Ku po shkon LDK-ja sot?

[Llapi]

valla o llap.. ai njani.. qaj pejgamberi Rugov.. ose qaj shallxhia.. e njihke mire slloben e filozofin kah kish dal slloba.. e nga se e njihke mire.. u perpoq i ngrati me tana mundesit qe kish.. mos me ja dhan sllobos qat kenaqsine.. qe ai e geni i tij.. e priste moti.. pra.. me e vnue shqiptarin e kosoves ne gryk te mitralozit e nen zinxhira te tenkit.. e ne furra te shkritoreve..

mirpo dulet ju ma te zot.. e ja lidhet dur e goj Rugoves.. e me mjeshtri te lart e realizuat qat qe slloba memzi e priste..pra me i ardh shanca me e cue popllin shqiptar te kosoven atje ku e kish dasht me e pa akademija e beligradit moti.. pra nen mitraloz te kragujevcit e nen zinxhira te tenkit e ne furra te shkritoreve..e nen gropa varre masive.. a ne otranto e me hup faret krejt..


mirpo kish pas pas zot or ti shok..

e ai ndiu e i foli ne vesh billit e blerit.. e u tha.. kqyrni tha pak qatje ne kosov se.. po e faron qaj slloba at te mjerin popull..

e billi me bler.. xerr telefonave.. e klarku i nisi shqipet e natos pi aviano.. dhe..

e din ti masandej kusurin e historis..

..

Haaaaaaaaaaaaaa
po valla ja lidhum duert e ja pshurrum planet ati e sllobes dhe e fituem lirin pavarsin shtetin e Kosoves mos te ardht merzi
po ti lejshum ata dy coftinat te benin siq filluen edhe 1000 vite ishim nen sundimin e shkaut

[Homza]

per ferizaj

[ARIANI_TB]

[Llapi]

http://www.youtube.com/watch?v=QKpey...eature=related

po edhe ty te ka rrok sikleti edhe ma i madh
qe spo ja del te besh ma shum kunder kryeçlirimtarit te Kosoves
perveq qe po na sjell matrial propagandistik nga mediat serbe kunde
Kryeçlirimtarit

a e pe Hashimin me nji te shkueme ne ate kuvend
e pshurri LDK-ne e ndajti ne dysh a tresh a haaaaaa
dhe i shoshiti mier dhe nji pjes te tyre i futi ne LDK-ne e sodit apo me mire than te sejdiut
qe te gjith e dim se ajo eshte vetem si nji nendeg e PDK-se e hiq ma teper
ska ma LDK

e ti vajto ishe partin tane te zemres hala LDK-ne

[Llapi]

Gjakderdhja e LDK’së
Të shkruash për LDK’në është tepër monotone. Skenari është i njëjtë, vetëm emrat e viktimave ndryshojnë

Nga Berat Buzhala më 07.09.2010 në ora 12:48
Ajo çfarë ka ndodhur, çfarë po ndodh aktualisht dhe çfarë pritet të ndodhë në javët dhe muajt në vazhdim, në Lidhjen Demokratike të Kosovës, për nga bizariteti, mund të jetë vepër arti.

Që pesë vjet, në ketë parti nuk ka pushuar gjakderdhja, kurse lidershipi vazhdon të krihet para pasqyrës, duke ia shtruar asaj disa pyetje që tashmë i dimë të gjithë.

Prej vdekjes së Presidentit Ibrahim Rugova, LDK i ka humbur një palë zgjedhje nacionale dhe dy palë lokale; e ka ndarë partinë në dysh; i kanë ikur kuadro e deputetë dhe ka humbur numrin më të madh të komunave që ka pasur nën kontroll.

Kjo parti ka humbur çdo gjë që mund të humbiste.

Ajo është e kidnapuar prej disa personave që deri më tash për asgjë askujt nuk i kanë dhënë llogari.

Po jetojnë në mohim të vazhdueshëm me realitetin.

Ka kohë që është bërë e mërzitshme të shkruash për LDK’në. Gjërat e njëjta tashmë po përsëriten me përpikëri astronomike. Krejt çka ndryshon është numri dhe emri i viktimave që pësojnë, për shkak të politikave anakronike dhe represive të udhëheqësisë së kësaj partie.

Një herë ka qenë viktimë Nexhat Daci, më vonë mund të jetë Bujar Bukoshi, Ukë Rugova, ose kushdo tjetër që synon që në mënyrë legjitime të bëhet pjesë e ndryshimeve apo debatit në ketë parti.

Ja, për shembull, sa të përzemërt ishin Kryesia e LDK’së ndaj iniciativës së Bujar Bukoshit për të kandiduar për Kryetar të kësaj partie: Kryesia e LDK’së, e frikësuar nga kandidatura e Bukoshit, mori vendim që të ndalohet fushata brendapartiake, tash në prag të Kuvendit Zgjedhor.

Dhe jo vetëm kaq.

Duke shfrytëzuar ndikimin që udhëheqësia e LDK’së kanë ndaj Sekretarëve Permanentë, njerëzit e afërt me partinë e Ministrit të Shëndetësisë ia organizuan një kurth, duke ia kthyer në punë Drejtorin e Suspenduar të QKUK’së, shokun Ali Sadria. Ky i fundit u prit prej një pjese të stafit të QKUK’së me tepih të kuq dhe me buqeta lulesh, në kohën kur

Ministri Bukoshi gjendet në një udhëtim zyrtar në SHBA.

Kaq sa për fillim.

Sa më serioz që të tregohet kandidati Bukoshi në garën e tij për të parin e partisë, aq më serioze do të janë masat e partisë kundër tij.

Një episod tjetër komik i Kryesisë aktuale, apo i asaj pjesës më të ngushtë të Kryesisë së LDK’së, ishte edhe reagimi ndaj paralajmërimit të Ukë Rugovës, djalit të Presidentit Rugova, për t’u bërë pjesë e garës zgjedhore në LDK.

Tash e pesë vjet, Lidhja Demokratike e Kosovës e lut Ukë Rugovën që të flasë diçka për ketë parti. Në zgjedhjet e fundit lokale, madje, e ftuan që të dilte edhe në fushatë zgjedhore dhe shpesh emri i tij brohoritej prej militantëve në salla të ndryshme.

Mirëpo, sapo Uka hapi gojën që të flasë diçka rreth proceseve zgjedhore në ketë parti, e porositën që më mirë ta mbyllë prapë gojën. Dëshirën e tij që të jetë pjesë e organeve udhëheqësve të partisë, e konsideruan si dëshirën e secilit person që ka mbushur moshën 18 vjeçare. Herë nga Prizreni e herë nga Prishtina, shkrepeshin rafalë kundër Ukës, që të ketë kujdes më hapat që po bën, sepse mundet ta korisë babanë e tij.

Vetën nuk mundi ta përmbajë nga cinizmi as Presidenti i shkrirë i shtetit dhe Kryetari i ngrirë i LDK’së, Fatmir Sejdiu.

I pyetur rreth Ukës, edhe ai, me doza të cinizmit, e përmendi moshën 18 vjeçare si kusht për të zgjedhur dhe për të qenë i zgjedhur.

Pra, sipas kësaj pjese të LDK’së, Ukë Rugova nuk është as më shumë e as më pak sesa një qytetar i rritur i Republikës së Kosovës.

Nëse është kështu, pse atëherë ai gjatë fushatës për zgjedhje lokale ulej në rreshtin e parë të sallave? Në çfarë cilësie? Si një person i moshës madhore, apo si biri i
Presidentit Rugova?

Po besoj sinqerisht se aty është ulur në cilësinë e dytë dhe që qëllimi final ka qenë që në krah të tij të mblidhen sa më shumë vota.

Mirëpo, po del që LDK e ka dashur Ukën vetëm deri në momentin kur ai ka mbledhur vota për partinë, por jo edhe si hisedar.

Njëjtë e ka dashur edhe Bujar Bukoshin, i cili, ndonëse ka qenë i vendosur në listat zgjedhore për zgjedhjet e përgjithshme diku në bisht, kishte arritur që të renditet i 14’ti prej personave më të votuar. Këtë të fundit e bënë edhe Ministër.

Por, vetëm kaq i ka dashur.

Më e bukura në pasqyrë duhet të dalë kjo pjesë e udhëheqësisë së LDK’së, përkundër anemisë që i reflektohet nga humbja e vazhdueshme e gjakut.

Në të kundërtën, thyhet pasqyra.

Kështu është tregimi për pasqyrën dhe kështu është përvoja historike.

[shalja1]

Aleati i pdk, ldk-ja eshte ne telashe po pasi ka partin ne pushtet to te rimekembet per te qendruar rreth pjatave te hyqymetit, ne te kunderten nese ldk humb elektoratin edhe pdk e humb legjimitetin ne prrallament te Kosoves.Lufta me e madhe per mbrojtje te ldk do ti takoj pdk ndoshta me transferin e pjatave fluturuese si Jakupi, Hydajeti, Rame Buja, Berat Luzha e te tjere ish deputet veteran te ldk, te kthehen per konsolidimin e partis se vogjelise. Nderi me i madhe do ti behej edhe prrallamentit te Kosoves edhe popullit te tyre edhe zgjedhesve te tyre te devotshem per ndihmen materjale elitike e familjare. Nese ende punojn ne ate politiken e tyre disfatike nenshtuese e kane zakon tani po e shifni se ju nenshtruan edhe derivatit te tyre politik pdk dhe jan ne gjendje ta mbajn kete form vetem e vetem per te sunduar nga kabineti i 'sulltanve' .Ju deshiroj ta zgjedhin komisionin falimetues sa ma shpejt qe eshte e mundur.

[xani1]

LDK bashkohet me brutalët e Rugovës


Shkruan: Xhevdet Mazrekaj

Editorial i gazetes "Bota Sot",Prishtine

Deri kur do të botohet “Bota sot” ajo do ta afirmojë filozofinë politike të Presidentit Historik, Ibrahim Rugova. Orientimi rugovian dhe fizionomia djathtiste e “Bota sot”, ka ndikuar që shumë kush ta konsiderojë “Botën sot” si gazetë partiake, si gazetë të LDK-së. “Bota sot” nuk ka qenë gazetë e partisë, se në atë parti ka pasur edhe antirugovian fanatik, e as gazetë e ndonjë misioni miqësor ndërkombëtar, siç janë gazetat tjera. Derisa Rugova disa herë vizitonte redaksinë tonë në Cyrih, “përcjellësit” e tij nëpër skuta të kafiterive të Cyrihut agjitonin kundër “Botës sot”, dhe këtë gjë vazhdojnë ta bëjnë edhe sot. LDK-ja ka botuar gazetën “Pavarësia” (pa lejen e Rugovës) duke “huazuar” gazetarë të “Botës sot”, kanë dashur kështu t’i falsifikojnë një rivalitet “Botës sot”. Aq sa ka qenë i vetmuar Rugova në LDK (siç u zbulua pas vdekjes së tij), po në atë masë “Bota sot” ka qenë e sabotuar nga krimbat fraksionarë brenda LDK-së, madje që nga ajo kohë kur filloi fushata dezertore e këtyre krimbave partiakë, largimi i fraksionarëve antirugovianë brenda LDK-së, që pas vdekjes së tij i çjerrën maskat dhe u kthyen në parti duke u komplotuar ndërveti me metodat më të fëlliqta staliniste. I kanë inkriminuar rugovistët e sinqertë pikërisht në faqet e pamfleteve të atyre gazetave që tetë vjet me radhë nuk kanë lënë intrigë dhe gurë pa lëvizur kundër Presidentit Rugova, madje duke botuar fotografi që ia deformonin fytyrën, që e tallnin për “qenin e Sharrit” dhe tash po këta “shkrihen” në një parti të cilën Rugova e ka themeluar dhe e ka ngritur deri në qendër të diplomacisë botërore (siç u pa edhe gjatë varrimit të tij). Pikë e pesë janë edhe sot, organizatorët e komploteve të fshehta kundër partisë, në luftë për tu pozicionuar në ballë të saj. Por, këtu nuk mund të mos konstatoj një fakt kategorik: ajo përmasë e opinionit dhe elektoratit që e ka pasur Rugova, ajo ende ekziston në krah të Rugovës, madje edhe kur kjo masë e madhe nuk e voton më partinë që e themeloi ai dhe që gjithnjë e më shumë po bëhet renegate e Rugovës. Edhe ne, “Bota sot” do të ekzistojmë si gazetë vetëm për elektoratin e Rugovës duke u përpjekur që ta mbajmë së bashku dhe të mos përçahet si është përçarë partia e tij. Kur thash “vetëm për elektoratin e Rugovës”, desha të them se vetëm Rugova dhe elektorati i tij kanë mbështetur filozofinë politike djathtiste, që do të thotë, kombëtare. Populli shqiptar, për shkak të historisë së tij që karakterizohet si “luftë me Lindjen okupatore” është popull Perëndimor, që do të thotë, është popull që i përket botëkuptimit djathtist.

Fjalët më lart të këtij editoriali më shtyri t’i them një lajm, që i vë pikë konstatimit, se skena politike në Kosovë është shndërruar në tezgë klandestine kontrabandiste ku shitblihen “parimet” politike, ku bëhet tregti me flamuj si në tregimet e Koliçit. Dhe ky lajm është se partia Ora “u shkri” në LDK. Pra, pas të gjitha prishjeve dhe lidhjeve të koalicioneve brenda nate, dhe kalimit të individë-aparatëve herë në një parti, herë në tjetrën, lajmi se “Ora” “u shkri” në LDK, në mediat e Kosovës as nuk u spektakularizua si sensacion i shekullit 21. Pse? Sepse tashmë është bërë rutinë e jo sensacion “këmbimi” i maskave dhe flamujve, kjo tashmë konsiderohet “lajm i demoduar” dhe opinioni tashmë është indiferent ndaj kësaj maskarade. Kjo epidemi e “profilizimeve” të partive që në mëngjes janë të majta, në mbrëmje të djathta, të nesërmen “të qendrës” ka arritur ta bind opinionin e gjerë se organizatat politike në Kosovë nuk kanë as fizionomi as koncept politik, as program as qëllim idealistik, dhe se për interesa karrieriste e ndërrojnë “fytyrën” brenda nate, e “shesin” partinë, “e blejnë” një tjetër. Si në tribunat publike ku shiteshin “robërit e bardhë” dalin “aktivistët” në shitje dhe cila parti jep më shumë, i merr, pastaj prapë i shet më shtrenjtë. Në realitet, shefat e të gjitha partive politike që në mëngjes presin në rend (si për sheqer e vaj në kohë krize) në rend “për një” presin para dyerve të ambasadave evropiane të marrin konstruksione se çfarë qëndrimi “politik” do të mbajnë gjatë ditës, dhe çfarë qëndrimi gjatë mbrëmjes dhe a u lejohet që së paku gjatë vikendit të mos i ndërrojnë fytyrat si shtriga para pasqyrës së “Borbardhës”. Kështu shembulli i fundit, “Ora” dje ishte majtiste e përbetuar (madje e formatit të shoqërisë civile), po ja sot në mëngjes lajmi se ajo u “shkri” në djathtiste. Pse, jo - djathtiste është edhe PDK-ja, AAK-ja... të gjitha janë djathtiste “ekonomiste” sipas modelit kinez. Me ide komuniste do ta zhvillojnë ekonominë kapitaliste, si në Kinë, me një ndryshim që këta djathtistë të Kosovës kanë lejuar që edhe centin e fundit të parave tatimpaguese të Kosovës “t’i kamatojnë” në bankat e Evropës. Po, se “pa krizë depresive” nuk ka ekspansion zhvillimi ekonomik, si ky që po shihet sot në Kosovë, në Kosovën e udhëhequr nga djathtistët dhe këshilltarët e tyre socialistë që rrjedhin nga partitë e tipit të Bilinguerit.

LDK-ja me postin e ngrirë të kryetarit, ndoshta do të shkrihet pas freskimit të motit, se deri tash ishte vapë, nuk e shkriu.

[shalja1]

I nderuari zoti shoke milc . meq nuk e njef fare Kosoven DHE NUK I PAGUAN TATIM SHTETIT TUAJ ME DUKET SE ESHTE E TEPERT YE SHKRUASH KOMENTE.SE PARI PAGUAJ PUNTORET TU PA KURFARE TE DREJTE PA KONTRATA PUNE PA RROGA PASTAJ NA TREGO PER POLITIKEN.

[Guri i Kuq]

LDK-ja e ka kryetarin, por duhet ta ndërrojë atë


Postuar: 17:25 / 11.09.2010




Donik Sallova

Që nga paraqitja në opinionin publik e Ukë Rugovës, djalit të Presidentit Rugova, dhe deklarimit të tij se do të angazhohet politikisht në Lidhjen Demokratike të Kosovës, si dhe me deklarimin e ish-kryeministrit Bujar Bukoshi se ai do t’i rreket garës për kryetar të LDK-së, një varg anëtarësh të kryesisë së kësaj partie dolën njëri pas tjetrit, servilisht, dhe deklaruan se LDK-ja e paska kryetarin dhe liderin dhe se zgjedhjet në parti që do të fillojnë në shtator, nuk e paskan synim zgjedhjen e kreytarit, sepse ai veç na qenka, pra kryetari aktual, “i ngriri” Fatmir Sejdiu, i cili e mban edhe postin e Presidentit. Poashtu, krerë të lartë të kësaj partie (Sejdiu, Kryeziu e Manaj) e pritën me shumë përçmim vendimin e Ukë Rugovës për t’u angazhuar në LDK përmes këtij procesi zgjedhor, duke e konsideruar ardhjen e tij si ardhjen e çdo individi që ka moshën madhore (Sejdiu e Kryeziu) apo se Uka duhet të ketë kujdes që të mos e koritë babën (sipas Manajt), duke e kualifikuar si koritje ndaj Ibrahim Rugovës çdo angazhim të Ukës kundër Sejdiut dhe klikës së tij. Pra sipas tyre, Uka nuk bën të kandidojë për kryetar të partisë apo nuk bën t’a mbështesë Bujar Bukoshin, Isa Mustafën apo dikë tjetër për kryetar, sepse LDK-ja e paska kryetarin dhe liderin, pra Fatmir Sejdiun.

Se LDK-ja e ka kryetarin dhe se kryetari i saj është Fatmir Sejdiu, këtë s’po e konteston askush, por se ky kryetar duhet ndërruar në këto zgjedhje partiake, kjo është e domosdoshme. Mos-zgjedhja e Sejdiut sërish kryetar i LDK-së është një dmosdoshmëri kushtetuese, politike e strategjike. Sejdiu është në procedurë gjyqësore në Gjykatën Kushtetuese për shkeljen e kushtetutës nga ana e tij, si pasojë e të qenit edhe President i Kosovës edhe kryetar i një partie. Nuk është serioze për një president, aq më pak jurist me profesion, të thotë që e ka ngrirë funksionin e kryetarit të partisë, pra se s’po e shkel Kushtetutën. Ngrirja dhe shkrirja nuk janë kategori juridike dhe Gjykata Kushtetuese nuk merr në shqyrtim procese të tilla “ngrirëse” a “shkrirëse”, qoftë edhe politike. Kjo gjykatë merr në shqyrtim çështje që kanë të bëjnë me legalitetin dhe kushtetutshmërinë e veprimeve dhe mos-veprimeve të subjekteve që janë objekt i saj i trajtimit, pra funksionimin sipas kushtetutes të institucioneve të shtetit. Pra, Gjykata Kushtetuese do t’a nxjerr presidentin Sejdiu si shkelës të Kushtetutës së Kosovës, jo pse ai e ka ngrirë apo e ka shkrirë veprimtarinë e tij ekzekutive si kryetar i LDK-së, por se ai juridikisht/legalisht është kryetar i kësaj partie, pra statuti i LDK-së e ngarkon Sejdiun juridikisht me veprimtari politike ekzekutive, gjë të cilën kushtetuta ia ndalon presidentit (Sejdiut), pa marrë parasysh a i ushtron ai praktikisht këto veprimtari (të cilat mirëfilli dihet se edhe i ushtron). Kjo është një arsye shumë substanciale që Fatmir Sejdiu megjithëse është kryetar i LDK-së, nuk do të duhej të ishte dhe nuk do të mund të jetë nëse vazhdon që legalisht t’a ushtroj edhe detyrën e presidentit të vendit.

Edhe po të jap dorëheqje apo të shkarkohet (për shkelje te kushtetutës) nga posti i presidentit, Sjediu s’do të duhej të ri-zgjedhej kryetar i LDK-së për faktin se nën udhëheqjen e tij LDK-ja ka shënuar rekordet e rënies elektorale dhe politike, si pasojë e veprimeve të tij përçarëse dhe shkatrruese për këtë parti. Nën udhëheqjen e Sejdiut (edhe përmes Kryeziut) LDK-ja ka devijuar nga filozofia politike e Rugovës (Rugovizmi), duke i zvetnuar parimet nacionale/shqiptare të shtetit të Kosovës dhe duke ndërtuar një shtet që nuk realizon aspiratat e shqiptarëve për një shtet të dytë në Ballkan, siç e projektoi elita nacionale e viteve ’90 në krye me Rugovën. LDK-ja e Sejdiut po e mban në pushtet sistemin qeverisës kleptokratik të Thaçit dhe kjo do të ketë kosto të lartë për të sotmen dhe të ardhmen e popullit të Kosovës, ndërkaq dëmet elektorale për LDK-në do të jenë të pa-riparueshme. Këto janë vetëm disa nga sjelljet politike që Sejdiun duhet t’a pengojnë të ri-zgjedhet kryetar i LDK-së.

Strategjikisht, në një republikë parlmentare, qeverisja e vendit realizohet përmes qeverisë dhe kryeministrit, prandaj çdo parti dhe lider që pretendon të qeverisë vërtetë, duhet t’a synoj qeverinë dhe postin e kryeministrit. Mbi këtë bazë një LDK me kryetar një si Sejdiu (figurë aspak me afinitet ekzekutiv) s’do të ishte asnjëherë e denjë për të pretenduar udhëheqjen e qeverisë dhe qeverisjes në vend. Edhe skenari që për kryeministër mund të nominohet një figurë më ekzekutive, por që s’do të ishte kryetar partie, do të ishte qasje e gabuar, sepse një kryeministër pa fuqi politike të garantuar, s’do të jetë kurrë i aftë t’i prijë qeverisjes. Kujtojmë rastin Kosumi apo Çeku, kur për ministrat e tyre vendoste krejt dikush tjetër. Prandaj, LDK-ja megjithëse e ka kryetarin, duhet të vendosë t’a ndërrojë atë, e obliguar nga Kushtetuta (e shkelur nga kryetari aktual i saj), por edhe nga gjendja e katandosur faktike në të cilën ndodhet kjo parti, në të cilën gjendje u zhyt pikërisht përgjatë mandatit të këtij kryetari.

[Guri i Kuq]

LDK-ja me postin e ngrirë të kryetarit, ndoshta do të shkrihet pas freskimit të motit, se deri tash ishte vapë, nuk e shkriu.

-------------------------
Nuk ka ka ymyt të shkrihet.....

Ja si arsyeton i nderuemi Pressident i R. së kosovës dhe Kryetar i Lidhjes Demokratike të Kosovës....

----
Sejdiu: Posti i ngrirë në LDK është formulë politike

Publikuar: Sot, më 14 shtator 2010

Sejdiu: Posti i ngrirë në LDK është formulë politike


Prishtinë, 14 shtator - Presidenti i vendit, Fatmir Sejdiu , beson se për rastin e tij Gjykata Kushtetuese do të vendos mbi bazë të ligjit dhe Kushtetutës. Ai, po ashtu, pret që vendimi i Gjykatës për rastin Qeska do të sqarojë situatën ligjore të dorëheqjes së tij, raporton RTK.
Presidneti Sejdiu tha se ngrirja e funksionit të kryetarit të LDK-së është një formulë politike, mirëpo, ai pret që Gjykata Kushtetuese do të jep vendimin meritor për këtë çështje. Ai tha se përfaqësuesit e tij tashmë kanë dërguar provat në Gjykatën Kushtetuese për të cilat ai beson se janë mjaft të qarta.

“Pavarësisht se mund të ketë spekulime ditore unë gjithmonë i besoj drejtësisë dhe paralelisht them se kategoria e mosushtrimit të funksionit është formulë politike, për arsye se për të pas një pozicion aktiv është ushtrim funksioni, ndërsa, për të mos pas një qasje joaktive është mosushtrim i funksionit dhe s’kam asnjë koment”, tha presidenti.

Ndërkaq, për rastin e kryetarit të Rahovecit, Qazim Qeska, presidenti tha se ka kërkuar mendimin e Gjykatës Kushtetuese për të qenë i siguritë në vendimet që do t`i ndërmarrë.
“Për mua ka qenë e nevojshme që të marr një sqarim të plotë rreth të gjitha zhvillimeve duke pasur para sysh si ka qenë situata ka lejuar një vendim urgjentë të formës së prerë dhe për të pas një vendim meritor natyrisht se është e nevojshme edhe konsulenca e saj”, tha Sejdiu.

Pas dorëheqjes dhe mungesës në punë të kryetarit të Rahovecit, Qazim Qeskës, për 45 ditë, presidenti i vendit ka kërkuar ndihmën e Gjykatës Kushtetuese rreth këtij rasti.