Daci i ofron Sejdiut koalicion parazgjedhor

[Brari]

preng..

meqe je i brendshem ne politiken e kosoves.. cfar di ti apo cfar shpjegimi i jep .. shkarkimit te rrufeshem te dacit nga kryetar i parlamentit..?

un kurgja nuk kuptova e ala kush sna ka sqarue..

[Rugova]

Brari shtroi pyetjen:
"po a jan kto humnera mes popullit ldk ist e ldd ist apo.. jan ceshtje tjera qe kan lidhje me gjera qe nuk i dime.. pra pun kupolash..e prapa skenash ..??"

Mendimi im:
Nuk ka humnera midis popullit ldk-ist dhe ldd-ist. Ata janë ndarë pa të drejtë, dhunshëm, turpshëm dhe mizorisht për ta hequr nga skena politike e kosovës rugovizmin; së pari si rezultat i pazareve politike midis sejdiut dhe thaçit, alias midis ldk-së dhe pdk-së, për hir të gjoja interesave shtetërore (lexo: karrieriste), dhe së dyti si pasojë e skenareve të kuinit për sundim më të lehtë të Kosovës. Pikërisht siç thua ti Brari, punë kupolash është kjo dhe skenarve të brendshëm dhe të jashtëm për realizimin sa më të plotë të misionit protektorues ndërkombëtar. Daci s' ishte tjetër vetëm se "kurban" i gjallë i këtyre lojërave me Kosovën, i cili mjerisht nuk ishte i rritur sa duhet politikisht që t'i nuhas përpara këto skenare. Ndaj, e hudhen si "qenin n'rrush", dhe sot e asaj dite ushqehet me iluzionet se do të rikthehet në postet e larta shtetërore. Jo, kurrën e kurrës ai nuk do të zgjedhet më në ndonjë post shtetëror. Sepse, era e tij në politikë ka mbaruar dhe për fatin e tij të mirë, ka marrë fund vetëm më kaq, sepse ka mundur të përfundonte shumë më keq. Për tri vite sa ka udhëhequr LDD-në ka dëshmuar se zanati i politikës nuk ishte fah i tij, siç ka dëshmuar se akademizmi nuk i ka ndihmuar pothuajse asgjë në veprimtarinë politike.
Ja, pra në rastin e tij është treguar qartë se shkenca dhe politika në rastet më të shpeshta nuk ecin njëra me tjetrën, veçse pranë njëra tjetrës si opozitë-pozitë, dhe këtë së paku është dashur ta dinte akademik Daci, apo jo Brari....!?

[Preng Sherri]

preng..

meqe je i brendshem ne politiken e kosoves.. cfar di ti apo cfar shpjegimi i jep .. shkarkimit te rrufeshem te dacit nga kryetar i parlamentit..?

un kurgja nuk kuptova e ala kush sna ka sqarue..

Ne s'kemi nevoj të të mirremi me shkarkimin e Dacit ngaqë atë gjë e kërkuan miqtë tanë amerikan të nisur nga fakti që Daci kishte dhënë disa deklarata të pamatura për ndërkombëtarët.
Mirëpo sikur fare të mos ndodhte kjo gjë, Daci duhej të shkarkohej ngaqë kishte bërë shkelje të njëpasnjëshme si i pari i Kuvendit. Kur jemi te këto shkeljet, dorën në zemër, asgjë mangu se kanë lënë dhe as këta të tjerët.
Unë personalisht e njohë Dacin që nga viti 1986 dhe kjo njohje e jona ka qenë e " dhunshme" apo më mirë me thënë e domosdoshme. Nexhat daci në lëmin e kimis ka treguar suksese por si njeri ay gjithnjë ka qenë me " behane" edhe si ligjerues sa ishte.
Tashti, LDD-ja ka vërejt me zgjedhjet lokale që nëse tani do të bëheshin zgjedhjet nacionale ATA po njësoj sikur ORA e Surroit më herët s'do t'mund ta kalojn pragun Zgjedhor të 5 % qindshit.
Kjo është arsyea e vetme që ata duan koalicion me LDK-ën ngaqë me AKR-en e provuan dhe nuk o doli mirë; nuk u doli mirë sepse siç duket kreu i AKR-ës është i pozicionuar në atë mënyrë që të bashkëpunojë me PDK-ën.
LDD-ja do të bashkëpunonte me të gjithë përpos me LDK-ën nga të cilët u ndanë turpshëm por duke i ditur raportet e disave mbrenda LDD-ës me PDK-ën raporte armiqësore kjo gjë është e pamundshme.
KUr t'kihet parasysh që AAK-ja nuk pranoj që të jetë pjesë e koalicionit me LDD-ën dhe AKR-ën dhe se ata të vetmin aleat të mundshëm e shohin LDK-ën at'herë varianti i fundit i mundshëm për LDD-ën ka mbetë LDK-ja.
Por me këtë rastë LDK-ja mund të përgjigjet edhe në mënyrë diplomatike në kërkesën e LDD-ës si përshembull:
" Jemi dakord për t'bërë koalicion por në zgjedhje nacionale do të dalim veç e veç; nëse JU të LDD-ës fitoni përqindje të mjaftueshme dhe bëheni pjesë e parlamentit at'herë do t'bëjmë koalicion për aqë sa u garanton përqindja e fituar".
Varianti tjetër është që LDD-ja të shuhet dhe anëtarsia e saj të jetë e lirë për të zgjedhur në duan t'i bashkohen LDk-ës apo ndonjë subjekti tjetër.
Pastaj nuk e di se si do të silleshin me këtë rast Bukoshi dhe Adem Salihaj që ishin dhe janë në një konflikt të hapur.
Definitivisht: Nexhat Daci është i dështuar në politik dhe dorën në zemër ay ka qenë aty dhe në ato pozita falë Rugovës që e kishte afruar se përndryshe ay do të mbetej shumë-shumë largë politikës.
T'u them të drejtën. megjithëse kam dyshimet e mia në figuren e Ukë Rugovës dhe punën e tij dhe lidhjet e tija me nëntokën apo mafijen politiko-ekonomike, idea e Naser Rugovës sa mund të duket simpatike nga një pjesë e njerezve mendoj që është tepër DINAKE dhe e ultë ngaqë nëse Geci, Salihaj, Daci dhe të tjerë lanë LDK-ën dhe formuan LDD-ë, i fundit që do të duhej ta bënte këtë gjë do të duhej të ishte pikrishtë naser Rugova.
Ky njeri me të gjitha mjetet mundohet për ta joshë familjen e rugovës jo pse është i interesuar që të jetë dikush nga ajo familje në politik por sepse nepermjet tyre mundohet të perfitoj vet personalisht!
Edhe ky duhet definitivisht të mënjanohet nga politika!

[fattlumi]

Tradicionalisht tek shqiptaret ne pergjithesi grupet qe jane ndare nga partite e mdhaja dhe kane formuar parti te reja ne zgjedhjet e para marrin nje perqindje te konsiderueshme te votave(ORA,AKR,LDD) ,mirepo ne rrethet tjera te zgjedhjeve te mevonshme nuk kalojne as pragun zgjedhor.
LDK ne kete rast e ndien vetem "krenare "kur e lusin partite tjera per koalicion,mirepo edhe koalicioni me parti qe ndoshta nuk kalojne pragun zgjedhor nuk qojne peshe per partite e mdhaja.
Keto koalicione ne mes partishe ne Kosove do te ndihmoheshin shume nese partite do kishin profilizimin partiake brenda tyre(ideologjija mbi te cilen ndertohet nje parti) sepse keshtu nuk do te shihnim levizje te personave dhe koalicione te panatyrshme.
Rasti i Edita Tahiri qe formon parti sa per ta lepire nje asht ne parlament,ose se fundi Agim Qeku,nuk qojne peshe.
Mendimi im eshte qe profilizimi i ketyre partive do i sqaronte pozicionet dhe koalicionet sepse ne fund te fundit sdo te kishim koalicione te intereseve grupore qfare i kemi sot ne Kosove.

[Guri i Kuq]

Intervist e gjate e Nexhat Dacit,kryetar i LDD, dhene ku tjeter pervec se gazetes "Express" te Prishtines;
--------------------



Nuk jemi Monarki


Ukë Rugova besoj se gëzon respekt të madh. Por, ne nuk jemi në monarki, që të trashëgohen postet. Nuk e kam pasur të lehtë t’i dërgoj letër Fatmir Sejdiut. Relaksimi i marrëdhënieve LDK-LDD është në shërbim të vendit. Kërkoj nga LDK vetëm koalicion parazgjedhor. Shuarjen e LDD’së nuk e nënshkruaj kurrë. Nexhat Daci flet për Express.

Nga Leonard Kerquki & Faton Ismajli më 16.02.2010 në ora 8:00

Express: Shumëkush beson se LDD’ja, tri vjet pas themelimit, po kalon ditë të vështira...
N. Daci: Shumë gabim e kanë. LDD’ja ka hyrë në një fazë tjetër të dinamizmimit të procesit politik të saj, në një fazë të veprimit politik të vendosur.

Express: Pra, mohoni se keni probleme brenda shtëpisë suaj politike?
N. Daci: Me përgjegjësi të madhe ju them se probleme nuk kam. Ka diversitet mendimesh të ndryshme, por jo edhe probleme, bile për atë pjesën oficiele që ngjanë në Kryesi apo në takim me kryetarë të degëve. Ndoshta ka një ekskursion nëpër media që nuk është prapë risi në LDD. Nuk shoh dhe nuk parashikoj asnjë krizë. Sepse unë jam gjithmonë i përgatitur për t’u ballafaquar me kriza. Po të kishte një gjë të tillë, do ta thosha. Ata që e paraqesin gjendjen e LDD’së në krizë, fare nuk janë në rrjedha të vërteta të LDD’së.

Express: Rezultat i krizës në LDD janë zgjedhjet e fundit. Cila është analiza juaj, pse më 15 nëntor nuk morët votat që kishit marrë me 17 nëntor të vitit 2007?
N. Daci: Po, është rezultat i një gabimi kohor. Ky vlerësim është pranuar në krejt strukturën oficiele të LDD’së, në takimet e rregullta me degë dhe në përgjithësi. Në kuptimin që u paraqit para strukturës sonë zgjedhore, sikurse ne kishim koalicion me AKR’në, kur në fakt nuk kishim. Ne kishim marrëveshje për përkrahje të kandidatëve për kryetarë komunash. Një marrëveshje, do të thosha, jo e lehtë, sepse marrëveshja që ishte 100 për qind e arritur në mes të Pacolli dhe Dacit nuk gjeti përkrahje të mirëfilltë në Kryesinë e AKR’së. Po e them për herë të parë një të vërtetë - ne kishim rënë dakord që të ishim bashkë në Ferizaj dhe Gjilan, por ndikimi i strukturave jashtë Presidentit të AKR’së, ka qenë befasues për mua. Njëherësh, edhe në LDD ka pasur probleme, e dini rastin e Lipjanit dhe Kaçanikut, por te ne problemi ka qenë me degët, e jo me Kryesinë. Me një fjalë, ishte një marrëveshje që nuk mund të respektohej sa duhej dhe nuk i kishim përgatitur degët tona aq sa duhej, nuk ua kishim shpjeguar qartë këtë marrëveshje. Po ashtu, në rezultat ndikoi edhe rastësia e numrave të AKR’së dhe LDD’së që ishin 64 dhe 65. Numrat krijuan huti. Jam i informuar mirë që në këto zgjedhje ka pasur mbi 60 mijë vota të pavlefshme. Sipas sqarimeve që më janë dhënë, shumë më tepër se gjysma kanë qenë të pavlefshme, sepse janë rrumbullakësuar të dy numrat tanë.
Faktikisht ka rënie. Përqindja e LDD’së ka qenë 9.12 në zgjedhjet lokale të 2007-s kurse tash është 7.18 për qind. Do të thotë është rënie faktike që nuk mund ta mohoj dhe nuk dëshiroj ta mohoj. Unë po them se ishte rezultat, jo i rënies së përkrahjes së elektoratit të LDD’së apo të AKR’së, por i hapave të vonuar dhe mospërgatitjeve të degëve dhe elektoratit tonë. Po e them edhe se nuk i kemi pasur shumë të disiplinuara degët. Po e them me përgjegjësi të madhe se LDD’ja e ka mbështetur kandidatin e AKR’së në Prishtinë me tërë fuqinë. Me sinqeritet dhe me krejt kapacitetin. AKR’ja me tërë kapacitetin na ka mbështetur në Viti, po ashtu, por në Pejë ka pasur dështim të plotë të AKR’së në përkrahje të kandidatit tonë.

Express: Pra, ju po thoni se rënia e LDD’së lidhet me problemet teknike. Megjithatë, jo pak shigjeta janë drejtuar kah ju, duke iu bërë përgjegjës për atë çfarë i ndodhi LDD’së më 15 nëntor?
N. Daci: Po, në kohërat e demokracisë, ndoshta është normale ajo. Sepse ka njerëz të strukturave të ndryshme, të strukturës mendore dhe politike, të vullneteve për avancime të proceseve individuale dhe jopartiake. Kjo nuk është vetëm tani. Kemi pasur edhe paraqitje të proceseve të tjera edhe para ndarjes nga LDK’ja. Por është interesante se për mua nuk janë frustuese fare komentet e ndryshme. Unë kam qenë vazhdimisht i qetë dhe nuk kam polemizuar fare, sepse nuk polemizoj dhe nuk do t’i komentoj proceset që nuk kanë filluar nga struktura. E them se kur ka ndonjë risi, ajo paraqitet në strukturën e shtëpisë, qoftë në Kryesi, qoftë në takime me degë. Mendimet individuale ose hapat individualë nuk kam qejf kurrë as t’i shaj, as t’i lëvdoj. Janë mendime të njerëzve të lirë. LDD’ja ka një demokraci, e cila ndonjëherë krahasohet me anarki. Shembull, i merr votat e deputetit të LDD’së, bëhet Nënkryetar i LDD’së - që s’ka qenë kurrë në ndonjë parti tjetër - bëhet deputet dhe mandej i trafikon ato vlera. Ne nuk përlahemi për këtë, e as nuk i komentojmë. Por, kur tejkalohen kufijtë e kuq që i ka statuti, atëherë bisedohet në nivele të tjera.

Express: Këto deklarime të zyrtarëve të LDD’së ju po i cilësoni si shfaqje e ambicieve individuale, mirëpo a nuk janë ato indikatorë që t’ju detyrojnë që të reflektoni për punën tuaj në krye të LDD’së?
N. Daci: Jo. Kurrë në jetë nuk kam vepruar nën presion ose nën ngazëllim. Kurrë në jetë. As në Universitet, as në Akademi të Shkencave, as në Parlament. Nuk veproj ad hoc në jetë, as në familje, as në shkencë, as në parti. Jam njeri i qetë në veprime. Në kohërat e krizave më të mëdha të pasluftës, kur nuk mundnim të krijojmë institucione dhe paraqitjes së atmosferës gati të luftës vëllavrasëse, unë kam pasur një kthjelltësi, një mirëkuptim dhe një qetësi shpirtërore të veprimit. Prandaj, unë nuk fajësoj askënd dhe nuk merrem me analiza individuale.

Express: A ishte e nxituar marrëveshje me AKR’në? Shumëkush beson se kjo marrëveshje është parë nga elektorati i LDD’së si shmangie nga “filozofia rugoviane”?
N. Daci: Unë e them fjalën dhe gjithmonë e mat me shumë përgjegjësi. Asnjë individ në LDD, në Kryesi, në takimet me kryetarët e degëve, e as në Këshillin Kombëtar nuk ka qenë kundër lidhjes së marrëveshjes parazgjedhore me AKR’në. Krejt të tjerat çka thonë në media, janë pazare ditore për interesa të fazave kalimtare, kur parapërgatitet ndonjë kalimtar. Është traditë e vjetër kjo. Shihni tash, mua po më planifikojnë për ndonjë post, jo në këtë ministri, jo në atë ministri... Megjithatë, nuk shqetësohem për këtë. Kohët e fundit janë shfaqur disa koncepte ose fjalë të cilat kurrë nuk janë diskutuar në forumet e partisë. Prandaj, kam qeshur kur i kam dëgjuar ato deklarata.

Express: A mendoni se do të vazhdojë bashkëpunim me AKR’në?
N. Daci: Mendoj se paraqitja e Behgjet Pacollit në skenën politike ka qenë freski dhe një shans i mirë për zhvillimin e Kosovës. Prandaj, nuk e mendoj fare të gabueshëm bashkëpunimin me të. Mendoj se bashkëpunimi im do të rritet dhe respekti do të rritet. Nuk mendoj kurrë që për shkak të një procesi politik që do t’ia kthejë shpinën ose do të armiqësohem me Pacollin. Në asnjë mënyrë.

Express: Në opinion kanë filluar të dalin ide të ndryshme, gati edhe aventureske për rrugën që duhet të ndjekë LDD’ja për daljen nga kriza. Naser Rugova, madje, propozoi që ju dhe z. Fatmir Sejdiu të jepni dorëheqje dhe në krye të të dy partive të vijë Ukë Rugova, djali i Presidentit të ndjerë?
N. Daci: Mendoj se nuk është autor i këtij propozimi (Naser Rugova). Këtë ide e kam dëgjuar shumë më herët nga një anëtar i Kryesisë së LDK’së. Janë qarqe të një estabilishmenti ose të një koncepti me të cilët nuk kam asgjë kundër dhe nuk i komentoj fare. Por, nuk është ide e re kjo. Po ju them në mënyrë shumë të sinqertë se edhe në përvjetorin e vdekjes së Presidentit Rugova kam qenë në familje të ngushtë dhe e ruaj respektin. Respekti im për Presidentin Rugova dhe Familjen e tij është respekt pa interesa. Pa i lypur asgjë. I dëshiroj asaj familjeje ose fëmijëve t’i arrijnë majat e dëshiruara. Por LDD’ja e ka zotin e shtëpisë. Duhet thënë se unë e di atë rrugë të menduari, nuk i kundërvihem, pasi që është e drejtë e gjithkujt t’i japë mendimet e veta.

Express: Pavarësisht se si ide ka qarkulluar edhe më herët, tash është ndryshe sepse po thuhet nga një anëtar i Kryesisë së partisë suaj?
N: Daci: Këtë duhet ta marrim si begati të brendshme. Po të kishte qenë ndonjë diktaturë, ndoshta do t’u kishte shkuar koka ideatorëve të tillë. Unë e përshëndes çdo koncept që ua japin mediave. Dikush ka qejf të jetë prezent në media çdo ditë. Personalisht hezitoj të dal në media, kur nuk kam çka të them. Në esencë, sa kam mundur ta lexoj atë ide, nuk kam parë ndonjë vlerësim të keq për LDD’në prej anëtarit të LDD’së dhe nuk dua ta kritikoj.

Express: A po thotë Naser Rugova mendimin e tij apo ai po përfaqëson një rrymë jo të vogël brenda LDD’së që po kthehen çdo ditë e më shumë kundër jush?
N. Daci: Besoj se përgjigjet do t’i merrni prej personave që po i përmendni. Unë nuk e ndjej atë. Nuk është thënë në forume. Këto të tjerat çka thonë në dasma në deka, kryshnoshe, rrugëve, kafeneve... nuk merrem me to.

Express: Si ju duket ideja që Ukë Rugova të jetë Kryetar i dy partive?
N. Daci: Mendoj si ide nuk i meriton komentet tona, as minutazhin tim, e as të gazetës. Por po jua jap dy-tre shembuj. Krejt familjarët që kanë trashëguar Josip Broz Titon që jetojnë në Kroaci dhe në Serbi, kanë marrë pjesë për ndonjë zgjedhje diku dhe asnjë nuk ka pasur sukses. Djali i krijuesit të Shtetit të Kroacisë ka konkurruar në kohën kur ka qenë Shef i krejt agjencive të zbulimit dhe kundërzbulimit të Kroacisë dhe nuk ka fituar asgjë. Shikoni, unë besoj se djali i Presidentit Rugova ose vajza kanë një respekt shumë të madh, i cili duhet të materializohet me punë dhe me paraqitje në strukturat kudo që janë. Por ne nuk jemi në monarki. Nuk jemi mbretëri që djali im ose djali i Presidentit ta trashëgojë atë post... Asnjë të keqe nuk kam unë për Ukën apo për dikë tjetër. Por është jashtë çdo koncepti në univers për ta komentuar. Sepse LDK’ja e ka udhëheqjen e vet dhe ata vendosin çka bëjnë në shtëpinë e tyre, e nuk mundet dikush nga LDD’ja t’iu tregojë atyre se çka të bëjnë.

Express: Ju mendoni se edhe Uka do ta përjetonte fatin sikur shembujt që dhatë për familjarët e Titos dhe Tugjmanit?
N. Daci: Nuk dua ta komentoj më tepër.

Express: A jeni në gjendje të vendosni rregull në parti apo edhe dorëheqjen e llogaritni si opsion?
N. Daci: Në Grupin parlamentar apo në Kryesi asnjëherë nuk kemi pasur ndonjë pengesë. Për hir të respektit të mbiemrit dhe të punës së vet,e kam avancuar në Kryetar të një komisioni parlamentar. S’kam asgjë të keqe. Unë nuk merrem me kafiteri, me rrugaçhane dhe kur ta vlerësoj se kur është nevoja të tërhiqem ose është krijuar masa, unë jam shumë gjakftohtë, shumë mirëkuptues. I njëjti kërcënim ka ekzistuar para dy vjetësh, kur kam marrë vendim që kryetarët e degëve mos të jenë anëtarë të Kryesisë. Një ditë ose dy para Këshillit Kombëtar më kanë lutur që mos ta bëj atë – “se ke me pa çka ka me t’gjetë në Këshill”. Unë kam qeshur. Në qoftë se një këshill kombëtar që e përfaqëson një strukturë të gjerë të menduarit politik në LDD, me shumicë ose supstancialisht është kundër mendimit të Kryetarit, atëherë çka i duhet Kryetarit të jetë më Kryetar. Dhe, po ju them se janë procesverbalet se asnjë njeri as nuk ka diskutuar, as nuk ka votuar kundër. Edhe tash po ju them se LDD’ja është unike në Grup parlamentar dhe Kryesi. Unë flas për anën oficiele, kurse të tjerat janë qëndrime individuale. Dikujt i pëlqen rakia, dikujt birra, dikujt çaji i rusit, dikujt çaji kinez dhe nuk ka asgjë të keqe.

Express: Të kthehemi te letra që i dërguat Presidentit Sejdiu javën e kaluar. Çfarë ndodhi që ju e ndërmorët këtë iniciativë?
N. Daci: Kjo nuk ka qenë e lehtë, që të jem fare i sinqertë. Ka pasur thyerje të brendshme të miat për një kohë të gjatë. Por mandej kam vendosur të veproj ashtu siç e ka krijuar Zoti Dacin. Bindja ime e thellë është që viti 2010 do të jetë vit mjaft i rëndë dhe i rrezikshëm për Kosovën. E kam ndier për obligim ta jap një mendim timin me alternativa të mundshme, sepse nuk mund të them alternativë të sigurt, sepse nuk jemi parti e madhe shumë, nuk kemi ushtri, nuk kemi shërbim informativ dhe nuk kemi financa. Për hir të personalitetit tim, të vijës njerëzore, intelektuale dhe politike, e kam ndier obligim t’i shkruaj letër dhe ta ndaj një mendim me të, sepse kemi qenë për 17 vjet në rrugëtim të përbashkët. Unë ia kam dhënë mendimet e mia për aktualitetin politik dhe tash ata duhet të mendojnë. Sipas traditës shqiptare, do të duhej që i madhi t’i drejtohet të voglit, se kur i vogli i drejtohet të madhit, i bie se po e lut ta shpëtojë. Ka zëra të këtillë edhe brenda LDD’së, edhe në media, se Daci po dëshiron ta shpëtojë vetveten. Jo, Dacin e mban puna e vet dhe e shpëton dhe e merr vetëm Perëndia. Kjo është devizë imja jetësore. Nuk kam pasur ndërmend asnjë lojë politike, asnjë marifetllëk dhe nuk i kam qitur asnjë lloj kushti. Në qoftë se e vlerëson LDK’ja si hap të qëlluar - faleminderit. Në qoftë se e vlerëson ndryshe - prapë faleminderit. LDD’ja do të vazhdojë të jetë, në koalicion me LDK’në apo pa koalicion. LDD’ja e ka një parim që nuk i ka borxh askujt mbi këtë rruzull tokësor. As borxh politik, as kombëtar dhe as financiar. Prandaj, nuk bën të keqinterpretohet dhe as të pritet shumë nga kjo.

Express: Pse sot është në interes të Kosovës bashkëpunim i LDD’së me LDK’në, e pse nuk ka qenë para tri vitesh, kur ju u ndatë? Madje, atëherë as statusi nuk ka qenë i definuar...
N. Daci: Prej distancës kur analizoni një rrugë trevjeçare ose katërvjeçare, krijon tjetër qëndrim se prej momentit kur ka qenë temperatura e pikës së vlimit të rrjedhave personale ose filozofike. Kalojnë tri-katër vjet dhe njeriu e analizon rrugën e ecjes dhe atë çka të pret. Çka të pret si Kosovën, çka e pret djalin apo vajzën time... Unë nuk kam nevojë as financiare, as politike, as fizike, as juridike, kurrkush të më përkrahë. Kosova sot është zhytur në një mendim jo të mirë - edhe kombëtar edhe ndërkombëtar. Po qeveriset me interesa të ngushta. Të gjitha proceset negative janë në rritje. Edhe korrupsioni, edhe reketi, edhe krimi ekonomik në veçanti. Prandaj, e kam ndier momentin që LDD’ja, jo Daci, po LDD’ja, mund t’i qesë në rrugë të mbarë dhe të drejtë.

Express: Megjithatë, hise në këtë degradim shoqëror dhe politik është edhe LDK’ja. Çfarë koalicioni mund të ketë rezultate me këtë parti, e cila është pjesë e këtyre të këqijave që po i përmendni?
N. Daci: Keni të drejtë. Por unë nuk kam qenë pjesë e asaj strukture në atë degradim. Besoj se të qenit në atë strukturë arrin të ndikojë në zotin e shtëpisë së LDK’së që nuk bën të ndiqen ato procese. Ka ndodhur çka ka ndodhur, merret tjetër kush me ato procese. Daci i pranishëm në një odë, në një drekë ose në një darkë, kurrë nuk ka heshtur dhe nuk do të heshtë. Prania e LDD’së do të mundësonte (unë flas gjithmonë për politikë të ardhshme, jo për të kaluarën) të ishte me ndikim në mirëqenien ose në fillimin e zhvillimeve të proceseve. Nuk garantoj dhe nuk them se jam më i madhi dhe më i miri, as më i mençuri, as kurrgjë. Ekziston një potencial tek unë, intelektual dhe politik për t’i argumentuar gjërat që i flas.

Express: A mund të thoni më shumë rreth letrës suaj. Çfarë bashkëpunimi i keni ofruar LDK’së?
N. Daci: Jo, nuk do të konsumohem, as energjikisht, as në kohë, sepse ai propozim mund të mos pranohet fare dhe, pse të shpalosëm ose shpërlahem. Kur të vijë koha për mendim tjetër, bisedojmë.

Express: Disa gjëra janë shumë më me rëndësi për publikun që të thuhen. Në radhë të parë, a nënkupton kërkesa juaj vetëm një koalicion me LDK’në apo nënkupton shkrirjen e LDD’së në LDK?
N. Daci: Njëqind për qind koalicion. Asgjë tjetër.

Express: A do ta pranoni ju shkrirjen e LDD’së?
N. Daci: Në këtë kohë, në qoftë se dikush pretendon për shkrirje nga LDD’ja, duhet të bëhet Kryetar i LDD’së dhe ta kryejë atë punë. Me Dacin, jo. Në këtë fazë, jo. E, as nuk po pretendoj që përmes kësaj marrëveshjeje të marr ndonjë prej tri posteve kryesore institucionale.

Express: Do të doja një analizë tuajën për mundësinë e rikonfigurimit të skenës politike të vendit. Pas letrës që i dërguat z. Sejdiu, krijohet përshtypja se ngadalë partitë e vogla do t’iu ngjiten subjekteve më të mëdha politike. Pra, LDD’ja të shkojë në LDK, AKR’ja në PDK... Si e shihni skenën politike të vendit, pas zgjedhjeve të ardhshme parlamentare?
N. Daci: Mendoj se po. Kosova është shumë e vogël financiarisht dhe në qoftë se vazhdojmë kështu, atëherë do të vazhdonin reketimet e partive të ndryshme ndaj ekonomisë. Mendoj që i duhen profilizime dhe janë të mjaftueshëm dy blloqe ose dy orientime. Është koha të mendojmë për dy grupime politike, të cilat do të merreshin shumë më tepër me sajimin e programeve, koncepteve të veta sesa qysh të mundim njëri-tjetrin, qysh ta vjedhim njëri-tjetrin dhe qysh ta mashtrojmë njëri-tjetrin.

Express: A mund ta ruajë LDD’ja identitetin e saj nëse do të kishte një koalicion me LDK’në?
N. Daci: Unë mendoj që do ta sforcojë madje, në asnjë mënyrë nuk do të dobësohet. Sepse edhe Lideri i LDD’së, edhe shumë anëtarë të të gjitha niveleve, kanë treguar konsistencë në vlera të mirëfillta. Besoj se relaksimi i raporteve LDD-LDK do të ishte dobiprurës për Kosovën.

Express: A mund ta shohim Dacin si partner të mirë me Sejdiun pas gjithë asaj që ka ndodhur në marrëdhëniet tuaja politike dhe personale?
N. Daci: Unë po ju them të vërtetën absolute. Unë mund të jem partner i mirë me Sejdiun, partner i mirë ose shumë i mirë me Thaçin. Partner i mirë me secilin. Sepse mendoj që e kam demonstruar në vepër. Për gjashtë vite punë të përbashkët me Sejdiun, s’kemi pasur kurrë diversitet konceptesh.

Express: Para zgjedhjeve ju keni deklaruar se Ramush Haradinaj e ka zgjedhur formulën e humbësit. Ndërsa AAK’ja më 15 nëntor u dyfishua...
N. Daci: Unë e ndaj ende atë bindje. Kur kam thënë se z. Haradinaj e ka zgjedhur formulën e humbësit, unë kam menduar në shumë fitore të natyrave të tjera. Në shumë fitore më të mëdha. Këto zgjedhje e kanë treguar edhe në Gjakovë, edhe në Vushtrri, edhe në Mitrovicë, edhe në Viti, krejt ndotësinë e këtyre zgjedhjeve. Prandaj, nuk dua të komentoj më shumë. I dëshiroj të rritet sa të dojë AAK’ja. Sepse asnjë të keqe nuk ia mendoj askujt. Nuk e kam ndërruar mendimin. Aq sa është rritur, aq e di ai çfarë e ka situatën e vet. Mendoj se do të ishte mirë për Kosovën që të rritet Ramushi sa më shumë, por Ramushi që i duhet Kosovës në një kuptim krejt tjetërfare se atë që e demonstron.

[Brari]

sdi ku lexova ktu ca mendime per LDK e LDD..

dikush thot se LDK e LDD duhet me u bashkue rreth UK Rugoves.. djalit te Presidentit Legjendar..

Nuk me duket e arsyeshme kjo..

une nuk e njoh Uken..

E kur nuk e njoh une lexues i rregullt i medias shqiptare e Kosovare.. si ka me e njoft populli..

Uka nuk njihet per cfar eshte..

Mund te jet shum djal i mire.. shum i afte etjetj..por deri tash qe flasim nuk e dime kapacitetet e karakterin e cilesite e tije..
Pse?

Sepse Uka nuk ka goje..
Pra Ukes nuk ju ka lexue kush mendimet vzionet pikpamjet ..nuk ja din kush sa i ka diturine kulturen e zgjuarsine..

Ja din ndoshta dikush..por jo Populli..

Pra Uka sot pe sot nuk mund te behet bashkuesi e lideri i rugovistave te Kosoves..

Nuk mjafton te qenit djal i Rugoves kjo..

Mendoj se Bashkimi i rugovistave.. (me rugovist kuptoj cdo atdhetar kosovar qe ka simpatizuar e ndjekur Rugoven e LDK -ne ne vite) duhet bere jo rreth nji individi por rreth nji programi.. politik..

Ky program duhet shkruar shkurt por qarte..

KOSOVA SOT DHE NESER..

dhe.. ti ngjaje pak a shume DEKALOGUT te midhad frasherit.. Pra i kuptushem e i thjeshte por frymezues e vizionar.. qe bashkon e nuk percan..qe ndan qarte te miren e te keqen..etjetj..

Le te mblidhen nje grup pune e ta perpunojne nje program te tille e te popullarizohet e debatohet ky program e rreth tije te mblidhen mileti..





..


si me vnue PD ne tiran xenin kryetar neser..

joo..
nuk e njohim xenin.. xen berishen e kam fjalen..

e njohin 3-4 shok qe pijn kafe me te.. apo qe shkojn ne disko me te si puna e atij levrekut prefektit klitoris krujes.. apo qe.. han neper restaurante me ate.. por masa e PD-se nuk e njeh fare.. sidomos qendre staret ..ata qe e shtyjne qerren PD neper gur e balte e shi e zallamahi..

Uka e kish at fat me ndejt myll ne shpi..
arsyet i dime..
farukat benin sherbim rrotull me ja vra Rugoves njerzit..

Pra ai nuk u be dot princ i njohur qe hyn e del der me der e katund me katund.. e flet e njeh popullin..

Nuk e shajm per kte..por plaget e se kaluares.. len gjurme..




..

[Kosovelli]

sdi ku lexova ktu ca mendime per LDK e LDD..

dikush thot se LDK e LDD duhet me u bashkue rreth UK Rugoves.. djalit te Presidentit Legjendar..

Nuk me duket e arsyeshme kjo..

une nuk e njoh Uken..

E kur nuk e njoh une lexues i rregullt i medias shqiptare e Kosovare.. si ka me e njoft populli..

Uka nuk njihet per cfar eshte..

Mund te jet shum djal i mire.. shum i afte etjetj..por deri tash qe flasim nuk e dime kapacitetet e karakterin e cilesite e tije..
Pse?

Sepse Uka nuk ka goje..
Pra Ukes nuk ju ka lexue kush mendimet vzionet pikpamjet ..nuk ja din kush sa i ka diturine kulturen e zgjuarsine..

Ja din ndoshta dikush..por jo Populli..

Pra Uka sot pe sot nuk mund te behet bashkuesi e lideri i rugovistave te Kosoves..

Nuk mjafton te qenit djal i Rugoves kjo..

Mendoj se Bashkimi i rugovistave.. (me rugovist kuptoj cdo atdhetar kosovar qe ka simpatizuar e ndjekur Rugoven e LDK -ne ne vite) duhet bere jo rreth nji individi por rreth nji programi.. politik..

Ky program duhet shkruar shkurt por qarte..

KOSOVA SOT DHE NESER..

dhe.. ti ngjaje pak a shume DEKALOGUT te midhad frasherit.. Pra i kuptushem e i thjeshte por frymezues e vizionar.. qe bashkon e nuk percan..qe ndan qarte te miren e te keqen..etjetj..

Le te mblidhen nje grup pune e ta perpunojne nje program te tille e te popullarizohet e debatohet ky program e rreth tije te mblidhen mileti..





..


si me vnue PD ne tiran xenin kryetar neser..

joo..
nuk e njohim xenin.. xen berishen e kam fjalen..

e njohin 3-4 shok qe pijn kafe me te.. apo qe shkojn ne disko me te si puna e atij levrekut prefektit klitoris krujes.. apo qe.. han neper restaurante me ate.. por masa e PD-se nuk e njeh fare.. sidomos qendre staret ..ata qe e shtyjne qerren PD neper gur e balte e shi e zallamahi..

Uka e kish at fat me ndejt myll ne shpi..
arsyet i dime..
farukat benin sherbim rrotull me ja vra Rugoves njerzit..

Pra ai nuk u be dot princ i njohur qe hyn e del der me der e katund me katund.. e flet e njeh popullin..

Nuk e shajm per kte..por plaget e se kaluares.. len gjurme..




..

U NDANE PER KARRIKE KERKOJNE TE RIMARTOHEN PER POLTRONA...

Kjo eshte aresyeja e vetme qe Daci kerkon te ribashkohet me LDK-ne.
Rezultatin e ketyre rimartesave e tregoi shume qarte Prizreni, Lipjani, Gjilani, ku te gjitha psrtite kryesore LDK, AAK, LDD, PSHDK dhe ato te minoriteteve u bashkuan kunder PDK-se...
Humben edhe me keq se ne raundin e pare!
Sejdiu dhe LDK jane te mencur. Nuk e hane sapunin per djathe.
Ashtu si dhe Rugova, kryetari Fatmir Sejdiu merret me mire vesh me Thacin dhe PDK-ne se me poltronistet qe u ndane me karrike kokes dhe kerkojne te rimartohen me ta per poltrona per prapanicen e vet jo per popullin e Kosoves.

[Llapi]

Naser Rugova

Deklarata fyese e Dacit
Naser Rugovës i duket fyese përgjigjja që mori nga Nexhat Daci për idenë që në krye të LDK’së dhe LDD’së të vijë Ukë Rugova. Ai insiston se djali i Presidentit të ndjerë mund t’i shpëtojë “rugovistët”. Në këtë ide, thotë se e ka përkrahjen edhe të disa anëtarëve të Kryesisë së LDD’së

Nga Faton Ismajli më 20.02.2010 në ora 9:00
Deklaratë e paqëlluar, politikisht jokorrekte, në një masë edhe fyese.

Kështu e ka cilësuar Naser Rugova përgjigjen që mori javën e kaluar nga Shefi i tij, Nexhat Daci, lidhur me idenë që në krye të LDK’së dhe LDD’së të vijë Ukë Rugova, djali i vogël i Presidentit të ndjerë.

Kryetari i LDD’së, Nexhat Daci, në një intervistë që dha javën e kaluar për Express, tha se Kosova nuk është monarki, ku pushteti trashëgohet. Rrjedhimisht, ai i cilësoi si joserioze idetë e anëtarit të Kryesisë së partisë së tij.

Kjo deklaratë e ka shtyrë Naser Rugovën që të reagojë. “Konsideroj se krahasimet me modele monarkiste janë tërësisht të paqëlluara, politikisht jokorrekte dhe në një masë edhe fyese. Sikur të kishte tendenca monarkiste, kjo do të bëhej që për së gjalli të Presidentit Rugova dhe aspak nuk do të ishte çështje debati”, ka thënë Rugova, për Express, të premten.

“Unë nuk mund të them se kur Ukë Rugova do të vendosë të inkuadrohet në politikë, por duke e njohur Ukën, duke e njohur shpirtin demokratik të familjes së Presidentit Rugova, ju siguroj se kurdo që të jetë ky zhvillim, do të jetë në kuadër të një procesi demokratik dhe transparent. Shembuj të tillë ka mjaft edhe në botën perëndimore dhe opinioni këto i di mirë”, ka shtuar ai.

Kryetari i LDD’së, kur është përgjigjur për idenë e Naser Rugovës, ka marrë shembuj kur trashëgimtarët e udhëheqësve të mëdhenj të Ballkanit janë përpjekur që t’i futen politikës, por që kanë dështuar.

Për Naser Rugovën, kjo është paralele fyese. “Më duhet ta përsëris edhe një herë se tërheqja e paraleleve me sistem monarkist apo krahasimi i djalit të Presidentit Rugova me fëmijë diktatorësh si Tito apo dikush tjetër, është i paqëlluar dhe madje edhe fyes”, ka thënë ai.

Naser Rugova ka shpjeguar idenë se pse mendon se Ukë Rugova mund t’i unifikojë LDK’në dhe LDD’në.

“Unë nuk kam thënë se Ukë Rugova duhet të vihet arbitrarisht në krye të LDK’së. Unë kam thënë se Ukë Rugova është faktor unifikues, është një nga personalitetet e rralla, për të mos thënë i vetmi, i cili ka fuqi morale dhe politike që të bashkojë LDK-në dhe LDD-në me sa më pak kushte dhe me sa më pak dhimbje. Rolin e Ukë Rugovës si një lider të mundshëm, unë e shoh vetëm në kontekstin e zhvillimeve në të ardhmen, në kontekstin e ndryshimit të gjeneratave dhe rifreskimit si proces natyror dhe jo si një proces arbitrar”, ka thënë ai.

Ai ka thënë se këtë ide e përkrahin edhe disa anëtarë të tjerë të Kryesisë së LDD’së.

“Ne jemi disa anëtarë të Kryesisë së LDD’së, të cilët mendojnë se Ukë Rugova është faktor unfikues. Këtë mendim e kanë edhe shumë anëtarë të tjerë të dy partive, por kjo nuk do të thotë se ne nuk do ta përkrahim ndonjë personalitet tjetër që do të mund ta përmbushte këtë mision. Qëllimi ynë është bashkërenditja e rugovistëve në një front të përbashkët dhe nuk është me rëndësi se kush e realizon këtë mision”, ka thënë ai.

Por kush tjetër mund t’i unifikojë këto dy parti?

“Ka të atillë që besojnë se këtë mision mund ta realizojë Isa Mustafa apo edhe liderët aktualë, Daci dhe Sejdiu. Cilido që ta realizojë këtë mision, ne do ta përkrahim pa menduar dy herë”, ka thënë Rugova.

LDD’ja po kalon një krizë pas zgjedhjeve të fundit lokale, pasi që partia e Nexhat Dacit nuk mori votat që kishte marrë në vitin 2007. Shumëkush në LDD beson se shpëtimi i vetëm i kësaj partie është bashkimi me LDK’në.

[Rugova]

Naser Rugova

Deklarata fyese e Dacit
Naser Rugovës i duket fyese përgjigjja që mori nga Nexhat Daci për idenë që në krye të LDK’së dhe LDD’së të vijë Ukë Rugova. Ai insiston se djali i Presidentit të ndjerë mund t’i shpëtojë “rugovistët”. Në këtë ide, thotë se e ka përkrahjen edhe të disa anëtarëve të Kryesisë së LDD’së

Nga Faton Ismajli më 20.02.2010 në ora 9:00
Deklaratë e paqëlluar, politikisht jokorrekte, në një masë edhe fyese.

Kështu e ka cilësuar Naser Rugova përgjigjen që mori javën e kaluar nga Shefi i tij, Nexhat Daci, lidhur me idenë që në krye të LDK’së dhe LDD’së të vijë Ukë Rugova, djali i vogël i Presidentit të ndjerë.

Kryetari i LDD’së, Nexhat Daci, në një intervistë që dha javën e kaluar për Express, tha se Kosova nuk është monarki, ku pushteti trashëgohet. Rrjedhimisht, ai i cilësoi si joserioze idetë e anëtarit të Kryesisë së partisë së tij.

Kjo deklaratë e ka shtyrë Naser Rugovën që të reagojë. “Konsideroj se krahasimet me modele monarkiste janë tërësisht të paqëlluara, politikisht jokorrekte dhe në një masë edhe fyese. Sikur të kishte tendenca monarkiste, kjo do të bëhej që për së gjalli të Presidentit Rugova dhe aspak nuk do të ishte çështje debati”, ka thënë Rugova, për Express, të premten.

“Unë nuk mund të them se kur Ukë Rugova do të vendosë të inkuadrohet në politikë, por duke e njohur Ukën, duke e njohur shpirtin demokratik të familjes së Presidentit Rugova, ju siguroj se kurdo që të jetë ky zhvillim, do të jetë në kuadër të një procesi demokratik dhe transparent. Shembuj të tillë ka mjaft edhe në botën perëndimore dhe opinioni këto i di mirë”, ka shtuar ai.

Kryetari i LDD’së, kur është përgjigjur për idenë e Naser Rugovës, ka marrë shembuj kur trashëgimtarët e udhëheqësve të mëdhenj të Ballkanit janë përpjekur që t’i futen politikës, por që kanë dështuar.

Për Naser Rugovën, kjo është paralele fyese. “Më duhet ta përsëris edhe një herë se tërheqja e paraleleve me sistem monarkist apo krahasimi i djalit të Presidentit Rugova me fëmijë diktatorësh si Tito apo dikush tjetër, është i paqëlluar dhe madje edhe fyes”, ka thënë ai.

Naser Rugova ka shpjeguar idenë se pse mendon se Ukë Rugova mund t’i unifikojë LDK’në dhe LDD’në.

“Unë nuk kam thënë se Ukë Rugova duhet të vihet arbitrarisht në krye të LDK’së. Unë kam thënë se Ukë Rugova është faktor unifikues, është një nga personalitetet e rralla, për të mos thënë i vetmi, i cili ka fuqi morale dhe politike që të bashkojë LDK-në dhe LDD-në me sa më pak kushte dhe me sa më pak dhimbje. Rolin e Ukë Rugovës si një lider të mundshëm, unë e shoh vetëm në kontekstin e zhvillimeve në të ardhmen, në kontekstin e ndryshimit të gjeneratave dhe rifreskimit si proces natyror dhe jo si një proces arbitrar”, ka thënë ai.

Ai ka thënë se këtë ide e përkrahin edhe disa anëtarë të tjerë të Kryesisë së LDD’së.

“Ne jemi disa anëtarë të Kryesisë së LDD’së, të cilët mendojnë se Ukë Rugova është faktor unfikues. Këtë mendim e kanë edhe shumë anëtarë të tjerë të dy partive, por kjo nuk do të thotë se ne nuk do ta përkrahim ndonjë personalitet tjetër që do të mund ta përmbushte këtë mision. Qëllimi ynë është bashkërenditja e rugovistëve në një front të përbashkët dhe nuk është me rëndësi se kush e realizon këtë mision”, ka thënë ai.

Por kush tjetër mund t’i unifikojë këto dy parti?

“Ka të atillë që besojnë se këtë mision mund ta realizojë Isa Mustafa apo edhe liderët aktualë, Daci dhe Sejdiu. Cilido që ta realizojë këtë mision, ne do ta përkrahim pa menduar dy herë”, ka thënë Rugova.

LDD’ja po kalon një krizë pas zgjedhjeve të fundit lokale, pasi që partia e Nexhat Dacit nuk mori votat që kishte marrë në vitin 2007. Shumëkush në LDD beson se shpëtimi i vetëm i kësaj partie është bashkimi me LDK’në.

Naser Rugova me idenë e tij se "vetëm Ukë Rugova mund ta bashkojë dhe unifikojë LDK-në me LDD-në, përkatësisht mund t'i ribashkojë rugovistët", ka bërë një gafë të panevojshme politike.
Së pari; Uka kurrë nuk ka qenë ndonjë aktivistë i dalluar i LDK-së, por as anëtar i kryesisë së saj qendrore, as i ndonjë kryesie të nëndegëve, që nënkupton se deri tash nuk ka krijuar kurrfarë karizme dhe përvoje politike që do t'i garantonte një post aq të lartë partiak dhe politik. Dhe, fakti se Uka është djali i presidentit historik të Kosovës, dr. Ibrahim Rugovës, në politikën e sotme moderne dhe demokracitë parlamentare nuk çon kurrfarë peshe që ai të zgjidhet në mënyrë satelitore në krye të LDK-së. Dhe, mirë e ka thënë Nexhat Daci, se Kosova nuk është monarki, që pushteti i mbretit trashigohet nga i biri.
Së dyti; ndërrimi i gjeneratave në politikë nuk bëhet me prerje kirurgjike siç po mendon Naseri, sepse në politikë ka norma dhe rregulla specifike të cilat duhet plotësuar dhe respektuar, përndryshe secili dhe kushdo qoftë do mund të zgjedhej në vende udhëheqëse partiake ose shtetërore.
Së treti; këtë propozim shumë kohë para Naserit e ka dhënë për opinion Astrit Haraçia, rreth të cilit Ukë Rugova nuk është prononcuar në asnjë mënyrë deri më tash, që nënkupton se dikush po "bën llogari pa hanxhiun...".
Së katërti; duke pasur parasysh faktin se Naseri me Ukën janë kusherinjë të afërm, propozimin e tij që ai të vihet në krye të LDK-së e bën të paqëndrueshëm politikisht, por edhe sipas traditave zakonore shqiptare të pa lakmueshëm.

[Rugova]

Idriz Zeqiraj: Kur mungon instituccioni i përgjegjësisë
E Shtune, 20-02-2010, 09:57pm (GMT)


KUR MUNGON INSTITUCIONI I PERGJEGJESISE


Shkruan: IDRIZ ZEQIRAJ


Pa institucionin e përgjegjësisë edhe një familje nuk mund të qendrojë në këmbë. Ajo do të ecën çaluar dhe një ditë do të përtokët.


Pa institucionin e përgjegjësisë një ushtri do të degëzohej e copëzohej, deri në anarshi, duke anashkaluar misionin për çka është krijuar dhe duke u kthyer në bashibukizëm dhe në krime, meqë disponon edhe armët, ashtu siç ndodhi me disa reparte, gjatë luftës në Kosovë.


Pa institucionin e pëgjegjësisë, një qeveri, në vend të punës do të merej me llafe e premtime boshe; varfërinë do ta lansonte si begati; pasigurinë e anarshinë si rregullë e demokraci; dështimet si suksese; humbjen si fitore, - njësoj si Millosheviçi, i cili, ikjen me bisht ndër shalë, para apashëve të NATO-s, e quajti fitore! Për një qeveri si kjo e jona, aktualisht, vlerësimin më të saktë, deri me tani, e ka bërë ish-zëvendësministri Naser Osmani, në replikën jo aq fisnike, të bërë me ministrin Fatmir Limaj, në njërën nga seancat e Parlamentit të Kosovës.


Emërimi i disa nënkryetarëve, brenda kryesive qendrore të partive tona, na kujton zgjedhjene disa sekretarëve në Byrotë Politike të ish-vendeve komuniste, që mundëson krijimin e rrethit vicioz - vendimmarrës, më sakt - intrigues, duke e anashkaluar tërësisht kryesinë. Në LDK-së ky rreth u ngushtua edhe mëtej, duke injoruar deri në mosthirrje të ndonjërit syrësh, as kur merrej ndonjë vendim, për arsyen e njohur se ata, duke qenë dikur bashk6punëtorë të suksesshëm të dr. Rugovës, tani i shihnin me dyshim veprimet destruktive dhe shkatërruese për LDK-së të këtij rrethi supërvicioz.


Rrethi vicioz, pasi shkarkoi e shkatërroi kuadrin e dëshmuar në bazë-komuna, si bastion avangardë të Partisë të Presidentit Rugova, në Kuvendin e VI-të, duke i lënë jashtë Këshillit të Përgjithshëm të LDK-së, emëroi ca të bindur e të përzgjedhur, të cilët, për bazën ishin gadi të dhunëshëm. Pikërisht këtu fillon degradimi partiak, i cili do të thellohej gjithnjë e më shumë, duke e gremisë LDK-në në opozitë, madje me hapat aktual breshkian, nuk jep shpresë për të arritur ndonjë cak, sepse mungon vullneti politik për një nismë të reformave njëmend avancuese e prosperuese të partisë.


Edhe pas gjithë kësaj ploje partiake, askush nuk i thirr në përgjegjësi, askush nga kërdibërësit nuk pësoi asgjë! Përkundrazi, ata vazhdojnë të gëzojnë privilegjet e pushtetit mafioz, të sunduar fort nga komunistë - stalinistët e PDK-së; ata vazhdojnë të mashtrojnë anëtarësinë se LDK-ja ka ngritje në elektorat; se jemi në procesin e reformave të thella; se LDK-ja po përgatitet të marrë pushtetin; se pa LDK-në nuk ka demokraci; se koalicionin me komunistët e PDK-së na e kanë imponuar ndërkombëtarët; se jemi të zënë me konsolidimin e shtetit dhe broçkulla të tjera të kësaj kuzhine kundërmuese, duke rrënuar, me gjasë, pakthyeshëm, LDK-në, partinë dikur krenare të Presidentit Rugova.


Asnjë analizë për humbjet seriale të LDK-së! Humbjet, tashmë, konsiderohen si normalitet dhe, rrjedhimisht, nuk ka nevojë as për ndonjë analizë të veçantë. Sepse mungon institucioni i përgjegjësisë, i cili, humbësve të parë në zgjedhje, nuk do t`ua mundësonte të ishin faktorë drejtuesë për zgjedhje të dyta. Kjo është praktikë e përbotëshme, për ta motivuar kuadrin partiak të punojë me mençuri e përkushtim, nëse pretendon për të mos qenë epizodik, kalimtar rasti në politikë.


Llustrës prosperuese të LDK-së dhe të LDD-së, që i bënin klanët në rrethet vicioze të këtyre dy subjekteve të ndara fatalisht për të dyja palët, i janë kundërvënë zëra të herpashershëm. Reagimin e parë të hapur dhe bindshëm të argumentuar, e ka bërë Nëndega e LDK-së për Landin e Rheinland Pfalz-it, në Gjermani. Më shumë profesionalizëm, për shkaqet e ndarjes dhe rrjedhojat e kësaj ndarjeje, janë shprehur bashkëpunëtorët shumëvjeçarë të Presidentit Rugova, profesorët Zejnullah Rrahmani dhe Rexhep Gjergji, prej të cilëve anëtarësia, dikur numerike, e LDK-së, kanë pritur dhe presin më shumë se sa denoncimin dhe përcaktimin e "diagnozës". I drejtpërdrejt në kritika ka qenë edhe ish ministri Rexhep Osmani, por kandidimi për të parë të Prishtinës, nga një hiç partizë, aleate-tellall i të majtës ekstreme, siç është PDK-ja, zvetnoi reputacionin e tij.


Rënia kokëthyerëse e të dyja subjekteve, LDK-së dhe LDD-së, paralelisht, këndelli mjaftueshëm edhe anëtarët e kryesisë qendrore të partive të cituara. Zonjusha dinjitoze, Melihate Tërmkolli dhe zoti Naser Rugova, jo vetëm janë kritikë për kryesitë dhe liderët e tyre partiak, të cilët po i mbajnë peng dhe u kanë zënë frymën partive të tyre, por japin edhe "reçetën" për të dalur nga ngerçi politik dhe për ta bashkuar, sërishmi, elektoratin masiv të Presidentit Rugova. Përndryshe, e majta komuniste, përfshi këtu edhe AAK-në, me slloganin mashtrues si të djathtë, janë në sulm frontal, si hiena, për të shkoqur viktima nga radhët e të djathtës, pra, LDK-ja dhe LDD-ja.


Ofërta e vonuar, por ngushëlluese, "më mirë vonë se kurrë", e akademik Dacit, meriton vëmendjen adekuate. Edhepse akademiku ynë humbi shansin ideal, me kundërvënien megallomane, ndaj nismes të zotit Berim Ramosaj, për afrim të subjekteve të ndara, humbjet e radhës për të dyja palët, më në fund, e këndellën, e bindën, për një kthesë të domosdoshme.


Çuditërisht, kjo ofërtë e sinqertë, që jep shpresë për rimëkëmbje, u lexua së prapëthi nga mjeranët narcizoidë të LDK-së. Ata kënaqen me ndoca deputetë, të ardhur gratis,, që, në fakt, nuk janë matës të suksesit elektoral të LDK-së, sepse pasqyrë reale janë zgjedhjet humbëse lokale të nëntorit. Dhe,me këtë ritëm, LDK-së nuk u mjaftojnë vitet, por as dekadat, për t`u bërë faktor prijës.


"Dyertë e LDK-së janë të hapura për të gjithë", - një sllogan sa bajat, aq edhe i turpshëm, që ka rezultuar me thellimin e humbjes në vijimësi. Kësaj teneqeje të shpuar i bien tërpijanët e pushtetit, të cilët lëpijnë kockat që u ka hedhur e gjithëpushtetshmja PDK-ja, duke paralizuar tërësisht LDK-në. Nuk ka shumë lakmi për t`u futur në një shtëpi, të cilës i pikon çatia në vijimësi, duke rrezikuar shëmbjen e çdokohëshme. Një qasje kaq fodulle, ndaj një shansi premtues, për një zhbllokim dhe lëvizje para, lënë me kuptuar se krerët e LDK-së janë mëkatosur në atë masë, sa kanë humbur besimin tek kuadri dhe anëtarësia e gjërë, gjykimi i së cilës i tmerron.


Klani vicioz, brenda kryesisë të LDK-së, është dashur të mësojë diçka nga dr. Berisha, se si veproi ai për rastin analog të ndarjes dhe të ribashkimit me Pollon. Pa zhurmë e potere u futën në koalicion parazgjedhor, koalicion ky që përgaditi bashkimin, shkrirjen, duke e bërë Pollon zëvendëskryeministër dhe kuadrin tjetër të lartë ministra dhe deputetë. Përveç pajtimit fisnikërues, bashkimi solli edhe suksesin.


Krejt pacipshëm, i dyti i LDK-së thotë se nën pushtetin e dr.Rugovës nuk kishte demokraci brenda partisë. Eshtë e vërtetë se dr. Rugova forcën e ka pasur ke baza, me bazën ka punuar dhe fituar. Tani shpjegohet pse qendrës, kryesisë, nuk i kushtonte aq vëmendje, por as nuk lejonte të livadhisnin shefat e sotëm, që, pas shuarjes të tij fizike, e drejtuan partinë drejt rrënimit, drejtë greminës.


Pak retrospektivë:

Në vitin 1989, kur po i merrej autonomia Kosovës, që e kishte fituar me amandamentet e Kushtetutës të vitit 1974, Melihate Tërmkolli, atëbotë, ishte një vajzë e re. Megjithatë, fjalimi i saj kundërvënës, në Kuvendin e Kosovës, ishte i ashpër dhe krejt pa dorëza, e cila thoshte se "Kosova, me ndryshimet që këmbëngulë t`i bëjë Serbia, humbë gjithëçka, madje edhe identitetin", duke apeluar të mos aprovohen nga delegatët shqiptarë këto ndryshime. Në mesin e dhjetë deputetëve mosaprovues të suprimimit të autonomisë, ishte edhe trimi Ukë Bytyçi, të cilin, PDK-ja, duke mos e duruar humbjen, e vrau ditën e fitores rekordmene për Kosovën, LDK-ja e Suharekës e Ukë Bytyçit me 72%!


Përballë vajzës njomëzake, Melihate Tërmkolli, ishte veterani i politikës kosovare, profesori i Universitretit të Prishtinës, akademik Syrja Popovci, i cili deklaronte nga foltorja e Kuvendit: "Me ndryshimet kushtetuese, Kosova jo vetën që nuk humbet asgjë, por, përkundrazi, fiton shumë. Prandaj, ju ftoj të aprovoni projektin e Serbisë pë ndryshimet, tashmë të njohura nga ju."


Natyrëshëm, lind pyetja: kush dinte më mirë se çka humb dhe çka fiton Kosova? Vajza e re Tërmkolli, apo ujku i vjetër i politikës, akademik Syrja Popovci? Përgjigja është e tepërt. Ishin vitet `70-a, kur në Korpusin Qendror të Universiteit të Tiranës, i ndiqnim ligjeratat shkencore të profesor Syrja Popovcit. Salla e madhe nuk i zinte dot intelektualët e lëmive të ndryshme shkencore të kryeqytetit. Me interpretimin profesional e shkencor, që i bënte ai Kanunit të Lekë Dukagjinit, la gojëhapur personalitetet shkencore e akademike të Tiranës. Ish gjimnazisti i shkëlqyer i Pejës, studenti i pakonkurencë i shkencave juridike e filozofike, profesori i përgaditur shkencërisht, metodist dhe elokuent, sa ishte privilegj të ishe në auditorin e tij, erdhi koha të vihej në provë se "SA I VLEN LEKURA!" Tërpia për pushtet e privilegje karieriste politike, e bënë leckë akademikun Syrja Popovcin, në sytë e bashkëkombasëve, për të mbetur i turpëruar përjetësisht.


E solla këtë shembull, për t`ua kujtuar shefave aktual të LDK-së se po e bëjnë atë të shëmtuarën, që bëri 20 vjet më parë akademik Popovci. Nëse ai e bëri në raport me pushtuesin, ju po e bëni në raport me shkatërruesin e të gjitha vlerave që duhet t`i këtë një shoqëri bashkëkohore. Dhe, kjo nuk është hiç më pak e dëmshme se sa ajo e Popovcit të marruar. Të vetmen të vërtetë, që përsërisni është se pa LDK-në, pa të djathtën në pushtet, nuk ka demokraci, nuk ka shtet të mirëfilltë të Kosovës. Dhe, kjo nuk është meritë e juaj, kjo është e trashëguar nga gjeniu Rugovë, të cilin, herë në surdinë, e herë zëshëm, e akuzoni për mungesë demokracie.


Vdekja e nënkryetarit të LDK-së dhe kryetar i komunës të Istogut - Fadil Ferati, sheshoi dy gjëra:
1.- Konsiderata hiçe që ka PDK-ja për LDK-në, si "partner koalicioni" dhe
2.- Televizioni kinse "publik" dhe "i pavarur", është i kontrolluar fort nga partia në pushtet.
Them partia dhe jo koalicioni, pasi LDK-ja ka pushtet fiktiv, të papërfillshëm për një koalicion të mirëfilltë, e anashkaluar skajshmërisht. Andaj, edhe baza, anëtarësia e gjërë e kësaj partie, ka kërkuar, madje përëritshëm, shkurorëzimin imperativ, sepse LDK-ja nuk është duke qeverisur asgjë, por, mbulon e rehabiliton, mjerueshëm, dështimet totale të PDK-së.


Bëjmë një krahasim:
Fadil Ferati, nënkryetar i Lidhjes Demokratike të Kosovës dhe kryetar komune, i rivotuar i pakonkurueshëm dhe fitues i pakontestueshëm.
Fatmir Limaj, nënkryetar i Partisë Demokratikje të Kosovës dhe ministër i transportit.
Funksione të ekuilibruara. E pamë pasqyrimin që i bëri televizioni "publik" kuadrit të lartë të LDK-së, Fadil Feratit, me rastin e vdekjes. Risillni në mendje ditën e homazheve, në lajmet e asaj mbremjeje. Sekuenca ishte sa hap e mbyll sytë!


Dhe, mendojeni për një çast, si në një ëndërr të keqe, po të kishte vdekur Fatmir Limaj?! (Sinqerisht, këtë kurrë nuk do ta dëshiroja. Dhe, në mos për asgjë tjetër, për hir të familjes, të asaj nuseje hyjnore, që rrezatonte bukuri e fisnikëri - njëherësh dhe, të fëmijëve të mrekullueshëm, të cilët, opinioni shqiptar i kontaktoi vizivisht me rastin e deportimit të zotit Limaj në Hagë. Por, përndjekja brutale, shantazhimi, rrahja dhe vrasja e dëshmitarëve të Limajt, nga SHIK-u, flet mjaftueshëm se krimet ndaj shqiptarëve të pafajshëm, përgjatë luftës, kanë qenë të rënda e faktike. Ndërkaq, pafajësia e të akuzuarëve të Hagës relativizohet dukshëm, me lirimin nga akuza edhe të kryeministrit serb, kur dihet se qeveria e tij vrau dhe zhduku pa gjurmë 12 mijë shqiptarë dhe shkretoi Kosovën!) Pa më të voglin dyshim, televizioni në fjalë do ta dhjetëfishonte tansmetimin në kohë, do ta bënte namin, do t`i bënte të shkreheshin në vaj, madje edhe ata që i mbijetuan dajakimit kriminal të SHIK-ut, për të zhvleftësuar dëshmitë e tyre kundër të pandehurit Limaj!


"Paanësia" dhe "pavarësia" partiake e televizionit "publik", u dëshmua bindshëm me rastin e kësaj gjëme të madhe të LDK-së, pra, vdekja e nenkryetarit të saj,zotit Fadil Feratit. Shefi i Këshillit Drejtues të Televizionit "Publik" të Kosovës, zoti Rrahman Paçarrizi, përmbushi detyrën partiake mrekullisht mirë. PDK-së, në përzgjedhjen e kuadrit është tejet e kujdesshme, madje kurrë e gabueshme. Zoti Paçarrizi vjen nga një background i "lavdishëm", siç është fletushka kundrakombëtare, "Zëri i Kosovës", e cila, për një dhjetëvjeçar të plotë, me politikën redaktuese të bërë nga SHIK-u, përçau shqiptarët, duke bërë objekt dhe qëllim primar shpifjet, denigrimet dhe anatemimet për Presidentin Rugova dhe partinë e tij të parë pluraliste, Lidhjen Demokratike të Kosovës. Stafi ultrakomunistë, stalinistë e enveristë, bashkoi në këtë fletushkë paçavure, të gjithë gardën e zezë të SHIK-ut dhe të SHISH-it (sigurimsat e regjimit hoxhist), për të përçarë shqiptarët në shkallë kombëtare dhe për ta sabotuar edhe atë përpjekje modeste për rezistencë e luftë, kundër pushtuesit të egër e vrastar serbo-sllav.


Dhe, të gjitha këto ndodhin, sepse mungon institucioni i përgjegjësisë, për veprimet e qeveritarëve e shtetarëve. Andaj, anarkia e papërgjegjësia është e pranishme në të gjitha poret e shoqërisë tonë. Shqiptarët, ndonëse të vonuar në mëvehtësinë e tyre; të mëshiruar nga bota me zgjidhjet gjysmake të çështjeve të tyre kombëtare; me një patriotizëm folklorik; pa traditë lirie dhe , aq më pak demokracie; heshtin, si peshku, para prapësive e batakçillëqeve të qeveritarëve e shtetarëve hileqarë, të inkriminuar dhe të korruptuar, të cilët, bërrylueshëm, kanë pushtuar majat e pushtetit!