreth tri vjet më parë. Tubimi i dedikohej lajmit për kapjen e një grupi prej gjashtë vetave (tre prej tyre shqiptarë etnikë, vëllezër nga Dibra e Maqedonisë) që kishin planifikuar sulm terrorist kundër ushtarëve amerikanë në bazën ushtarake Fort Dix në New Jersey. (Lajmi është kumtuar nga Zëri i Amerikës, më 9 maj 2007).


Trazim dhe përrallisje


Unë e kuptoj trazimin deri në humbje ekuilibri që i bënte mendjet e mëdha si Konica e Fishta, të shfrynin mllef e sarkazëm më të hyrë të shekullit XX (kur Shqipëria ishte e pabërë), po nuk e shpjegoj dot shfryrjen e Don Anton Kçirës e të Shefqet Krasniqit (kur edhe Kosova tashmë është bërë). Nuk i kuptoj as komentuesit (shumë prej tyre miq të mi) për përrallisjet që bëjnë lidhur me emocionet, mllefin e çastit apo pasionin e priftit. A nuk e ditkan ata se titullarit klerikal në asnjë rrethanë nuk i lejohet moskontrolli për fyerje, sharje e blasfemi, aq më pak në tribuna publike? Këtu nuk është fjala për shkëputje fjalish nga konteksti. Teksti dhe shifrat janë kokëforta: “Na s’e kena meritu lirinë prej Beogradit. Asht dashtë qi Millosheviqi, sikurse i ka repë në Srebrenicë 260 mijë qej, m’i pas repë edhe n’Kosovë 1 milion e 900 mijë qej, besoni kurrgjë s’kish ba ma zi”.
Kleriku ynë i panderuar, kini kujdes unë nuk po u vë mbiemra shifrave, flet për miliona rrjepje njerëzish, shpirtrash. Lëmë me një anë besimet, fetë. A nuk e ditka Kçira se sot në botë dhe në Amerikë, gjithsesi, ka qindra e mijëra fondacione e shoqata për mbrojtje speciesh animale nga zhdukja, madje edhe nga ato grabitqare e helmuese? A nuk e ditka Kçira se terroristi e krimineli nuk është ekzemplar përfaqësues as i kombit, as i fesë? A nuk e ditka Kçira se Patriarku i kishës serbe, Pavle, i bekonte ditën për diell, faqe botës, kriminelët kur niseshin për Srebrenicë e Drenicë? Nuk e ditka Kçira se bijtë e popullit shqiptar nuk i kërkuan bekim as priftit, as hoxhës kur u nisën drejt vdekjes për liri si më 1911 si më 1990 e këtej (pa përmendur datat e tjera të shumta)? A nuk e ditka Kçira se të rënët për liri janë të shenjtë, shahitë, dëshmorë, kudo e kurdo që bien hapësirave të këtij globi. Thashë, TË RËNËT PËR LIRI.


Dërdëllitjet për përçarje


Dërdëllitjet për përçarje kombëtare e konfesionale (se gjoja i nxitka publikimi dhe riaktualizimi i kësaj fjale, - unë e dëgjoj dhe e shoh për herë të parë këtë video) janë përrallisjet e dyta të disa komentuesve. A nuk e ditkan ata, tok me Kçirën, se ky popull në planin e harmonisë dhe të tolerancës fetare ka maturuar (pa hyrë thellë në histori) edhe para një mbreti mysliman (Zogut), edhe para një peshkopi ortodoks (Nolit), sikundër edhe para një diktatori komunist (Hoxhës); para Evropës Plakë dhe Evropës së Re; para Amerikës, më në fund, para realitetit jetësor, si dje si sot?


Përrallisja e tretë


Përrallisja e tretë ka të bëjë me ndjesën dhe pendesën. Po përse u dashka që shqiptarët myslimanë dhe boshnjakët myslimanë të bëjnë kujdestarinë e fajësisë për çdo kokëkrisës që mund të shfaqet në çdo anë të kontinentit dhe në çdo kohë, mjaft që të ketë emrin Adem, bie fjala? Përse, pra, në mos qoftë tendenca për pozë snobizmi e vardisjeje deri në mazohizëm, po aq pështirosëse dhe e neveritshme, po kaq e padinjitetshme, kundruall vlerave të civilizimit botëror!
Kushdo tashmë e ka të njohur faktin e gjyqësisë amerikane dhe parimin e provës së fajit që ia bën ekuivalent ndëshkimin. A nuk u shqiptua tashmë botnisht edhe gjykimi dhe distancimi i familjarëve Dukaj nga Dibra? Mos, vallë, shqiptarët kudo që janë, sipas irit të Kçirës u dushka t’u bien trumbetave për harakirin kolektiv, se kështu u treguakan solidarë ndaj mundit të kasapëve-rrjepës që akoma nuk paskan mbaruar punë!? (“Asht dashtë qi Millosheviqi... m’i pas repë edhe n’Kosovë 1 milion e 900 mijë qej!”). Dhe, ç’do të mbetej pastaj në Kosovë, pos asaj që e dëshironte pikërisht krimineli?


Ligjëratë e drejtpërdrejtë


Mua dhe (dua të besoj deri në shkallë bindjeje) shumicën absolute të qytetarëve normalë e të rëndomtë, nuk mund të na bëjë të urrejmë njeri as “Bekimi” i Pavles, as “Blasfemia” e Kçirës, as “Fatvaja” e Homeinit. Pa dashur të bëj moral (po doemos që reflekton ironi) më vjen të shqiptoj porosinë lapidare të Jezuit: “Fali zot...”.


Vlerësim


Duke qenë relativisht njohës i mirë (pa asnjë pozë, s’kam nevojë për modesti) i teorisë së komunikimit, i teorisë së receptimit, konceptualizmit e semiotikës deri te variantet e postmodernizmit, më rezulton se Kçira vuan nga DEFEKTI I MAKINËS LOGJIKE. Një gjë e mendon një tjetër e thotë. Një gjë e ndjen një tjetër e shqipton. Bariut të popullit kjo as i përligjet as i lejohet.
Nuk kam as më të voglin dyshim se mendimi i shqiptuar prej tij, konotacioni i fjalisë së tij, nuk është rezultat i konceptit, i ndërgjegjes dhe i vetëdijes së tij (ruana zot, i kredos së tij)! Në asnjë mënyrë. Po, gjëma ka ndodhur tashmë, mandata ka marrë dhenë, ekuilibrat janë prishur. Në horizontin e pritjes, më e pakta që do të duhej të shfaqej, do të ishte Zhveshja e Veladonit: Kçira pa Don (Kishot).


(Autori është shkrimtar nga Prishtina)