Shehrije Mustafa

[Çaushi]

DUAJE EDHE LOTIN


Nëse
e do syrin tim
duaje edhe lotin
edhe ëndrrën

së bashku
të shëtisim
nëpër kopshte


*****

[Çaushi]

DHE RA SHI

Kur ia putha
diellit rrezet
u bë xheloz
syri i tij
dhe ra shi

i ftova yjet
të vallëzojmë
ti erdhe
nga lartësia


*****

[Çaushi]

DIELLI MË BUZËQESHI

Dielli
më buzëqeshi sot
dhe vizatoi ëndrrën
time të gjatë

jam e lumtur
sepse
jam e mbushur
me dritë


*****

[Çaushi]

DY NGJYRA


Në qiellin e kaltër
fshihen dy ngjyra
dhe dy trëndafila
bukuri u japin
reve dhe shiut

në fillim
kanë qenë
larg
prej ëndrrës
në ëndërr


******

[Çaushi]

ART DASHURIE

Do të vuaj
dhe do të jetoi
për ty
sepse të dua
më shumë se diellin

pa ty
nuk dua të jetoi
pa ty
nuk dua as të vdes


*****

[Çaushi]

ASNJË KUJTIM NUK HARROHET


Një episod të jetës
e kalova në plagë
dhe dashuri
të desha
edhe në ëndërr
edhe zgjuar

çdo mbrëmje
ishte e bukur
me ty
sepse ishe yll
tash nuk e dua
askënd
jetoi me vetminë
shpresës
i rritet shpresa
asnjë kujtim
nuk harrohet


*****

[Çaushi]

ME PËLQEN JETA EDHE E VETMUAR


Kam dëshirë
të jetoi
edhe në stuhi
më pëlqen jeta
edhe e vetmuar
nuk kam dëshirë
të shkoj atje
ku nuk mund
të kthehem kurrë
e bukur është jeta
edhe në zjarr


*****

[Çaushi]

LOTI PIKON


Loti pikon
në sytë e mi
kjo nuk është
poezia e fundit
për ty
në këtë errësirë
dhoma më duket
si kafaz
në zemër
e kam shkruar
emrin tënd


*****

[Çaushi]

NËPËR ËNDËRR ....
RRJEDH DASHURIA....

**********

[Çaushi]

NË MES MEJE E TEJE


E di
në mes meje
e teje
është një lumë
i gjatë
unë edhe ti
jemi dy brigje
lumi nuk do të ndalet
kurrë

e di
që të kam
shumë afër
e shumë larg
nëpër ëndrrat
e mia
rrjedh dashuria


*****