NATO: Në vitin 2011 vetëm 4 mijë trupa të KFOR-it në Kosovë

[Albo]

NATO: Në vitin 2011 vetëm 4 mijë trupa të KFOR-it në Kosovë

STAMBOLL-NATO-ja po shikon mundësinë e vënjes në dispozicion të më shumë trupave për në Afganistan duke shkurtuar dhe më tej misionin në Kosovë, u tha në takimin e ministrave të mbrojtjes të vendeve të Aleancës që po zhvillohet në Stamboll të Turqisë.

Diplomatët e NATO-s bëjnë të ditur se planifikojnë që të shkurtojnë trupat e Aleancës në Kosovë në më pak se 4000 në vitin 2011, njofton agjencia e lajmeve AP.

Kreu i NATO-s, Anders Fogh Rasmusen, tha se ministrat e mbrojtjes po diskutojnë hapat e tjera që lidhen me misionin në Kosovë. “Kemi parë përparim të ndjeshëm në Kosovë gjatë 12 muajve të fundit”, tha Rasmusen.

Diskutimet për KFOR-in në Kosovë vijnë pas vendimit të 1 Shkurtit për reduktimin e trupave në 10200 dhe të konfirmohet se ky numër mund të reduktohet në 5700 trupa, deri në fund të vitit 2010, nëse situata në Kosovë mbetet e qetë.

Takimi dyditor i ministrave të NATO-s nisi mbremjen e djeshme.

Balkanweb

[fattlumi]

Duhet falenderuar keta trupa per ate qe kane bere per Kosove dhe ne anen tjeter jemi ne vitin 2010 dhe eshte situata pak me e mire .
Qka do te kishte ndodhur me neve nese do te largoheshin ne teresi?

Nje eshte e sigurte,,,Amerika kurre nuk do te largohet,dhe shyqyr prej zotit se sdo largohet nga ketu.

Duhet lidhur miqesi speciale me Ameriken.

[geezer]

me te vertet duhet te falenderohet Amerika dhe Nato per kete siguri ... dhe te gjitha pozitivet qe i kemi ktu

[Llapi]

NATO e vlerëson Kosovën si një shtet stabil

Deklaratat e kreut të Aleancës Veri-atlantike për ristrukturimin e mëtutjeshëm të KFOR-it, sipas zëdhënësit të Qeverisë së Kosovës, Memli Krasniqi, janë tregues i qartë se NATO tashmë e vlerëson Kosovën si një shtet stabil, i cili nga një sfidë ushtarake, ka kaluar në një shkallë të re - atë të zhvillimit të demokracisë si shteti më i ri.

“Këtë duhet parë si një lajm të mirë për Kosovën, sepse kur NATO vlerëson se Kosova është storie e suksesit dhe se periudha për nevojën e prezencës së theksuar të saj ka përfunduar, atëherë del se niveli i sigurisë në Kosovë tashmë është i lartë dhe se këto çështje mund të menaxhohen nga institucionet vendore”, deklaroi Krasniqi, transmeton Radio Evropa e Lirë.

Kreu i NATO-s, Anders Fogh Rasmussen, gjatë takimit të ministrave të Mbrojtjes të vendeve aleate ka theksuar se, aktualisht, Kosova përballet me sfida që nuk janë të natyrës ushtarake. Diplomatët në Bruksel kanë deklaruar për agjencitë e lajmeve, se ekziston mundësia e shkurtimit të forcave të NATO-s në Kosovë në më pak se 4 mijë trupa gjatë vitit 2011. /REL/Telegrafi/