Ku po shkon LDK-ja sot?

[Kosovelli]

Vazhdon shkatrrimi:

Lajçi e Haraçia përkrahin Bukoshin
| 09-08-2010 16:10 CET
Prishtinë. Deklarata e ministrit të Shëndetësisë, Bujar Bukoshi, se Lidhja Demokratike e Kosovës është e nënshtruar dhe e poshtëruar në raport me partnerin e koalicionit, PDK-në, ka ndarë në dy grupe anëtarët e kësaj partie.

Për më tepër, “shokët” e Bukoshit janë të ndarë edhe në raport me përkrahjen që ministri i Shëndetësisë ka shprehur për kryetarin e Prishtinës, Isa Mustafa, nëse ai do të garonte për kryetar të Lidhjes Demokratike të Kosovës.

Derisa qeveritarët dhe personat e afërt me ta mbrojnë idenë se LDK-ja nuk është duke u poshtëruar e nënshtruar nga PDK-ja, anëtarë të tjerë të Kryesisë i kanë dhënë mbështetje të plotë deklaratës së Bukoshit.

Anëtari i Kryesisë së LDK-së, Ali Lajçi, thotë se partia e tij është e nënshtruar dhe atë jo vetëm nga PDK-ja por edhe nga “klani i Sejdiut”, siç e quan ai grupin që e përkrah presidentin Sejdiu.

“LDK-ja nuk mund të ngjallet as të bëhet parti numër një derisa kryetari e mban pengë atë, dhe derisa bëjnë politikë kote Lutfi Haziri dhe Eqrem Kryeziu”, thotë Lajçi.

Edhe anëtari tjetër i Kryesisë, Astrit Haraçia, pajtohet me Bukoshin.

“Edhe unë mendoj kështu. LDK-ja me këtë formë siç është duke u bërë tash, është e poshtëruar dhe e nënshtruar në raport me PDK-në, ndërsa sa i përket kandidatit për kryetar nuk do të thotë që duhet të jetë vetëm Isa, mundet të jetë edhe tjetërkush”, thotë Haraçia.

Ndërkaq, anëtarë të Qeverisë nga LDK dhe udhëheqës të kësaj partie, thonë se partia e tyre “ka hise” në qeveri aq sa ka marrë vota nga qytetarët, ndërsa presidentin e Kosovës, Fatmir Sejdiu, e shohin si personin më ideal për të udhëhequr partinë.

Nënkryetari i LDK-së, Eqrem Kryeziu, thotë se temat e theksuara nga Bukoshi janë çështje personale dhe tregim i shijes së tij, gjë që sipas tij, nuk e jep mundësinë e debatit.

“Këto janë kategori tepër delikate të flasësh për to, sepse nëse unë përpiqem të poshtëroj dikë tjetër, në fakt ai tjetri nuk është i poshtëruar sa jam unë që mundohem ta poshtëroj. Edhe kjo (Isa Mustafa) është shije e tij, sepse ne jemi në rrethana goxha komplekse. Ne e kemi presidentin edhe lider”, thotë ai.

Edhe ministri i Administrimit të Pushtetit Lokal, Sadri Ferati, mendon se poshtërimi dhe nënshtrimi nuk ekzistojnë.

“Kuptohet, këto janë qëndrime individuale. Unë mendoj se, sa u përket përgjegjësive, si ministër aty ku i ushtroj përgjegjësitë jam mjaft kompetent dhe nuk kam interferime të askujt”, thotë Ferati.

Sipas tij, LDK-ja e ka kryetar presidentin e vendit, Fatmir Sejdiu, prandaj nuk ka nevojë as të diskutohet kjo çështje.

“Natyrisht ka nevojë të flitet për persona të fuqishëm që janë në interes të LDK-së, të qytetarëve, të Kosovës, që ata t’i ofrohen majës së udhëheqjes në LDK dhe Isa Mustafa është një person që unë e vlerësoj, është i dobishëm”, shprehet ai.

Edhe ministri i Drejtësisë, Haki Demolli, thotë se për katër muaj sa ka udhëhequr dikasterin e Drejtësisë nuk ka përjetuar asnjë lloj poshtërimi dhe nënshtrimi.


“Jo, nuk ka kurrfarë nënshtrimi apo poshtërimi aty. Thjesht, ne jemi në dikastere përkatëse që menaxhojnë me buxhete që janë ndarë nga Qeveria dhe janë aprovuar nga Kuvendi”, thotë ai.

Një ditë më parë, në një intervistë për “Zëri”, ministri Bukoshi ka thënë se partia e tij po “jeton” e nënshtruar dhe e poshtëruar nga PDK-ja, ndërsa ka përkrahur fuqishëm Isa Mustafën, nëse ai do të kandidohej për kryetar të LDK-së.

Bukoshi është një figurë negative në politikën kosovare. Gjatë luftës mbajti qendrim koloboracionist. Në atë kohë ishte më shumë i interesuar të rrëzonte pushtetin në Shqipëri nëpërmjet falangave të tij ushtarake, se sa të organizonte qendresën në Kosovë. Bukoshi ka shkelur besimin e 1 milion kosovarëve në diasporë duke ju grabitur paratë e 3% ndëshit.

[oraemalit]

Bukoshi është një figurë negative në politikën kosovare. Gjatë luftës mbajti qendrim koloboracionist. Në atë kohë ishte më shumë i interesuar të rrëzonte pushtetin në Shqipëri nëpërmjet falangave të tij ushtarake, se sa të organizonte qendresën në Kosovë. Bukoshi ka shkelur besimin e 1 milion kosovarëve në diasporë A ju grabitur paratë e 3% ndëshit.

A edhe fondin} vendlindja therret } e ka pasur Bukoshi a?!

[oraemalit]

Pas shperberjese se Jugosllavise,partise simoter LDK(LKJ),nuk i ka mbetur tjeter veq hapit A Jugosllavise.
Ne zgjedhjet e ardhshme titizmi dhe titistet po marrin fund pas 60 vjete.

E duhet tia leshojn rrugen Stalinisteve dhe Fatos Klosisteve, e kuqaloshve.

[Kosovelli]

E duhet tia leshojn rrugen Stalinisteve dhe Fatos Klosisteve, e kuqaloshve.

stalini eshte vlla me proletarer e popujt jugosllav, bashke me ta jeni ne nje thes... si shoki tita si stalini e si enveri si hero i popullit jugosllave me gjith medalje e marrur ne beligrad ja pafshi hajrin

[Kosovelli]

Vazhdon pergaditjet per kuvendin e ri!
Ushtrime intenzive!

[Kosovelli]

Vazhdon pergaditjet per kuvendin e ri!
Ushtrime intenzive!

As Chuck Norris nuk mundet ma me ju nxjerr nga BALTA!!!

[laguna blu]

Qendra për Informim e Kosovës

Informatori ditor nr.2537

Prishtinë, 31 janar 2000



Sot në Prishtinë i zhvilloi punimet seanca e pestë plenare e Kuvendit të Republikës së Kosovës



Prishtinë, 31 janar (QIK) - Sot në Prishtinë, në sallën e kuqe të Pallatit të Rinisë dhe Sporteve, u mbajt mbledhja e pestë plenare e Kuvendit të Republikës së Kosovës, në të cilën mes tjerash, u shqyrtua raporti i punës së Qeverisë së Republikës së Kosovës për periudhën 1991-2000.

Punimet e Kuvendit i hapi kryetari i Kuvendit, akademik Idriz Ajeti, i cili i thirri deputetët për një minutë heshtje për deputetin Rashit Gorani, i cili vdiq në dhjetor të vitit të kaluar.

Fjala e kryetarit Ibrahim Rugova: Fillimisht deputetëve iu drejtua kryetari i Republikës së Kosovës, Ibrahim Rugova. Ai tha se gjendja e përgjihshme e përgjithshme dhe gjendja e sigurisë në Kosovë është gjithnjë e më e mirë dhe më stabile. Këtë vlerësim e mbështesim në punën e KFOR-it, të UNMIKU-t dhe të institucioneve e të forcave politike të Kosovës. Këtë mund ta themi sot pas tetë muajsh të fitores sonë dhe të fitores së NATO-s dhe të botës së civilzuar në Kosovë, - theksoi kryetari Rugova.

Ai pastaj tha se çështje me rëndësi të veçantë dhe që hap perpektivë është formimi i strukturave të përbashkëta me UNMIK-un. "Ne e bëmë këtë hap me qëllim që Kosova dhe UNMIK-u të jenë më efikas në ndërtimin institucional, ekonomik e social të vendit tonë".

- Këto struktura të përbashkta do të funksionojnë deri në zgjedhjet e reja nacionale e lokale Kosovë. Me këtë gjest politik për të udhëhequr së bashku me UMNIKU-un, kosovarët dhe forcat politike kanë treguar se kanë kulturë politike e shtetërore dhe janë në gjendje të punojnë në rrugë demokratike për të mirën e vendit të vet - tha dr.Rugova.

Kryetari Rugova në fajën e tij u shprehu mirënjohje të veçantë deputetevëeve të legjislacionit të vitit 1990, të vitit 1992 dhe të vititi 1998 për punën e madhe dhe për sakrificat për lirinë dhe pavarësinë e Kosovës. Ai u shprehu mirënjohje speciale të gjithë qytetarëve të fuqishëm e të urtë të Kosovës për pjesëmarrje dhe ndërtim të institucionve demokratike, si dhe Qeverisë pluraliste të Republikës së Kosovës, e cila gjithë kohën punoi për të mirën e Kosovës.

Kryetari Rugova tha se mirënjohjne më të madhe kemi për të gjithë të rënët për lirinë dhe pavarsëinë e Kosovës.

Në vazhdim, kryetari Rugova tha se mirënjohjen tonë ua detyrojmë Kongresit amerikan, Parlamentit Evropian, si dhe vendeve evropiane e anëtarëve të OKB-së, qeverive të tyre, të cilat punuan me insticionet e Kosovës. "Jam bindur se këtë përkrahje do ta gëzojmë edhe në të ardhmen", theksoi ai.

- Mirënjiohje të thellë i detyrojmë presidemtot Klinton dhe sekretares Ollbrajt, pastaj kryeministrit Bler dhe sekretarit Kuk, kancelarit Shrëder dhe ministrit Fisher, presidentit Shirak dhe ministrit Vedrin, si dhe kryemnistrit italian D'Alema, tha kryetari Rugova dhe theksoi se përkrahjen e tyre e kërkojmë për sot dhe për nesër.

Posaçërisht, tha ai, i shprehim mirënjohje të madhe Papa Gjon Palit II dhe kërkojmë përkrahjen e tij.

Duke folur për aktualitin e sotëm kosovar, kryetari Rugova tha se këto ditë gjendemi në prag të përgatitjeve për zgjedhjet e reja kombëtare, pra shtetërore: presidenciale, parlamentare e lokale. Ne të gjithë së bashku me UNMIK-un, KFOR-in dhe insitucionet e tjera ndërkomëbtre, duhet të angazhohemi të krijojmë një klimë të tolerancës dhe mirëkuptimit, që të kemi zgjedhje të suksesshme, të vendosim rendin demokratik në Kosovë brenda vitit 2000.

- Jam i bindur se qytetarët e Kosovës dhe të gjithë ne bashkërisht do të angazhohemi edhe më shumë në ndërtimin e pavarëssië, lirisë dhe demokracisë në Kosovë, - tha në fund të fjalës së tij kryetari i Republikës së Kosovës, Ibrahim Rugova.

Ekspozeja e kryeministrit Bukoshi: Në ekspozenë para deputetëve të Kuvendit të Republikës së Kosovës, kryeministri i Republikës së Kosovës, dr. Bujar Byukoshi në fillim tha:

"Është nder, përgejgjësi dhe kënaqësi që në emër të qeverisë, të cilën Kuvendi legjitim i Kosovës e ka manadatuar dhe legjitimuar tetë vjet më parë, të vijë sot para këtij forumi të lartë për të bërë këtë inforimim zyrtar për punën e qeverisë. Po ashtu është krenari dhe kënaqësi për të gjithë bashkëpunëtorët e mi që këtë informim po e bëjmë në Kosovën e çliruar nga sundimi serb", tha ai.

Pasi foli për detyrat dhe për vështirësitë me të cilat ballafaqohet një qeveri që punon në ekzil, z. Bukoshi u bëri një vështrim resorëve kryesorë të Qeverisë, të cilët u angazhuan në mënyrë të veçantë, siç janë: arsimi, punët e jashtme, financat dhe mbrojtja, duke vlerësuar veç e veç punë dhe aktivitetin e tyre të madh.

Kryeministri Bukoshi foli gjerësisht për aktivitetin e qeverisë së tij në planin politik e diplomatik, dhe marrëdhëniet me Shqipërinë. Ai lavdëroi raportet e ngushta dhe shumë të mira me qeverinë dhe minmistrinë e jashtme të këtij vendi, veçmas deri në mesin e vitit 1997.

Pasi foli për kontaktet diplomatike të qeverisë së tij me disa vende perëndimore, si Gjermania, SHBA-të, Italia, Franca, Britania e Madhe, Spanja etj, z.Bukoshi tha se kjo ishte një punë e vështir, por i dha rezultatet e veta.

Z.Bukoshi theksoi se realiteti i sotëm në Kosovë nuk u krijua si rezultat i një pune që filloi dje dhe që dha rezultatet menjeherë, siç pretendojnë disa, por i asaj pune që gjithë së bashku e filluam në vitete e 90 e arritëm deri këtu.

Në vijim kryeministri i Kosovës foli për raportin e punës së Qeverisë se Republikës së Kosovë për periudhën tetor 1991 dhjetor 1999.

Ai theksoi se Qeveria rëndësi të veçantë i ka kushtuar sigurimit të mejteve financiare për nevojat e Kosovës dhe përmendi se gjatë asaj periudhe u themeluan 19 fonde të Republikëssë Kosovës në shtetet e perendimit dhe në Shqipëri, Këshilli Qendror për Financim në Kosovë dhe Dardania Bank në Shqipëri.

Zoti Buksohi theksoi se gjatë kësaj periudhe në vendet e perëndimit në fondet e qeverisë u grumbulluan 217 milionë DM, 3,6 milionë dollarë amerikanë dhe mbi 30 milionë franka zvicerane. Ai theksoi se shtytje të veçantë grumbullimit të mjeteve financiare i dha aksioni "Ndihma për pavarësinë e Kosovës", nga i cili u financuan nevojat mbrojtëse në Kosovë. Duke folur më tej, Z.Bukoshi tha se gjatë kësaj periudhe për nevoja të ndryshme janë shpenzuar mbi 183 milionë DM, mbi 19 milionë franka zvicerane dhe 750 mijë dollarë amerikanë. Pjesa më e madhe e tyre ëshët orientuar për arsim dhe nevoja sociale, shkencore e kulturore në Kosovë, pastaj për nevoja mbrojtëse, informim dhe për institucionet e Republikës së Kosovës.

Në ekpsozenë e tij, kryeministri Bujar Bukoshi foli gjerësisht për Ministrin e Mbrojtjes së Kosovës, duke theksuar se që nga viti 1991-1992 janë mbulur shumica e komunave të Kosovë me këtë formë të oragnizimit të mbrojtjhes dhe është vedosur sistemi i mborjtjes në nivele komunale dhe në atë qendror.

Ai foli për anagzhimin e kuadrit profesional të Ministrisë Mbrojtjes dhe theksoi se ky kuadër me përvojë ushtarake u angazhua dhe u lidh me komandatët e UÇK-së në Kosovë, me qëllim të forcimit dhe të funksionimit të rezistencës unike për çlirimin e Kosovës.

"Fatkeqësisht më 21 shtator 1998, në Tiranë vritet me atentat ministri i mbrojtjes së Republikës së Kosovës, kolonel Ahmet Krasniqi, i cili ishte në rrugë të mbarë që të unifikonte plotësisht faktorin ushtarak. Kjo ngjarje e hidhur dhe makabër pati edhe pasojat e veta në ngadalësimin e organizimit të mirëfilltë të faktorit ushtarak në Kosovë", theksoi ai.

Zoti Bukoshi tha se që nga fundi i marsit të vitit 1999 Ministria e Mbrohtjes, me vendim të Qeverisë, vuri në duspicizion për mbrojtje të gjitha mjetet financiare të grumbulluara në aksionin e veçantë për pavarësinë e Kosovës.

Ai theksoi se me gjikthë vështirësit dhe pengasat që i janë bërë nga disa qarqe zyrtare të qeverisë së Shqipërisë, Ministria e Mbrojtjes e ka vazhduar punën deri në fund të majit 1999, përkatësisht deri në momentin kur është marrë vendimi për transformimin e UÇK-së.

Duke folur për punën e ardhshme, zoti Bukoshi tha se me këtë informim para Parlamentit legjitim të Kosovës, pezullohet puna e Qeverisë së Kosovës, por mandati i saj mbetet deri në zgjedhjet e lira dhe demokratike të Kosovës.

Duke folur më tej për fondet e Qeverisë e pashpenzuara, zoti Bukoshi para deputëtve propozoi me këto mjete të formohet Forndacioni i Republikës së Kosvës ose Fondacioni për ridnërtimin dhe ndërtimin e shoqërisë civile në Kosovë.

Kryeministri i Republikës së Kosovës me këtë rast falenderoi shumë institucione, organizata e individë nga Kosova e nga diaspora, si dhe nga vendet e tjera që e ndihmuan dhe e përkrahën Qeverinë në punën e saj.

Diskutimet në mbledhjen e Kuvendit të Kosovës: Deputeti Adil Pireva tha se fjala e sotme e z.Bukoshi ka demistifikuar shumë çështje rreth mbrojtjes së kësaj qeverie. Ai shtoi se Qeveria e Bukoshit ishte e vetmja Qeveri që veproi ligjshëm dhe lirshëm jashtë vendit dhe që nuk i dha llogari askujt.

Ndërkaq deputeti Naip Zeka në fjalën e tij theksoi se është mirë që banka "Dardania" të Aë shoqëri aksionare.

Rexhep Gjergji tha se kjo mbledhje është e papërgatitur sepse nuk janë takuar as komisionet.

Ndërsa deputeti Haki Shatri theksoi se është formuluar mirë qëndrimi nga ana e Qeverisë dhe së është mirë të jetë ashtu si e ka propozuar vetë Qeveria.

Disa deputetë ishin të mendimit që lidhur me raportin e paraqitur nga qeveria, sidomos pjesa ku flitet për fondet e Qeverisë së Republikës së Kosovës, të debatohet në mbledhjen e ardhshme.

Para kësaj mbledhjeje u mor qëndrim që Komisioni për Financa i Kuvendit të Republikës së Kosovës, përfaqësuesit e qeverisë të takohen dhe të formulojnë se kush në periudhën e ardhshme do të udhëheqë me fondet e Qeverisë së Kosovës.

Deputetët miratuan një rezolutë, (të cilën po e japim në tërësi), me disa vërejtje lidhur me zgjedhjet, për të cilat u tha se duhet të kërkohet nga bashkësia ndërkombëtare që ato të mbahen sa më shpejt dhe që të jenë njëkohësisht parlamentare, presidenciale dhe lokale.

Disa deputetë kërkuan që zoti Kushner të gjejë mundësinë për përfaqësimin e Kuvendit në Këshillin e Përkohshëm Administratv të Kosovës.

Ndërkaq, deputetja Edita Tahiri paraqiti qëndrimin e Komisionit për Politikë të Jashtme të Kuvendit të Republikës së Kosovës që në KPA të gjendet mundësia e krijimit të departamentit për politikë të jashtme. Ky propozim u miratua në seancën e sotme të Kuvendit.

Deputet e Kuvendit vendosën që seanca e sotme të vazhdojë pas dhjetë ditësh.

[Llapi]

Isa Mustafa në vend të Sejdiut për kreun e LDK-së?

Publikuar: Sot, më 15 tetor 2010

Prishtinë, 15 tetor – Kryebashkiaku aktual i Prishtinës, Isa Mustafa, do të garojë, në vend të Fatmir Sejdiut, për kryetar të Lidhjes Demokratike të Kosovës në zgjedhjet brenda kësaj partie. Kështu ka mësuar Koha.net nga burime brenda LDK-së, të cilat kanë kërkuar të mos u përmendet emri. Sipas këtyre burimeve, tashmë janë duke u bërë përgatitjet e fundit për këtë ndryshim kandidatësh për kryetar të LDK-së. Mirëpo, para se të bëhet publike kandidimi i Mustafës për kreun e kësaj partie, Fatmir Sejdiu do të tërhiqet nga posti i kryetarit të LDK-së, dhe këtë, sipas burimeve, do ta bëjë shumë shpejt.
Nëse ndodhë ky ndryshim, siç paralajmërojnë burimet e Koha.net, atëherë për kryetar të LDK-së do të garojnë Isa Mustafa dhe Bujar Bukoshi, dy ish-bashkëpunëtorët e ngushtë në Qeverinë në ekzil të viteve të ’90-ta, në të cilën, siç dihet, Bukoshi ka qenë kryeministër, ndërsa Mustafa ka udhëhequr dikasterin e ekonomisë dhe financave.

[Kosovelli]

Shkatrrimi vazhdon

Përçarjet në LDK, pas prishjes së koalicionit

Prishtinë, 18 tetor - Pas takimeve të shumta me anëtarë të LDK-së me shefin e ICO-s, Pieter Feith dhe me ambasadoren e Çekisë në Prishtinë, Janina Hrebickova, kryetari i LDK-së, Fatmir Sejdiu, nuk ka dhënë ndonjë lajm të ri sa i përket tejkalimit e gjendjes ku është futur vendimi pas daljes së LDK-së nga koalicioni qeverisës. Sejdiu ka përsëritur qëndrimin e vjetër se LDK-ja e respekton vendimin e presidentit në detyrë, Jakup Krasniqi, që zgjedhjet të mbahen më 13 shkurt të vitit të ardhshëm, duke shtuar se duhet të përfillen zgjidhjet kushtetuese. Sejdiu nuk ka pëlqyer shumë të komentojë deklarimin e kryetarit të Prishtinës, Isa Mustafa, që nuk e ka vlerësuar të drejtë tërheqjen e LDK-së nga koalicioni qeverisës me PDK-në. “Nuk komentoj asgjë, jemi në bashkëpunim të ngushtë”, ka përfunduar Sejdiu, duke mos dashur t’i bëheshin pyetje të tjera nga gazetarët.

Faleminderit për rekomandimin

[Kosovelli]

Vazhdon shkatrrimi:

Ndarje tjetër

Isa Mustafa dhe Fatmir Sejdiu ndahen në qëndrimin rreth prishjes së koalicionit qeverisës. Kryetari i Prishtinës mendon se ndarja është dashur të bëhet ndryshe. Ai tha se ka qenë për një tjetër mënyrë dhe për një tjetër moment të daljes së LDK’së nga Qeveria. Sejdiu nuk dëshiroi ta komentojë këtë deklaratë.

Nga Bekim Graiçevci më 19 tetor 2010 në ora 08:00
Isa Mustafa, njeriu që kishte kërkuar pareshtur daljen e LDK’së nga Qeveria e Kosovës, të hënën u shpreh i pakënaqur me këtë vendim të Fatmir Sejdiut dhe bashkëpartiakëve të tjerë.

Kryetari i Prishtinës vlerëson se vendimi për ikje nga koalicioni me PDK’në është dashur të bëhet në mënyrë tjetër dhe në një periudhë tjetër kohore.

Këtë qëndrim Mustafa e shfaqi pasi doli i vetëm nga një takim me Fatmir Sejdiun dhe disa zyrtarë të tjerë të LDK’së, pesë minuta pasi kishte hyrë aty.

“Unë kam qenë për një mënyrë tjetër të daljes së LDK’së nga koalicioni me PDK’në. Unë kam qenë edhe për një kohë tjetër”, u ka thënë Mustafa gazetarëve, të hënën në mesditë.
Prania e shkurtër në takim me Sejdiu, në mediat kosovare u raportua si braktisje e mbledhjes.

Kjo u mohua me shpejtësi nga Zyra për Informim e LDK’së dhe ajo e Komunës së Prishtinës.

Por, asnjëra kumtesë nuk hodhi poshtë deklaratën e Mustafës rreth vendimit për dalje nga Qeveria, dhënë para kamerave.

Kur u kthye për herë të dytë në takim, gjatë ditës, në selinë e LDK’së, Isa Mustafa, ndonëse nuk është pajtuar me “kohën dhe mënyrën” e shkëputjes së koalicionit qeveritar, tha se e respekton vendimin e Kryesisë së LDK’së.

Ish-Presidenti Fatmir Sejdiu nuk pranoi të komentojë deklaratën e Mustafës.

“Unë s’dua të komentoj kurrgjë. Është me rëndësi që ne jemi në një bashkëpunim shumë të ngushtë dhe shumë të thellë. Është me rëndësi që proceset të lëvizin mbarë përpara”, ka thënë ai, pasi doli nga selia e LDK’së në Prishtinë, ku kishte mbajtur një varg takimesh me kolegët nga partia dhe zyrtarë ndërkombëtarë.

Vendimi për shkëputjen e koalicionit me PDK’në, siç thuhet, është marrë pa konsultim me Isa Mustafën, pavarësisht se ky nuk është anëtar i Kryesisë së Partisë.

Mustafa, që konsiderohet një mbështetës i Sejdiut në garën për Kryetar të LDK’së, nuk është parë në tubimin e së dielës në Pejë.

Nëse Isa Mustafa do të dilte kundër zgjedhjes së Sejdiut për një mandat të dytë në krye të partisë, vlerësohet se gjasat e ish-Presidentit do të ishin minimale për të arritur qëllimin.
Kryetari i Prishtinës nuk është zyrtari i vetëm LDK’së që respekton vendimin e partisë për dalje nga Qeveria e Hashim Thaçit, por megjithëkëtë e konsiderojnë të gabuar, në mënyra të ndryshme.

Ministri i Shëndetësisë Bujar Bukoshi, i cili dje ka dhënë dorëheqje nga ky post, vendimin e lidershipit të partisë e konsideron të pamenduar mirë dhe të dëmshëm.

Edhe më i ashpër ka qenë anëtari i Kryesisë, Astrit Haraqija, i cili ka thënë se Fatmir Sejdiu, për teke të veta, dëshiron ta shkatërrojë LDK’në dhe institucionet e Kosovës.

“Mua më vjen keq për gjithë aktivistët e LDK’së që kanë kontribuar për 21 vjet, tash vijmë në një pozitë që kjo parti po shkatërrohet për teke të Fatmir Sejdiut. Ky është tmerri i LDK’së. Tash që Gjykata Kushtetuese konstatoi se ai ka bërë shkelje, dëshiron t’ia fusë flakën gjithçkaje. Ai për 15 minuta i shkatërroi të gjitha institucionet”, ka thënë ai, ditë më parë për Express.

Kryetari i LDK’së, Fatmir Sejdiu, ka pasur dje takime edhe me zyrtarë ndërkombëtarë. Ai ka biseduar në zyrat e partisë me Shefin e ICO’së, Peiter Feith. Ky u fundit nuk është prononcuar për media, por Sejdiu ka deklaruar se nuk kishte diçka të veçantë në takimin mes tyre.

“Takimi me Feithin, unë nuk them se ka diçka te veçantë, por është një bashkëpunim i përhershëm siç ka qenë edhe më herët dhe unë çmoj angazhimin e tij dhe çdo përfaqësues ndërkombëtar që është në Kosovë”.

Sejdiu ka pritur edhe Ambasadoren e Republikës Çeke në Prishtinë, Janina Hrebickova.