Ku po shkon LDK-ja sot?

[Guri i Kuq]

Kolë Berisha tërhiqet nga funksionet në LDK

Drilon Zogaj | 07-07-2010 18:13 CET


Prishtinë. Një ndër figurat kryesore të LDK-së pas luftës në Kosovë, Kolë Berisha, është tërhequr nga të gjitha funksionet në këtë parti.

Në vendimin për tërheqjen nga postet e nënkryetarit dhe anëtarit të Kryesisë së LDK-së, ish-kryetari i Kuvendit të Kosovës, ka publikuar arsyet e kësaj tërheqjeje, duke potencuar se këtë vendim e ka marrë për shkaqe personale, si dhe për t’u hapur rrugë forcave të reja.

Berisha ka thënë se këtë vendim e ka marrë pas konsultimeve me miqtë dhe në veçanti me kryetarin, Fatmir Sejdiu. “Duke filluar nga sot (7 korrik 2010), tërhiqem nga posti i nënkryetarit dhe i anëtarit të Kryesisë së LDK-së.

Mbetem edhe më tutje anëtar i denjë, besnik, i LDK-së dhe deputet i saj në Kuvendin e Republikës së Kosovës, i gatshëm, që në çdo kohë, kurdo që e kërkon nevoja, të jap
kontributin tim modest, por, tani e tutje vetëm si anëtar i rëndomtë dhe deputet. Tërheqjen nga postet e cituara e bëj për shkaqe personale, si dhe për t’u hapur rrugë forcave të reja.

Çdo përpjekje, e kujtdo qoftë, për t`i dhënë karakter tjetër këtij akti personal, do të konsiderohet si spekulim me qëllime të caktuara ndaj meje dhe ndaj LDK-së”, ka thënë Berisha në vendimin e tij.

Më tutje, ai ndër të tjera ka bërë një rikapitullim të angazhimeve të tij në LDK dhe në institucionet e Kosovës, duke veçuar punën me ish-presidentin Rugova.

Berisha ka shprehur bindjen se përkundër goditjeve që pati LDK-ja kohët e fundit, ajo vazhdon të mbetet forca më e organizuar politike në Kosovë.

“Por, asaj i duhet një freskim, i duhet një frymë e re, një kreativitet, një ristrukturim në të gjitha nivelet e organizimit të saj, gjë që edhe ka filluar”, ka thënë Berisha.

[B.C.B]

ldk-ja sotme le t`shkon n`rrote sames bashke me krejt partite tjera..qfar teme palidhje thuti fort po na han kah po shkon ldk e pdk e aak,u pa puna e tyne ishalla ju qihet nana se tybe krugjo spo na vyn...

[Guri i Kuq]

Beqiri: Presidenti s’po e shkel Kushtetutën

Nga Express më 16.07.2010 në ora 14:33

Drejtues të Lidhjes Demokratike të Kosovës (LDK) kanë vlerësuar se askush nuk mund t’ia kufizojë të drejtën presidentit Fatmir Sejdiu që sërish të kandidohet për kryetar të LDK-së në zgjedhjet e brendshme, të cilat parashihet që të mbahen në vjeshtë të këtij viti.

Ismet Beqiri, anëtar i Kryesisë së LDK-së, konsideron se mbajtja e dy pozitave nga ana e Sejdiut nuk paraqet shkelje të Kushtetutës.

Ai përsëriti qëndrimin se LDK-ja e ka kryetarin e vet. Gjithashtu, sipas tij, nuk ka kufizim të së drejtës për rikandidim të Sejdiut për kryetar të LDK-së edhe për një mandat.

Beqiri ka thënë se deri më tani nuk ka asnjë kandidaturë tjetër për këtë post. “Nuk kemi pasur çka të kristalizojmë në LDK. Tash për tash nuk ka asnjë pretendim tjetër dhe asnjë kandidaturë tjetër përpos presidentit, gjegjësisht kryetarit të LDK-së që të jetë përsëri kryetar i saj. Me kohë çdo gjë do të zhvillohet konform procedurave”, ka thënë Beqiri, transmeton KosovaPress.

Zyrtarët e LDK-së dolën sot para gazetarëve, me ç’rast prezantuan disa nga ish-anëtarët e degës së LDD-së në Kamenicë, të cilët janë rikthyer në LDK.

Sekretari i LDK-së, Ramë Manaj, ka theksuar se aderimet të cilat janë duke u bërë në LDK janë dëshmi e asaj se në këtë parti politike ka demokraci të brendshme, ka liri dhe mundësi të shprehjes së mendimit dhe vlerësimit të kontributit të secilit anëtarë të saj.

Sipas tij procesi i konsolidimit të LDK-së është duke u përcjell me aderime të vazhdueshme të anëtarëve të rinj, nga LDD dhe parti të tjera.

“Vetë fakti se LDK është në procesin e konsolidimit, në procesin e fuqizimit, në procesin e përgatitjes për zgjedhjet e brendshme që tash më janë caktuar për periudhën nga 10 shtatori deri në fund të nëntorit të këtij viti po përcillet edhe me kalim të vazhdueshëm të anëtarësisë qoftë nga LDD ose parti të tjera që nuk kanë qenë deri më tani të anëtarësuar”, ka thënë Manaj.

Ndërsa, ish-anëtari i LDD-së, Sabri Morina tani i rikthyer në LDK ka deklaruar se dega e LDD-së në Kamenicë nuk kishte kuptim që të qëndronte e ndarë nga LDK-ja, derisa kishte të njëjtat bindje politike.

[GrimReaper]

definitivisht kukn a LDK pa RUGOVËN ♥

[Kosovelli]

Vazhdon shkatrrimi:

Lajçi e Haraçia përkrahin Bukoshin
| 09-08-2010 16:10 CET
Prishtinë. Deklarata e ministrit të Shëndetësisë, Bujar Bukoshi, se Lidhja Demokratike e Kosovës është e nënshtruar dhe e poshtëruar në raport me partnerin e koalicionit, PDK-në, ka ndarë në dy grupe anëtarët e kësaj partie.

Për më tepër, “shokët” e Bukoshit janë të ndarë edhe në raport me përkrahjen që ministri i Shëndetësisë ka shprehur për kryetarin e Prishtinës, Isa Mustafa, nëse ai do të garonte për kryetar të Lidhjes Demokratike të Kosovës.

Derisa qeveritarët dhe personat e afërt me ta mbrojnë idenë se LDK-ja nuk është duke u poshtëruar e nënshtruar nga PDK-ja, anëtarë të tjerë të Kryesisë i kanë dhënë mbështetje të plotë deklaratës së Bukoshit.

Anëtari i Kryesisë së LDK-së, Ali Lajçi, thotë se partia e tij është e nënshtruar dhe atë jo vetëm nga PDK-ja por edhe nga “klani i Sejdiut”, siç e quan ai grupin që e përkrah presidentin Sejdiu.

“LDK-ja nuk mund të ngjallet as të bëhet parti numër një derisa kryetari e mban pengë atë, dhe derisa bëjnë politikë kote Lutfi Haziri dhe Eqrem Kryeziu”, thotë Lajçi.

Edhe anëtari tjetër i Kryesisë, Astrit Haraçia, pajtohet me Bukoshin.

“Edhe unë mendoj kështu. LDK-ja me këtë formë siç është duke u bërë tash, është e poshtëruar dhe e nënshtruar në raport me PDK-në, ndërsa sa i përket kandidatit për kryetar nuk do të thotë që duhet të jetë vetëm Isa, mundet të jetë edhe tjetërkush”, thotë Haraçia.

Ndërkaq, anëtarë të Qeverisë nga LDK dhe udhëheqës të kësaj partie, thonë se partia e tyre “ka hise” në qeveri aq sa ka marrë vota nga qytetarët, ndërsa presidentin e Kosovës, Fatmir Sejdiu, e shohin si personin më ideal për të udhëhequr partinë.

Nënkryetari i LDK-së, Eqrem Kryeziu, thotë se temat e theksuara nga Bukoshi janë çështje personale dhe tregim i shijes së tij, gjë që sipas tij, nuk e jep mundësinë e debatit.

“Këto janë kategori tepër delikate të flasësh për to, sepse nëse unë përpiqem të poshtëroj dikë tjetër, në fakt ai tjetri nuk është i poshtëruar sa jam unë që mundohem ta poshtëroj. Edhe kjo (Isa Mustafa) është shije e tij, sepse ne jemi në rrethana goxha komplekse. Ne e kemi presidentin edhe lider”, thotë ai.

Edhe ministri i Administrimit të Pushtetit Lokal, Sadri Ferati, mendon se poshtërimi dhe nënshtrimi nuk ekzistojnë.

“Kuptohet, këto janë qëndrime individuale. Unë mendoj se, sa u përket përgjegjësive, si ministër aty ku i ushtroj përgjegjësitë jam mjaft kompetent dhe nuk kam interferime të askujt”, thotë Ferati.

Sipas tij, LDK-ja e ka kryetar presidentin e vendit, Fatmir Sejdiu, prandaj nuk ka nevojë as të diskutohet kjo çështje.

“Natyrisht ka nevojë të flitet për persona të fuqishëm që janë në interes të LDK-së, të qytetarëve, të Kosovës, që ata t’i ofrohen majës së udhëheqjes në LDK dhe Isa Mustafa është një person që unë e vlerësoj, është i dobishëm”, shprehet ai.

Edhe ministri i Drejtësisë, Haki Demolli, thotë se për katër muaj sa ka udhëhequr dikasterin e Drejtësisë nuk ka përjetuar asnjë lloj poshtërimi dhe nënshtrimi.


“Jo, nuk ka kurrfarë nënshtrimi apo poshtërimi aty. Thjesht, ne jemi në dikastere përkatëse që menaxhojnë me buxhete që janë ndarë nga Qeveria dhe janë aprovuar nga Kuvendi”, thotë ai.

Një ditë më parë, në një intervistë për “Zëri”, ministri Bukoshi ka thënë se partia e tij po “jeton” e nënshtruar dhe e poshtëruar nga PDK-ja, ndërsa ka përkrahur fuqishëm Isa Mustafën, nëse ai do të kandidohej për kryetar të LDK-së.

[Kosovelli]

Vazhdon shkatrrimi:

Mos harroni se
Bujar Bukoshi dhe Isa Mustafa bllokonin Presidentin Rugova në vitin 1997

Prishtinë, shtator 1997 (QIK)

Gazeta “Bota sot” boton në numrin e nesërm intervista dhe një koment autorial lidhur me ndërprerjen e lidhjeve telefonike për shkak të bllokimit të mjeteve finnanciare nga ana e Qeverisë së Kosovës në Shoqatën e Shkrimtarëve të Kosovës në Prishtinë, ku veprojnë Presidenca e Kosovës, Kryesia e LDK-së, Shoqata e Shkrimtarëve të Kosovës, Pen-Qendra Shqiptare, Komisionet Parlamentare, Qendra për Informim e Kosovës, e tjerë.

Në intervistën për këtë gazetë, Enver Maloku, përgjegjës i QIK-ut thotë se lidhjet e QIK-ut me botën janë ndërprerë për shkak se kryeministri dhe ministri për informata kanë dashur t’ia ndërprerjnë lidhjet me botën kryetarit të Republikës së Kosovës, përkatësisht t’ia ndërprejnë lidhjet politikës dhe veprimit për pavarësi në Prishtinë.Mllefi i këtyre dy zyrtarëve ndaj QIK-ut është i kushtëzuar gjithashtu me raportet tona me kryetarin Rugova, thekson z.Maloku.QIK-u nuk ka pranuar për privilegje as nën kërcënime të bëhet instrument i politikës së grushtshtetit të kryeministrit.Për këtë shkak, kryeministri na ka mallkuar edhe publikisht me fjalët: thejau zot qafën! Një mallkim të tillë nuk e thotë njeri normal në këtë botë.Fatkeqësia jonë nuk është se kemi shumë njerëz të krisur, por se shumë të krisur janë ngjitur lart në kierarkinë e qeverisjes e të politikës, thotë përgjegjësi i QIK-ut.

I pyetur rreth mënyrës së veprimit të institucionit në këto rrethana, ai tha se krejt sistemi e shoqëria shqiptare në Kosovë janë organizuar me vetëinciativë, në mënyrë vullnetare dhe me sakrifica të mëdha.Sistemet e organizimet janë goditur e do të goditen në vazhdimësi nga regjimi serb.Mirëpo këto goditje nuk kanë mundur të kenë efekte vdekjeprurëse për shkak të aftësisë së këtij organizimi për ripërtritje e aftësim.Ministria për Informim e Republikës së Kosovës, e ngarkuar për të siguruar informimin elementar dhe për të ndihmuar informimin, nuk mund ta shkatërrojë Qendrën për Informin të Kosovës, në të cilën krahas nesh në seli, janë të kyçur drejtëpërdrejtë mijëra veprimtarë anë mbanë Kosovës.Informimi për ata dhe për ne është jetë, është të jesh a të mos jesh.Lëvizja politike shqiptare për pavarësi e ka fituar njëherë luftën brenda shoqërisë shqiptare dhe nuk ka mundësi që të humbë këtë fitore.

Ai tha se mungesa e lidhjeve telefonike në institucion do të kompensohet me lidhjet telefonike private dhe me lidhjet që i janë vënë dispozicion nga disa institucione të Kosovës dhe shumë ndërmarrje private.

Duke komentuar monmentin dramatik të ndërprerjes së lidhjeve teklefionike për shkak të mospagesës, z.Maloku tha se se ky veprim është i kuptueshëm, pasi në këso momentesh serioze, siç është dita e sotme dhe siç kanë qenë javët e kaluara, manifestohet suksesi ose dështimi.Kryeministri e ministri për informata do të kënaqeshin sikur të dështonte krejt populli i Kosovës me kushtin e vetëm që të dëshmohej disfata e Rugovës dhe dështimi i QIK-ut.

I pyetur rreth shkaqeve të ndërprerjes së mjeteve financiare për shpenzime telefonike, përgjegjësi i QIK-ut tha se kryeministri është i ngarkuar me ligj që të zbatojë politikën që e formulojnë organet politike, mirëpo ai bën vetë politikë nga larg.QIK-u, ndonëse raporton shpesh për tragjedi, dëshpërime e zhgënjime, është një institucion i suksesshëm.Suksesi i kundërshtarit real ose të projektuar e pengon kryeministrin.Poashtu, QIK-u nuk e ka ndërmend të marrë pjesë në fushatën e grushtshtetit për krijimin e një qendre të re (për autonomi a ballkani) të vendosjes në Kosovë e për Kosovën.

[Guri i Kuq]

Kryengritja e varrmihësve të demokracisë

Publikuar: më 08 shtator 2010

*"Koha Ditore",Prishtinë

Në vend të debatit për një program të qeverisjes së mirë, në vend të prezantimit të ideve se si të fitohen zgjedhjet e ardhshme parlamentare, liderët aktualë të Lidhjes Demokratike të Kosovës (LDK) po përpiqen që me cinizëm, me dezinformim dhe ekskomunikime të bllokojnë çdo reformë të partisë dhe t‘i ruajnë privilegjet personale. Pjesa më e madhe e kryesisë aktuale po i prin me guxim aventuresk kortezhit, i cili po e çon LDK-në drejt varrosjes solemne. Varrosja e një partie që dikur përfaqësonte më shumë se gjysmën e elektoratit është dëmtim i demokracisë

Enver Robelli

Shumë më shpejt se ç’pritej Lidhja Demokratike e Kosovës u katapultua këto ditë si temë në të gjitha mediat e Kosovës dhe në debatin publik. Vrulli i debatit tregon se një pjesë e madhe e shoqërisë është e etshme për ndryshime dhe alternativa të reja politike, të cilat ngjallin së paku shpresën se ky vend mund të marrë rrugën e mbarë dhe t’u shpëtojë kthetrave të korrupsionit të pushtetit aktual. Që nga ngjitja në fron koalicioni mes Partisë Demokratike të Kosovës (PDK) dhe Lidhjes Demokratike të Kosovës (LDK) nuk ka bërë pothuaj asgjë për përmirësimin e jetës së qytetarëve, përveç prodhimit të frazave, të cilat janë plasuar përmes mediave të tredhura, siç është Radiotelevizioni i Kosovës (RTK) dhe disa fletushkave që shtypen me paratë e pushtetit të dukshëm dhe të padukshëm, nëntokësor.
Si para tre vjetësh edhe sot mesatarja e rrogës në Kosovë është rreth 270 euro. Me gjithë premtimet shkëlqimtare se banorët e Kosovës, pas 20 vjetësh izolimi, do të kenë mundësinë të udhëtojnë pa viza në vendet e Bashkimit Evropian, gjasat që kjo të ndodhë në të ardhmen e afërt janë barabar me zeron. Për këtë dështim nuk është fajtor vetëm Brukseli. Duke qenë e nxënë me manipulim dhe kurdisje tenderësh kjo qeveri deri së voni nuk e ka pasur fare prioritet plotësimin e kushteve për heqjen e vizave. Kjo qeveri, gjithashtu, e ka vazhduar me zell të shtuar traditën e kabineteve të mëparshme: shumë llafe për sjelljen e investitorëve të huaj dhe pothuaj asnjë investim. Nuk janë investime shitja ose falja e ndërmarrjeve publike. Investime janë hapja e fabrikave, e linjave të prodhimit, përkrahja e bujqësisë në mënyrë që njerëzit të fitojnë rroga të dinjitetshme dhe Kosova të eksportojë diçka - dhe jo vetëm të importojë patëllxhanë të kalbur dhe gjithçka tjetër nga vendet fqinje.

Zhurma e një delikuenti

Përgjegjësia për këtë dështim në qeverisjen e vendit - pasojat e këtij dështimi për çdo ditë duhet t’i bartin mbi kurrizin e dobët qindra-mijëra banorë të këtij vendi - bie jo vetëm mbi Partinë Demokratike të Kosovës (PDK), por edhe mbi Lidhjen Demokratike të Kosovës, e cila kequdhëhiqet nga kryetari i saj i ngrirë dhe nga presidenti i shkrirë i shtetit Fatmir Sejdiu. Pjesëmarrja në Qeveri elektoratit të LDK-së nuk ia ka sjellë asgjë. Por, gjithsesi, kjo pjesëmarrje është duke i sjellë përfitime prej vitesh një grupi të kryesisë aktuale, i cili me çdo kusht përpiqet të bllokojë çdo reformë të partisë.
Kjo po shihet që në prag të fillimit të procesit zgjedhor brenda LDK-së, menjëherë pasi ditëve të fundit personalitete të ndryshme me stazh të gjatë veprimi brenda partisë paralajmëruan se do të marrin pjesë në garën demokratike për kreun e partisë apo për poste të tjera të rëndësishme. Deklarimi i Ukë Rugovës se do të inkuadrohet në politikë (në kuadër të LDK-së), pohimi i ish-kryeministrit Bujar Bukoshi se do të kandidojë për kryetar të LDK-së dhe kritikat e shpeshta të kryetarit të Prishtinës Isa Mustafa kundër koalicionit qeverisës kanë shkaktuar panik në mesin e shumicës së anëtarëve të Kryesisë së LDK-së. Me një fjalë: Janë çuar në këmbë humbësit e zgjedhjeve nacionale dhe lokale dhe me çdo kusht duan të pengojnë çdo reformë në LDK, çdo heqje të pluhurit dhe çdo lëvizje nga moçali, në të cilin e kanë katandisur partinë kryetari i saj aktual i ngrirë dhe një grup cinikësh. Më i zëshmi, për të mos thënë më i zhurmshmi po dëshmohet kësaj radhe Ramë Manaj, i cili, ndonëse tashmë tre vjet gjendet në postin e zëvendëskryeministrit, nuk ka rënë në sy për ndonjë punë të hairit.
Tani ai doli dhe i prezantoi opinionit publik një qorrferman, duke thënë se Bujar Bukoshi nuk qenkësh anëtar i LDK-së dhe u përpoq të bëjë disa akrobacione juridike në favor të kryetarit aktual të ngrirë. Pas tij fjalën e mori Lutfi Haziri, i cili tërthorazi tha se zëvendëskryeministri Manaj ka gënjyer, kur ka deklaruar se Bukoshi nuk është anëtar i LDK-së. E kundërta është e vërtetë, sipas Hazirit: Bukoshi është anëtar i LDK-së. Kjo disonancë tregon se kryesia aktuale nuk flet me një zë. Sa i përket seriozitetit të Ramë Manajt opinioni e di se ky është ai zotëria që para disa muajsh publikisht kishte pranuar se e ka ndërtuar shtëpinë pa leje, pra e ka shkelur ligjin – dhe çdo shkelës i ligjit nuk meriton epitet tjetër përveçse delikuent. Ky është ai zotëria që duke shfrytëzuar pozitën e tij e dërgoi një familjar në një post diplomatik në Romë. Në kujtesën e opinionit Manaj ka mbetur edhe për shkak të zhvillimeve të natës së Zanzibarit. Atë natë një grup i politikanëve të PDK-së duke u dëfryer në kafehane kishte marrë vendim të prishej koalicioni me LDK-në. Zëvendëskryeministri Hajredin Kuçi ia kishte prishur gjumin diku nga mesnata Ramë Manajt dhe i kishte kumtuar vendimin se martesa PDK-LDK ishte divorcuar. Pra, Kuçi ishte tallur me Ramajn – dhe kjo u vërejt që të nesërmen, kur të njëjtit njerëz që e prishën koalicionin vendosën të vazhdonin bashkëqeverisjen. Ky episod tregon se në çfarë pozite nënshtruese kundrejt PDK-së ndodhen krerët aktualë të LDK-së.

Komedia koreanoveriore

I pashmangshëm në debatin për zhvillimet në LDK ishte edhe Eqrem Kryeziu, i cili sërish kultivoi zanatin e tij mbase të vetëm në politikë: talljen, cinizmin dhe ironinë. Por, me tallje, cinizëm dhe ironi as nuk shpëtohet LDK-ja, as nuk civilizohet politika, as nuk përparon vendi. LDK-ja definitivisht nuk ka nevojë për politikanë që opinionit i servojnë poezi të qullëta dhe me cinizmin e tyre e bëjnë punën çervish. Është shumë e çuditshme se si një politikan si Eqrem Kryeziu, i cili i ka humbur zgjedhjet madje edhe në Prizren, vazhdon të sillet sikur nuk ka ndodhur asgjë.
E denjë për komedi ishte edhe deklarata e Ismet Beqirit, i cili tha se në procesin e zgjedhjes së kryetarit të LDK-së kandidatët nuk do të guxojnë të bëjnë fushatë nëpër komuna dhe forume të tjera. Krejt çfarë ata kanë për të thënë, sipas Beqirit, duhet ta thonë në Kuvendin e LDK-së. Kështu kryetarët e partive nuk përzgjidhen më as në Korenë e Veriut, as në Kubë, as në Zimbabve. Arsyeja pse Beqiri e thotë këtë është e qartë: Meqë Fatmir Sejdiu është i ngrirë si shef i partisë, ai nuk mund të flasë, prandaj kjo duhet t’u ndalohet edhe të tjerëve. Atëherë pse LDK-ja nuk po e zgjedh një shurdhmemec për kryetar partie? Është mirë që LDK-ja të botojë një shpallje në gazetë: „Kërkohet një kryetar shurdhmemec për partinë dikur më të madhe të Kosovës, e cila është duke u varrosur nga kryesia aktuale“.
Kusht për zhvillimin e çdo partie është debati, por kryesia aktuale po përpiqet që anëtarësinë e LDK-së ta privojë nga kjo e drejtë, ajo, pra kryesia, i sheh anëtarët si statistë pa tru, të cilët vetëm duhet të bëjnë amin. Kështu LDK-ja i qëndron besnik imazhit të saj si parti për përzënien e njerëzve. Në vend të debatit për një program të qeverisjes së mirë, në vend të prezantimit të ideve se si të fitohen zgjedhjet e ardhshme parlamentare liderët aktualë të Lidhjes Demokratike të Kosovës (LDK) po përpiqen që me cinizëm, dezinformim dhe ekskomunikime të bllokojnë çdo reformë të partisë dhe t‘i ruajnë privilegjet personale. Pjesa më e madhe e kryesisë aktuale po i prin me guxim aventuresk kortezhit, i cili po e çon LDK-në drejt varrosjes solemne. Varrosja e një partie që dikur përfaqësonte më shumë se gjysmën e elektoratit është dëmtim i demokracisë.
Ambivalent mbetet qëndrimi i LDK-së edhe ndaj Isa Mustafës. Kryesia e partisë ka qenë e lumtur që duke shfrytëzuar autoritetin dhe seriozitetin e Mustafës arriti t’i fitojë zgjedhjet së paku në Prishtinë. Por, çfarë ka bërë partia për Isa Mustafën? Asgjë! Nuk ka pasur vullnet të kalojë as Ligjin për Prishtinën në Kuvend, nuk e ka trajtuar Isa Mustafën sipas peshës së tij politike, madje në mbledhjen e fundit të Këshillit të Përgjithshëm të LDK-së apeli i Mustafës që partia, më në fund, duhet të këndellet, u diskualifikua me nonshalancë nga disa anëtarë të kryesisë. Kritikat e kryetarit të Prishtinës ndaj koalicionit qeverisës dhe rasteve korruptive nuk janë marrë seriozisht nga LDK-ja, bile shpesh mendimet e Mustafës janë cilësuar si individuale, thuajse ai është zgjedhur me shkop magjik në post dhe jo nga gati 60 për qind e pjesëmarrësve në zgjedhjet lokale në territorin e Komunës së Prishtinës.

Politikë me vjehërr

Gati e ngjashme është keqsjellja e kryesisë aktuale ndaj Ukë Rugovës. Për shembull Ramë Manaj me nervozizëm i tha Rugovës junior se duhet të ketë kujdes të mos ia marrë fytyrën babait. Eqrem Kryeziu e zbriti debatin në nivel të humorit bajat, kur tha se Ukë Rugova nuk duhet të presë që me inkuadrimin e tij në politikë LDK-ja do të organizojë ceremoni synetie. Cili është mesazhi i këtyre fjalëve? Duket se Kryeziu çdokënd që është më i ri se ai e trajton me nënçmim, duke ia derdhur fytyrës një kusi me cinizëm. Dhe kjo nuk është hera e parë. Sikur Rugova junior të kishte mbështetur shkelësin e Kushtetutës, Fatmir Sejdiun, si kandidat për shef të LDK-së, me siguri Manaj dhe Kryeziu do të kishin folur ndryshe, atëherë do t’i thoshin: “Eu, po mirë ia ke zdrit fytyrën babait”. Para disa javësh ka pasur përpjekje që përmes vjehrrit të Ukë Rugovës të pengohet hyrja e këtij të fundit në politikë vetëm për shkakun se ai i ka përmendur Isa Mustafën dhe Bujar Bukoshin si figura të rëndësishme, për të cilat ka nevojë LDK-ja. Këtu sërish kthehemi të problemi esencial i politikës së Kosovës: Në këtë vend mungon debati publik dhe ballafaqimi i argumenteve, sepse klasa politike ende nuk e ka kapërcyer pragun e të menduarit klanor. Këtu ende punët kryhen me llafe e muhabete joformale, larg forumeve partiake.
Kush është i interesuar që agonia e LDK-së të vazhdojë? Këtu s’e kemi fjalën për kryeministrin Hashim Thaçi. Si kryetar i një partie rivale Thaçi ka çdo të drejtë të luftojë për interesat e PDK-së. Por, situata bëhet bizare kur në opinion dalin disa pseudoanalistë dhe me surle e vuvuzela kërkojnë që në LDK të mos ndryshojë asgjë. Sepse çdo ndryshim jo vetëm që e prish kumbarinë mes Thaçit dhe Sejdiut, por e detyron edhe PDK-në të hapë debat për problemet brendapartiake. Nuk është e befasishme që para disa muajsh një zyrtar i lartë nga radhët e PDK-së në kushte anonimiteti thoshte se investimi kryesor i PDK-së nuk duhet të jetë në asfalt, por në Fatmir Sejdiun, sepse ai është garant i këtij koalicioni. Arsyeja e ekzistimit të këtij koalicioni mbi të gjitha është interesi i përbashkët për zhvatje nga buxheti i shtetit. Thënë edhe më drejtpërdrejtë: Këtë koalicion e mban Fatmir Sejdiu me djemtë e tij, e mban Lutfi Zharku me vëllanë e tij për shkak të laboratorit për kontrollimin e cilësisë së derivateve të naftës, e mban Ramë Manaj, sepse i kanë mbetur edhe do kushërinj pa i punësuar në diplomaci dhe tjetërkund. E mbajnë edhe disa të tjerë, po ashtu për interesa të ngushta, private. A duhet të pajtohet anëtarësia e LDK-së me këtë situatë? LDK-së s’i duhet një kryetar me duar të lidhura, por një lider që nuk mund të shantazhohet dhe poshtërohet nga partneri i koalicionit. Është e drejtë e anëtarësisë së LDK-së të ketë mundësi të zgjedhë mes disa kandidatëve. Modeli kubanez le të mbesë në Kubë; Kosova duhet të demokratizohet dhe evropianizohet.

[Brari]

Na thoni ca emra LDK-istesh ose dhe jasht ldk-se qe mund te jen te afte e te gatshem per te ri-ngritur LDK-ne..

??

Probleme te tilla ka dhe PD e Shqiperise ne fakt.

Edhe ajo ka merdhif.. ose me mir me then ka qen gjithmon nje cop mishi..

[Llapi]

Na thoni ca emra LDK-istesh ose dhe jasht ldk-se qe mund te jen te afte e te gatshem per te ri-ngritur LDK-ne..

brari per fat te mire nuk ka

ata qe e kan ngrit ne ato kohra ishin dy politikuaj qe sot per fat te mire nuk jan
pra ata ishin sllobodan millosheviq dhe pingamberi ibrahim rugova

por eshte nji tjeter qe e mban postin e kryetarit te LDK-se a ne te vertet e ka shendrrue partin ne nji nendeg te PDK-se
pra per fat te mire
pra keshtu qendron puna ne ket partin qe kur kan qen gjall ata dy ti e ke simpatizue

[Brari]

valla o llap.. ai njani.. qaj pejgamberi Rugov.. ose qaj shallxhia.. e njihke mire slloben e filozofin kah kish dal slloba.. e nga se e njihke mire.. u perpoq i ngrati me tana mundesit qe kish.. mos me ja dhan sllobos qat kenaqsine.. qe ai e geni i tij.. e priste moti.. pra.. me e vnue shqiptarin e kosoves ne gryk te mitralozit e nen zinxhira te tenkit.. e ne furra te shkritoreve..

mirpo dulet ju ma te zot.. e ja lidhet dur e goj Rugoves.. e me mjeshtri te lart e realizuat qat qe slloba memzi e priste..pra me i ardh shanca me e cue popllin shqiptar te kosoven atje ku e kish dasht me e pa akademija e beligradit moti.. pra nen mitraloz te kragujevcit e nen zinxhira te tenkit e ne furra te shkritoreve..e nen gropa varre masive.. a ne otranto e me hup faret krejt..


mirpo kish pas pas zot or ti shok..

e ai ndiu e i foli ne vesh billit e blerit.. e u tha.. kqyrni tha pak qatje ne kosov se.. po e faron qaj slloba at te mjerin popull..

e billi me bler.. xerr telefonave.. e klarku i nisi shqipet e natos pi aviano.. dhe..

e din ti masandej kusurin e historis..

..