Ku po shkon LDK-ja sot?

[Kosovelli]

Fatmiri nuk ikën

Fatmir Sejdiu nuk dëshiron ta konfirmojë kandidaturën për Kryetar të LDK’së deri në Kuvendin Zgjedhor. Të martën, ai mori mbështetje edhe në rrugë. Një grup të rinjsh shkruan grafite “Voto Fatmir Sejdiun, shpëto LDK’në”. Me parullën tjetër “Poshtë hajnat e 3-përqindëshit” u atakuan Bujar Bukoshi dhe Isa Mustafa, dy menaxherët e këtij fondi gjatë viteve ‘90.

Nga Express më 27 tetor 2010 në ora 08:08
Fatmir Sejdiu nuk e ka ndërmend të heqë dorë nga ambicia për të marrë edhe një mandat në krye të Lidhjes Demokratike të Kosovës, pavarësisht kërkesave nga disa zyrtarë të partisë së tij si dhe protestave dhe parullave.

Sejdiu nuk dëshiron ta shpallë kandidaturën para mbajtjes së Kuvendit Zgjedhor, siç ka bërë Bujar Bukoshi, para dy muajsh, ndërkaq Isa Mustafa vazhdon të mbajë të hapur mundësinë e hyrjes në betejën elektorale për postin më të lartë në parti.

Sipas Statutit të LDK’së, kandidatura konsiderohet legale nëse plotëson kriteret që pritet të përcaktohen në Kuvendin Zgjedhor. Para katër vitesh, në Kuvendin e fundit Zgjedhor, kushti për të hyrë në garën për Kryetar të LDK’së ka qenë mbledhja e njëqind nënshkrimeve nga delegatët.

“Unë do të respektoj për vete procedurat normale dhe për vete e di se në Kuvendin e partisë do të shpallen kandidaturat zyrtare. Deri në atë kohë, e kam për borxh që të udhëheq këtë proces të rëndësishëm të LDK’së”, ka thënë Sejdiu në një konferencë për shtyp në selinë e partisë, të martën.

[Kosovelli]

Dole Fatmir
Zhiveo Isa
Dole Isa
Zhiveo Fatmir
hahahahaahaahahaaaaa
zhiveo cofi edhi......

[Llapi]

Protestuesit e duan Mustafën kryetar të LDK'së


Protestuesit e duan Mustafën kryetar të LDK'së

Nga Express më 27 tetor 2010 në ora 14:19

Përkrahës të Isa Mustafës, të mërkurën kanë protestuar para selisë së Lidhjes Demokratike të Kosovës (LDK), ku kërkuan largimin e Fatmir Sejdiut nga kreu i partisë dhe kandidimin e Isa Mustafës, për këtë post, pasi sipas tyre, Mustafën do ta votojë tërë populli.

Protestuesit mbanin në dorë pankarta dhe fotografi të Isa Mustafës, ndërsa gjatë tërë kohës me brohoritje kërkuan largim e Sejdiut.

Organizatorët e protestës thanë se edhe pse e duan Fatmir Sejdiun, ka ardhur koha që të largohet ai, sepse sipas tyre Isa Mustafën do ta votojë gjithë populli.

Një protestë e ngjashme është mbajtur edhe javën e kaluar, ku mbështetës të Isa Mustafës kërkuan kandidimin e tij për kryetar të LDK-së.

Mustafa pas protestës, ishte shpreh i gatshëm që të kandidojë për kreun e LDK-së, nëse një gjë e tillë kërkohet nga ai.

[mebybe]

Merruni more me diqka tjeter o LPK-ista. Shiqoni dosjet qe po iu dalin ne drite. Ky Ibari po del Ali ahmeti.
Vetem komunistat e kan bere ketyre here kongresat (Kongresi 8) siq e ka ba PDK-ja.

[Llapi]

Merruni more me diqka tjeter o LPK-ista. Shiqoni dosjet qe po iu dalin ne drite. Ky Ibari po del Ali ahmeti.
Vetem komunistat e kan bere ketyre here kongresat (Kongresi 8) siq e ka ba PDK-ja.

po ju edhe ne kupshi e ne plaseshi kuj spo i rruhet per ju
PDk e rizgjodhi shefin e vet edhe per 4 vite
e nuk e ka zgjedh per qefin e juaj jo
kot vajtoni

[Llapi]

LDK e bukoshit-rugova


LDK mbeti parti e mahallave Haaaaaaaa

LDK e fatmir sejdiut
LDK e bukoshit-rugova
LDK e isa mustafes (e hajnave te kodres se trimave)
LDK e ali lajqit
LDK e negjat dacit tash (LDD)

po qka i thon kesaj pune veqse ka mbet parti e mahallave
dhe ju lumt Hashim Thaçit se boll mire jau ka siell
ju lumt edhe njiher qe e shkatrroi ket parti sllavo-komuniste-titiste

[Llapi]

Me ne fund edhe "bomba e madhe" (ndarja) ne LDK plasi!


Bujari e Uka shpallin listën “LDK, Ibrahim Rugova”

Bujar Bukoshi dhe Ukë Rugova publikuan të enjten pasdite Listën Alternative “LDK - Ibrahim Rugova”, me të cilën do të garojnë në zgjedhjet e ardhshme parlamentare.
Bukoshi e Rugova sqaruan se kjo listë nuk është parti e re politike, por një fraksion brenda LDK-së, i cili do të garojë në zgjedhjet e ardhshme, nëse do të lejohet si e tillë nga KQZ, nëse jo atëherë ky fraksion do të garojë si iniciativë qytetare.

Vendimi për të dalë si fraksion i veçantë brenda LDK-së është marrë pas një takimi që ka zhvilluar Rugova të mërkurën me kryetarin e LDK-së, Fatmir Sejdiu, e të cilit i ka kërkuar që të largohet nga LDK, respektivisht ta lëshojë rrugën për reforma dhe ringjallje të kësaj partie.

Por, meqë Sejdiu nuk e ka pranuar këtë, kampi i Bukoshit ka vendosur që të dalë me fraksion të veçantë brenda LDK-së dhe si i tillë të garojë në zgjedhje parlamentare. Deklaratën me vendimin për krijimin e këtij fraksioni e lexoi i biri i ish- presidentit të ndjerë, Ukë Rugova, anëtar i ri nga kampi i Bukoshit.

“Me vendimin për krijimin e listës LDK Ibrahim Rugova, ne nuk po braktisim LDK-në, dhe nuk po krijojmë parti të re. Me këtë iniciativë, po krijojmë iniciativë për votuesit e LDK-së, që janë dëshpëruar nga keq-menaxhimi i vazhdueshëm i kësaj partie, që nga marrja e udhëheqjes nga zotëri Fatmir Sejdiu”, tha Rugova në një konferencë në selinë rezidencë të ish- presidentit Rugova.

Përmes deklaratës, Rugova tregoi arsyet, të cilat e kanë sjellë kampin e Bukoshit deri te ky vendim. Sejdiu, për arsye thjesht individuale dhe kapriciotë personale, sipas Rugovës refuzon çdo ide që do të sillte reforma, hapje dhe ringjallje të LDK-së. Klani i Sejdiut, tha ai, e ka sjellë LDK-në në këtë gjendje – ku në zgjedhjet e fundit para erës “Sejdiu”, ajo kishte mbi 45 për qind të elektoratit, kurse katër vjet më vonë, nuk e ka as gjysmën e kësaj vote.

“Vota për listën “LDK Ibrahim Rugova” është votë kundër bunkerizimit dhe uzurpimit të LDK-së nga Fatmir Sejdiu dhe grupi i tij. Prej sot LDK-ja e Ibrahim Rugovës e ka adresën pikërisht në këtë shtëpi, pra në Velani, LDK e manipuluar nga Hashim Thaçi dhe interesat personale të Fatmir Sejdiut e ka adresën te Qafa”, tha Rugova.

Bukoshi e Rugova kërkuan që kuvendi i rregullt zgjedhor i LDK-së të mbahet tek pas zgjedhjeve parlamentare, kuvend ky i cili sipas tyre, do ta unifikojë dhe ngjallë LDK-së. Në të kundërtën, ky kuvend nuk konsiderohet i rregullt.

“Konsiderojmë se kuvendi emergjent, i cili është provokuar nga Sejdiu ka vlefshmëri vetëm për tejkalimin e krizës aktuale. Kërkojmë që menjëherë pas zgjedhjeve parlamentare, LDK duhet të mbajë kuvendin e rregullt zgjedhor, kuvend ky i cili do ta unifikojë dhe ngjallë LDK-në. Ne nuk kemi besim në një proces të inskenuar dhe manipuluar nga një njeri, i cili e ka dëshmuar mosrespektim e tij ndaj Kushtetutës, ligjit, rregullave dhe institucioneve të vendit”, tha Rugova.

Përndryshe, kampi i Bukoshit nuk ka arritur të sqarojë për Kosovapress, se si mund një LDK të garojë me dy lista zgjedhore, meqë pjesëtarët e këtij kampi, thonë se do të garojnë me listën e tyre, si fraksion politik brenda LDK-së dhe jo si parti politike.

“Që ka mundësi Komisioni Qendror Zgjedhor, janë të parapara edhe me Kushtetutën janë të gjitha të parapara. Kjo do të jetë iniciativa qytetare ‘LDK -Dr. Ibrahim Rugova’, në qoftë se nuk lëshojnë pe”, tha anëtari i Kryesisë së LDK-së, nga fraksioni i Bukoshit Astrit Haraqija.

Por, a është kjo iniciativë fraksion apo parti politike?

“Është fraksion i Lidhjes Demokratike të Kosovës, dhe absolutisht asnjë moment nuk jemi larguar prej Lidhjes Demokratike të Kosovës”, tha Haraqija.

Edhe Bukoshi ka mohuar që Lista Qytetare “LDK Ibrahim Rugova” të jetë parti politike.

“As që bëhet fjalë për një parti të re politike, për një subjekt të ri politik, por është fjalë për një iniciativë qytetare e cila me ligj, mundësohet, qëllimi i të cilës është për t’i shpëtuar votat e LDK-së. Nuk ka kurrgjë kolizive këtu, prandaj ne takohemi në kuvendin, pas këtyre prurjeve”, tha Bukoshi.

Edhe Bukoshi kërkoi që të ndërpritet kuvendi zgjedhor i LDK-së, pasi që siç tha gara për kryetar të lidhjes Demokratike të Kosovës është e minuar Fatmir Sejdiu. Bukoshi përndryshe nuk do ta pranojë kuvendin e LDK-së, edhe po të zgjidhej kryetar.

“Edhe kuvendi, i cili tani së shpejti do të mbahet do të jetë një kuvend sa për sy e faqe, për t’i bishtnuar praktikisht këtij procesi edhe për të zhvendosur vëmendjen. Do të jetë një kuvend për t’iu shmangur sfidave ligjore, edhe do të ketë një Kuvend i cili do të jetë “Thaçi 2”, tha Bukoshi.

Kampi i Bukoshit ndërkaq tërthorazi e pranoi për Kosovapress se do të bashkohet me LDD-në, e cila po ashtu thirret në frymën Rugoviane.

“Ne do të kontaktojmë me figurat më eminente të LDK-së dhe fraksioneve tjera që kanë dalë nga LDK, si LDD-ja, në mënyrë që t’i kontaktojmë ata njerëz, të cilët e kanë kapitalin brenda për brenda LDD-së, në mënyrë që ata t’i bashkojmë së bashku, dhe t’iu tregojmë kësaj LDK-së, kësaj udhëheqje aktuale të LDK-s që e kemi fuqinë, emrin dhe politikën që e ka udhëhequr presidentin Rugova, dhe në këtë formë t’i bindim ata se kjo është LDK-ja e vërtetë dhe jo kjo LDK e cila e ka humbur rrugën në oborr të veti”, ka thënë djali i ish presidentit Ibrahim Rugova, Ukë Rugova.

/kosovapress/

[Disa]

LDK-ne po e perkrahin hajnat e Kodres Trimave,ehhhhhh ZOTI i vrafte qe na felliqen lagjen,ku kjo lagje gjithmon ka bere kryengitje ndaj okupatorit serb,po ku me ran hise kta magjup bre.

[Llapi]

Krimineli Uke Rugova i biri i Kryekriminelit e Kryetradhtarir Ibrahim Rugova


Tradita vazhdon

Me ndarje. Dhe me një Rugovë që vendos në Velani.
Nga Shpend Limoni më 29 tetor 2010 në ora 07:54

Një ditë pasi kanë dështuar të bindin Fatmir Sejdiun që të heqë dorë nga gara për kreun e Lidhjes Demokratike, krahu i Bujar Bukoshit ka zyrtarizuar iniciativën për të ecur ndaras nga pjesa tjetër e partisë në zgjedhjet e përgjithshme në vend.

Këtë plan e ka bërë publik Ukë Rugova bashkë me Bujar Bukoshin, Astrit Haraqinë dhe Dardan Gashin, në një konferencë për media në Rezidencën e dikurshme të Presidentit Ibrahim Rugova në Velani.

“Sot po ju informojmë për formimin e një liste alternative të LDK’së, me të cilën planifikojmë të kandidojmë në zgjedhjet e ardhshme parlamentare. Me vendimin për krijimin e listës LDK - Ibrahim Rugova, ne nuk po e braktisim LDK’në dhe nuk po krijojmë parti të re me këtë iniciativë, po krijojmë alternativë për votuesit e LDK’së që janë dëshpëruar nga keqmenaxhimi i vazhdueshëm i kësaj partie që nga marrja e udhëheqjes nga z. Sejdiu”, ka thënë Rugova i Ri, në një deklaratë që e ka lexuar para mediave.

Djali i ish-Presidentit Rugova ka rrëfyer për një takim me Kryetarin aktual të LDK’së, Fatmir Sejdiun që e ka realizuar të mërkurën.

Rugova ka thënë se i ka kërkuar Sejdiut që të heqë dorë nga ambicia e tij për të udhëhequr edhe një mandat Lidhjen Demokratike të Kosovës.

Por, as Uka nuk ka arritur të bindë udhëheqësin e LDK’së nga planet e tij.

“Kërkesa ime ka qenë që ai të largohet nga posti i Kryetarit të LDK’së, sepse i kam shfaqur edhe brengat e mia personale, edhe të shumicës së degëve dhe shumicës së elektoratit të LDK’së që dëshirojnë ndryshime brenda LDK’së, pikërisht ndryshimi kryesor është që ai të lëshojë pozitën e Kryetarit dhe të mos kandidojë më”, ka thënë ai.

“Ai vetëm e dëgjoi mendimin tim dhe tha se do të vazhdojë”, ka thënë Ukë Rugova.

Kjo përgjigje ka nxitur Ukë Rugovën ta sulmojnë Kryetarin aktual të LDK’së.

“Pavarësisht përpjekjeve tona, kapriciet personale dhe z.Sejdiu nuk lejojnë asnjë kompromis që do të rrezikonte interesat e tyre personale”, ka thënë Rugova.

Ai e ka akuzuar Sejdiun se e ka shtyrë vendin në krizë me vendimet e tij.
Pavarësisht se kanë krijuar një listë me të cilën planifikojnë të garojnë në zgjedhjet e ardhshme, Ukë Rugova dhe Bujar Bukoshi mohojnë se kanë braktisur LDK’në dhe se kanë krijuar parti të re.

“Ne nuk po e braktisim LDK’në dhe nuk po krijojmë parti të re. Me këtë iniciativë po krijojmë alternativë për votuesit e LDK’së që janë dëshpëruar nga keqmenaxhimi i vazhdueshëm i kësaj partie që nga marrja e udhëheqjes nga z. Sejdiu”, ka thënë ai.

Por, rrugët e dy krahëve duket se përfundimisht janë ndarë.

Për këtë nuk ka lënë dilemë vetë Ukë Rugova, duke thënë se dy krahët do të ndahen në dy shtëpi. Me këtë rast, ai ka thënë se Fatmir Sejdiu është i manipuluar nga Hashim Thaçi.

“Prej sot, LDK’ja e Ibrahim Rugovës e ka adresën pikërisht në këtë shtëpi, pra në Velani. LDK’ja e manipuluar nga Hashim Thaçi dhe interesat personale të Fatmir Sejdiut e ka adresën te Qafa. Anëtarët e listës, platforma zgjedhore e saj dhe detajet e tjera do të komunikohen brenda javës së ardhshme”, ka thënë Rugova.

Ai ka thënë se gjatë javës së ardhshme do të bëhet e ditur se kush do të jetë në krye të kësaj liste. Ai ka paralajmëruar se ky grup do të kërkojë nga Kryesia e LDK’së që të mbështet iniciativën e tyre, e po ashtu ka paralajmëruar biseda edhe me Isa Mustafën, i cili duket se akoma nuk është përcaktuar se çfarë rruge do të ndjekë.

“Ne do të kontaktojmë me figurat më eminente të LDK’së dhe partive të tjera që kanë dalë si fraksione prej LDK’së, si LDD’ja, në mënyrë që t’i kontaktojmë ata njerëz që e kanë kapitalin dhe bagazhin brenda LDK’së, në mënyrë që ata t’i bashkojmë”, ka thënë ai.

Arsyet e tjera që kanë çuar në formimin e kësaj liste i ka përmendur Bujar Bukoshi.

Ai ka thënë se Sejdiu ka manipuluar procesin zgjedhor dhe pikërisht për këtë Bukoshi ka përjashtuar mundësinë që ta shpallë kandidaturën në Kuvendin Zgjedhor të LDK’së. Kuvendin e LDK’së që pritet të mbahet shpejt, Bukoshi e ka krahasuar me atë të Partisë Demokratike të Kosovës.

“Tani nuk ka garë, nuk ka kandidatë të cilët garojnë, por do të ketë një Kuvend për t’iu shmangur sfidave ligjore edhe do të ketë një Kuvend, i cili do të jetë Thaçi 2 ta zëmë”, ka thënë Bukoshi.

“Gara dhe procesi zgjedhor brenda LDK’së është e minuar, është e suspenduar dhe s’ka asgjë prej kësaj gare, edhe Kuvendit i cili së shpejti do të mbahet, do të jetë një Kuvend sa për sy e faqe, për t’i bishtnuar praktikisht këtij procesi”, ka shtuar ai.

Bukoshi ka thënë se synon të marrë kreun e LDK’së në një Kuvend të “mirëfilltë dhe rregullar”.

“Edhe sikur në Kuvend të LDK’së të zgjidhesha unë, nuk do ta pranoja, sepse është Kuvend që nuk është rregullar. Prandaj, nuk është kurrfarë kënaqësie kur zgjidheni nga një kuvend i manipuluar”, ka thënë ai.
Sipas tij, LDK’ja duhet të mbajë një Kuvend tjetër pas zgjedhjeve.
“Ne takohemi në Kuvendin e mirëfilltë, pas zgjedhjeve parlamentare”, ka thënë Bukoshi.

Para selisë së Lidhjes Demokratike të Kosovës, ditëve të fundit janë mbajtur edhe disa protesta, në të cilat është kërkuar dorëheqja e Sejdiut.

Bukoshi ka sqaruar se nuk ka lidhje me protesta të tilla.

“Nuk ka kam farë pozicionimi rreth protestave, por protestat janë simptomë se nuk janë në rregull. Absolutisht nuk kam lidhje. Unë jam politikan, nuk dal në rrugë”.

Duke folur për vendimin që lista të quhet LDK-Ibrahim Rugova, i biri Presidentit të ndjerë ka thënë se kjo është bërë me qëllim që të shpjegohet se LDK’ja aktualisht ka devijuar nga konceptet e Ibrahim Rugovës.

“Ndoshta pikërisht këtu dëshirojmë të ndajmë në një formë konceptin real që e ka pasur Presidenti Rugova për LDK’në, sepse kjo udhëheqësi e ka humbur dhe ne e kemi bërë këtë me qëllim që t’i tregojmë elektoratit që me këtë listë ne do të vazhdojmë rrugën e Presidentit Rugova”.

Sipas tij, kjo listë mund të dalë e para pas zgjedhjeve nacionale.

“Do të shohim në ditët në vijim që kjo listë do të jetë e hapur për të gjithë dashamirët e LDK’së dhe të politikës që ka udhëhequr Presidenti Rugova dhe besoj se do të jetë një listë që do të pasqyrojë unifikim dhe pasqyrim të elektoratit dhe kështu që kjo listë do të rezultojë me pozitën e parë në zgjedhjet e ardhshme nacionale”, ka thënë ai.

Pavarësisht se kanë insistuar se nuk janë larguar nga Lidhja Demokratike e Kosovës, Astrit Haraqija dhe Bujar Bukoshi kanë përmendur se ata do të garojnë si listë qytetare.

“Po insistoj që të jemi të gjithë të qartë, as që bëhet fjalë për një parti politike, apo për një subjekt politik, por është fjala për një iniciativë qytetare, e cila me ligj mundësohet, qëllimi i të cilës është për t’i shpëtuar votat e LDK’së, nuk ka asgjë kolizive këtu”, ka thënë Bukoshi.

[strong_07]

Politika kosovare ne kriz te thell a do dalin nga kjo mjegull?