Dhimbja e kokës në mëngjes lidhet me depresionin
Edhe pse shpesh mendohet se dhimbja e kokës menjëherë pas zgjimit është pasojë e ndonjë çrregullimi gjatë gjumit (ëndrre, pagjumësi, gërhitje), studiuesit thonë se shpesh kjo lidhet edhe me depresionin.
Në një hulumtim, ku kishin marrë pjesë rreth 19 mijë persona nga disa vende të Evropës, ata janë pyetur për dhimbjen e kokës në mëngjes, çrregullimet mentale, shqetësimet gjatë gjumit, konsumimin e alkoolit dhe shqetësime të tjera.
Rezultatet kanë treguar se dhimbja e kokës në mëngjes është shfaqur te 7.6 % e personave të pyetur (një në 13 persona) të moshës mbi 15 vjeç.
Po ashtu, rreth 1.3 % e të pyeturve kanë thënë se kanë dhimbje koke çdo ditë, derisa 4.4 për qind kanë thënë se kanë shpesh. Dhimbja e kokës gjatë mëngjesit kishte qenë më e shprehur te femrat se te meshkujt, si dhe te njerëzit nga 45 deri në 65 vjeç.
Por, rezultati më i veçantë ishte se 29 % e personave të cilët kishin qenë të mërzitur ose të depresionuar, kishin pasur dhimbje koke kronike të mëngjesit.
(a.n/Mjeku.net/ BalkanWeb)
http://www.balkanweb.com/teknologji/...in-194539.html
Përgjigju Duke Cituar
Postuar më parë nga Elian70
Krijoni Kontakt