Di + yll = Ylli i ditës. Kjo flet vetë dhe nuk ka nevojë për shpjegime.
Të njëjtën gjë e thanë edhe të tjerët më lart por tek sondazhi thuhet se duhet edhe shpjegim, kështu që krahas votës dhashë edhe shpjegimin.
"Hlios"-i (që greqisht lexohet "ilios" dhe përkthehet "diell") është fjalë ilire (yll-ill) dhe nuk ka lidhje me greqishten. Kësaj i shtuan një -os nga mbrapa dhe e bënë "ilios".
Yllit greqisht i thonë "asteri" dhe s'ka pikë lidhjeje me "ilios"-in.
>>> Besoj se shpjegimi i x-files eshte me i besueshem.Postuar më parë nga xfiles
> Nuk kuptoj perse disa e kane kaq te veshtire te pranojne qe vendet perreth nesh kane marr fjale prej nesh sic kemi marre ne prej tyre?
La verita' ti rendera' libero!
GJINOKASTRA A DI TE RRUASH VO.
Po more injorant jeni mesue me shkrua pa lidhje po emri diell nese ka per baze formuese gjuhen greke edhe Ylliret kjenkan grek .
Emri Diell eshte si koka e lokomotives e cila terhjek nje tog emrash-fjalesh tjera mbrapa te cilat kane per baz formuese kete emer Pellazg.
Kiriaki dhe dielli edhe pse emnojn te njejtin objekt nuk perputhen dhe s'mund ti takojn te njejtes gjuhe o derezi .
Ylli eshte emri yllirve.
Dielli (Zeusi apo Dhias). Më i larti i zotave, perëndi dhe baba si i perëndive të tjera ashtu dhe i njerëzve. Përpara se të na bëhej i njohur si zot i Olimpit (Zeus), dhe përpara se të krijohen mitet mbi lindjen e tij në Kretë, ekzistonte si hyjnizim i Diellit. Përderisa është zoti i parë dhe më i madh i botës pellazge, llogjikisht duhet ta hasim në të gjitha territoret ku banuan këta pellazgë, nga Italia Qëndrore e deri në Azi të Vogël, Qipro, Kretë etj. Dhe me të vërtetë atje e takojmë.
Shumë dimë për Diellin dhe peripecitë e tij, por thelbësisht e injorojmë historinë e tij, prejardhjen e tij, etimologjinë e tij. Çdo të thotë Dhias, Zeus, Zin etj? Ç’kuptim kanë rrënjët Dhi dhe Zi të perëndisë më të madhe pellazge? Thonë që dielli ishte hyjnizim i “shkëlqimit dhe ndriçimit” të Qiellit (Uranit). Qielli (Urani) në gjuhën sanskritishte quhet Diau-h. Kështu gjuhëtarët dhe mitologët menduan se gjetën zanafillën e çështjes së Diellit, meqënëse e cilësonin gjuhën sanskritishte më të lashtë se ajo greke.
Rrënjët Dhi dhe Zi në shqip kanë kuptimin e ndriçimit, shkëlqimit dhe zjarrit d.m.th. i përshtaten vetive të Diellit dhe i gjejmë në fjalët:
Diell apo dialektore Dill, Div, etj.
Ditë pra dita, pjesa e kohës që ndriçohet.
Dihet, dialektore, që do të thotë bëhet ditë.
Dieg, Djeg.
Di, njoh, ndriçohem, (ndriçoj trurin).
PerënDia, Perëndia, Zoti.
Diel, E diel d.m.th. ditë e diellë, dita e Diellit, që të krishterët e kthyen në ditën e Zotit.
Dialë, djalë, djali.
Rrënja Zi përfaqësohet me fjalët Zien tek fjala Zjarr dhe gjithashtu në fjalën e mëpasme Zot.
Diah-u sanskritisht do të thotë Qiell (Uran), i cili, siç e kuptoni nuk është gjithmonë i ndriçuar, por edhe i errët dhe në asnjë rast nuk është i zjarrtë. Këstu që nuk është e mundur të jetë e shpikur nga sanskritët, të cilët do të gjenin një emër tjetër për të shpjeguar veçorinë e tij (qiellit). Si rrjedhim është fjalë e prejardhur nga Dielli (Diau në pellazgjisht) dhe ka të bëjë vetëm me shkëlqimin e qiellit, pra është një prejardhje mbiemërore e Diau.
Prejardhje të Diau (Dielli) janë edhe fjalët latine DIOVIS dhe DEUS = Zot, Perëndi. Kjo ka ndodhur në kohën pas krijimit të panteut të Olimpit dhe njësimit të Diellit me kryezotin Zeus. Pra në kohëra kur dielli tashmë është “kryezot”. Dhe ja që Heredoti quan Dhia çdo zot të madh të popujve që ai përshkruan në historinë e tij.
Fjalë të prejardhura janë dhe Dies – dita në spanjisht, Day – dita në anglisht, Dieu – Zoti në frëngjisht, etj. Por në asnjë gjuhë të botës nuk ka një sistem kaq të plotë të fjalëve me rrënjët Di dhe Zi si ai që ekziston në gjuhën shqipe, dhe ku të gjitha fjalët kanë kuptimin e të ndriçuarës, të shkëlqimit, të zjarrit, të jetëdhënësit, d.m.th. të veçorive të Diellit.
Marrë nga libri Arvanitasit dhe prejardhja e grekëve i autorit Aristidh Kola
Etimologjinë e fjalës diell? “Diell, Boppi mendonte për një afrim të kësaj fjale me indishten e vjetër div-i shkëlqyer, diva-ditë. Meyer nuk i ka dhënë zgjidhje. Pederseni sheh refleksin e rrënjës indoeuropiane svel, në greqisht ilios, latinisht sol, indishte e vjetër suriah, svar, gotishte sauil, sllavishte solnce, të gjitha diell. Ky krahasim nuk përmendet në fjalorët etimologjikë, në të cilët vetëm fjala hyll, yll ka gjetur vend si refleksi shqiptar i kësaj rrënje indoeuropiane. Më shumë ka të ngjarë që fjala diell të jetë afër grupit kelto-gjermanik, irlandishte e mesme dellrad – shkëlqim, deall – krenar, guximtar, i shkëqyer, Nordishte e vjetër Heim dallr – emër hyjnie, Mardoll mbiemër i perëndeshës Frenzia. Dëlling – qenie e ndritur, ati i ditës; mbase dhe armenisht delin – i verdhë, i zbehtë. Sipas Koegel-it baza e diell-it një del me diftongim të rregullt të e-së në miell, siell.
Ndryshuar për herë të fundit nga fegi : 22-05-2010 më 11:07
E keni prishur temën.
Askush nuk tha që fjala "yll" apo fjala "ditë" janë huazime!
Tema ju thotë "Diell" nga rrjedh?
Ju thatë "ditë+yll", edhe unë ju shpjegova që "ditë" është IE edhe ka fjalë të ngjashme në çdo gjuhë IE, Spanishtja "dias" apo Anglishtja "day" etj.
Po kështu edhe fjala "yll", ka Italishten "stella", Anglishten "star" etj.
Pra në "Diell" rrjedh nga "ditë+yll" është Shqip po aq sa është Italisht, Anglisht etj. Domethënë nuk është vetëm Shqip, por IE. Meqë në asnjë gjuhë tjetër IE "Diellit" nuk i thonë kështu e pashë me llogjikë, edhe pashë "Dias Helios" nga Greqishtja e lashtë që do të thotë "Perëndia e Diellit". E korruptuar për arsye kohe:
Dias+Helios=Dielli.
-
Nëse keni fakte të tjera tregojini, por "ditë+yll" bjen poshtë sepse nuk është vetëm Shqip, por IE.
[QUOTE =puroshkodran;2654864]Roma del kampion[ /QUOTE]
Rishikoje këtë matematikën tënde gjuhësore, sepse pa dashje po e vërteton të kundërtën e asaj që po e pohon.
Nëse fjala DIELL nuk qenka fjalë vetëm shqipe (pra shqipe po, por jo vetëm shqipe) por sipas teje diçka më shumë IE, atëherë nga ky ekuacion gjuhësor na del që gjuha shqipe është rrënja e gjuhëve indoeuropiane.
Ti vetë po e bën këtë barazim.
Gjinokastra, ta gëzosh emrin e ri!
Që "di" është IE, kjo nuk është në favorin tënd, përkundrazi, përforcon ato që themi ne. Kjo do të thotë që gjuhët dikur kanë qenë më të afërta e të ngjashme me njëra-tjetrën.
E keqja jote është se ti u beson shumë përrallave shkollore të grekëve të lashtë. Në internet ka shumë teori të ndryshme, që bien në kundërshtim me njëra-tjetrën, por duhet të dish të zgjedhësh e ku të lexosh. Historia nuk mësohet në Vikipedia apo faqe të ngjashme me të. Siç e ke parë, çdo teori që ti sjell këtu, është njësoj me ato të Vikipedias, pavarësisht se mund të mos i kesh lexuar atje.
Ajo e ashtuquajtura "Greqishtja e Lashtë", është ilirishte, është një gjuhë, fjalët e së cilës zbërthehen dhe gjejnë kuptim vetëm në shqipen e sotme.
"Hlios" lexohet "ilios", dhe vjen nga yll-ill. Yllit në greqishten e sotme i thonë "asteri". Si ka mundësi që "illios(ill)" gjen kuptim në shqipen e sotme dhe jo në greqishten e sotme?
Kalojmë te "Dias".
Kjo vjen nga "ditë", apo rrënja IE "di", siç e quan ti. Greqisht ditës i thonë "mera", dhe ska asnjë lidhje me rrënjën "di".
Si ka mundësi që edhe "Dias" gjen kuptim vetëm në shqip?
Pse vetëm se Shqipja ka fjalë të përbashkëta do të thotë se ato fjalë medoemos rrjedhin nga Shqipja?
Prapë u ngatërrove Bato, për Ilirishten ne nuk dimë asgjë! Sepse nuk ka asnjë dokumentim mbi gjuhën ilire. Kurse ti thua "Greqishtja e lashtë qenka Ilirishte", kjo nga doli? Kur nuk dihet asgjë mbi Ilirishten, ti si e nxjerr gjuhën më të vjetër të dokumentuar(Greqishten) si gjuhë ilire? Ti nuk di asnjë fjalë ilire! ASGJË! Prandaj mos hiq vija territoriale pa muarrë parasysh vullnetin e popujve, se përfundon gjithçka si Ish Jugosllavia pastaj.
Problemi më i madh është se ti ose nuk di të argumentosh këtë rast, ose po lexon shumë shpejt.
UNË JAM KUNDRA "DIELLI=DITË+YLL", edhe sidomos nuk po them që fjalët "ditë" me "yll" qenkan Greqisht që ti të thuash "Asteros+Meras". Unë po them "Dias+Helios"="Perëndia Diell".
-
Së fundmi jua përsëris për të disatën herë, fjalët "ditë/dias/di/day" janë IE, po ashtu edhe "yll/stELLa/stAR". Prandaj "Diell" nuk mund të jetë Shqip nëse rrjedh nga këto dy fjalë, por IE.
Me teorinë tuaj "Diell" del IE edhe jo Shqip në veçanti. Natyralisht kjo teori është e dobët para teorisë "Dias+Helios", sepse nën influencën Greke kemi qenë edhe vazhdojmë të jemi më shumë se çdo influencë tjetër.
"Dias"(ditë) është Spanjisht! Mos e ngatërroni me "Dias"(Perëndi) Greqisht.
Ndryshuar për herë të fundit nga Gjinokastra : 24-05-2010 më 13:10
[QUOTE =puroshkodran;2654864]Roma del kampion[ /QUOTE]
[QUOTE=Fieri89;2729688]Pse vetëm se Shqipja ka fjalë të përbashkëta do të thotë se ato fjalë medoemos rrjedhin nga Shqipja?
Askush nuk thot që rrjedhin nga shqipja, por se shqipja është gjuha më e afërt me atë gjuhë që konvencionalisht u quajt IE, për të mos thënë që është derivat i parë i asaj gjuhe.
Regullat e Postimit
Krijoni Kontakt