Albin Kurti

[ARIANI_TB]

Lëvizja VETËVENDOSJE! vazhdon shtrirjen e saj në të gjithë Kosovën
13 NËNTOR 2010 - E Diel 21:53


Lëvizja VETËVENDOSJE! vazhdon të themelojë pikat e saj në nivel lagjesh, fshatrash e qytetesh. Ajo nuk identifikohet me asnjë ngjyrim regjional e lokal, por ka karakter inkluziv qytetar, duke përfshirë në organizimin e saj të gjithë qytetarët, nga të gjitha vendbanimet.



Të shtunën, më 13 nëntor 2010, në orën 16:00, në zyren e Lëvizjes në Gjilan, u konstitua edhe një pikë tjetër, për lagjet e “Tregut të Gjelbër” të këtij qyteti. Të pranishëm ishin rreth 40 përfaqësuesë të këtyre lagjeve dhe disa antarë të Këshillit të Lëvizjes në Gjilan. Në fillim u përshëndetën nga përgjegjësi i përkohshëm i kësaj lagjeje, nga Fatmir Haziri. Ndërsa për të folur për situatën aktuale ekonomike, fjalën e rastit e mori profesori i ekonomisë, Nexhmedin Shaqiri. Ai foli për resurset e pashfrytëzuara ekonomike dhe ato të shfrytëzuara keq nga klasa politike. “Nuk ka zhvillim ekonomik me këtë proporcion skajshmërisht të padrejtë në mes importit dhe eksportit. Po ashtu, politikanët aktual e kanë bërë Kosovën vetëm një vend konsumues dhe jo prodhues,” – tha ndër të tjera Shaqiri.



Ndërsa për të komentuar aktualitetin politik në Kosovë, foli Ismajl Kurteshi. Ai përmendi edhe komentin e Walkerit, i cili përkrah vullnetin e shumicës shqiptare në Kosovë për bashkim kombëtar me Shqipërinë. “E shihni se nuk është e vërtetë se të gjithë ndërkombëtarët janë kundër bashkimit kombëtar. Lëvizja VETËVENDOSJE! kërkon vetëvendosjen e brendshme dhe të jashtme,” – iu drejtua të pranishmëve Kurteshi.



Po ashtu fjalën e mori Avni Rudaku, i cili tha se Lëvizja VETËVENDOSJE! dëshiron ta ripërkufizoj (kuazi) shtetin e Kosovës, relacionin e vendorëve me ndërkombëtarët, marrëdhënien me Serbinë për kushte reciprociteti dhe ta rimendoj raportin e qytetarit me politikanin. “Vetëvendosje nënkupton faktorizimin e faktorit vendor dhe ngritjen e zërit të qytetarëve. Në shoqërinë shqiptare të Kosovës ekziston stratifikim i thellë social dhe ekonomik në mes të shtresave të ndryshme shoqërore dhe, Lëvizja VETËVENDOSJE! do të synoj ta konstituojë shtresën e mesme ekonomike për balancin në mes të të varfërve ekstrem dhe klasës politike super të pasur,” – u shpreh Rudaku. Më pas pasuan pyetjet e qytetarëve rreth zhvillimit ekonomik dhe qasjes që ka Lëvizja për ekonominë e vendit. Pastaj filloi antarësimi i qytetarëve dhe u formua Këshilli i Pikës së Lëvizjes VETËVENDOSJE! për “Tregun e Gjelbër” në Gjilan, të cilin e përbëjnë dhjetë anëtarë.



Tubimi radhës nga Lëvizja VETËVENDOSJE! u mbajt në fshatin Softaj të komunës së Ferizajt.



Në tubim ishin të pranishëm një numër i mad hi banorëve nga tri fshatra të kësaj komune, Softaj, Sazli, Pojatë dhe Papaz. Të pranishmëve, gjatë këtij tubimi iu drejtua aktivisti i udhëheqjes qëndrore të Lëvizjes Hysen Durmishi, i cili u spjegoi vëndasve arsyen e vendimit, që Lëvizja VETËVENDOSJE! e mori më 12 qershor, për të garuar në zgjedhje. “Departamenti programor i Lëvizjes VETËVENDOSJE! është duke punuar në shkoçitjen deri në detaje për të nxjerrë një program qeverisës, që do të shpaloset pranë fillimit të fushatës zgjedhore. Si prioritet ekonomik i Lëvizjes është Bujqësia. Qeveritarët po fokusohen në projekte qindra milionëshe, për arsye se nga këto projekte ata po fitojnë miliona euro. Tek sektori publik, shtresat e mesme dhe të varfëra i shfrytëzojnë shërbimet e sektorit publik si në shëndetësi, arsim etj etj…”, këto janë disa nga fjalët që Hysen Durmishi u that ë pranishmëve.



Pyetjet e shumta nuk munguan, por ndër to ishte nje pyetje e një banori të këtij fshati “Si mund t’i besojmë Lëvizjes VETEVENDOSJE!, e të mos mendojmë se do të veprojnë sikur kanë vepruar paritë tjera?”, përgjigja nga Hysen Durmishi ishte “se dallimi në mes nesh dhe subjekteve tjera përkatëse, është se ato janë korruptuar edhe në periudhën sa kanë qenë në opozitë, ndërkaq ne si Lëvizje jemi në skenë qe pesë vite dhe të gjithë e dine se jemi të pakorroptuar.



Sot, gjithashtu Lëvizja VETËVENDOSJE! mbajti tubim në fshatin Skifteraj të komunës së Vitisë. Në këtë tubim, i cili u mbajt në lokalet e shkollës së këtij fshati, ishin të panishëm mbi 70 persona, të cilëve iu drejtuan aktvisti Visar Ymeri nga udhëheqja qëndrore e Lëvizjes, si dhe aktivistët e Këshillit për Zhvillimin e Qendrës së Lëvizjes në Vitisë.



Këtë tubim e hapën aktivistët nga qendra e Vitisë, Mirjeta Hetemi dhe Arton Misini, të cilët bënë një përshkrim të aktiviteteve deritashme, të Lëvizjes në Viti. Ata poashtu folën edhe për vështirësitë e shumta ekonomike e sociale që banorët e kësaj komune hasin çdo ditë, si pasojë e keqqeverisjes së deritashme.



Në vijim fjalën e mori aktivisti Visar Ymeri i cili theksoi se tash ka ardh koha e fundit që të bëhemi bashk për ta mposhtur këtë qeveri korruptive dhe të dalim nga kjo humnerë që këta qeveritar na sollën. Visari sqaroi se ky slogani “Bashkë është e mundshme” do të thotë që së bashku mund ta fitojmë një qeveri e cila është në shërbim të qytetarit e jo e kundërta, bashkë mund ta përmiësojmë mirëqenien tonë sociale, dhe se bashkë mund ta ndëtojmë një shtet vërtet sovran.



Një prej temave që iu vu theks më shumë ishte edhe subvencionimi i bujqësisë, ku Visari theksoi se qeveria e deritashme e ka shkatërruar prodhimin vendor duke i lënë produktet e huaja të vërshojnë tegun tonë në mënyrë të pakontrolluar, të cilat e kanë stagnuar zhvillimin e prodhimit vendor dhe ua kanë humbur e shpresën së bujqëve për përfitime nga puna e tyre.



Më vonë filloi anëtarësimi i të pranishmëve, ku u anëtarësuan mbi 30 të pranishëm, dhe krejt në fund u bë zgjedhja e anëtarëve të Këshillit Pikës së Lëvizjes VETËVENDOSJE!, në këtë fshat, të cilën e përbëjnë 15 anëtarë.



Tubimi tjetër i organizuar nga Lëvizja VETËVENDOSJE!, u mbajt me banorët e fshatit Mushnikovë. Në këtë takim u prezantua programi politik i Lëvizjes VETËVENDOSJE! dhe u fol për domosdoshmërinë e organizimit të pakënaqësisë, me qëllim të ndryshimit të gjendjes së padrejtë në vendin tonë.



Më pas pasoi debati me qytetarë dhe krejt në fund u formua Këshilli për Zhvillimin e Pikës së VETËVENDOSJE!- në këtë fshat.



Gjatë ditës së sotme tubime u mbajtën edhe në komunën e Mitrovicës. Duke filluar nga fshati Barë, pastaj në fshatin Bajgorë, dhe në fund në lagjen Lumbardh (ish lagjja e boshnjakëve), në veri të Kosovës. Në të tri lokacionet u formuan Pikat përkatëse të Lëvizjes VETËVENDOSJE!



Në këto tubime të pranishmëve iu drejtuan Florin Krasniqi, Ali Pasoma, Faruk Mujka dhe Raif Qela, të cilët folën për ndërtimin e shtetit, zhvillimin ekonomik, veriun, Trepçën, pjesmarrjen e Lëvizjes VETËVENDOSJE! në zgjedhjet parlamentare, etj.



Tubimi tjetër, i organizuar nga Lëvizja VETËVENDOSJE!, u mbajt me qytetarët e lagjes "Kalaja II", të Vushtrrisë, në të cilin morën pjesë rreth 40 qytetarë. Në këtë tubim folën Sheremet Halili dhe.Xhemajl Pllana, të cilët shpalosën programin politik të Lëvizjes VETËVENDOSJE!



Lëvizja VETËVENDOSJE!



Sekretariati për Media dhe Komunikim

[ARIANI_TB]

Alma Lama - Intervistë në ABC News

[ARIANI_TB]

[ARIANI_TB]

[kutje]

ne vend se te me demantosh me argumente paske fillue me ofendime veq nejse ne munges te argumenteve vin ato

po tregona ju se kush ka qen mikullofci edhe a eshte keshtu siq thash une edhe ne kofshi te ri vetni baballaret e juaj se u tregoin per ket mikullofcin e juaj qe ishte nji titist i perbetuar dhe nji antishqiptar e antikombetar i madh
e ju te vetfundosjes me ket njeri mburreni dhe thoni se jemi per bashkim kombetar haaaaaa ese mos plas tuj qesh me ju

Keshilltari i pdk Arsim Bajrami,per ju nuk asht komunist,Bajram rexhepi,nuke ashte komunist,edhe te tjeret ,qe jane plot,me gjak komunisti,ne pdk,mixhallaret,dajat ,vllaznit e tyne,keto nuke njehen,se paku 50 komunista i keni ne pdk,keto argumente jane,te plota dhe te verifikueme,plote me polar ashte pdk,kure ju vyeke pasoshi i ygosllavis,mule te daja,mule te mixha,mule te baba,dhe ska problem i marshin pasoshat.Nazmi Mikullovcin,e njofin te gjithe ne nitrovic,gja normale,Trepcen ashte dashte ta udheheqi shqipetari,mirepo,ne anen tjeter,komunistat jane ma se shumti ne pdk,pastaj rugva komunist,pastaj daci komunist,pastaj pacolli komunist,pastaj ne aak bakalli komunist,problemi tjeter ashte ne vetevendosje,qe ska komunista krejt jane te ri,krejt ata e din qe nuke kane te kaluemen,e vrazhd.Jane te pater si loti,dhe kane PROGRAMIN,kurse partit tjera kane programin me tri pika,me,vjedh,e me vjedh,e veq me vjedh.

[Llapi]

komunistat jane ma se shumti ne pdk
Nazmi Mikullovcin,e njofin te gjithe ne nitrovic,gja normale,Trepcen ashte dashte ta udheheqi shqipetari,

O ku ini patriota te vetfundosjes me krye titistin nazmi mikullofcin breee
ata te cilet jau kthyen pushken shkaut kokan komunista sipas teje
ndersa ata qe punuen per shka kokan per bashkim me shqiperin veq qi jan fut ne vetfundosje a haaaaaaaaaaaaaaaa

[Disa]

Albin vetë është më i madh sa te gjith kryetar e partive korruptuese mi bo bashkë!

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!
PO VJEN ALBIN QË DO TA PASTROI KOSOVEN NGA MBETURINAT ANTISHQIPTARE!

O njerz, per te disaten her po ju lutem , mos u merrni me një pacient te psikiatrisë!
ai e din vet cilë është !

Ashtu eshte mir e ke.

Albin Kurti eshte patrioti me i madhe i cili do ti bashkoje Shqiptaret.

Shqiperi Etnike.

[ARIANI_TB]

Vetëvendosja nuk u beson konkurrentëve
Publikuar: Sot, më 15 nëntor 2010

Prishtinë, 15 nëntor - Lëvizja Vetëvendosje, përmes një komunikate ka njoftuar arsyet pse nuk nënshkroi Deklaratën për zgjedhjet, siç bën partitë e tjera garuese në zgjedhje. Lëvizja Vetëvendosje, thuhet në komunikatë, nuk ka marrë pjesë dhe as që e ka nënshkruar deklaratën e përbashkët të partive politike dhe subjekteve elektorale lidhur me mbarëvajtjen e procesit zgjedhor të zgjedhjeve të përgjithshme të12 dhjetorit 2010, meqenëse nuk u beson partive politike në pushtet.
Këto parti deri tash e kanë dëshmuar në shumë raste se nuk punojnë sipas asnjë kodi, etik a të mirësjelljes, dhe se janë të gatshme që për interesa të tyre të ngushta politike financiare e klanore ta shkelin secilin premtim që i kanë dhënë popullit të Kosovës. Populli i Kosovës është dëshmitar i një abuzimi të skajshëm të besimit të tij nga partitë politike që kanë qeverisur deri tash me vendin dhe që e kanë sjellë Kosovën në këtë gjendje ku jemi sot. Këta politikanë e kanë vjedhur votën e popullit të Kosovës, e kanë keqpërdorur pozitën e tyre për interesave të një pakice njerëzish, e kanë privatizuar pushtetin për interesa të tyre personale, i kanë shkelur madje edhe ligjet dhe rregullat që vet i kanë pranuar dhe aprovuar, janë bërë pjesë e planeve dhe vendimeve politike dhe ekonomike që bien ndesh me vullnetin e popullit dhe kësisoj e kanë dëmtuar rëndë Kosovën. Të nënshkruash tash deklaratë të përbashkët me këta njerëz nënkupton se ekziston një shpresë për reformimin e tyre, ndërkohë që Lëvizja Vetëvendosje! i sheh këta politikanë si të pashpresë dhe nuk u beson fare.
Meqenëse është kështu ne nuk do të bëhemi pjesë e një maskarade të tillë formale siç është deklarata lidhur me mbarëvajtjen e procesit zgjedhor të zgjedhjeve të përgjithshme të12 dhjetorit 2010. Kosova si shtet sovran do t'i kishte institucionet që do ta garantonin votën e lirë, këto institucione të lira nga ndikimet e politikës ditore të udhëhequr nga të pandershmit. Në mungesë të këtyre institucioneve dhe pavarësisë së tyre, Kodi i Mirësjelljes e humb kuptimin etik që i mveshet në titull dhe shndërrohet në dokument propagandistik që i shërben pushtetit për t'i maskuar abuzimet e tij. Ne nuk do ta ndihmojmë pushtetin e këtyre politikanëve që të maskohet, por do të bëjmë çmos që ta demaskojmë atë, përfundon komunikata.

[Nice_Boy]

cka Kam Pa Para CA Minutave Në 10 Minuta Live Të Rtk-s Mos Pafsha Kurr Unë Ma Qasi Emisioni Në Televizionet Tona.


Ejj 10 Minuta More Gati Jan Rre.

Vallaj Unë Gati Jamë Kthy M'ja Dhan Voten Qisaj Vetvendosjes.

Nanen Tem Ma Kishin Kthy Veq KA VETJA (VETVENDOSJA) Haha

[ARIANI_TB]

cka Kam Pa Para CA Minutave Në 10 Minuta Live Të Rtk-s Mos Pafsha Kurr Unë Ma Qasi Emisioni Në Televizionet Tona.


Ejj 10 Minuta More Gati Jan Rre.

Vallaj Unë Gati Jamë Kthy M'ja Dhan Voten Qisaj Vetvendosjes.

Nanen Tem Ma Kishin Kthy Veq KA VETJA (VETVENDOSJA) Haha

Kush jane ata qe gati jane rrafur ndermjet veti. Nese ka mundesi me dite.