Xhemati kosovar tubon 80 mijë euro për Shkodrën

**fisniku-student** · 15-01-2010, 15:22

Sot në të gjitha xhamitë e Kosovës- Xhemati i Kosovës aksion për të ndihmuar zonat e përmbytura në Shqipëri

Sot në të gjitha xhamitë e Kosovës, pas namazit të xhumasë u grumbulluan mjete financiare për ndihmë zonave të përmbytura në Shqipërinë e Veriut. Aksioni i sotëm u bë me organizmin e Kryesisë së BIK.

Me qëllim të sensibilizimit të xhematit, imamët në ligjërimet e tyre për temë patën solidaritetin, e në këtë rast solidaritetin me vëllazëritë tanë në Veriun e Shqipërisë, të cilët po kalojnë në një situatë të vështirë si pasoj e përmbytjeve që kanë përfshirë Shkodrën dhe komunat përreth.
Në ditën në vazhdim do të behët e ditur shuma e grumbulluar sot nga xhematlinjtë e Kosovës për vëllazëritë e tyre nga Veriu i Shqipërisë.

**fisniku-student** · 15-01-2010, 15:25

Aksion për ndihëm zonave të përmbytura në Veriun e Shqipërisë

Prishtinë, 12 janar 2010

Bashkësia Islame më 15 janar në të gjitha xhamitë e Kosovës-Aksion për ndihëm zonave të përmbytura në Veriun e Shqipërisë

Kryesia e Bashkësisë Islame të Kosovës me vëmendje dhe e shqetësuar po përcjell gjendjen në veriun e Shqipërisë, ku përmbytjet kanë shkaktuar dëme të konsiderueshme materiale, por fatbardhësisht jo edhe viktima në njerëz.

Kryesia, duke parë gjendej e rënd me të cilin po përballet popullate e atakuar nga përmbytjet, këtyre ditëve ka vendosur që të premten më 15 janar 2010, në të gjitha xhamitë e Kosovës të organizoj aksion për grumbullimin e mjeteve financiare me destinim ndihmë zonave të përmbytura.

Aksioni do të zhvillohet pas namazit të xhumasë në gjitha xhamitë e Kosovës. Ndërsa për të sensibilizuar xhematin, Kryesia ka udhëzuar imamët që hytben e xhumasë t’i kushtojnë solidaritetit dhe ndihmës me njerëzit në rast të fatkeqësive.

Kryesia e BIK për këtë aksion, përmes një qarkoreje ka njoftuar të gjithë Këshillat vendor që të bëjnë përgatitjet e duhura, në mënyrë që aksioni të jetë sa më masiv, porse ka kërkuar nga Këshillat vendor një mobilizim të posaçëm.

Kryesia e BIK apelon tek xhematlinjt dhe të gjithë njerëzit e vullnetit të mirë, e që kanë mundësi materiale të kontribuojnë me pasurinë e tyre që sado pak t’ua lehtësojmë vështirësitë vëllezërve tanë që këto ditë po kalojnë në një situatë të rënd.

Për këtë qëllim Kryesia e Bashkësisë Islame të Kosovës pran NLB Prishtina, ka hapur edhe një xhirollogari bankare ku të gjithë të interesuar mund të japin kontributet e tyre.

Kryesia e Bashkësisë Islame të Kosovës, për ndihmë Shkodrës,

NLB Prishtina 1708000900000687

**fisniku-student** · 22-01-2010, 16:18

Xhemati kosovar tubon 80 mijë euro për Shkodrën

Besimtarët islamë, nëpër xhamitë e Kosovës, kanë mbledhur 80 mijë euro për të ndihmuar zonat e përmbytura në veriun e Shqipërisë.

Aksioni është organizuar nga Kryesia e Bashkësisë Islame të Kosovës (BIK), pas faljes së namazit të xhumasë, të premten e kaluar, nëpër të gjitha xhamitë e Kosovës.

Zyra e informimit e BIK-ut ka njoftuar nëpërmes një komunikate shtypi se parat e tubuara nga ky aksion së shpejti do t’u dorëzohen autoriteteve të Shkodrës.

Xhemati i Kosovës me këtë aksion iu është bashkuar iniciativave të shumta që kanë ndërmarrë qytetarët e Kosovës, për t’i ndihmuar banorëve e rrethit të Shkodrës, të cilët u dëmtuan nga përmbytjet e ujit.