Ku po shkon LDK-ja sot?

[laguna blu]

Ishalla si shpallin të gjithë përnjiheri se po don me mbetë Kosova pa LPK e PDK...

[Llapi]

“Plisat” duan Isën dhe largimin e Sejdiut

Publikuar: Sot, më 25 tetor 2010


Prishtinë, 25 tetor (e plotësuar) – “Plisat” e Prishtinës në këto momente po manifestojnë para selisë së Lidhjes Demokratike të Kosovës, me thirrjet Isa kryetar, Sejdiu të largohet. Me gjithë thirrjen një orë më parë të kryetarit aktual të Prishtinës që të mos shkruhen grafite dhe që “Plisat” të heqin dorë nga manifestimi në favor të tij, ata tashmë po manifestojnë me brohoritje ”Isa, Isa...!” dhe “Fatmir largohu!...”
Shumica e pjesëmarrësve në këtë manifestim përkrahjeje për Isa Mustafën kryetar të LDK-së vijnë nga Kodra e Trimave.

Kandidati më i përfolur për kryetar të Lidhjes Demokratike të Kosovës, Isa Mustafa, ka dalë sot papritmas në një konferencë shtypi, me lutje drejtuar përkrahësve që të mos shkruajnë grafite nëpër mure në favor të tij. Në orën 10 e 15 minuta, para selisë së kësaj partie, ai është shfaqur para gazetarëve edhe me kërkesën, drejtuar “Plisave” të Prishtinës, që të heqin dorë nga manifestimi i paralajmëruar i tyre në përkrahje të kandidimit të tij për kryetar të LDK. Me gjithë thirrjen “Plisat” në orën 11 e 30 minuta do të mblidhen para selisë së LDK-së për të manifestuar përkrahjen për kandidimin e Mustafës kryetar të saj.
Por i pyetur nga gazetarët nëse do të thotë kjo se ai nuk do të kandidohet, ai as e ka mohuar, as e ka pohur një gjë të tillë. Ka thënë se do të respektojë Statutin, sipas të cilit kandidaturat shpalosen në Kuvendin e partisë.
Ndërkohë, para selisë së Lidhjes Demokratike është prezantuar tashme ish-anëtarja e AKR-së, Rita Hajzeraj, e cila u tha gazetarëve se kishte aderuar në partinë të cilës i takonte tash njëzet vjet (ajo tash ka njëzet e tetë vjet), pra në Lidhjen Demokratike të Kosovës.
Faleminderit për rekomandimin Faleminderit për rekomandimin
Shpërndaje artikullin:

[Drenica 97]

O tlumt na tifozet e furbollit po doin me imponu kush behet kryetar partie, imitim i tifozve serb ......

[Falco115]

Tashmë po shifet se pas vdekjes së të madhit president Rugova, LDK-ja udhehiqet nga disa karierist të çmëndur, të etur aq shumë per pushtet sa qe partin dikur me te madhe po duket se do ta bejne te mos mbijetoje gjatë në skenen politike kosovare. LDK-ja pas vdekje se presidetit Rugova po shkon çdo ditë e më shumë drejt minimizimit të influencës se saj ne skenen politike, e ka humbur kredibilitetin e sajë karshi votuesit kosovar, e kjo ndodh për faktin se ky votues me të drejtë, disa herë radhazi po gjendet i tradhtuar nga lideret e kesaj partie. Ish presidenti Fatmir Sejdiu në keto ngjarjet e fundit dëshmoi qartë se më shumë se sa njeri konsensual paska qenë lakmitar për privilegjet qe ia ka sjellë detyra e presidentit.
Prishja e koalicionit qeverisës menjeherë pas doreheqjes se Sejdiut, flet në menyren më argumentuese se etika e lidereve të këtyre dy partive LDK dhe PDK është në piken zero. Se Lidhja Dmokratike ka dalur nga binarët e saj, e dëshmojnë shumë faktorë të cilet tashmë jan evident per qytetarin e Kosoves. Nëse Ldk nuk paska qenë e kënaqur me qeverisjen e vendit deri në këtë periudhë, pse nuk ndërmori hapa më konkret më heret rreth mundësise se prishjes se koalicionit? E qartë ,derisa kjo parti gëzonte privilegje si pjesë e koalicionit , mbyllte sytë para korrupsionit dhe krimit të organizuar duke i duartrokitur keq'qeverisjes me Pdk-ne , ish oponentin e saj të dikurshem.
Politika kundervënese e LKD-se me Pdk-ne ne keto ditet e fundit të keq'qeverisjes së tyre, mendoj qe nuk do të kete efektin për te cilin menduan keto dy parti. Elektorati i LDK-se dhe mbare populli kosovar e kane kuptuar lojën e ndyrë, me të cilen u karakterizua jo vetem Ldk po edhe PDK që nga kurorezimi i tyre, dhe epilogu i kësaj loje është logjik, ngase i bashkoi epshi per pushtet dhe i ndau epshi per pushtet.
Mendoj qe kjo parti do të ndeshkohet keq nga qytetaret e Kosoves, dhe çdo herë e më pak do i jepet mundesia qe te perdhosë votëbesimin e qytetarit. Duhet bëre ndryshime radikale ne LDK sepse nëse gjerat rrjedhin kështu ,se shpejti do jet nje parti shumë e vogel e ndoshta edhe jashtëparlamentare...

[Disa]

Drejt Shkaterrimit..........

[K.i EPERM]

Ku po shkon LDK-ja sot? --le të shkoj ku të don vetem largë e më largë Qeverisë

Shëndët e suksese ????????????????????????????????????????

[e panjohura]

Ku po shkon LDK-ja sot? --le të shkoj ku të don vetem largë e më largë Qeverisë

Shëndët e suksese ????????????????????????????????????????

N'kat te poshtem..........

[Llapi]

Thyerjet në shesh

Pakënaqësia me zhvillimet brenda LDK’së, të hënën doli në rrugë. Rreth 100 protestues kanë kërkuar para Selisë së LDK’së largimin e Fatmir Sejdiut nga posti i Kryetarit të partisë. Ata shprehen përkrahje për Isa Mustafën dhe Ukë Rugovën. Kryetari i Prishtinës thotë se do të përkrahë rizgjedhjen e Sejdiut nëse këtë e kërkon anëtarësia e partisë. Nëse kjo nuk ndodh, ai paralajmëron zgjidhje tjera. LDK zgjedh kryetarin javën e ardhshme.
Nga Bekim Greiçevci më 26 tetor 2010 në ora 08:01

Përveç rivalitetit dhe gjuhës së ashpër në garën për Kryetar të LDK’së mes kampeve të Fatmir Sejdiut dhe Bujar Bukoshit, në këtë proces zgjedhor janë përfshirë edhe protestues të cilët kërkojnë që kësaj partie t’i prijë Isa Mustafa.

Rreth 100 simpatizantë të LDK’së nga lagjja Kodra e Trimave, kanë marshuar të hënën paradite rrugëve të Kryeqytetit, për t’u ndalur rreth orës 11:20 para selisë qendrore të LDK’së.

Duke brohoritur “Ukë Rugova”, “Isa Kryetar”, ata kanë kërkuar largimin e Fatmir Sejdiut nga posti i Kryetarit të partisë.

Po ashtu, kanë bartur pankarta me parullat: “Fatmir Sejdiu ik, shpëto LDK’në, “E duam Isa Mustafën për Kryetar të LDK’së”. “Votove Ukën, votove Ibrahim Rugovën”, etj.

Protesta e tyre ka zgjatur 15 minuta dhe pastaj janë shpërndarë të qetë, nën vëzhgimin e policisë.

Askush nga zyrtarët e LDK’së nuk doli të flasë me protestuesit.

Porosi të njëjtë si protestuesit janë dhënë edhe me grafite të shkruara në pjesë të ndryshme të Prishtinës, veçanërisht në lagjen Kodra e Trimave, që është një bastion i LDK’së dhe dega më e madhe e kësaj partie, së cilës i prin Ismet Beqiri, një nga përkrahësit më të mëdhenj të Fatmir Sejdiut.
Disa nga grafitet në rrugë dhe mure të disa lagjeve në Prishtinës janë fshirë, por nuk dihet nga kush.

Sidoqoftë, një orë para mbajtjes së protestës, në selinë e LDK’së është mbajtur një konferencë për shtyp, në të cilën është paraqitur edhe Isa Mustafa.

Kryetari i Prishtinës kërkoi që të ndërpritet përkrahja publike për të.
“Konsideroj që ne nuk kemi nevojë që këto punë t’i bëjmë përmes grafiteve, përmes parullave, të cilat po shkruhen në qytet, përmes faqeve të internetit, facebookut, ose përmes thirrjeve që të bëhen protesta para zyrave të Lidhjes Demokratike, për arsye se ato nuk na ndihmojnë që në mënyrë demokratike t’i kryejmë proceset. Ato janë një formë e presionit”, ka thënë Mustafa.

“Ndoshta veprim jo qëllimkeq nga ata që e bëjnë, sepse njerëzit mendojnë që në forma të ndryshme duhet ta përkrahin LDK’në, por ne kërkojmë që përkrahja të bëhet përmes institucioneve të LDK’së, përmes anëtarësisë, përmes degëve nëndegëve, aktiveve të LDK’së dhe të gjitha këto do të kurorëzohen në Kuvendin e Lidhjes Demokratike, i cili do të mbahen me vendim të Kryesisë dhe të organeve legjitime të LDK’së”, ka shtuar ai.
Pjesëmarrësi tjetër në konferencën për shtyp, Ismet Beqiri konsideron se përmes përkrahjeve publike po tentohet përçarja në LDK.

“Tentimi i kujtdo qoftë që të krijojë hendeqe mes nesh, nuk do të ketë sukses. Kjo është shumë e qartë. Ne shquhemi si parti institucionale, e cila e respekton rendin, rregullin dhe procedurat. Ne jemi ata që e përçojmë vullnetin e anëtarësisë. Për çdo gjë vendos Kuvendi, për çdo gjë vendosin procedurat dhe rregullat që janë të përcaktuara”, tha ai.

Forumi Rinor i LDK’së, udhëheqja e të cilit mbështet Sejdiun, është distancuar nga protestuesit.

“Forumi i Rinisë i LDK’së, për hir të sqarimit të opinionit publik dhe të anëtarësisë së vet, njofton se grumbullimi i sotëm i disa të rinjve para selisë së LDK’së nuk paraqet qëndrimin e strukturave dhe anëtarëve të Forumit të Rinisë dhe nuk është në frymën e filozofisë politike të LDK-së”, thuhet në një deklaratë për media.

Në konferencën për media, Isa Mustafa bëri të ditur se është duke biseduar me Sejdiun për arritjen e marrëveshjeve brenda LDK’së që për Kryetar të kandidohet ai që ka mbështetjen e anëtarësisë së partisë.

“Do të respektoj marrëveshjet e brendshme, të cilat ne do t’i bëjmë në LDK. Unë kam bashkëpunim të shkëlqyeshëm dhe kam raporte të shkëlqyeshme me Kryetarin e Lidhjes Demokratike. Me të i bisedoj këto çështje dhe do të vazhdoj t’i bisedoj edhe më tutje dhe unë mendoj se do të mbizotërojë në të gjitha këto arsyeja, do të mbizotërojë konsensusi ynë i brendshëm”, ka thënë ai.

Edhe duke u përgjigjur në pyetjen direkte se a do të kandidohet për Kryetar të partisë, Isa Mustafa sërish përmendi “marrëveshjet e brendshme”. Por, ai bëri të qartë se mund të kandidojë, nëse bindet se anëtarësia e LDK’së kërkon tjetër lider.

“Unë qartë e kam thënë se çështja e kandidimit në Lidhjen Demokratike është çështje e marrëveshjeve të brendshme, e një konsensusi të brendshëm dhe unë do ta përkrah Kryetarin e tanishëm të Lidhjes Demokratike, i cili e ka mandatin legjitim, z. Sejdiu, në qoftë se e përkrah anëtarësia dhe degët e LDK’së. Në qoftë se anëtarësia kërkon zgjedhje tjetër, unë jam i gatshëm të ballafaqohem me këto zgjidhje, por unë mendoj që z. Sejdiu ka treguar sukses të mirë, ai ka udhëhequr në mënyrë të ndërgjegjshme me Lidhjen Demokratike”, ka thënë ai.

Mustafa, i cili ka qenë Ministër i Financave në Qeverinë Bukoshit gjatë viteve ’90, është kandiduar për kryetar të Prishtinës, në vitin 2007, i përkrahur nga Fatmir Sejdiu. Por ai tha se nuk ka asnjë borxh ndaj Sejdiut që do ta pengonte të mos garojë për Kryetar.

“Jo, borxh nuk kam. I kam borxh statutit të LDK’së, sepse me statutin e LDK’së janë të parapara procedurat se si shkohet në zgjedhje. Në Statut është paraparë që në zgjedhje të shkohet në Kuvend dhe që para Kuvendit të ekzistojë marrëveshja brenda LDK’së se si do të bëhen këto zgjedhje. Do të thotë asnjë borxh individual nuk e kemi këtu”.

Deri më tash, kandidaturën për Kryetar të LDK’së e ka shpallur Bujar Bukoshi, ndërkaq Fatmir Sejdiu është kandiduar nga Dega e Fushë-Kosovës. Asnjëra nga to nuk është zyrtare deri në Kuvendin Zgjedhor.

Kuvendi, me shpejtësi
Lidhja Demokratike e Kosovës do të mbajë Kuvendin Zgjedhor javën e ardhshme, pavarësisht se në shumicën e degëve nuk ka përfunduar procesi zgjedhor, kanë thënë të hënën burime të Expressit.

Në takimin e djeshëm me kryetar të degëve të LDK’së, Fatmir Sejdiu ka kërkuar që të shpejtohet procesi zgjedhor dhe kuvendet nëpër degë të mbahen deri në fund të kësaj jave, kanë thënë burime brenda kësaj partie.
Ky vendim dëshmon se kryetari aktual i LDK’së është bindur se pas tërheqjes së ministrave nga Qeveria, zgjedhjet e jashtëzakonshme janë të pashmangshme.

Se zgjedhjet e brendshme do të kryhen me shpejtësi, ka konfirmuar edhe Isa Mustafa.

“Ne sigurisht do ta bëjmë një kuvend meritor, por një kuvend i cili do të bëhet më shpejt sesa atë që kemi planifikuar të mbahet në qoftë se Kuvendi i Republikës së Kosovës vendos që të shkohet në zgjedhje të parakohshme në një datë të më hershme”, ka thënë ai.

[kruja78]

Kriza e LDK-se dhe Dalja nga kualicioni me PDK-ne
Sipas mendimit tim dhe disa informacionev te sigurta ,shkaktari krysor i daljes se LDK-se nga kualicioni nuk ishte marrja e vendimit kunder PTK-se e as shkarkimi i presidentit me anen e shkeljes se kushtetutes por ishte kjo e vertet,,,LDK nuk deshiron ta miratoj ligjin per Familjet e Deshmoreve,Invalidet e Luftes,per Veteranet e luftes eshte e sigurte njeqinperqinde qe LDK ka dalure nga kualicioni,.kjo nje dite do te dal ne shesh qka po e them sot....

[Dashnori_84]

Nese fiton Isa Mustafa garen,nese kandidon ,4 vjet ne opozite,pastaj pushtetin-

perdryshe kush e merr tjeter timonin e ldk,edhe 4 vjet ne parlament,

na ishte dikur ldk.