Daci i ofron Sejdiut koalicion parazgjedhor

[Guri i Kuq]

Kërkojmë mirëkuptim

Jemi duke e shqyrtuar ofertën e LDD’së. Për shkak të agjendës shtetërore dhe partiake, kërkojmë mirëkuptim për vonesat e përgjigjes. Astrit Haraqija nuk po mediton më, por është kthyer në origjinë dhe po merret me letra. Nënkryetari i LDK’së, Eqrem Kryeziu, flet për Express.

Nga Faton Ismajli më 24.02.2010 në ora 8:02

Nënkryetari i Parë i Lidhjes Demokratike të Kosovës, Eqrem Kryeziu, për herë të parë e pranon se janë duke e shqyrtuar ofertën për koalicion me Lidhjen Demokratike të Dardanisë, por nuk sqaron se kur do t’i kthejnë përgjigje Nexhat Dacit.

Në një bisedë për Express, Kryeziu kërkon mirëkuptim që përgjigjja nuk mund të kthehet shpejt. “Nuk mund të them se kur do t’i kthejmë përgjigje, sepse edhe ne në LDK kemi një agjendë partiake dhe shtetërore dhe kërkojë mirëkuptim nga të gjithë për këtë”, thotë Kryeziu për Express, të hënën.
Nënkryetari i Parë i LDK’së nuk dëshiron të komentojë idenë për të shtyrë në krye të LDK’së, djalin e vogël të ish-Presidentit, Ukë Rugovën.

“Po nuk ka asgjë të keqe të dëgjojmë ide të reja”, thotë Kryeziu, derisa përmend familjen Rugova dhe Jashari si pinjollë të pavarësisë së Kosovës.
Ai e ka komentuar edhe letrën e Astrit Haraqisë, i cili ka propozuar largimin e katër nënkryetarëve dhe zëvendësimin e tyre me emra të rinj.

“Astriti është djalë i ri, entuziast dhe nuk po më vjen mirë që po merret edhe
ai me letra”, ironizon Kryeziu.

Ai tregon një përvojë personale me kolegun nga partia.

“Po ua tregoj një përvojë interesante me Astritin. Kur është kthyer nga Haga, më pati thënë se ka medituar shumë sa ka qenë atje. Tash po e shoh se e ka lëne meditimin dhe është kthyer në origjinë”, thotë Kryeziu.

“Astriti është djalë i ri dhe modest edhe për nga idetë”, shton ai.

Ai sqaron se është i gatshëm të lëshojë karrigen partiake për emra të rinj.

“Shikoni, edhe më herët kam ofruar dorëheqjen dhe edhe tash jam i gatshëm ta liroj karrigen për gjeneratat e reja. Por, aty nuk mund të më zëvendësojë, për shembull, Astrit Haraqija, sepse ende është djalë i ri”, përgjigjet Kryeziu.
Ndryshe, Haraqija pati drejtuar shigjetat kah Eqrem Kryeziu për humbjen e LDK’së në Prizren.

Ish’Kryetari i Prizrenit, Eqrem Kryeziu ka shpjegim edhe për këtë.

“E kam thënë vazhdimisht se këtu ka humbur Kosova, e jo LDK’ja. Sepse ka qenë rasti i mirë për të përmirësuar shumë gjëra në Prizren. Edhe Astriti nuk është ndier mirë që nuk kemi fituar në Prizren”, përgjigjet Kryeziu.

“Nuk besoj se dikush mund ta përdorë humbjen në Prizren, e aq më tepër kur në LDK jemi të hapur edhe për kritika. Thashë edhe më herët, edhe për humbje edhe për fitore ekzistojnë adresat në LDK”, thotë Nënkryetari i LDK’së.

Ai ka folur edhe për mbajtjen e Kuvendit Zgjedhor të partisë së tij. “Sigurisht se do të shkohet në zgjedhje këtë vit, në bazë të statutit do të vendoset edhe për mënyrën e zgjedhjes së kryetarit. Asgjë nuk do të ketë jashtë statutit të LDK’së”, ka përfunduar ai.

[Guri i Kuq]

Përçarjet në LDD e çojnë partinë drejt fundit

Fatbardhë Zeka

Fshesa partiake edhe për themeluesit?


Prishtinë, shkurt - Kur brenda një partie fillojnë fërkimet, atëherë ajo parti nëse nuk do të ketë jetë të gjatë, gjithsesi e pret tkurrja. mirëpo kur atëherë ekziston dëshira për tu kthyer prapa në një vend ku ka qenë, atëherë është fakti më i mirëseardhur.

Prandaj shuarja e një partie do të thotë forcimi i një tjetre, sepse ata njerëz që dalin nga një subjekt me siguri do të drejtohen drejt një subjekti tjetër. Një episode i tillë në një mënyrë, ndoshta do të ngjajë edhe me dy subjektet politike të ndara para tri vitesh, e tani që dëshira për bashkim s duket nuk ju mungon por që përçarje brenda për brenda vet kryesisë së LDD-së.

Burime të gazetës pohojnë për një spastrim të mundshëm të zërave të partisë, të cilët kanë kërkuar me këmbëngulje afrimin, përkatësisht koalicion me LDK-në, apo edhe variantin bashkimit. Nëse kjo nuk do të ndodhë të premten kur do të takohet Këshilli Drejtues i partisë, pohohet se një gjë e tillë mund të ndodhë posa të mblidhet konventa e partisë, e cila pritet të thirret nga Këshilli Drejtues...

(Tekstin e plotë mund ta lexoni në numrin e nesërm të gazetës, “Bota sot”)
-----------------------
Sipas disa zerave,per mbledhjen e se premtes te Keshillit Kombetar te LDD(ku pritet te sqarohen shume nga dilemat e ngritura publikisht rreth fatit te metejme te kesaj partie),nuk jane thirrur shume nga emrat e ketij organi,per te cilet dyshohet se mund te jene arre e forte per liderin aktual te kesaj partie Nexhat Dacin.Bile flitet se ka edhe shlyerje te shume anetareve nga lista publike e anetareve te K.kombetar ne Web-in e LDD,pa asnje procedure statutare,sic e parashikon Statuti i LDD.
Flitet se e premtja mund te jete dita e fundit per shume nga themeluesit e kesaj partie,qe thane shkurt e shqip,paten rrezikuar shume para 3 vitesh,kur u rreshtuan perkrah N. Dacit me shprese se do te ruhet fryma dhe shpirti i demokracise se brendeshme partiake,karakteristike e ish LDK.
Per fat te keq,shume nga ish themeluesit e kesaj partie,paten rast te zhgenjehen shume shpejte,sepse qe nga ditet e para te ekzistimit te LDD, Zotni Nexhat Daci,tregoi metoden dhe metodologjine e punes se tij,qe mund te karakterizohet si shume arbitrare dhe jodemokratike.
E gjitha filloi me anashkalimin e debatit ne Konventen e Pare,kur nuk iu dha fjala delegateve pjesemarres,por u propozua e votua me aklamacion nje liste per Keshill Kombetare,pa as edhe nje debat.E njejta procedure,e pamundesise se debatit dhe dialogut per emrat e propozuar nga Daci ,per anetare te Kryesise se LDD,ku kryesisht u zgjodhen kolege,miqe e jarana te Dacit nga fakulteti ku punon,instituti dhe akademia,njerze pa asnje dite pervoje politike ne asnje parti politike.
E ardhmja e kesaj partie eshte shume e zymt.
Aktualisht jane shume qarte te pervijuara dy grupacione shume antagoniste.Njeri qe kryesohet nga vet Daci,ka per synim ruajtjen me cdo kusht te postit te tij dhe nje grupi te ngushte njerzish qe kane perfituar mjaft shume nga afersia e tij,e qe per synim afatshurter ka bashkimin me AKR e Pacollit per momentin dhe futjen ne qeverine e Thacit,ne rast levizjesh te medha tektonike ne realacionet LDK-PDK.Ndersa, vizioni aftgjate i ketij grupi, eshte bashkimi me PDK,si alternative e vetme per ruajtjen e nje berthame kuadrash besnike te Dacit.
Grupacioni i dyte i forte ne Kryesine e LDD eshte ai i Naser Rugoves,Adem Salihajt dhe Tome Hajdarit,e qe mbeshtetet nga shume faktor edhe jashta LDD, si Uke Rugova e disa te tjere emra politikajsh te niveleve me te ulta dhe biznesmenesh,qe rrugen e shpetimit e shohin ne perafrimin me LDK dhe ne afat te gjate edhe shkrirjen dhe bashkimin e serishem te saj,pas disa ndryshimeve kadrovike ne kreun e LDK-se qe pritet te ndodhin sivjet.

Ka shume gjasa reale qe pasneser kjo parti do te ndahet perfundimisht,gje qe hap shume dilema e rirreshtime te reja jo vetem politike,sepse kjo parti ka 10 deputet ne Kuvend,dhe ripozicionimi i tyre eshte shume domethenes, per raportin e forcave per sot,e sidomos per vitin tjeter kur mbahen zgjedhjet nacionale.

[G-2]

LDK bashkohet me brutalët e Rugovës
Shkruan: Xhevdet Mazrekaj
Editorial

Deri kur do të botohet “Bota sot” ajo do ta afirmojë filozofinë politike të Presidentit Historik, Ibrahim Rugova. Orientimi rugovian dhe fizionomia djathtiste e “Bota sot”, ka ndikuar që shumë kush ta konsiderojë “Botën sot” si gazetë partiake, si gazetë të LDK-së. “Bota sot” nuk ka qenë gazetë e partisë, se në atë parti ka pasur edhe antirugovian fanatik, e as gazetë e ndonjë misioni miqësor ndërkombëtar, siç janë gazetat tjera. Derisa Rugova disa herë vizitonte redaksinë tonë në Cyrih, “përcjellësit” e tij nëpër skuta të kafiterive të Cyrihut agjitonin kundër “Botës sot”, dhe këtë gjë vazhdojnë ta bëjnë edhe sot. LDK-ja ka botuar gazetën “Pavarësia” (pa lejen e Rugovës) duke “huazuar” gazetarë të “Botës sot”, kanë dashur kështu t’i falsifikojnë një rivalitet “Botës sot”. Aq sa ka qenë i vetmuar Rugova në LDK (siç u zbulua pas vdekjes së tij), po në atë masë “Bota sot” ka qenë e sabotuar nga krimbat fraksionarë brenda LDK-së, madje që nga ajo kohë kur filloi fushata dezertore e këtyre krimbave partiakë, largimi i fraksionarëve antirugovianë brenda LDK-së, që pas vdekjes së tij i çjerrën maskat dhe u kthyen në parti duke u komplotuar ndërveti me metodat më të fëlliqta staliniste. I kanë inkriminuar rugovistët e sinqertë pikërisht në faqet e pamfleteve të atyre gazetave që tetë vjet me radhë nuk kanë lënë intrigë dhe gurë pa lëvizur kundër Presidentit Rugova, madje duke botuar fotografi që ia deformonin fytyrën, që e tallnin për “qenin e Sharrit” dhe tash po këta “shkrihen” në një parti të cilën Rugova e ka themeluar dhe e ka ngritur deri në qendër të diplomacisë botërore (siç u pa edhe gjatë varrimit të tij). Pikë e pesë janë edhe sot, organizatorët e komploteve të fshehta kundër partisë, në luftë për tu pozicionuar në ballë të saj. Por, këtu nuk mund të mos konstatoj një fakt kategorik: ajo përmasë e opinionit dhe elektoratit që e ka pasur Rugova, ajo ende ekziston në krah të Rugovës, madje edhe kur kjo masë e madhe nuk e voton më partinë që e themeloi ai dhe që gjithnjë e më shumë po bëhet renegate e Rugovës. Edhe ne, “Bota sot” do të ekzistojmë si gazetë vetëm për elektoratin e Rugovës duke u përpjekur që ta mbajmë së bashku dhe të mos përçahet si është përçarë partia e tij. Kur thash “vetëm për elektoratin e Rugovës”, desha të them se vetëm Rugova dhe elektorati i tij kanë mbështetur filozofinë politike djathtiste, që do të thotë, kombëtare. Populli shqiptar, për shkak të historisë së tij që karakterizohet si “luftë me Lindjen okupatore” është popull Perëndimor, që do të thotë, është popull që i përket botëkuptimit djathtist.

Fjalët më lart të këtij editoriali më shtyri t’i them një lajm, që i vë pikë konstatimit, se skena politike në Kosovë është shndërruar në tezgë klandestine kontrabandiste ku shitblihen “parimet” politike, ku bëhet tregti me flamuj si në tregimet e Koliçit. Dhe ky lajm është se partia Ora “u shkri” në LDK. Pra, pas të gjitha prishjeve dhe lidhjeve të koalicioneve brenda nate, dhe kalimit të individë-aparatëve herë në një parti, herë në tjetrën, lajmi se “Ora” “u shkri” në LDK, në mediat e Kosovës as nuk u spektakularizua si sensacion i shekullit 21. Pse? Sepse tashmë është bërë rutinë e jo sensacion “këmbimi” i maskave dhe flamujve, kjo tashmë konsiderohet “lajm i demoduar” dhe opinioni tashmë është indiferent ndaj kësaj maskarade. Kjo epidemi e “profilizimeve” të partive që në mëngjes janë të majta, në mbrëmje të djathta, të nesërmen “të qendrës” ka arritur ta bind opinionin e gjerë se organizatat politike në Kosovë nuk kanë as fizionomi as koncept politik, as program as qëllim idealistik, dhe se për interesa karrieriste e ndërrojnë “fytyrën” brenda nate, e “shesin” partinë, “e blejnë” një tjetër. Si në tribunat publike ku shiteshin “robërit e bardhë” dalin “aktivistët” në shitje dhe cila parti jep më shumë, i merr, pastaj prapë i shet më shtrenjtë. Në realitet, shefat e të gjitha partive politike që në mëngjes presin në rend (si për sheqer e vaj në kohë krize) në rend “për një” presin para dyerve të ambasadave evropiane të marrin konstruksione se çfarë qëndrimi “politik” do të mbajnë gjatë ditës, dhe çfarë qëndrimi gjatë mbrëmjes dhe a u lejohet që së paku gjatë vikendit të mos i ndërrojnë fytyrat si shtriga para pasqyrës së “Borbardhës”. Kështu shembulli i fundit, “Ora” dje ishte majtiste e përbetuar (madje e formatit të shoqërisë civile), po ja sot në mëngjes lajmi se ajo u “shkri” në djathtiste. Pse, jo - djathtiste është edhe PDK-ja, AAK-ja... të gjitha janë djathtiste “ekonomiste” sipas modelit kinez. Me ide komuniste do ta zhvillojnë ekonominë kapitaliste, si në Kinë, me një ndryshim që këta djathtistë të Kosovës kanë lejuar që edhe centin e fundit të parave tatimpaguese të Kosovës “t’i kamatojnë” në bankat e Evropës. Po, se “pa krizë depresive” nuk ka ekspansion zhvillimi ekonomik, si ky që po shihet sot në Kosovë, në Kosovën e udhëhequr nga djathtistët dhe këshilltarët e tyre socialistë që rrjedhin nga partitë e tipit të Bilinguerit

[Guri i Kuq]

Përçarjet në LDD e çojnë partinë drejt fundit

Fatbardhë Zeka

Fshesa partiake edhe për themeluesit?


Prishtinë, shkurt - Kur brenda një partie fillojnë fërkimet, atëherë ajo parti nëse nuk do të ketë jetë të gjatë, gjithsesi e pret tkurrja. mirëpo kur atëherë ekziston dëshira për tu kthyer prapa në një vend ku ka qenë, atëherë është fakti më i mirëseardhur.

Prandaj shuarja e një partie do të thotë forcimi i një tjetre, sepse ata njerëz që dalin nga një subjekt me siguri do të drejtohen drejt një subjekti tjetër. Një episode i tillë në një mënyrë, ndoshta do të ngjajë edhe me dy subjektet politike të ndara para tri vitesh, e tani që dëshira për bashkim s duket nuk ju mungon por që përçarje brenda për brenda vet kryesisë së LDD-së.

Burime të gazetës pohojnë për një spastrim të mundshëm të zërave të partisë, të cilët kanë kërkuar me këmbëngulje afrimin, përkatësisht koalicion me LDK-në, apo edhe variantin bashkimit. Nëse kjo nuk do të ndodhë të premten kur do të takohet Këshilli Drejtues i partisë, pohohet se një gjë e tillë mund të ndodhë posa të mblidhet konventa e partisë, e cila pritet të thirret nga Këshilli Drejtues...

(Tekstin e plotë mund ta lexoni në numrin e nesërm të gazetës, “Bota sot”)
-----------------------
Sipas disa zerave,per mbledhjen e se premtes te Keshillit Kombetar te LDD(ku pritet te sqarohen shume nga dilemat e ngritura publikisht rreth fatit te metejme te kesaj partie),nuk jane thirrur shume nga emrat e ketij organi,per te cilet dyshohet se mund te jene arre e forte per liderin aktual te kesaj partie Nexhat Dacin.Bile flitet se ka edhe shlyerje te shume anetareve nga lista publike e anetareve te K.kombetar ne Web-in e LDD,pa asnje procedure statutare,sic e parashikon Statuti i LDD.
Flitet se e premtja mund te jete dita e fundit per shume nga themeluesit e kesaj partie,qe thane shkurt e shqip,paten rrezikuar shume para 3 vitesh,kur u rreshtuan perkrah N. Dacit me shprese se do te ruhet fryma dhe shpirti i demokracise se brendeshme partiake,karakteristike e ish LDK.
Per fat te keq,shume nga ish themeluesit e kesaj partie,paten rast te zhgenjehen shume shpejte,sepse qe nga ditet e para te ekzistimit te LDD, Zotni Nexhat Daci,tregoi metoden dhe metodologjine e punes se tij,qe mund te karakterizohet si shume arbitrare dhe jodemokratike.
E gjitha filloi me anashkalimin e debatit ne Konventen e Pare,kur nuk iu dha fjala delegateve pjesemarres,por u propozua e votua me aklamacion nje liste per Keshill Kombetare,pa as edhe nje debat.E njejta procedure,e pamundesise se debatit dhe dialogut per emrat e propozuar nga Daci ,per anetare te Kryesise se LDD,ku kryesisht u zgjodhen kolege,miqe e jarana te Dacit nga fakulteti ku punon,instituti dhe akademia,njerze pa asnje dite pervoje politike ne asnje parti politike.
E ardhmja e kesaj partie eshte shume e zymt.
Aktualisht jane shume qarte te pervijuara dy grupacione shume antagoniste.Njeri qe kryesohet nga vet Daci,ka per synim ruajtjen me cdo kusht te postit te tij dhe nje grupi te ngushte njerzish qe kane perfituar mjaft shume nga afersia e tij,e qe per synim afatshurter ka bashkimin me AKR e Pacollit per momentin dhe futjen ne qeverine e Thacit,ne rast levizjesh te medha tektonike ne realacionet LDK-PDK.Ndersa, vizioni aftgjate i ketij grupi, eshte bashkimi me PDK,si alternative e vetme per ruajtjen e nje berthame kuadrash besnike te Dacit.
Grupacioni i dyte i forte ne Kryesine e LDD eshte ai i Naser Rugoves,Adem Salihajt dhe Tome Hajdarit,e qe mbeshtetet nga shume faktor edhe jashta LDD, si Uke Rugova e disa te tjere emra politikajsh te niveleve me te ulta dhe biznesmenesh,qe rrugen e shpetimit e shohin ne perafrimin me LDK dhe ne afat te gjate edhe shkrirjen dhe bashkimin e serishem te saj,pas disa ndryshimeve kadrovike ne kreun e LDK-se qe pritet te ndodhin sivjet.

Ka shume gjasa reale qe pasneser kjo parti do te ndahet perfundimisht,gje qe hap shume dilema e rirreshtime te reja jo vetem politike,sepse kjo parti ka 10 deputet ne Kuvend,dhe ripozicionimi i tyre eshte shume domethenes, per raportin e forcave per sot,e sidomos per vitin tjeter kur mbahen zgjedhjet nacionale.

-----------------------------
Vazhdon erozioni në shtëpitë e përqara të ish LDK-së...-----------------------

Në AAK aderoi veprimtari Hysen Gërvalla

Në radhët e Aleancës për Ardhmërinë e Kosovës të enjten ka aderuar zyrtarisht veprimtari dhe atdhetari i shquar Hysen Gërvalla, i cili në vitet e fundit ishte pjesë e LDK-së dhe më vonë e LDD-së.
Gërvalla u prit në Aleancën për Ardhmërinë e Kosovës nga kryetari Ramush Haradinaj dhe bashkëpunëtorë të tjerë në parti.

Me rastin e aderimit të tij në AAK, ai ka thënë se familja Gërvalla dhe miqtë e tij gjithmonë do të jenë në përkrahje të të gjitha proceseve pozitive që kanë qenë dhe që janë në dobi të lirisë së Kosovës.

Hysen Gërvalla është vëllai i atdhetarëve Jusuf e Bardhosh Gërvalla. /Telegrafi/

Ps.Hysen Gërvalla ishte anëtarë i Kryesisë së LDD-së dhe njëri nga themeluesit dhe kontribuesit më të çmueshëm të saj.Jeton në Zvicërr dhe është një nga veprimtarët më të vjetër të ish LDK-LDD në mërgatë...

Ndërkaq,dje në radhët e AAK-së nga LDK kaloi edhe DR. Muhamet Shatri,anëtarë i Këshillit të Përgjithshëm të LDK-së....

Asnjë fjalë,koment ose reagim nga asnjëri oxhak i këtyre dy "shtëpive" ...

[Guri i Kuq]

LDK i thotë Dacit: JO


Nënkryetari i parë i Lidhjes Demokratike të Kosovës, Eqrem Kryeziu ka vlerësuar se nuk është koha e duhur për të lidhur koalicion parazgjedhor me partinë e Nexhat Dacin, Lidhjen Demokratike të Dardanisë.
Në një intervistë për të përditshmen “Epoka e re”, Kryeziu megjithatë ka thënë se mirësjellja të obligon të përgjigjesh ftesës publike, duke aluduar në letrën publike që lideri i LDD-së, Nexhat Daci, e ka dërguar në adresë të LDK-së për lidhjen e një koalicioni parazgjedhor mes këtyre dy partive.

“Do të ishte shumë korrekte që t’i kthehet përgjigje letrës publike. Ne sigurisht se do ta bëjmë këtë gjë, por nuk ka ndonjë kufi të prerë për këtë”, ka thënë Kryeziu.

Megjithatë, Kryeziu nuk mendon se është koha për të lidhur koalicion. “Aktualisht një koalicion parazgjedhor me LDD-në nuk ma marr mendja se mund të bëhet, për arsye se nuk është koha e koalicioneve”, ka thënë Kryeziu.
Ndërkaq, duke folur për riformatimin e Qeverisë, Kryeziu ka thënë se LDK s’mund të supozojë asgjë deri në ndërrimin e ministrave, derisa kryeministri Thaçi të sjellë projektin final për këtë çështje. /Telegrafi/

[Guri i Kuq]

NGA MBLEDHJA E KRYESISË SË DEGËS SË LDD-së NË GJERMANI



PËRAFRIMI DHE RIBASHKIMI I LDD-së ME LDK-në TË BËHET MBI BAZA TË SINQERTA SI DHE NË FRYMËN E FILOZOFISË POLITIKE TË DR. I. RUGOVËS


Kështu u tha në mbledhjen e kryesisë së Degës së LDD-së në Gjermani e cila u mbajt me 21. 03. 2010 në Heilbron.

Në praninë e shumicës së anëtarëve të kryesisë mbledhjen e udhëhoqi kryetari i Degës z. Hafiz Gagica, njëherë edhe anëtar i kryesisë qendrore, i cili në fillim foli për situatën politike në Kosovë të cilën e cilësoi si jo të volitshme për shkaqe të shumta, duke filluar nga mungesa dhe shkelja e parimeve politike, pastaj mungesa e demokracisë dhe transparencës politike brenda vetë partive e deri tek mungesa e strategjisë afatmesme dhe afatgjate zhvillimore si dhe e projekteve konkrete për konsolidimin dhe sendërtimin e shtetit të mirëfilltë ligjor-juridik. Theks të veçantë vuri mbi nevojën e profilizimit partiak në Kosovë, pa të cilin, siç tha ai, nuk mund të ketë përparim dhe as emancipim politik bashkëkohor që përkon me interesat tona për zhvillim të gjithanshëm të shtetit të Kosovës si kusht themelor për krijimin e platformës unike mbi bazën e së cilës do gjendeshin zgjidhje përkatëse të problemeve të shumta me të cilat ballafaqohet sot Kosova, siç është çështja e Veriut të Mitrovicës dhe shumë të tjera.

Duke u kyçur në diskutim rreth rendit të ditës, në këtë mbledhje, pranë shqyrtimit të disa çështjeve që kishin të bënin me organizimin dhe forcimin e më tejmë të Degës së LDD-së në Gjermani, të gjithë anëtarët e kryesisë shprehën zhgënjimin dhe shqetësimet e tyre rreth rënies së elektoratit të LDD-së siç ndodhi në zgjedhjet e fundit lokale, duke nënvizuar faktin se shkaktarët kryesorë kanë qenë disa gabime të cilat janë bërë para dhe gjatë fushatës elektorale, vetëkënaqësia, etj, të cilat kanë ndikuar që anëtarësia jonë të zvogëlohet dukshëm. Po ashtu, gjatë diskutimit dominojë edhe vlerësimi se udhëheqësit shtetëror të Kosovës më
shumë merren me interesat e tyre personale duke u pasuruar në mënyra joligjore, se sa me zgjidhjen e problemeve të shumta me të cilat ballafaqohet sot populli i cili është sjellë në gjendje të mjerueshme sociale dhe ekonomike. Siç është p. sh. papunësia e madhe, zhvatja e pasurive nacionale të Kosovës në mënyrë bizare nga shumica e udhëheqësve politikë, mos luftimi i korrupsionit i cili e ka ngulfat tërësisht shoqërinë kosovare, mos zbardhja e krimeve dhe hajnive të shumta, degjenerimi i politikës nacionale deri në abuzim me interesat tona strategjike për të ndërtuar shtet të plotë sovran dhe të pavarur, kriza e thellë morale dhe politike brenda gati të gjitha partive politike, lënia anash dhe moskujdesi ndaj shqiptarëve jashtë kufijve të Kosovës siç janë në Preshevë, Medvegjë dhe Bujanoc si dhe ata në Mal të Zi, injorimi i plotë i diasporës shqiptare si dhe diskriminimi që iu bëhet në kufi vite me radhë mërgimtarëve tanë me rastin e shkuarjes së tyre në vendlindje (pagesat e panevojshme për sigurimin e automjeteve), azhuriteti jo i plotë në plotësimin e kërkesave të tyre të natyrës juridiko-administrative, mos formimi i ministrisë për diasporën, mos përfaqësimi i saj në Parlament nga përfaqësues dhe delegat nga radhët e saj, dhe kështu me radhë.

Pikë e veçantë e kësaj mbledhjeje ishte Letra të cilën kryetari i LDD-së akademik Nexhat Daci kohë më parë ia kishte drejtuar z. Fatmir Sejdiu, kryetar i shtetit dhe njëherë edhe kryetar i LDK-së, por me post të ngrirë, në të cilën i kishte ofruar bashkëpunim dhe koalicion midis dy subjekteve tona politike. Kështu që rreth kësaj çështjeje diskutuan të gjithë anëtarët e kryesisë, por edhe ata të Komisionit për informim, meqë rast unanimisht shprehen përkrahjen e tyre të plotë rreth kësaj iniciative të qëlluar, duke theksuar nevojën imediate që kjo nismë të shqyrtohet me seriozitet si dhe të realizohet gradualisht, kuptohet pas analizave të nevojshme dhe kontakteve midis kryesive te të dy partive tona. Në kontekst të kësaj teme të gjithë pjesëmarrësit në diskutim u deklaruan fuqishëm se kushtet dhe rrethanat aktuale politike nëpër të cilat po kalon sot Kosova, sidomos për shkak të qeverisjes së keqe më Kosovën nga ana e qeverisë aktuale, por edhe për hir të reformimeve dhe profilizimeve të domosdoshme partiake në Kosovë si kusht për përmbushjen e standardeve, që si shtet dhe shoqëri synojmë anëtarësimin në BE-së dhe NATO-s, bashkimi dhe fuzionimi i LDD-së me LDK-në është dhe mbetët alternativa e vetme, si për anëtarësinë e flakët rugoviane, ashtu dhe për realizimin e interesave tona kombëtare. Pra, ishte qëndrim unik i kësaj kryesie se përafrimi dhe bashkimi midis këtyre dy subjekteve politike duhet të ndodhë patjetër, me kusht që ai të bëhet mbi baza të barabarta, në mënyrë të sinqertë dhe pa ndërskambsa, ide kjo e nisur qysh nga vetë çasti i ndarjes së hidhur nga veprimtarë dhe aktivistë të dalluar të LDK-së në Gjermani, siç ishin z. Idriz Zeqiraj, Xhafer Leci, Fazli Hajdaraj, etj.

Po ashtu në këtë mbledhje u tha se mërgata politike ka qenë gjithnjë aktive dhe në përkrahje të proceseve politike në vend. Ndaj, edhe në këtë rast veprimtarët politikë të saj duke e pa si nevojë kohezive, përkrahin dhe kërkojnë nga politikanet e dy gaborreve, LDK dhe LDD, që ta tejkalojnë veten e tyre dhe t’i nënshtrohen vullnetit të elektoratit të madh Rugovian. Shembuj të tillë gjatë zgjedhjeve të fundit lokale ka pasur mjaft, dhe se aty ku kishte sinqeritet të afërsisë midis LDK-së dhe LDD-së kishte edhe suksese.



Komisioni për Informim i Degës së LDD-së në Gjermani

[Guri i Kuq]

Daci: Për LDK’në flasin pas rizgjedhjes


Konventa e LDD’së mblidhet pas dy javësh. Nexhat Daci aktualisht nuk ka kundërkandidat dhe pritet të rizgjidhet në krye të partisë. Lulëzim Zeneli thotë se pas Konventës, LDD do të dalë me kundërpërgjigje ndaj refuzimit të LDK’së.

Nga Faton Ismajli më 28.03.2010 në ora 12:21,"Express",Prishtinë

Nexhat Dacit nuk pritet t’i lëkundet karriga e Kryetarit të LDD’së në mbledhjen e Konventës së Dytë të Partisë, ku do të ketë zgjedhje të brendshme partiake. Kryetari i LDD’së pritet të rikonfirmohet në mandatin e dytë, edhe pse pësoi disfatë në zgjedhjet e vitit të kaluar ku elektorati i saj u zvogëlua. Sekretari i LDD’së, Lulzim Zeneli konfirmoi për Express se Konventa e LDD’së do të mbahet pas dy javësh, ku do të ketë freskime brenda partisë, por jo në kreun e saj.

“Më 10 prill do të mbahet Konventa ku do të zgjedhen Kryetari dhe Këshilli Kombëtar”, ka thënë Sekretari i LDD’së, Lulëzim Zeneli për Express, të shtunën. Ish’kryetari i Kuvendit të Kosovës nuk pritet të ketë kundërkandidatë për postin e udhëheqësit të LDD’së. Këtë e pohon anëtari tjetër i Kryesisë së LDD’së, Gani Geci. “Zyrtarisht nuk ka ndonjë kandidat përpos Nexhat Dacit. Por aty është çështje e secilit që e sheh vetën se mund të jetë kundërkandidatë i Akademik”, ka thënë Geci.

“Demokracia e lejon të ketë edhe kandidatë të tjerë për Kryetar të partisë”, ka shtuar ai.
Megjithëkëtë, Lidhja Demokratike e Dardanisë ka kaluar në momente jo të mira pas zgjedhjeve të vjetshme komunale. Kjo parti pati rënie të elektoratit, çka ndikoi që disa anëtarë të Kryesisë së saj t’i drejtojnë shigjetat kah Nexhat Daci. Ai u akuzua se zhgënjeu elektoratin e tij kur vendosi të garonte së bashku me AKR’në në shumë komuna, derisa publikisht disa udhëheqës të LDD’së i kërkuan që të mendojë për një bashkëpunim me LDK’në.

Megjithëse Daci i ka zgjatur dorën e bashkëpunimit me ish’partinë e tij, zyrtarët e LDK’së i janë përgjigjur negativisht ofertës së LDD’së për marrëveshje parazgjedhore me arsyen se nuk është koha e koalicioneve. Mirëpo, Lulzim Zeneli thotë se pas Konventës do të dalin me kundërpërgjigjeje për ofertën e tyre ndaj LDK’në. “Pas Konventës do të ketë paraqitje dhe do të jepet kundërpërgjigjja për LDK’në. Aty do të orientohen disa qëndrime të LDD’së për periudhën e ardhshme”, ka thënë ai.

Por, kur pritet të zgjedhet Kryesia dhe Nënkryetarët e rinj të LDD’së? Sekretari i LDD’së thotë se kjo do të ndodh dy javë pas një muaji. “Dy javë pas mbajtjes së Konventës Kryetari e thirr Këshillin Kombëtarë dhe propozon emrat e Kryesisë dhe Nënkryetarëve. Deri në atë kohë do të përfundojnë zgjedhjet e brendshme”, ka thënë ai.
Lidhja Demokratike e Dardanisë është themeluar pas Kuvendit të VI të LDK’së, ku një pjesë e partisë së Ibrahim Rugovës iu bashkuan Nexhat Dacit.

Konventa e LDD’së?
Konventa është organi më i lartë i LDD’së në. Ky mekanizëm i Partisë, përbëhet nga 501 delegatë, 50 delegatë zgjedhen nga radha e mërgatës, dhe 50 delegatë nga radhët e autoriteteve me ndikim në fushën e shkencës, artit, kulturës dhe sportit.
përcakton orientimet themelore të veprimit politik të LDD-së. “Konventa po ashtu zgjedh Kryetarin, Këshillin Kombëtar, shqyrton dhe vlerëson punën e organeve qendrore dhe të organeve të tjera të partisë”, thuhet në statutin e LDD’së. .