Koalicioni AAK - PDK!?

[shalja1]

koalicioni i plastikes [ pastifikimi i operracionit te ndertimit shtetrore te individualitetit plastike.

Kështu do të ndaheshin postet, sipas Klan Kosovës.

PDK

Kryeministri

Kryetari i Kuvendit

1 Zv/kryeministër

8 ministri

AKR

Presidenti

1 Zv/kryeministër

4 ministri

Lista Rugova

1 ministri

Serbët

3 ministri

Minoritetet e tjera

2 ministri – 1 zv/kryeministër

[Dar_di]

Thaçi, sytë drejt AAK-së

Partia Demokratike e Kosovës (PDK), ka rikthyer shikimin nga Aleanca për Ardhmërinë e Kosovës (AAK), te e cila po kërkon shpëtimin e mandatit qeverisës, pas vendimit të Gjykatës Kushtetuese për mënyrën e zgjedhjes së presidentit Behgjet Pacolli.

Burime të besueshme të gazetës, të afërta me AAK-në, i kanë thënë “Zërit” se kryeministri ka nisur të shfaqë interesim për negociata të fshehta, për ta bindur AAK-në që të bëhet aleat në qeverisje, duke i ofruar asaj postin e presidentit të vendit.

“Kanë nisur interesimet për ta bindur Aleancën që të përfshihet në qeverisje, përkatësisht të ofrojë një kandidat për president, që do të ishte Blerim Shala”, ka thënë burimi i gazetës.

Por, zyrtarë të lartë të AAK-së i mohojnë këto negociata. Anëtari i Kryesisë së AAK-së, Avni Arifi, thotë se nuk ka informata se është duke ndodhur diçka e tillë, ndërsa thekson se kjo parti nuk hyn në koalicion me PDK-në, përveç nëse kryeministri aktual, Hashim Thaçi, vendos të tërhiqet nga Qeveria.

Ai pohon se Gjykata Kushtetuese në vendimin për Pacollin e ka precizuar që për të zgjedhur presidentin, në seancën e Kuvendit duhet të jenë së paku dy të tretat e deputetëve. Ndërsa, sipas tij, nëse rikandidohet përsëri Pacolli, AAK-ja nuk do të marrë pjesë fare në votim, qoftë edhe duke votuar kundër.

“Atëherë do të jetë e pamundur zgjedhja e zotit Pacolli për president. Kjo nënkupton se PDK, apo partnerët e koalicionit duhet të zgjedhin një president konsensual, përndryshe Kosova do të hyjë në një krizë institucionale”, thotë Arifi, duke shtuar se nëse Thaçi është i interesuar për zgjedhje të jashtëzakonshme, atëherë duhet ta rikandidojë Pacollin.

Rreth mundësisë që zgjidhja të gjendet në “kurorëzimin” e PDK-së me AAK-në, dhe rreth negociatave “sekrete” në mes të këtyre dy partive politike, të mërkurën nuk janë prononcuar zyrtarët e PDK-së, kontakti me të cilët ka qenë i pamundur.

Anëtari i vetëm i PDK-së që është prononcuar është nënkryetari i Kuvendit të Kosovës, Xhavit Haliti, i cili pas përfundimit të mbledhjes së Kryesisë së Kuvendit ka thënë se vendimi i Kushtetueses duhet të respektohet nga secili person, për të cilin kjo gjykatë merr vendim.

Ndërsa, i pyetur nëse Behgjet Pacolli duhet të respektojë këtë vendim dhe të japë dorëheqje, ai është përgjigjur duke thënë se para pak kohe Kosova ka kaluar një situatë të tillë, ku presidenti ka dhënë dorëheqje pas vendimit të Gjykatës Kushtetuese. Haliti madje ka theksuar se nëse Pacolli nuk e bën një gjë të tillë, atëherë Kuvendi duhet të marrë veprime konkrete, pa treguar se cilat janë ato.

Kryeministri i Kosovës, Hashim Thaçi, duket se i është kthyer edhe një herë AAK-së, pasi që aktualisht ndodhet në mes të dy zjarreve, të rikandidojë Pacollin, i cili nuk ka përkrahje nga opozita, por edhe nga një pjesë e deputetëve të PDK-së, apo të fusë “në lojë” një kandidat nga partia e tij, gjë që mund ta nxisë AKR-në që të dalë nga koalicioni qeverisës dhe si rrjedhojë të bjerë Qeveria.

Vendimi i Gjykatës Kushtetuese, që konkludon se zgjedhja e presidentit Behgjet Pacolli është jokushtetuese, e ka sjellë Partinë Demokratike të Kosovës (PDK) para një sprove të vërtetë. Dy muaj më parë, para se të zgjidhet presidenti i vendit, pas një mbledhjeje maratonike të Këshillit Drejtues të PDK-së, kjo parti pati dalë me qëndrim zyrtar se sekretari i partisë Jakup Krasniqi, është kandidati i PDK-së për president të vendit.

Ky veprim ishte kundërshtuar nga AKR-ja, e cila pati kushtëzuar hyrjen në koalicionin qeverisës me dhënien e postit të presidentit të Kosovës, për Behgjet Pacollin.

Zgjedhjet e jashtëzakonshme - zgjidhja e vetme

Analisti Avni Zogiani, thotë se zgjidhje e vetme e krizës së re politike në Kosovë, është që Kuvendi të iniciojë votëbesim për Qeverinë “Thaçi 2”, ta rrëzojë atë dhe të shpallen zgjedhjet e jashtëzakonshme.

“Duhet të bëhet votëbesimi i këtij koalicioni me qëllim që ta rrëzojnë atë dhe të shpallen zgjedhjet e jashtëzakonshme. Nuk ka rrugëdalje tjetër. Ne kemi të bëjmë me shkelje me vetëdije të Kushtetutës tri herë radhazi brenda një seance”, thotë Zogiani.

Kurse, nëse AAK-ja hyn në “lojë” me PDK-në, sipas tij, kjo parti do të bëhet bashkëfajtore me Thaçin në shkatërrimin e shtetit.

ZËRI

[Dar_di]

Lëvizjet e AAK-së

Asnjë deputet i partive opozitare nuk e kishte nënshkruar nismën e Lëvizjes Vetëvendosje për të thirrur një seancë të jashtëzakonshme për zhvillimet e fundit në Veriun. Por, ndryshe ndodhi kur këtë iniciativë e mori Partia Demokratike e Kosovës.

Shefi i Grupit Parlamentar të PDK-së, Adem Grabovci, tha se disa deputetë të Aleancës për Ardhmërinë e Kosovës i kanë bashkuar nënshkrimet me deputetët e dy partive në pushtet, PDK-së dhe AKR-së.

“Ka edhe deputetët të AAK-së”, ka thënë Grabovci, në një prononcim për Express. Por, ai nuk ka treguar se sa deputetë të partisë së Ramush Haradinajt, e nënshkruan nismën për një seancë të jashtëzakonshme.

“Nuk e kam listën me vete”, është arsyetuar Grabovci.

Express ka arritur të konfirmojë se nismën e partisë në pushtet për të thirrur një seancë të jashtëzakonshme e ka dhënë deputeti i AAK-së, Ramiz Kelmendi.

“Po e kam nënshkruar nismën e PDK-së. Nënshkrimin e kam dhënë vetëm se me u mbajtë sa më shpejt një seancë e jashtëzakonshme”, ka thënë deputeti Kelmendi, i cili mohon se po afrohen AAK-ja dhe PDK-ja.

Deputetët tjerë të AAK-së, të kontaktuar nga Express – Daut Haradinaj, Ardian Gjini e Burim Ramadani – kanë thënë se nuk e kanë nënshkruar nismën e PDK-së.

Ramadani mohon afrimin me PDK-në. Ai përsëritë kërkesën e AAK-së për largimin e kësaj qeverie, por “nuk do të nënshkruajnë ndonjë mocion për mosbesimin e Qeverisë pa u parë përfundimi i reformave zgjedhore”.


AAK: Grabovci po shpifë

Aleanca për Ardhmërinë e Kosovës (AAK), ka demantuar deklaratën e shefit të GP të PDK-së, Adem Grabovci, i cili ka thënë për një gazetë se “AAK ka lëvizur nga qëndrimet e saj dhe e përkrah PDK-në në nismën për seancë të jashtëzakonshme në Kuvend”. Deklaratën e Grabovcit, AAK e ka cilësuar shpifje ordinere, qëllimkeqe dhe me pretendime për manipulim të opinionit publik.

“Kreu i grupit parlamentar të partisë në pushtet, po synon që, me deklarime të tilla, t’i ikë përgjegjësisë parësore që e ka kjo parti dhe qeveria që ajo udhëheqë, për humbjet e mëdha dhe të njëpasnjëshme, të shkaktuara në veri të vendi”, thuhet në reagimin e AAK-së.

AAK bën të ditur se që nga viti 2008, menjëherë pas shpalljes së Pavarësisë së Kosovës, ka kërkuar plan dhe qasje serioze nga Qeveria e Kosovës, për zgjidhjen e çështjes së veriut dhe integrimin e qytetareve të asaj pjese të vendit.

“Kjo ide ishte refuzuar nga Qeveria Thaçi, e verbuar asokohe nga pushteti dhe abuzimet. Kjo qeveri e nënvlerësoi rëndësinë e shtrirjes së sovranitetit dhe kushtetushmërisë në veri dhe mbrojtjen e integritetit të vendit. Si rezultat, sot veriu është i ndarë dhe jashtë juridiksionit të Kosovës, kurse pasojat po i bartin qytetarët tanë atje”, thuhet në reagim.

AAK konsideron se ky kryeministër, qeveria dhe strukturat e tij janë përgjegjësit direkt për situatën e krijuar në vend, sidomos për atë në veri.

“Pikërisht kjo qeveri ka lejuar që veriu i Kosovës të jetë aneks pa pushtet, pa ligj e pa kushtetutë, të bëhet oazë e krimit të organizuar dhe e kontrabandës dhe vend-defilim i lirë për kriminelët nga Serbia. Po kjo qeveri, aty ku dështoi në shtrirjen e Kushtetutës, pati sukses në shtrirjen e bizneseve të paligjshme”.

Andaj, “nisur nga tërë këto të vërteta, AAK konsideron se shpifjet e Adem Grabovcit janë në vazhdën e spekulimeve dhe keqpërdorimeve që partia në pushtet po ia bën pa ndalë Kosovës dhe opinionit të saj publik”, thuhet në reagim.

Telegrafi

[TetovaMas]

Lëvizjet e AAK-së

Asnjë deputet i partive opozitare nuk e kishte nënshkruar nismën e Lëvizjes Vetëvendosje për të thirrur një seancë të jashtëzakonshme për zhvillimet e fundit në Veriun. Por, ndryshe ndodhi kur këtë iniciativë e mori Partia Demokratike e Kosovës.

Shefi i Grupit Parlamentar të PDK-së, Adem Grabovci, tha se disa deputetë të Aleancës për Ardhmërinë e Kosovës i kanë bashkuar nënshkrimet me deputetët e dy partive në pushtet, PDK-së dhe AKR-së.

“Ka edhe deputetët të AAK-së”, ka thënë Grabovci, në një prononcim për Express. Por, ai nuk ka treguar se sa deputetë të partisë së Ramush Haradinajt, e nënshkruan nismën për një seancë të jashtëzakonshme.

“Nuk e kam listën me vete”, është arsyetuar Grabovci.

Express ka arritur të konfirmojë se nismën e partisë në pushtet për të thirrur një seancë të jashtëzakonshme e ka dhënë deputeti i AAK-së, Ramiz Kelmendi.

“Po e kam nënshkruar nismën e PDK-së. Nënshkrimin e kam dhënë vetëm se me u mbajtë sa më shpejt një seancë e jashtëzakonshme”, ka thënë deputeti Kelmendi, i cili mohon se po afrohen AAK-ja dhe PDK-ja.

Deputetët tjerë të AAK-së, të kontaktuar nga Express – Daut Haradinaj, Ardian Gjini e Burim Ramadani – kanë thënë se nuk e kanë nënshkruar nismën e PDK-së.

Ramadani mohon afrimin me PDK-në. Ai përsëritë kërkesën e AAK-së për largimin e kësaj qeverie, por “nuk do të nënshkruajnë ndonjë mocion për mosbesimin e Qeverisë pa u parë përfundimi i reformave zgjedhore”.


AAK: Grabovci po shpifë

Aleanca për Ardhmërinë e Kosovës (AAK), ka demantuar deklaratën e shefit të GP të PDK-së, Adem Grabovci, i cili ka thënë për një gazetë se “AAK ka lëvizur nga qëndrimet e saj dhe e përkrah PDK-në në nismën për seancë të jashtëzakonshme në Kuvend”. Deklaratën e Grabovcit, AAK e ka cilësuar shpifje ordinere, qëllimkeqe dhe me pretendime për manipulim të opinionit publik.

“Kreu i grupit parlamentar të partisë në pushtet, po synon që, me deklarime të tilla, t’i ikë përgjegjësisë parësore që e ka kjo parti dhe qeveria që ajo udhëheqë, për humbjet e mëdha dhe të njëpasnjëshme, të shkaktuara në veri të vendi”, thuhet në reagimin e AAK-së.

AAK bën të ditur se që nga viti 2008, menjëherë pas shpalljes së Pavarësisë së Kosovës, ka kërkuar plan dhe qasje serioze nga Qeveria e Kosovës, për zgjidhjen e çështjes së veriut dhe integrimin e qytetareve të asaj pjese të vendit.

“Kjo ide ishte refuzuar nga Qeveria Thaçi, e verbuar asokohe nga pushteti dhe abuzimet. Kjo qeveri e nënvlerësoi rëndësinë e shtrirjes së sovranitetit dhe kushtetushmërisë në veri dhe mbrojtjen e integritetit të vendit. Si rezultat, sot veriu është i ndarë dhe jashtë juridiksionit të Kosovës, kurse pasojat po i bartin qytetarët tanë atje”, thuhet në reagim.

AAK konsideron se ky kryeministër, qeveria dhe strukturat e tij janë përgjegjësit direkt për situatën e krijuar në vend, sidomos për atë në veri.

“Pikërisht kjo qeveri ka lejuar që veriu i Kosovës të jetë aneks pa pushtet, pa ligj e pa kushtetutë, të bëhet oazë e krimit të organizuar dhe e kontrabandës dhe vend-defilim i lirë për kriminelët nga Serbia. Po kjo qeveri, aty ku dështoi në shtrirjen e Kushtetutës, pati sukses në shtrirjen e bizneseve të paligjshme”.

Andaj, “nisur nga tërë këto të vërteta, AAK konsideron se shpifjet e Adem Grabovcit janë në vazhdën e spekulimeve dhe keqpërdorimeve që partia në pushtet po ia bën pa ndalë Kosovës dhe opinionit të saj publik”, thuhet në reagim.

Telegrafi

Serbia dhe Rusia dhe gjithe ortodokset ne ballkane ,asnjhere nuk kane te ndalur duke punuare se si edhe nj here ata ta merrin Kosoven ne duarte e veta . A e dine kete keto politikane shqipefolesa ,qe me se shumti ju intereson amerika dhe djemte e amerikes ta ruajne Kosoven, atedheun e shqipetareve ,kurse politikanet shqipetaret vetem ta vjedhin shtetin pasurine e femijeve te tyre . Ne Kosove duhet te punohet nate e dite qe Kosova te mbrohet nga serbia ,bile bile ne raste e e don situata Kosova duhet te prodhoje raketa atomike qe ti kete ne dispozicion simbas nevojes .

Shqipetaret ne pergjithesi jane jo punetore dhe frigacak .Atedheu ata e shfrytezojne sa jane gjalle vete, dhe nuk ju ha palla se do te leme edhe gjenerata te tjera mbas tyre.

Shkau punon nate e dite qe Kosova mos te ekzistoje e shqipetareve ,kurse keta sahanelepires politikane shqipetare ,jane vetem hajduta si ta vjedshin atedheun e femijeve te vete .

[prishtina2010]

nuk ka mundesi tanim qe te behet ky kualicion eshte i vonuar,,po ne zgjedhjet e ardheshme ka mundesi

[Llapi]

Koalicioni PDK-AAK, në shtator

Publikuar: 18.07.2012 - 09:00

Prishtinë, 18 korrik- Koalicioni qeverisës PDK-KKR ka filluar numërimin së prapthi. Në dhjetëditëshin e parë të shtatorit planifikohet të krijohet koalicioni i ri me partitë që kanë dalë nga Ushtria Çlirimtare e Kosovës, PDK-ja dhe AAK-ja. Burime vendëse e ndërkombëtare kanë shpjeguar për gazetën se këto ditë pritet që të fillojnë takimet intensive për vendosjen në pushtet të këtij koalicioni. Zyrtarët vendës që kanë folur në kushte anonimiteti i kanë thënë “Kohës Ditore” se koalicioni i ri po kërkohet nga ndërkombëtarët, ndonëse një version tjetër kanë dhënë zyrtarë të lartë ndërkombëtarë të akredituar në Kosovë.

Këta të fundit kanë thënë se është pikërisht kryeministri Hashim Thaçi, ai që nuk po tregon gatishmëri t’i hyjë dialogut për veriun, duke e pasur aleat në qeveri vetëm Behgjet Pacollin. Ndryshe nga herët e tjera kur ishte i interesuar ta ketë Isa Mustafën e LDK-së në krah, sipas burimeve, Thaçi tash po mjaftohet vetëm me AAK-në e Ramush Haradinajt.

Gjerësisht lexoni sot në “Koha Ditore”

[Llapi]

Koalicioni PDK-AAK, në shtator


9:24 / 18.07.2012

Koalicioni qeverisës PDK-AKR ka filluar numërimin së prapthi. Në dhjetëditëshin e parë të shtatorit planifikohet të krijohet koalicioni i ri me partitë që kanë dalë nga Ushtria Çlirimtare e Kosovës, PDK-ja dhe AAK-ja.

Burime vendëse e ndërkombëtare kanë shpjeguar për gazetën “Koha Ditore”, se këto ditë pritet që të fillojnë takimet intensive për vendosjen në pushtet të këtij koalicioni.

Zyrtarët vendës që kanë folur në kushte anonimiteti i kanë thënë “Kohës Ditore” se koalicioni i ri po kërkohet nga ndërkombëtarët, ndonëse një version tjetër kanë dhënë zyrtarë të lartë ndërkombëtarë të akredituar në Kosovë.

Këta të fundit kanë thënë se është pikërisht kryeministri Hashim Thaçi, ai që nuk po tregon gatishmëri t’i hyjë dialogut për veriun, duke e pasur aleat në qeveri vetëm Behgjet Pacollin.

Ndryshe nga herët e tjera kur ishte i interesuar ta ketë Isa Mustafën e LDK-së në krah, sipas burimeve, Thaçi tash po mjaftohet vetëm me AAK-në e Ramush Haradinajt. /Telegrafi/

[Antiproanti]

Koalicioni PDK-AAK, në shtator

Nese behet, do te ishte koalicion i tradhetise kombetare...

Pervec tradhetise kombetare ne bashkepunim me "miqte nderkombetar", nuk do te kishte asnje arsye te vetme per nje koalicion te tille.

Sipas marreveshjes PDK-LDK-AKR edhe koalicionit aktual i perfundon mandati me se largu vitin e ardhshem. Prandaj, eshte absolutisht e qarte se nuk ka arsye per nje koalicion te tille (te ri) per vetem disa muaj, sidomos per AAK-ne, pervec tradhetise ne veri te Kosoves dhe ndaj shqipetareve te Lugines se Presheves etj.

Nej koalicion i tille do te ishte gabim historik i AAK-se dhe fillimi i fundit te kesaj partie. Njekohesisht edhe humbje absolutisht e pareparueshme e kredibilitetit te R. Haradinaj...

[Antiproanti]

Opsionet e Thaçit e të Haradinajt

Sa ka gjasa që në vjeshtë ta shohim Thaçin si president dhe Haradinajn si kryeministër? Cilët mund të jenë skenarët e tjerë? Dhe: Pse?


MBASE MË PARË se gjithçka tjetër, një koalicion i ri qeverisës pritet të krijohet në vjeshtë për shkak të rrezikimit të votave në Kuvend të koalicionit të tashëm jo vetëm për tema të mëdha që priten të hidhen në tryeza, siç është ajo për Veriun, por edhe nga ato më të thjeshtat. Brishtësia e tashme e koalicionit PDK-KKR-komunitetet u kristalizua qartë edhe për ata që deri më tash kanë pasur ndonjë dyshim ne seancën e fundit pranverore të Kuvendit.

Përjashtimi nga AKR-ja, eventualisht koalicioni qeveritar i Emin Gërbeshit, kritikat më të fuqishme të Limajt nga foltorja e Kuvendit për qeverinë e “Thaçi 2”, pastaj klanet e ndryshme brenda vetë deputetëve të PDK-së (veteranët/themeluesit, të rinjtë besnikë të Thaçit, ish-të burgosurit politikë, SHIK-u...) flasin pa ekuivoke se kjo qeveri gjithnjë e më tepër do ta ketë të vështirë që për çfarëdo nisme qoftë të sigurojë shumicën.

Dihet mirëfilli se kur numrat janë në tetik, ashtu siç mendohet t’i ketë tash kjo qeveri në Kuvend, atëherë edhe vendimmarrja ndërlikohet aq shumë sa që mund të shkojë në kufij të bllokadës qeveritare.

Në qoftë se “votat e sigurta” të Qeverisë sillen prej 59 deri në 63, atëherë çdo deputet do ta ndiejë veten mjaftueshëm të fuqishëm për ta shantazhuar kryeministrin Thaçi për çfarëdo teke të interesit personal. Plus, që secili deputet i koalicionit të tashëm është koshient se partitë qeveritare nuk e kanë më luksin të përjashtojnë ndonjërin nga grupet parlamentare gjë që imponon negociata të mundimshme për gjithçka me “deputetët e fuqizuar”.

Një situatë të këtillë nuk do të mund të shihet si e pranueshme për Thaçin, por as për shtetet që do të kërkojnë hapa të vendosur të qeverisë për të avancuar në dialog me Serbinë dhe procesin e liberalizimit të vizave.

Teksa nga të gjitha palët, hiq “Vetëvendosjen”, zgjedhjet e parakohshme shihen si të padëshirueshme tash për tash, më reali duket opsioni i zgjerimit të koalicionit edhe me një subjekt politik.


Këtu hyn në skenë AAK-ja.

E ME DHE RRETH AAK-së thuaja gjithçka varet nga verdikti që do të japë Tribunali i Hagës për Ramush Haradinajn. Mirëpo, cilido që të jetë ky verdikt, rrethanat nxjerrin një skenar si më të mundshmin – atë të hyrjes në qeveri.

Në qoftë se Haradinaj do të lirohej si i pafajshëm, atëherë do të lehtësohej hyrja e AAK-së në qeveri, por me një çmim shumë të madh – postin e kryeministrit. Ky ka qenë përherë opsioni i dakorduar i pjesës më të madhe të kësaj partie: koalicion me këdo, por me Haradinajn si kryeministër.

Thaçi edhe do të mund ta pranonte tash këtë kusht, me synimin që të siguronte për vete postin e presidentit. Në këtë opsion do të pritej të nevrikoste partnerin e tashëm, Behgjet Pacolli, i cili sigurisht se s’do të kishte gjasa më të realizonte ambicien e të qenit president, përballë një Thaçi të nominuar bashkë nga PDK e AAK. Mirëpo, pavarësisht se a do të vazhdonte Pacolli të ishte zv.kryeministër ose jo personalisht, kjo nuk do të nënkuptonte domosdoshmërisht edhe daljen e koalicionit partiak KKR nga qeveria.

Po ashtu, partnerët e koalicionit të ri qeverisës do të mund të siguronin edhe dy të tretat e votave dhe ndonjë “shkelje të rëndë” të zonjës Jahjaga rrugës, që ta shkarkonin atë sipas procedurave të parapara në Kushtetutë.

Paralelisht, një Haradinaj i lirë dhe me plot energji të akumuluar gjatë abstencës - me ndjenjën e njeriut i cili vlerëson se i është privuar padrejtësisht një e drejtë për t’u dëshmuar lider - do të nënkuptonte një kërcënim të ri të pamatshëm për Thaçin. AAK-ja me Haradinajn e lirë, lehtë mund të shihej si alternativë dhe freski politike për zgjedhje të ardhshme, kur do të mund të merrte edhe nga 2-3 për qind të votuesve të zhgënjyer nga të gjitha partitë e tjera. E në qoftë se nuk do të lidhte koalicion me PDK-në, atëherë natyrshëm do të mund të lidhte me konkurrentët e të parëve – LDK-në.


Kështu Thaçi do të ndodhej para dilemës: më mirë President tash, apo opozitë nesër?!



NË ANËN TJETËR, në qoftë se në ndonjë mënyrë, Haradinaj do ta shpallej fajtor nga Tribunali dhe kështu do t’i pamundësohej marrja e drejtpërdrejtë me politikë, atëherë kjo situatë do të ishte mbase edhe më imponuese për AAK-në që të hyjë në koalicion qeveritar.

Pa Haradinajn, partia e cila i ka vuajtur gjithë këto vjet krize e mosshfrytëzimi të kapaciteteve të plota, do ta kishte të vështirë të ruante unitetin e brendshëm dhe të rritej në zgjedhje. Kjo tashmë është dëshmuar edhe me rënien e rezultatit zgjedhor në zgjedhjet e fundit, krahasuar me ato lokale më herët, si dhe me ikjen e disa anëtarëve si dhe një nënkryetari, siç ishte rasti i Naim Malokut.

Pa Haradinajn si kryetar i plotfuqishëm i partisë, çdo opsion tjetër do të ishte më i pafavorshëm se të përmendurit më lartë. Një AAK me anëtarësi dhe elektorat të dëshpëruar do ta kishte të vështirë të parandalonte rënien në zgjedhje dhe do të kishte para vetes një mundësi ndoshta të vetme për të ardhur në qeverisje, siç do të ishte një koalicion parazgjedhor me LDK-në, ose me LDK-në dhe “Vetëvendosjen” bashkë.

SIDOQOFTË, ËSHTË E sigurt se nxehtësia klimatike e këtyre muajve të verës do të vazhdojë me nxehtësi politike në vjeshtë. Dhe shumë nga akterët politikë të këtyre vjetëve të pasluftës do të detyrohen të marrin vendime të rënda, ndër më të rënëtat, por të domosdoshme, për të ardhmen e tyre politike.

Na mbetet të shpresojmë se do të mendojnë me të njëjtën rëndësi edhe për të ardhmen e vendit.

http://www.koha.net/?page=1,9,108164

[Llapi]

Nese behet, do te ishte koalicion i tradhetise kombetare...

Pervec tradhetise kombetare ne bashkepunim me "miqte nderkombetar", nuk do te kishte asnje arsye te vetme per nje koalicion te tille.

Sipas marreveshjes PDK-LDK-AKR edhe koalicionit aktual i perfundon mandati me se largu vitin e ardhshem. Prandaj, eshte absolutisht e qarte se nuk ka arsye per nje koalicion te tille (te ri) per vetem disa muaj, sidomos per AAK-ne, pervec tradhetise ne veri te Kosoves dhe ndaj shqipetareve te Lugines se Presheves etj.

Nej koalicion i tille do te ishte gabim historik i AAK-se dhe fillimi i fundit te kesaj partie. Njekohesisht edhe humbje absolutisht e pareparueshme e kredibilitetit te R. Haradinaj...

HAHAHAHA se han kush ket qorb te serbis qe kahere i ka dal afati