Albin Kurti

[Loti-99]

Rugova: Ata djem janë gjak i prishtë

Publikuar: Sot, më 16 shkurt 2011
Ky është sulm fizik. Jam sulmuar me substanca që janë edhe kanceroze, por edhe lëndë djegëse.
Këto janë gjëra që i bën një pjesë e rinisë e cila është gjak i fëlliqur se me siguri dikush prej këtyre ose gjyshin a katragjyshin e ka me elemente sllave”, ka thënë Rugova gjatë një intervistë dhënë Radio Dukagjinit.

Prishtinë, 16 shkurt - Një ditë pas “përgjakjes” së rektorit të Universitetit të Prishtinës (UP), Mujë Rugova, nga aktivistë të Vetëvendosjes, ka ardhur edhe reagimi i tij. Aktin e së martës, Rugova e ka dënuar me akuza të rënda, duke thënë se autorët “janë gjak i prishtë dhe kopila”.
“Ky është sulm fizik. Jam sulmuar me substanca që janë edhe kanceroze, por edhe lëndë djegëse. Ngjyra ka qenë e tretur në lëndë djegëse dhe ka mundur që prej një shkëndije të sjell edhe flakë. Këto janë gjëra që i bën një pjesë e rinisë e cila është gjak i fëlliqur se me siguri dikush prej këtyre ose gjyshin a katragjyshin e ka me elemente sllave”, ka thënë Rugova gjatë një intervistë dhënë Radio Dukagjinit.

Sipas tij, ky “gjak i prishur” nuk do t’ia arrijë qëllimit ta përçajë universitetin.

“Në ato zonat e mia është thënë se djali kurrë nuk i bie babës. Nëse i bie, atëherë është kopil. Në qoftë se ky Universitet është sulmuar në këtë mënyrë, atëherë është sulmuar nga gjaku i prishur edhe nga elemente të cilat nuk ia duan të mirën këtij populli”, citohet të ketë thënë rektori Rugova.

Ai ka shtuar se ky veprim më së paku i shkon për nder Vetëvendosjes, e cila, sipas tij, “nuk është distancuar fare”.

“Mirëpo ata e dinë se çka kanë bërë dhe e dinë se si e kanë punën me opinionin e tyre që ju ka dhënë votat. Kësisoj, nuk formohet shteti”, ka thënë për rektori i UP-së.

Ndryshe dy aktivistët e Vetëvendosjes, të cilët edhe mbuluan me ngjyrë të kuqe rektorin Rugova në 41-vjetorin e themelimit të UP-së, janë në paraburgim.

[Disa]

Ta pavarësojmë pavarësinë!

www.vetevendosje.org
Sot e tre vjet më parë në Kuvendin e Kosovës u shpall pavarësia e mbikëqyrur e vendit tonë e rekomanduar nga kryenegociatori për zgjidhjen e statusit të Kosovës, Martti Ahtisaari. Si çmim për një pavarësi të paplotë, Kosovës iu imponua Plani i tij Gjithëpërfshirës, që e zbraz sovranitetin e shtetit tonë nga brenda.



Plani i Ahtisaarit e dha dritën e gjelbër për shkëputjen e Kosovës nga Serbia si territor, por në të njëjtën kohë, ia njohu Serbisë të drejtat e saj mbi territoret e Kosovës të banuara me serbë, si dhe ia mbivendosi vendit tonë një mision të huaj qeverisës. Decentralizimi etnik që e ndan Kosovën territorialisht e institucionalisht, eksterritorialiteti i kishave e manastireve ortodokse që e serbizon kulturën tonë mesjetare si dhe e rikolonizimi i Kosovës, pra kthimi i serbëve të ikur aty ku vendos Beogradi– këto janë vetëm disa prej dëmeve që i sjell Plani i Ahtisaarit.



Një ditë pas shpalljes së pavarësisë së Ahtisaarit, Lëvizja VETËVENDOSJE! bëri të qartë qëndrimin e saj lidhur me këtë projekt nëpërmjet një komunikate shtypi, e cila mbetet aktuale sot po aq sa para tre vjetëve. E vetmja gjë pozitive nga ajo që e pasoi 17 shkurtin, ishin njohjet ndërkombëtare që iu bënë Kosovës si shtet. Nëse lexohen njohjet e 75 shteteve deri sot që iu bënë Kosovës, aty Kosova njihet si shtet me sovranitet të plotë dhe me integritet territorial. Aty nuk përmendet fare Plani i Ahtisaarit. Por, ne, qytetarët e Kosovës që jetojmë këtu, e dimë se realiteti politik i Kosovës është shumë më i varfër se këto njohje.



Kanë kaluar tre vjet që atëherë dhe, ashtu siç ka ecur puna deri sot, shqetësimet e Lëvizjes VETËVENDOSJE! janë legjitimuar nga realiteti. Ne brengoseshim që statusi i Kosovës, në vend që të zgjidhej përmes njohjes së të drejtës për vetëvendosje për popullin e Kosovës dhe ushtrimin e kësaj të drejteje përmes referendumit, u degradua në kompromis me Serbinë. Dhe e dinim se një situatë e tillë, ku Kosova qeverisej prej politikanësh të korruptuar e pa vullnet për sovranitet, kurse Serbia po këmbëngulte me strukturat e veta brenda Kosovës, do të çonte drejt negociatave tjera me Serbinë, të cilat po pritet të ndodhin gjatë muajve në vazhdim.



Në anën tjetër, në shumë fusha tjera të jetës shoqërore, populli i Kosovës po vazhdon ta jetojë një gjendje më të rëndë se kurrë më parë. Varfëria masive është bërë përditshmëri, kurse papunësia normalitet. Po rriten çmimet por jo edhe standardi jetësor. Po shtrenjtohet jetesa, por nuk po rritet mirëqenia. Funksionet e shkollimit kanë mbetur po ato të viteve ’90 – mirëmbajtje e shkrim-leximit, kurse shëndetësia është degraduar në agjenci ndërlidhëse për deri te ordinancat private që e rrjepin xhepin modest të qytetarit të Kosovës. Dhe sikur të mos i mjaftonte kjo gjendje ekonomike politikanëve të Kosovës, ata tash po përgatiten për shitjen e të gjithë kapaciteteve zhvillimore të Kosovës, përmes privatizimit të PTK-së e KEK-ut, drejt privatizimit të Trepçës.



Do të dëshironim shumë që të uronim për këtë gjendje, por nuk na e qet goja. Urimi ynë është ky: urojmë që populli të na japë besim, atdheu dashuri, organizimi guxim – për t’i mbledhur forcat tona intelektuale e organizative si qytetarë e shqiptarë, për ta bërë Kosovën me sovranitet, shtetin për ta zhvilluar e kombin shqiptar për ta bashkuar. Sa herë kemi uruar e festuar, këtë përpjekje e kemi pasë ne mendje e në zemër.



Prishtinë, 17 shkurt 2011

Lëvizja VETËVENDOSJE!

[Loti-99]

Ta pavarësojmë pavarësinë!

www.vetevendosje.org
Sot e tre vjet më parë në Kuvendin e Kosovës u shpall pavarësia e mbikëqyrur e vendit tonë e rekomanduar nga kryenegociatori për zgjidhjen e statusit të Kosovës, Martti Ahtisaari. Si çmim për një pavarësi të paplotë, Kosovës iu imponua Plani i tij Gjithëpërfshirës, që e zbraz sovranitetin e shtetit tonë nga brenda.



Plani i Ahtisaarit e dha dritën e gjelbër për shkëputjen e Kosovës nga Serbia si territor, por në të njëjtën kohë, ia njohu Serbisë të drejtat e saj mbi territoret e Kosovës të banuara me serbë, si dhe ia mbivendosi vendit tonë një mision të huaj qeverisës. Decentralizimi etnik që e ndan Kosovën territorialisht e institucionalisht, eksterritorialiteti i kishave e manastireve ortodokse që e serbizon kulturën tonë mesjetare si dhe e rikolonizimi i Kosovës, pra kthimi i serbëve të ikur aty ku vendos Beogradi– këto janë vetëm disa prej dëmeve që i sjell Plani i Ahtisaarit.



Një ditë pas shpalljes së pavarësisë së Ahtisaarit, Lëvizja VETËVENDOSJE! bëri të qartë qëndrimin e saj lidhur me këtë projekt nëpërmjet një komunikate shtypi, e cila mbetet aktuale sot po aq sa para tre vjetëve. E vetmja gjë pozitive nga ajo që e pasoi 17 shkurtin, ishin njohjet ndërkombëtare që iu bënë Kosovës si shtet. Nëse lexohen njohjet e 75 shteteve deri sot që iu bënë Kosovës, aty Kosova njihet si shtet me sovranitet të plotë dhe me integritet territorial. Aty nuk përmendet fare Plani i Ahtisaarit. Por, ne, qytetarët e Kosovës që jetojmë këtu, e dimë se realiteti politik i Kosovës është shumë më i varfër se këto njohje.



Kanë kaluar tre vjet që atëherë dhe, ashtu siç ka ecur puna deri sot, shqetësimet e Lëvizjes VETËVENDOSJE! janë legjitimuar nga realiteti. Ne brengoseshim që statusi i Kosovës, në vend që të zgjidhej përmes njohjes së të drejtës për vetëvendosje për popullin e Kosovës dhe ushtrimin e kësaj të drejteje përmes referendumit, u degradua në kompromis me Serbinë. Dhe e dinim se një situatë e tillë, ku Kosova qeverisej prej politikanësh të korruptuar e pa vullnet për sovranitet, kurse Serbia po këmbëngulte me strukturat e veta brenda Kosovës, do të çonte drejt negociatave tjera me Serbinë, të cilat po pritet të ndodhin gjatë muajve në vazhdim.



Në anën tjetër, në shumë fusha tjera të jetës shoqërore, populli i Kosovës po vazhdon ta jetojë një gjendje më të rëndë se kurrë më parë. Varfëria masive është bërë përditshmëri, kurse papunësia normalitet. Po rriten çmimet por jo edhe standardi jetësor. Po shtrenjtohet jetesa, por nuk po rritet mirëqenia. Funksionet e shkollimit kanë mbetur po ato të viteve ’90 – mirëmbajtje e shkrim-leximit, kurse shëndetësia është degraduar në agjenci ndërlidhëse për deri te ordinancat private që e rrjepin xhepin modest të qytetarit të Kosovës. Dhe sikur të mos i mjaftonte kjo gjendje ekonomike politikanëve të Kosovës, ata tash po përgatiten për shitjen e të gjithë kapaciteteve zhvillimore të Kosovës, përmes privatizimit të PTK-së e KEK-ut, drejt privatizimit të Trepçës.



Do të dëshironim shumë që të uronim për këtë gjendje, por nuk na e qet goja. Urimi ynë është ky: urojmë që populli të na japë besim, atdheu dashuri, organizimi guxim – për t’i mbledhur forcat tona intelektuale e organizative si qytetarë e shqiptarë, për ta bërë Kosovën me sovranitet, shtetin për ta zhvilluar e kombin shqiptar për ta bashkuar. Sa herë kemi uruar e festuar, këtë përpjekje e kemi pasë ne mendje e në zemër.



Prishtinë, 17 shkurt 2011

Lëvizja VETËVENDOSJE!

Mos sot ne ket dit te madhe feste per shqiptaret
mos na shti me viell me pollavrat e ketyre rrugaqve

[Loti-99]

Në Prekaz është shtrati i pavarësisë
17-02-2011 12:40 CET


Me rastin e Ditës së Pavarësisë së Kosovës, ushtruesi i detyrës së presidentit, Jakup Krasniqi vizitoi sot Kompleksin Memorial në Prekaz, ku vuri kurora lulesh para varrit të komandantit Legjendar Adem Jashari, dhe më pas vizitoi familjen Jashari, ku u prit nga Rifat Jashari.

“Ne vijmë për çdo 17 shkurt në Prekaz, për faktin se këtu vërtet ka filluar kthesa e madhe. Këtu është bërë edhe sakrifica më e madhe, është bërë sakrifica më unike në historinë jo vetëm të popullit shqiptar, por edhe në historinë e përbotshme, për të qenë vend i lirë, për të qenë popull i lirë”, tha më këtë rast Krasniqi.

Ai më tej shtoi se pikërisht në Kompleksin Memorial në Prekaz është shtrati i pavarësisë, është shtrati i kësaj feste kombëtare që ne e gëzojmë sot.

“Lirisht mund të themi se këtu është shtrati i pavarësisë që e gëzojmë sot, që është formalizuar më 17 shkurt 2008 në Kuvendin e Republikës së Kosovës. Prandaj, kjo tani është një festë kombëtare, një festë që kombet e kanë vetëm një herë. Për të gjithë shqiptarët dhe në mënyrë të veçantë për qytetarët e Kosovës, ky vend duhet të jetë vend për t’u vizituar sa herë që kombi ka vështirësi dhe vështirësitë e kombit janë të shpeshta, për të marrë energji për të ecur më tej. Të gjithë shqiptarëve, qytetarëve të Kosovës ju uroj Ditën e Pavarësisë, duke ju dëshiruar fat dhe mbarësi”, tha ushtruesi i detyrës së presidentit, Jakup Krasniqi gjatë vizitës në Prekaz. /Zëri/







Thaçi uron qytetarët për festën e pavarësisë

Kryeministri në dorëheqje, Hashim Thaçi, uroi gjithë qytetarët e Kosovës më rastin e trevjetorit të pavarësisë. Ai tha se pavarësia është meritë e gjithë popullit të Kosovës

Prishtinë, 16 shkurt 2011 – Kryeministri në dorëheqje, Hashim Thaçi, uroi gjithë qytetarët e Kosovës më rastin e trevjetorit të pavarësisë. Pasi tha se pavarësia është meritë e gjithë popullit të Kosovës, kryeministri Thaçi kujtoi gjithë ata që flijuan jetën për të realizuar idealin e shtetit të Kosovës, ndërkaq falënderoi edhe të gjitha shtetet që ndihmuan krijimin e shtetit të Kosovës.



Thaçi: Emri i Adem Jasharit ka bashkuar shqiptarët kudo që janë

Kryeministri në largim i Kosovës Hashim Thaçi ka bërë homazh pranë varrit të komandantit legjendar të UÇK-së Adem Jashari në Prekaz, me rastin e shënimit të trevjetorit të shpalljes së pavarësisë së Kosovës. Ai me këtë rast ka thënë se qytetarët e Kosovës duhet të ndihen mirë për të arriturat në vend.

"Sot jemi këtu në Prekaz për të bërë nderimin shtetëror për komandantin legjendar Adem Jashari dhe gjithë familjen Jashari. Gjithë luftëtarët e UÇK-së, gjithë luftëtarët e lirisë që kanë bërë shumë për lirinë e Kosovës, emri, jeta, vepra e komandantit legjendar Adem Jashari na lidh drejtpërdrejt me udhëheqjen e tij në luftën për liri dhe çlirimin e vendit. Emri i tij ka bashkuar shqiptarët kudo që janë. Të gjithë qytetarët e Kosovës janë çlirimtarë, çdo qytetar i Kosovës duhet të ndihet mirë për të arriturat që kemi bërë për këto 12 vjetët e fundit në fitimin e lirisë, me shpalljen e Kosovës shtet të pavarur dhe sovran me njohje që kanë ndodhur, me zhvillimin ekonomik që po ndodh, gjithashtu edhe me rritjen sociale", ka thënë Thaçi.

Ai ka bërë të ditur se së shpejti pritet konstituimi i institucioneve të reja të dala nga zgjedhjet e 12 dhjetorit, të cilat i pret një punë e madhe në rrugën e integrimeve evropiane.

"Natyrisht që kemi bërë shumë, na mbetet për të bërë edhe më tepër, tash kur institucionet e reja pritet dhe do të bëjnë edhe më tepër në kuadër të agjendës Kosova evropiane. Sot jemi këtu për të nderuar të kaluarën, por jemi edhe për të marrë energji për të ardhmen", është shprehur Thaçi.

Kreu i Qeverisë në largim ka vizituar edhe familjen Jashari.

[dardaniAU]

Albin Kurti nuik e feston pavarsin, se e deshiron nje autonomi me serbin, bile bil ka deshir qe gjithe shqiptaret ne ishe jugoslavin te behen bashke nen serbin! kjo nuk ka dilem se Albin kete e done!

Jo jo Albin ti ne Kosove je nje kurkushi, ke disa vota fale inateve qe kemi na shqiptaret mese veti, dhe ke disa vota nga disa te rinje pakic, por mose mendo se ndojher do te mareshe vota me shume se qe ke tani, jo per tjeter por ju dhe kompanie e juaj jane disa rrugaqe te kqinje, mire po me te flliqet se qenjet, ju e flliqet tere kosoven dhe intelektualet kosovare, flliqet univerzitetin e kosoves, ju jeni tinzar por si qenet e kqinje tinzare!jo jo nuk keni me ja dale me keto rruge qe keni zgjedhe , ngase keni rrugen e rrugaqve!

[ARIANI_TB]

VV: Jakup Krasniqi e shkeli Kushtetutën të premten20-02-2011 17:05 CET Lëvizja “Vetëvendosje”, përmes një komunikate për medie, ka thënë se Ushtruesi i Detyrës së Presidentit të Kosovës, Jakup Krasniqi, ka shkelur Kushtetutën e Republikës së Kosovës, të premten, më 18 shkurt 2011, duke lëshuar një vendim me numër 322 përmes së cilit e nominon Hashim Thaçin si mandatar për formimin e Qeverisë së re.

“Vetëvendosje” thekson se ky vendim është bazuar në nenin 84 të Kushtetutës aktuale të Republikës së Kosovës, pika 14, që thotë se Presidenti i Republikës së Kosovës e “cakton mandatarin për formimin e Qeverisë, pas propozimit të partisë politike ose të koalicionit, që përbën shumicën e Kuvendit”.

“Pikërisht kjo pikë e këtij neni e bën vendimin e lartëpërmendur kundërkushtetues. Jakup Krasniqi e ka shkelur Kushtetutën atëherë kur e ka nominuar Hashim Thaçin si mandatar për formimin e Qeverisë së Republikës së Kosovës”, vlerëson “Vetëvendosje”.

Kjo lëvizje rikujton se në momentin kur u lëshua ky vendim nuk ekzistonin ende marrëveshjet për koalicion midis PDK-së dhe AKR-së, PDK-së e SLS-së dhe PDK-së e Grupit për Integrim. “Këto marrëveshje u bënë të nesërmen, më 19 shkurt 2011”, thekson “Vetëvendosje”.

“Duke qenë se PDK-ja nuk është parti që përbën shumicën e Kuvendit dhe duke qenë se me datën 18 shkurt 2011 nuk ekzistonte as koalicioni që përbën shumicën e Kuvendit, Jakup Krasniqi nuk ka pasur të drejtë që ta nominojë Hashim Thaçin. Me këtë vendim Ushtruesi i Detyrës së Presidentit të Kosovës, Jakup Krasniqi, e ka shkelur Kushtetutën e Republikës së Kosovës”, thuhet në komunikatën e “Vetëvendosjes”.

Të rikujtojmë se Jakup Krasniqi u emërua Ushtrues Detyre i Presidentit pas dorëheqjes së Fatmir Sejdiut më 27 shtator 2010. Ai menjëherë pati kërkuar mendimin e Gjykatës Kushtetuese nëse mund ta mbante edhe postin e Sekretarit të Përgjithshëm të PDK-së.

Gjykata Kushtetuese, duke iu referuar nenit 88, Pika 2, të Kushtetutës, pati thënë që Jakup Krasniqi, duke e mbajtur edhe postin e Sekretarit të Përgjithshëm të PDK-së, nuk e shkel Kushtetutën meqenëse nuk është President i zgjedhur nga Kuvendi i Kosovës.

Ndërkaq, në pikën 25 të këtij Aktgjykimi thuhet se “Ushtruesi i Detyrës së Presidentit nuk është President i zgjedhur dhe herë pas here mund të ngrihen pyetje lidhur me kompetencat e Ushtruesit të Detyrës së Presidentit. Asnjë çështje e tillë nuk është ngritur në këtë kërkesë”.

Pra, Ushtruesi i Detyrës së Presidentit mund të bëjë kërkesë te Gjykata Kushtetuese për ushtrimin e kompetencave të tij, madje tërthorazi inkurajohet për një gjë të tillë, mirëpo ai nuk e bëri këtë lidhur me nominimin e Hashim Thaçit.

“Nga e gjithë kjo logjikisht rrjedh se Ushtruesi i Detyrës nuk mund të jetë President me kompetenca të plota. Ushtruesi i Detyrës së Presidentit nuk përfaqëson unitetin e popullit – ai njëkohësisht mban edhe postin e Sekretarit të Përgjithshëm të partisë. Prandaj, është kontestuese kompetenca e Ushtruesit të Detyrës së Presidentit për nominimin e mandatarit për formimin e Qeverisë përderisa nuk jepet interpretim përfundimtar nga Gjykata Kushtetuese”, thuhet më tej në komunikatë.

[Disa]

Injorantat le te flasin Vetevendosja po ec perpara........aiiii menzi spo pres kur te fillon Parlamenti po ska pas dhe ska me pas opozit ma t'forte se VV,besoni po me dhimbesen deputet se kur te fillon me fol Albini keta as qe ka me kuptuar a din pse?!! sepse ai perdore shprehje te forta qe keta kurr si kan ndegjuar a din pse si kan ndegjuar sepse jan Inorante,me nje fjale Albini ka mi ba budall ka mi shti me fol mes vete eee qishtu eshte kur kan te bejne me nje politkan te kalibrit evropian....

Per para Vetevendosje deri ne Vetevendosje....

[Disa]

Betohen deputetët, Vetëvendosje me flamur kombëtar
Në seancën konstituive të Kuvendit të Kosovës është bërë betimi solemn i deputetëve.

Pas leximit të tekstit, deputetët janë betuar, ndërsa janë duke nënshkruar deklaratë betimi.

Deputetët e Vetëvendosjes janë ngritur në këmbë, si edhe të gjithë deputetët të tjerë, ndërsa ata para vetes kanë pasur nga një flamur kombëtar. /Telegrafi/

[ARIANI_TB]

Ne u betuam mbi flamurin kuqezi
21 SHKURT 2011 - E Hënë 13:59 Ne sot u betuam mbi flamurin kuqezi. Lëvizja VETËVENDOSJE, në përputhje me programin e vet politik, nuk i njeh simbolet e imponuara, të cilat nuk i janë nënshtruar verifikimit nga populli. Synimi ynë po ashtu është që nëpërmjet punës e angazhimit tonë brenda dhe jashtë institucioneve, t’ia kthejmë popullit simbolet kombëtare. Vetëm me to populli identifikohet dhe ndjehet vetvetja. Ne konsiderojmë që simbolet kombëtare janë shumë të rëndësishme për historinë dhe ekzistencën e kombit, prandaj me to nuk mund të luhet. Betimin mbi flamurin tonë kombëtar e kemi obligim nga e gjithë përpjekja e deritashme e kombit shqiptar për liri, si dhe nga të gjithë ata që ranë pas betimit mbi këtë flamur. Amaneti i tyre vazhdon të na obligojë.



Kurse sa i përket tekstit të betimit, ai është në përputhje me programin tonë politik. Të gjitha fushat të cilat ai i prek (interesi i popullit, sovraniteti, integriteti territorial dhe kushtetutshmëria) janë synime programatike të Lëvizjes VETËVENDOSJE!.



Arsyet pse votuam kundër Jakup Krasniqit për kryetar të Kuvendit të Kosovës



Jakup Krasniqi ishte Ministër i Shërbimeve Publike, në kohën kur filloi procesi i decentralizimit në Kosovë. Më 20 korrik 2004 Jakup Krasniqi, së bashku me Drejtorin e Zyres së Çështjeve Politike të UNMIK-ut, rusin Petr Ivantsov, e nënshkruajtën draftin e parë njëzetfaqësh të decentralizimit. Ky proces pastaj evoluoi në atë që sot po e shohim: 5 komuna të reja me shumicë serbe, dyfishimi i territorit të Artanës përmes përfshirjes së fshatrave me shumicë serbe në të, krijimi në letër i komunës së Mitrovicës pas spastrimit etnik të kryer nga strukturat paralele të Serbisë atje.



Jakup Krasniqi e ka pranuar Planin e Ahtisaarit dhe si kryetar i Kuvendit të Kosovës i ka kontrabanduar simbolet e Kosovës që e mohojnë tërësisht historinë dhe përkatësinë kombëtare të shumicës së popullit të Kosovës; e ka kontrabanduar Kushtetutën e Kosovës e cila na e ndalon bashkimin me Shqipërinë, ligjet e planit të Ahtisaarit të cilat na ndajnë për së brendshmi dhe na e sipërvendosin një pushtet absolut sovran ndërkombëtar. Ai e përkrahu protokollin e EULEX-it me Serbinë. Jakup Krasniqi në Kuvendin e kaluar e ka përfaqësuar Qeverinë e Hashim Thaçit në Kuvend e jo Kuvendin përballë qeverisë.



Gjatë kohës së zgjedhjeve kur ndodih vjedhja dhe manipulimi masiv i votive të qytetarëve të Kosovës, Jakup Krasniqi ishte edhe ushtrues detyre i Kryetarit të Kosovës, por edhe kryetar në largim i Kuvendit të Kosovës. Asnjëherë nuk reagoi kundër vjedhjes e manipulimit deri në momentin kur iu vodhën edhe atij votat nga vetë PDK-ja. Pra, reagimi i tij ishte personal e jo parimor.



Edhe tash po na paraqitet një Jakup i njëjtë. Ai është shprehur i gatshëm t’i pranojë negociatat e vazhdueshme me Serbinë, si dhe ta pranojë privatizimin neoliberal të ndërmarrjeve publike në Kosovë, edhe përkundër qartësisë absolute politike për rrezikun e tyre. Kjo, prapë, e bën atë jo parimor. Prandaj votuam kundër.



Lëvizja VETËVENDOSJE! votoi kundër dy nënkryetarëve të Kuvendit që vijnë nga pakicat kombëtare në Kosovë, jo se kemi ndonjë gjë kundër pakicave, por për shkak se jemi kundër vendeve të rezervuara në të gjitha instancat e pushtetit në Kosovë, dhe pabarazisë që këto kushtëzojnë në politikën e Kosovës.

[arber.]

Ne u betuam mbi flamurin kuqezi
21 SHKURT 2011 - E Hënë 13:59 Ne sot u betuam mbi flamurin kuqezi. Lëvizja VETËVENDOSJE, në përputhje me programin e vet politik, nuk i njeh simbolet e imponuara, të cilat nuk i janë nënshtruar verifikimit nga populli. Synimi ynë po ashtu është që nëpërmjet punës e angazhimit tonë brenda dhe jashtë institucioneve, t’ia kthejmë popullit simbolet kombëtare. Vetëm me to populli identifikohet dhe ndjehet vetvetja. Ne konsiderojmë që simbolet kombëtare janë shumë të rëndësishme për historinë dhe ekzistencën e kombit, prandaj me to nuk mund të luhet. Betimin mbi flamurin tonë kombëtar e kemi obligim nga e gjithë përpjekja e deritashme e kombit shqiptar për liri, si dhe nga të gjithë ata që ranë pas betimit mbi këtë flamur. Amaneti i tyre vazhdon të na obligojë.



Kurse sa i përket tekstit të betimit, ai është në përputhje me programin tonë politik. Të gjitha fushat të cilat ai i prek (interesi i popullit, sovraniteti, integriteti territorial dhe kushtetutshmëria) janë synime programatike të Lëvizjes VETËVENDOSJE!.



Arsyet pse votuam kundër Jakup Krasniqit për kryetar të Kuvendit të Kosovës



Jakup Krasniqi ishte Ministër i Shërbimeve Publike, në kohën kur filloi procesi i decentralizimit në Kosovë. Më 20 korrik 2004 Jakup Krasniqi, së bashku me Drejtorin e Zyres së Çështjeve Politike të UNMIK-ut, rusin Petr Ivantsov, e nënshkruajtën draftin e parë njëzetfaqësh të decentralizimit. Ky proces pastaj evoluoi në atë që sot po e shohim: 5 komuna të reja me shumicë serbe, dyfishimi i territorit të Artanës përmes përfshirjes së fshatrave me shumicë serbe në të, krijimi në letër i komunës së Mitrovicës pas spastrimit etnik të kryer nga strukturat paralele të Serbisë atje.



Jakup Krasniqi e ka pranuar Planin e Ahtisaarit dhe si kryetar i Kuvendit të Kosovës i ka kontrabanduar simbolet e Kosovës që e mohojnë tërësisht historinë dhe përkatësinë kombëtare të shumicës së popullit të Kosovës; e ka kontrabanduar Kushtetutën e Kosovës e cila na e ndalon bashkimin me Shqipërinë, ligjet e planit të Ahtisaarit të cilat na ndajnë për së brendshmi dhe na e sipërvendosin një pushtet absolut sovran ndërkombëtar. Ai e përkrahu protokollin e EULEX-it me Serbinë. Jakup Krasniqi në Kuvendin e kaluar e ka përfaqësuar Qeverinë e Hashim Thaçit në Kuvend e jo Kuvendin përballë qeverisë.



Gjatë kohës së zgjedhjeve kur ndodih vjedhja dhe manipulimi masiv i votive të qytetarëve të Kosovës, Jakup Krasniqi ishte edhe ushtrues detyre i Kryetarit të Kosovës, por edhe kryetar në largim i Kuvendit të Kosovës. Asnjëherë nuk reagoi kundër vjedhjes e manipulimit deri në momentin kur iu vodhën edhe atij votat nga vetë PDK-ja. Pra, reagimi i tij ishte personal e jo parimor.



Edhe tash po na paraqitet një Jakup i njëjtë. Ai është shprehur i gatshëm t’i pranojë negociatat e vazhdueshme me Serbinë, si dhe ta pranojë privatizimin neoliberal të ndërmarrjeve publike në Kosovë, edhe përkundër qartësisë absolute politike për rrezikun e tyre. Kjo, prapë, e bën atë jo parimor. Prandaj votuam kundër.



Lëvizja VETËVENDOSJE! votoi kundër dy nënkryetarëve të Kuvendit që vijnë nga pakicat kombëtare në Kosovë, jo se kemi ndonjë gjë kundër pakicave, por për shkak se jemi kundër vendeve të rezervuara në të gjitha instancat e pushtetit në Kosovë, dhe pabarazisë që këto kushtëzojnë në politikën e Kosovës.