Shehrije Mustafa

[Çaushi]

UNË JAM AJO

Edhe një ditë iku
duke pritur
muzikën tënde të frymëmarrjes
edhe një natë
po e pikturon vetminë
time
në shtratin pa ëndrra
edhe yjet dhe hëna
lexojnë shqetësimin tim
çdo orë unë lutem për ty
të marrim frymë në një shtrat
më duhet një puthje e gjatë
prej teje
më premtove shumë
kujtimet i mbuluan rrudhat
dashuria jote u shua
unë jam ajo që isha

.......

[Çaushi]

NJË LULE LOTON PËR NJË ZEMËR


Një lule loton për një
zemër
një shpirt ëndërron
për dikë me ndjenja
bore

një ëndërr më zgjon
në fund të detit të trazuar
etja e dashurise kërkon ujë
për një përqafim
që nuk harrohet

po jetoi e vetmuar në heshtjen
time të lodhur
kam frikë nëpër shkallët
e jetës
hapat e ardhmërisë
kanë etje për dashuri pa borë


......

[Linda5]

TË DUA SI I BURGOSURI LIRINË


Të dua si lulet shiun
të dua si zogu pyllin
të dua si toka diellin
të dua si i burgosuri
lirinë
të dua në dhomën time
të dua pranë mollëve
të mia
të dua edhe natën
edhe ditën
ti je frymëmarrja ime

.......

Pershendetje Caushi

Urime per temen e re ,edhe pse nuk e njof Shehrije Mustafa me beri pershtypje mosha e saj e re dhe me kto poezi te bukura

Nga kto poezi te Shehrije Mustafa qe ke postuar kjo me pelqeu me shume

Urime te metejshme poetes se re

[Çaushi]

Pershendetje Caushi
Urime per temen e re ,edhe pse nuk e njof Shehrije Mustafa me beri pershtypje mosha e saj e re dhe me kto poezi te bukura
Nga kto poezi te Shehrije Mustafa qe ke postuar kjo me pelqeu me shume
Urime te metejshme poetes se re

Faleminderit Linda5!
Edhe une te pershendese Ty , lexim te mbare Mike!

[Çaushi]

E VETMUAR NË DHOMËN TIME

Sot më mungojnë të gjitha
metaforat e fjalës
në këtë orë të vonë
dua të shkruaj për ty
lapsi i shpirtit është lodhur
jam duke ëndërruar për ty
e vetmuar në dhomën time
ti ishe dashuria ime me shumë
ngjyra
ishe sekret i shpirtit
tim
unë ende të kërkoj ty
në çdo lule dhe gjeth
por nuk të gjej
më mungojnë buzëqeshjet tua
prej diellit

......

[Çaushi]

LAMTUMIRË

Përtej oqeaneve me mjegulla
tek një ishull i vetmisë
kanë shkuar ndjenjat e mia
dhe në ujin e kripur
noton shpirti im i paprekur

në vetullën e një ishulli
e lash një letër të verdhë
për humbjen time pa adresë

nëse dikush më kërkon
ëndërrat e mia mund t'i gjejë
pranë një anije të lagur
dhe trupin tim ngjyrë vjeshte

lamtumirë i thashë
edhe vetmisë

............

[Çaushi]

MOS GABO ZEMËR

Të luta të jetosh
pranë meje
e ti nuk më besove
do të vijë edhe ajo
orë
e ti do të vish tek
unë
me pak ajër
dhe do të më kërkosh
i penduar përbrenda
akullit dhe borës
të kam thënë mos gabo
zemër

........

[Çaushi]

PLUHURI I BARDHË

Na bashkuan do rreze
dashurie
na ndau një pluhur
i bardhë
përbrenda gjakut tënd
ende të mallkon vuajtja
ime
më ëndërrove për pluhur
të gjumit
shpeshherë të shoh
nëpër rrugë pa buzëqeshje
tash je edhe pa bukuri
syve tuaj u mungojnë edhe
ngjyrat
ti ende jeton me tymin
dhe aromën e gjetheve të zeza
më nuk të do askush
dhe ti nuk e do askënd

.........

[Çaushi]

E KUJTOI NATËN TONË

Para fotografisë tënde
shkruaj dhe pikturoj
ti ishe grafika e shpirtit
tim
gjithmonë e kujtoi natën
tonë të parë
hijen tënde e ruaj në zemër
si pikturë
është fotografia e shpirtit
që nuk harrohet

.......

[Çaushi]

PËR TY...!

Për Ty ëndërrova
për ty jetoj
për ty vulosa
lumturinë
për ty e largova
edhe një copë dielli
për ty shumë ditë
i laga me riga zemre

për ty shumë net
i ujita gabimisht
dashuria ime të vrau

****