Koalicioni AAK - PDK!?

[Dar_di]

AAK-ja për koalicion të madh

Këshilli Drejtues i AAK-së ka miratuar vendimin për të mos hyrë në koalicion vetëm me PDK-në. Organi më i lartë i kësaj partie vlerëson se koalicioni më i mirë është PDK-LDK-AAK, në të kundërtën, AAK do të qëndrojë në opozitë.

Ja vendimi i plotë i Këshillit Drejtues të AAK-së:

Këshilli Drejtues dhe Kryesia e Aleancës për Ardhmërinë e Kosovës (AAK), në një mbledhje të përbashkët, vlerësuan se gjendja në Kosovë vazhdon të jetë e rëndë si në aspektin ekonomik, politik, institucional dhe shtetëror. Këshilli Drejtues dhe Kryesia e AAK-së vlerëson se mungesa e liderit z. Ramush Haradinaj është ndier në tërë skenën politike dhe si pasojë e kësaj gjendja në Kosovë është rënduar edhe më shumë. Qytetarët e Kosovës kanë nevojë për qartësi politike, veprime të mençura institucionale në mënyrë që të ndryshohet për të mirë kahja që ka marrë vendi për shkak të procesit të lënduar zgjedhor dhe qeverisjes së keqe në tri vjetët e kaluara.

Megjithë vërejtjet e shumta për procesin zgjedhor, i cili është karakterizuar me parregullësi të shumta, Këshilli Drejtues dhe Kryesia e Aleancës për Ardhmërinë e Kosovës (AAK) vlerësojnë që duhet pranuar rezultatet e zgjedhjeve të përgjithshme të cilat janë certifikuar nga KQZ me 7 shkurt, 2011. Këshilli Drejtues dhe Kryesia e AAK-së janë të bindur se rrugëdalja më e mirë në rrethanat e sotme në Kosovë, është krijimi i koalicionit të gjerë midis PDK-së, LDK-së dhe AAK-së, si mundësi e vetme për të tejkaluar situatën e rëndë në të cilën gjendet Kosova. Në një përbërje të tillë, AAK-ja do të jepte kontributin e vet për të stabilizuar shtetin e Kosovës, tejkaluar ngërçin politik, përmirësuar kornizën ligjore zgjedhore dhe për të vendosur sundimin e ligjit në prioritet të pashmangshëm. Në rast të mos-mbështetjes së këtij propozimi nga subjektet tjera politike, Këshilli Drejtues dhe Kryesia e AAK-së vendosin sot (e martë, 8 shkurt 2011) që AAK-ja përfundimisht të qëndrojë në opozitë parlamentare. Grupi Parlamentar i AAK-së do të jetë konstruktiv, aktiv dhe i fuqishëm në opozitë-bërje si mënyrë e përfaqësimit të interesave të qytetarëve të Republikës së Kosovës.

KOSOVA SOT

[mebybe]

[B]
DY BURRA
DY LUFTETAR
DY PATRIOTA
DY HEROI TE GJALL
DY ÇLIRIMTAR
DY QEVERITAR

SKA ARMIK QE U DEL NE BALL[/

Idriz Zeqiraj: Parlamenti i ndotur - qeveria e pistë
E Hene, 07-02-2011, 10:00pm (GMT)


PARLAMENTI I NDOTUR - QEVERIA E PISTE


"Mjafton që njerëzit ta dinë se u mbajtën një palë zgjedhje.
Njerëzit që i hedhin në kuti votat e tyre, nuk vendosin asgjë.
Njerëzit që i numërojnë votat, vendosin gjithçka".
Josif Visarionoviç STALIN


SHKRUAN: IDRIZ ZEQIRAJ


Janë zënë mat, ose, siç thotë populli, "me pelë për dore" ambasadori Christofer Dell dhe shefi Pieter Feith. Porosia drejtuar Thaçit për një qeveri" me duar te pastra", është "vox clamantis in diserto", një zë në shkretëtirë. Nga kjo porosi asgjë nuk do të dalë. Rrjedhimsht, është një porosi e zgjyrosur, e dalë boje, madje shumë provokative e indinjuese për popullin e Kosovës.


Për të qenë ironia dhe cinizmi edhe fatalisht më i skajshëm, i pari, zoti Dell, thotë se "ka ikur koha e zgjedhjeve në seri", ndërsa i dyti, zoti Feith, thotë se "zgjedhje të reja nuk do të këtë"! Kërthiza u lidh, bebja shtatanike lë të provojë të rrojë.


Kronologjia e zhvillmeve të deritanishme përligjë edhe deklarimet skandaloze të cituara më lart: "zgjedhjet, edhepse me pak difekte, përmbushin standartet"! "Zgjedhje me disa çrregullime, por që nuk prishin standartet e përgjithshme"! Dhe, përralla të tjera. Por, ata që ishin të ngarkuar me mbikëqyrje të drejtpërdrejt, i vlerësojnë si "zgjedhje të manipuluara" dhe se "nuk përmbushin asnjë standart për të qenë të pranueshme".

Përfaqësuesi civil ndërkombëtar në Kosovë, Pieter Feith, kërkon që Thaçi "t`i lërë jashtë qeverisë njerëzit nën hetime." Ndërkohë, zoti Feith me ambasadorin Dell kokëtojnë me Thaçin kafeneve, për të krijuar qeverinë para 17 shkurtit, edhepse e dinë se Thaçi është në hetime! A nuk e demantojnë veten këta zotërinj të nderuar?!
Mandatori për krijimin e qeverisë "me duar të pastra", është nën hetime për krime lufte dhe të pas luftës. Megjithatë, për zotërinjtë Dell dhe Feith është i pranueshëm për krijimin e qeverisë!! Dhe, kjo na kujton shprehjen shqiptare: "Me çfarë kuti matë Dauti"?!


Zoti Jakup Krasniqi, kryetar i Parlamentit; ushtrues i detyrës të Presidentit të Kosovës; sekretar i përgjithshëm i PDK-së, i vlerësoi si "zgjedhje tërësisht të degraduara". Kjo do të ishte një arsye më shumë, se, nëse, qoftë edhe pakëz konsideratë të kishin për institucionet e Kosovës, zoti Dell dhe zoti Feith, nuk duhej të shpreheshin kundër një palë zgjedhjeve të reja brenda këtij viti. Madje, nuk duhej të rrjeshtoheshin në favor të mandatorit të qeverisë, i cili bëri skenarin dhe regjinë për degradimin e këtyre zgjedhjeve.


Në Kosovë kuadri i inkriminuar, të cilët janë edhe njerëz publikë, ende të pandëshkuar për krimet e bëra, komunikojnë shpengueshëm me kuadrin e EULEX-it. Rrjedhimsht, EULEX-i është i bllokuar dhe të gjitha deklarimet pompoze të kuadrit ligjor dhe administrativ, deri më tani, nuk kanë kaluar caqet e fjalamanisë boshe. Andaj edhe juristët e huaj, me pervojë në sistemin e drejtësisë, nuk ia besojnë procesin hetimor EULEX-it.


"Institucionet e reja duhet të punojnë shumë për të përmirësuar imazhin e lënduar të vendit tonë" - deklaron Jakup Krasniqi. Dhe, çfarë mund të bëjnë institucinet e "reja" me njerëz të vjetër, të cilët janë autorë të "imazhit të lënduar të vendit tonë"?!! Broçkulla jakupçe, i cili demanton veten kur thotë se është gadi ta rimandatojë Hashimin për krijimin e qeverisë! Dhe, Hashimin me shokë ai i quan "institucione të reja"! Lojëra fjalësh, por veprime fatale për Kosovën.


Partia fituese e zgjedhjeve mandaton qeverinë. Krejt normale për zgjedhje me standarte dhe të pranueshme. Por, kur zgjedhjet janë të manipuluara, me vota të vjedhura dhe votues të frikësuar, siç vlerëson Lunaçek, rrjedhimisht, jasht çdo standarti dhe të papranueshme nga i gjithë spektri politik opozitar si dhe mbikëqyrësit ndërkombëtar, sa legjimitet ka mandatori "fitues i zgjedhjeve"?! Përgjigja e prerë: zero legjitimitet.


Legjitimiteti i kontestuar i zgjedhjeve të 12 janarit 2010 nis me parafushatën tërësisht antidemokratike e antiligjore të kryeministrit të shkarkuar me votim në Parlament. Premtimi apo mashtrimi i madh për ngritje pagash për 6O mijë punonjës civilë, në prag-zgjedhje, është një e dhënë e mjaftueshme për një manipulim parazgjedhor, me ndikim të drejtpërdrejt në rezultatin zgjedhor, kur kemi parasysh 60 mijë familje, plus agjitimi anësor tek të afërmit se ke duhet votuar. Ndërkohë që Kosova ka vetëm pak qindramijë votues dhe është kaq e vogël, sa brenda orës i bjen kryq e tërthuer. Pra, sikur asnjë manipulim tjetër shtesë të mos kishte gjatë procesit zgjedhor, veç mashtrimit joshës të pagave, këto zgjedhje duhet konsideruar si tërësisht të degraduara, duke menduar për një palë zgjedhje të reja, madje brenda një afati sa më të shkurtër kohor.


Qoftë edhe në leximin e gjysmës të parë të listës emërore të deputetëve të partive të ekstremit të majtë, do të shohim se cila është përbërja e Parlamentit të ardhshëm të Kosovës. Emra të lakuar në raportet sekrete të shteteve mike dhe çliruese faktike të Kosovës, si: Amerika, Anglia, Gjermania, Austria, Franca, Italia e të tjera, për krimin e organizuar politik, vrasje të rivalëve partiakë, korrupsion dhe trafiqe të të gjitha llojeve.


Dhe, kur të dhënave të këtyre raporteve sekrete u shtohen edhe dëshmitë lëndësore - varret politike gjithandej Kosovës dhe pasuritë marramendëse, të vëna brenda një kohe rekorde, nuk mbetet asnjë hamendje për vërtetësinë e tyre. Për rrjedhojë Kosova do të këtë një parlament kriminal dhe qeveria e aprovuar nga ky parlament i ndotur, do të nxjerrë një qeveri të pistë e kriminale, kaluar të gjitha qeverive defiluese të deritanishme në Kosovë, rajon dhe me gjerë.


Vazhdimësia e pushtetit, madje radikalizimi i këtij pushteti, duke e përforcuar atë me elementin supërkriminal, e shpie Kosovën drejt diktaturës, drejt fashistizimit të shoqërisë, duke përjashtuar tërësisht ëndrrën e bukur të demokracisë. Me keqardhje të madhe duhet pranuar se këtij fataliteti po i kontribuojnë dukshëm, me vetëdije apo vërbërisht, dy nga miqtë tanë të mëdhenj: Christofer Dell dhe Pieter Feith.


PDK-në e Hashim Thaçit e lidhin njëmijë e një fije me Partinë Socialiate të Shqipërisë, sepse Tirana zyrtare e Mejdanit, Gjinushit, Klosit me shokë i ndihmoi dhe i instruktoi krerët aktual të PDK-së për afirmimin artificial, nëpërmjet të një propagande të sforcuar të shëmbullimit gebelsian, për ta marrë pushtetin qoftë edhe me dhunë dhe gjak. Dhe, ky mësim - instruktazh filloi me ekzekutimet në Shqipëri të gazetarit Ali Ukaj, ministrit të mbrojtjes kolonel Ahmet Krasniqi, të kuadrit organizativ të luftës Ilir Konushevcit, doktorit të UÇK-së Hazir Mala (shtetas i Shqipërisë), vrasja dhe zhdukja pa gjurmë e kuadrit të LDK-së dhe oficër në shtabin e ministrit Krasniqi - Sadri Ramqaj, vrasja në pritë të kontraktuesit të ushtrimores ushtarake në periferi të Kukësit - Rushit Elezi, eliminimi i përgjakshëm të komandantëve institucional, të cilët kundërshtuan marrjen e dhunshme të kësaj ushtrimoreje, për të vazhduar me vrasjet seriale në Kosovë, për të cilat mendohej se kapnin shifrën 950, por, sipas SHIK-asit të penduar Nazim Bllaca, rezulton në tejkalimin e shifrës të cituar.


Hashim Thaçi anashkaloi kuadrin partiak, të cilët nuk qenë pjesë e intrigimeve në rrethin vicioz me social-komunistët e Tiranës në vitet 1989-99. Dhe, në vend të tyre mobilizoi militantët partiakë, me preferencë kuadrin epror të SHIK-ut, të paktën, 14 sish dihen e, pse jo, mund të jenë edhe 24 deputetë të "zgjedhur"!


Për herë të parë u aplikua metoda sugjeruese e votimit emëror, me listë. Përsëritja e zgjedhjeve në disa komuna, favorizoi përzgjedhjen seleksionuese, nëpërmjet votimit rekomandues. Roli vendimtar e supëraktiv i SHIK-ut u dëshmua bindshëm në këto zgjedhje. 3.000 (tre mijë) Shik-asit fillestar dhe 30.000 (tridhjetë mijë) të shtuar më vonë, ishin në krye të detyrës selektive. Shuarja e SHIK-ut është mashtruese, është fiktive. Deputetë SHIK-as, tashmë, kanë edhe partitë tjera të ekstremit të majtë. Në Parlamentin e Kosovës do të dominojë zëri SHIK-as, tashmë, i identifikuar me krimin e organizuar politik dhe ekonomik.


Shikuesë të seancave parlamentare do të jenë edhe qindra familjarë të viktimave të krimit politik - vrastar. Dhe, paramendojeni, qoftë edhe për një çast, si do të ndjehen ata në përballjen vizive me deputetët e implikuar në këto krime makabre? Shto këtu edhe mijëra familje të tjera, të cilat i lidh gjaku dhe miqësia më këto viktima, duke mos përjashtuar edhe shumë qindra - mijëra të tjerë qytetarë të shqiptarisë të kudondodhur, të cilët nuk pajtohen me krimin e organizuar politik, me gjakun e derdhur shqiptar, në pusira dhe prapa shpine, me qëllimin e vetëm që dikush ta marrë pushtetin dhunshëm dhe të gëzojë privilegjet e këtij pushteti të përgjakur. Vërtet, llahtar e tmerr!


Garda e ish-burgaxhijnëve politikë, brenda PDK-së, e prirë nga Hydajet Hyseni, u la qëllimshëm jashtë Parlamentit. Dhe, këtë e bëri SHIK-u, me metodat sa përfide, aq edhe të njohura nga opinioni. Jakup Krasniqin e shpëtoi Drenasi i tij, i cili denoncoi qëllimin përjashtues të Kupit me mosvotim. Dhe, Kupi reagoi si drenicak, duke shpërfaqur edhe qëllimin që kishte i pari i partisë. Hashimi tha se "zgjedhjet ishin mrekulli, më të arrirat e deritashme"! Jakupi iu përgjigj se "zgjedhjet ishin degradim i demokracisë në dekadën e fundit". Sipas tij, gënjeu Hashimi, gënjejnë edhe disa nga ndërkombëtarët. Dhe, kjo u provua katërcipërisht.


Bajram Kosumi, ish burgaxhi politik, bashkë me të vëllanë, i dëshmuar kombtarisht dikur, por i rrjeshtuar gabimisht më vonë. Paradoksi më i madh me lëvizjet personale e grupore, duke e bërë partinë simpatike Parlamentare bisht e rregzinë të partive të ekstremit të majtë, ku ka vetëm monolog dhe as fije parlamentarizmi.


Ish-burgaxhinjtë politikë të Kosovës, në pjesën më të madhe, dështuan keqas. Djemë që kanë bjerrur një pjesë të rinisë burgjeve jugosllave, në emër të lirisë, të shqiptarizmit dhe të demokracisë, devijojnë nga rrjeshtimi i duhur fillestar djathtas, duke u konvertuar dhe kaluar majtas, në partinë që ka ideologjinë e kuqe, njësoj si pushtuesi, vetëm se janë shqipfolës. Atëherë, rezulton se këta djemë kanë vepruar dhe luftuar "për mustaqet e Stalinit", siç i kanë akuzuar edhe disa kuadro titistë para dhe pas çlirimit të Kosovës.


Ndërkohë, ish-burgaxhinjtë politikë të Shqipërisë, të cilët numerikisht ishin shumë mijëra, kontribuan në fitorën e demokracisë, ruajtën drejtpeshimin, duke u bërë pjesë e të djathtës. Përjashtimet janë simbolike, si rasti i mërcenarëve Kurt Kola e Daut Gumeni, të cilët u bënë paçavure në shërbim të social-komunistëve shqiptarë. Shkelja e parimeve dëmton dhe degradon pariparueshëm njeriun, pavarësisht nga një e kaluar e lavdisë fisnike. Shijen e hidhur të kësaj të keqeje e kanë provuar edhe personalitete, dikur lavdiplotë dhe tani, të përtokur përjetësisht dhe pafundësisht, pavarësisht qejfbërjeve që u reklamon soji i tyre i kuq dhe i huqtë.


Koalicionet e mundshme të një partie, tashmë, keqas të inkriminuar - PDK-së, janë minoritetet, të cilave nuk u prishë aspak punë edhe dështimi i shtetit të Kosovës.


Një parti, e cila, padyshim, i ka duart e pastra deri me tani, AKR-ja, po tërhiqet se prapthi nga presidenti i saj Behxhet Pacolli, i cili plasi për t`u bërë president i Kosovës. Dhe, hyrja në koalicion, me një parti të krimit, apriori bëhesh pjesë e krimit, sepse u jep infuzion dhe hapësirë krimeve seriale. Eshtë për t`u përshëndetur deklarimi publik i zëvendësës të Pacollit, Mimoza Kusari-Lila, femra më e votuar në Kosovë, se nuk do të pranonte të ishte partnere në koalicion me ministra të inkriminuar dhe të korruptuar. Megjithatë, nuk e dijmë sa do ta mbajë fjalën, Por, për hir të parimeve ia vlen të braktiset edhe partia, kur disa janë gadi ta inkriminojnë partinë për interesat e tyre personale karrieriste. Këtë duhet ta mësojnë edhe dy Ibrahimat e nderuar të kësaj partie, të cilët ne i kemi adhuruar për korrektësinë e deritanishme, sepse më shumë se sa të fituar, të humbur do të ishin.


Hashim Thaçi vazhdon ta përsërisë "kontratën katërvjeçare me elektoratin", ose me "popullin", një referencë tipike komuniste. Dhe, kur t`i hypin pushtetit, komunistët ia zënë frymën popullit, duke ia racionuar bukën, ujin, rrugëtimin, lirinë, diellin, ajrin. Autori i këtij shkrimi i ka bartur në kurriz të gjitha këto kufizime, andaj edhe e njeh monstruozitetin komunist. Kësaj kontrate nuk i beson as vet Hashimi, sepse ai i di përmasat e manipulimit, të vjedhjes, të blerjes të votave, të mashtrimit me shtim pagash, të frikësimit me armatën e SHIK-asëve. Por, qëllimi është te joshja e partive për koalicionin e tij jetik. Dhe, mund t`ia arrijë, duke gjetur brumin e vet.


Në këtë krizë të thellë të shoqërisë të paralizuar dhe të pashpresë rrugëdaljeje, mendjet e përgjegjshme në Kosovë duhet të mendojnë për një zgjidhje të mundshme aktuale. Një qeveri teknike apo gjithëpërfshirëse, me një mandator të përkohshëm, me përgatitje dhe reputacion të pranueshëm, qoftë edhe jasht angazhimit partiak, do të arrihej tejkalimi i krizës, tashmë, e skajshme.


Përgjatë kësaj periudhe kohore do të bëheshin ndryshime në sistemin zgjedhor dhe kushtetutar, duke filluar me kandidimin shumëzonal për deputetët, sepse malli i mirë apo i keq njihet e vlerësohet më se miri në mjedisin ku është "prodhuar" e madhuar. Deputeti zonal do të merrte obligime dhe do të jepte llogari para zgjedhësve të tij.

Ndërkohë, LDK-ja, me simotrat e saja, me "duar të pastra" duhet të kërkojë, madje ngulmueshëm, protoktoratin e një shteti të vetëm, të fuqishëm ekonomik e ligjor, në mbojtje të statusit të Kosovës, për të marrë përgjegjësitë e nevojshme, duke e shpëtuar dështimin e shtetit të Kosovës.


UNMIK-u ishte një fatkeqësi për Kosovën, pas pushtetit dhunak të Millosheviçit, duke favorizuar krimin vrastar politik, shfrytëzimin e pasurisë shoqërore nga bandat kriminale e mafioze, korrupsionin dhe reketin- gjobëvjeljen e dhunshme, mosndëshkimin e krimit faktik, duke konzervuar e stivuar dosjet voluminoze kriminale!!! Pse? Madje, njëmijë herë - pse???


EULEX-i dëshmoi se nuk është i aftë për të kryer një mision që sot i duhet Kosovës. Rrjedhimisht, ka dështuar dhe statuquoja e mëtejme do të ishte fatale për Kosovën. Lë të kujtojmë premtimet bombastike të prokurorit Johannes van Vreesvijk kundër krimit të organizuar e korrupsionit dhe ikjen e tij të heshtur, pa realizuar asgjë, veç konstatimit se në Kosovë ka krim të organizuar politik, banda vrastare, krim ekonomik dhe makro korrupsion. Dhe, këto konstatime janë të mirëditura prej kohësh, janë thënë e stërthënë për më shumë se një dekadë radhazi, nga populli i shumëvuajtur të Kosovës, por deri tani nuk është ndërmarrë asgjë ligjore.


E themi se nisma për protektorat të një shteti demokratik e ligjor duhet të jetë e LDK-së, me simotra, sepse partitë e ekstremit të majtë janë të interesuara për këtë gjendje kaotike, ngaqë shpengueshëm sundojnë e begatohen me tendere, vjedhje e rekete kriminale. Jemi ngopur me përrallisje të lirisë, demokracisë dhe të ligjit inekzistent të krerëve aktual pushtetarë. Këta horror liderësh, me demagogji, mashtrim, mitosje, kamxhik e plumb mbi kundërshtarët politikë, kanë arritur të bëjnë gërshëtimin e elementeve komuniste me ato fashiste, duke pamundësuar çfarëdo kundërshtie ndaj prapësive të tyre fatale për Kosovën. Kosova po diktaturizohet heshturazi nga bandat e nëndheshme, por supëraktive.


Të akuzuarit për vrasje faktike në burgun e Llapashticës, të liruar qëllimshëm nga kjo akuzë, sepse të vrarit ishin shqiptarë, por të dënuar për torturë të ndoca serbëve; të dënuar deri në 6 (gjashtë) vjet burg, disa të mbrojtur në liri, ndonjë tjetër i liruar para kohe dhe tani deputet i PDK-së në Parlamentin e Kosovës, duan rigjykim për t´u shfajësuar krejt, që të marrin poste ministrore në qeverinë e "re"! Dhe, diktatura nuk ka brirë. Ky regjim edhepse bën gjithçka të kundërligjshme, megjithatë, e legalizon me "ligj", si diçka të drejtë dhe të ligjshme!


Dhe, e gjithë kjo ndodhë sot në Kosovën tonë, madje në prezencë të KFOR-it, EULEX-it, guvernatorit ndërkombëtar, ambasadorit amerikan dhe të ambasadorëve të Evropës demokratike!!! E tmerrshme, por, mjerisht, krejt e vërtetë.


Shkurt, 2011

[PLAKU]

qeveri me duar te pasterta!veq nju hyfet Albini me sapuna e peshkira aty, laj e fshi durt,

[PLAKU]

AAK-ja në koalicion me PDK-në, vetëm nëse hyn edhe LDK-ja
Pas mbledhjes së Këshillit Drejtues dhe Kryesisë, AAK-ja ka bërë publik qëndrimin përfundimtar të saj për të mos hyrë në koalicion vetëm me PDK-në. Sipas AAK-së, tani Kosovës i duhet një koalicion i gjerë mes PDK-së, LDK-së dhe AAK-së, por pa Hashim Thaçin kryeministër.

Këshilli Drejtues i AAK-së kërkon formimin e koalicionit të madh PDK-LDK-AAK ose do të mbetet parti opozitare

Këshilli Drejtues dhe Kryesia e Aleancës për Ardhmërinë e Kosovës (AAK), në një mbledhje të përbashkët, vlerësuan se gjendja në Kosovë vazhdon të jetë e rëndë si në aspektin ekonomik, politik, institucional dhe shtetëror.


Këshilli Drejtues dhe Kryesia e AAK-së vlerëson se mungesa e liderit z. Ramush Haradinaj është ndier në tërë skenën politike dhe si pasojë e kësaj gjendja në Kosovë është rënduar edhe më shumë.


Qytetarët e Kosovës kanë nevojë për qartësi politike, veprime të mençura institucionale në mënyrë që të ndryshohet për të mirë kahja që ka marrë vendi për shkak të procesit të lënduar zgjedhor dhe qeverisjes së keqe në tri vjetët e kaluara.


Megjithë vërejtjet e shumta për procesin zgjedhor, i cili është karakterizuar me parregullësi të shumta, Këshilli Drejtues dhe Kryesia e Aleancës për Ardhmërinë e Kosovës (AAK) vlerësojnë që duhet pranuar rezultatet e zgjedhjeve të përgjithshme të cilat janë certifikaur nga KQZ me 7 shkurt, 2011.


Këshilli Drejtues dhe Kryesia e AAK-së janë të bindur se rrugëdalja më e mirë në rrethanat e sotme në Kosovë, është krijimi i koalicionit të gjerë midis PDK-së, LDK-së dhe AAK-së, si mundësi e vetme për të tejkaluar situatën e rëndë në të cilën gjendet Kosova. Në një përbërje të tillë, AAK-ja do të jepte kontributin e vet për të stabilizuar shtetin e Kosovës, tejkaluar ngërçin politik, përmirësuar kornizën ligjore zgjedhore dhe për të vendosur sundimin e ligjit në prioritet të pashmangshëm.


Në rast të mos-mbështetjes së këtij propozimi nga subjektet tjera politike, Këshilli Drejtues dhe Kryesia e AAK-së vendosin sot (e martë, 8 shkurt 2011) që AAK-ja përfundimisht të qëndrojë në opozitë parlamentare.


Grupi Parlamentar i AAK-së do të jetë konstruktiv, aktiv dhe i fuqishëm në opozitë-bërje si mënyrë e përfaqësimit të interesave të qytetarëve të Republikës së Kosovës.

[beni33]

Koalicioni Drenicë - Dukagjin?

Pa Ramushin, por me bekimin e tij, PDK dhe AAK, së bashku me ndonjë parti ekzistuese apo të re, ka shumë gjasa që të ngrenë birra dolli për koalicionin e Drenicës me Dukagjinin.


Derisa qeverisja e derisotme, LDK me PDK, është parë si e panatyrshme, duke marrë në konsiderim ndasitë ndërmjet “krahut të luftës” dhe atij “të paqes”, një qeverisje PDK-AAK, shikuar nga ky prizëm, do të duhej të cilësohej si e natyrshme, pavarësisht dallimeve të proklamuara në programe apo qasjes ndaj demokracisë dhe qeverisjes.


Një gllënjkë birre që po e pinte kryeministri i Kosovës, Hashim Thaçi, në Birrarinë e Pejës, si dhe një deklaratë mes gafit e përmirësimit, me të cilën ai po shprehte bindjen për pafajësinë e kryetarit të AAK-së Ramush Haradinaj nga akuzat e Tribunalit të Hagës, ishte imazhi më i përçuar nga vizita e kryeministrit të Kosovës në Pejë.

Krahas kryeministrit dhe ministrit të Integrimeve Evropiane, gjendej edhe njëri nga biznesmenët më të mëdhenj të Kosovës, Ekrem Lluka, kompanitë e të cilit janë cilësuar nga kryetari i AAK-së si një nga sponsorët e kësaj partie.

Përkundër retorikës armiqësore ndërmjet PDK-së dhe AAK-së, Lluka megjithëse sponsor i fuqishëm i AAK-së, ka punuar pa asnjë problem gjatë qeverisjes së PDK-së... bile viteve të fundit ai vetëm ka shtuar kapitalin.

Lluka, të enjten, organizoi edhe takimin e kryeministrit me biznesmenë të tjerë pejanë- me mish qengji dhe mikpritje dukagjinase...

Para ca kohësh Thaçi pati vizituar edhe kompaninë Elkos, pronë e Ramiz Kelmendit nga Peja, e cila nuk e ka fshehur asnjëherë që është afër AAK-së. Madje, ky ka qenë edhe njëri nga argumentet kryesore negative që kundërkandidati dhe kryetari i tashëm ia përmendte gjatë garës për kryetar të Odës Ekonomike të Kosovës.

Përveç imazheve të sipërpërmendura, nuk kemi asnjë fakt shtesë për të elaboruar rolin që mund ta ketë biznesi në zbutjen e armiqësive, e madje edhe në krijimin e miqësisë ndërmjet dy partive të dala nga Ushtria Çlirimtare e Kosovës.

Me apo pa ndikimin e biznesit, megjithatë javët e fundit raportet ndërmjet AAK-së dhe PDK-së, jo që janë zbutur, por nëse ky trend vazhdon, mund edhe të përfundojnë me një aleancë të re qeverisëse.

Dorëheqja e presidentit Sejdiu pas shkeljes së Kushtetutës, si dhe zgjedhjet e parakohshme që përcjellin atë, kanë hapur mundësinë për të gjitha llojet e koalicioneve, përfshirë edhe atë ndërmjet PDK-së dhe AAK-së.

Sinjali i parë politik për shtendosje të marrëdhënieve erdhi qysh në ditët e para të krizës politike, kur kryeministri Thaçi takoi nënkryetarin e parë të AAK-së, Blerim
Shalën. Ajo u përcoll pastaj edhe me një deklarim në këtë gazetë të Xhavit Halitit, nga PDK-ja, se kjo parti nuk ka armiqësi me AAK-në, si dhe me një intervistë të Daut Haradinajt përplot lëvdata për rajonin e Drenicës dhe jo shumë kritike ndaj kryeministrit Thaçi.

Në dhjetë vjetët e pasluftës Kosova ka pasur koalicione shumë më të habitshme dhe më të “panatyrshme” se koalicioni i mundshëm PDK-AKK.

Madje, nëse partitë kryesore politike i shohim si rajonale, ky është i vetmi kombinim rajonal që nuk e kemi përjetuar. Në qeverinë e parë të Bajram Rexhepit ishin të përfaqësuara të gjitha rajonet: PDK (Drenica), LDK (Llapi), AAK ( Dukagjini), si dhe disa parti të tjera pa rajon dhe pa votues, duke përfshirë këtu edhe minoritetet.

Dy qeverisjet tjera kanë përjashtuar njërin nga këto tri rajone. Qeveria e dytë, ajo e Ramush Haradinajt dhe më pas e Bajram Kosumit dhe Agim Çekut, u ndërtua nga kombinimi i Llapit me Dukagjinin, duke lënë jashtë Drenicën. E treta dhe e fundit është kjo ndërmjet Drenicës dhe Llapit, ndërsa Dukagjini mbeti jashtë, së bashku me disa parti të tjera që nuk patën bazë rajonale të votuesve.

Derisa qeverisja e derisotme, LDK me PDK, është parë si e panatyrshme, duke marrë në konsiderim ndasitë ndërmjet “krahut të luftës” dhe atij “të paqes”, një qeverisje PDK-AAK, shikuar nga ky prizëm, do të duhej të cilësohej si e natyrshme, pavarësisht dallimeve të proklamuara në programe apo qasjes ndaj demokracisë dhe qeverisjes.

Madje, PDK-ja nga ana e saj asnjëherë nuk e ka përjashtuar një koalicion me AAK-në, por ishte kryetari i AAK-së, Ramush Haradinaj, ai që përjashtonte një koalicion të tillë.

Megjithatë, nëse zgjedhjet e reja dhe rezultati që prodhojnë ato e gjejnë AAK-në pa kryetarin Haradinaj dhe pa rritje të madhe në vota dhe fuqi, është vështirë e besueshme se AAK-ja dhe udhëheqësi i saj i tanishëm Blerim Shala do të kenë energji për të qëndruar jashtë pushtetit edhe katër vjet të tjerë.

Pa Ramushin, por me bekimin e tij, PDK dhe AAK, së bashku me ndonjë parti ekzistuese apo të re, ka shumë gjasa që të ngrenë birra dolli për koalicionin e Drenicës me Dukagjinin.

Nuk është aq e frikshme. Sa mund të duket në shikim të parë...

llap deshtuat edhe ksaj radhe AAK ju tha JOOOOOOOOOOO
tash edhe pacovi po ju qet kushte ja se nqfar deregje keni ra
e kuptoj ju keni probleme me numra matematika nuk poju del mir tash edhe lista ibrahim dinari ju kerkon kushte pra numrat dota keni shum veshtir ti keni haxhi mergjen ekeni te sigurt mos u deshprohni edhe akgjellarin po KU MET PREMTIMI I PAGAVE TREGOJ MILETIT AHHHHHHHHHHHH NEJSE ME FAL

[beni33]

nje deshir e thaqit deshtoj ta merr edhe AAK-n ne qeveri po kush hyn me hajna ne qeveri

[beni33]

[B]
DY BURRA
DY LUFTETAR
DY PATRIOTA
DY HEROI TE GJALL
DY ÇLIRIMTAR
DY QEVERITAR

SKA ARMIK QE U DEL NE BALL[/

loti dallimi ndermejt ktyre esht shum i madh njeri esht ish komandant dhe luftetar i kosoves per liri dhe qlirim te atdheut kurse njeri esht hajn dhe rrenacak hajni dhe patrioti kurr nuk mund te jen bashk
pra ky i dyti esht hajn dhe njeri i tenderave

[Dar_di]

PDK dhe AAK bisedojnë tinëz

Kreu i PDK-së, Hashim Thaçi është shprehur se është i bindur se do të krijojë qeverinë me AKR-së, Listën “Dr. Ibrahim Rugova” dhe me minoritetet. Mirëpo zyrtarët e lartë të AKR-së kanë hedhur poshtë edhe ofertën e fundit të Thaçit, sepse PDK dëshiron që me çdo kusht të mbaj për vete edhe postin e presidentit të vendit, të cilin post AKR e kërkon për liderin e vet Behgjet Pacolli.

Përkundër deklaratave të Thaçit se i ka numrat për krijimin e qeverisë kjo ende nuk po shihet. Por a po bisedon PDK njëkohësisht edhe me parti të tjera në mënyrë qe ta formojë qeverinë?

“Të paktën dy zyrtarë të lartë të PDK-së të enjten në mbrëmje kanë mbajtur një takim larg mediave me disa nga drejtuesit e AAK-së për mundësinë e përfshirjes dhe të kësaj partie në koalicionin e ardhshëm qeveritar”, shkruan Epoka e Re, e afërt me PDK-në.

Ky takim, sipas burimeve të kësaj gazete, thuhet të ketë ardhur me insistimin e zyrtarëve të AAK-së.

Telegrafi

[beni33]

sa keq 17 shkurti pa qeveri ahahah
tsh pacovi poja kerkon nja 5 ministri edhe kryetarllakun hahaha hashimit nuk poj del matematika kta thojshin se te dera po na presin tjerat parti per me formu qeverin veq ky pavovi i ka met edhe ky kogja nifar burri do me dal nuk po mashtrohet let

[beni33]

Krejt pak paska kerkua AAK-ja,Kryeminister dhe president?Veq po frigohem mos po i bertet kush!

NESE formohet qeveria ju duhet te jeni shum te knaqur se si po ju shkojn punt doni me met me gishta ne goj kush spo ju vjen tash edhe ky pacovi poju kerkon kushte njeher i bojshi qef veti se AAK poju bashkohet por deshtuat keq komandati me hajn ska logjik
tash ju kan met do gabel e magjum e egjiptas hashkali e SHKIE se zaten edhe ju shkon per ftyre
emira ka te miren aju kujtohet puna e TRAKTORAVE