Ngritja E Vetëdijes

[Norça.li]

Të nderuar bashkëkombas



Pas shumë hezitimeve, këtu e kam fjalën për reagimin e disave nga ne, vendosa të postoj shkresa me temë: Njohuritë më të reja astrologjiko-parapsikologjike, metodat dhe përparimet për të mirën tuaj, veçanërisht lidhje me temën NGRITJA E VETËDIJES.



Ndoshta dikush do të pyes se çfarë lidhje ka kjo me religjionin? Unë i përgjigjem: Kjo nuk ka të bëjë drejtëpërsëdrejti me religjionin. Gjithashtu nuk ka të bëjë drejtëpërdrejtë me ndonjërin nga religjionet (botërore) në veçanti.



Temat që do t’i postoj në të ardhmen kanë të bëjnë me NGRITJEN E VETËDIJES. Më duhet gjithashtu të potencoj se këto tema iu janë drejtuar popullit gjermanofolës. Meqë këtu bëhet fjalë për të mirën e njeriut, ma merr mendja se do të ketë ndikim të mirë edhe në mesin e shqiptarëve.



Jam i vetëdijshëm se do të ketë edhe akuza nga më të ndryshmet në adresë timen. Megjithatë unë të tillëve u sugjeroj (nëse u pengon diçka në këto shkrime) të mos e lexojnë fare apo ta injorojnë plotësisht.



Unë jam abonues e kësaj fletushke më tepër se tre vite. Meqë, sipas mendimit tim, kam hasur në shkrime jashtëzakonisht interesante këtu, pata dëshirë që këto njohuri t’i ndaj edhe me të interesuarit e tjerë.



Ju uroj çaste të këndshme gjat leximit, me shpresë se do të keni rast të[/b] vetëdijësoheni.[/b]



Sinqerisht!
Norça.li

[Norça.li]

Nr.51.

Mesazh

Të nderuara lexuese
Të nderuar lexues

Ekzistojnë njerëz, të cilët besojnë se gjithmonë duhet të mirren me diçka, të punojnë. Këta punojnë gjithnjë “me të gjithë motorët” dhe i vret ndërgjegja kur të jenë në situatë duke mos bërë asgjë e për ta lënë shpirtin të lëkundet.

Ngutia dhe stresi permanent ia zënë frymën çdo zgjimi spiritual dhe e brejnë njeriun pak nga pak.

Puna me plan e me zell është shumë e mirë por duhet të ketë edhe pauza të herëpashershme.

Për të qenë ironia edhe më e madhe, mu gjat kohës kur kalohet kot, ndodh diç e mrekullueshme në qetësinë e mbrendshme dhe kthimin në vetvete. E gjejmë rrugën kah vetja, e gjejme rrugën kah Uni i Lartë. Gjat shtendosjes totale dhe të medituarit tonë papritmas mund ta dëgjojmë zërin tonë të mbrendshëm, shpirtin tonë që flet me ne.

Në këtë rast do t’ju lusë një zë i butë dhe i dashur që t’ia vëni veshin. Provoni të dëgjoni se çka don t’u thojë zëri juaj i mbrendshëm. Provoni, ju lutem, të qetësoheni dhe bëhuni i hapur ndaj vetvetes. Më duhet të pranoj se rruga për të arritur deri te shpirti kërkon stërvitje e madje edhe nënshtrim (përvuajtje) por, urtësia e mbrendshme dhe udhëheqja, e cila don t’ju drejtojë e udhëheqë ia vlen çdo mundi, pa marrë pasasysh se sa i madh është ai mund.

Shkoni në udhëtimin hulumtues nga më tërheqësit në jetën tuaj dhe vizitojene Unin tuaj të Lartë.

Në këtë numër të fletushkës do t’ju hapi praktikime dhe metoda, të cilat ua lehtësojnë shumë më tepër këtë hap. Gjejeni rrugën e mrekullueshme kah Zoti dhe, gjejeni rrugën madhështore ka vetvetja.

Ecni së bashku me mua në një ardhmëri jashtëzakonisht të bukur, e cila qëndron para nesh dhe bashkangjituni! Meqë për një gjë mund t’ju siguroj: Të gjithë ne jemi zotëra të fjetur! Vetëmse këtë nuk e dini ju. Por këtë e din unë.

Zoti na udhëzoftë!
Keni kujdes!

Juaji: H.-J Schröder


Do të vazhdoj me temën: (NGRITJA E VETEDIJES) Si t’i braktisni binarët e vjetër, me qëllim që të shkelni rrugëve të reja.

[Nika]

I nderuari Norça.li
Jam kërkues shpirtnor dhe nxënës i mistikëve, dhe e besoj se pa meditim nuk mund të përndritet shpirti. Të falënderoj për shkrimet që do sjellësh.
P.s. Ekziston tingulli kosmik që vetem me meditim të thellë mund të dëgjohet. Në sanskrit quhet A U M që është edhe fjalë magjike që dmth. A=I gjithëpranishem, U=I gjithëndritur, M=I gjithëpushtetshem.
Nga ajo revistë të sygjeroj që të sjellësh shkrime për reinkarnimin, botën shpirtnore, fenomenin *afër vdekjes* etj.

[Norça.li]

I nderuari Mistiku

Me duhet ta pranoj se ia ke qelluar mjaft mire temave te ardhshme, te cilat do t'i postoj se shpejti (hap pas hapi) ketu ne forum.Keto kam vendosur t'i postoj sipas numrit rendor.

Shpresoj se do te kete gjera mjaft interesante per ty e ndoshta edhe per te interesuarit tjere.

Cdo te mire!

[Norça.li]

Si t’i braktisni binarët e vjetër, me qëllim që të shkelni rrugëve të reja




Mua më fascinojnë çdo herë, sa herë që të hasi në njerëz, të cilët i kryejnë punët e tyre të përditshme plotësisht të sigurtë në vetvete dhe me bindje të plotë. Njerëzit e tillë kryejnë telefonata të rëndësishme me një lehtësi të pabesueshme, mbajnë fjalime të mrekullueshme para një numri të madh dëgjuesish, paraqiten para të tjerëve në mënyrë jashtëzakonisht pozitive dhe janë në gjendje ta kuptojnë shumë bukur se si duhet tërhequr njerëzit kah vetja. Njerëzit e tillë janë të lirë. Këta janë të liruar nga të gjitha bllokadat e mundshme dhe barrierat penguese. Këta mjeshtër të mbijetesës janë të liruar në të gjithë qenien e tyre. Mirëpo, për fat të keq, njerëz të tillë mund të hasësh shumë rrallë.



Ndërkaq, nga ana tjetër, te masa e gjërë e popullit kjo gjë duket krejtësisht ndryshe. Masa e gjërë nuk është as harmonike e as e liruar. Pa e hetuar fare një gjë të tillë, ajo lëviz në një shinë të vetme. Çdo gjë rrjedh sipas një dhe të vetmes skemë. Çdo ditë ngritet jo me qejf për të shkuar në punë dhe ndjehet edhe më keq kur të kthehet nga puna. Përderisa të lëvizni edhe ju nëpër këtë shinë, në jetën tuaj nuk mund të ndryshojë asgjë esenciale. Kurse zgjidhja e këtij problemi është shumë e thjeshtë: Nëse do të bënit sot mu të njëjtën gjë çka e kishit bërë ditën e djeshme, atëherë, gjë e cila edhe është e logjikshme, do ta keni të njëjtën jetë, gjegjësisht të njëjtën situatë jetësore, sikur që e kishit lënë dje. Nëse sot do të mbylleshit në “guackën e kërmillit” përplot disponim të keq dhe keqardhje ndaj vetvetes, atëherë është më se e sigurtë se do të përjetoni një ditë me plot depresione. E nëse vazhdoni edhe të nesërmen në të njëjtën mënyrë, depresionet do të shtohen edhe më tepër. Ndaj, shpërtheni kah brigjet e reja. Çlirohuni. Skllavërimi juaj tashmë mbaroi. Ju pra po e lexoni këtë revistë dhe, këtë po e lexoni, me qëllim që ta tërhiqni lumturinë tuaj në të gjitha fushat e jetës. Ndaj shpërtheni së bashku me mua! Shpërtheni nga avazi i deritashëm dhe shkoni rrugës së lumturisë. Nëse jeni të gatshëm për të shkuar rrugëve të reja, ndoshta edhe të pazakonshme për ju, atëherë në jetën tuaj do të mund të ndryshojë befas çdo gjë që është e mundur. Më lejoni t’ua tregoj një shembull shumë të thjeshtë. Një djalë i ri shkonte në punë për çdo ditë rrugës së njëjtë, pa e ndryshuar asnjë herë. Për shkak të një prapshtie të vogël e kishte ndrydhur këmbën dhe u detyrua të marrë rrugë tjetër, megjithëse ajo udhë nuk kishte qenë më e shkurtë porse kishte përpjetëza më të vogla. Duke ecur kështu kësaj udhe, atij i kishin rënë befas në sy dyqane të reja, persona dhe ngjarje, të cilat nuk i kishte parë kurrnjëherë më parë. Ky shembull jashtëzakonisht i thjeshtë dëshmon se rutina e tepërt është armiku më i madh i suksesit.




Vazhdon

[Norça.li]

Shpërthejini vargonjtë tuaj


Me qëllim që të liroheni duhet t’i shpërtheni vargonjtë të cilët ju shtrëngojnë. Megjithëse duhet pranuar se kjo tingëllon në mënyrë mjaft brutale, natyrisht se kjo gjë është fare e parrezikshme. Do t’ua tregoj një rrugë se si mund t’i plasni në erë me të vërtetë të gjitha gjërat negative, gjegjësisht binarët e rrahura e këto t’i zëvendësoni me diçka krejt të re. Kjo metodë është shumë e lehtë, kështuqë duhet të bëni shumë pak stërvitje dhe në këtë mënyrë ta plasni hap pas hapi në erë çdo andrallë, të cilën do ta zëvendësoni me diçka pozitive. Mirëpo, më së pari duhet t’i kushtoheni vetëmse një problemi duke vazhduar me rradhë një pas një. Nëse doni të plasni shumë probleme përmenjëherë, atëherë ekziston rreziku i shkapërdarjes. Ja stërvitja: Kërkojeni një vend komod. Ky vend mund të jet ulësja juaj më e dashur, krevati, ndonjë ledinë etj. ku do të keni komoditet.




Mbyllini sytë dhe përpiquni ta paramendoni (përfytyroni) problemin tuaj. Përfytyrojeni këtë problem mundësisht në mënyrë sa më të gjallë e më reale. Këtë duhet ta shihni sa më mirë që është e mundur me syrin tuaj. Posa t’ju bëhet ai problemi (në përfytyrim) gati si të kishte qenë real, përfytyrojeni sikur të ket eksploduar e të jet copëtuar në mijëra copa të vogla. Por këtë duhet ta bëni vetëmse atëherë kur problemi ju ka paraqitur (në përfytyrim) si shumë real. Momentin e duhur për ta bërë këtë do ta përndjeni vetvetiu. Pra në atë moment kur ta përndjeni atmosferën e keqe që iu ka ndodhur në realitet, e cila ju kaplon gjat këtij meditimi.




Shkëmejeni tash problemin e shkatërruar me diçka të mrekullueshme.



Me teknikën e plasjes jeni në gjendje t’i plasni të gjitha problemet. Mund t’i plasni edhe mostrat destruktive të sjelljeve tuaja. Ta marrim si shembull se ju filloni së belbëzuari sa herë të jeni të detyruar të flisni para një grupi njerëzish. Në këtë rast përfytyrojeni në kujtesën tuaj se si jeni duke qëndruar para një grupi njerëzish dhe filloni të belbëzoni. Përpunojeni shpirtërisht këtë imazh për aq kohë deri sa të përndjeni realisht ndjenjën e keqe e cila ju kaplon në jetën normale gjat situatave të tilla. Në çastin kur të ndjeheni më së keqi plasnije me mend në erë. Imazhi, i cili pak më parë kishte qëndruar para jush plas dhe copëtohet në mijëra pjesëza deri sa të mbretërojë zbrastësirë e plotë. Këtë zbrastësirë, këtë vakuum të krijuar tash e zëvendësoni me një imazh tjetër sipas dëshirës suaj. Përfytyrojene imazhin se si jeni duke folur para një grupi njerëzish përplot hare e bindje. Çdo njeri veç e veç duket sikur të ishte i ngjitur për buzët tuaja (së dëgjuari) dhe ju admiron pa masë. Pikturojeni (me mendje) këtë imazh (pikturë) sa më të gjallë që është e mundur. Në këtë rast duhet t’ju kaplojë një ndjenjë e bukur dhe e gëzueshme.




Me këtë teknikë mund të “plasni” edhe gjëra tjera. P.sh. Frika nga humbja e vendit të punës, rinovimi i shtëpisë, dhembja e këmbës. Kjo “teknikë e plasjes” i ka dy favore me peshë të madhe: Vështirësive tuaja do t’ia dilni mbanë me lehtësi të madhe. Madje edhe atëherë kur iu paraqitet sërish i njëjti problem, atëherë do të qesheni, meqë të njëjtin do ta plasni përsëri. Ndërkaq, favori i dytë është se nënvetëdija juaj do të shkojë rrugëve krejt të reja me qëllim të përmbushjes së dëshirave tuaja.





Këtë stërvitje mund ta zbatoni në çdo kohë e sa herë të keni dëshirë apo ta shihni si të domosdoshme. Koha për një stërvitje të tillë varet nga aftësia juaj përfytyruese por, afro njëzet (20) minuta do të mjaftonin për këtë. Fund.





Në vazhdim do të flasim për:

Në kërkim të Krijuesit
(Kush (çka) është Zoti)

[Norça.li]

NGRITJA E VETËDIJES
******************




Në kërkim të Krijuesit
************************



Gjithnjë e më shpesh, veçanërisht gjat situatave të vështira konfliktuoze, te njerëzit paraqitet mëdyshja se a ekziston me të vërtetë Zoti. Çka apo kush është Zoti, si mund të dukej Ai, për çfarë na ka krijuar neve janë ndër pyetjet që i shkojnë njeriut nëpër kokë. Me kërkesë të një numri shumë të madh lexuesish do të mundohem që sot t'ua jap pëgjigjen për këtë.



Kush është Zoti?
--------------------




Ai nuk është as Ai e as Ajo, s'është pra as Perëndi e as Perëndeshë, porse është HYJNI (pa gjini ).Shprehjen "Zot" do të duhej ta shprehnim si PARIM HYJNOR. Zoti është çdokund: në të gjitha lulet, në të gjitha bimët, kafshët, njerëzit. Ai është edhe në shkëmbij.




" Zoti flen në shkëmb, Zoti merr frymë në bimë, Zoti ëndërron në kafshë dhe Zoti zgjohet (nga gjumi) në njerëzit". Kështu thonë filozofët indas.




Para së gjithash: Çdo gjë që jeton është jashtëzakonisht e shpirtëruar. Njerëzit kanë shpirt dhe mendje, pra kanë trup astral e mental, kafshët e kanë vetëmse trupin astral (shpirtin), bimët janë rrugëkalim prej mineralieve kah shtazët, nuk kanë trup astral (shpirt) por janë të shpirtëruara në mënyrë astrale, pra janë të përfaqësuara në hapësirën astrale, të ashtuquajturën botë tjetër. Edhe shkëmbinjtë janë të shpirtëruar, veçanërisht gurët fisnik (e çmueshëm) e kanë me të vërtetë shpirtin e vet. Mirëpo, pasi që edhe gurët janë të shpirtëruar, atëherë është edhe shumë afër mendësh se, në një farë mënyre janë të shpirtëruara edhe të gjitha sendet tjera si: tryeza, karriga, llampa, makina e të gjitha mjetet për punë apo me çka shërbehemi ne. Pra, në këtë mënyrë edhe mund të themi se nuk ekziston asgjë (as send e as gjallesë) e të mos jetë e depërtuar nga Zoti. E gjitha është Zot, e gjitha është Atom!


në vazhdim...


Si mund t'i drejtohemi (si ta quajmë) Atij?

[AsgjëSikurDielli]

Ne Vedat hinduse, thuhet keshtu:

"God is One, but numerous are his aspects..."

shqip:

"Zoti eshte Nje, por te numerte jane aspektet e tij..." (Rig Veda)

Shume me pelqen, vazhdoni!

P.S. Norca.li, po per ate Yin Yangun, do flasesh apo ma len mua?

[Nika]

Vazhdo Norça li!
Sipas mistikut Baghvan Shri Raxhnish - Osho njeriu ka 8 trupëra.
1. Trupi fizik
2. Trupi eterik
3. Trupi astrall
4. trupi mental
5. Hapësira për trupin e pestë është jeta.
6. Trupi i gjashtë është kosmik
7. trupi i shtatë është Jo - Krijesë.
8. pas trupit të shtatë asgjë nuk mund të thuhet, sepse trupi i shtatë është i fundit. Pas tij është *patrupshmëria*.
Prana është energjia kosmike, dhe njohuria jonë për të është në trupin fizik. Ajo ekspozohet së pari si frymë, pastaj paraqitet si frymë në forma të tjera, - magnetizem, mendime, jetë, krijimtari, Krijesë.
Atëherë bëhësh i paster.
Atëherë nuk je i ndarë,
atëherë nuk ka më skajshmëri,
atëherë je Unitet. Mistiku Osho
Ka edhe spjegime për secilin trup, por nuk po shkoj më gjatë.

P. s. Ekziston emri i Zotit dhe tingulli kosmik në sanskrit i quajtur AUM
A = i gjithëpranishëm U = I gjithëditur M = I gjithëpushtetshem.
Ata që janë të përndritur mund ta dëgjojn gjatë meditimit të thellë.

[Norça.li]

Postuar më parë nga AsgjëSikurDielli
Ne Vedat hinduse, thuhet keshtu:

"God is One, but numerous are his aspects..."

shqip:

"Zoti eshte Nje, por te numerte jane aspektet e tij..." (Rig Veda)

Shume me pelqen, vazhdoni!

P.S. Norca.li, po per ate Yin Yangun, do flasesh apo ma len mua?

-----------------------------
AsgjeSikur...
Sic e kam cekur ne fillim, postimet qe do te behen nuk do te kene te bejne drejtepersedrejti me religjionin apo me ndonje religjion te caktuar si p.sh. hinduizmi.Ketu pra behet me shume fjale per te arriturat (ne njohuri) me te reja nga fusha e parapsikologjise, astrologjise, ezoterise... Gjithashtu me duhet te them se e gjithe kjo u drejtohet gjermanofolesve, jo nga une por nga autori i fletushkes. Se cfare njeriu dhe kush eshte ky autor, kete gjithashtu do ta shpjegoje pak nga pak vete autori. Meqe qellimi, se paku motoja, e tij eshte për të mirën e njeriut... mua ma ka marre mendja se mund te kene dobi edhe shqipfolesit. Pra, une vetemse e citoj kete autor (natyrisht se me duhet ta shqiperoj aq sa di une), kurse ne shenjester e kam vetemse temen qe ka te beje me ngritjen e vetedijes, keshtuqe shume tema tjera, per shkaqe te ndryshme nuk mund t'i postoj.

Per pyetjen qe ke bere lidhje me Yin Yangun, me siguri ke menduar per avetin tim: Une kete e kam zgjedhur per arsye se mendoj qe ky me pershtatet mua me se miri nga mijera "avete" tjere qe mund t'i zgjedhesh ne kete forum, me perjashtim te mundesise per te postuar individualisht dicka tjeter, foto e te ngjashme.
Yin Yangu ka domethenien e harmonise ndermjet mendjes dhe shpirtit, te keqes e te mires, negatives e pozitives...Kurse pikat e vogla (pika e bardhe ne te zeze dhe pika e zeze ne te bardhe) mund te shpjegohen afersisht keshtu: Cdo e mire permban dic te keqe dhe anasjelltas. Pergjithesisht dth: Harmoni ndermjet poleve te kunderta. Keto perdoren ne artet luftarake (karate...) dhe ne te gjitha fushat tjera. Gjithashtu edhe ne fushen e Feng Shui-it. Sa i perket kesaj te fundit (Feng Shui) nuk besoj se do te shkruaj gjeresisht ketu, megjithese i posedoj disa libra per kete fushe.

Ne pergjithesi: Te ta them te drejten, lidhje me traditat dhe filozofite kineze jam i kujdesshem te flas publikisht para opinionit shqiptar per shkakun se shumica urrejne te kaluaren e afert se bashku me komunizmin (dhe lidhjet shqiptaro-kineze), megjithese keto tema nuk kane fare te bejne me politiken kineze as te djeshme e as te sotme....

Lexim te kendshem...