Flet Presidenti

[Brari]

Nga RD

-----------

Mjaft më me prokurorë, që i bëjnë fresk krimit

Nga Alfred MOISIU

Analizat e përgjithshme të punës janë momente shumë të rëndësishme në veprimtarinë e çdo institucioni. Nëpërmjet tyre shohim se çfarë kemi bërë, sa dhe si i kemi realizuar detyrat, sa dhe si i kemi shërbyer vendit dhe vetes tonë. Nëpërmjet analizës së punës kemi mundësinë për një tablo të qartë të veprimtarisë që lëmë pas dhe kemi mundësinë të përcaktojmë trasenë ku do ecim në të ardhmen.

Besoj se të gjithë e kemi të qartë se koha dhe momenti që po kalon Shqipëria është nga më të rëndësishmit në historinë e saj. Po kapërcejmë periudhën e vështirë dhe të stërgjatë të tranzicionit dhe po përpiqemi t’i bashkohemi familjes evropiane.

Fenomene të tilla si krimi i organizuar, trafiqet e të gjitha llojeve dhe korrupsioni galopant kanë qenë kohët e fundit temat kryesore të shtruara për zgjidhje në institucionet brenda vendit, por sidomos nga organizmat ndërkombëtarë që kanë marrë përgjegjësinë e monitorimit tonë në rrugën drejt anëtarësimit në BE.

Si President i Republikëes jam i angazhuar të përdor gjithë fuqinë time mendore, shpirtërore dhe kushtetuese për t’i hapur rrugë dhe për të shtyrë përpara këtë proces integrimi, i cili natyrshëm ka një nga bazat themelore vendosjen e drejtësisë.

Ju shpreh së pari vendosmërinë time për përkrahjen e Institucionit të Prokurorisë dhe të Prokurorit të Përgjithshëm në rrugën e reformave të domosdoshme legjislative dhe institucionale, në burimet njerëzore, në përsosjen e kushteve, të mjeteve dhe metodave të punës.

Duke ju garantuar përkrahjen në luftën tuaj me krimin e të gjitha llojeve dhe ngjyrave, dua të tërheq vëmendjen për rolin e pazëvendësueshëm dhe tepër të rëndësishëm të prokurorisë për shërimin e plagëve, që krimi i ka shkaktuar shoqërisë sonë.

Është koha t’i përgjigjemi krimit me institucione të konsoliduara, të mbështetura mbi baza legjislative bashkëkohore. Është koha për profesionalizëm dhe përkushtim.

Në takimin tim të parë me Prokurorin e Përgjithshëm i kam premtuar se do ta mbështesja me të gjitha forcat e mia në përpjekjet e tij për reformimin e institucionit, për pastrimin dhe shëndoshjen e tij, për ngritjen e tij në nivelin e detyrave që ka përpara.

Marr pjesë sot në këtë analizë në radhë të parë, për të deklaruar para jush të njëjtin mesazh. Prokuroria shqiptare ka nevojë vetëm për njerëz të pastër, të ndershëm dhe profesionistë.

Të paaftët, të korruptuarit, frikacakët, duhet të hiqen sa më shpejt mënjanë dhe të na lënë që të ecim përpara në rrugën tonë. Shqipëria nuk mund të vazhdojë më të familjarizohet me krimin, ngado që të vijë ai, prokurorët nuk mund të vazhdojnë më t’i bëjnë fresk atij.

Pastërtia, ndershmëria dhe profesionalizmi duhet të jenë kriteri i vetëm për rekrutimin dhe karrierën në prokurori. Analiza vjetore e punës, shifrat e suksesit dhe të mossuksesit mua më çojnë në mënyrë të paevitueshme në konkluzionin se ky kriter ende ka vend për t’u zhvilluar brenda radhëve.

Rezultatet e punës që sot po bëhen prezent, na tregojnë bindshëm se shkalla e lartë e krimit dhe korrupsionit në vendin tonë ka faktor të rëndësishëm nxitës edhe mungesën e ndëshkimit të shpejtë, të drejtë dhe të efektshëm ligjor të autorëve.

Ju jeni zotër të zanatit dhe e dini mjaft mirë se rezultatet pozitive në ndëshkimin e krimit dhe rritjen e efektit parandalues varen shumë nga shpejtësia e procedimit penal. Zvarritja në hetim dhe në gjykim veçse vret suksesin e procedimit, veçse shpëton kriminelët, i zgjat jetën krimit. Të gjithë e dinë këtë, por jo të gjithë brenda jush punojnë për ta eleminuar fenomenin.

Unë dyshoj dhe më vjen shumë keq ta them se në prokurori ka edhe nga ata që këtë fenomen e përdorin si taktikë korrupsioni, si mjet pasurimi apo aleancash me krimin.

Si profesionistë, ju e dini shumë mirë rëndësinë që ka fiksimi i provës apo dëshmisë për mbarëvajtjen e procedimit penal, ruajtja e tyre nga degjenerimi. Por ju jo rrallë keni parë se si kanë degjeneruar provat në hetim dhe në gjykim. Për fat të keq, rrallë mund të ketë ndodhur të ngriheni dhe të mbroni rezultatin e punës tuaj nga veprimi korruptues i palëve në procedim apo gjyqtarëve të pandershëm.

Degjenerimi i provave është dështim i luftës kundër krimit. Dështimi i luftës kundër krimit duhet të sjellë tërmet në prokurori, por jo të na lërë ta bëjmë gjumin e qetë. Prokuroria s’mund dhe s’duhet ta bëjë gjumin e qetë në radhë të parë e mbi të gjitha, sepse ajo është ende në një borxh tepër të madh ndaj qytetarëve të këtij vendi. Asaj nuk i duhet të jetë thjesht dhe vetëm e përkushtuar, e vendosur dhe aktive, por i duhet edhe të bindë shqiptarët se është me të vërtetë e tillë.

Në këto vitet e fundit ka pasur denoncime të mëdha dhe të rënda për vepra konkrete penale, për korrupsion flagrant dhe lidhje të politikës me krimin. Shtypi i shkruar apo mendja elektronike nxjerr përditë probleme të tilla, që nuk mund të kalojnë pa u vënë re.

Shqiptarët i kanë ndjekur me vëmendje dhe shqetësim këto denoncime. Shqiptarët kanë ndjekur me shpresë fillimin e hetimeve nga prokuroria për çështjet e bujshme penale. Por ata janë ende në pritje të rezultateve. Po kalon kohë e gjatë dhe prokuroria nuk po lëviz ose lëviz shumë ngadalë.

Mosveprimi, heshtja, apatia, nuk dëmton vetëm institucionin. Ato dëmtojnë në radhë të parë besimin e qytetarëve tek drejtësia, besimin tek sistemi politik, njollosin pa të drejtë ose nuk pastrojnë dot klasën politike, pengojnë luftën ndaj plagëve më të thella të shoqërisë. Përgjegjësia është e madhe dhe e rëndësishme. Prandaj, dilini për zot dhe justifikoni punën tuaj!

Takimi i sotëm ka qëllim që të bëjë analizën e punës. Por, analiza e drejtuar vetëm brenda vetes nuk është asnjëherë e plotë, sepse asaj i mungon ndikimi i faktorëve të jashtëm institucionalë. Në këtë drejtim mendoj se vëmendje të veçantë meriton bashkëpunimi efektiv midis të gjitha hallkave të shtetit.

Përvoja më e re e institucionit tuaj në bashkëpunimin me hallkat e policisë gjyqësore na tregon se rruga drejt përsosjes është ende e gjatë. Ekzekutivi mesa duket nuk është ndërgjegjësuar për rëndësinë e hallkave të procedimit operativ në ndjekjen e krimit, gjë që do të thotë se ekzekutivi nuk është ndërgjegjësuar për detyrën e vet funksionale.

Ashtu sikurse edhe pushteti gjyqësor ende nuk mund të quhet i pastruar nga korrupsioni, varësia politike apo mungesa e përgjegjshmërisë dhe profesionalizmit.

Sidoqoftë, së bashku me këto konstatime kritike ndaj ekzekutivit dhe gjyqësorit mendoj se përpjekja jonë duhet të fokusohet në radhë të parë në potencialin që ka prokuroria për të minimizuar defektet e hallkave të tjera.

Gjykoj se puna juaj normalisht përmblidhet në tre faza të rëndësishme:

- Hetimin e krimit

- Ngritjen e akuzës dhe përfaqësimin e çështjeve në gjykim

- Arritjen e rezultatit duke vënë përpara përgjegjësisë autorët e krimit

Duke patur parasysh këto, Prokuroria ka gjithmonë mundësinë të përmirësojë hetimin dhe punën hetimore të policisë gjyqësore, ta orientojë drejt atë, ta mbikqyrë me rigorozitet, ashtu sikurse ka mundësinë t’i serviri gjykatës dosje hetimore të kopsitura, të bazuara tërësisht në prova dhe në ligj, dhe pa hapësira për dyshim apo spekullim. Ajo ka gjithmonë mundësinë të kundërshtojë vendimet e padrejta gjyqësore, ashtu sikurse ka mundësinë të ndjekë me konsekuencë penalisht korrupsionin, edhe kur ky shfaqet brenda hallkave të hetimit apo në gjyqësor.

Sa e rëndësishme është lufta kundër krimit dhe vënia para përgjegjësisë e fajtorëve, po aq e rëndësishme është edhe mbrojtja e lirive dhe të Drejtave të Njeriut gjatë gjithë procedimit penal apo gjatë kohës që fajtorët vuajnë dënimin.

Nuk kanë munguar shkeljet edhe në këtë drejtim, prandaj përveç punës tuaj edhe bashkëpunimi me Avokatin e Popullit duhet të jetë real, duke krijuar të gjitha lehtësitë për marrjen e informacionit, shpjegimeve apo dosjeve si dhe duhen vlerësuar rekomandimet që Avokati i Popullit bën në zbatim të detyrës së tij kushtetuese.

Megjithë të metat, unë mund të them se mjaft nga ju po vazhdojnë me kurajo të përballen me krimin dhe rezultate ka patur e do të ketë, nëse të gjithë do të përpiqemi për to.

Në mbyllje të këtyre konstatimeve, më lejoni t’ju përgëzoj për sukseset e pamohueshme në punën tuaj dhe t’iu nxis me të gjithë forcën time për arritje të niveleve të larta, me punë të përkushtuar, të ndershme, kurajoze, larg ndikimeve politike.



-----------



*Fjala e Presidentit të Republikës, zotit Alfred Moisiu, në analizën vjetore të Prokurorisë së Përgjithshme, më 7 Shkurt 2003


-------------------------------------

Dy fjale..


Megjithse i vjeter ne moshe ..megjithse nuk e ka perkrahjen e bosave te Milardave e as simpatine e mafies sikurse e kish Mejdani..MOISIU yne punon e fjala tije ka peshe..

Pune te mbare Presidentit!

[Brari]

TIRANE (8 Shkurt)


- Kryetari i PD-së, Sali Berisha përshëndeti deklaratat e djeshme të presidentit të Republikës, Alfred Moisiu, gjatë analizës së punës 6 mujore të prokurorisë.
Sipas Berishës, në prokurori vazhdojnë të militojnë ata që kanë shpallur pafajësinë për Zani Caushin dhe vrasës të tjerë, prokurorë që kanë akuzuar njerëz të pafajshëm për krime kundër njerëzimit, prokurorë politikë që vranë për së dyti Azem Hajdarin dhe të tjerë që funksionojnë si banda të krimit të organizuar.

"Jam sot këtu për të shprehur vendosmërisht mbështetjen për çdo përpjekje të prokurorisë në zbatim të ligjit dhe të siguroj se do të votojmë çdo ligj që do të ndihmojë në zbardhjen e çështjeve të hapura".
I bëj thirrje Sollakut e Moisiut të pastrojnë këtë organ nga njerëz që e bënë prokurorinë protektor të krimit dhe që e bënë Shqipërinë delen e zezë të krimit të organizuar.
Kreu demokrat tha se beson te presidenti për reformën në drejtësi dhe se pret prej tij paraqitjen e platformës për reformë. Duke vijuar, Berisha përshëndeti qëndrimin e ambasadorit Liponen në Vjenë, si qëndrim që kontribuon për zgjidhjen e problemeve madhore dhe konfirmoi se i ka kërkuar atij ndihmën e ekspertëve të OSBE-së për miratimin e ligjit për pronat.
Berisha ftoi kryeministrin Nano të pranojë këtë kontribut dhe theksoi se çështja e pronës nuk është politike, por një çështje e atributeve ligjore.


ro/ko (BalkanWeb)



...

[Albo]

Zoti President, ka ikur koha e fjalimeve. Tani eshte koha e denimit me ligj te atyre qe kane vjedhur autoritetin e ligjit.

Beni 5 prokurore te implikuar shembull duke i hedhur prangat dhe duke i futur ne burg, dhe qendroini cekan mbi koke prokurorit te pergjithshem derisa te marri masat e nevojshme.

Keni per te pare pastaj qe te implikuarit do te largohen vete nga drejtesia. Shteti nuk ndertohet me fjale, por me ligj.