Koalicioni AAK - PDK!?

[Dar_di]

AAK-ja drejt qeverisë

Përtej qëndrimit zyrtar të Aleancës për Ardhmërinë e Kosovës, brenda këtij subjekti janë duke u shtuar zërat pro mundësisë së hyrjes në koalicion eventual me PDK-në, raporton “Kosova Sot”. Partia Demokratike e Kosovës është në pritje të rezultateve zyrtare të Komisionit Qendror të Zgjedhjeve. Deri më tani asnjë nga partitë politike nuk ka konfirmuar nëse kanë marrë ndonjë ftesë për bisedime lidhur me koalicionin qeverisës, sado që krijimi i qeverisë vazhdon të mbetet një nga pikat më të debatuara.

Nisur nga zhvillimet e fundit dhe rrethanat e krijuara, një nga figurat e AAK-së, kreu i komunës së Gjakovës, Pal Lekaj, ka dalë me një qëndrim pro hyrjes në një koalicion të mundshëm me PDK-në. Ai tha se ka disa arsye për hyrjen eventuale në koalicion me PDK-në, njëherësh duke bërë thirrje që në rrethanat aktuale nuk duhet vënë vija të kuqe. “E para, meqë Kosova po kalon në disa sfida, mendoj se çdo parti dhe çdo individ duhet të dalë jashtë kornizave dhe çështjen ta zgjidhë jashtë interesave partiake për të mirën e vendit. E dyta, është meqë ne kemi dalë nga këto zgjedhje jo me atë që e kemi pritur, por edhe nuk mund të jemi zë i fuqishëm opozitar, prandaj për të përdorur sa më mirë fuqinë e votës na duhet një koalicion qeverisës dhe të marrim përgjegjësi dhe në këtë drejtim mendoj se AAK-ja do të japë kontributin e vet”, tha Lekaj. Si arsye të tretë ai përmend edhe angazhimin e AAK-së, e cila brenda vetës ka figura të konfirmuara që e duan vendin dhe për të mirën e vendit janë të gatshëm të marrim përgjegjësi. “Prandaj, duke i parë të gjitha këto elemente, mendoj se është e arsyeshme që të kemi një koalicion me PDK-në”, tha ai, nisur nga qëndrimi i tij personal.

KOSOVA SOT

[e panjohura]

Akr kerkon presidencen-Aak kerkon qeverin-sipas kesej PDK-s i mbetet vetem parlamenti ose te kaloj ne opozit!Cfar absurdi!

[shalja1]

Akr kerkon presidencen-Aak kerkon qeverin-sipas kesej PDK-s i mbetet vetem parlamenti ose te kaloj ne opozit!Cfar absurdi!

Me ne funde po behet edhe darka e dreqit.

[Llapi]

O mos kidi dert fort se per krijimin e qeveris z.Hashim Thaçit
po i lajmrohen e po e lusoin hiq ma pak se keto subjekte politike

AAK
AKR
Lista Ibrahim Rugova
Grupi Parlamentar i krahut te Fatmir sejdiut
Minoriteti serb
Minoritetet tiera

keshtu qe Thaç do te ket mundesin te zgjedhi e ti percaktoi kushtet e jo keta qe e lusin per dit

Une mendoi se koalicioni do te jet
PDK-AAK-AKR+minoritetet

[beni33]

O mos kidi dert fort se per krijimin e qeveris z.Hashim Thaçit
po i lajmrohen e po e lusoin hiq ma pak se keto subjekte politike

AAK
AKR
Lista Ibrahim Rugova
Grupi Parlamentar i krahut te Fatmir sejdiut
Minoriteti serb
Minoritetet tiera

keshtu qe Thaç do te ket mundesin te zgjedhi e ti percaktoi kushtet e jo keta qe e lusin per dit

Une mendoi se koalicioni do te jet
PDK-AAK-AKR+minoritetet

a marre pot vjet me than shkiet e poju thu minoritete ahaha ndryshe shanc ska paramendo qlirimtari me serb e magjup i duhet me bo qeverin se me shqiptar se ka fort te sigurt

[Premtor]

a marre pot vjet me than shkiet e poju thu minoritete ahaha ndryshe shanc ska paramendo qlirimtari me serb e magjup i duhet me bo qeverin se me shqiptar se ka fort te sigurt

Paramendo magjupi me i mire se ti beni, se ai spo e injoron shtetin, ndersa keta si ti me mujt e shkaterrojne kosoven dhe nuk lejojne fare te krijohet qeveria.

[murik]

O fshati,koalicion o burre e jo "kualicion" se e dhite shqipen fare..

[Dar_di]

AAK s’ka ndërruar mendjen

Partia e Ramush Haradinajt vazhdon t’i qëndrojë besnike zotimit të saj të mëhershëm se nuk do të pranonte të hynte në një qeveri me kryeministrin aktual Hashim Thaçin dhe partinë e tij.

Përkundër qëndrimeve të një vargu të gjatë zyrtarësh të AAK-së në qendër dhe degë, se AAK-ja duhet t’i bashkohet PDK-së në kabinetin e ardhshëm qeverisës, anëtari i Kryesisë së AAK-së, Besnik Tahiri, njëri ndër njerëzit më të afërt të Haradinajt, e përjashton çdo mundësi që AAK-ja tashmë të ketë ndryshuar kursin politik. Ai thotë se AAK-ja jo që nuk ka hequr dorë nga “vija e kuqe” karshi bashkëqeverisjes me PDK-në dhe Thaçin, por as nuk e ka debatuar një mundësi të tillë.

Megjithatë, sipas tij, zyrtarët e AAK-së do t’i përgjigjen pozitivisht ftesës eventuale të PDK-së për të biseduar, ku edhe do të shpaloset qëndrimi zyrtar i partisë.

“Qëndrimi zyrtar i AAK-së nuk mund të ndryshohet nga ballinat e gazetave dhe ky qëndrim nuk mund të revokohet duke dhënë qëndrime personale, por vetëm duke pasur pozicion të qartë zyrtar në tryezën vendimmarrëse të AAK-së, e kjo tryezë është Kryesia dhe Këshilli Drejtues i partisë”, ka thënë Tahiri në një interviste për “Zëri”.

AAK s’ka ndërruar qëndrim rreth Thaçit dhe PDK-së

Zëri: A ka ndryshuar qëndrimi i AAK-së rreth mundësisë së bashkëqeverisjes me PDK-në, në mandatin e ardhshëm?

Tahiri: Më lejoni që edhe njëherë të rikonfirmoj qëndrimin zyrtar të AAK-së, se ne nuk e kemi ndryshuar qëndrimin rreth mundësisë së bashkëqeverisjes me PDK-në. Ky qëndrim është që nga viti 2009 dhe ai është që AAK-ja nuk do të bëjë koalicion me kryeministrin Thaçi dhe PDK-në. Dhe, përderisa nuk ka ndonjë vendim tjetër, atëherë ky është qëndrimi zyrtar i AAK-së, nuk ka ndryshim të kursit të AAK-së për asnjë moment dhe në asnjë rrethanë.

Zëri: Por, në media po paraqiten zyrtarë të ndryshëm, të shumtë, të AAK-së të cilët janë pro koalicionit me PDK-në?

Tahiri: Në AAK edhe kolegët tanë, por edhe njerëzit në përgjithësi kanë të drejtë të shfaqin mendimet e tyre. Mirëpo, edhe kolegët e mi të cilët janë prononcuar për media e dinë që qëndrimi zyrtar i AAK-së nuk mund të ndryshohet nga ballinat e asnjë gazete dhe ky qëndrim nuk mund të revokohet duke dhënë qëndrime personale, por vetëm duke pasuur pozicion të qartë zyrtar në tryezën vendimmarrëse të AAK-së, e kjo tryezë është Kryesia dhe Këshilli Drejtues i partisë, të cilat nuk janë takuar për të debatuar për këtë qëndrim apo për të ndryshuar atë. Dhe, përderisa nuk ka ndryshim të kursit, qëndrimi mbetet i njëjtë.

Me PDK-në vetëm biseda, jo edhe koalicion

Zëri: Prej javës së ardhshme PDK-ja do t’i ftojë të gjitha partitë për të negociuar për formimin e qeverisë së ardhshme. Çfarë qëndrimi do të mbajë AAK-ja karshi ftesës që do t’i vijë nga PDK-ja, si dhe kush do ta trajtojë brenda AAK-së këtë ofertë?

Tahiri: Në radhë të parë ne nuk e dimë se si do të zhvillohet kjo fazë e zhvillimeve, pasi që ende as nuk janë certifikuar rezultatet e zgjedhjeve të fundit. Ne nuk e dimë se kur do të ndodhë kjo dhe as kush do të jetë mandatar i formimit të qeverisë së re dhe se kush do të bëjë ftesë në AAK. Por, duke marrë parasysh se AAK-ja është subjekt shtetformues dhe është subjekt, i cili do të kontribuojë në emancipimin e kulturës politike, ne do të takohemi dhe do të bisedojmë me çdo subjekt i cili do të na ftojë për biseda. Por, në asnjë rrethanë, kursi i AAK-së nuk mund të jetë ndryshe dhe me sa di unë nuk do të mund të ndryshojë.

Zëri: Flitet për disa kushte që AAK-ja i ka vënë PDK-së, përmbushja e të cilave do të rezultonte me bashkëqeverisje mes dy partive. Cilat janë ato, nëse ka të tilla?

Tahiri: Nuk ka pasur diskutime dhe as konsulta për kursin politik dhe për pozicionin e AAK-së ndryshe. Përderisa nuk është mbledhur organi vendimmarrës dhe nuk ka pasur debate rreth kësaj teme, nuk mund të ketë as kushte dhe as pozicion tjetër. Krejt ajo çfarë ka ndodhur është një debat, i cili ka rrjedhur dhe i disa intervistave që i kanë dhënë disa zyrtarë të AAK-së, dhe të cilat në njëfarë forme e kanë krijuar një huti te publiku. Por, e vërteta është që në Aleancë nuk ka ndryshuar kursi i vendimit të kaluar dhe në të njëjtën kohë më lejoni të them se në AAK nuk ka pasur debat për këto tema dhe se organi, i cili mund të vendosë për këto çështje është Kryesia dhe askush tjetër.

Zëri: Atëherë, kur do të mblidhet Kryesia e AAK-së për të trajtuar këto tema?

Tahiri: Tani për tani nuk mund të japë një datë të saktë, por Kryesia e Aleancës mund të mblidhet diku kah fundi i javës, edhe pse kjo nuk është e përcaktuar, për të diskutuar të gjitha zhvillimet politike, përfshirë edhe diskutimet për temat që kanë qenë subjekt i trajtimit nëpër gazeta.

Më lejoni të them edhe se krejt çfarë ka ndodhur këtë javë, vjen për faktin se Aleanca megjithëse ka diku rreth 12 për qind, po shihet si pozicion përcaktues dhe si rrjedhojë hapen debate publike rreth kësaj teme. Por, në AAK nuk kemi pasur debate për të trajtuar këtë temë andaj nuk e kemi ndryshuar qëndrimin që e kemi pasur në të kaluarën.

Të gatshme për të dyja pozicionet politike

Zëri: A është Aleanca e gatshme për të dyja pozicionet, për mundësinë e të qenit në opozitë sërish, apo është më e prirur që të jetë pjesë e qeverisjes?

Tahiri: AAK ka qenë në pushtet si parti shtetformuese, parti e cila e ka provuar edhe pushtetin me menaxhimin e suksesshëm të Haradinajt gjatë qeverisjes 100 ditëshe, por edhe në periudhën tjetër. Aleanca ka qenë edhe në opozitë dhe kemi qenë të sinqertë. Pra, në çdo pozicion Aleanca do të jetë e fortë, subjekt politik, i cili do të ketë ndikim vendimtar në zhvillimet politike, jo vetëm për arsye se i ka 12 për qind të votave, por për arsye se menaxhojmë me 6 komuna dhe në disa të tjera jemi në bashkëqeverisje me subjekte të tjera, por në të njëjtën kohë kemi një lider të pakontestueshëm, i cili ka fuqi politike, morale dhe ka dhënë prova të mjaftueshme se e sakrifikon vetveten për të mirën e Kosovës.

Zëri: A e rrezikojnë AAK-në kontradiktat rreth pozicionit të ardhshëm në Parlament, pas vendimit final që do të merret qoftë për të qenë në pushtet apo edhe për të vazhduar opozitën ?

Tahiri: Ashtu siç thashë edhe në fillim, është shumë normale që edhe kolegët e mi të kenë qëndrime të ndryshme. Por, kur vjen puna të një veprim politik, atëherë ndryshimi i kursit politik, i vendimeve politike merret në tryeza zyrtare dhe për këtë arsye unë mendoj se përveç që është krijuar një huti për pozicionin e AAK-së, ky proces nuk mund të na dëmtojë, për arsye se AAK-ja do të vazhdojë të jetë subjekt i fuqishëm në Kosovë, me strukturë homogjene dhe një elektorat që beson në vizionin Haradinaj dhe atë të AAK-së për të mirën e vendit.

Zëri

[Dar_di]

Isufi: AAK-ja nuk ka marrë ftesë nga PDK-ja për koalicionin

AAK-ja ende nuk ka marr ftesë nga Partia Demokratike, për të filluar negociatat rreth përbërjes së re qeveritare. Nënkryetari Ahmet Isufi, ka thënë sot se janë duke pritur certifikimin e zgjedhjeve dhe më pas të bisedojnë për çështjen e krijimit të institucioneve, njofton KTV-ja.

“Qeveria e Kosovës duhet të jetë ajo qe i shërben qytetarëve, dhe prandaj them se AAK merr pjesën e përgjegjësisë së vet qoftë nëse hyn në qeveri, apo mbetet në opozitë”, ka thënë Isufi. Sipas tij, AAK është e gatshme të mbetet serish në opozitë.

Isufi këto komente i bëri pas homazheve në shtatoren e heroit Zahir Pajaziti, në Prishtinë, me rastin e 14 vjetorit të rënies së tij.

KOHA DITORE

[Dar_di]

Nuk beson në koalicionin PDK-AAK

Ambasadori i Francës në Kosovë, Jean Francois Fitou nuk është shumë optimist për arritjen e një koalicioni eventual ndërmjet PDK-së dhe AAK-së, kur merret parasysh se kreu i AAK-së Ramush Haradinaj është ende në Hagë.

Në një intervistë dhënë gazetës “Zëri”, ai ka thënë se roli i ndërkombëtarëve është që t’ua thonë të vërtetën kosovarëve dhe të mos përzihen në formimin e qeverisë.

Fitou ka vlerësuar se përfshirja e njerëzve nën hetime në institucionet e ardhshme nuk do t’i bëjnë mirë vendit. Sipas tij, Kosovës i duhen udhëheqës që mendojnë për vendin dhe jo për probleme të tyre individuale.

Diplomati francez ka paralajmëruar se këtë vit mund të ketë edhe arrestime nga EULEX-i për hetimet që janë tashmë duke u zhvilluar.

Mosrealizimin e vendimit të kryeministrit në dorëheqje Hashim Thaçi për rritje pagash, ambasadori francez e ka quajtur premtim politik gjatë fushatës zgjedhore. /Telegrafi/

P.s. Zatën siç po thonë ndërkombëtarët, ashtu edhe po bëhet. Kështu ndodhë kur fuqia juridike dhe politike e vendorëve është e pjesërishme. D