Hakerët serb sulmuan faqen zyrtare të Presidentit të Kosovës

[gimche]

Mbrëmë më 28 shkurt hakerët serb sulmuan faqen zyrtare të Presidentit të Kosovës.

Faqja zyrtare e Presidentit të Republikës së Kosovës, dr. Fatmir Sejdiu, (www.president-ksgov.net), mbrëmë më 28 shkurt 2010, rreth orës 24:00, është sulmuar nga një grup hakerësh serbë. Sipas një sqarimi të Zyrës së Presidentit, në ballinë të faqes ishin vendosur simbole të shtetit serb dhe mbishkrimi "Kosova është Serbi", si dhe objekte të kultit në Republikën e Kosovës.

"Është duke u punuar për të analizuar formën në të cilën është kryer sulmi si për ta rikthyer faqen e Presidentit në gjendjen e mëparshme", thuhet në fund të sqarimit. Hakerët e nënshkruar serbë si "StRoNIX & TOr3x", në dy raste kanë shkruar në qirilicë "Kosova është Serbi" dhe "Kosovo ist serbien"./qik/

[Edmond.S]

Keshtu eshte kur nuk degjojne.Nuk duhet mburremi me keta protektoret legal te web faqeve qeveritare.