Ku po shkon LDK-ja sot?

[Llapi]

Sejdiu: LDK-ja s’lejon fraksione
Fatmir Sejdiu, në një intervistë për “Kohën Ditore” tha se nuk dëshiron që Bujar Bukoshit dhe Ukë Rugovës t’ua cenojë ambiciet politike, por ua rikujton atyre se brenda LDK-së nuk mund të krijojnë struktura paralele....

[Kosovelli]

Vazhdon shkatrrimi

Ukë Rugova: “Selia në Qafë, LDK e Hashim Thaçit”

Prishtinë, 28 tetor - Zyrtarizohet lista alternative e LDK-së, e quajtur “LDK- Ibrahim Rugova”. Sipas djalit të Ibrahim Rugovës, Ukë Rugova, kjo listë nuk është ikje nga LDK-ja e as parti e re, por me këtë synohet pjesëmarrja në zgjedhjet parlamentare. Sipas tij, zyrtarizimi i kësaj liste vjen pas mosmarrëveshjeve të thella mes krahut të Sejdiut dhe Bukoshit. Por, ai nuk ka pranuar të tregojë se kush është bartësi i kësaj liste.

Uka ka treguar se dje ka takuar Sejdiun dhe nga ai ka kërkuar që të japë dorëheqje nga posti i kryetarit të LDK-së. Sipas Ukës, Sejdiu ka thënë se nuk do të tërhiqet nga gara dhe do të kandidojë për ta marrë këtë post. Madje Uka e ka quajtur selinë e LDK-së në Qafë “LDK e Hashim Thaçit”. Ndërsa ka thënë se LDK-ja e vërtetë, e Ibrahim Rugovës, e ka selinë te rezidenca e ish-presidentit Rugova.

Në këtë konferencë për shtyp të pranishëm ishin edhe Bujar Bukoshi, që është kandidat për kryetar të LDK-së, Astrit Haraqija dhe Dardan Gashi.

[Kosovelli]

Vazhdon shkatrrimi:



Lista e Bukoshit dhe Ukës si iniciativë qytetare

Prishtinë, 29 tetor - Bujar Bukoshi përsëriti sot se Lista alternative, “LDK- Ibrahim Rugova”, do të regjistrohet në KQZ si “iniciativë qytetare”. Bukoshi tha se nuk ka marrëveshje me Kryesinë aktuale të LDK-së, prandaj do të garojë si e veçantë, por nën ombrellën e LDK-së. Ndërsa, Sekretari i LDK-së, Ramë Manaj tha se në KQZ nuk mund të garojnë dy lista të LDK-së, duke thënë se Lista alternative e LDK-së, e quajtur “LDK- Ibrahim Rugova”, mund të regjistrohet si e veçantë.

Bujar Bukoshi përsëriti sot akuzat ndaj kryetarit aktual të LDK-së, Fatmir Sejdiu, duke thënë se ai është fajtori kryesor për krizën në LDK. Ai tha për Radio Blue Sky se “Lista-Ibrahim Rugova” nuk është kundër LDK-së, por, në një mënyrë, shpëtim i saj, duke qenë se do të mbledhë votat për LDK-në.

Bukoshi u shpreh se kjo listë do të regjistrohet si iniciativë qytetare duke ditur se partia nuk mund të dal me dy lista zgjedhore. Ai akuzoi Sejdiun si bartës kryesor të krizës në LDK dhe shkaktarin që nuk është arritur dje marrëveshja për bashkëpunim.

“Kjo listë është për LDK-në, për të mbledhur vota për LDK-në, jemi të detyruar të regjistrohemi si listë “iniciativë qytetare”, sepse një parti nuk mund të dalë me dy lisa në zgjedhje. Kjo do të quhet listë qytetare “LDK Rugova”, për shkak të problemeve të shkaktuara nga Sejdiu, të shpëtojmë votën në këto zgjedhje. Ne mendojmë se i ndihmojmë kësaj, nëse lejoni që Sejdiu të bëjë kërdi në parti, të shpëtojmë votat e LDK-së”, tha Bukoshi.

Ndërsa, sekretari i LDK-së, Ramë Manaj tha se brenda LDK-së nuk mund të ketë iniciativë qytetare, duke thënë se lista alternative e LDK-së - Ibrahim Rugova, mund të regjistrohet si e veçantë. Ai tha se Kryesia e LDK-së nuk ka qëndrim zyrtar për zhvillimet e djeshme, por mohoi që brenda LDK-së mund të ketë dy lista zgjedhore.

“Nuk kemi vlerësime në LDK për atë që ka ndodhur dje, në kuptim të ligjit nuk mund të ketë iniciativë qytetare brenda një partie politike, është një nonsens, askush nuk ja mohon të drejtën askujt, por brenda LDK-së nuk mund të ketë iniciativë qytetare”, tha Manaj.

Bujar Bukoshi dhe Ukë Rugova publikuan dje listën alternative “LDK - Ibrahim Rugova”, me të cilën do të garojnë në zgjedhjet e ardhshme parlamentare. Bukoshi e Rugova sqaruan se kjo listë nuk është parti e re politike, por një fraksion brenda LDK-së.

[Kosovelli]

Vazhdon shkatrrimi:

Pragu zgjedhor mbetet 5 për qind

Prishtinë, 29 tetor – Kuvendi i Kosovës ka vazhduar edhe sot shqyrtimin e disa projektligjeve. Ai miratoi sot ndryshimet në Ligjin për zgjedhje. Dy deputetë kërkuan që pragu zgjedhor të ulet në 3 për qind, mirëpo ky amendament nuk kaloi duke lënë të pandryshuar pragun prej 5 për qind. Projektligji kaloi në Kuvend me procedurë të përshpejtuar, për shkak të organizimit të zgjedhjeve të parakohshme.

Kuvendi i Kosovës miratoi ndryshimet në ligjin për zgjedhje bazuar në propozimet, të cilat janë bërë nga grupi punues për zgjedhje, njofton RTK-ja.
U deshën dy orë konsultime për të arritur konsensus që ndryshimet në ligjin për zgjedhje të votohen ashtu siç janë përpiluar nga grupi zgjedhor. Kjo pasi deputetët Emrush Xhemajli dhe Driton Tali kërkuan që pragu zgjedhor për parti të ulet në 3 për qind ndërkaq për kandidatë të pavarur 1 për qind.

Mirëpo kryetari i Komisionit për legjislacion dhe gjyqësi, Bahri Hyseni tha se partitë tashmë kanë arritur pajtim për gjitha ndryshimet që duhet t’i bëhen ligjit dhe nuk do të ishte mirë që të bëhen ndryshime të tjera pasi kjo do të shkaktonte prishjen e konsensusit.

Me ndryshimet e këtij Ligji, zgjedhësit do të votojnë vetëm për pesë vetë nga lista. Po ashtu shuhet KQZ-ja dhe roli i saj i kalon një trupi tjetër – gjyqësor.

Projektligji i ri për zgjedhjet do të hyjë në fuqi ditën e nënshkrimit nga presidenti në detyrë dhe nuk do të pritet afati prej 15 ditësh deri në publikimin në gazetën zyrtare. Këtë amendament e bëri komisioni për legjislacion dhe gjyqësi për t’i dhënë kohë të mjaftueshme KQZ-së të organizojë zgjedhjet e parakohshme me këtë ligj.

[Kosovelli]

Vazhdon shkatrrimi:

Sulmohet me bombë prona e Ilir Tolajt

Në orët e mbrëmjes afër restorantit “Villa Natyra” në lagjen “Dardania” në Prishtinë, ka ndodhur një shpërthim zjarri në një veturë civile, por fatmirësisht nuk ka persona të lënduar, tha zëdhënësi i Policisë së Kosovës, Baki Kelani.

Policia po e mban të rrethuar shtëpinë, përkatësisht pronën ku jeton Ilir Tolaj, sekretar i përgjithshëm i Ministrisë së Shëndetësisë.

[Kosovelli]

Vazhdon shkatrrimi:

Lutfi Zharku: "'LDK-Ibrahim Rugova' tendencë për shkatërrimin e LDK-së"

Han i Elezit, 30 tetor - Është mbajtur kuvendi i shtatë elektoral i Degës së LDK-së në Han të Elezit, të shtunën. Kryetar i degës është zgjidhur Zylbehar Hasallari, nënkryetarë Muzafer Dërnjani e Nuriman Kuka, ndërsa sekretar Ahmet Kalisi. Me një fjalë rasti delegatëve të pranishëm iu ka drejtuar edhe Lutfi Zharku, anëtar i
Kryesisë qendrore të LDK-së, i cili vendimin e Bujar Bukoshit dhe të Ukë Rugovës, bir i ish-presidentit Rugova, për themelimin e iniciativës qytetare "LDK-Ibrahim Rugova" e ka cilësuar tendencë për shkatërrimin e LDK-së. "Sa i përket aktualitetit partiak, ju e dini se pardje e kemi pasur një iniciativë të re në kuadër të LDK-së
apo të themi jashtë LDK-së. E keni deklaratën për media të Kryesisë së LDK-së se të gjitha këto ne i konsiderojmë si tendenca për denigrim, për shkatërrim të LDK-së", ka theksuar Zharku. Duke polemizuar në distancë me Bukoshin, i cila publikisht ka folur për proces të keq elektoral brenda LDK-së, por pa ia përmendur emrin, Zharku ka thënë se askush nuk mund të paragjykojë kuvende të këqia apo proces zgjedhor
jotransparent pa u përmbyllur ai. "Ne konsiderojmë se brenda LDK-së duhet te ketë konkurrencë, mirëpo ajo nuk nënkupton rivalitet, nuk nënkupton armiqësi dhe nuk nënkupton largimin e të tjerëve nga partia", është shprehur ai.

[Drenica 97]

Nga LDK kan dal shume parti ,tani per partit e reja qe dalin nuk po ka as emra,po keta jane inovativ e kan gjet nje zgjidhje: LDK-Ibrahim Rugova,partia tjeter mund te emrohet LDK-Ibrahim Rugova 1,2,3,4,5......................kryesorja pa emer mos me mbet.

[Llapi]

Gjakderdhja e LDK’së

Të shkruash për LDK’në është tepër monotone. Skenari është i njëjtë, vetëm emrat e viktimave ndryshojnë

Ajo çfarë ka ndodhur, çfarë po ndodh aktualisht dhe çfarë pritet të ndodhë në javët dhe muajt në vazhdim, në Lidhjen Demokratike të Kosovës, për nga bizariteti, mund të jetë vepër arti.

Që pesë vjet, në ketë parti nuk ka pushuar gjakderdhja, kurse lidershipi vazhdon të krihet para pasqyrës, duke ia shtruar asaj disa pyetje që tashmë i dimë të gjithë.

Prej vdekjes së Presidentit Ibrahim Rugova, LDK i ka humbur një palë zgjedhje nacionale dhe dy palë lokale; e ka ndarë partinë në dysh; i kanë ikur kuadro e deputetë dhe ka humbur numrin më të madh të komunave që ka pasur nën kontroll.

Kjo parti ka humbur çdo gjë që mund të humbiste.

Ajo është e kidnapuar prej disa personave që deri më tash për asgjë askujt nuk i kanë dhënë llogari.

Po jetojnë në mohim të vazhdueshëm me realitetin.

Ka kohë që është bërë e mërzitshme të shkruash për LDK’në. Gjërat e njëjta tashmë po përsëriten me përpikëri astronomike. Krejt çka ndryshon është numri dhe emri i viktimave që pësojnë, për shkak të politikave anakronike dhe represive të udhëheqësisë së kësaj partie.

Një herë ka qenë viktimë Nexhat Daci, më vonë mund të jetë Bujar Bukoshi, Ukë Rugova, ose kushdo tjetër që synon që në mënyrë legjitime të bëhet pjesë e ndryshimeve apo debatit në ketë parti.

Ja, për shembull, sa të përzemërt ishin Kryesia e LDK’së ndaj iniciativës së Bujar Bukoshit për të kandiduar për Kryetar të kësaj partie: Kryesia e LDK’së, e frikësuar nga kandidatura e Bukoshit, mori vendim që të ndalohet fushata brendapartiake, tash në prag të Kuvendit Zgjedhor.

Dhe jo vetëm kaq.

Duke shfrytëzuar ndikimin që udhëheqësia e LDK’së kanë ndaj Sekretarëve Permanentë, njerëzit e afërt me partinë e Ministrit të Shëndetësisë ia organizuan një kurth, duke ia kthyer në punë Drejtorin e Suspenduar të QKUK’së, shokun Ali Sadria. Ky i fundit u prit prej një pjese të stafit të QKUK’së me tepih të kuq dhe me buqeta lulesh, në kohën kur

Ministri Bukoshi gjendet në një udhëtim zyrtar në SHBA.

Kaq sa për fillim.

Sa më serioz që të tregohet kandidati Bukoshi në garën e tij për të parin e partisë, aq më serioze do të janë masat e partisë kundër tij.

Një episod tjetër komik i Kryesisë aktuale, apo i asaj pjesës më të ngushtë të Kryesisë së LDK’së, ishte edhe reagimi ndaj paralajmërimit të Ukë Rugovës, djalit të Presidentit Rugova, për t’u bërë pjesë e garës zgjedhore në LDK.

Tash e pesë vjet, Lidhja Demokratike e Kosovës e lut Ukë Rugovën që të flasë diçka për ketë parti. Në zgjedhjet e fundit lokale, madje, e ftuan që të dilte edhe në fushatë zgjedhore dhe shpesh emri i tij brohoritej prej militantëve në salla të ndryshme.

Mirëpo, sapo Uka hapi gojën që të flasë diçka rreth proceseve zgjedhore në ketë parti, e porositën që më mirë ta mbyllë prapë gojën. Dëshirën e tij që të jetë pjesë e organeve udhëheqësve të partisë, e konsideruan si dëshirën e secilit person që ka mbushur moshën 18 vjeçare. Herë nga Prizreni e herë nga Prishtina, shkrepeshin rafalë kundër Ukës, që të ketë kujdes më hapat që po bën, sepse mundet ta korisë babanë e tij.

Vetën nuk mundi ta përmbajë nga cinizmi as Presidenti i shkrirë i shtetit dhe Kryetari i ngrirë i LDK’së, Fatmir Sejdiu.

I pyetur rreth Ukës, edhe ai, me doza të cinizmit, e përmendi moshën 18 vjeçare si kusht për të zgjedhur dhe për të qenë i zgjedhur.

Pra, sipas kësaj pjese të LDK’së, Ukë Rugova nuk është as më shumë e as më pak sesa një qytetar i rritur i Republikës së Kosovës.

Nëse është kështu, pse atëherë ai gjatë fushatës për zgjedhje lokale ulej në rreshtin e parë të sallave? Në çfarë cilësie? Si një person i moshës madhore, apo si biri i
Presidentit Rugova?

Po besoj sinqerisht se aty është ulur në cilësinë e dytë dhe që qëllimi final ka qenë që në krah të tij të mblidhen sa më shumë vota.

Mirëpo, po del që LDK e ka dashur Ukën vetëm deri në momentin kur ai ka mbledhur vota për partinë, por jo edhe si hisedar.

Njëjtë e ka dashur edhe Bujar Bukoshin, i cili, ndonëse ka qenë i vendosur në listat zgjedhore për zgjedhjet e përgjithshme diku në bisht, kishte arritur që të renditet i 14’ti prej personave më të votuar. Këtë të fundit e bënë edhe Ministër.

Por, vetëm kaq i ka dashur.

Më e bukura në pasqyrë duhet të dalë kjo pjesë e udhëheqësisë së LDK’së, përkundër anemisë që i reflektohet nga humbja e vazhdueshme e gjakut.

Në të kundërtën, thyhet pasqyra.

Kështu është tregimi për pasqyrën dhe kështu është përvoja historike.

[Disa]

Nese edhe pas gjithe kesaje cfare ka bere LDK prap shiptaret e votojne,me te vertet ata njerez ja e bejne nga Injoranca e thell,ja kan interes prej ksaje partie,ose jan me Serbi,por inshall jan ne grupin e pare,edhe pse ne po psojme por qe ti besh te till jan.

[Kosovelli]

Shkatrrimi vazhdon:

RISI*RISI*RISI*
LAJM I RI -
Vendimi i fundit i LDK-se: Kongresi i LDK-se definitivisht te mbahet pa karrige.