Ambasadoret e BE-se:afat: Zgjidhje deri ne 6 mars te krizes ne shqiperi

[SERAFIM DILO]

Ambasadoret BE:Zgjidhje e krizes ne shqiperi....Do ngrihen rrogat e pensjonet.

[DYDRINAS]

Ashton: Po rrezikoni integrimin



Përfaqësuesja e Lartë e BE për Politikë të Jashtme, Catherine Ashton gjatë turneut të saj në Ballkan ka folur edhe për Shqipërinë. Ajo tha se "Shqipëria, gjatë viteve ka parë progres të rëndësishëm. Megjithatë, shtoi përfaqësuesja e lartë, vështirësitë politike aktuale po venë në rrezik progresin e mëtejshëm".

"Dua të them sinqerisht se unë jam përkrahëse e fortë e dialogut politik dhe jo e bojkoteve si rrugë për të gjetur zgjidhje politike", vijoi ajo.

Ashton po viziton sot Kosovën, në ndalesën e tretë dhe të fundit në turneun e saj të parë në Ballkan.

Zonja Catherine Ashton përzgjodhi këtë radhë të shkojë në Bosnjë Hercegovinë, Serbi dhe Kosovë.


Në fjalimin e saj para shoqërise civile në Beograd, zonja Ashton pati një mesazh të qartë për të gjithë vendet e Ballkanit.


Ajo theksoi se arritjet e bëra në Ballkan duke vënë në dukje se Ballkani sot është një vend ndryshe. Por ajo theksoi edhe sfidat me të cilat përballen vendet.


Për Kosovën, Baronesha Ashton tha se ne e kuptojmë se Kosova mbetet një çështje e rëndësishme për Serbinë, megjithatë, shtoi ajo, pikëpamjet e ndryshme mbi statusin e Kosovës nuk duhet të na parandalojnë ne të ecim përpara në zgjidhje të çështjeve praktike.


Në veçanti bashkëpunimi rajonal duhet të ecë përpara. Kosova duhet të mundësohet në një mënyrë pragmatike të marrë pjesë në iniciativat e bashkëpunimit rajonal.
"Kosova, theksoi ajo, është pjesë integrale e strategjisë së BE në Ballkanin perëndimor.
Zonja Ashton më pas theksoi se Mali i zi, Shqipëria dhe Maqedonia po përparojnë në drejtimin e duhur.


Duke u kthyer tek Maqedonia, zonja Ashton tha se progresi konkret dhe zgjidhja e të ashtuquajturës çështje e emrit do të jetë tepër e dobishme.


Baronesha Ashton bëri të qartë se mesazhi i Be-së ishte "BE është me ju deri sa ju të jeni në BE."


Ndërkombëtarët disa here kane bere apel per zgjidhjen e krizes. Ambasadori i KE-se ne Shqiperi tha dy dite me pare se "dialogu politik mes palëve nuk është si në një lojë tenisi ku çdo set komentohet nga dikush. Besoj se ky proces do të çojë në një zgjidhje të suksesshme brenda kohës së duhur".


shekulli

[palushi]

Rama: Hetim të pakushtëzuar, nuk ekziston 6 mars


TIRANE- Kryetari i Partisë Socialiste e cilëson si një tjetër progres pozitiv të betejës së opozitës deklaratën e djeshme të presidentit të Asamblesë parlamentare të OSBE-së Joae Soares për hetim kuvendor të zgjedhjeve në respekt të Kushtetutës.

“Hetimi i plotë i zgjedhjeve, do të thotë hetim i pakushtëzuar sigurisht bazuar mbi Kushtetutë dhe ne vendimin e Gjykatës Kushtetuese e cila ka intepretuar dhe i ka dhënë formë të qartë cështjes së hetimit parlamentar në tërësi.”- vlerësoi Rama sot në një takim me gazetarët në përmbledhjen e javës.

Duke iu referuar vendimit të Gjykatës Kushtetuese, Rama tha se në vendim është shprehur forma më kuptimplotë e përgjigjes për atë që ai e cilësoi “dilemë të ngritur enkas nga ana e pushtetit thjesht për të shmangur hetimin parlamentar të plotë dhe të tërësishëm.”

Rama tha se e drejta për hetim të pakushtëzuar të zgjedhjeve është e legjitimuar

“Hetimi ynë parlamentar synon dy drejtimet kryesore; nxjerrja e përgjegjësive për deformimet në procesin e administrimit të votës dhe nxjerrja e konkluzioneve për përmirsimin e mëtejshëm të procesit zgjedhor.” tha Rama teksa lexoi para gazetareve vendimin e Gjykates Kushtetuese.

Duke iu përgjigjur pyetjes së gazetarëve Rama cilesoi si alibi pretendimin e Partise Demokratike ne pushtet se opozita po kërkon të hetojë vendimin e gjykatës.
“ Nuk po hetojmë vendimin e gjykatës, ky është karrem që ka hedhur qeveria. Ne nuk kemi paraqitur asnjëherë dhe në asnjë rast pretendimin për të hetuar një vendim gjykate. Qysh në krye të herës kemi njohur rezultatin e zgjedhjeve. Në rast se nuk do njihnim rezultatin e zgjedhjeve nuk do të njihnim as qeverinë as parlamentin por do ishim në kushtet e një lëvizjeje antipushtet. Referimi i vazhdueshëm ndaj vendimit të gjykatës është truk i qeverisë për të shmangur hetimin e zgjedhjeve. “


********
Gjithashtu sipas Ramës 6 marsi është një ditë e zakonshme dhe nuk shënon asnjë përfundim të afatit të mandateve për deputetët socialist.
***********


Dy dite me pare ambasadoret e Bashkimit Europian bene apel per zgjidhjen e krizes brenda dates 6 mars, cka do ti lejoje opozites te kthehej ne parlament, ndryshe rrezikohet integrimi i vendit ne BE.

Rama: Atentati ndaj Hoxhes i rende, na ka revoltuar
Partia Socialiste kërkon zbardhjen e plotë dhe të menjëhershme të ngjarjes së ndodhur dje në mëngjes kur, makinës së kryetarit të PS-së në Vlorë i është vendosur një sasi e konsiderueshme lënde djegëse dhe kapsollë detonatore. Policia nuk ka dhënë ende asnjë version të ngjarjes ndërsa ka deklaroi dje se po hetohej intensivisht për zbardhjen e plotë të rrethanave të kësaj ngjarjeje.
“Është rast jashtëzakonisht i rëndë që ka revolutar të gjithë njerëzit tanë dhe kërkojmë zbardhjen pa humbur kohë. E patolerueshme që një ngjarje e tillë të ndodhë dhe e pa tolerueshme që për një ngjarje të tillë të mos ketë sensibilizim dhe prononcim nga ana e pushtetit “- nënvizoi kryetari i Partisë Socialiste sot në një takim me gazetarët në përmbledhjen e javës.

(s.g/balkanWeb)