Refleksologjia

[_Mersin_]

Vijonnnnnnnn

[_Mersin_]

Pasqyra e temave

Parimet e refleksologjisë
Historiku i refleksologjisë.
Si e kryen refleksologjia rolin e saj.
Harta e zonave reflektive tek këmbët.
Harta e zonave reflektive tek duart.
Dobitë e refleksologjisë
Përse e përdorin njerëzit refleksologjinë.
Refleksologjia për të gjithë.
Personat me defekte fizike.
Kërkimet e refleksologjisë.
Refleksologjia në kujdesin mjekësor.
Histori suksesi.
Vizita tek terapisti (refleksologu).
Kujdesi për duart dhe këmbët
Anatomia e duarve dhe këmbëve.
Duart dhe këmbët: Informacione që të interesojnë.
Rrugët shëndetësore.
Mjetet e vetëtrajtimit.
Ushtrime relaksimi.
Hyrje në seancat e terapisë.
Përgatitje për seancën e terapisë.
Teknikat.
Ushtrimet e gjallërimit të këmbëve.
Ushtrimet e gjallërimit të duarve.
Njerëzit me nevoja të veçanta.
Vetëtrajtimi.

Refleksologjia në përballje me problemet shëndetësore
Përdorimi i refleksologjisë për të përballuar problemet shëndetësore.
Konstipacioni (kapsllëku).
Dhimbja e kokës.
Dhimbja e shpinës dhe dhimbjet e qafës.
Dhimbja.
Artriti dhe reumatizma.
Probleme të tjera shëndetësore.

[_Mersin_]

Fillimi i seancës së terapisë

Gjithmonë filloje terapinë tënde me ushtrimet rigjallëruese. Këto ushtrime luajnë një rol të rëndësishëm në terapi. Terapia ndjek një një sistem të veçantë, pasi ti mundesh të trajtosh në tërësi dorën ose këmbën. Sa herë që trajton një pjesë të dorës ose të këmbës, praktiko një grup ushtrimesh rigjallëruese para se të zhvendosesh tek pjesa tjetër. Kur të mbarosh punë, praktiko edhe një grup tjetër ushtrimesh rigjallëruese.
Pyetja tani është: Sa duhet të jetë koha që duhet të zgjasë çdo teknikë për çdo zonë reflektive më vete? Përgjigja e kësaj pyetjeje varet nga lloji i personit që po trajton. Foshnjat e gjirit, fëmijët dhe të moshuarit kanë nevojë në përgjithësi për një prekje të lehtë: domethënë për shtypje më të buta dhe kohë më të vogël. Mund të ndodhë edhe tepri në trajtimin e një zone reflektive. Nëse personi shprehet se ndjen dhimbje tek ajo zonë, kjo do të thotë se në atë zonë është tepruar në trajtimin e saj. Prandaj shmangiu asaj zone sa ti bjerë ndjeshmëria dhe kur të rifillosh edhe një herë terapinë, trajtimin e kësaj zone kryeje sa më të shkurtër dhe më të lehtë.
Një seancë terapie reflektive tek terapisti profesionist mund të zgjasë një periudhë që luhatet mes 30 minutash deri në një orë të plotë. Nëse je fillestar në fushën e terapisë reflektive, mund të ndiesh lodhje tek duart dhe gishtat e mëdhenj të tyre. Periudha prej një gjysmë ore mund të jetë e lodhshme për ty. Në këtë rast ke përpara një sërë mjetesh për ta shmangur tejlodhjen (shih kornizën në faqen pasardhëse).

[_Mersin_]

Trajtimi i shpinës së këmbës
Zonat reflektive në këtë hap korrespondojnë me zona në trup që janë përgjegjëse për frymëmarrjen, prodhimin e qumështit dhe riprodhimin (organet gjenitale). Këto zona kryesore që trajtohen në këtë hap kombinohen gjithashtu edhe me zonat që kanë lidhje me pjesën e sipërme të trungut (të trupit), prandaj trajtimi i këtyre zonave në këtë hap, përveç që ngacmojnë dhe forcojnë performancën funksionale të zonave kryesore që trajtohen, veprojnë edhe për zbutjen e tensionit muskulor strukturor në pjesën e sipërme të trupit.



Trajtimi i pjesës së jashtme të këmbës
Zonat reflektive në të këtë hap korrespondojnë me shumë prej nyjeve (kyçeve) dhe majave të trupit, si dhe me disa organe gjenitale. Ato përfshijnë ijet, nervin ijor, gjurin, kërcirin, krahun, bërrylin, testikujt tek burrat dhe vezoret tek femrat. Trajtoji këto zona reflektive për të përmirësuar performamcën funksionale të këtyre pjesëve të trupit. Pasoje këtë zinxhir terapeutik me praktikimin e një sërë ushtrimesh rigjallëruese për qetësimin e këmbës dhe përmbylle duke marrë një pozicion shplodhjeje përfundimtare. Pasi të trajtosh edhe këmbën e majtë, mbylle seancën terapeutike me një proçedurë relaksuese, që është teknika e frymëmarrjes.
1 Fillo duke e kapur këmbën në pozicion vertikal me dorën e majtë. Përdor gishtin tregues të dorës së djathtë për të ecur përreth kockës së jashtme të nyellit, mbi zonat reflektive të ijeve dhe nervit ijor.


vijonnnnnnnnn

[The Boy]

INTERESANTE........po PSE na dhembin ndonjehere kembet nga poshte? Ose kurrizi i kembes sikur lodhet ndonjehere ?

[_Mersin_]

Vizita tek terapisti (refleksologu)
Vizita tek terapisti (refleksologu) i ngjan vizitës tek çdo profesionist tjetër të fushës së përkujdesjes shëndetësore nga shumë anë. Duhet të presësh nga refleksologu të njëjtin ambient, ose të njëjtin qëndrim profesional që do ta gjeje tek dermatologu ose stomatologu gjithashtu. Ambienti profesional përfshin ekzistencën e një salle të pastër, të mirëndriçuar dhe tërheqëse. Duhet të presësh të ulesh në një karrige “shezllong”, ose ndoshta në një shtrat masazhi. Sigurohu që terapisti do të shtrëngojë gjunjët e tua gjatë seancës terapeutike, gjithashtu duhet të heqësh këpucët dhe çorapet. Ndërsa gratë, duke marrë parasysh respektin ndaj gjinisë femërore, mund të veshin të linjta të gjera, ose të përdorin përparëse për të mbuluar kofshët dhe kërcinjtë.
Kohëzgjatja e seancës së terapisë mund të luhatet mes 30 deri në 45 minuta dhe ndoshta mund të arrijë plot një orë. Terapisti profesionist duhet të praktikojë teknikat me rregull dhe përpikmëri tek të dyja këmbët. Terapisti gjithashtu, pasi të mbarojë trajtimin e njërës këmbë, duhet të praktikojë teknika të tjera tek ato zona që ndien se kanë nevojë për më shumë trajtim. Sikurse ai duhet të praktikojë teknikat më të këndshme për ty, domethënë ato teknika që ty të bëjnë të ndiesh lumturi dhe gjallërim.
Praktikimi i terapisë tek ti duhet të jetë brenda kufinjve të relaksimit tënd: kjo do të thotë se duhet të të bëjë të ndiesh një dhimbje të lehtë e të dobishme (në rast se do të kishte ndonjëherë dhimbje). Duhet gjithashtu të mos paraqesë kërcënim për shëndetin në asnjë lloj forme. Nëse ndjen ndonjë shqetësim, kërkoji terapistit ta zbusë pak shtypjen dhe ai duhet ta përmbushë kërkesën.
Prit prej terapistit që ai të praktikojë mjaftueshmërisht teknika të përshtatshme për ty, që të bëjnë të ndiesh relaks. Po ashtu edhe ti duhet ti japësh një ide të qartë terapistit, rreth asaj që ti ndien gjatë punës së tij në seancën e terapisë dhe gjatë trajtimit të tij të zonave të ndryshme reflektive në trupin tënd. Ai, nga ana tjetër, duhet të dëgjojë ato çka i thua ti se ndjen dhe të ketë kujdes atë që ti dëshiron dhe nuk dëshiron. Terapisti duhet të mbajë mend zonat më të mira, ose më të “këndshme” për ty, në mënyrë që të praktikojë mbi to teknikat e duhura, dhe pjesët që ti i thua se të dhembin në një formë të lëvdueshme dhe të dobishme, që të praktikojë në to trajtimet përkatëse.

[_Mersin_]

INTERESANTE........po PSE na dhembin ndonjehere kembet nga poshte? Ose kurrizi i kembes sikur lodhet ndonjehere ?

Kujdesi për duart dhe këmbët
Me ekzistencën e gjithë këtyre presioneve dhe streseve që përballen çdo ditë me to duart dhe këmbët, s’është çudi që seancat e terapisë reflektive të paraqesin këtë kënaqësi dhe trajtim mjekësor. Në këtë kapitull do të gjesh ide dhe informacione të dobishme rreth përdorimit të mjeteve të vetëtrajtimit për qetësimin e duarve dhe këmbëve të tua. Krahas këtyre do të gjesh edhe këshilla rreth mënyrës së thyerjes së “sjelljeve stresive” të dëmshme, që shkaktohen nga aktivitetet e përditshme të përsëritura, si ecja dhe përdorimi i makinës së shkrimit (ose kompjuterit). Në këtë kapitull do të të shpjegojmë gjithashtu llojet e këpucëve (dhe gjithçka mbath këmbët) që duhet dhe s’duhet të veshësh.

[_Magnolia_]

Mire te gjitha keto.........por nuk po kuptoj nje gje........Nje teme e tille,perse duhej te hapej ne komunitetin musliman?????

[Dritë]

Teme interesante Mjekesia, urime.

Nje doktoreshe e vjeter ne kliniken ku punoj une ka bere specializime te ndryshme nga mjekesia alternative, mjekesi kineze etj etj dhe kam pare te aplikoje kete metode tek pacientat. Ajo madje bente edhe trajnimin e personelit, anetareve te familjes dhe vete pacienteve, qe ta vazhdojne me tej terapine vete pa ndihmen e saj.

Une kam shume rrespekt per te sepse kishe metevertete shume per te mesuar prej saj, 45 vite experience pune ne mjekesi dhe arritjet e saja skishe cka ti komentojsh. Vitin e kaluar doli ne penzion.

Ajo bente kombinimin edhe me vajrat aromatik (aromatherapie) dhe mund te them se ka pas shpesh rezulltate pozitive, sidomos tek pacientat ne repartin e Palliative Care (ose sic njihet edhe me termin "End of Life care"- kujdesi pacienteve qe jan para vdekjes) per lehtesim te dhimbjeve dhe gjendjes se tyre.



p.s. a nuk do te ishte me mire qe temen ta kishe hap tek rubrika e mjekesise?

[_Magnolia_]

............Sepse refleksologjia nuk ka te beje me fene muslimane.............