Koalicioni AAK - PDK!?

[Dar_di]

Koalicioni në dorën e Ramush Haradinajt

Prishtinë, 24 dhjetor – Kryeministri në largim i Kosovës, Hashim Thaçi, është bërë nevojtar i Ramush Haradinajt.

Partia Demokratike e Kosovës, që pritet t’i fitojë zgjedhjet që ende nuk kanë përfunduar, krahas AKR-së dhe minoriteteve, po këmbëngul që në koalicionin e ardhshëm qeverisës ta ketë edhe AAK-në. Bazuar në rezultatin e deritanishëm, ka gjasa që PDK-ja të mos arrijë fare që ta bëjë qeverisjen vetëm me AKR-në e me minoritete, por edhe nëse do të arrinte, koalicioni do të ishte i brishtë dhe i paqëndrueshëm, shkruan sot gazeta Koha Ditore.

Burime të gazetës kanë bërë të ditur se konsultimet e faktorit ndërkombëtar dhe të zyrtarëve të PDK-së me udhëheqësit e AAK-së nuk kanë munguar. Të njëjtat burime kanë shpjeguar se Aleanca e Haradinajt nuk është e disponuar që të hyjë në koalicion me PDK-në e Thaçit, përderisa nuk e ka një miratim të tillë nga lideri i saj, Ramush Haradinaj, që aktualisht po mbahet në Hagë.

“Nuk është e vërtetë se jemi afruar me PDK-në. Mund të them se as bisedime serioze për koalicion nuk ka pasur. Ne kemi pritur se Ramushi do të jetë këtu gjatë kësaj kohe. Vetëm ai mund të bisedojë për një koalicion të tillë, dhe vetëm ai mund të vendosë”, i ka thënë gazetës në kushte anonimiteti një zyrtar i lartë i AAK-së.

Aleanca për Ardhmërinë e Kosovës nuk është e kënaqur me rezultatin që ka shënuar në zgjedhjet e fundit, ndërkaq lideri i saj po mbahet në Haga, pasi që i janë kthyer në rigjykim disa nga pikat e akuzës për krime lufte.

Ish-prijësi i UÇK-së dhe ish-kryeministri i Kosovës e ka të ndaluar që të ketë aktivitet politik përderisa po përballet me Hagën, megjithatë, partia e tij preferon që të ketë edhe miratimin e liderit në rast të ndonjë vendimi për koalicion.

Burime të tjera të Kohës Ditore kanë bërë të ditur se qëndrimi aktual i Haradinajt është kundër koalicionit me PDK-në. Ky disponim ka bërë edhe që të raportohet për një iniciativë të Thaçit që të takohet personalisht me Haradinajn në qendrën e paraburgimit në Hagë.

Takimi është pamundësuar, pas sqarimit të mbrojtjes së Haradinajt se Tribunali do të vlerësonte një takim të tillë si aktivitet politik dhe nuk do ta lejonte.

Në një prononcim të shkurtër për “Kohën Ditore”, njeriu që tash po e udhëheq AAK-në, nënkryetari Blerim Shala, ka mohuar raportimet se ka afrim të AAK-së me PDK-në.

“Asgjë nga qëndrimet tona të mëhershme për koalicionin me PDK-në nuk ka ndryshuar. Nuk ka ndryshim në qëndrimin tonë”, ka thënë Shala. ("Koha ditore")

[Dar_di]

AAK-ja me dy rryma për koalicionin me PDK-në

Prishtinë, 25 dhjetor - Formula për krijimin e Qeverisë së re duket të jetë mjaft e vështirë për t’u gjetur, edhe pse kreu i PDK-së, Hashim Thaçi tashmë ka hedhur hapat e parë në këtë drejtim.

Javën e kaluar, Thaçi bashkë me liderin e AKR-së, Behgjet Pacolli, kishin dhënë sinjalet e para se do të punojnë bashkë për krijimin e koalicionit, pas rivotimit të caktuar për 9 janar dhe pas certifikimit të rezultateve. Por, kryeministrit në dorëheqje, i cili, sipas të gjitha gjasave, do të jetë mandatar për krijimin e qeverisë së re, nuk është duke i ecur shumë mirë me Aleancën për Ardhmërinë e Kosovës, për të cilën ai dhe zyrtarë të lartë të PDK-së tashmë kanë dhënë sinjale se duan ta kenë në Qeverinë që do të krijohet.

Aktualisht, në partinë e Ramush Haradinajt duket se janë duke mbizotëruar dy rryma për qeverisjen me PDK-në. Zyrtarë të lartë të AAK-së të premten nuk kanë arritur të takohen për të sqaruar pozicionin e tyre. Anëtari i Këshillit të Përgjithshëm të kësaj partie, Daut Haradinaj, i kontaktuar të premten nga Expressi, ka thënë se një takim i tillë pritet të mbahet ditëve të ardhshme. Ai nuk ka pranuar të japë ndonjë qëndrim rreth koalicionit me PDK-në për shkak se, sipas tij, ende nuk ka një qëndrim unik brenda këtij subjekti. “Nuk dëshiroj të dal unë me ndonjë mendim ndryshe nga të tjerët”, ka thënë Haradinaj.

Një opsion i AAK-së për çështjen e koalicioneve është prezantuar nga sekretari i përgjithshëm i kësaj partie, Burim Ramadani. Ai ka thënë se kjo parti do të hynte në një qeveri të re vetëm nëse Ramush Haradinaj do të ishte kryeministër. “Aleanca e ka deri tash qëndrimin mjaft të qartë, që do të hyjë në çfarëdolloj koalicioni me zotin Ramush Haradinaj kryeministër. Përndryshe, AAK-ja do ta vazhdojë punën e vet në opozitë - një punë të fuqishme si një opozitë konstruktive - duke pritur zgjedhjet e ardhshme, të cilat shpresojmë se do të mbahen shumë shpejt”, ka thënë Ramadani për Evropën e Lirë.

Një koalicion ndërmjet PDK-së dhe AAK-së nuk duket i pamundur nga analisti politik Shkëlzen Maliqi. Ai thotë se brenda AAK-së aktualisht ka dy rryma, por, sipas tij, ende ka kohë dhe mundësia për të arritur një marrëveshje ekziston. “Ka shumë kohë, edhe dy-tri javë. Tash është koha e testimit të disponimeve. Është e qartë se në AAK janë dy rryma dhe secila prej tyre i ka argumentet e forta. Njëra është që dëshiron të mbetet në opozitë dhe të mos hyjë në koalicion me PDK-në. Mendon se është rrezik të hyjë, sepse mund të ndikojë negativisht në qëndrueshmërinë dhe në ardhmërinë e AAK-së. Sidomos nëse Ramush Haradinaj nuk kthehet në mot, atëherë kjo parti mund ta rrezikojë ekzistencën e vet. Rryma tjetër konsideron se do të jetë rrezik për partinë nëse nuk hyhet në pushtet. Tash, kush ka të drejtë, nuk e di”, ka thënë Maliqi për Express.

Sipas tij, një faktor i tretë është faktori ndërkombëtar, i cili po kërkon formulën e një qeverisjeje pak më stabile dhe po bën presion në këtë krahun ‘proqeveritar’ të AAK-së. “Ka edhe variante të tjera. Do të shohim në fillim të janarit se cili do të realizohet”, ka theksuar Maliqi. Maliqi thotë se PDK-ja dhe AAK-ja do të mund të krijonin një qeveri relativisht stabile. Sipas Maliqit, ka mundësi që AAK-ja po taktizon për të përfituar sa më shumë nga marrëveshja eventuale me PDK-në dhe se kundërshtimet aktuale nuk kanë shumë të bëjnë me parime. Maliqi konsideron se, nëse nuk arrihet pajtimi mes këtyre dy subjekteve, ka edhe opsione të tjera. “Nuk përjashtohet as varianti që të kthehet një koalicion i madh PDK-LDK. Vjen në konsiderim edhe koalicioni me AKR-në, por do të ishte i dobët. Për këtë kërkohet edhe një partner plus dhe punët komplikohen më shumë”. ("Koha ditore")

[Dar_di]

AAK definitivisht jashtë Qeverisë

Prishtinë, 29 dhjetor – Aleanca për Ardhmërinë e Kosovës (AAK) definitivisht ka vendosur që mos të jetë pjesë e Qeverisë së ardhshme të Kosovës. Burime brenda kësaj partie, kanë bërë të ditur dje për Koha.net, se pjesa dërmuese e vendimmarrësve në AAK janë të mendimit që të qëndrojnë në opozitë, përkatësisht mos të jenë pjesë e koalicionit me PDK-në, edhe me kushtin që partia e Ramush Haradinajt ta ketë nga radhët e veta presidentin.

Më saktësisht, sipas këtyre burimeve, njerëz me ndikim në këtë parti, siç janë Ardian Gjini, Burim Ramadani, Blerim Kuçi, por edhe shumë të tjerë janë shprehur kategorik kundër koalicionit të mundshëm me PDK-në. Ata kanë edhe arsyetimet e tyre për këtë vendim. Sipas tyre, janë arsyet strategjike ato që kanë vendosur të qëndrojnë në opozitë. Burimet theksojnë se përfaqësuesit e rrymës anti-koalicion në AAK kanë vendosur që mos të hyjnë në Qeveri, për shkak se sipas llogarive të tyre, humbja nga ky veprim do të ishte ndjeshëm më e madhe se përfitimi. Ata kanë theksuar se me një president nga AAK-ja, por që ai nuk do të jetë lideri Ramush Haradinaj, për shkaqe të njohura, funksioni i postit të presidentit do të zbehej, madje sipas tyre, ky funksion i ushtruar nga ndokush nga AAK-ja pos liderit, do të mospërfillej nga aleatët në koalicion, në këtë rast nga PDK-ja, dhe në këtë mënyrë në vend se të përfitojë, AAK-ja do të humbiste, së paku në imazh, por edhe më shumë. Ndërkaq, qëndrimi në opozitë bashkë me LDK-në, sipas përfaqësuesve të AAK-së që preferojnë opozitën, do ta forconte partinë, do t’ia rriste reputacionin dhe do t’ia shtonte respektin, duke sfiduar veprimet e gabueshme të Qeverisë.

Por, nuk është se në AAK nuk ka zëra që duan koalicionin me PDK-në. Një nga ta, përflitet shumë se është Blerim Shala, i përkrahur vetëm nga Jahja Lluka. Shala, mbase edhe për shkakun se drejtpërdrejt emri i tij është lakuar si pretendent i mundshëm për president, sado që publikisht nuk është deklaruar për koalicion me PDK-në, sipas burimeve, ka bërë përpjekje që nga fillimi që mos “ta lëshojë rastin”, që iu paska dhënë për t’u ulur në karrigen e presidentit të Kosovës. Megjithatë, sipas zhvillimeve të fundit në këtë parti, ka shumë gjasë që të dominojë ‘fryma” e të mbeturit në opozitë, prandaj “iluzionet” e Shalës kanë pak shans që të realizohen.

Fundja, në AAK të gjithë e kanë të qartë se përfundimtar edhe për këtë çështje është vetëm vendimi i liderit, Ramush Haradinajt. Nëse, liderit, megjithatë, i mbushet mendja që ta bëjë partinë pjesë të Qeverisë, atëherë AAK do të bënte koalicion me PDK-në. Por, burime brenda kësaj partie, theksojnë se edhe në këtë rast, Blerim Shala, më së shumti do të bëhej ministër i Jashtëm, për shkak se llogaritet që kjo ministri do t’i takonte AAK-së. (Portali koha.net)

[Dar_di]

Spekulim apo e vërtetë: AAK-ja drejt koalicionit qeverisës

Kur Kosovën e ndajnë vetëm dy ditë nga përsëritja e zgjedhjeve në tri komuna, lajme të reja sa i përket krijimit të qeverisë vijnë nga partia e Ramush Haradinajt. Duket se Haradinaj, i cili deri dje ishte rivali kryesor politik i Hashim Thaçit, sot teksa ndodhet në Hagë, të gjithë përgjegjësinë për të vendosur për koalicionin qeverisës e ka kaluar në duar të lidershipit aktual të AAK-së.

Madje, burime partiake thonë se AAK-ja tashmë i ka duart e lira sa i përket hyrjes në koalicion me PDK-në, njofton Top-Channel nga Prishtina.

Përfshirja e Haradinajt në punët partiake në Prishtinë po e dëmton procesin ndaj tij në Hagë, ndaj mësohet se vetë ai ka kërkuar që emri i tij të mos lakohet as në media.
Anëtarë të AAK-së, të cilët flasin në kushte anonimiteti, thonë se Haradinaj i ka thënë kryesisë së partisë se beson në pjekurinë e saj politike dhe se çfarëdo vendimi që merret nga partia do të përkrahet nga ai.

Sidoqoftë, pavarësisht lirisë së veprimit, nënkryetari Blerim Shala, i cili drejton aktualisht AAK-në, thotë se nuk ka ndryshim qëndrimi sa i përket hyrjes në koalicion qeverisës me partinë e Thaçit.

Shala vizitoi Ramush Haradinajn në Hagë javën e kaluar, por ai mohon të ketë shkuar atje për të marrë vendimin përfundimtar për sa i përket hyrjes në koalicion me PDK-në.
Por, Shala nuk e përjashtoi mundësinë e bisedimeve me kreun e PDK-së si fitues potencial i këtyre zgjedhjeve, megjithëse tha se deri më tani nuk është zhvilluar asnjë takim. (koha.net)

[beni33]

Ardian Gjini Sot Tha Ne Rubikon Tha Joooo Me Hashimin Kaliucion Tash Ldk Se Besoj Po Dihet Tash Behgjet Pacovi Dhe Minoriteti Serbo Qetnik E Kshtu Me Radh Hajde Qeveri E Deshtume Hajde Ldk Ose Aak Nese Hyn Ne Kalucion Me Pdk Dote Humbin Shum Elektorat Ket Duhet Te Jen Te Vetdishem

[beni33]

Kunder Kalucionit Me Pdk-n Jan L.v.v Aak. Ldk / Kurse Pacovi Per Pasuri Edhe Nanen E Vet E Punon Mallkuar Qofshin Ata Qe Dota Votojn Pacovin E Zgjedhjete Ardhshme Icili Ben Kumari Me Nje Parti Kriminele Siq Esht Pdk

[Dar_di]

Edhe Haki Shatri pro koalicionit me PDK-në

Prishtinë, 17 janar - Pas deklaratës së nënkryetarit Naim Maloku, se është “pro koalicionit me PDK-në”, janë shtuar zërat e tjerë brenda Aleancës për Ardhmërinë e Kosovës (AAK).



Anëtari i Kryesisë së AAK-së, Haki Shatri, ka thënë për “Epokën e Re” se parimisht e përkrah koalicionin me PDK-në, por me pak drojë.

“Nuk jam kundër asnjë koalicioni me asnjë parti politike. Parimisht nuk jam as kundër koalicionit me PDK-në. Por, mendimi im është se, e kemi shumë vështirë të hyjmë në koalicion kur liderin nuk e kemi këtu. I frikësohem koalicionit pa praninë e Ramush Haradinajt. Me Hardinajn në Kosovë jam i sigurt se çdo koalicion do të kishte sukses. Kurse pa praninë e tij kam rezerva të hyjmë në koalicion me çdo parti politike, qoftë edhe me PDK-në apo me LDK-në”, ka thënë anëtari Shatri.

Sipas tij, çështja e koalicionit në disa variante është diskutuar në AAK. Por, Shatri, ka thënë se vendim zyrtar për këtë çështje ende nuk është marrë.

“Dua të jem i sinqertë me publikun. Çështja e koalicioneve në të gjitha variantet është analizuar dhe diskutuar me struktura të partisë, por kemi kohë të marrim vendime për çfarëdo varianti të koalicionit”.

Shatri ka thënë se njëherë duhet të pritet certifikimi i mandateve të zgjedhjeve parlamentare dhe tek atëherë të merret vendimi zyrtar për mundësinë e hyrjes në koalicion qeverisës. (Portali koha.net)

[Egzon L.]

Wow, tani kriminelët më të mëdhenjë shqiptar po krijojnë koalicion!! "URIME" KOSOVE

[deqani2009]

PDK dhe AAK ne kulaicion , aak nuk ka qare per pa u fute ne kulaicion se per ndryshe ne zgjedshjet e ardheshme aak do te kete te fershtir te hy ne parlament kete e din shume mire te gjithe brenda aak,,, mos i llogariteni kulaicionet e bera te aak dhe te gjitha nuk arriten as 11 per qinde e lere me shume ,kur aak ne kulaicion me listen rugova,pensionistet,minortitet nje pjes dhe te gjitha keto po bejen 11 perqinde aak po te ishte e vetem do te shkonte dikunde ka 6.5 ose 7 per qinde me shume jo ...kures nese kjo hyne ne kulaicion athere pas kater vitev aak do te jete parti numer dy pas pdk,,kete e din ata mire

[deqani2009]

Per tradhtaret e komnbit ky kulicioni mes ketyre dy partive nuk eshte i mire,pres o te mjer po a jan shqipatre edhe keta po,,po po edini se do te ju ndalen te kqijat e bera nga ju tardhtaret e keti kombi,,,po si nuk ju vije fije turpi se sa shume ka pun uar pdk ne qeveri me rroga te mira po,,rrug te miora po,,ne gjithe kosoven,,shkolla po shtet po,,po mire ekeni ju si te fundosjes se jeni mesuar ti beni hyzmet bogardit e juve tanim ju vjen veshtire me punu per kete populll, po ju kurr nuyk keni punuar e as qe punoni se te lindure tradhtar jeni