Shpikjet (ne fe) nen Driten e Kur'anit dhe Sunetit

**init-6** · 06-03-2010, 16:11

Me emrin e All-llahut, Falenderimi i takon All-llahut, paqa dhe meshira qofshin mbi te Derguarin e Tij familjen dhe shoket e tij deri ne diten e kjametit.

Dihet qe persa i perket shpikjeve ne toke Islami solli shume, ne kimi, matematik ekonomi, jurisprudenc etj etj porse persa i perket dinit (fese) ajo eshte perfekte dhe e plote nuk ka nevoje per shtesa e as permirsime gje qe sot neglizhohet per fat te keq dhe per kete situat na ka paralajmeruar edhe i Derguari i All-llahut Sel All-llahu alejhi we selam.
Te shohim argumentet qe sjell Kur'ani kunder shpikjeve, dihet ne arabisht ajetet jane me te qarta porse insha All-llah nese i shoqeroni me tefsir (komentim) do te behen shume me te qarta.

ARGUMENTET KUNDER BIDATEVE – AJETET E KURANIT
“Sot jua përsosa fenë tuaj, plotësova ndaj jush dhuntinë Time, zgjodha për ju Islamin fe”

“A mos kanë ata ortakë (zota ose idhuj) që u përcaktuan atyre fe, të cilën nuk e urdhëroi All-llahu! Po, sikur të mos ishte fjala vendimtare (e All-llahut që shpërblimi dhe ndëshkimi të jenë ne ahiret), do të kryhej dënimi mbi ta, e megjithatë mohuesit do të kenë dënim të dhimbshëm.”

E kur u thuhet atyre (idhujtarëve): “Pranoni atë që All-llahu e shpalli!” Ata thonë: “Jo, ne ndjekim atë rrugë në të cilën i gjetëm prindërit tanë!” Edhe sikur prindërit e tyre të mos jenë udhëzuar në rrugën e drejtë (ata do t’i pasonin)?

O ju që besuat, hyni në islamin e tërësishëm (Përqafoni fenë islame në tërësi), e mos ndiqni rrugën e djallit, sepse ai është armik i juaji i hapët. E nëse devijoni pasi u kanë ardhur argumentet e qarta, ta dini pra se All-llahu është i plotëfuqishëm, i vetëdijshëm. Ata nuk janë duke pritur tjetër, por vetëm t’u vijë All-llahu (urdhëri i All-llahut në ditën e gjykimit) nën hije të reve, (t’u vijnë) engjëjt dhe çështja të jetë e kryer (kush për Xhennet e kush për Xhehennem). Vetëm te All-llahu është fundi i të gjitha çështjeve. E kush e ndërron të mirën e All-llahut pasi që t’i kete ardhur ajo, s’ka dyshim se ndëshkimi i All-llahut është i ashpër.

Kush i kundërvihet të dërguarit, pasi që i është bërë e qartë e vërteta dhe ndjek rrugë tjetër nga ajo e besimtarëve (sahabeve), Ne e lëmë në atë që ka zgjedhur (në dynja) dhe e fusim në Xhehennem. Përfundim i keq është ai.

Ç'ka t’ju japë pejgamberi, atë merreni, e çka t’ju ndalojë përmbajuni dhe kini frikë All- llahun, se All-llahu është ndëshkues i ashpër.

Thuaj: Nëse e doni All-llahun, atëherë ejani pas meje që All-llahu t'ju dojë, t'ju falë mëkatet tuaja, se All-llahu është që fal shumë, mëshiron shumë.
Dhe kjo është rruga ime e drejtë, pasojeni këtë e mos pasoni rrugë te tjera që do t’ju largojnë nga rruga e vërtetë.

Për Zotin tënd jo, ata nuk janë besimtarë (të asaj që të zbriti ty as të asaj para teje) derisa të mos zgjedhin ty për të gjykuar në atë konflikt mes tyre, e pastaj (pas gjykimit tënd) të mos ndjejnë pakënaqësi nga gjykimi yt dhe (derisa) të mos binden sinqerisht.

Thuaj: “Unë nuk jamë risimtar prej të dërguarve, e nuk e di se çka do të bëhet me mua e as me ju, unë nuk ndjek tjetër vetëm atë që më shpallet, unë nuk jam tjetër pos i dërguar që ju terheq verejtjen qartas”.

Thuaj : “ O ju njerez, juve ju erdhi e Verteta nga Zoti juaj, e kush e merr rrugen e drejte ai e ka per veten e vet, e kush merr rrugen e shtrembert ai e ka humbur veten. Une nuk jam roje e juaja”

Thirrjen e te derguarit mos e konsideroni si thirrjen ndaj njeri-tjetrit. All-llahu i di ata qe terhiqen prej jush tinezisht, prandaj le te ruhen ata qe kundershtojn rrugen e tij (te te derguarit) se ata do ti zer ndonje bela ose do ti godase denimi i idhet.

Ate dite zullumqari do te kafshoje duart e veta e do te thote: “I mjeri une, ta kisha marre rrugen e Pejgamberit” O shkaterrimi im, ah te mos e kisha bere filanin mik! Ne te vertete mbasi e gjeta rrugen e drejte ai me largoi mua prej asaj, e djalli eshte ai qe njeriun e humb e pastaj e le te vetmuar.

Jo, ata nuk kane fakt, por ata qe i bene padrejtesi vetvetes , te cilet pa ndonje fakt te dijes shkuan mbas epshit te vet. Po kush mund ta ve ne rruge te drejte ate qe All-llahu e le te humbur, e ata nuk do te kene ndihmetare. Perqendroje vetveten tende sinqerisht ne fene larguar prej ç'do te kote , feja e All-llahut ne te cilen i krijoi njerezit, s'ka ndryshim te asaj natyrshmerie (dmth mos ndryshoni fene e All-llahut) te krijuar nga All-llahu, ajo eshte feja e drejte por shumica e njerezve nuk e dine. Perqendrohuni ne ate fe Te kthyer sinqerisht te Ai, kini frike prej Tij dhe faleni namazin e mos u beni nga idhujtaret te cilet e perçane fene e tyre dhe u ndane ne grupe ku secili grup i gezohet idese se vet.

O Daud Ne te kemi bere sundimtar ne toke e ti pra gjyko me HAK mes njerezve e mos shko mbas deshirave se ato te shmangin prej rruges se All-llahut. Ata qe largohen prej rruges se All-llahut i pret denim i rende per shkak se harruan diten e pergjegjesise.
Pastaj ne te vume ty ne nje rruge te drejte te fese pra ti ndiqe ate e mos ndiq deshirat e atyre qe nuk dine.

E ate denim per shkak se ata ndoqen ate qe Ai e urren dhe urrejten ate qe Ai e pelqen , prandaj ua asgjesoi veprat e tyre.

Besoni All-llahut dhe të dërguarit të Tij dhe jepni nga ajo që Ai u bëri trashëgues në të, se ata që besuan prej jush dhanë për hir të Zotit, ata kanë shpërblim të madh. Ç’keni ju që nuk i besoni All-llahut, kur i dërguari i Tij ju thërret t’i besoni Zotit tuaj dhe kur Ai ka marrë besën tuaj, nëse jeni besimtarë. Ai robit të vet i shpall argumente të qarta për t’iu nxjerrë juve prej errësirave ne dritë. E, s’ka dyshim se All-llahu është i Butë e I Mëshirshëm ndaj jush.

E nëse ata nuk të përgjigjen ty, atëherë dije se ata ndjekin vetëm dëshirat e veta, e kush është më i humbur se ai që duke pasur fakt prej All-llahut, ndjek epshin e vet? S’ka dyshim se All-llahu nuk udhëzon popullin zullumqar. “Për çdo send që nuk pajtoheni, gjykimi për të është tek All-llahu."

”Vertet qe ju ka ardhe nga Allahu nje drite (Pejgamberi a.s.) dhe nje Liber i qarte, me ane te cilit Allahu udheheq te gjithe ata qe kerkojne Kenaqesine e Tij drejt rrugeve te paqes dhe Ai i nxjerr ata nga erresira ne drite me Vullnetin e Tij dhe i udhezon ne Rrugen e Drejte.”

All-llahu ka emrat më të mirë, andaj Atë thirreni me ata e hiquni nga ata që bejn shtrembërime me emrat e Tij. Ata kanë për t’u shpërblyer (me dënim) për veprimet e tyre.

(E zbritëm Kur’anin) Që të (mos) thoni: “Libri u zbrit vetën dy grupeve para nesh (jehudive e të krishterëve) dhe se ne ishim të panjohur me librat (me mësimet) e tyre. Dhe që të (mos) thoni: “Sikur të na kishte zbritur neve libri, (sikurse u zbriti atyre dy grupeve) ne do të ishim edhe në të udhëzuar se ata. Juve ju erdhi nga Zoti juaj argumenti (Kur’ani), ju erdhi udhëzimi, mëshira. E kush është më zullumqar se ai që argumentet e Zotit i bën të rreme dhe ua këthen shpinën atyre? Ne do t’i ndëshkojmë me ndëshkim më të rëndë ata që ua kthyen shpinën argumenteve Tona, për shkak të prapësimit që bënë.

Unë do t’i zbraps nga argumentet e Mia ata të cilët pa pasur drejtë bëjnë kryelarësi në tokë, të cilët edhe nëse shohin çdo argument nuk besojnë, dhe nëse shohin udhën e shpëtimit, nuk e marrim atë rrugë, nëse e shohin rrugën e gabuar atë e marrin rrugë. Këtë (verbërim të tyre), ngase ata i konsideruan të rreme faktet Tona dhe ngase i lanë pas dore ato.

E kush është më mizor se ai që trillon për All-llahun? Të tillët paraqiten para Zotit të tyre, e dëshmitarët thonë: “Këta ishin të cilët gënjyen ndaj Zotit të tyre, pra mallkimi i All-llahut qoftë kundër mizorëve!” Të cilët pengojnë nga rruga e All-llahut dhe përpiqen atë ta shtrembërojnë, mu ata janë që nuk e besojnë botën tjetër.

**init-6** · 06-03-2010, 16:20

HADITHE NGA RESULULLAHU SEL ALL-LLAHU ALEJHI WE SELAM
Ja bashkangjisim hadithet e meposhtme te Resulullahut perderisa jemi te bindur ne saktesine e tyre.

Profeti sel All-llahu Alejhi we Selam ka thene: “Kushdo qe perpiqet qe te fusi diçka ose te adoptoj nje bidat (ne fe) ai hyn ne Mallkimin e All-llahut, engjejve dhe te gjithe njerezve e veprat e tij nuk do pranohen” [Buhariu dhe Muslimi]

Gjithashtu profeti sel All-llahu alejhi we selam ka thene: “Kush shpik diçka ne fe ose strehon nje bidatçi mbi te do te jete Mallkimi I All-llahut, I melekeve dhe I gjithe njerezimit” [Buhariu dhe Muslimi]

Profeti sel All-llahu Alejhi we Selam ka thene : ”Kush vjen me diç që nuk është nga ne, ajo është e refuzuar” [Buhariu dhe Muslimi]

Po ashtu Ai Sel All-llahu Alejhi we Selam ka thene: “Kush vepron diç që nuk është në pajtim më çështjen tonë, ajo vepër është e refuzuar” dhe “Ruajuni nga gjërat e shpikura sepse çdo e shpikur është risi, e çdo risi është humbje dhe ç'do humbje eshte ne zjarr” [Buhariu dhe Muslimi]

Profeti, sal-lall-llahu alejhi ue sel-lam, ka thene:“Nuk ju kam lene ndonje gje qe do t’ju afroje tek All-llahu dhe do t’ju largoje prej zjarrit, veçse jua kam urdheruar ate. Dhe nuk kam lene
ndonje gje qe do t’ju afroje tek zjarri dhe do t’ju largoje nga All-llahu, veçse jua kam ndaluar ate“

Transmetohet nga Ebu Hurejre se Profeti Sel All-llahu alejhi we selam tha: “Te gjithe ndjekesit e mi do te hyjne ne xhenet perveç atyre qe refuzojne.” Ata thane: “O I Derguar I All-llahut kush do te refuzoj?” Tha : “Kushdo qe me bindet mua hyn ne xhenet, dhe kushdo qe nuk me bindet mua eshte ai qe refuzon (hyrjen ne xhenet)” Sahihul Buhari [92/384]

Transmetohet nga Jabir ibn Abdullah se disa engjej erdhen tek I Derguari I All-llahut sel All-llahu alejhi we selam dhe disa prej tyre thane : “Ai po fle” , te tjere thane “Syte e tij po flene por zemra e tij eshte zgjuar”. Pastaj ata thane “Eshte nje shembull per shokun tuaj” njeri prej tyre tha “Atehere sillni nje shembull per te” disa prej tyre thane : “Ai po fle” , te tjere thane “Syte e tij po flene por zemra e tij eshte zgjuar” pastaj ata thane : “ Shembulli I tij eshte si shembulli I atij qe ka ndertuar nje shtepi pastaj ka shtruar nje banket dhe ka derguar njerez (mesazher) per te ftuar njerezit tek ai banket. Keshtu qe kushdo qe e pranon ftesen e ftuesit hyn ne shtepi dhe ha prej banketit dhe kushdo qe nuk pranon ftesen e ftuesit nuk hyn ne shtepi dhe as ha prej banketit. Disa prej engjejve thane “Interpretojani kete shembull atij keshtu qe ai te mund ta kuptoje” disa prej tyre thane : “Ai po fle” , te tjere thane “Syte e tij po flene por zemra e tij eshte zgjuar” pastaj ata thane : “ Shtepia eshte xheneti dhe ftuesi eshte Muhamedi (sel All-llahu alejhi we selam) dhe kushdo qe I bindet Muhamedit I eshte bindur All-llahut dhe kushdo qe nuk I bindet muhamedit nuk I eshte bindur All-llahut. Muhamedi beri dallimin e njerezve. (dmth nepermjet mesazhit te tij I miri dallohet nga I keqi dhe besimtari dallohet nga jobesimtari). [Sahihul Buhari]

Hudheife tha : “ O grup I kurrave (njerezit e kur'anit, dijetare) ! Ndiqni rrugen e drejte sepse atehere keni ndjekur nje prirje te madhe (te beheni prijesa) por nese ju ktheheni majtas – djathtas atehere ju shkuar shume larg” [Buhariu]

Nga Ebu Hurejre transmetohet se profeti Sel All-llahu alejhi we selam tha : “ Me lini mua ashtu siç ju lashe sepse njerezit qe ishin para jush u shkaterruan per pyetjet e tyre dhe diferencimet e tyre me profetet. Keshtu qe nese ju ndaloj diçka atehere qendroini larg asaj e nese ju urdheroj diçka atehere beni nga ajo sa me shume te keni mundesi” [Buhariu]

Nga Aisha tregohet se Resulullahu beri diçka qe ishte e lejuar (me sheriat) por disa njerez abstenuan nga ai veprim dhe kur e mori vesh kete I Derguari I All-llahut sel All-llahu alejhi we selam mbasi lavderoi All-llahun tha : “Pse njerezit e ndalojn veten nga te vepruarit e diçkaje qe une e bej? Per All-llahun, une e njoh All-llahun me shume se ata” [Buhariu]

Transmetohet nga Urubad bin Surijetu r.a. se pejgamberi alejhi selam na këshilloi me këshillat më të larta sa që na dridheshin zemrat dhe na lotonin sytë, dhe ne i thamë: O i dërguari i All- llahut, sikur kjo të jetë këshilla e fundit. Dhe ai na këshilloi duke thënë:
”Ju këshilloj të kini frikë All-llahun, dëgjim dhe respekt ndaj udhëheqësit, edhe nëse bëhet (udhëheqës) dikush nga robërit, ngaqë nëse dikush prej jush jeton më gjatë do të shohë kundërthënie të mëdha, por unë ju këshilloj që të kapeni për Sunnetin tim dhe sunnetin e hulefau rrashidinëve të shkëlqyeshëm pas të dërguarit, atëherë kapuni për ta dhe përqendrohuni me këmbëngulje dhe ruajuni nga gjërat e shpikura, se me të vërtetë ato janë risi e çdo risi është humbje.”

Thote Profeti (salallahu alejhi ue selem): “Allahu ka vendosur perde mes bidatçiut dhe teubes (pendimit).”

Po ashtu thote Profeti salallahu alejhi ue selem: “Allahu nuk e pranon teuben e bidatçiut derisa ta leje bidatin e tij.”

Nga Xhabir bin Abdullah transmetohet : “Kur Profeti sel All-llahu alejhi we selam po mbante hutben syte e tij u ben te kuq, zeri I tij u ngrit, dhe inati I tij u shtua si inati I atij qe jep nje lajmerim kunder armikut dhe thoshte “Armiku ka sulmuar ne mengjes dhe mbazdite gjithashtu” dhe thoshte “Ora e fundit dhe une jemi derguar si keto te dy” dhe do te bashkonte gishtin tregues dhe gishtin e mezit dhe do te thoshte : “Fjala me e mire eshte Fjala e All-llahut dhe Udhezimi me I mire eshte Udhezimi I Muhamedit! Dhe punet me te keqia jane shpikjet en fe, dhe ç'do shpikje eshte gabim” pastaj do te thoshte “Une jam me I dashur tek muslimanet edhe se vetja e tyre , edhe se ai qe ka lene prone mbrapa qe eshte per familjen e tij, edhe se ai qe vdes I zhytur ne borxhe duke lene femijet e tij ( ne gjendje te veshtire) pergjegjsia me takon mua” [Sahihul Muslim]

Profeti sel All-llahu alejhi we selam ka thene : “Ju duhet te ndiqni veprat e mia (sunetin tim) dhe ato te halifeve te udhezuara drejt (4 halifet). Kapuni me to dhe qendroni fort ne to. Shmangni deviimet se ç'do deviim eshte bidat e ç'do bidat eshte dalalet e ç'do dalalet eshte ne zjarr” [Ebu Davudi] transmeton El Irbad Ibn Sarijje (marre nga “Mekatet e Medha te Imam Dhehebiut”)

**init-6** · 06-03-2010, 16:36

Fjalet e Sahabeve, Tabiineve, Tabitabiineve (gjeneratat e tjera mbas tyre) dhe Dijetareve te Hadithit per Shpikjet ne fe.
Ne i marrim keto si argumente sepse All-llahu thote ne Kur'an :
“All-llahu është i kënaqur me të hershmit e parë prej muhaxhirëve (emigruesve), prej ensarëve (vendasve) dhe prej atyre që i pasuan ata në punët e mira, e edhe ata janë të kënaqur ndaj Tij. Atyre iu ka përgatitur xhennete, në të cilët rrjedhin lumenj, ku do të jenë për jetë të pasosur. E ky është fitimi i madh.”
Keshtu qe kalojm tek fjalet e tyre:

Ibn Abbasi, radijallahu anhu thote:”Mos u shoqero me bidatçinjte, sepse shoqerimi me ta i semur zemrat.”

Enes Ibn Malik ka thënë: “A duhet që sa herë që na vjen dikush që mund të polemizojë më mirë se tjetri, ne ta lëmë atë çka Xhibrili i solli Muhamedit (sallallahu alejhi ue selam) për shkak të argumentimit të tij?!”

Nga Ubei Ibn Umer tregohet se Ebu Musa el Esharij kerkoi leje qe te hynte tek Umri por kur pa qe ai ishte I zene u largua. Pastaj Umri tha : “Mos degjova gje zerin e Abdullah bin Kais, lereni te hyje” Ai u thirr dhe Umri ju drejtua : “Ç'fare te shtyu ty te beje ate qe bere?” tha, “Ne keshtu na ke mesuar Profeti Sel All-llahu alejhi we selam” Umri I tha : “Sill prova per kete ndryshe une do te bej ty kete dhe kete”. Abdullah bin Kajs doli jashte dhe shkoi tek nje mbledhje e ensareve te cilet thane “Askush perveç me te rinjve prej nesh do te japin deshmine per ate” pastaj I çua Seid el Kudri dhe tha : “Profeti na ka mesuar me kete” Umri tha : “Ky sunet I profetit sel All-llahu alejhi we selam ka qendruar I fshehur nga une. Biznesi ne market me ka mbajtur mua te zene”. [Buhariu]

Thabit ibn el Aljan tha “ Kam takuar Enes ibn Malik, Ibn El Museiieh, Hasan el Basriun, Seid Ibn Xhubeirin, Shaa`bin, Ibrahim en Nakhai, Atà ibn ebi Ribah,
Tawoos, Muxhahidin, Abdullah ibn ebi Muleikeh, ez Zuhriun, Makhool, el-kaasim Ebu Abdurrahman, Ataa’ al-Khurasaanee, Thaabit al- Bunaanee, al-Hakam ibn ‘Utbah, Ayyoob as- Sakhtiyaanee, Hammaad ibn Muhammad ibn Seereen, Aboo ‘Emir (dhe keshtu edhe Ebu Bekr Es Siddikun) dhe qe te gjithe me porositen te kapem me xhematin dhe me ndaluan mua nga njerezit e deshirave (keshtu quheshin nga sahabet dhe tabiinet bidatçinjte) [Sharh Usul Itikad – El Lalikaii #239]

Ebu Kilabah : ”Mos u ul me ta , mos u perziej me ta sepse kam frik se do te fundosin ty ne dalalet dhe do te fusin dyshime e konfuzion ne shume prej gjerave qe di”

Ebu Davudi I tha Ahmed ibn Hambelit : “Nese shoh nje njeri prej ehlus sunnetit qe eshte ulur me nje prej ehlul bidatit a duhet ta le te folurit me te? Imam Ahmedi ju pergjigj : “Jo, Ti duhet ta informosh ate fillimish se personi me te cilin e pe eshte njeri prej njerezve te bidatit dhe ose ai do e le shoqerimin me te ose eshte si ai”

Hamad ibn Zeid [179] tha : “Isha me Ejubin , Junuzin dhe ibn awn kur Amr ibn Ubeid qe ishte mutezile po kalonte, ndaloi dhe u dha selam por ata nuk ja kthyen selamin atij”[Meezanuk Itidal 3/274]

Kadiu Ebu Ja`la ka thene : “Ka ixhma midis sahabeve dhe tabiineve persa I perket prerjes se lidhjeve ne menyre kategorike me bidatçinjt” [Hajarul Mubdtadi faqe 32]

Transmetohet nga Ibn Mes’udi, radijallahu anhu, te kete thene:”Njerezit vazhdimisht do te jene ne hajr perderisa ata marrin diturine nga te medhenjte, e nese ate e marrin nga te vegjelit [el-esagir] dhe te keqinjet prej tyre, atehere do te shkaterrohen.”

Abdullah ibn Mubareku kur eshte pyetur se kush jane te vegjelit [el-esagir], ai ka thene:”Ata te cilet flasin me logjiken e tyre. A nuk e keni pare se i vogli [sagiri] transmeton nga i madhi, por prapseprap nuk eshte i vogel.”
Kurse Lalkai transmeton po ashtu se Ibn Mubareku ka thene:”Te vegjelit jane bidatçinjte.”
Shatibiu, rahimehullah, e komentoi kete fjale te Ibn Mubarekut keshtu:”Kjo eshte fjale e qelluar, sepse bidatçinjte jane te vegjel [te ceket] ne dituri, dhe per kete shkak edhe jane bere prej bidatçinjeve.”Bekr Ebu Zejd ne librin e tij, “Hiljetu Talibul-Ilm” pasi qe paralajmeron nga marrja e diturise prej bidatçiut, thote keshtu:”... per kete shkak edhe Ibn Mubareku, rahimehullah, i quante bidatçinjte, el-esagir [te vegjelit], siç transmeton Hatibi ne “el-Xhami”

Ne librin “Fetava Eimmetul-Muslimin Bikat’i Lisanul-Mubtedi’in” te Muhammed es- Subkij,23 faqe 131 thuhet keshtu:”Imamet muxhtehide kane rene ne ujdi [Ixhma’] se nuk lejohet te merret dituria nga bidatçiu, dhe kane thene se zinaja edhe pse eshte prej mekateve me te medha, prapaseprap eshte me e lehte se kur nje njeri e pyete nje bidatçi per fene e tij.”

Hasan el-Basriu thote:”Mos i shoqeroni bidatçinjte, as mos hyni ne debat me ta, e
as mos i degjoni ata.”

Jahja ibn Ebu Kethir, rahimehullah, thote:”Nese takon ne rruge nje bidatçi, atehere merre nje rruge tjeter.”

Muhammed ibn Nader el-Harithiu thote:”Kush ia ve veshin nje bidatçiu duke e ditur se ai eshte bidatçi, atehere ai eshte i pambrojtur [nga lajthitja] dhe do t’i lihet vetes se tij [e s'do te jete nen mrojtjen e Allahut].

Abdus-Samed tregon se Fudajl ibn Ijjadi i ka thene:”Mos u ul me bidatçiun, sepse kam frike se mallkimi do te zbret mbi ty.” Dhe po ashtu tregon se i ka thene:”Mos u mbeshtet ne bidatçiun lidhur me fene tende, as mos u konsulto me te ne çeshtjet tua, e as mos u ul tek ai, sepse ai i cili ulet tek bidatçiu, Allahu e trashegon ate me verberi [ne zemer].”

Abul Xheuzi (Aws ibn ‘Abdullaah ar-Raba’ee ) Sahab ka thene : “Te kem derra qe banojn afer meje eshte me e dashur per mua se sa te kem bidatçinj”

Ibn Tavusi ishte ulur kur erdhi nje njeri nga Mutezilite dhe filloi t’u fliste. Ibn Tavusi i futi dy gishtat e tij ne veshe dhe i tha birit te tij: “O biri im, futi gishtat te veshet e tu me shtrengim, dhe mos degjo prej fjaleve te tij asgje.” Thote Muammeri: “Per shkak se zemra eshte e dobet.”

Kurse Ibn Muflih thote:”Selefi (te paret) e kane ndaluar shoqerimin me bidatçinj, shikimin ne librat e tyre si dhe degjimin e fjaleve te tyre.” [el-Adabush-Sheri’jjeh].

Ibn Tejemije ne Mexhmul Fetva thote :”Ta paralajmerosh Ummetin kunder udheheqesve te bidatçinjeve, te cilet kundershtojne Kur’anin dhe Sunnetin, apo ata te cilet bejne adhurime ne kundershtim me Kuranin dhe Sunnetin, dhe t’ua tregosh (Ummetit) te verteten rreth tyre; kjo eshte obligim me Ixhma’ (marreveshje te pergjithshme) te Muslimaneve. E kane pyetur Ahmed ibn Hanbelin: “A eshte me i dashur te ti nje njeri i cili agjeron, falet dhe ben Ittikaf, apo nje njeri i cili flet kunder bidatçinjeve? Ai tha: “Nese ai falet dhe ben Ittikaf, ai e ben kete per vete e nese flet kunder bidatçinjeve, atehere ai kete e ben per muslimanet, keshtu qe kjo eshte me e mire.”

Ibn Tejmije, ne “Mexhmu’ul-Fetava” 11/471 gjate polemikes te cilen e ben me pasuesit e Ahmed Rifait, thote: ”Permenda qortimin (e bidatçinjeve) dhe thashe: Muslimi ne Sahihun e tij transmeton nga Xhafer ibn Muhammed Sadik, e ky nga babai i tij Ebu Xhafer el-Bakir nga Xhabir ibn Abdullahu se Pejgamberi alejhis- selam gjithmone ne hytben e tij thonte: ”Vertet, Fjala me e vertete eshte Fjala e Allahut, dhe udhezimi me i mire eshte udhezimi i Muhammedit, kurse gjerat me te keqija jane risite, e çdo risi eshte devijim.”

Dhe thote Ibn Tejmije, ne nje vend tjeter: E disa veç me paten thene: “Ne i bejme njerezit qe te pendohen.” E une iu thashe: Prej çka i nxitni qe te pendohen? Ai u pergjegj: “Nga plaçkitjet, vjedhjet, e keshtu me radhe.” Une ia ktheva: Gjendja e tyre para se ju t’i shtyni ata qe te pendohen eshte me e mire
se ajo pas pendimit, sepse ata para pendimit kane qene mekatare, te cilet e kane ditur se veprat e tyre jane te ndaluara, dhe kane shpresuar meshiren e Allahut qe te pendohen apo kane pasur per qellim pendimin. Kurse tani, pasi qe i keni shtyre te pendohen me kete lloj pendimi te juajin, i keni bere te devijuar, mushrike, te cilet kane dale nga sheriati i Islamit, e duan ate qe Allahu e urren, dhe e urrejne ate Allahu e do. E pastaj ia sqarova (bidatçiut) se bidatet te cilat ata i kryejne jane me te keqija se mekatet.

KJO SEPSE:
”E persa i perket mekateve, kjo eshte sikur shembulli i asaj qe eshte transmetuar ne sahihun e Buhariut nga Omer ibn Hattabi, se nje njeri quhej Gomar, pinte alkool dhe e bente Pejgamberin alejhis-selam te qesh, dhe sa here qe e sillnin te Pejgamberi alejhis- selam, ai e ndeshkonte ate, derisa nje nje njeri e mallkoi ate (te ndeshkuarin) duke thene: Allahu e mallkofte, sa shume here qe po e sjellin te Pejgamberi alejhis-selam! Pejgamberi alejhis-selam i tha mallkuesit: “Mos e mallko ate, sepse vertete ai e do Allahun dhe te Derguarin e Tij.” E une (Ibn Tejmije) them: Ky njeri ka pire shume alkool, por perkunder kesaj vepre ai ka qene me Akide te shendoshe, e ka dashur Allahun dhe te Derguarin eTij, e per kete deshmoi edhe Pejgamberi alejhis-selam dhe e ndaloi ate nga mallkimi. Kurse shembulli i bidatçiut eshte ajo çka eshte transmetuar ne Sahihejn nga Ali Ibn Ebi Talibi, Ebu Seid el-Hudriu dhe nga te tjeret se: Pejgamberi alejhis-selam ndante plaçken e luftes kur i erdhi nje njeri me balle te gjere, mjekerr te shpeshte, me koke te rruar dhe mes dy syve te tij kishte shenjat e sexhdes. Ai tha ate qe tha, e pastaj Pejgamberi alejhis-selam tha: ”Nga pasardhesit e ketij do te dale nje popull, qe namazi i juaj do te jete i paket ne krahasim me namazin e tyre, e po ashtu edhe agjerimi i juaj ne krahasim me agjerimin e tyre, dhe leximi i juaj ne krahasim me leximin e tyre do te jete i manget. Te lexuarit e tyre te Kur’anit nuk i tejkalon fytat e tyre, por (perkunder tere ketij ibadeti te madh te tyre) ata dalin nga Islami ashtu siç del shigjeta nga harku i vet. Nese i mberrij ata, do t’i mbys me mbytjen e (popullit te) Adit.” E ne nje transmetim thuhet: “E sikur ta kishin ditur ata qe i vrasin keta se çfare shperblimi ka (ne vrasjen e tyre) do te mbeshteteshin vetem ne kete veper (vrasjen e tyre).” Kurse ne nje transmetim tjeter thuhet: “Ata jane te vraret me te keqij nen qiell, kurse te vrarit me te mire jane ata te cilet vrahen nga ata (havarixhet).”

Do te thote (fjala e Ibn Tejmijes ende): “Ata perkunder namazit te tyre te shumte, dhe perkunder agjerimit dhe leximit, dhe perkunder ibadetit dhe zuhdit (asketizmit) te tyre te madh, prapseprap Pejgamberi alejhis-selam ka urdheruar qe te vriten, edhe po ashtu i ka vrare Ali ibn Ebu Talibi dhe ata te cilet kane qene me te prej shokeve te Pejgamberit alejhis-selam, dhe kete e kane bere per shkak te daljes se tyre nga Sunneti dhe Sheriati i Pejgamberit.”

Thote edhe Ibn Tejmije: ”Pasuesi i Sunnetit ne mesin e bidatçinjeve eshte sikur muslimani ne mesin e pabesimtareve.” Ngase, Pejgamberi alejhis-selam kur flet per shtatedhjete e dy grupet e devijuara te ummetit tone, ai ne nje transmetim i quan “mil-lete,” ku thote se ummeti im do te ndahet ne 73 mil-lete, 72 prej tyre ne xhehennem, e nje ne xhennet.
Fjala “mil-leh,” perveç qe do te thote ‘popull,’ e çdo popull ka edhe fene e vet, ajo ka edhe kuptimin e fese, e ne kete rast kjo fjale e ka kuptimin fe, sepse Allahu i Madheruar ne pesembedhjete vende ne Kur’an, kur permend fjalen “Mil’leh,” ka per qellim fene ashtu siç e ka pasur per qellim Pejgamberi alejhis-selam.

Abdullah ibn Umer es-Sarkusi – dijetar i el-Khazarit – ka thënë: E kam ngrënë një racion të vetëm me një risimtar dhe kur Ibn el-Mubarek dëgjoi për këtë, ai tha për mua: “S’do t’i flas atij tridhjetë ditë!”

Ibrahim ibn Mejsere ka thënë: “Ai që e nderon një risimtar ka ndihmuar në shkatërrimin e Islamit.”

El-Fudejl tha: “I kam mbërritur njerëzit më të mirë – të gjithë ata ishin njerëz të Sunetit dhe paralajmëronin kundër njerëzve të risisë.”

el-Fudejl tha: “Mos u ul me ndonjë risimtar – Allahu i ka bërë veprat e tija të kota dhe e ka nxjerrë dritën prej zemrës së tij. Dhe nëse Allahu e do një rob, Ai i jep atij ushqim të mirë dhe të pastër.”

Prej ibn Sheudheb i cili tha: “Vërtet, nga bekimet e Allahut ndaj një të riu i cili kërkon ta adhurojë Allahun, është ajo se atij i është dhënë si vëlla një shoqërues i Sunetit i cili e inkurajon atë në të (Sunet).”

Thote Imam Shafiu: “Te takoj Allahun me çdo gjynah perveç shirkut, eshte me e dashur per mua se sa ta takoj Allahun me diçka nga bidati.”

Imam Malik rrahimehullah ka thene:“Kushdo qe prezanton ne Islam nje risi [bidat], te cilin ai e gjykon si te mire, atehere ai ka pretenduar se Muhammedi, sal-lall-llahu alejhi ue sel-lam, e ka tradhetuar besen e perçimit te Mesazhit .

I tha Junus ibn Ubejd djalit te tij: “Te dalesh zinaqar, hajdut, mashtrues, fasik para Allahut, eshte me e dashur tek une sesa te dalesh me fjalen e bidatçinjeve. Ki kujdes me ke ulesh, prej kujt degjon, dhe me ke shoqerohesh."

Thote Ibni Sirin: “Kjo dije eshte fe, prandaj shikoni se nga kush e merrni fene tuaj.” Ishte Ibn Sirini qe nuk i pergjigjej asnje bidatçiu qofte edhe ne nje mesele te vetme, saqe nje dite i erdhi nje bidatçi te lexoje Kur’an tek ai, por Ibn Sirini i mbylli veshet. I thane: "Pse?" Tha: “Kam frike se mos e keqinterpreton dhe ze vend ne zemren time.”

Ibrahim Ibn Maisarah (tabiin) “Kushdo qe respekton nje bidatçi ka ndihmuar ne shkaterrimin e Islamit”
Erdhi nje person tek Ebu Ejjub es-Sihtijani dhe i tha: "Dua te te them nje fjale. I tha Ebu Ejjubi: "As edhe nje gjysem fjale." Shume nga selefet e urrenin polemiken (debatin) me bidatçinjte, prej tyre: Ibni Umeri, Malik bin Enes dhe te tjeret deri ne ditet e sotme. Thote Allahu: “Dhe nuk polemizojne ne argumentet tona vetem se ata qe kane mohuar.”

Thote Fudejl ibn Ijad: “Kur shoh nje person nga ehlus-sunneti me duket sikur shoh nje nga shoket e Profetit alejhi selam, ndersa kur shoh nje bidatçi me duket sikur shoh nje munafik.”

Hasan el-Basri thote: "Allahu nuk e pranon agjerimin, haxhin e umren nga bidatçiu derisa ta braktise bidatin e tij."

Thote Sufjan eth-Theuri: "Bidati eshte me i dashur per Iblisin sesa mekati, sepse njeriu pendohet per mekatin por nuk pendohet nga bidati."

Thote imam Malik: “Çfare nuk ka qene ne ate kohe fe nuk do te jete as sot fe, dhe nuk permiresohet fundi i ketij ummeti vetem se me ate qe eshte permiresuar fillimi i tij.”

Nga Amr ibn Selemeh:"Uleshim tek dera e Abdullah Ibn Mes'udit perpara namazit te sabahut, keshtu qe kur ai te dilte te kishim mundesine qe te ecnim me te per ne xhami. Keshtu, Ebu Musaa el Esh'arij erdhi tek ne dhe tha:"A ka dale Ebu Abdurr-Rrahmani?" Ne i thame:"Jo." Ai u ul me ne derisa ai doli. Kur ai doli, ne te gjithe u nisem me te. Ebu Musa i tha atij:"O Ebu Abdurr-Rrahman, me te vertete kam pare ne xhami nje veper te keqe qe e urrejta -dhe çdo falenderim i takon Allahut- (por nuk pashe) asgje vetem se diçka te mire." Ai tha:"Çfare ishte?" Ai tha:"Nese jeton gjate do ta shohesh. Une pashe ne xhami njerez te ulur ne rrethe që po prinin per namazin. Ishte nje njeri ne çdo rreth dhe ne duar kishin guraleca, e ai thoshte:"Thoni Allahu Ekber 100 here," e ata thonin Allahu Ekber 100 here. Ai thoshte:"Thoni Elhamdulilah 100 here," e ata thonin elhamdulilah 100 here. Ai thoshte:"Thoni SubhanaAllah 100 here,' e ata thonin subhanallah 100 here. Ai (Ibn Mes'udi) tha:"Çfare iu the atyre?" Ai (Ebu Musa) tha:"Nuk u thashe asgje, prita per urdherin tend." Ai (Ibn Mes'udi) tha:"Sikur t'i kishe urdheruar qe te numeronin veprat e tyre te keqija, dhe t'i siguroje se asgje prej veprave te keqija nuk do te humbe (lene pa shkruar nga engjejt sh.p)!" Ai eci e ne ecem me te derisa arritem tek rrethet e njerezve. Ai qendroi siper tyre e tha:"Çfare jeni duke bere?!" Ata thane:"O Ebu Abdurr-Rrahmaan, keto jane guralece me te cilat numerojme tekbiret, tehlilet dhe tesbihet." Ai i tha:"Atehere, numeroni veprat e juaja te keqija dhe une ju siguroj se asnje nga veprat e juaja te keqija nuk do te humbe. Mjere ju, o Ummet i Muhammedit! Sa shpejt drejtoheni per ne shkatarrim! Keta jane shoket e Profetit tuaj (salaAllahu alejhi ue selem) qe jane te shumte, dhe keto jane rrobat e tij qe nuk jane prishur akoma dhe gota e tij eshte e pathyer. Pasha Ate, ne Doren e te Cilit eshte shpirti im, ose ju jeni ne nje fe me te udhezuar se ummeti i Muhammedit, ose jeni duke hapur deren e lajthitjes." Ata thane:"Pasha Allahun, O Ebu Abdurr-Rrahmaan, ne kishim qellim te mire." Ai tha:"Sa shume njerez kane pasur qellim te mire por nuk ia kane arritur atij (qellimi)? Me te vertete i derguari i Allahut (salaAllahu alejhi ue selem) na ka treguar:"Do te kete njerez qe do ta recitojne Kur'anin, por nuk do t'i kaloje fytat e tyre. Pasha Allahun, nuk e di ndoshta shumica e tyre jane prej jush." The ai u largua prej tyre. Amr ibn Selemeh tha:"I pame shumicen e ketyre njerezve duke luftuar kundra nesh ne betejen e Nahrauanit ne anen e khauarixheve."

Nga shkrimi perfitohet shume, por perfitimi dhe dija eshte ne dore te All-llahut.
Subhanek All-llahume we Bihamdike, we esh-hedu enne Laaa Ilahe Il-la ente, we Estagfiruke we etubu ilejk.

**init-6** · 06-03-2010, 17:29

Muhammedi është i dërguar i All-llahut, e ata që janë me të (sahabët) janë të ashpër
kundër jobesimtarëve, janë të mëshirshëm ndërmjet vete, ti i shehkah përulen (në rukuë), duke rënë me fytyrë në tokë (në sexhde), e kërkojnë pre All-llahut që të ketë mëshir dhe kënaqësinë e Tij ndaj tyre. Në fytyrat e tyre shihen shenjat e gjurmës së sexhdes. Përshkrimi i cilësive të tyre është në Tevrat dhe po ky përshkrim është edhe në Inxhil. Ata janë si një farë e mbjellë ku mbin filizi i vet, e ai trashet, përforcohet dhe qëndron në trungun e vet, ajo e mahnit mbjellësin. (All-llahu i shumoi) Për t’ua shtuar me ta mllefin jobesimtarëve. All-llahu atyre që besuan dhe bënë vepra të mira u premtoi falje të mëkateve dhe shpërblim të madh.

KESHTU QE
Thuaju: “Vdisni me atë mllef tuajin!” All-llahu i di shumë mirë se çka mbajnë (të fshehtat) zemrat e tyre.

**aadili** · 06-03-2010, 19:59

Kamë shumë frikë se do të na bëheni musliman ju të krishterët.
Më shumë rrini në forumin Musliman se në forumet tjera.

Lereni njerzit të qetë në këte forum. Le të shkruajn çtë duhen. Në qoftë se mendoni se e kanë gabim atëherë mundohuni të ja sqaroni, në qoftë se skuptojn ska problem lereni le të ecin rrugën e tyre.
Si mundet vallë të shani në atë mënyr pa mos e njohur dike.

Më mirë do të ishte të tregoheni burra në qoftë se jeni? Dilni para një xhamije dhe aty do të dalin plot musliman dhe keni rastin ti shani të gjith dhe tu thoni çfar mendoni.

Tema: Shpikjet (ne fe) nen Driten e Kur'anit dhe Sunetit

Funksionet e Temës

Shpikjet (ne fe) nen Driten e Kur'anit dhe Sunetit

Regullat e Postimit

Projekti Albasoul

Komuniteti i Forumit

Rreth Nesh

Kërko

Krijoni Kontakt