Ngritja E Vetëdijes

[Norça.li]

Postuar më parë nga mistiku
Vazhdo Norça li!
Sipas mistikut Baghvan Shri Raxhnish - Osho njeriu ka 8 trupëra.
1. Trupi fizik
2. Trupi eterik
3. Trupi astrall
4. trupi mental
5. Hapësira për trupin e pestë është jeta.
6. Trupi i gjashtë është kosmik
7. trupi i shtatë është Jo - Krijesë.
8. pas trupit të shtatë asgjë nuk mund të thuhet, sepse trupi i shtatë është i fundit. Pas tij është *patrupshmëria*.
Prana është energjia kosmike, dhe njohuria jonë për të është në trupin fizik. Ajo ekspozohet së pari si frymë, pastaj paraqitet si frymë në forma të tjera, - magnetizem, mendime, jetë, krijimtari, Krijesë.
Atëherë bëhësh i paster.
Atëherë nuk je i ndarë,
atëherë nuk ka më skajshmëri,
atëherë je Unitet. Mistiku Osho
Ka edhe spjegime për secilin trup, por nuk po shkoj më gjatë.

P. s. Ekziston emri i Zotit dhe tingulli kosmik në sanskrit i quajtur AUM
A = i gjithëpranishëm U = I gjithëditur M = I gjithëpushtetshem.
Ata që janë të përndritur mund ta dëgjojn gjatë meditimit të thellë.

-------------------
Mistiku
Sa me perket mua, une kam thene se do te postoj tema vetem me titull NGRITJA E VETEDIJES. Gjithashtu edhe une posedoj me disa formula te tilla, te cilat quhen mantra dhe mund te perdoren per gjera te ndryshme. Nuk jam i sigurte se a kan te bejne keto me kete teme. Gjthashtu kam cekur se nuk do te postoj gjera as qe lidhen (gjithhere) drejtepersedrejti me religjionin apo me ndonje religjion te caktuar. Nderkaq, nese ti deshiron te sjellesh shkrime te tilla - urdhero. Megjithese mendoj se do te kishte qene me mire sikur te hapesh teme (topic) te re, me qellim qe te mos ngaterrohen temat.

Flm dhe lexim te kendshem.

[Norça.li]

Si mund t'i drejtohemi (si ta quajmë) Atij?
------------------------------------------------------------




Jehudët e vjetër e quajnë "Jehova". Por mund të themi (ta quajmë) edhe kështu:
Ati Qiellor,
Gjithëpushteti Hyjnor,
Statika Hyjnore,
Qendra e Fillimit të parë Hyjnor,
Pushteti Univerzal Hyjnor.



Përse na lë Ai neve të vuajmë?
------------------------------------------




Meqë Zoti është Një, i Vetmi dhe e Gjitha, atëherë edhe nuk ka mundësi të na vijë Ai personalisht (në ndihmë), Ai nuk është ndonjë person. Në atë rast do të duhej të na vinin (ndihmë) të gjitha yjet fikse nga të gjitha univerzet kozmike. E sikur të kishte qenë një person i vetëm, atëherë edhe nuk do të mund të ishte i Gjithëpërfshijshmi. Kjo Fuqi Primare Hyjnore është aq e madhe, sa që nuk mund të paramendohet, e urtë, shpirtmirë dhe mëshirues që të mundet t'i dërgojë ndihmë ndonjë njeriu të vetëm. Prandaj, kur njeriu ka nevojë për ndihmë, ai duhet ta bëj vetë hapin e parë. Kur lutemi për ndihmë, në këtë mënyrë edhe do të na garantohet ndihma nëpërmjet të Unit tonë të Lartë. Uni i Lartë Hyjnor që qëndron në ne na dërgon pastaj ndihmën e kërkuar në suaza të ligjeve karmike (aq sa na lejon Karma= faji nga jetërat e mëparshme). Ngandonjëherë duhet të presim shumë deri sa të na arrij ndihma e kërkuar por, herëdokur ajo do të arrij. Ngandonjëherë ndihma duket (është) tjetër nga ajo që kemi kërkuar a dëshiruar. Kështu p.sh. ndonjëri nga ne don të hakmerret e pastaj atij nuk i vie ndihma, në mënyrë që të mund të hakmerret. Apo kur dëshirojmë ta kemi ndonjë person në pronësi tonën. Një ndihmë e tillë nuk vie kurrë. Zoti ka mundësi të ndërhyjë (për ndihmë) ndaj ndonjë fatkeqësie personale të dikujt por këtë gjë nuk e bën, meqë Gjithëpushteti Hyjnor nuk ndërhyn kurrë. Por ndihmë megjithatë dërgon. Mirëpo, nëse karma (e atij që kërkon ndihmë) është tepër e madhe, në këtë mënyrë Bota shpirtërore nuk na e dërgon e gjithë ndihmën e kërkuar por në suaza të ligjeve karmike. Psh. Predestinimin Hyjnor mund ta quajmë edhe Zot, "atdheu" i Tij (aty ku qëndron më së shumti) është horizonti (qielli) i ashtuquajtur AKASHA.


Në vazhdim...

Për çfarë arsye Ai disa nga ne i dhuron me lumturi e tjerët me vuajtje?

[Norça.li]

Për çfarë arsye Ai disa nga ne i dhuron me lumturi (fat) e tjerët me vuajtje?
------------------------------------------------------------------------------------




Zoti neve na dhuron gjithmonë vetëmse lumturinë, nga Zoti na vie vetëmse e mira. Meqenëse ne kemi vullnet të lirë (mund të vendosim vet), atëherë edhe kemi mundësi të zgjedhim ndërmjet ZHVILLIMIT DHE JOZHVILLIMIT, të pushuarit tonë së zhvilluari. EVOLUCIONI do të thotë ZHVILLIMI. Zoti nuk dërgon vuajtje. Neve vetë i "dërgojmë" vuajtje vetvetes, ne pra dërgojmë Duhá me fjalë të liga, me mendime të liga, me vepra të liga. Këto Duhá shndërrohen në Dehá dhe na kthehen neve sërish. Dehátë e tilla pastaj shkojnë në hapësirën tonë astrale e mentale, para së gjithash në atë astrale e pastaj ndikojnë në ne si përjetime pëplot dhembje e vuatje nga trajtat më të ndryshme. Janë pra veprat tona ato që ndikojnë tani në ne, nga kjo jetë apo nga ndonjë jetë jona e mëparshme (inkarnim/ringjallje e mëparshme) apo edhe nga më të mëparshmet. Zoti vet nuk dërgon as karmë e as vuajtje.




Ku banon Zoti në të vërtetë?
---------------------------------------------




Ai banon në hapësira të ndryshme. Në hapësirën astrale, mentale, sa më të imta që të jenë materiet aq më lart e aq më i përsosur është aty Zoti në përgjithësinë e të gjitha krijesave. Në të gjitha hapësirat (qiejt) e univerzeve, në të gjithë gjithësinë është Zoti, Një dhe i Vetmi. Pastaj shkohet më tutje: hapësira Kausale (AKASHA), pastaj vijnë edhe disa hapësira tjera. Pastaj niset hapësira e Shpirtërave dhe atje ku jeton (banon) Uni ynë i Lartë, i cili na drejton neve personalisht. Uni i Lartë pra është ai që i drejtohemi si partner për të na drejtuar (udhëhequr). Pastaj shkohet lart e më lart, deri atje ku banon MONADA HYJNORE.




Për çfarë (arsye) jemi ne njerëzit këtu?
------------------------------------------------------

Statika Hyjnore na ka dërguar neve këtu në trajtë fizike, astrale e mentale në këtë botë dhe në të gjitha botërat tjera, në mos në trajtë fizike, atëherë në trajtë astrale e mentale edhe në të gjitha planetet tjera. Venera, Marsi, Jupiteri, Merkuri etj., shkurt: Të gjitha planetet e sistemit tonë diellor janë të banuara nga në trajtë astrale e mentale, gjithashtu edhe yjet fikse (diejtë) dhe hënat.




Ç'mund të bëj Zoti për mua?
------------------------------------------




Zoti bën shumë të mira për ne. Por pyetja do të duhej shtruar më ndryshe: "Zoti ka bërë shumë, shumë të mira për ne, po çka mund të bëjmë ne për Zotin, meqë Ai na ka krijuar neve, apo jo?" Veprat tona të liga personale, pra ato që e kemi bërë neve vetë janë ato që na kanë zbritur neve njerëzve aq poshtë.[/u] Mua, për shembull, Zoti më ka dërguar për t'ua thënë juve gjithë këtë, pa marrë parasysh se a ua ka ëndja juve ta dëgjoni këtë apo jo. Zoti ju don juve, ndaj shikomëni mua si një lloj megafoni modest nga ana e Tij, si një lloj Mediumi, nëpërmjet të cilit Zoti ndikon në mënyrë direkte apo indirekte. Meqenëse ne posedojmë me trurin tonë, ashtu edhe jemi në gjendje për të menduar me ndihmën e tij (trurit). Ne kemi arsyen tonë, të menduarit me kokë dhe të menduarit me zemër. I kemi të gjitha këto së bashku. Ne pra nuk i kemi vetëmse dhjetë Ligje Hyjnore por kemi edhe shumë Ligje tjera Hyjnore që duhet t'i përmbushim, nè rast se duam të përparojmë. Ne nuk guxojmë t'i bëjmë dëm (të keqe) as një njeriu. Duhet qenë paqësor si qenjgji, kështu që, nëse veprojmë kështu, mbrenda disa javësh do të mund të arrinin në një gjendje të ngjashme me parajsën, për shkak se nuk flasim asgjë të ligë, mendojmë apo bëjmë (veprojmë)porse jemi njerëz krejtësisht të padëmshëm (të patëkeq). Pranimi (dhe zbatimi) i Ligjeve Hyjnore na sjell përparësi të shumta. Uni ynë i Lartë na ndihmon neve, kurse njerëzit nga rrethi ynë na afrohen me mirësjellje e mirëdashje e në mënyrë më të njerëzishme. Gjat të jetuarit në harmoni me normat morale na ndodhin ndryshime të numërta pozitive në jetën e përditshme. Megjithatë njeriu guxon të jetë i mençur e t'i shfrytëzojë të gjitha këto përparësi. Ndaj, në këtë rast, do të mund të mendonit lirisht diçka edhe për vetveten. Por mos harroni edhe të jeni gjithmonë të sinqertë e korrekt. Në këtë mënyrë do të mund të shkoni me hapa të mëdhenj kah përmirësimi i riskut (fatit) tuaj, meqë kështu do të "shkollohet" e ashtuquajtura CHAKRA e zemrës suaj. Vetëmse ai person që është egoist dhe nuk don të japë dashuri nuk mund të kërkojë ndihmë, meqë ai don të ketë diçka vetëmse për vete e jo edhe t'i japë dikujt diçka.




Kështu pra: Dashuria i hap të gjitha portat e njohurisë dhe udhëve, gjithashtu edhe udhëve të urtësisë praktike nga ezoterika, urtësi kjo që ndihmon jo vetëm teoretikisht por edhe praktikisht, për arsye se CHAKRA e zemrës hapet nëpërmjet të dashurisë që tregojmë dhe, nëpermjet kësaj na hapet edhe porta qiellore. Është kështu meqenëse Zoti nuk është vetëmse Gjithëpushteti dhe i Gjithëdijshmi por Ai është gjithashtu edhe Dashuria më e madhe që mund ta paramendojë njeriu, madje edhe më shumë se kjo.


Do të vazhdojmë me...

Ç'kemi të bëjmë ne me Zotin?

[Norça.li]

vazhdim


Ç'kemi të bëjmë ne me Zotin?
--------------------------------------------




Ne kemi të bëjmë shumë me Zotin. Ne jemi një pjesë e Zotit. Zoti na ka krijuar sipas shembëlltyrës së Tij Hyjnore. Njeriu përbëhet nga pesë (5) elemente: Zjarri, dheu, uji dhe ajri dhe, elementi i pestë, Shkëndija Hyjnore, pra AKASHA. Nga kjo del se njeriu është krijesa më e lartë kozmike. Shumica e njerëzve nuk e dinë këtë se ata janë zotëra të vegjël (imtë). Pothuajse të gjithë njerëzit janë zotëra të vegjël, zotëra duke fjetur.



Sikur njeriu i thjeshtë nga rruga, të cilit ia ka ëndja t'i pijë 5-8 birrat e veta ne kafenenë ku shkon çdo ditë, të kishte dashur të përparojë do t'ia kishte dalur mbanë, por ai nuk mund ta bëjë një gjë të tillë, meqë vetëdija e tij ende nuk është aq e pjekur që të ishte në gjendje për një hap të tillë. Ne pra mund të vendosim vet për fatin tonë por, se ku mund të arrijmë mvaret nga shkalla e zhvillimit të vetëdijes.




Zoti na don neve apo na urren?
---------------------------------------------





Zoti na don neve aq shumë sa që nuk mund ta marrim me mend këtë. Zoti është aq i madh sa që as nuk do të mund të na urrente. Ai na ka krijuar, ne kemi dalur prej Tij, ne i përkasim Atij, Parimit Hyjnor. Ne jemi fëmijët (krijesat) e Tij. Ne ose do të shkojmë lart (duke u larguar) nga bota minerale apo të arrijmë nën botën engjëllore, meqë ne kemi rënë (rrëshqitur) shumë poshtë. Ai na don neve me aq përsosshmëri, ashtuqë Ai nuk mund të urrejë kurrsesi e as që do ta bëjë këtë ndonjëherë. Nga Zoti vjen vetëmse e mira. Të keqen e bëjme, e sjellim neve vetë. Sikur të kishim qenë ne mirëdashës ndaj Tij, atëherë do të mund ta përjetonim dashurinë e Tij të jashtëzakonshme, të cilën do ta ndjenim si një lumturim që s'mund të përshkruhet dot. Për arritjen e këtij lumturimi ekzistojnë mënyra të ndryshme: Me anë të medituarit, me anë të lutjes (faljes) së përqendruar mistike apo duke e thirrur Zotin me anë të Mantrave (fjalë apo rrokje) magjike. Lidhje me këtë temë do të flas më gjërësisht një herë tjetër, më vonë. Atëherë do t'ju tregoj se si mund ta merrni lidhjen direkte me Zotin. Kjo punë nuk është edhe aq e komplikuar, varësisht nga ajo se cilën mënyrë e keni zgjedhur.




Si mund ta fitoj (arrij) dashamirësinë e Tij?
------------------------------------------------------------

Këtë mund ta fitoni duke mos përdorur gabime (të këqia) nga karakteri juaj dhe duke mos menduar e bërë punë të këqia. Kështu pra, duke mos i bërë dëm as njerëzve e as kafshve. Filloni pra të jetoni që nga dita e sotme në mënyrë krejtësisht të sinqertë, të sjellshme dhe mendoni vetëmse pozitivisht. Duhet pasur thjesht zemër dielli dhe lumi i dashurisë së Zotit do të rrjedhë automatikisht në ju. Provojeni këtë, ju lutem, meqë ne njerëzit gjindemi në një det hyjnor, por këtë ende nuk e dimë. Neve na vijnë aq shumë të mira dhe, po të kishim qenë të gatshëm, sa bukur do të mund ta kishim ndryshuar jetën tonë kah e mira.




A jetoj unë përgjithmonë?
-----------------------------------------




Zoti bën pjesë në materie dhe në hapësirat e materieve të imta. Sa më të imta (e më të dendura) që janë materiet në ndonjë hapësirë aq më shumë edhe banon Zoti aty. Por edhe në vet materien është çdo gjë e përshkuar nga Zoti. Jeta e kësaj bote është e kufizuar. Ndaj ne nuk mund të jetojmë në këtë botë fizike përgjithmonë. Pas të ashtuquajturs vdekje jemi në botën shpirtërore, në të ashtuquajturën botën tjetër apo, për t'u shprehur edhe më mirë, në hapësirat e mbrendshme astrale. Atje qëndrojmë për një kohë bukur të gjatë deri sa të inkarnohemi (ringjallemi) sërish. Kështu pra: Asnjë njeri e asnjë kafshë nuk humbet përgjithmonë. Trupi prishet e bëhet pluhur, shpirti e lëshon trupin (del prej tij) pas të ashtuquajturës vdekje. Shpirti pezullohet nëpërmjet të një gypi të gjatë e të ngushtë dhe arrin në dritën astrale të ditës, atje ku jetojnë njerëzit astralë dhe atje ku edhe ashtu jemi për çdo natë nga 2, 3 a 4 orë, gjatë të fjeturit tonë më të thellë. Ne pra arrijmë te kjo hapësirë dhe vendosemi në atë vend (pozitë), sipas meritave tona nga veprat që kemi bërë gjat një (a më shumë) jete. Njeriu fisnik vendoset në hapësirën (qiellin) më të lartë. Një njeri i mirë mesatarisht vendoset atje ku bëhet shumë pushim, krimineli në një vend ku gjithë hajdutët e vjedhësit e shumtë i shkojnë atij në nerva.


***FUND***

[Norça.li]

Nr. 52, qershor 2001


Të nderuara lexuese
Të nderuar lexues

Parathënien e sotme do t’ia kushtoj tërësisht falënderimit tim ndaj jush, meqenëse jam tërësisht i magjepsur nga shumë letra e telefonata, të cilat po i marr për çdo ditë nga ju.


Është e pabesueshme se si jeni duke m’i rrëfyer ngjarjet tuaja të jetës me aq shumë çiltërsi, sinqeritet e ndjenja. Më ka rënë në sy se lexuesit e kësaj fletushke janë njerëz veçanërisht të çmueshëm, posedojnë madhështi e guxim, që dikujt tjetër, pra mua, për të m’i rrëfyer e besuar druajtjet, problemet e dëshirat më të thella. Është gjë e mirë që ende ekziston besim si ky!


Është çiltërsia juaj ajo, e cila na ka shtyrë të derdhim edhe lot unë me bashkëpunëtorët e mi dhe ndjejmë dhimbje për ju kur na rrëfeni se nën çfarë goditje të riskut keni vuajtur ju. Porse edhe mu nëpërmjet asaj se jeni të gatshëm t’i rrëfeni ato, kjo ka hapur perspektivë për të ardhmen e të gjithë neve. Meqenëse kështu na jipet mundësia për të punuar për një të ardhme të re e të artë me energji të përbashkuara.


Është bukur kur të jesh në dijeni që nëpërmjet kësaj fletushke të jem përcjellës në rrugën tuaj!

Është bukur të jesh në dijeni që jam në situatë për ta gëzuar besimin tuaj!


E, të jesh i vetëdijshëm për këtë nder të madh dhe, të jesh i vetëdijshëm për përgjegjësinë e madhe ndaj jush, dëshirojmë që këtu e tash ta japim bashkarisht betimin për miqësi e besim të ndërsjellë.


Dëshirojmë të kalojmë së bashku me plot besim e hare në një të ardhme të re e shumë më të bukur. Kjo është e drejtë e cila ju takon, kurse unë do t’ju ndihmoj me gjithë diturinë, mundësinë dhe aftësitë e mia. Kini kurajon meqë puna është duke shkuar përpara.


Në fund dua t’ua them edhe një gjë:
“Mbështetem në ju!”

Juaji H.-J. S.




EKSKLUZIVE***EKSKLUZIVE***EKSKLUZIVE***
Vërejtje:
Meqë në numrin 52 të kësaj fletushke nuk ka tema lidhje me NGRITJEN E VETËDIJES, vendosa të postoj një temë ekskluzivisht për ju (duke rrezikuar të dal sadopak nga tema) lidhje me temën: MAGJI E BARDHË & RITUALE, me titull: Ja si mund t’ju dëgjohet lutja nga PARACAKTIMI HYJNOR.
************************************************** *************************

[Norça.li]

MAGJI E BARDHË & RITUALE
******************************


Ja si mund t’ju dëgjohet lutja nga PARACAKTIMI HYJNOR
-------------------------------------------------------------------------



Kam dëgjuar nga shumë njerëz, të cilët, megjithëse kanë bërë lutjet më të sinqerta, atyre prapseprap nuk iu është plotësuar asnjë dëshirë, gjegjësisht lutja nuk u është dëgjuar asnjëherë (nuk e ka aritur cakun). Lutja klasike, e ashtuquajtura lutje mistike, ashtu siç praktikohet sot nëpër kisha, për fat të keq, është lutje thuajse fare e paefektshme, meqenëse lutjet e tilla as që mund të arrijnë fare deri te Zoti. Në këto lutje, përjashtim të vetëm bën: ATI ynë. Ndërkaq, te gjitha lutjet tjera, me të cilat ndoshta luteni si: “Zot i dashur, më ndihmo pra që bashkëshorti im të mos jet aq i ashpër ndaj meje.” Ose “Bëj diçka, të lutem, ashtu që t’i heqi qafe borxhet” ose “ Zot i dashur, falma një dashuri.”, të gjitha këto lutje janë absolutikisht të paefektshme.




Kësaj here do t’ua sqaroj si mund t’ju shkojë përdore që edhe lutja juaj të jetë e dëgjuar.
---------------------------------------------------------------




Engjulli nga dritarja perëndimore ( këtu bën pjesë edhe arsyeja, e cila qëndron në Matrix) i kap të gjitha mendimet tuaja. Mendimet dhe dëshirat duhet faktikisht të gjuhen si një shigjetë. Për këtë arsye, trajta e gjerëtanishme e lutjes me devocion nuk është e përshtatshme për numrin më të madh të rasteve. Kjo është me plot kuptimin e fjalës tepër zëultë dhe është deridiku e përshtatshme vetëmse për falënderim ndaj Zotit.





Muslimanët, jehudët dhe popujt indogjen luten duke kënduar me zë të lartë dhe duke vallëzuar. Në këtë rast i ngrisin krahët përpjetë duke kërkuar (ndihmë) me fjalë të zëshme. Kjo trajtë e lutjes pjesërisht e arrin fushën e magjisë e madje edhe e tejkalon.



Mirëpo, nga ana tjetër, ne të krishterët nuk e bëjmë një gjë të tillë, meqë këtë as që e kemi mësuar ta bëjmë ndonjëherë. Ekzistojnë gjithashtu shumë njerëz (të krishterë), të cilët këtë trajtë të lutjes e refuzojnë duke besuar se kjo është diçka primitive dhe se lutja duhet të rrjedhë me zë të ulët (dhe në fshehtësi). Megjithëse jam njeri që nuk mbaj diçka për vete e të mos t’u rrëfej edhe të tjerëve, megjithatë këto metoda të lutjeve nuk do t’ua kisha preferuar, meqenëse këto janë shumë të mundimshme, marrin shumë kohë dhe kërkojnë jashtëzakonisht shumë punë.




Mendoj se juve ju takon e drejta për ta njohur metodën më të thjeshtë por edhe me garancion se është edhe më efektivja nga të gjithat. Ndaj, po e lëmë pak si anash drejtimin mistik të lutjes e gjithashtu edhe drejtimin magjik. Le të shkojmë tani për tri shkallë më lart deri te Kabbala! Lidhje me këtë duhet ta dini se i mirëinformuari më i lartë kozmik është Kabbalisti. Kabbalisti qëndron mbi Okkultistin, ndërsa ky i fundit mbi Magjistarin. Deri në moshën 29 vjeçare kam qenë magjistar dhe okkultist dhe, që nga mosha 30 vjeçare jam bërë edhe Kabbalist. Mirëpo, shkopin e pushtetit e kam marrë pasi i kam mbushur 50 vite.Diturinë pak pas të 30-tave, kurse me 50 vite pushtetin! Ndërkaq, meqë unë e posedoj pushtetin e Kabbalistit, jo që kam të drejtë por jam edhe i obliguar për t’ju njoftuar me të arriturat më të reja univerzale të të gjitha teknikave në përputhshmëri me Epokën e Ujorit, në të cilën epokë çdo gjë është e mundur. Juve, si lexues të kësaj fletushke, do t’ju nxjerr nga materializimi më i thellë, në të cilin ndodheni momentalisht. Juve ju mbetet vetëmse t’i bashkangjiteni kësaj duke i hedhur tutje ngatërrimet e dyshimet. Kjo do t’ia vlejë!


Në vazhdim:



Fuqia e pabesueshme e Mantrave kabbalistike

[Norça.li]

Fuqia e pabesueshme e Mantrave kabbalistike
-------------------------------------------------------------




Kabbala funksionon krejtësisht ndryshe nga magjia. Këtu lidhen dy deri në katër shkronja së bashku në një formulë duke krijuar kështu të ashtuquajturin Mantram. Çdo kombinim shkronjash ka domethënie (kuptim) krejt të ndryshëm nga tjerat. Me ndihmën e Kabbala-së mund të arrini qëllime të shumta sikur të ishit duke lozur. Megjithëse me ndihmën e Kabbala-s nuk mund t’i lironi krejtësisht bllokadat, për arsye se për këtë është e domosdoshme e ashtuquajtura “loja e fundit", por disa interesa tuaja do ta marrin përmenjëherë përgjigjen madje edhe gjithmonë pozitive nga ana e PARACAKTIMIT HYJNOR.





Shikuar në esencë, me këtë rast thirren cilatdoqoftë qenie (krijesa) engjullore, të cilat pastaj ndihmojnë (ndërmjetësojnë në ndihmë). P.sh. me “Formulën SAL” thirren të gjithë engjujt nga të gjitha shtatë sferat kryesore astrale. Unë besoj se ju jeni njerëz aq të kuptueshëm, të arsyeshëm dhe (këtë po ua them në konfidencë) jeni edhe aq finokë ashtuqë suksesin dhe lumturinë tuaj ta arrini vet (me mund) e jo të presni si mbreti duke bërë qejf e duke pritur që Zoti i madh e i gjithëpranishëm t’ua plotësojë dëshirat përderisa ju të presni shtrirë deri sa t’ju bie copa e mishit të fërguar në gojë. Kështu pra! Atë që e dëshironi duhet ta merrni ju vetë. Të mos mendoni se këtë e keni lexuar gabim. Unë, pra, do t’ju ndihmoj për ta marrë atë çka e dëshironi për ta pasur, pa marrë parasysh se a e besoni apo nuk e besoni ju këtë. Do ta shihni edhe ju vetë se, nëse do t’i përmbaheni udhëzimeve të mia, kjo gjë edhe funksionon.


Në vazhdim:


Ja, më në fund, si mund ta gjejë lumturia rrugën për te ju

[Norça.li]

Ja, më në fund, si mund ta gjejë lumturia rrugën për te ju
------------------------------------------------------------------------





Kabbalistët më të mëdhenj kanë thënë se gjatë të shqiptuarit të çdo shkronje duhet përfytyruar si ngjyrën ashtu edhe tonin (nyancën) e asaj shkronje. Ai që e zotëron të përfytyruarit e ngjyrës, p.sh. te shkronja “A” është ngjyra blu (me nyancë) të çelët, ai është i përsosur. Mirëpo, kjo gjë s’ka nevojë të përfytyrohet edhe nga ju. S’keni nevojë për aq mund e stërvitje për këtë. Ajo çka duhet ta bëni ju është shqiptimi i formulës së zgjedhur nga unë për ju. Në këtë mënyrë do ta ngrisni oshilimin tuaj, meqë ky do të jetë i mbushur përmes kësaj formule.





Në rast se deri më tani nuk keni thënë kurnjëherë më parë ndonjë Mantram, në këtë mënyrë, së pari duhet ta mbushni baterinë (akumulatorin) e mbrendshme. Me këtë rast duhet ta shqiptoni sejcilën formulë të shkronjave saktësisht 462 herë, në të ashtuquajturin “ritëm shtatëshi”. Pra, sejcilën formulë duhet ta thuani 7x66. Për shembull: “ SAL SAL SAL SAL SAL SAL SAL” dhe gjithë këtë e përsërisni për 66 herë= 462 herë. Në këtë mënyrë do ta arrini dendësimin (komprimimin) e parë. Ditën e dytë i qaseni dendësimit të dytë duke e përsëritur të njejtën formulë për 462. Ditën e tretë i qaseni njësoj dendësimit të tretë... Ata që nxitojnë e nuk mund të presin më gjatë, mund t’i qasen tre dendësimeve përmbrenda një dite dhe atë duke e bërë këtë në mëngjes, mesditë e në mbrëmje. Vetëm atëherë kur të jetë kryer dendësimi i trefishtë mund të kalohet në punën e vërtetë me formulën. Kjo formulë pastaj do të thuhet (shqiptohet) vetëm me kohëzgjatje prej 10-15 minutash, varësisht nga udhëzimi. Nuk është fare me rëndësi sa a e shqiptoni këtë formulë me zë të ulët, me zë normal apo me zë të lartë. Më e rëndësishmja nga të gjithat është se ajo duhet shqiptuar me bindje të plotë.






Shumë njerëz mendojnë se ky dendësim, kjo mbushje e plotë nuk është fare e nevojshme. Mirëpo, kjo pikëpamje është tërësisht e gabuar. Vetëm atëherë kur fuçia të jetë e mbushur përplot me ujë, atëherë edhe mund të rrjedhë uji përreth saj. Çdo gjë duhet të jetë e mbushur përplot. Kjo është një shkencë e panjohur. Vetëm pasi të jetë e mbushur plotësisht mund të punojë për ju kjo dormulë si duhet dhe në mënyrë të suksesshme. Pas mbushjes mjaftojnë 10-15 minuta. Megjithatë, para kësaj është në pyetje edhe zelli dhe të vepruarit tuaj. Pra, ai që “formulon” me zell, ai edhe fiton vet të holla me, ta marrim shembull, formulën për të holla.





Në Epokën e UJORIT, një numër i madh njerëzish – këtu bëni pjesë edhe ju si lexues të këtyre shkrimeve - e kanë mundësinë për t’iu vajtur punët shumë më mirë, meqenëse janë të privilegjuar e të përzgjedhur nga risku, po qe se e pasojnë me vëmendje këshillën time. Shfrytëzojini pra mundësitë e arta për ta marrë jetën në duart tuaja pa ankesa e dënesje, meqë këto s’don t’i ndëgjojë asnjeri.





Veproni, bëni e shijoni frutat e suksesit! Prandaj: Shërbehuni vetë! Çdo shkronjë posedon me oshilim kabbalistik dhe mund të realizohet.





Nëse këtë gjë e bëni për çdo ditë për disa javë apo për disa muaj me radhë për afro 15 minuta në ditë, atëherë do të keni shumë më shumë sukses, qoftë ky për të pasur me tepër besim në vetvete ose më tepër përqendrim ose forcë sugjestive ose forcë ndikuese ose të holla. Nëse, ta marrim si shembull, ndonjëri nga ju nuk ka fat në dashuri, atij do t’i kisha sugjeruar të shqiptuarit e disa formula të dashurisë e këto t’i shqiptojë edhe sa herë të hajë apo të pijë diçka. Rekomandimet e mia më të mira.


Në vazhdim:



Zoti don që ju vetë ta merrni fatin në dorë

[Norça.li]

Zoti don që ju vetë ta merrni fatin në dorë
----------------------------------------------------------





Zoti nuk na shëlben (shpëton) neve, Ai nuk ndërhyn. Lidhje me këtë lexojeni artikullin e mëparshëm “Në kërkim të Krijuesit”! Është rrenë e kulluar kur prifti në kishë ju thot: “Do të jeni të shëlbyer!” Kjo s’është fare e vërtetë. Nuk na kishte shëlbyer (shpëtuar) gjithashtu as Jezusi nga Nazareth-i, meqë këtë gjë as që ka mundur ta bënte ai. Këtë gjë mund ta bëjë çdonjëri vet nëse don, gjë e cila edhe nuk është e obligueshme për t’u bërë doemos. Ndërkaq, sa i përket kohës së Jezusit, ai, në atë kohë e kishte hapur rrugën për këtë gjë. Ndërkaq, përpjekja për ta bërë këtë gjë sot – sidomos tash në Epokën e UJORIT – është 1.000 – 10.000 herë më e lehtë se gjat asaj kohe.





Megjithatë: Nëse dëshironi për të jetuar më mirë, atëherë edhe duhet të shëlbeheni (shpëtoheni) ju vetë. Në këtë rast nuk mund të thuhet se me të vërtetë është një pengesë e pakapërcyeshme të shqiptuarit aq të thjeshtë, aq të lehtë deri në pakufi me përkushtim të plotë e një formule kabbalistike siç janë këto. Ndërkaq, nëse për ndonjërin nga ju edhe kjo është e tepërt dhe e mundimshme, në këtë rast, ky njeri nuk ka nevojë të qahet për diçka në të ardhmen dhe duhet të bëjë e të sillet si të dojë me riskun e vet. Një njeri, i cili e bën këtë, faktikisht i bie shqelm ndihmës së Zotit, ndihmë kjo të cilën po ia afroj unë në vend të Tij.





Prandaj: Zgjohuni nga gjumi! Shërbehuni vetë. Merrni çka të doni për vete. Megjithëse nevojitet “pak luftë”, sidoqoftë duhet ditur se kjo ia vlen për ju.





Tani krejt në fund, ja një lutje, e cila bën pjesë në Kabbala dhe është thirrje (për ndihmë) kabbalistike, pra drejtëpërsëdrejti kah PARACAKTIMI. Duke i thënë formulat dhe (me këtë edhe) duke i ngritur oshilimet do të vini deri te suksesi i dëshiruar, varësisht nga ajo se me çfarë dinamike e keni bërë këtë dhe sa i keni ngritur oshilimet tuaja.


Në vazhdim:



Lidhja e drejtëpërdrejtë me Zotin

[Norça.li]

Lidhja e drejtëpërdrejtë me Zotin
-----------------------------------------------




Tashmë siç e dini edhe ju vetë, mund ta zgjidhni një formulë për çdo fushë të jetës dhe ta bëni të shqiptuarit e saj. Në distanca të caktuara e të rregullta të kësaj fletushke do t’ia paraqes sejcilën herë nga një formulë të suksesshme. Meqenëse këtë muaj mbretërojnë oshilime dhe tendenca të caktuara themelore, vendosa t’ua tregoj një formulë lutjeje veçanërisht të jashtëzakonshme. Edhe kësaj here bëhet fjalë për një formulë kabbalistike, e cila duhet të përfundojë me një lutje të shkurtër. T’i kthehemi së pari formulës:



“H-R-Jod”, shqiptohet: Ha-Er-Jod (me theks të veçantë të “o”-së).





Me këtë formulë nuk do të thërrisni në mënyrë jo të drejtëpërdrejtë por në mënyrë të drejtëpërdrejtë dhe pa asnjë lakesë hapësirën AKASHA, atje ku banon PARACAKTIMI HYJNOR, pra ZOTI. Pastaj e transmetoni dëshirën tuaj. Kjo bëhet kështu:





Më së pari i qaseni 3 dendësimeve, dtth mbushjes së baterisë së mbrendshme ashtu siç e kemi përshkruajtur pak më parë, duke e shqiptuar 3 herë nga 462 formulën “H-R-Jod”. Pas mbushjes së plotë (të baterisë apo akumulatorit të mbrendshëm), atëherë (këtë formulë) e shqiptoni në kohëzgjatje prej 10-15 minutash. Mos harroni që shqiptimin ta bëni në ritëm shtatësh. Pra, e shqiptoni 7 herë radhazi “H-R-Jod”-in dhe këtë e përsërisni pas një intervali të shkurtër prej disa sekondash. Këtë pastaj e bëni në kohëzgjatje prej 10-15 minutash. Menjëherë pas përfundimit të kësaj duhet ta transmetoni lutjen, e cila lutje përshkruan dëshirën që doni t’iu plotësohet. P.sh. pas një grindjeje që keni pasur duhet të luteni kështu: “Të falemnderit o At qiellor i mëshirshëm e zemërbutë. Të falënderoj që Filan Fisteku (emri i atij që keni qenë në ngatërresë) nuk mban më hidhërim me mua. Falemnderit!” Më pastaj duhet ta thuani edhe 3-4 herë “H-R-Jod”-in në ritëm shtatësh. Këtë mund ta thuani edhe duke e përshpëritur kur shtriheni për fjetje duke e bërë përsëritjen e “H-R-Jod”-it deri sa t’ju zëjë gjumi e të hyni në botën e ëndërrave. Përparësia e kësaj qëndron në atë se nënvetëdija (nëndija) juaj do të punojë tërë natën me sukses lidhje me lutjen e bërë. Nëse kërkoni dashuri, atëherë duhet thënë kështu: “ I dashuri At qiellor, të falënderoj që kam gjetur një dashuri të mrekullueshme e përplot mirëkuptim, e cila më përshtatet mirë, më dashuron dhe e dashuroj. Falemnderit që ndodhi kjo. Falemnderit At i dashur, i mëshirshëm e shpirtmirë që je në qiell!” Nuk bën të thuhet Amen (Amin)!





Ose kur nuk jeni në formë të mirë, atëherë luteni: “ Të falënderohem Ty o Ati qiellor që jam në këtë gjendje përplot harmoni! Falemnderit!” Kur doni të gjeni ndonjë vend më të mirë pune, atëherë: “ Falemnderit Ty o At qiellor për atë që kam gjetur vend pune aq të mirë falë shpirtmirësisë Sate, dashurisë, mëshirës dhe vullnetit Tënd!”

************************************************** ***
Rezyme:
Më së pari i qaseni 3 dendësimeve. Pastaj e shqiptoni vetëmse me kohëzgjatje prej 10-15 minutash formulën “H-R-Jod”. Më pas e thuani lutjen. Lutja duhet të thuhet në atë mënyrë sikur tashmë të ketë ndodhur. Pra, jo të thoni: “Të lutem mos më lë në varfëri” por: “Të falënderohem që jam i kamur e i pasur”. Në këtë mënyrë do ta përvetësoni mentalisht dëshirën dhe, në këtë mënyrë, mundësinë e të ardhmes do ta shndërroni në realitetin e të tashmes! Ky është ligji i paluajtshëm i plotnisë! Në shenjë falënderimi e shqiptoni pastaj për disa herë formulën “H-R-Jod”.********************************************* ****





Çdo të mirë, Zoti na udhëzoftë. Sukses të madh. E mos harroni: Ju jeni zot në gjumë e sipër. Nuk jeni Zoti i Madhërishëm, i Gjithëpërfshijshmi, Një dhe i Vetmi. Porse jeni i rënë nga Zoti që nga koha e amëshimit ku tash mund ta synoni sërish rrugën për t’iu afruar Atij. Ndaj edhe nuk duhet të harroni se edhe ju vetë jeni një zot në gjumë e sipër! Andaj edhe duhet të veproni sikur të jeni i tillë. Zgjohuni më në fund si ai që jeni në të vërtetë, si zot i vogël, i cili për synim e ka afrinë kah e Gjitha. Zoti është e Gjitha. Zoti na udhëzoftë!


Fund


Shtojcë:
-----------


Falënderimi ndaj Zotit




Kush ngritet lart përmes forcës së besimit/
në Zotin e njeh dhe e don Sunduesin e Botës/
të Amshueshmin që e lavdërojnë të gjitha gjuhët/
i cili gjat tërë jetës jep dritë e dashuri./

Ai e ka arritur jetën e vërtetë/
edhe kur të jetë i vdekur do të jetë i pavdekshëm/
ai hyn në Zot, në Paqen e Tij./

Atje ndodh përkryerja e veprës së madhe/
në qiellin e Tij ku prehen të urtit/
përfundimi është në përsosshmëri/ qëllimi i diturisë dhe qëllimi i të bëmurit/
atje arrin ai, i cili i mbyll portat sipas dëshirës së tij/
i cili nuk mbështetet kurrë në zotëra tjerë/
dhe mendon vetëmse në “Atë”, të Vetmin.


Kjo lutje e mrekullueshme ju mbush gjat tërë këtij muaji me energji e vetëbesim. Ju kisha lutur që këtë lutje ta bëni së pakut një herë në javë. Udhëzimi im: Para kësaj lutjeje shqiptojene formulën “H-R-Jod”. Me këtë ju garantoj se do të jeni të befasur me diçka të bukur.