Albin Kurti

[ARIANI_TB]

Kurti: Prezenca ndërkombëtare duhet të ridefinohet


Nga Express më 11.08.2010 në ora 17:15

Lëvizja “Vetëvendosje”, e cila ka paralajmëruar se do të marrë pjesë në zgjedhjet e ardhshme, thotë se në programin e saj synon që Kosovën ta bëjë sovrane, pa instanca ndërkombëtare ekzekutive mbi kokë.

Lideri i “Vetëvendosjes”, Albin Kurti, në një intervistë për KosovaPress, ka thënë se EULEX-i ndodhet në Kosovë, jo vetëm duke u bazuar në Rezolutën 1244, por njëkohësisht edhe në gjashtëpikëshin famëkeq të Ban Ki-Moonit, i cili paraqet një marrëveshje të OKB-ve me Serbinë për të lejuar EULEX-in që të futet nën ombrellën e UNMIK-ut. “Kësisoj ajo që dikur ishte shtylla e parë e UNMIK-ut, Departamenti i Drejtësisë dhe Policia, në fakt vetëm ta ndryshojë emrin, duke u bërë EULEX”.

Kurti ka theksuar se prezenca e bashkësisë ndërkombëtare në Kosovë, e posaçërisht e BE-së duhet të ridefinohet, me ç’rast ata duhet të na ndihmojnë që Kosova të ketë të drejtë një ditë që të anëtarësohet në BE dhe të shkojë në procese të cilat janë zhvillimore në aspektin ekonomik, shoqëror, kulturor e politik. “Dhe jo siç është tani, ku me prokurorë, policë e gjykatës, që kanë imunitet prej ligjit, po e vazhdojnë avazin e vjetër të UNMIK-ut”.

“Vetëvendosja” nuk pret që EULEX-i do të sjellë drejtësi në Kosovë, as në luftimin e strukturave paralele të Serbisë, as në luftimin e kriminelëve të luftës, të cilët në Kosovë kanë kryer masakra dhe krime mizore, duke vrarë afër 12 mijë civilë dhe duke deportuar jashtë Kosovë afër 1 milion njerëz, me ç’rast mijëra femra janë dhunuar e 120 mijë shtëpi janë shkatërruar.

”Nuk presim drejtësi as sa i përket luftimit të korrupsionit, me qenë se po shihet se preferojnë të merren me peshqit e vegjël, e jo me peshkaqenët e mëdhenj, të cilët në fakt janë partnerë të tyre. Mbi të gjitha EULEX-i, siç e dini, nuk e pranon pavarësinë e Kosovës. Të gjithë zyrtarët e EULEX-it kanë imunitet prej ligjit në Kosovë dhe në të njëjtën kohë ata konsiderojnë se sundimi i ligjit në Kosovë duhet të jetë në funksion të stabilitetit rajonal, e jo në funksion të drejtësisë vendore, siç do të duhej të ishte”.

Sa i përket pranisë së bashkësisë ndërkombëtare në Kosovë, “Vetëvendosja”, sipas Kurtit, ka qëndrim të qartë. Kjo prani duhet të përbëhet prej mekanizmave dhe institucioneve, të cilat e këshillojnë, e ndihmojnë, e sugjerojnë Kosovën, por nuk kanë fuqi ekzekutive mbi institucionet e saj, apo mbi popullin e saj.” EULEX-i me këtë rast është i tillë dhe ka fuqi ekzekutive, pra ka ingjerenca të sovranit në shtëpinë tonë. Kjo është e papranueshme për ne. Ne nuk jemi kundër bashkësisë ndërkombëtare, nuk jemi as kundër prezencës së bashkësisë ndërkombëtare në Kosovë, por ne jemi kundër karakterit aktual të kësaj prezence, që është prezencë qeverisëse e sunduese, e jo këshilluese e ndihmuese”, është shprehur Kurti.

Në intervistën më të gjatë për KosovaPress, Kurti ka kritikuar edhe Qeverinë se është shumë e ndrojtur dhe mendoj që frika që ka kjo qeveri për t’u bërë tamam qeveri e një shteti të pavarur vjen prej faktit që krerët politikë e institucionalë këtu janë njerëz shumë të pasur dhe rrjedhimisht të shantazhuar, me qenë se pasurin e tyre nuk e kanë krijuar me pagat që i marrin. Pra, sipas tij, bëhet fjalë për politikanë të cilët nuk mund të guxojnë për Kosovën, sepse frikësohen për vetën e tyre.

Kurti ka rikonfirmuar se do të marrin pjesë në zgjedhjet e ardhshme. Programet e lëvizjes, për çështjet politike, ekonomike, sociale etj, do të jenë gati në vjeshtë. Ndërsa nga fundi i vitit, do të fillojë edhe procesi i zgjedhjeve të brendshme.

[ARIANI_TB]

Kurti: Kosova ka nevojë të konsolidohet përbrenda

Lideri i Lëvizjes “Vetëvendosje”, Albin Kurti vlerëson se Kosova ka nevojë që të konsolidohet përbrenda, e jo të bëhet pjesë e kontestimeve të ndryshme, të cilat asaj i bëhen nga jashtë. ...
Postuar: 03:30:24 / 11.08.2010


Sipas Kurtit, gëzimi dhe entuziazmi, i cili vjen nga mendimi i GJND-së duhet ta ruajmë, atëherë kur para një gjykate ndërkombëtare do të ndodhej Serbia dhe atëherë kur kriminelët serbë të luftës do të ndëshkohen atje për krimet të cilat i kanë kryer në Kosovë.

[ARIANI_TB]

http://www.shqiperia.com/videoshqip/...0-qershor-2010

[ARIANI_TB]

http://www.shqiperia.com/videoshqip/...s-se-Prizrenit

[ARIANI_TB]

http://www.shqiperia.com/videoshqip/...RE-E-PRIZRENIT

[ARIANI_TB]

Atë që nuk e bëri sulltani, e bëri vetë Enver Hasani
10 QERSHOR 2010 - E Diel 00:00
Sot në Prizren u mbajt demonstrata e Lëvizjes VETËVENDOSJE! me moton “Për identitet dhe dinjitet kombëtar”. Kjo demonstratë u mbajt për ta kundërshtuar vendimin e Gjykatës Kushtetuese për ndryshimin e emblemës komunale të Prizrenit, në të cilën paraqitet shtëpia e Lidhjes së Prizrenit. Demonstrata filloi në sheshin kryesor të qytetit dhe në të morën pjesë rreth 5,000 vetë.








Faruk Dakaj nga qendra e VETËVENDOSJE!-s në Prizren ishte i pari që iu drejtua demonstruesve të mbledhur te shadërvani i qytetit. Ai tha se Plani i Ahtisaarit, në emër të të cilit është marrë vendimi për ndryshimin e emblemës komunale, është veprim shkombëtarizues. Ky vendim po vjen pas një varg veprimesh tjera të cilat filluan me heqjen e flamurit kobëtar, himnin pa tekst, serbizimin e objekteve fetare, kurse tash po synohet që ky shkombëtarizim të shkojë thellë edhe deri te vetë institucionet lokale.





Më pas masa demonstruese iu drejtua kuvendit komunal të Prizrenit. Përpara objektit komunal foli Glauk Konjufca. Glauku tha se nëse sot po na rrezikohet Lidhja e Prizrenit, kjo vjen për shkak se nuk kemi udhëheqës politikë sikur ata të Lidhjes së Prizrenit. Krerët e Lidhjes luftonin me armikun për t’i mbrojtur tokat shqiptare. Krerët e sotshëm luftojnë me njëri-tjetrin për shitjen e tokave shqiptare. Krerët e Lidhjes varfëroheshin për të pasur populli. Krerët e sotëm pasurohen prej parasë së të varfërve – prej buxhetit të popullit. Me këtë rast, aktivistët e VETËVENDOSJE!-s vendosën në hyrjen e objektit të kuvendit komunal emblemën aktuale të këtij institucioni dhe e cila nuk duhet të ndërrohet.











Dhe erdhi çasti kryesor i demonstratës: ndalja përpara shtëpisë së Lidhjes së Prizrenit. Aty demonstruesve iu foli veprimtari i njohur i çështjes kombëtare dhe njëri prej themeluesve të UÇK-së, Gani Krasniqi. Ai tha se Lidhja e Prizrenit paraqet ngjarjen më të rëndësishme kombëtare shqiptare pas Kuvendit të Lezhës. Qëllimet e Lidhjes së Prizrenit ishin edhe brenda vetë luftës së fundit çlirimtare, e cila, në fund u keqpërdor nga njerëz të caktuar për të bërë karriera politike në dëm të Kosovës tha Gani Krasniqi. Dhe në fund shtoi se Lidhja e Prizrenit ka qenë, është dhe gjithnjë do të jetë gjallë.











Për konceptin politik të Lidhjes së Prizrenit dhe rëndësinë e saj si ngjarje politike dhe program që jehon historikisht, foli profesori i filozofisë politike nga Tirana, Hysamedin Feraj. Ai tha se Plani i Ahtisaarit po e shfytyron kombin shqiptar. Sepse po ia shlyen atij vetitë e tij thelbësore. Në fund Feraj tha se atë që nuk e ka bëri sulltani, e bëri vetë Enver Hasani.











Lëvizja VETËVENDOSJE!

http://www.vetevendosje.org/?cid=1,3,1585

[ARIANI_TB]

Në vend që të luftohet krimi i organizuar, por luftohet organizimi i popullit
Intervenimi brutal nga njësia speciale e policisë e Kosovës të shtunën në zyren e Lëvizjes VETËVENDOSJE! në Prishtinë, dëshmon se pushteti aktual, në vend se të luftojë krimin e organizuar, lufton organizimin popullor.

Gjatë muajve të fundit aktiviteti qendror në VETËVENDOSJE! ishin tubimet me qytetarë, në qytete e fshatra, kudo në Kosovë. Gjatë këtyre tubimeve, kemi hasur në një përkrahje të fuqishme nga qytetarët, në një frymë gatishmërie për reagim qytetar ndaj padrejtësive që po ushtrohen nga pushteti aktual. Kjo përkrahje po manifestohet me forcim të strukturave organizative të Lëvizjes, dhe me krijimin e nje mjedisi për ndryshime të përgjithshme në shoqërinë tonë.
Pikërisht kjo është pengesa kryesore e pushtetit të sotëm në realizimin e planeve të dëmshme për shoqërinë tonë. Ata po godasin identitetin tonë kombëtar, territorin dhe pasuritë tona dhe Lëvizja po arrin ta demaskojë çdo ditë këtë politikë.
Ata po veprojnë në panik, ndërsa ne po jemi gjithnjë e më pranë popullit, problemeve dhe vuajtjeve të tij nga ky pushtet. Ata nuk do të mund të na ndalin.
Ndërhyrja e dhunshme e policisë
Ndërhyrja e djeshme e policisë ishte jashtëzakonisht e dhunshme. Ky intervenim shpërfaq natyrën e vërtetë të këtij pushteti i cili, në thelb, është i dhunshëm.
Në vend se policia të punojë për imponimin e vullnetit të popullit për sovranitet e integritet territorial, ajo është bërë vegël e grupeve kriminale të pushtetit si dhe misioneve të huaja antikombëtare. Kjo polici qyqare që nuk ka guxim të ndërhyjë aty ku çdo polici normale do të intervenonte, sikur që do të duhej të intervenonte kundër strukturave paralele, kundër kriminelëve të luftës, kundër krimit të organizuar dhe kundër shefave të korrupsionit, guximin e vetëm e ka që t’i rrah aktivistët e VETËVENDOSJE!-s me duar të lidhura nëpër veturat dhe stacione policore.
Intervenimi i djeshëm i policisë së dirigjuar nga EULEX-i ishte identik me atë të SHPK-së të dirigjuar nga UNMIK-u më 10 shkurt, kur e arrestuan Albinit pas demonstratës. Asgjë e çuditshme këtu: EULEX-i është UNMIK-u i ri i cili po e përndjek Albinin për të njëjtin rast sikur UNMIK-u dhe njëjtë sikur ai; strukturat udhëheqëse të policisë dhe njësitet speciale të saj janë po ato të SHPK-së; gjykatësit dhe prokurorët janë po ata; politikanët e Kosovës janë po ata të Grupit Negociator, të cilët i mbrojtën policët rumunë duke e fajësuar VETËVENDOSJE!-n. Në këtë këndvështrim gjërat nuk kanë ndryshuar fare në Kosovë pas shpalljes së pavarësisë.
Sikurse edhe politikanët vendor, ashtu edhe shumë pjesëtarë të njësiteve speciale të policisë janë njerëz me duar të përlyera në krim, dhe për këto kanë dosje. E natyrisht për politikanët, policët dhe strukturat tjera institucionale që i shërbejnë EULEX-it, sikur UNMIK-ut më parë, dosjet nuk janë faktorë për arrestim, por levë për shantazhim dhe nënshtrim.
Përgjegjësit
Për ndërhyrjen brutale dhe aq të dhunshme të njësisë speciale të Policisë së Kosovës Lëvizja VETËVENDOSJE! e mban përgjegjës kreun e Qeverisë, Hashim Thaçin, udhëheqësin e EULEX-it, Yves de Kermabonin, dhe Përfaqësuesin Civil Ndërkombëtar, Pieter Feith. EULEX-i dhe Pieter Feithi gjithnjë kanë pasur interes të veçantë për ta mënjanuar nga skena politike Lëvizjen VETËVENDOSJE! dhe Albin Kurtin. Por tash që Lëvizja jonë e kumtoi rezultatin e debatit lidhur me pjesëmarrjen tonë edhe në zgjedhje, interesi i krerëve politikë të Kosovës për persekutimin e Albin Kurtit është bërë edhe më i drejtpërdrejtë dhe më i dhunshëm, ashtu sikurse që u pa gjatë ndërhyrjes çnjerëzore të policisë dje.
Policia e Kosovës dje tregoi se nuk është e Kosovës, por e EULEX-it. Kurse EULEX-in e kemi në Kosovë si pasojë e politikanëve tanë të korruptuar. Kjo është arsyeja pse nuk ka arrestim të strukturave paralele që e luftojnë pavarësinë, por të aktivistëve që punojnë për sovranitetin e Kosovës; kjo është arsyeja pse nuk ka ndjekje të kriminelëve serbë të luftës, por të atyre shqiptarëve që kanë luftuar për çlirimin e vendit; kjo është arsyeja pse nuk ka arrestime të peshqve të mëdhenj, por të qytetarëve që ia prishin EULEX-it bashkëpunimin e mirë me Serbinë.
Ndërhyrja e djeshme e policisë dhe rezistenca ndaj kësaj dhune nga ana e aktivistëve të Lëvizjes, qëllimisht është keqportretizuar nga disa mediume. Televizioni Publik i Kosovës ka paraqitur vetëm heqjen e rrethojave nga ana e policisë, dhe shumë më tepër kohë i ka dhënë rrotullimit të një vetureje dhe një xhipi të EULEX-it pas ndërhyrjes së dhunshme të policisë, duke dashur ta racionalizonte artificialisht këtë intervenim çnjerëzor. Televizioni Publik duhet të jetë i shoqërisë dhe popullit, e jo i pushtetit. Në të njëjtën vijë kanë qëndruar edhe gazeta Express, shkrimi i të cilës ka qenë përmbajtësisht korrekt, me përjashtim të pjesës fillestare ku kanë ndërhyrë redaktorët, pothuajse sikur policia. Së pari, vetë titulli në faqen e parë thotë se Lëvizja jonë është bërë parti politike, gjë që është në kundërshtim me shpjegimin në konferencën e djeshme për shtyp lidhur me dallimin ndërmjet garimit në zgjedhje dhe shndërrimit në parti politike. Ne e kemi mohuar këtë të fundit. Redaktori po ashtu e shtronte dilemën se kush po bënte spektakël – VETËVENDOSJE!-a apo policia?! Redaktorit, pra, e gjithë kjo ndërhyrje po i dukej spektakël. Ashtu siç i duket edhe hyrja e zyrtarëve serbë; edhe mbajtja e zgjedhjeve të Serbisë në Kosovë; edhe korrupsioni; sepse këta njerëz të tillë vetë Kosovën dhe interesin e saj e marrin krejt joseriozisht. Seriozisht e marrin vetëm interesin e tyre material.
Dita e demonstratës
Në kohën kur Plani Ahtisaarit dështoi së ndërtuari një shtet normal; në kohën kur Kosova është ngulfatur nga korrupsioni i shtrirë në të gjitha institucionet dhe partitë politike kryesore; në kohën ku qytetarit i Kosovës është varfruar edhe më shumë; në kohën kur Lëvizja VETËVENDOSJE! doli si alternativë - pushteti vendosi të na luftojë. Është e natyrshme se ka nuk e luftojnë veten. Kur krerët e institucionëve janë të korruptuar dhe të shantazuar, është e kuptushme që nuk e respektojnë vullnetin e qytetarit, vullnetin e shprehur nga 175,000 qytetarë të cilët kërkuan mbylljën e rastit gjyqsor ndaj Albin Kurtit, dhe hapjen e rastin ndaj policëve rumunë. Kur vullneti nuk të respektohet, ateherë atë duhet mbrojtur.
Ne iu bejmë thirrje të gjithë atyre qytetarëve që e kanë nënshkruar peticionin dhe atyre që nuk kanë pasur mundësi që ditën e gjykimit ndaj Albin Kurtit të dalin në demonstratë. Demonstrata do të mbahet në ditën e gjykimit të Albini, pram ë 21 qershor, përveç nëse gjyqi mbahet edhe më herët, për çka ne do t’ju lajmërojmë me kohë.
Lëvizja VETËVENDOSJE!
13 qershor 2010

[ARIANI_TB]

Levizja VETEVENDOSJE!
Historik i �??Levizjes VETeVENDOSJE!'

Levizja VETeVENDOSJE! eshte komunitet i njerezve qe refuzojne te nenshtrohen, dhe synon arritjen dhe realizimin e vetevendosjes per popullin e Kosoves. Zanafilla e Vetevendosje!-s ndodhet ne aktivitetet dhe aksionet e shumta te KAN-it (Rrjeti i Aksionit per Kosoven), qe kishin per qellim te krijojne nje qytetari aktive ne Kosove, te dedikuar ne promovimin e vlerave universale ne fushat e te drejtave dhe lirive te njeriut, barazise dhe drejtesise sociale. Themeluar me 1997, nga nje grup aktivistesh nderkombetare me ne krye shkrimtaren amerikane Alice Mead, tash Alice W. James, KAN fillimisht u vu ne perkrahje te nismave qytetare kunder okupimit dhe diktatures se Serbise ne Kosove, sic eshte rasti me perkrahjen per Unionin e Pavarur te Studenteve te Universitetit te Prishtines (UPSUP) dhe protestat joviolente te tyre per lirimin e objekteve dhe hapesires universitare. eshte vazhduar me dokumentimin e krimeve gjate luftes, ndersa kulminacionin e vet KAN e ka arritur gjate viteve 1999 dhe 2000 me fushaten A-PAL (Albanian Prisoner Advocacy List) per lirimin e pengjeve te luftes.

Ne korrik te vitit 2003, eshte vendosur qe KAN te kete qendren brenda ne Kosove dhe ta krijoje nje rrjet edhe ketu. Qe nga kjo kohe, me pjesemarrje te konsiderueshme te aktivisteve nga gjithe Kosova, KAN ka organizuar nje vister aktivitetesh ne sherbim te fuqizimit te individeve anekend Kosoves, dhe krijimit te nje shoqerie dinamike dhe reprezentuese. KAN ka organizuar peticionin ne mbeshtje te zbardhjes se fatit te personave te rrembyer ne Kosove, duke mbledhur 236,311 nenshkrime; pastaj padegjueshmerine qytetare te familjeve te te pagjeturve (refuzimi i pageses se tatimeve dhe sherbimeve publike), qe ka filluar qe nga 31 marsi i vitit te kaluar; po ashtu kemi bllokuar rruge dhe udhekryqe; kemi vendosur fotografite e te pagjeturve ne grilat e Kuvendit e Qeverise se Kosoves; mandej, kemi publikuar neper carcafe �?? te cilet cdo here na i vodhi policia �?? akuzat ndaj personave pergjegjes per vrasjet dhe masakrat ne Krushe te Vogel, Gjakove dhe Recak; etj.etj. Te gjitha keto jane bere ne bashkepunim me familjaret e te pagjeturve.

Me 10 qershor 2004, me vershellima te pipave, muzike dhe kartuqa te kuq, ne protesten kunder Rezolutes 1244 dhe pikerisht me rastin e 5 vjetorit te saj, mbi 1.000 protestues rreth e rrotull nderteses se UNMIK-ut e shpallen veten Qytetare dhe aktiviste. (Neve ne Kosove konsiderohemi vetem si banore, status ky qe e gezon edhe refugjati!) Ata lexuan Deklaraten Qytetare dhe u zotuan se do ta luftojne regjimin antidemokratik te UNMIK-ut. (Kjo proteste paraqet zanafillen konceptuale te asaj qe njihet sot si Levizja VETeVENDOSJE!) Pastaj eshte vazhduar me nje turne neper qytetet e Kosoves duke projektuar sllajde me parulla kunder regjimit jodemokratik te UNMIK-t, ne muret e pushtetit si dhe ne ato publike.

Me vone, dy here aktivistet e KAN-it e rrethuan UNMIK-un me shirit te verdhe ne te cilin shkruante "Vend Krimi/Mos Kalo" dhe njeren here, me 13 shkurt 2005 edhe e gjuajten me veze te prishura kryetarin e Serbise, Boris Tadiq. Me gjuajtje vezesh eshte pritur edhe Vuk Drashkoviq, minister i jashtem i Unionit SMZ, ne viziten e tij ne Prishtine me 27 qershor 2005.

Aktivitetet tjera perfshijne kundershtimin e procesit te decentralizimit ne Kosove, me c'rast, ne Gjilan, Dardane, Mitrovice (si vendet me te rrezikuara) dhe ne Prishtine, i kemi djegur shkronjat e punuara prej druri te fjales decentralizim, per shkak se ky projekt, para se te arrihet shtetesia dhe pavaresia e Kosoves, shpien ne ndarje e copetim te Kosoves.

KAN se bashku me organizatat "Thirrjet e Nenave" nga Gjakova, "26 marsi 1999" nga Krusha e Vogel, dhe me familjare te Recakut, me 26 mars, 7 maj dhe 10 qershor 2005 kane vendosur tre carcafe me dimensione mbi 20m x 4m ne ndertesat afer UNMIK-ut. carcafi i pare ka permbajtur emrat e 56 personave qe akuzohen nga familjaret e viktimave si pergjegjes per vrasjen dhe rrembimin e 112 banoreve te fshatit Krushe e Vogel. carcafi i dyte ka permbajtur emrat e 35 personave qe akuzohen nga familjaret e viktimave si pergjegjes per vrasjen e 750 banoreve dhe rrembimin e 680 te tjereve qe ende jane te pagjetur nga komuna e Gjakoves.

Ndersa, ne carcafin e trete kane qene te shkruar emrat e 20 personave qe akuzohen nga familjare te viktimave te Recakut per vrasjen dhe masakrimin e 42 civileve te fshatit. Angazhimet e KAN-it kane vazhduar edhe me aktivitete te tjera, sic eshte rasti me mbeshtetjen e dhene organizates "Thirrjet e Nenave" per realizimin e pjeses se dyte te fushates "Te gjitheve na mungojne", ku ne dhjete billborda dhe dhjete "city-lights" te kryeqytetit jane vendosur emrat e te gjithe personave te pagjetur nga Kosova, pa marre parasysh perkatesine etnike, fetare apo tjeterfare.

Me 12 qershor 2005, ne muret perreth selise se UNMIK-ut jane shkruar parullat "JO NEGOCIATA - VETeVENDOSJE!", duke shenuar keshtu avansimin definitiv te KAN ne Levizja VETeVENDOSJE! Aksionet e shkrimit te parullave kane vazhduar ne pothuajse te gjitha qendrat e Kosoves, ku gjate ketyre aksioneve Sherbimi Policor i Kosoves ne bashkepunim me policine nderkombetare kane kryer rreth 130 arrestime ndaj aktiviste te VETeVENDOSJE!-s, disa prej te cileve edhe u jane shqiptuar denime me burg apo denim me pagese ne te holla.

Sot, Levizja VETeVENDOSJE! ka shtrire veprimtarine e saj ne shume qendra dhe vendbanime te Kosoves, numeron qindra aktiviste, mijera mbeshtetes, gjithnje ne perpjekje per te mobilizuar dhe organizuar popullin e Kosoves ne misionin e arritjes dhe realizimit te se drejtes per vetevendosje. Te perkushtuar dhe te angazhuar maksimalisht. Deri ne vetevendosje per popullin e Kosoves.

[ARIANI_TB]

E drejta për vetëvendosje dhe bashkimi kombëtar

Kombi shqiptar, si çdo komb në botë ka të drejtë që të jetoje i bashkuar në një shtet të vetëm. Këtë të drejtë e ka fituar me luftëra të shumta që ka bërë gjatë historisë së tij dhe me sjelljen e civilizuar që ka treguar. Populli ynë trim të drejtën për vetëvendosje dhe bashkim kombëtar e ka artikuluar më 1878 në Kuvendin e Berlinit, më 1899 në Lidhjen e Pejës, më 1912 në Kuvendin e Vlorës, më 1920 në Kongresin e Lushnjës, më 1944 në Konferencën e Bujanit, më 1991 në Referendumin e Kosovës, më 1996-99 dhe 2000-02 në Luftat Çlirimtare, më 2004 e 2007 me demonstratat panpopullore, etj.

Ne, shqiptarët duhet të luftojmë disfatizmin dhe autokriticizmin që ka lëshuar rrënjë ndër ne dhe po shfaqet në trajtën e asaj se ne shikojmë se çfarë po mendojnë të tjerët për ne, Ne nuk jemi shumë. As 10 milionë frymë së bashku. Andaj, nuk guxojmë t'i nën-
shtrohemi diktateve te Fuqive të Mëdha, pasiqë detyra e tyre është të na bindin për kompromise, qofshin edhe ato të dhimbshme e fatale si mohimi i identitetit shqiptar, dhe shpikja e një identiteti të ri, atij "kosovar". Ky "identitet" artificial nuk na është servirur për herë të parë nga superfuqitë perëndimore. Edhe Jugosllavia punoi dhe luftoi 60 vite të na bindte se ne nuk qenkemi shqiptarë, por kosovarë, se ne nuk flitkemi "albanski", por "shiptarski". Këtë lojë Titoja, një "djall me krahë engjulli", e luajti edhe me bullgarët e Jugosllavisë, të cilët arriti t'i bindte së nuk janë bullgarë, por "maqedonë". Nëse ne për 60 vite nuk "e vallëzuam" këtë valle të jugosllavëve, pse do të duhej ta pranojmë tani?

Ne, shqiptarët, kemi më shumë të përbashkëta mes vete sesa dallime. Një shqiptar nga Gjilani mund të dallojë nga vlonjati apo tetovari, ulqinaku ose preshevari, po aq apo më pak sesa mund të dallojë francezi i Parisit dhe ai i Korzikës, italiani i Torinos nga ai i Siçilisë, rusi i Moskës nga ai i Kaukazit, serbi i Beogradit nga ai i i Rashkës, turku i Stambollit nga ai i Anadollit, etj.

Ne duhet të faktorizohemi dhe të protagonizohemi jo duke marrë parasysh pengesat objektive, por të nxitur nga synimet subjektive. Nuk duhet të presim që Lindja a Perëndimi të na ndihmojë rreth një referendumi për vetëvendosje mbi bashkimin kombëtar, por ne vetë duhet të marrim iniciativa të tilla historike. Dhe, çdo akt i madh historik nëse neglizhohet, historia do t'i gjykojë rëndë përgjegjësit e kësaj neglizhence. Bashkimin kombëtar duhet ta fillojmë me një "vëllazerimbashkim" të ri, por tani jo me armiqtë, por me vëllezërit tanë, ndonëse mbeturina neotitiste ende këtë proces po e drejtojnë nga armiqtë. Ne duhet të bashkohemi ne fushën e shkollave, turizmit, tregtisë, kulturës, sportit, etj. Është koha t'i lëmë këto dokrra për bashkim brenda BE-së, një organizatë që mund edhe mos ta ketë jetën e jetëgjatë, bazuar në rrjedhat gjeopolitike që do t'i marrë bota në vijim të shekullit. Pse gjermanët nuk e lanë që të futen me dy shtete në BE dhe të bashkohen aty?

Ne, rinia, duhet ta marrim pishtarin e lirisë nga duart e plakura të kësaj pseudointelegjencie, nga duart e korruptuara të këtyre "baballarëve të kombit" dhe ta arrijmë vetëvendosjen, punë kjo mjaft e vështirë sepse nuk kemi të bëjme me një, por me shume kufij shqiptaro-shqiptarë.

[ARIANI_TB]

http://en.kendincos.net/video-ltjlnr...-eulex-it.html