Ku po shkon LDK-ja sot?

[Kosovelli]

Vazhdon shkatrrimi:

Kriza e tij

Fatmir Sejdiu tërhoqi LDK’në nga Qeveria dhe futi vendin në krizë institucionale. Ai nuk dha arsye bindëse për këtë veprim. PDK e interpretoi si trik të dyfishtë vendimin e partnerit: të motivuar për interesa personale dhe elektorale të Sejdiut. Për opsionet e daljes nga kjo situatë, sot mblidhen Ambasadorët e Quint’it.

Nga Shpend Limoni më 17 tetor 2010 në ora 10:00
(E plotësuar) Lidhja Demokratike e Kosovës ka marrë vendim për t’u larguar nga koalicioni qeverisës, gjatë një mbledhjeje të Kryesisë, të shtunën.

Fatmir Sejdiu ka ftuar anëtarët e Kryesisë që të takohen dhe u ka kërkuar atyre të votojnë për t’u larguar nga Qeveria, duke formuluar pyetjen në mënyrën që vështirë ka mundur të refuzohet.

“Kush është për daljen e LDK’së nga koalicioni me PDK’në?”, ka pyetur Sejdiu.

Kjo pyetje ka ngritur duart e pothuaj të gjithë anëtarëve të Kryesisë së LDK’së, duke i dhënë fund kështu pranisë së partisë së dytë në vend në Qeverinë e Kosovës.

Vendimi i LDK’së është bërë publik me një njoftim për media, të shpërndarë me postë elektronike.

“Nga dita e hënë, 18 tetor 2010, LDK tërhiqet nga koalicioni qeverisës, përkatësisht nga Qeveria e Republikës së Kosovës. Të gjithë përfaqësuesit e LDK’së: Zv/Kryeministri, ministrat dhe zv/ministrat, përfundimisht në ditën e hënë - 18.10.2010, bëjnë dorëzimin e detyrave nga postet që kanë pasur”, ka njoftuar LDK.

Të njëjtin vendim, Sejdiu e ka lexuar edhe para mediave duke dhënë edhe disa arsye që kanë shtyrë LDK’në që të marrë një vendim të tillë.

“Unë them se ka qenë një vendim unanim i Kryesisë së LDK’së, duke analizuar zhvillimet e fundit dhe duke dashur që pikërisht të hap proceset normale të zhvillimit të demokracisë”, ka thënë ai.

Sejdiu si shkas ka përmendur edhe votimin në Kuvendin e Kosovës për Strategjinë e Privatizimit të Postës.

“Ajo punë është kapërcyer në mënyrën si është kapërcyer dhe ka bërë një diçka që është e pazakonshme në punën e Parlamentit”, ka thënë ai.

Por, votimi i Strategjisë në Kuvend nuk është arsyeja e vetme.

“Ne kemi analizuar të gjitha trendet”, ka thënë Sejdiu.

Ai ka përmendur edhe datën e zgjedhjeve, të cilën e ka shpallur Ushtruesi i Detyrës së Presidentit të Kosovës, Jakup Krasniqi.
Sejdiu ka thënë se LDK ka pasur “vizion tjetër”.

Lidhja Demokratike e Kosovës kishte nënshkruar me Partinë Demokratike marrëveshjen për formimin e koalicionit në janar të vitit 2008. Këtë koalicion shumëkush e kishte vlerësuar si martesë prej zori. Por, shumëkush po ashtu ka potencuar se kumbarë të këtij bashkëpunimi kanë qenë ndërkombëtarët për shkak të proceseve që ka kaluar vendi.

Shumëçka kishte shkuar mirë mes PDK’së dhe LDK’së, derisa zyrtarë të partisë më të madhe nuk i kishin njoftuar homologët e tyre nga LDK’ja për prishjen e koalicionit, një vit më parë.

Njoftimin për prishjen e koalicionit, LDK’së ia kishte bërë

Zëvendëskryeministri Hajredin Kuçi kolegut të tij në Qeveri, Ramë Manajt, me një SMS, vonë nga lokali i njohur “Zanzibar”.

Kjo situatë ishte shpëtuar nga ndërkombëtarët dhe gjithçka ka shkuar sërish mirë deri në dorëheqjen e Sejdiut.

Por, të shtunën fati i koalicionit ishte në dorën e LDK’së.

Zëvendëskryeministri Ramë Manaj është parë duke dalë nga selia e LDK-së me disa zarfe në dorë. Njëri prej tyre, sipas burimeve të Express, ka përfunduar në ndërtesën e Qeverisë së Kosovës, tek portiri.

Në këtë mënyrë, LDK ka njoftuar partnerin e saj qeverisës për shkëputje nga koalicioni.

Partia Demokratike e Kosovës duket të jetë zënë në befasi nga ky veprim.
Zyrtarë të PDK’së kishin dhënë sinjale të premten se votimi në Kuvend do të rishikohet, por kjo nuk ka bindur LDK’në.

Lideri i PDK’së, Hashim Thaçi, pas kësaj situate, ka takuar përfaqësues ndërkombëtarë në vend, të cilëve ua ka bërë me dije se ai është interesuar që vendi të shkojë në zgjedhje të jashtëzakonshme.

Por, reagimi zyrtar i PDK’së, që është përcjellë nga Enver Hoxhaj, Nënkryetar i kësaj partie, ka qenë vetëm formalitet. Hoxhaj vetëm ka sulmuar LDK’në për vendimin e ngutur, i cili, sipas tij, ka befasuar edhe ndërkombëtarët. Sidoqoftë, PDK ka pranuar se vendi tani është zhytur në krizë institucionale.

“Pas këtij vendimi, janë krijuar rrethana të reja dhe krizë institucionale në vendin tonë. PDK vlerëson se ky vendim është motivuar për interesa të ngushta personale dhe elektorale të kreut të kësaj partie. PDK do të ndërmarrë hapat e mëtutjeshëm në përputhje me Kushtetutën dhe interesat e shtetit”, ka thënë Hoxhaj.

Ai nuk ka pranuar pyetje, duke thënë se qëndrimi i partisë do të shpaloset në ditët e ardhshme.

Ngjarja që ka ndodhur të shtunën nuk u ka shpëtuar ndërkombëtarëve.

Express ka mësuar se të premten mbrëma me zyrtarë të LDK’së është takuar edhe Ambasadori Amerikan në Prishtinë, Christopher Dell.
Por, asgjë nuk është bërë e ditur për opinionin.

Ajo që dihet është qëndrimi amerikan për privatizimin sa më shpejtë të ndërmarrjeve shoqërore në Kosovë, me PTK’në në krye të listës.

Por, duket se me tërheqjen e LDK’së nga koalicioni, çështja e votimit të Strategjisë për Privatizimin e Postës, që është kërkuar edhe nga Sekretarja Amerikane e Shtetit, Hillary Clinton, të mërkurën, të jetë shtyrë përfundimisht.

Fatmir Sejdiu është kujdesur që në prononcim për media, të shtunën, të mos harrojë ta theksojë këtë çështje.

“LDK ka shtruar shumë qartë vizionin e saj se është për procesin e privatizimit. Nuk është kundër asnjëherë. Por, natyrisht, ka qenë një kërkesë e ligjshme e LDK’së që të studiohet më mirë ajo pjesë e rekomandimeve”, ka thënë Sejdiu.

Burime të Express, duke shpjeguar arsyet e largimit befasues të LDK’së nga koalicioni, kanë thënë se kjo është bërë për motive personale të Sejdiut dhe nga frika e tij për situatën brenda LDK’së.

Sipas këtyre burimeve, Sejdiu po favorizon mbajtjen e zgjedhjeve të jashtëzakonshme në vend, për të mënjanuar zgjedhjet në parti.

Vendimi i LDK’së nuk ka lënë indiferentë as Bujar Bukoshin, i cili është pretendent për postin e Kryetarit të LDK’së.

Bukoshi, siç pohohet, të shtunën pasdite ka takuar Kryeministrin Hashim Thaçi, me idenë që t’i kërkojë të mos mbahen zgjedhjet e jashtëzakonshme, të cilat do t’ia minonin planet e tij për të ardhur në krye të LDK’së.

Për opsionet e daljes nga kriza, burime të Express kanë pohuar se sot pritet të mblidhen Ambasadorët e Quint’it.

LDK tërhiqet nga Qeveria

Nga Express më 16 tetor 2010 në ora 13:19

Lidhja Demokratike e Kosovës (LDK) ka vendosur të largohet nga Qeveria.

Vendimi është marrë në mbledhjen e Kryesisë së LDK’së, e cila është mbajtur në mesditë.

"Ka qenë vendim unanim i Kryesisë së LDK’së. Duke analizuar zhvillimet e fundit dhe duke dashur që të hap proceset normale të zhvillimit të demokracisë", ka thënë kryetari i LDK-së, Fatmir Sejdiu.

"Absolutisht LDK asnjëherë nuk ka qenë pengesë dhe do të jetë kontribuuese në të gjitha proceset e rëndësishme për shtetin", tha Sejdiu për gazetarët, pas përfundimit të mbledhjes.

Partneri kryesor në koalicion, Partia Demokratike e Kosovë, ka paralajmëruar konferencë për gazetarë në orën 15.

Haraqija konfirmoi i pari prishjen e koalicionit

Express ka raportuar për prishjen e koalicionit, derisa mbledhja e Kryesisë po vazhdonte ende.

"Po. Kemi vendosur të tërhiqemi nga koalicioni me PDK'në. Vendimi është marrë me shumicë votash", i tha Expressit, Astrit Haraqija, anëtar i Kryesisë së LDK-së.

Shumica e anëtarëve të Kryesisë kanë përkrahur daljen e LDK-së nga Qeveria, ka treguar një burim nga mbledhja.

Mbledhja e Kryesisë ka filluar në orën 12 dhe rreth orës 13:30 po vazhdonte ende.

Komunikata e LDK-së

Kryesia e LDK-së, në mbledhjen e mbajtur më 16.10.2010, duke analizuar thellë zhvillimet e fundit në Kosovë, merr këtë:

Vendim

1. Nga dita e hënë, 18 tetor 2010, LDK tërhiqet nga Koalicioni qeverisës, përkatësisht nga Qeveria e Republikës së Kosovës.

2. Të gjithë përfaqësuesit e LDK-së: Zv/Kryeministri, ministrat dhe zv/ministrat, përfundimisht në ditën e hënë - 18.10.2010, bëjnë dorëzimin e detyrave nga postet që kanë pasur.

3.LDK mbetet e përkushtuar të jetë kontribuese e fuqishme në të gjitha proceset e rëndësishme demokratike e shtetërore në interes të vendit dhe gjithë qytetarëve të tij.

Vendimi është nënshkruar nga kryetari i LDK-së, Fatmir Sejdiu

[Kosovelli]

Vazhdon shkatrrimi:


Sejdiu na shkatërroi

Astrit Haraqija, anëtar i Kryesisë së LDK’së, thotë se Fatmir Sejdiu, për teke të veta, dëshiron ta shkatërrojë LDK’në dhe institucionet e Kosovës.

Sipas tij, Sejdiu, të shtunën, për 15 minuta i shkatërroi institucionet.

Express: A mund të na përshkruani mbledhjen e Kryesisë së LDK’së, ku u vendos për daljen nga Qeveria?
Haraqija: Mbledhja ka zgjatur vetëm 15 minuta. Z. Sejdiu na ka pyetur se kush është kundër koalicionit me PDK’në? Shumica kanë votuar “pro”. Arsyetimi i tij ka qenë votimi për Strategjinë e Privatizimit të PTK’së, megjithëse ata vetë e kanë votuar në parim kur strategjia shkoi në Qeveri. Kështu shkoi kjo punë. Unë ju thashë edhe aty – kallne krejt, bëni çka të doni.

Express: Vendimi i Sejdiut është i ndërlidhur më Kuvendin Zgjedhor të LDK’së. A besoni ju se ai ia ka frikën humbjes në këto zgjedhje?
Haraqija: Tjetër gjë nuk ka kuptim. Pikërisht është kjo. Z. Sejdiu dëshiron të jetë vetëm dhe askush mos t’ia rrezikojë pozitën që ka aktualisht.

Express: Çka do të thotë për LDK’në nëse garon në zgjedhjet nacionale me strukturën aktuale të udhëheqësisë?
Haraqija: Më këtë strukturë garantohet vetëm humbja. Mua më vjen keq për gjithë aktivistët e LDK’së që kanë kontribuar për 21 vjet, tash vijmë në një pozitë që kjo parti po shkatërrohet për teke të Fatmir Sejdiut. Ky është tmerri i LDK’së. Koalicionin me Hashim Thaçin nuk e kam bërë unë, por e ka bërë Fatmir Sejdiu. E tash që Gjykata Kushtetuese konstatoi se ai ka bërë shkelje, tash dëshiron t’ia fusë flakën gjithçkaje. Ai për 15 minuta i shkatërroi gjitha institucionet që i kemi ndërtuar me mund dhe me gjak për shumë vite.

[Kosovelli]

Vazhdon shkatrrimi:

Kryeziu: LDK-së i duhet Sejdiu

Nënkryetari i parë i Lidhjes Demokratike të Kosovës, Eqrem Kryeziu, sërish është vënë në përkrahje të kandidaturës së Fatmir Sejdiut për kryetar të këtij subjekti politik me bindjen se ai është lideri i domosdoshëm për ruajtjen e stabilitetit të brendshëm partiak, por edhe për ngritjen e besimit te elektorati. Kryeziu ka vlerësuar se në këtë drejtim Sejdiu ka dhënë dëshmi të forta gjatë këtij mandati, meqë ka arritur të menaxhojë situatat e rënda, me të cilat është përballur LDK-ja, madje duke ndalur edhe trendët e hapërimit prapa.

"Në situatën e krijuar unë mendoj që Fatmir Sejdiu do të duhej të kishte të paktën edhe një mandat. Për shijen time edhe një mandat, sepse dy mandate mjaftojnë për njerëzit. Ai e mori LDK-në në momentin më kritik të saj, pa Rugovën dhe me ndarje. Në drejtimin e tij u dëshmua se kemi ngritje, edhe pse ne nuk jemi të lumtur, por për herë të parë pas luftës u ndal erozioni i LDK-së", ka thënë Kryeziu, pas takimit me kryetarët e nëndegëve në Prizren, që njëherësh shënonte edhe fillimin e procesit zgjedhor në këtë degë.

Ai ka theksuar se LDK-ja ka nevojë për lidershipin dhe përvojën e Sejdiut, pavarësisht kufizimeve që parashihen në Kushtetutën e Kosovës, për shkak se ai mban postin e presidentit të vendit.

Sipas interpretimit të Kryeziut, presidenti aktual i Kosovës mund të marrë një funksion partiak, por jo edhe ta ushtrojë atë.

"Kushtetuta nuk e ndalon të ketë funksion, por e ndalon ushtrimin e funksionit", është shprehur nënkryetari i LDK-së.
I pyetur nëse kjo gjendje paraqet një hendikep për LDK-në, pasi që do të detyrohej që fushatën zgjedhore në vitin 2011 ta zhvillonte pa liderin e partisë, Kryeziu ka shprehur bindjen se "kjo situatë i ka mangësitë e veta dhe përparësitë, por që përparësitë janë më të shumta".

Ai nuk ka ngurruar që mendimin e vet ta "kristalizojë" duke bërë analogji me njërën nga partitë opozitare, AAK-në.

"Ka parti që liderin e ka në burg dhe e kanë lider. Varet prej perceptimit të tyre dhe vullnetit për veprim unik", ka shtuar ai.
Insistimin që Sejdiu të jetë figura udhëheqëse e LDK-së, Kryeziu e ka arsyetuar me nevojën për stabilitet brendapartiak, pasi që, sipas tij, ky subjekt ka kaluar nëpër dy tërmete politike, humbjen e liderit, Ibrahim Rugova, dhe ndarjen e grupit të Nexhat Dacit.

"Nuk është mirë që çdo mandat të shkaktohet tërmet në LDK, ashtu siç e dëshirojnë mediat. Ne nuk mujmë me e shiku shijen e medieve... Neve na duhet një stabilitet ku do të konstituohet qetësisht LDK-ja, pas dy tërmeteve fatale: e para ishte goditje e Zotit, kurse e dyta politike", është shprehur Kryeziu. /koha/

[Kosovelli]

Vazhdon shkatrrimi:


Haraçija pranon se i është tërhequr vërejtja për kritikat ndaj Sejdiut

Gjakovë, 19 tetor - Anëtari i Kryesisë së LDK-së, Astrit Haraçija, ka pranuar se i është tërhequr vërejtja për deklaratat kundër Sejdiut, pas prishjes së koalicionit LDK-PDK. Ai ka thënë se nuk ka marrë vërejtje nga Sejdiu, por nga të tjerët, por prapëseprapë u qëndron besnik deklaratave të tij për prishjen e koalicionit. Ndërkaq, sot, siç raporton KTV-ja, ai ka lavdëruar kryetarin aktual të partisë, Fatmir Sejdiu. Këto deklarime Haraçija i ka bërë para selisë qendrore të LDK-së, ku Kryesia e partisë po mban mbledhje për të diskutuar për hapat që duhet të merren pas situatës së krijuar.

[Kosovelli]

Vazhdon shkatrrimi:

Lëmsh në LDK

Prishtinë. Selia e Lidhja Demokratike e Kosovës të hënën është “vërshuar” nga mysafirë vendorë e ndërkombëtarë, me qëllim të gjetjes së një zgjidhjeje për situatën aktuale politike të krijuar në Kosovë pas tërheqjes së saj nga koalicioni qeverisës. Nga këto takime, zyrtarët e LDK-së kanë përkrahur mbajtjen e zgjedhjeve më 13 shkurt, ndërkohë që janë vërejtur dallime të mëdha ndërmjet udhëheqësve të LDK-së. Derisa i pari i Prishtinës, Isa Mustafa, ka thënë se nuk ka qenë shumë i kënaqur me kohën e prishjes së koalicionit me PDK-në, i pari i LDK-së, Fatmir Sejdiu, nuk ka dashur t’i komentojë deklaratat e Mustafës.

“Unë nuk dua të komentoj asgjë. Është me rëndësi që ne jemi në një bashkëpunim shumë të ngushtë dhe shumë të thellë dhe për ne është e rëndësishme që të ecin proceset mbarë përpara”, ka pohuar Sejdiu, i cili të hënën për gjashtë orë sa ka qëndruar në parti, përpos ish-ministrave, ka pritur edhe shefin e Zyrës Civile Ndërkombëtare Pieter Feith dhe ambasadoren e Çekisë në Kosovë, Janina Hrbickova.

Ndërkaq kreu i Prishtinës, Isa Mustafa, i pyetur nëse po ndihet më i lehtësuar ngase tashmë i është plotësuar dëshira e kahershme që LDK-ja të tërhiqet nga koalicioni me PDK-në, është shprehur se një gjë të tillë ai e ka kërkuar që të ndodhë më herët.

“Unë kam qenë për një periudhë tjetër”, ka thënë ai, duke rekomanduar gazetarët që të bisedojnë me ata që e kanë marrë vendimin për dalje nga koalicioni, nëse ky vendim ka qenë i
drejtë apo jo.

“Pyetni ata që janë përgjegjës”, ka thënë Mustafa pas një takimi pesëminutësh që ka pasur me ish-presidentin Fatmir Sejdiu. Pas këtyre deklaratave, Mustafa është larguar nga selia e LDK-së dhe arsyetimi ka qenë se ka pasur një takim tjetër në KK të Prishtinës.

Veç përfaqësuesve ndërkombëtarë, LDK-ja dhe Fatmir Sejdiu të hënën ka pritur e përcjellë edhe anëtarët e LDK-së. Ai ka pritur ministrat të cilët të hënën janë larguar nga zyrat e tyre, dhe atë pas vendimit të LDK-së për të dalë nga koalicioni.

Ish-ministri i Punëve të Jashtme, Skënder Hyseni, ai i Administrimit të Pushtetit Lokal, Sadri Ferati, ish-ministri i Tregtisë dhe Industrisë, Lutfi Zharku dhe ish-ministri i Drejtësisë, Haki Demolli, janë parë të kenë hyrë e dalë më pas nga selia e LDK-së. Ministri i Kulturës Lutfi Haziri, ndonëse ka ofruar dorëheqjen nuk është dukur në zyrën e LDK-së, sikurse që nuk është parë as Bujar Bukoshi, i cili në gjashtë muajt e fundit ka drejtuar Ministrinë e Shëndetësisë.

Sido që të jetë, ish-presidenti Sejdiu ka deklaruar se në këtë situatë në të cilën gjendet vendi, LDK-ja do të veprojë konform Kushtetutës. Ai ka pohuar se LDK-ja është pro mbajtjes së zgjedhjeve më 13 shkurt të vitit tjetër, ashtu siç ka marrë vendim ushtruesi i detyrës së presidentit të Kosovës, Jakup Krasniqi.

“Unë respektoj vendimin që ka marrë kryetari i parlamentit. Qëndrimet janë të shprehura shumë qartë dhe unë gjithmonë them duhet të përcillen rrugët kushtetuese. Ky është qëndrimi ynë”, ka thënë ai.

[Kosovelli]

Vazhdon shkatrrimi:

Sejdiu surprizohet nga Lajçi

Pejë. Vetëm një ditë pasi ka braktisur koalicionin me Partinë Demokratike të Kosovës, kryetari i Lidhjes Demokratike të Kosovës, Fatmir Sejdiu, ka zbritur në takim me aktivistët e degës së Pejës, ku ka pasur një surprizë jo shumë të këndshme nga një pjesë e anëtarësisë së partisë së tij. Për këtë surprizë të ish-presidentit është përkujdesur anëtari i kryesisë së LDK-së, Ali Lajçi, i cili pas fjalimit të Sejdiut, ka hyrë në sallë dhe para elektoratit të kësaj partie ka kritikuar ashpër Sejdiun, derisa ka marrë duartrokitje të fuqishme teksa e ka quajtur të parin e LDK-së edhe qyqar.

Kryetari i LDK-së gjatë këtij takimi në Pejë, përpos fjalimit që ka mbajtur, nuk ka zhvilluar kurrfarë debati me aktivistët, duke u larguar shpejt nga salla i shoqëruar me truproje të shumta.

Gjatë fjalimit para pejanëve i pari i LDK-së ka thënë se prishja e koalicionit ka qenë kërkesë e vetë elektoratit të LDK-së dhe ndodhur në momentin më të duhur. Ai ka mohuar mundësinë që prishja e koalicionit të ketë ndodhur si pasojë e mosaprovitimit të strategjisë për privatizimin e PTK-së. Sejdiu ka folur edhe për zgjedhjet e parakohshme, duke thënë se ato janë një shans dhe obligim për LDK dhe strukturën e saj për zgjerimin dhe mobilizim të LDK-së që ajo të marrë
rolin udhëheqës që i takon.

“LDK e ka ballin hapët për të gjitha punët që i ka kryer për të mirën e Kosovës, për qytetarët e Kosovës. LDK e ka vizonin e qartë çfarë duhet bërë për Kosovën, atë që është interes i qytetarëve të saj, që njeriut të Kosovës ia bën jetën më të mirë, e ofron me Evropë dhe e mban në miqësi të përhershme me SHBA”.

Pas këtij fjalimi, derisa kryetari Sejdiu me grupin e të ardhurve nga Prishtina ka kaluar nga salla solemne e hotel Dukagjinit për drekë në sallën ngjitur me të, Ali Lajçi ka rrëmbyer mikrofonin dhe u ka bërë thirrje aktivistëve (që nuk ishin të ftuar në drekë me

Sejdiun) që të kthehen në sallë, sepse takimi vazhdon. Pjesa dërmuese e pjesëmarrësve

janë kthyer dhe e kanë dëgjuar Lajçin, disa me duartrokitje dhe disa me qëndrim të heshtur në sallë, në një atmosferë rrëmuje që i ka ngjarë asaj të tre vjetëve më parë kur në kuvendin e degës së Pejës kishte shpërthyer rrahje mes delegatëve.

“Nuk u fol për reformë, nuk u fol për zgjedhjet, për elektoratin për hallet dhe problemet e elektoratit, prandaj ikën... A e vërejtët si ikën qyqarët, duhet të rrinin këtu të takohen me aktivistë, me elektoratin, të jepen përgjigje e sqarime”, ka thënë Lajçi, kësaj radhe jo nga foltorja e sallës, por në këmbë me mikrofon në dorë në mes të pjesëmarrësve të takimit.

[Kosovelli]

Vazhdon shkatrrimi:

Kryeziu: LDK-së i duhet Sejdiu

Nënkryetari i parë i Lidhjes Demokratike të Kosovës, Eqrem Kryeziu, sërish është vënë në përkrahje të kandidaturës së Fatmir Sejdiut për kryetar të këtij subjekti politik me bindjen se ai është lideri i domosdoshëm për ruajtjen e stabilitetit të brendshëm partiak, por edhe për ngritjen e besimit te elektorati. Kryeziu ka vlerësuar se në këtë drejtim Sejdiu ka dhënë dëshmi të forta gjatë këtij mandati, meqë ka arritur të menaxhojë situatat e rënda, me të cilat është përballur LDK-ja, madje duke ndalur edhe trendët e hapërimit prapa.

"Në situatën e krijuar unë mendoj që Fatmir Sejdiu do të duhej të kishte të paktën edhe një mandat. Për shijen time edhe një mandat, sepse dy mandate mjaftojnë për njerëzit. Ai e mori LDK-në në momentin më kritik të saj, pa Rugovën dhe me ndarje. Në drejtimin e tij u dëshmua se kemi ngritje, edhe pse ne nuk jemi të lumtur, por për herë të parë pas luftës u ndal erozioni i LDK-së", ka thënë Kryeziu, pas takimit me kryetarët e nëndegëve në Prizren, që njëherësh shënonte edhe fillimin e procesit zgjedhor në këtë degë.

Ai ka theksuar se LDK-ja ka nevojë për lidershipin dhe përvojën e Sejdiut, pavarësisht kufizimeve që parashihen në Kushtetutën e Kosovës, për shkak se ai mban postin e presidentit të vendit.

Sipas interpretimit të Kryeziut, presidenti aktual i Kosovës mund të marrë një funksion partiak, por jo edhe ta ushtrojë atë.

"Kushtetuta nuk e ndalon të ketë funksion, por e ndalon ushtrimin e funksionit", është shprehur nënkryetari i LDK-së.
I pyetur nëse kjo gjendje paraqet një hendikep për LDK-në, pasi që do të detyrohej që fushatën zgjedhore në vitin 2011 ta zhvillonte pa liderin e partisë, Kryeziu ka shprehur bindjen se "kjo situatë i ka mangësitë e veta dhe përparësitë, por që përparësitë janë më të shumta".

Ai nuk ka ngurruar që mendimin e vet ta "kristalizojë" duke bërë analogji me njërën nga partitë opozitare, AAK-në.

"Ka parti që liderin e ka në burg dhe e kanë lider. Varet prej perceptimit të tyre dhe vullnetit për veprim unik", ka shtuar ai.
Insistimin që Sejdiu të jetë figura udhëheqëse e LDK-së, Kryeziu e ka arsyetuar me nevojën për stabilitet brendapartiak, pasi që, sipas tij, ky subjekt ka kaluar nëpër dy tërmete politike, humbjen e liderit, Ibrahim Rugova, dhe ndarjen e grupit të Nexhat Dacit.

"Nuk është mirë që çdo mandat të shkaktohet tërmet në LDK, ashtu siç e dëshirojnë mediat. Ne nuk mujmë me e shiku shijen e medieve... Neve na duhet një stabilitet ku do të konstituohet qetësisht LDK-ja, pas dy tërmeteve fatale: e para ishte goditje e Zotit, kurse e dyta politike", është shprehur Kryeziu. /koha/

Me Eqa e keqa deri ketu mberrihet.

[Kosovelli]

Vazhdon shkatrrimi:

Sejdiu surprizohet nga Lajçi

Pejë. Vetëm një ditë pasi ka braktisur koalicionin me Partinë Demokratike të Kosovës, kryetari i Lidhjes Demokratike të Kosovës, Fatmir Sejdiu, ka zbritur në takim me aktivistët e degës së Pejës, ku ka pasur një surprizë jo shumë të këndshme nga një pjesë e anëtarësisë së partisë së tij. Për këtë surprizë të ish-presidentit është përkujdesur anëtari i kryesisë së LDK-së, Ali Lajçi, i cili pas fjalimit të Sejdiut, ka hyrë në sallë dhe para elektoratit të kësaj partie ka kritikuar ashpër Sejdiun, derisa ka marrë duartrokitje të fuqishme teksa e ka quajtur të parin e LDK-së edhe qyqar.

Kryetari i LDK-së gjatë këtij takimi në Pejë, përpos fjalimit që ka mbajtur, nuk ka zhvilluar kurrfarë debati me aktivistët, duke u larguar shpejt nga salla i shoqëruar me truproje të shumta.

Gjatë fjalimit para pejanëve i pari i LDK-së ka thënë se prishja e koalicionit ka qenë kërkesë e vetë elektoratit të LDK-së dhe ndodhur në momentin më të duhur. Ai ka mohuar mundësinë që prishja e koalicionit të ketë ndodhur si pasojë e mosaprovitimit të strategjisë për privatizimin e PTK-së. Sejdiu ka folur edhe për zgjedhjet e parakohshme, duke thënë se ato janë një shans dhe obligim për LDK dhe strukturën e saj për zgjerimin dhe mobilizim të LDK-së që ajo të marrë
rolin udhëheqës që i takon.

“LDK e ka ballin hapët për të gjitha punët që i ka kryer për të mirën e Kosovës, për qytetarët e Kosovës. LDK e ka vizonin e qartë çfarë duhet bërë për Kosovën, atë që është interes i qytetarëve të saj, që njeriut të Kosovës ia bën jetën më të mirë, e ofron me Evropë dhe e mban në miqësi të përhershme me SHBA”.

Pas këtij fjalimi, derisa kryetari Sejdiu me grupin e të ardhurve nga Prishtina ka kaluar nga salla solemne e hotel Dukagjinit për drekë në sallën ngjitur me të, Ali Lajçi ka rrëmbyer mikrofonin dhe u ka bërë thirrje aktivistëve (që nuk ishin të ftuar në drekë me

Sejdiun) që të kthehen në sallë, sepse takimi vazhdon. Pjesa dërmuese e pjesëmarrësve

janë kthyer dhe e kanë dëgjuar Lajçin, disa me duartrokitje dhe disa me qëndrim të heshtur në sallë, në një atmosferë rrëmuje që i ka ngjarë asaj të tre vjetëve më parë kur në kuvendin e degës së Pejës kishte shpërthyer rrahje mes delegatëve.

“Nuk u fol për reformë, nuk u fol për zgjedhjet, për elektoratin për hallet dhe problemet e elektoratit, prandaj ikën... A e vërejtët si ikën qyqarët, duhet të rrinin këtu të takohen me aktivistë, me elektoratin, të jepen përgjigje e sqarime”, ka thënë Lajçi, kësaj radhe jo nga foltorja e sallës, por në këmbë me mikrofon në dorë në mes të pjesëmarrësve të takimit.

Bazuar ne reagimet e z.Ali Lajqi dje ne Peje dhe qendrimin e z.Bukoshi mbrem ne debat me gazetar ne RTK po del se LDK eshte staliniste.

[Kosovelli]

Shkolla ish Komuniste-Rugoviane

Kështu e kan të pa kurrizorët, ujku kimen e ndrron por zanatin nuk e harron.
LDK-ja ishte ajo kur UÇK-ja luftonte, këta bastard thuaja se asgjë nuk po ndodhte pa fijen e turpit mbanin zghedhje të lira në Prishtinë.
LDK-ja ftoi interpolin për të kap ushtarët e UÇK-së. Konkretisht per rastin e atentatiti kunder Papoviqit qe e kishte krye heroi Zahir Pajaziti.
LDK-ja ishte ajo kur Serbia vrite nxënës kjo bënte marrveshje me Millosheviqin për arsim.
LDK-ja ishte ajo me degë, pipa e satelit me gjitha mundsit e tyre pengonin dhe deninconin luften e shejt të UÇK-së.
LDK-ja ishte ajo që në Rambuje e nënshkroi marrveshjen për Qeveri të përkohshme dhe pastaj e sabotoi.
LDK-ja ishte ajo që dergoi në Hagë Ushtarët e UÇK-së.
LDK- jaishte ajo ..., mund të shkruaj deri neser për veprimet e saja antikombtare.
Ka ardhur koha që kjo parti të mbetet jasht Parlamentit.

[mebybe]

Ahhahahh. Sa hajgaregji more ti. Shiko mos tiu dalin dosjet juve te LPK -se ( LEPUJT E KOSOVES).
Perallat moren fund tash. BDI-a eshte ne hall me dosje. Fazli Velia shefi i LPK-se bashkepuntor i UDB-se. Ahahhahahhahah.