Prizren: Fillon punen kryekomunari i ri Ramadan Muja

[Kosovelli]

Ramadan Muja bëri betimin për mandatin katërvjeçar në krye të komunës së Prizrenit, ndërsa kryesues i kuvendit u zgjodh Njazi Kryeziu.

Nga Express më 15.02.2010 në ora 18:23
Komuna e Prizrenit mbajti seancën inauguruese të kuvendit komunal, në të cilën të gjithë 41 kuvendarët ishin të pranishëm dhe dhanë betimin se do të jenë konsekuent në zbatimin e ligjit dhe rregulloreve të punës së kuvendit.

Pas betimit të kuvendarëve betimin e bëri edhe kryetari i komunës, Ramadan Muja.

Seanca inauguruese u kryesua nga përfaqësuesi më i vjetër i këshilltarëve të cilët kanë fituar mandatin në zgjedhjet e lira lokale me 15 nëntor 2009, Cenë Fanaj.

Muja, pas dhënies së betimit mbajti një fjalë rasti dhe përshëndeti të gjithë kuvendarët për punë të suksesshme gjatë këtij mandati politik katërvjeçar.

“Si kryetar i komunës zotohem sot para jush se do të jem në lartësinë e përgjegjësive të mija politike dhe ligjore me qeverisjen e komunës. Po ashtu kërkoj nga ju kuvendar të nderuar qe të jeni sa më të përgjegjshëm në zbatimin e obligimeve tuaj ligjore e politike dhe të reflektoni gatishmëri për të kooperuar dhe bashkëpunuar në të mirë të të gjithë qytetarëve të komunës sonë", tha Muja.

Ndërsa, në pikën e tretë të rendit të punës u votua për kryesues të kuvendit të komunës. Partia demokratike e Kosovës propozoi Njazi Kryeziun për kryesues, ndërsa partitë opozitare propozuan Lulzim Kabashin.

Kuvendaret përmes votës së fshehtë zgjodhën Njazi Kryeziun për kryesues të kuvendit komunal me 22 vota pro, ndërsa Lulzim Kabashi mori gjithsej 19 vota.

[Llapi]

Pune Te Mbar Kryetarit Ramadan Muja

[fattlumi]

Qfare titulli bombastik.

Aiiiiiiii,thashe mos eshte betuar per najsen tjeter,menova mos don me shpalle shtet te pavarur Prizrenin.

[Brari]

pun te mbare Mujes..
cfar profesioni ka zotri Buja?

[gimche]

Dihen disa nga emrat e drejtorëve komunalë të Prizrenit

Prizren, 1 mars – Bisedimet mes partnerëve të koalicionit fitues për ndarjen e pushtetit në komunën e Prizrenit kanë hyrë në fazën finale, kanë bërë të ditur përfaqësues të këtyre subjekteve politike. Madje Partia Demokratike Turke e Kosovës (KDTP) dhe Partia e Drejtësisë (PD) kanë publikuar edhe emrat e kandidatëve të tyre të nominuar për drejtorë në ekzekutivin lokal.
“KDTP-ja në ekzekutivin komunal do të përfaqësohet me nënkryetarin nga radhët e komuniteteve dhe dy drejtorë. Kryesia e degës ka marrë vendim që për drejtor të Ekonomisë dhe Financave të nominohet Mehmet Bytyq, dhe për drejtor të Emergjencave dhe Mbrojtjes, Sencar Karamuqo”, ka thënë kryetari i degës së KDTP-së, Orhan Lopar. Ai ka sqaruar se në bazë të legjislacionit posti i
nënkryetarit të komuniteteve do t’i takoj atij, meqenëse është personi më i votuar nga radhët e komuniteteve.
Ndërsa kryetari i degës së PD-së, Munir Basha ka bërë të ditur se në bazë të marrëveshjes paraelektorale, ky subjekt do të drejtojë dy drejtori në qeverinë komunale të Prizrenit. “Kryesia ka votuar me unanimitet dhe ka vendosur që Azam Dida të nominohet për drejtor të Shëndetësisë, derisa Shend Kabashi për drejtor të Zhvillimit Ekonomik dhe Turizmit”, ka deklaruar Basha, i cili ka shprehur bindjen se që të dy emrat e propozuar plotësojnë kriteret e duhura profesionale.
Javë më parë, kryetari i degës së PDK-së, Zafir Berisha pat thënë se ndarja e posteve drejtuese në ekzekutivin e ardhshëm komunal të Prizrenit do të ketë shpërndarje të barabartë. “PDK do t’i ketë gjashtë drejtori dhe partitë e tjera të koalicionit po ashtu gjashtë. Kjo është formula që ka dalë nga vullneti i qytetarëve respektivisht vota e tyre”, pat deklaruar Berisha.
Burime brenda PDK-së kanë pohuar se është arritur edhe marrëveshja me dy partitë boshnjake të koalicionit. derisa nevojiten konsulta të mëtutjeshme me AKR-në.
“NDS do të udhëheq DKRS-në derisa “Vakati” Zyrën Lokale të Komuniteteve”, është shprehur një zyrtar i lartë i degës.
Nijazi Kryeziu nga PDK-ja ka shpjeguar se ky subjekt politik është duke i zhvilluar diskutimet rreth formalizimeve të fundit me partnerët e koalicionit. Sipas tij, ende nuk ka ndonjë datë të caktuar për publikimin e përbërjes së re të qeverisë komunale, ndërkohë që nuk i ka komentuar rrjedhat e diskutimeve me AKR-në.
Në zgjedhjet e fundit për kryetar të Prizrenit, PDK-ja ka lidhur aleancë për bashkëqeverisje me KDTP-në, PD-në, NDS-në, “Vakat-in” dhe AKR-në. Zyrtarët e AKR-së publikisht kanë pohuar se do të udhëheqin tri drejtori dhe se do të kenë postin e nënkryetarit të komunës mundësi që ishte kontestuar nga kreu i PDK-së, Zafir
Berisha, për shkak të ndasive të brendshme brenda këtij subjekti. /koha/