Ministri i çështjeve fetare dhe i vakëfit në Algjeri, Ebu Abdullah Gulamullah, bëri të ditur për media se 707 të huaj kanë pranuar islamin gjatë periudhës kohore 2004-2009.

Gulamullah para parlamentit algjerian sqaroi se numri më i madh prej tyre kishte ndodhur në vitin 2008 kur numri kishte arritur në 172, prej tyre 123 burra dhe 49 femra, kurse në tremujorin e parë të vitit 2009 kishte 53 te huaj qe pranuan islamin, 36 prej tyre burra dhe 17 femra.

Këta vinin nga shtete të ndryshme: Franca, Italia, Belgjika, Britania e Madhe, Polonia, Ukraina, Kina, Holanda, Kanada, Hungaria dhe Libani.

Ministri gjithashtu iu bëri thirrje vëllezërve dhe motrave të ri musliman që të pasurohen me kulturë islame duke lexuar libra islam, duke punuar në mesin e muslimanëve të Algjerisë apo edhe duke u martuar me ta.