Leximi

[sirena_adria]

Këshilla e Umberto Ecos mbi rëndësinë e leximit të librave

Leximi të zgjat jetën. Ky është mësimi më i madh që na ka lënë Umberto Eco në një rubrikë që nisi në faqen e fundit të “L’Espresso“ në marsin e vitit 1985, dhe vazhdoi çdo javë deri në marsin e vitit 1998.

Ajo u quajt “Zarfi i Minervës”, dhe reflektimet që ka bërë intelektuali i famshëm janë përmbledhur në një libër me të njëjtin emër të botuar në vitin 2002.


Ja cilat janë fjalët e Umberto Eco-s mbi fuqinë e leximit:

Është e vërtetë që kur nuk ndodh asgjë, ne themi që koha nuk kalon kurrë. Kur kemi kaluar orë apo ditë emocionuese themi se koha ka ikur sa hap e mbyll sytë. Por kjo na ndodh vetëm kur jemi të mërzitur apo emocionuar. Ndërkohë, përpiquni tani të mendoni për një ditë ose javë të mërzitshme që keni pasur disa kohë më parë.

Ju do të mbani mend shumë pak prej tyre, dhe ato orë apo ditë që janë të gjitha të njëjta do të krijojnë një hapësirë shumë të shkurtër në kujtesën tuaj. Ka njerëz që pasi kanë arritur në fundin e jetës së tyre, pasi kanë bërë çdo ditë të njëjtat gjëra, kthejnë kokën pas dhe as që u duket sikur kanë qenë edhe ata në këtë botë.

Gjithë jeta u iku tepër shpejt. Ndërkohë mendoni për një dite apo një jave në të cilën ju kanë ndodhur shumë gjëra emocionuese, njëra pas tjetrës, (qofshin gëzime, gjëra të bezdisshme, apo dhimbje): do të mbani mend orë apo diitë të plota, do të keni përshtypjen se keni jetuar shumë.

Unë besoj se kjo është një nga arsyet se përse njerëzit i janë përkushtuar gjithmonë rindërtimit të së kaluarës, si përmes tregimeve gojore të më të moshuarve që na rrëfenin histori rreth vatrës së zjarrit, po ashtu edhe përmes historive të shkruara në libra.

Dikush që së bashku me kujtimet e tij personale, ka edhe kujtimin e asaj dite kur u vra Jul Cezari, ose të betejës së Vaterlosë, kujton më shumë gjëra sesa dikush që nuk di asgjë mbi atë që u ka ndodhur të tjerëve. Ndër kujtimet e mia, unë kam disa tejet emocionale, për gjëra që nuk më kanë ndodhur mua, por babait, nënës ose gjyshes, që m’i kanë treguar (madje shumë herë) ndaj ato janë bërë pjesë e kujtesës time personale.

Duke kujtuar më shumë, mua më duket sikur kam jetuar më gjatë. Mendoj se kjo është një arsye e mirë për të lexuar libra, pavarësisht nga arsyet e tjera, estetike apo edukative, që thuhen zakonisht. Natyrisht, nëse dikush lexon i detyruar (siç ndodh ndonjëherë në shkollë), përvoja është e mërzitshme, dhe për rrjedhojë ajo nuk lë gjurmë në kujtesën e tij.

Por është ndryshe nëse lexon për pasion. Botuesi i madh Valentino Bompiani tha dikur: një njeri që lexon vlen sa për dy. Kjo thënie ka kuptimin që lexuesi është më i kulturuar, di më shumë gjëra se të tjerët, dhe mund të jetë më i suksesshëm në jetë.

Por ne e dimë shumë mirë që ndonjëherë kanë sukses edhe njerëz pa shumë vlera dhe që nuk kanë lexuar asgjë. Jo, nuk duhet lexuar për të pasur sukses, por për të jetuar më gjatë. Gjatë fëmijërisë time më kanë ndodhur shumë gjëra, ashtu si gjithë të tjerëve.

Madje edhe kujtimi i shumë netëve të kaluara në vendstrehime gjatë luftës, ndërsa atje lart dëgjoheshin shpërthime, ne luanim me djemtë e tjerë, janë një pjesë emocionuese e së shkuarës sime. E megjithatë kam ndjesinë se kam pasur një fëmijëri shumë të gjatë dhe të plotë, pikërisht sepse është plot me kujtime që kam vjedhur nga të tjerët.

I kam vjedhur nga Sandokan dhe Yanez teksa ata lundronin në detet e Malajzisë me anijen e tyre, nga d’Artagnan që zhvilloi duelin me baronin de Winter, nga Njeriu me Maskë që ndoqi pa asnjë shpresë Diana Palmer, madje edhe me Renzo dhe Lucia që arratisen në liqenin e Komos.

Megjithatë, mos u shantazhoni nga ata që ju thonë se duhet të lexoni vetëm libra të rëndësishëm. Unë kam kujtime të forta dhe të bukura nga librat ndoshta të pakuptimtë, por që më kanë dhënë pasdite të gjata shumë emocionuese.

Unë i jam shumë mirënjohës të gjithë atyre që duke shkruar për mua, më kanë dhënë një jetë kaq të gjatë, saqë nuk mund t’i kujtoj të gjitha përnjëherë. Për këtë shpresoj të jetoj gjatë për të kujtuar gjithçka që më thanë. Ndoshta kur je shumë i ri nuk mendon se ia vlen të jetosh shumë, por ju siguroj që edhe pas të 30-ave apo 40-ave, të jetuarit më shumë nuk është diçka që duhet neglizhuar.

Prandaj leximi tani është garanci e mirë, nuk e them për pleqërinë, por për një moshë të pjekur e cila nuk do të vonojë të vijë. Përveç argëtimit të tanishëm. Nëse çdo transmetim televiziv është i njëjtë me atë të javës së kaluar, çdo libër, edhe më idioti, është i ndryshëm nga një tjetër”.

Kush ishte Umberto Eco?

I lindur në Alessandria në vitin 1932, Umberto Eco ndoqi Liceun Klasik dhe më pas Universitetin e Torinos, ku u diplomua për filozofinë mesjetare në moshën 22 vjeçare me një tezë mbi estetikën e Shën Thoma Akuinit. Deri në vitin 1959 punoi në programet kulturore të RAI dhe në shtëpinë botuese Bompiani.

Nga viti 1971 u bë profesor i Semiotikës në Universitetin e Bolonjës. Ka bashkëpunuar me gazeta dhe revista italiane dhe të huaja. Në Itali ishte ndër të parët që studioi mekanizmat e artit bashkëkohor dhe kulturës masive. Në vitin 1980 botoi kryeveprën e tij, romanin “Emri i trëndafilit”, ndërsa në vitin 1999 mori çmimin e Akademisë Amerikane të Arteve dhe Letrave. Vdiq në vitin 2016. Gjatë jetës së tij, mori 40 grada nderi për kërkimet dhe studimet e tij.


/KultPlus.com

https://www.kultplus.com/lajme/keshi...in-te-librave/

[sirena_adria]

Terapia E Të Lexuarit – Përse Librat Ju Bëjnë Mirë Për Shëndetin

Të dhënat e INSTAT për vitin 2019 tregojnë se 1 milionë Shqiptarë nuk lexuan asnjë libër në këtë periudhë një vjeçare.

Por të lexosh të bën mirë për shëndetin e këtë e pohojnë edhe ekspertët.

Megjithëse koncepti për leximin vitet e fundit është zgjeruar në forma të ndryshme duket se njerëzit kanë hequr dorë nga ky proces shumë me vlerë për mendjen.

Sipas një studimi të kohëve të fundit nga Jennkins Group të cilit i referohet AgroWeb, rreth 30% e të diplomuarve nuk lexojnë më pas mbarimit të studimeve të larta.

Ekspertët e konsiderojnë si të dëmshme braktisjen e të lexuarit jo vetëm për zhvillimin intelektual të shoqërisë, por edhe si një humbje që përkeqëson shëndetin.


Çfarë është terapia e leximit?

Rregulli i parë që duhet të ndiqni sipas ekspertëve është të mos e detyroni veten të lexoni materiale të cilat nuk ju pëlqejnë.

Zgjidhni libra të cilët ju stimulojnë dhe zgjojnë kuriozitetin pavarsisht zhanrit të tyre.

Ky proces nuk duhet të jetë patjetër në formën e një leksioni, por meditimi dhe qetësie.

Leximi i një libri që ju tërheq shton ndjenjat pozitive brenda jush, ju bën më të dashur me personat përreth.

Po ashtu do të ndiheni më të aftë për të kuptuar emocionet e të tjerëve, por edhe tuajat të cilat shpesh pasqyrohen në personazhe të ndryshëm librash.

Ndihmoni trurin

Leximi është një gjimnastikë e vazhdueshme për mendjen dhe ju ndihmon të mbani trurin të freskët e të ri.

Sipas National Endowment for the Arts në SHBA, personat që lexojnë janë zakonisht më të shkolluar dhe kanë një nivel më të lartë përfshirje në komunitet.

Nga ana tjetër leximi ka dhe përfitime tërësisht personale për ju.

Përveçse redukton stresin, ankthin, ju ndihmon të kuptoni më mirë botën rreth jush, ndihmon edhe me përqëdrimin.

Ky aktivitet stimulon zona të ndryshme celebrale të cilat punojnë bashkë për dekodifikimin e informacionit të përditshëm.

Reduktoni stresin

Leximi përmirëson përqëndrimin dhe ju ndihmon të ndërtoni një dialog të brendëshëm me veten.

Në një botë ku vendimet ndikohen nga moria e informacionit të shpejtë në rrjete sociale e kudo përreth është e rëndëishme që të keni mendime të qarta.

Kështu që zgjidhni një libër që ju pëlqen dhe lexoni çdo ditë të paktën 15 minuta.

Me kalimin e ditës do të vini re se koha që do të kaloni me librin do të kthehet në një takim me veten tuaj dhe zërin tuaj të brendëshëm.

Kjo teknikë do ju ndihmojë të largoni stresin dhe problemet e ditës më lehtë.

Zgjoni fantazinë

Kush mbledh libra mblesh edhe dëshira, kështu që kur lexoni asgjë nuk është e pamundur.

Udhëtimet në të shkuarën, në të ardhmën, zbulimi i botëve të tjera, mendimeve sekrete, miqve të vërtetë ose imagjinarë të gjitha këto mund t’i mledhë vetëm një libër.

Sipas ekspertëve leximi i një romani që ju pëlqen ka të njejtin efekt për truin si një veprim që ju përmirëson jetën reale.

Në një jetë me ritme të shpejta imagjinata dhe koha që do të kaloni me veten janë nga terapitë më të mira pë rtë larguar e zgjidhur çdo problem të përditshëm.


/ AgroWeb.org

https://agroweb.org/shendet/terapia-...per-shendetin/

[sirena_adria]

10 librat më të mirë artistikë të vitit 2022

Janë përzgjedhur dhjetë librat më të mirë artistikë të vitit 2022 sipas revistës Time.

Në linkun në vijim do të gjeni kryeveprat botërore që kanë lënë shenjë në historinë e letërsisë botërore:


https://www.dukagjini.com/10-librat-...te-vitit-2022/

[sirena_adria]

Pse leximi i librave artistikë mund të të bëjë një njeri më të mirë

Nga Jeannie Kidera


Në 1862, Abraham Lincoln u takua me Harriet Beecher Stowe, autorin e librin “Kabina e Xha Tomit”, një roman që përshkruan tmerret e skllavërisë. Ai supozohet se e përshëndeti me fjalët: “Pra, ti qënke gruaja trupvogël që shkroi librin që e nisi këtë luftë të madhe”, një njohje e rolit të romanit që motivoi akoma më shumë lëvizjen për shfuqizimin e skllavërisë dhe që ndihmoi në nisjen e Luftës Civile.

Romane si “Kabina e Xha Tomit” janë vlerësuar prej kohësh si fillimi i ndryshimeve shoqërore në shkallë të gjerë. Por një meritë e tillë sugjeron se leximi i librave artistikë mund t’i ndryshojë njerëzit në një nivel individual. Dhe një rrugë e mundshme për këtë ndryshim është aftësia për të kultivuar ndjeshmërinë tek lexuesit.

Kapaciteti për ndjeshmëri – pra për të identifikuar fillimisht dhe më pas kuptuar dhe ndarë ndjenjat e dikujt tjetër – cilësohet sot si një virtyt. Megjithatë nga pikëpamja filozofike, ekziston një problem i njohurive që e bën të vështirë qenit natyrshëm empatikë.

Pse? Siç tha poeti Xhon Kits “Asgjë nuk bëhet e vërtetë derisa të përjetohet”. Po si mundet këndvështrimi dhe emocionet e dikujt tjetër të bëhen mjaftueshëm reale që ne të zhvillojmë ndjeshmëri? Një përgjigje mund të na e japë leximi i librave artistikë. Studimet sugjerojnë se libra të tillë mund të jenë mjete efektive për ndërtimin e empatisë tek vetja, duke na ofruar njohuri të dorës së parë të përvojës së dikujt tjetër.


Leximi i librave artistikë ju ka vendosur në vendin e dikujt

Studimet, veçanërisht puna e Natali M.Filips, tregojnë se kur lexoni libra artistikë, aktivizohet jo vetëm lobi temporal (qendra e përpunimit të gjuhës së trurit), por rritet gjithashtu fluksi i gjakut në tru. Ai përshpejton korteksin motorik (pjesa e përfshirë në lëvizjen fizike) dhe zonat e trurit të lidhura me përvojat shqisore (si ajo e nuhatjes).

Pra leximi i librave artistikë ju ndriçon trurin në mënyra që imitojnë aktivitetet nervore të përvojës për të cilën po lexoni. Për shembull, nëse po lexoni një pasazh të shkruar mirë mbi një personazh letrar që ecën nëpër shkretëtirë, truri juaj reagon sikur jeni ju vetë duke shëtitur atje.

Po ashtu, nëse po lexoni një fragment për një personazh që pi limonadë, aktivizohet pjesa e trurit tuaj kur shijoni diçka të thartë. Madje mund të nisni ta lëngëzoni. Kur lexoni libra artistikë, mund të përjetoni në një farë mase përvojat e të tjerëve, duke ju afruar neurologjikisht një hap më afër një kuptimi të nevojshëm për ndjeshmërinë ndaj tjetrit.

Leximi i librave të tillë ju bën ndihmues ndaj të tjerëve

Leximi i librave artistikë mund të nxjerrë në pah anën tuaj më të mirë. Një pjesë e vogël e studimeve, kanë zbuluar se pjesëmarrësit që raportuan se ishin “transportuar” dikur tjetër me imagjinatë nga një histori e trilluar, treguan jo vetëm një ndjeshmëri të shtuar, por edhe sjellje të dobishme.

Për shembull, një studim zbuloi se njerëzit që tërhiqeshin nga një përrallë kishin më shumë gjasa të merrnin stilolapsa që një studiuesi i kishte lënë “rastësisht”. Një studim tjetër zbuloi se ata kishin më shumë gjasa të kërkonin informacion shtesë rreth një akti bamirësie. Krahasimisht, pjesëmarrësve që iu dha të lexonin letërsi jo artistike, por raportuan se nuk ishin shumë të angazhuar – demonstruan më pak sjellje të tilla.

Por a nuk mund të nënkuptojë kjo se njerëzit e dobishëm pëlqejnë të lexojnë libra triller?

Për të përjashtuar këtë mundësi, një studim tjetër shqyrtoi ekspozimin gjatë gjithë jetës ndaj trillimeve kundrejt përvojës së menjëhershme të transportimit nga një histori.

Ai zbuloi se përvoja e menjëhershme kishte një lidhje pozitive me “ndjeshmërinë afektive” – ??domethënë aftësinë për të ndarë ndjenjat dhe emocionet e tjetrit. Ai gjithashtu përforcoi gjetjet se ndjeshmëria afektive parashikon në mënyrë specifike sjelljen ndihmëse të menjëhershme.

Megjithatë, ndërsa ekspozimi gjatë gjithë jetës ndaj trillimeve lidhej pozitivisht me ndjeshmërinë njohëse – aftësinë për të kuptuar botën nga këndvështrimi i një personi tjetër dhe për të nxjerrë përfundimet e besimeve dhe qëllimeve të tyre – nuk ishte domosdoshmërisht e lidhur me sjelljen e dobishme.

Me fjalë të tjera, leximi i librave triller duket se përputhet me tendencat ndihmëse në këtë moment. Kur lexoni libra të kësaj gjinie, ju mund të përjetoni në një farë mase përvojat e të tjerëve, duke ju afruar neurologjikisht një hap më afër një kuptimi të nevojshëm mbi empatinë.

Mësoni të lexoni ambientin përreth

Për të kultivuar realisht ndjeshmërinë, duhet të jeni më të vetëdijshëm për ambientin përreth dhe të lidheni me ata që ju rrethojnë. Dhe leximi i librave triller shoqërohet pikërisht me një aftësi të tillë. Një studim krahasoi rezultatet e lexuesve në vlerësimin klasik “Leximi i mendjes në sy” (MIE).

Ky test vlerëson aftësinë e dikujt për të përcaktuar emocionet e dikujt tjetër bazuar vetëm nga shprehja e fytyrës. Ai konsiderohet gjithashtu si një matje e teorisë së mendjes së një personi, pra i aftësisë për të vlerësuar gjendjen mendore, qëllimet dhe besimet e të tjerëve.

Rezultatet treguan se lexuesit e letërsisë artistike shënuan rezultate më të larta se të tjerët. Studiuesit supozuan se leximi i librave artistikë ju lejon të praktikoni marrjen e perspektivës së dikujt tjetër dhe e përmirëson ndërgjegjësimin tuaj shoqëror. Madje edhe jashtë testit MIE, studimet sugjerojnë se leximi i librave artistikë e përmirëson teorinë e mendjes dhe inteligjencën emocionale.

Përkthimi i këtyre studimeve sugjeron se leximi i librave triller mund t’i ndihmojë njerëzit të bëhen më të vëmendshëm, të dhembshur dhe më të përgjegjshëm emocionalisht. Për shembull, ata do ta kenë më të lehtë të vënë re kur një mik apo njeri i afërm është i mërzitur, duke i dhënë mundësinë të veprojnë në përputhje me rrethanat në vend se ta përkeqësojnë situatën.

Morali i historisë

Mësimi fillestar është i thjeshtë: Nëse doni të krijoni ndjeshmëri në jetën dhe marrëdhëniet tuaja, provoni të lexoni më shumë dhe më shpesh libra triller, veçanërisht ato rreth njerëzve, përvojat e të cilëve janë të ndryshme nga tuajat. Ndërsa ju nuk mund të ndani drejtpërdrejt përvojën e dikujt tjetër, ju keni mundësi siç tha dikur shkrimtari post-modern Samuel Beckett, “të dështoni më mirë”, në qëllimin e të kuptuarit të përvojave të tyre.

Sepse krijimi i një zakoni të tillë mund të rrisë ndjeshmërinë dhe inteligjencën tuaj emocionale. Dhe kjo është një mënyrë pa dhimbje – madje edhe e këndshme – për t’u bërë më pak si Voldemorts dhe Killmongers të botës dhe më shumë si Harry Potters dhe Black Panthers.

Publikuar fillimisht te Bota.al


Tiranapost.al

https://tiranapost.al/stil-jete/pse-...e-mire-i523054

[sirena_adria]

Leximi është i mirë për shëndetin tuaj sidomos para gjumit, e dini pse?

Nuk do duhej të ishe befasi për ju fakti se leximi është i mirë për shëndetin tuaj, por a e dini pse? Siç duket, ekzistojnë një grumbull i dobive nëse lexoni para se të shkoni në shtrat për të fjetur.

Nëse tashmë jeni duke e bërë këtë, jeni me fat. Nëse jo, atëherë ju rekomandojmë të filloni ta bëni këtë.

Do të flini më mirë

Leximi ju ndihmon për ta sjellur gjumin duke ua vendosur mendjen diku tjetër dhe në këtë mënyrë duke ua larguar fakusin nga problemet e jetës së përditshme. Është njësoj sikurse leximi i përrallave për fëmijët që shtrihen për të fjetur, shumicën e të cilëve gjumi i pushton në pjesën e fundit të tregimit! Por kjo nuk do të ishte shumë e pëlqyeshme nëse jeni në pjesën më të mirë të librit, sepse do i’u duhej të luftoni kundër gjumit për shkak të dëshirës për ta përfunduar atë kapitull.

Ju ndihmon ta reduktoni stresin

Një grup i studiuesve në Universitetin e Surrey ka gjetur se leximi para gjumit mund ta reduktoj stresin deri në 68%. Kjo është një peshë mjaftë e rëndë që do të largohet nga supet tuaja përmes zhytjes nëpër faqet e një libri!

Ju do të bëheni më paqësor

Mbajtja e televizionit ndezur përgjatë kohës sa jeni duke tentuar të flini, mund të ju mbajë zgjuar për një kohë edhe më të gjatë. Leximi është një mënyrë e mrekullueshme për ta rehatuar veten qetësisht për një natë me gjumë të mirë. Është shumë më i mirë për shëndetin tuaj të përgjithshëm.

Do të koncentroheni më mirë

Përderisa gjurmoni nëpër rrjetet sociale përpara gjumit, ju jeni duke bluar në mëndje shumë gjëra në të njejtën kohë, duke e bërë të vështirë të fokusoheni në diçka më specifike. Duke mos pasur pamje vizuale, gjatë leximit të librit ju jeni të detyruar të fokusoheni vetëm në një ngjarje. Në këtë mënyrë ju e trajnonin trurin tuaj të koncentrohet.

Do të bëheni më kreativ

Për shkak se leximi për trurin është sikur stërvitjet fizike për trupin, sa më shumë që lexoni ju do të filloni ti shihni gjërat në një mënyrë tjetër nga ajo e mëparshmja. Kjo gjithashtu ju dërgon në gjetjen e shtigjeve të reja për zgjidhjen e problemeve tuaja.


Gazeta Express

https://www.gazetaexpress.com/leximi...it-e-dini-pse/

[sirena_adria]

Këshillat e një mësuesi të moshuar: Ja se si t’i bëni fëmijët t’i duan librat…

Një mësues i moshuar në një shkollë fillore ndan strategjitë e tij më të mira për t’i bërë fëmijët e vegjël t’i duan librat.
Këto strategji janë më tepër këshilla që çdo prind duhet t’i marrë parasysh, nëse kërkon të rrisë fëmijë të edukuar e të kulturuar. Ndaj, lexojini me vëmendje këshillat e mëposhtme dhe vendosini në zbatim me fëmijën tuaj:

Lexoji fëmijëve që në moshë të vogël. Nëse do që fëmijët e tu t’i duan librat, bën mirë t’i familjarizosh ata sa më herët me librat. Ndërto një rutinë të caktuar me fëmijët duke i caktuar leximit të librave një kohë të caktuar, psh çdo mbrëmje pas ngrënies së vaktit të darkës, apo çdo mbrëmje përpara se ata të flenë gjumë. Sigurohu që kjo rutinë të ndiqet përditë.

Mbaji fëmijët të interesuar për librin që po lexojnë, duke i pyetur mbi pjesën që kanë lexuar, apo mbi përmbajtjen e librit që kanë mbyllur së lexuari. Përveçse i ndihmon të mos e humbasin interesin për librin, ky hap i ndihmon ata të rrisin edhe koeficientin e tyre të inteligjencës, pasi kërkohet një aftësi më e lartë e të menduarit për të organizuar mendimet, rrjedhjen kronologjike të ngjarjeve dhe të shprehurin në mënyrë sa më të saktë e të bukur.

Siguroji fëmijëve një mjedis pa mundësi shpërqendrimi ku të lexojnë. Mënyra më e mirë do të ishte një dhomë në shtëpi, në të cilën nuk do të kishte celularë, tv, apo kompjuter. Mirë do të ishte që familjarisht të siguronit edhe një orar të caktuar në javë, në të cilën të gjithë të uleshit në tavolinë dhe të lexonit diçka. Kjo metodë i nxit akoma më tepër fëmijët tuaj t’i përkushtohen leximit.

Shpërbleje fëmijën tënd për librat që lexon. Bliji atyre diçka që e pëlqejnë, si dhe vlerësoji me fjalë sa më të mira që ata të ndihen më mirë dhe të motivohen për të lexuar më tepër. Nuk është e thënë që fëmija duhet të lexojë romane të trashë për t’u lavdëruar. Edhe një novelë me disa faqe duhet të jetë një arsye për t’i vlerësuar ata.

Bëhu edhe ti një shembull që fëmija yt të të shohë duke lexuar dhe të nxitet edhe vetë të lexojë. Mënyra më e mirë për t’i shtyrë fëmijët të lexojnë, është duke u bërë një shembull për ta me një aktivitet të tillë. Fëmijët janë më të prirur të shohin prindërit dhe të imitojnë sjelljet e tyre, ndaj mënyra më e mirë për ta bërë fëmijën të lexojë, është duke u siguruar që ata të shohin duke lexuar.


/ Bota.al

https://bota.al/keshillat-e-nje-mesu...i-duan-librat/

[sirena_adria]

Vendet që lexojnë më shumë libra në botë!

Sipas të dhënave të Indeksit “World Culture Score” me bazë në Mbretërinë e Bashkuar, janë përcaktuar vendet që lexojnë më shumë libra në botë.

Ndër 10 vendet që lexojnë më shumë libra në botë, 6 janë nga Azia dhe 4 janë nga Evropa. Turqia është ndër vendet që lexojnë më shumë libra.

Në vitin 1995, UNECSO shpalli 23 Prillin “Ditën Botërore të Librit dhe të Drejtës së Autorit”. Data e vdekjes së dy shkrimtarëve të rëndësishëm, si Miguel de Cervantes dhe William Shakespeare, ishte efektive në zgjedhjet e 23 prillit. Kështu u përcaktua Dita e Librit të Ëndrrave.

Dita Botërore e Librit synohet prej 28 vitesh në më shumë se 100 vende për të fituar zakonin e leximit dhe njohjen e fëmijëve me librat.

UNESCO zgjedh çdo vit një Kryeqytet të ri Botëror të Librit. Këtë vit, Akra, kryeqyteti i vendit afrikan Gana, u zgjodh si Kryeqyteti Botëror i Librit.

Në Turqi, 23 Prilli festohet si Java e Bibliotekave si pjesë e Ditës së Sovranitetit Kombëtar dhe të Fëmijëve dhe Ditës Botërore të Librit dhe të Drejtës së Autorit.

Sipas Indeksit “World Culture Score”, India është vendi që lexon më shumë libra në botë, e ndjekur nga Tajlanda dhe Kina.

Ky indeks përcaktohet në bazë të kohës mesatare që qytetarët kalojnë duke lexuar në javë. Përveç librave të shtypur, në vlerësim përfshihen edhe gazetat, revistat dhe përmbajtjet e shkruara online.

Çdo qytetar në Indi lexon mesatarisht 10 orë e 42 minuta në javë, ndërkohë, 9 orë e 24 minuta në Tajlandë dhe 8 orë në Kinë.

Vendet që lexojnë më shumë libra në botë janë Filipinet (7 orë 36 minuta), Egjipti (7 orë 30 minuta), Çekia (7 orë 24 minuta), Suedia (7 orë 6 minuta), Franca (6 orë 54 minuta). ), Hungaria (6 orë) orë 48 minuta) dhe Arabia Saudite (6 orë 48 minuta).

Me përparimin e teknologjisë, librat audio po bëhen shumë të njohur. Sipas të dhënave nga kompania editoriale me bazë në SHBA, “Global English Editing”, 66 për qind e lexuesve në mbarë botën preferojnë të lexojnë libra të shtypur.

Librat më të lexuar në botë janë Kurani dhe Bibla. Libri “Don Kishoti” i Miguel de Cervantes dhe seria “Harry Potter” e JK Rowling janë ndër veprat letrare më të lexuara në botë.

Libra të tjerë më të lexuar në botë janë: “A Tale of Two Cities” të Charles Dickens, trilogjia “Lord of the Rings” e JRR Tolkien, “Princi i vogël” i Antoine de Saint-Exupery, “Alice in Wonderland” i Lewis Carroll dhe Agatha Listed me veprat e Christie’s “10 zezakët e vegjël”.


Gazeta Tema

https://www.gazetatema.net/kulture/v...e-bote-i389350

[sirena_adria]

Katër arsyet pse duhet të lexoni libra të vjetër klasikë

Me kaq shumë libra të rinj që botohen çdo vit, mund të jetë sfiduese të gjesh kohë për të rilexuar klasikët që kanë zënë pluhur në raftet e bibliotekës tuaj. Megjithatë leximi i librave më të vjetër, sidomos i atyre që quhen si “klasikë”, është një praktikë e vlefshme për të cilën duhet të gjejmë më shumë kohë. Ja cilat janë 4 arsye kryesore pse duhet ta bëni këtë.

Nga Kevin Dikinson

Imagjinoni sikur po kërkoni librin e ardhshëm që do të lexoni. I hidhni një sy raftit të librave, duke kërkuar për titujt ende të palexuar. Midis tyre ka disa libra më të vjetër, dhe ju ndiheni në faj për ata klasikë që keni dashur gjithmonë t’i lexoni, por që nuk i keni lexuar ende. A është sot dita kur më në fund do të zgjidhni të tërhiqni njërin prej tyre nga rafti? Është një dilemë e zakonshme e lexuesit. Por më shpesh ju zgjidhni një libër më të ri, që duket më i rëndësishëm për interesat tuaja dhe botën përreth jush. Dhe është e kuptueshme që do të dëshironit të eksploroni çështjet më urgjente të aktualitetit, të mbani të përditësuara njohuritë tuaja dhe të mbështesni shkrimtarët e gjallë, veprat e të cilëve ju pëlqejnë.

Kjo qasje kërkon leximin e librave modernë. Dhe me kaq shumë libra të rinj që botohen çdo vit, mund të jetë sfiduese të gjesh kohë për të rilexuar klasikët që kanë zënë pluhur në raftet e bibliotekës tuaj. Megjithatë leximi i librave më të vjetër, sidomos i atyre që quhen si “klasikë”, është një praktikë e vlefshme për të cilën duhet të gjejmë më shumë kohë. Ja cilat janë 4 arsye kryesore pse duhet ta bëni këtë:

LEXONI LIBRA TË VJETËR PËR TË KUPTUAR MË MIRË NJERËZIT

Një pengesë për të lexuar libra të vjetër, është mendimi se vepra të tilla janë të vjetruara. Për të jetuar jetën, nuk keni nevojë të kuptoni ndërlikimet e luftës mesjetare kineze, betejat e klasës punëtore në Epokën Viktoriane, apo mitet e njerëzve që mendonin sinqerisht se bota ishte mbështjellë një gjarpër gjigant. Por e vërteta është se librat e vjetër, mund të na ofrojnë ende njohuri të vlefshme për cilësitë universale që na bëjnë njerëz. Edhe pse besimet dhe njohuritë tona kolektive kanë ndryshuar, betejat themelore me të cilat përballemi, pyetjet që bëjmë, dhe vlerat që mbrojmë pasqyrohen që të gjitha në shkrimet e autorëve nga brezat e kaluar.

Aristoteli, Spinoza dhe Dekarti, ishin në mëdyshje rreth problemeve që i mundojnë ende sinqerisht filozofët. Tomas Pein dhe Karl Marks, vazhdojnë të formojnë mënyrën se si ne e shohim politikën, organizimin shoqëror dhe të drejtat e njeriut. Dhe ndërsa shumica prej nesh nuk besojnë se fatet tona janë të shkruara tek yjet, ne ende shikojmë drejt qiellit për përgjigje në lidhje me misteret e mëdha të natyrës.

Në letërsi, tregimet dhe temat që magjepsën lexuesit shekuj më parë, vazhdojnë të kenë jehonë edhe sot. Krenaria e Odiseut, pasioni i personazheve të Shekspirit dhe frika ekzistenciale e Ivan Iliç, mbeten karakteristike edhe në jetën e sotme. Leximi i librave të vjetër, na lejon pra të përfshihemi në këtë kozmopolitanizëm historik, duke eksploruar humanizmin tonë të përbashkët jo vetëm në kulturë, por edhe në kohë.

LEXONI LIBRA TË VJETËR PËR TË RIVLERËSUAR BOTËN MODERNE

Me mendësinë e sotme, mund t’i shohim ende idetë e librave të vjetër si idioteske, fanatike apo thjesht të gabuara. Gjithsesi, është e rëndësishme të mos harroni se autorët e këtyre librave u formuan nga koha, kultura dhe njohuritë kolektive të epokës së tyre. Ata nuk ishin në gjendje të shihnin paragjykimet dhe supozimet e tyre, të cilat tani janë të qarta për ne falë distancës së historisë. Po ashtu, ne duhet të pranojmë se nuk jemi të imunizuar ndaj paragjykimeve dhe supozimeve. Ato e mjegullojnë ende aftësinë tonë për të zgjidhur probleme komplekse, për t’u përfshirë në debate domethënëse, dhe për të zbuluar misteret që na duken të pazgjidhshme.

Brezat e ardhshëm do t’i shohin librat e epokës tonë me të njëjtën ndjenjë mosbesimi. Librat e vjetër mund të na ndihmojnë të ruhemi nga këto kufizime, duke u zhytur në kulturat dhe idetë e epokave të mëparshme. Xhefri Brenzel, pedagog në departamentin e filozofisë Universitetin Jeil, SHBA e quan këtë “vlera e habisë”. Ai e krahason leximin e librave të vjetër me udhëtimin jashtë vendit. Pasi përjetojnë një kulturë tjetër, shumë udhëtarë kthehen në shtëpi dhe e shohin ndryshe kulturën e tyre. Ndaj janë më mendje-hapur ndaj supozimeve që kishin dikur, dhe mësojnë t’i rishqyrtojnë ato në një mënyrë më tërësore. Librat e vjetër na e ofrojnë këtë lloj udhëtimi mendor.

LEXONI LIBRA TË VJETËR PËR T’U BASHKUAR DISKUTIMEVE TË SHKËLQYERA

Filozofi Alfred Uajthed shkroi:”Është e pamundur të studiosh historinë e mendimit perëndimor pa u ‘përplasur’ me Platonin dhe Sokratin në çdo cep”. Shumë njerëz supozojnë se pikëpamjet e krishtera vijnë direkt nga Bibla. Në fakt, ato evoluan nga një traditë intelektuale që shtrihej në shekuj dhe që është sa greko-romake aq edhe ungjillore. Pikëpamjet e Apostullit Pal, u ndikuan shumë nga traditat greke të Platonit dhe Aristotelit. Pali dhe Platoni do të kishin që të dy një ndikim të madh mbi Shën Agustinin. Dhe pikëpamjet e Augustinit do të ndikonin tek Toma Akuni, që nga ana e tij do të ndikonte tek Dante Aligieri, dhe ky i fundit tek Xhon Milton.

LEXONI LIBRA TË VJETËR SEPSE ATA JU “THËRRASIN”

Librat e vjetër mund të jenë frymëzues, shpërblyes, sfidues, emocionues dhe provokues. Ato mund të na rrënjosin jo vetëm njohurinë dhe mençurinë, por edhe gamën e plotë të emocioneve njerëzore. Siç e tha dikur me ironi Mark Tuein:”Një libër klasik është diçka që të gjithë duan ta kenë lexuar, por që askush nuk dëshiron ta lexojë…”.

Për t’u distancuar nga ky mentalitet, mos iu qasni librave më të vjetër ashtu siç kemi bërë në shkollë. Ato nuk janë një barrë që duhet ta mbani për t’u arsimuar, kulturuar apo për të kaluar ndonjë provim të fshehtë të jetës. Nuk do të merrni ndonjë notë për to. Përkundrazi, prisni derisa një klasik i veçantë “t’ju thërrasë”. (Big Think)


/ KultPlus.com

https://www.kultplus.com/libri/kater...jeter-klasike/

[ATMAN]

1. Ata janë thesarë të trashëgimisë kulturore dhe intelektuale. Librat klasikë janë pjesë e trashëgimisë sonë kulturore dhe intelektuale, dhe janë të rëndësishëm për të kuptuar historinë, filozofinë, letërsinë dhe artin. Ata janë shembuj të trajtimit të temave të rëndësishme që vazhdojnë të jenë të rëndësishme edhe sot.

2. Ata ofrojnë një perspektivë të ndryshme nga ajo që kemi sot. Leximi i librave klasikë na ndihmon të kuptojmë perspektivën dhe kontekstin e kohës së tyre dhe të shohim botën nga një këndvështrim tjetër. Kjo mund të na ndihmojë të kuptojmë më mirë se si kemi arritur në atë që kemi sot dhe se si mund të vazhdojmë të zhvillohemi në të ardhmen.

3. Ata janë shembuj të gjuhës dhe stilit të shkruar. Librat klasikë janë shembuj të mjeshtërisë së gjuhës dhe stilit të shkruar. Ata ofrojnë një shembull të rrallë të si të shkruhet një libër me një gjuhë të këndshme dhe të përsosur, dhe mund të na ndihmojë të zhvillojmë aftësinë tonë për të shkruar më mirë.

4. Ata mund të na ndihmojnë të reflektojmë mbi vlerat dhe kuptimet tona. Librat klasikë janë shpesh të fokusuara në temat e thella dhe të rëndësishme të njerëzimit, siç janë dashuria, vdekja, dëshira, humbja, lufta, moraliteti, etj. Leximi i tyre mund të ndihmojë të zgjerojmë mendjen tonë dhe të reflektojmë mbi vlerat dhe kuptimet tona, duke na ndihmuar të kuptojmë më mirë veten dhe botën që na rrethon.

Në përfundim, leximi i librave klasikë është një praktikë e rëndësishme që na ndihmon të kuptojmë më mirë historinë, kulturën dhe botën që na rrethon. Këta libra janë thesarë të trashëgimisë sonë kulturore dhe intelektuale dhe mund të na ndihmojnë të zhvillojmë aftësitë tona intelektuale dhe kritike.

[sirena_adria]

Një në tre njerëz thonë se librat ofrojnë formën më të mirë të arratisjes kur kalon një ditë të keqe

Shoqata e Botuesve Britanik, përmes një sondazhi ka gjetur se ketë verë më shumë njerëz planifikojnë që të ikin në botën e librave sesa të shkojnë në kinema.

Sondazhi tregoi se një e treta (33%) e njerëzve mendojnë se librat u ofrojnë atyre formën më të mirë të arratisjes kur ata kanë një ditë të keqe. Ndërsa 54%, besojnë se zgjidhja e një ditë të keqe është shikimi i televizionit.

Shërbimet e transmetimit, shikimi në mediat sociale, dëgjimi i radios dhe shkuarja në pijetore apo kinema ishin metodat më pak të njohura të arratisjes sesa leximi.

Njerëzit u pyetën gjithashtu se çfarë bëjnë me librat që kanë lexuar dhe rezultatet sugjerojnë se ata "në masë të madhe" i mbajnë, ripërdorin ose riciklojnë ato.

Sondazhi, në të cilin të anketuarit ishin në gjendje të zgjidhnin më shumë se një përgjigje, zbuloi se 41% e njerëzve mbajnë libra për vete, ndërsa 34% ua kalojnë miqve dhe anëtarëve të familjes.

‘’Librat janë një mënyrë e shkëlqyer për të gjithë ne për të shpëtuar nga rutinat tona të përditshme’’- ka thënë Dan Conway, themeluesi i Shoqatës së Botuesve.

Një e treta thanë se i japin librat e tyre të përdorur në dyqane bamirësie, ndërsa 12% i shesin ato në internet. Vetëm 7% e njerëzve thanë se i hedhin librat në mbeturina.

Conway, tha se sondazhi jo vetëm që tregon rëndësinë e librave për shëndetin mendor dhe mirëqenien e njerëzve, por është një dëshmi e jetëgjatësisë dhe vlerës së tyre .

“Librat janë një mënyrë e shkëlqyer për të gjithë ne për të shpëtuar nga rutinat tona të përditshme, dhe nëse jemi në gjendje ta ndajmë atë me miqtë, familjet dhe më gjerësisht, ne mund të bëjmë një ndryshim të madh në jetën e njerëzve pa e kuptuar as atë.”- tha ai për The Guardian.

Viti i kaluar në Britani ishte një rekord për industrinë e botimeve, ku 669 milionë libra janë shitur më vlerë 6.9 miliardë paund. Ky ishte niveli më i lartë i shëtitjes së librave në histori i regjistruar ndonjëherë.

Sipas Dan Conway, industria e botimeve në Mbretërinë e Bashkuar po lulëzon.


Nacionale.com

https://nacionale.com/kulture/nje-ne...e-dite-te-keqe

[sirena_adria]

Sa më shumë lexoni, aq më vonë plaket truri

Studimi hap mendjen, por gjithashtu ndihmon për ta mbajtur atë në formë për shumë vite.

Sa më i lartë niveli i arsimimit, rënia konjitive ose humbja e kujtesës dhe vëmendja humbin aftësinë me vonesë.

Konfirmimi i lidhjes midis nivelit të arsimimit dhe shëndetit të trurit për të moshuarit vjen nga një studim i udhëhequr nga Universiteti i Kalifornisë.

Studimi përdori të dhëna të marra nga një anketë me aftësitë njohëse të një kampionimi prej 10.374 amerikanësh në vitin 2000 dhe të një mostre prej 9995 personash mbi 65 vjeç në vitin 2010. Personat u ndanë në disa kategori, sipas nivelit të arsimimit: me shkollë fillore, të mesme, të diplomuar dhe pasuniversitarë.

Studimi nxori në pak se mes viteve 2000-2010 jetesa pa demencë është rritur, por veçanërisht tek ata më të arsimuar: 1.51 vjet për meshkujt dhe 1.79 vjet për femrat. Rritja e viteve të jetës pa probleme konjitive ishte shumë më e ulët në mesin e atyre me arsim të ulët, rreth 0.66 vjet për meshkujt dhe 0.27 vite për femrat. Ata që kishin arsim pasuniversitar kishin aftësi të ruajtjes së kujtesës edhe pas moshës 80-vjeçare.


Ekonomia Online

https://ekonomiaonline.com/sa-shume-...-plaket-truri/

[sirena_adria]

Studim: Këto shtete prijnë me numrin më të madh të lexuesve

BE gjurmon se sa shpenzojnë europianët për letërsinë. Në vitin 2021, mesatarisht, një qytetar i BE-së shpenzoi rreth 1.1% të të ardhurave në gazeta, libra dhe artikuj kancelarie. Por, cili është vendi i BE-së që shpenzon më shumë për libra? Është Sllovakia, dhe me diferencë. Sllovakët shpenzojnë mesatarisht 1.9% të të ardhurave vjetore për gazeta, libra apo artikuj kancelarie. Sllovakia mbetet në krye të klasifikimit në pesë vjetët e fundit dhe, në të vërtetë, ka rënë lehtë nga një nivel i lartë prej 2.1%. Duke zbritur nga 1.9% në 1.2%, vendet europiane që kanë shpenzuar më shumë për libra janë Kroacia, Gjermania, Estonia, Letonia dhe Islanda, përcjell albinfo.ch.

Cili vend renditet i fundit? Në pozicionin e palakmueshëm, vendi me shpenzimet më të ulëta për frymë për letërsinë është Qiproja, me vetëm 0.4%. Megjithatë, Greqia, Rumania, Bosnjë e Hercegovina dhe Serbia nuk janë shumë larg, pasi të gjitha shpenzuan 0.5% në vitin 2021. Humbësi i vërtetë në listë nuk ka paraqitur as shifra në BE, që nga viti 2019. Maqedonia e Veriut i deklaroi shpenzimet e saj për herë të fundit, tre vjet më parë. Në atë kohë, vlera ishte mjerisht vetëm 0.1% e të ardhurave për frymë.

Cili shtet i kushton më shumë kohë leximit? Një gjë është të shpenzosh para për letërsinë. Por, siç thotë shprehja e vjetër “kohë = para”, vlera e vërtetë në jetë është koha jonë.

Pra, cilat janë vendet që më shumë se të gjithë ulen dhe i kushtojnë kohë leximit? Shifrat për këtë pyetje, në të gjithë Europën, janë pak më të vjetra, pasi Anketat e Harmonizuara Europiane të Përdorimit të Kohës (Harmonised European Time Use Surveys), zhvillohen vetëm një herë në dekadë, dhe shifrat e vitit 2020 ende nuk janë publikuar. Megjithatë, zotërojmë të dhëna që lidhen me sondazhet e kryera midis 2008 dhe 2015 në 18 vende europiane.

Në krye të listës për kohën që i kushtohet leximit në ditë është Estonia. Njerëzit nga 20 deri në 74 vjeç, kalojnë rreth 13 minuta në ditë duke lexuar. Kohën e mbi 10 minutave që ia kushtojnë leximit në ditë e kalojnë edhe Finlanda, Polonia dhe Hungaria.

Në fund të klasifikimit renditej Franca, e cila i kushton vetëm dy minuta në ditë leximit. Në një nivel të ngjashëm ishin Rumania, Austria dhe Italia, që shpenzojnë pesë minuta në ditë, duke lexuar. Rezultate të ngjashme shfaqen edhe për popullatat të cilat e konsiderojnë leximin si një aktivitet të cilit duhet t’i kushtojnë kohë: 16.8% e finlandezëve e cilësojnë leximin një “aktivitet i rëndësishëm”, ndjekur nga Polonia, Estonia, Greqia dhe Luksemburgu. Sërish, francezët janë në disavantazh, sa u përket lexuesve. Pavarësisht se janë kombi, që i kanë dhënë botës Volterin, Hygonë, Prustin dhe së fundmi, fituesen e çmimit Nobel këtë vit, Annie Ernaux, vetëm 2.6% e francezëve e konsiderojnë leximin një aktivitet të rëndësishëm në jetën e tyre.


/ KultPlus.com

https://www.kultplus.com/libri/studi...h-te-lexuesve/

[sirena_adria]

Stërvitja më e mirë e trurit: Cilat janë përfitimet e leximit të çdoditshëm?

Pavarësisht se në çfarë moshe jeni, leximi është gjithmonë një mundësi e shkëlqyer për të ruajtur kondicionin mendor

Mendja e njeriut, mu ashtu edhe si muskujt, ka nevojë për ushqim për të zhvilluar kapacitetet e veta.

Nëse nuk i jepni përmbajtjen e duhur dhe nuk e përdorni, truri do të bëhet dembel dhe i ngadalshëm. Prandaj, përveçse duhet të shkoni rregullisht në palestër, praktikoni leximin çdo ditë, sepse është stërvitja më e mirë për trurin.

Leximi nxit krijimin e lidhjeve nervore në pjesët e ndryshme të tij, të cilat përndryshe mbeten të pastimuluara nga aktivitetet e tjera, transmeton Telegrafi.

Sa më shumë përmbajtje të ndryshme të lexoni, aq më shumë pjesë të ndryshme të trurit do të krijojnë lidhje të reja, gjë që përmirëson kapacitetet njohëse.

Përveç pasurimit të fjalorit, leximi i rregullt angazhon kujtesën – jo vetëm nëpërmjet memorizimit të përmbajtjes, por edhe përmes ndjekjes së tregimit.

Në mënyrë që të vazhdoni aty ku e latë, duhet të mbani mend atë që keni lexuar më parë (komplotin, personazhet dhe detaje të tjera të rëndësishme në roman), dhe krijimi i kujtimeve të reja forcon ato të vjetrat që keni tashmë. Kështu truri fiton zakonin e marrjes dhe ruajtjes së informacionit të ri.

Gjithashtu, kur ju duket se keni harruar diçka, mjafton të kujtoheni pak dhe informacioni i nevojshëm do të arrijë përmes rrugëve të ndryshme nervore, të cilat i ke krijuar duke lexuar.


/ Telegrafi /

https://telegrafi.com/stervitja-e-mi...te-cdoditshem/

[sirena_adria]

https://gazetasi.al/si-perfiton-trup...ximet-e-veres/

Si përfiton trupi dhe mendja juaj nga leximet e verës

[sirena_adria]

‘Nëse një libër ju mërzit, lëreni, mos e lexoni nga që është i famshëm, modern, apo nga që është i vjetër’

Jorge Luis Borges


Mendoj se fraza “leximi i detyrueshëm” është një marrëzi; leximi nuk duhet të jetë i detyrueshëm. Është njësoj si të thuash kënaqësi e detyrueshme. Por a ka kënaqësi të detyrueshme? Kënaqësia është diçka që kërkohet. Apo lumturi e detyrueshme! Ne lumturinë gjithashtu e kërkojmë.

Unë kam qenë profesor i letërsisë angleze për njëzet vjet në Fakultetin Filozofik dhe të Letrave të Universitetit të Buenos Aires dhe gjithmonë i kam këshilluar studentët e mi: nëse një libër ju mërzit, lëreni; një libër mos e lexoni nga që është i famshëm, nga që është modern, apo nga që është i vjetër. Nëse një libër është i mërzitshëm për ju, lëreni së lexuari; qoftë ai libër Parajsa e Humbur – për mua nuk është i mërzitshëm – ose Don Kishoti – për mua gjithashtu nuk është i mërzitshëm.

Por nëse ka një libër të mërzitshëm për ju, mos e lexoni; ai libër nuk është shkruar për ju. Leximi duhet të jetë një nga format e lumturisë, prandaj dua t’ua lë lexuesve si një amanet të mundshëm – amanet që nuk kam ndërmend ta shkruaj: lexoni shumë, pa u trembur nga reputacioni i autorëve, vazhdoni të kërkoni një lumturi personale, një kënaqësi personale. Është e vetmja mënyrë për të lexuar.


/ KultPlus.com

https://www.kultplus.com/libri/nese-...te-i-vjeter-2/

[sirena_adria]

Një libër i mirë lufton stresin dhe stërvit trurin

Një libër i mirë është një mik që nuk tradhton kurrë, është gjithmonë i disponueshëm kur e kërkojmë, gati dhe duke na dhënë momente ikjeje, por edhe edukimi e shoqërie konstruktive. Është një ushqim i vërtetë për shpirtin, ka fuqinë të na argëtojë, të na japë çlodhje dhe argëtim: mund të na bëjë të qajmë, por edhe të qeshim deri në lot. Së fundi, shkenca ka treguar situata të shumta në të cilat leximi është i mirë dhe madje na ndihmon të trajnojmë trurin dhe ta mbajmë atë të ri dhe elastik. Me rastin e Ditës Botërore të Librit dhe të Autorit, e cila festohet çdo vit më 23 Prill, zbulojmë pse është mirë të lexohet dhe cilat janë “efektet anësore” pozitive të leximit.

PSE LEXIMI ËSHTË I BUKUR

– Le ta pranojmë, disa kujtime të pakëndshme shkollore mund të na bëjnë të besojmë se leximi është një aktivitet i lodhshëm, i padobishëm dhe i mërzitshëm. Natyrisht, duhet të gjesh librin e duhur sipas situatave të ndryshme, por tregu i librit është aq i pasur sa të gjithë mund të gjejnë gjithçka që i përshtatet nevojave të tyre, nga romani aventuresk, manuali bëje vetë te eseja politike ose astrofizikë. Një libër, qoftë letër apo elektronik, na lejon të kënaqim interesat dhe pasionet tona, të zbulojmë gjëra të reja dhe të krahasojmë mendimet tona me ato të të tjerëve. Me pak fjalë, leximi na bën të jetojmë shumë jetë, përveç jetës sonë, duke e identifikuar veten me autorin ose personazhet e tregimit që kemi zgjedhur dhe duke na lejuar ta shohim realitetin me sy të rinj.

FJALA E SHKENCËS

– Disa studime shkencore kanë treguar se leximi ka shumë efekte pozitive, duke filluar me stërvitjen e çmuar të cilës i nënshtron trurin, kujtesën dhe imagjinatën. Midis këtyre:

– Leximi ul nivelet e stresit: Një lexim prej pak më shumë se pesë minuta është i mjaftueshëm për të ulur nivelet e stresit me mbi 60%. Kjo u zbulua nga një studim i Universitetit të Sussex, gjatë të cilit u pa një ulje e rrahjeve të zemrës dhe tensionit të muskujve në subjektet e angazhuar në këtë aktivitet. Leximi është një antistres edhe më efektiv sesa ecja dhe dëgjimi i muzikës.

– Leximi përmirëson kujtesën dhe e bën atë të funksionojë mirë për më gjatë: Zhytja në një roman përfshin nevojën për të mbajtur mend emrat e personazheve, historitë e tyre, detajet e komplotit. E gjithë kjo është gjimnastikë e shkëlqyer për mendjen: këtë e ka konfirmuar edhe një studim i publikuar në revistën Neurology. Studimi ndoqi një kampion prej 294 të moshuarish, të monitoruar periodikisht deri në vdekje, nga ku rezultoi se, midis atyre që kishin zakon të lexonin, pjesët e trurit ku ndodhet kujtesa ruheshin më mirë.

– Gjumi bëhet më i lehtë: Një studim i klinikës Mayo në SHBA tregoi se leximi i një libri ose gazete të mirë nxit pushimin dhe gjumin fiziologjik. Nga ana tjetër, televizori, celulari apo tableti, edhe për shkak të emetimit të dritës blu, ndikojnë negativisht dhe mund të shtyjnë momentin kur bie në gjumë.

PËRPARËSITË E TJERA

– Leximi stimulon aftësitë analitike – Leximi i një romani detektiv dhe arritja në zgjidhjen e çështjes përpara protagonistit detektiv, ose kapja e hollësive të një komploti për të kuptuar përfundimin e tij janë një kënaqësi që bëhet më e shpeshtë tek ata që lexojnë shpesh dhe me dëshirë.

– Përmirësoni përqendrimin – Përdorimi masiv i rrjeteve sociale dhe informacionit në formatin dixhital na shtyn drejt kryerjes së shumë detyrave, duke kompromentuar aftësinë tonë për t’u përqendruar. Përkundrazi, leximi i një libri kërkon një zhytje të plotë në të cilën ne jemi të shtyrë të heqim çdo gjë, duke shmangur shpërqendrimet.

– Promovon lidhjet familjare – Leximi i tregimit para gjumit është gjithmonë një moment shumë i dashur nga fëmijët, i aftë për të forcuar lidhjet emocionale. Bërja e këtij momenti në një zakon të përditshëm favorizon zhvillimin e hershëm të gjuhës dhe aftësive intelektuale të fëmijëve.

DHE NËSE MENDOJMË SE LEXIMI NUK ËSHTË PËR NE…

– Le të provojmë podkastet dhe librat audio. Ato mund të nxisin kureshtjen tonë, të largojnë lodhjen e natyrshme në të lexuar dhe të na rikthejnë kënaqësinë e fëmijërisë, kur dikush na lexon me zë.


Bota Sot

https://www.botasot.info/keshilla-mj...o=v2-LdsQg8C&?

[sirena_adria]

Muaji i librit, Presidenti Begaj: Të promovojmë leximin shqip

Presidenti i Republikës së Shqipërisë, Bajram Begaj vizitoi sot një librari-kafe në Tiranë, për të përcjellë mesazhin e tij për muajin tetor, i konsideruar si Muaji i Letërsisë.

“Çdonjëri prej nesh duhet të nxisë e të promovojë leximin e librit shqip. Kështu ruajmë e trashëgojmë identitetin tonë gjuhësor, kulturor e kombëtar. Faleminderit botuesve shqiptarë të angazhuar në këtë mision kombëtar!”, shkroi Presidenti Begaj në një status që shpërndau në profilin e tij zyrtar në Facebook.

Ndër nismat parësore të Presidentit të Republikës janë ndërgjegjësimi i shoqërisë shqiptare për ruajtjen dhe përcjelljen e trashëgimisë shqiptare, ndërgjegjësimi mbi leximin dhe promovimin e politikave të librit shqip.


/ KultPlus.com

https://www.kultplus.com/libri/muaji...leximin-shqip/

[sirena_adria]

A është më mirë të lexosh në heshtje apo me zë të lartë kur studion?

Disa njerëz studiojnë duke lexuar në heshtje, ndërsa të tjerë lexojnë me zë të lartë. Nëse jeni pjesë e grupit të fundit, ndoshta ecni nëpër dhomë, duke recituar atë që keni lexuar ose mësuar. Ndoshta keni edhe një bisedë të plotë me veten tuaj. Por kur bëhet fjalë për të studiuar me zë të lartë apo në heshtje, a është njëri më efektiv se tjetri? Ja çfarë duhet të dimë…

Studimi në heshtje duke përdorur kujtesën vizuale

Kur studioni në heshtje, në mënyrë ideale ju bëni një lexim fillestar të tekstit për të marrë një kuptim mjaft të qartë të tij. Por nuk mund të ndalesh me kaq. Pas leximit të parë, është e rëndësishme të nënvizoni idetë e rëndësishme , të ndaloni të reflektoni mbi pjesët konfuze dhe të gjeni informacione që mund të sqarojnë çdo pyetje që keni.

Është e rëndësishme të nënvizoni dhe të mbani shënime. Përdorimi i theksuesve me ngjyra të ndryshme në fakt mund të përmirësojë kujtesën tuaj vizuale të materialit. Kjo ju ndihmon të mbani mend vendndodhjen e informacionit në faqe. Pastaj kjo lehtëson procesin e rikujtimit të kujtesës. Përveç kësaj, përdorimi i ngjyrave ju bën të kushtoni më shumë vëmendje, sepse ju bën të përqendroheni në informacionin që i konsideronit të rëndësishëm.

Leximi në heshtje ju lejon të përqendroheni në atë që po lexoni, por nëse nuk bëni asgjë tjetër, nuk do të jetë shumë e dobishme. Kjo sepse ju duhet të angazhoheni në mënyrë aktive në material, ta bëni atë tuajin. Kjo nuk bëhet vetëm duke lexuar, por edhe duke shkruar, duke mbajtur shënime dhe duke e vendosur informacionin me fjalët tuaja. Kur e bëni në këtë mënyrë, studimi në heshtje ka shumë për të ofruar.


Studimi me zë të lartë

Kur studioni duke lexuar me zë të lartë, shqisa juaj e dëgjimit bëhet pjesë e përvojës. Ajo nxit aftësitë njohëse që lidhen me kujtesën, vëmendjen dhe të kuptuarit. Pastaj kjo aktivizon aftësinë tuaj për të ruajtur informacionin.

Megjithatë, ashtu si me studimin në heshtje, nevojitet më shumë. Është shumë më efektive të dëgjoni një regjistrim të vetes duke lexuar shënimet tuaja sesa shpjegimin e dikujt tjetër.

Pse? Sepse i keni dhënë asaj që keni lexuar një vlerë personale, e shpjegove me fjalë të ndryshme. Ju gjithashtu mund të bëni pyetje, të shprehni dyshime dhe të debatoni me njerëz të tjerë për të mësuar dhe mësuar përmendësh më mirë.

Kur lexoni me zë të lartë, krijoni lidhje. Ju shtyn të lidhni atë që po thoni me diçka që keni lexuar më parë në një faqe tjetër. Ju krijoni një kornizë mendore që plotëson leximin që keni bërë në heshtje. Kjo do të përforcojë dhe konsolidojë informacionin në mendjen tuaj.

Disa njerëz studiojnë në heshtje, duke regjistruar veten duke lexuar tekstin dhe më pas duke e dëgjuar atë më vonë. Të tjerët zgjedhin të studiojnë me zë të lartë që në fillim dhe më pas të studiojnë në heshtje duke shkruar ose duke bërë një skicë të asaj që kanë mësuar. Gjëja kryesore është se çdo person duhet të përdorë metodën që funksionon më mirë për të.


Bota Sot

https://www.botasot.info/life-style-...e-kur-studion/

[sirena_adria]

https://gazetasi.al/5-vjecari-shqipt...esi-me-i-mire/

5 vjeçari shqiptar ne Itali lexon 125 libra per 1 vit - Shpallet lexuesi me i mire !

[Jetmiraaa]

Leximi të mëson shprehi të reja.
Të vjen keq të shikosh njerëz që harxhojn kohën e tyre nëpër rrjete sociale,ama nuk shikon dikë me libra në duar.