Tirane:4000 Marrin Droge

[Shijaksi-London]

Tiranë, 4000 marrin drogë
Tiranë- Përdorues të drogës në kryeqytet, rezultojnë në shifra marramendëse. Nga informacionet që disponon Ministria e Rendit, mësohet të jenë mbi 4000 persona që drogohen vetëm në Tiranë. Ndonëse sipas publikimeve të këtij viti, rezultojnë vetëm 10 raste ndalimi nga policia, të shpërndarësve të lëndës narkotike. Zbulimet kanë sjellë në pranga 13 persona me 600 gramë heroinë të presuar dhe të bërë gati për tregëtim. Sipas ekspertëve të antidrogës, bëhet e dituir se muajt e fundit ka ndryshuar gjeografia e shpërndarjes. Gjithashtu, burimet tregojnë se po punohet edhe për zbulime rrjetesh , funksionimi i të cilëve shtrihet deri në Fier e Vlorë.

Funksionimi i rrjeteve
Ndonëse shifrat flasin për konsumim të 1 kilogrami heroine në muaj nga përdoruesit që blejnë në Tiranë, vetëm muajin janar, u ndaluan nga forcat e antidrogës 3 furnitorë me sasi të mëdha lënde. Edhe pse policia mendon se e ka të qartë mënyrën se si funksionojnë komponentët e rrjetit, prej tyre ende nuk është dhënë një goditje përfundimtare. Kështu, sipas ekspertëve, mësohet se rruga që bën lënda deri tek përdoruesi, është e gjatë. Nga furnitorët, ajo vjen në duart “rregullatorëve”, të cilët realizojnë përpunimin dhe presimin e saj. Njerëz të abonuar pranë këtyre punishteve apo banesash, kryejnë shpërndarjen tek qendrat e spikatura prej tyre, ku mund të arrijnë të gjejnë edhe numrin më të madh të përdoruesve.

Vatrat e nxehta
Ndonëse dy vitet e fundit problem sipas policisë kanë qënë vendet ku grumbulloheshin të rinjtë darkave, këtë vit mendohet se vatrat më të nxehta të shpërndarjes, kanë dalë jashtë qyteti. Nga Korpusi, zona e Bllokut apo Shkolla e Bashkuar, tregtimi i drogës është zhvendosur në rrethinat e Tiranës. Policia, sipas informacioneve që disponon, si vendin më të dyshimtë shikon Fushën e Aviacionit. Ndërsa brenda unazës, shqetësim për to mbeten rr. Bardhyl dhe rr. e Durrësit, pa përjashtuar asnjëherë edhe lagjen “Ali Demi”.

Prangosjet
Aksionet e organizuara nga Zyra Rajonale e Antidrogës së Tiranës, për vitin 2003, prangosen përvec shpërndarësve e përdoruesve edhe 3 persona furnitorë. Përvec tyre, u ndaluan në Rinas dy shtetase të huaja me 53 kg. hashash. Furnitorët e rënë në grackë muajin e kaluar, ishin shtetasit Bashkim Lika, Laro dhe një shtetas grek, emri i të cilit nuk u bë i ditur. Ndërsa dy femrat e arrestuara në aeroport, janë grekja Panajota Giorgiu, e cila mbante me vete 13 kg dhe shtetasja angleze që me dy çanta që kapnin sasinë e 40 kg. E gjendur përballë akuzës si trafikante droge, ajo shfajësohet dhe e hedh përgjegjësinë mbi një femër tjetër që ia kishte lënë në duar dy cantat me 4 pako dhe më pas është zhdukur duke mbetur e tillë edhe sot. Nga sekuestrimi i cantave, u bë e ditur se lënda ishte e përgatitur, presuar dhe e sistemuar.
Ndërsa numri i të arrestuarve në rolin e tregtarëve, shënon vetëm 10 persona, të cilët kapen në afërsi të qendrës, kryesisht në bulevard Zogu i Parë dhe në “Ali Demi”. Por nga mbi 4000 persona që mendohen të jenë përdorues në Tiranë, prej tyre në duart e policisë kanë rënë vetëm 13. Ndërkohë që në çdo orë të ditës apo të natës, nëpër rrugë, qoshe godinash dhe lokalesh hasen viktima të mbidozave të marra. Shtrirja e problemit, sipas eksperteve te antidroges, nuk mbetet vetem në kuadrin e shkatërrimit të atyre që janë “abonentë” të rregullt ose të sapo filluar nga konsumimi e saj, por edhe në shqetësim familjar. Rasti më tipik i mosdurimit të marrjes së “ushqimit” të përditshëm, është edhe 23 vjecari Dashamir Bushpepa, i arrestuar pak ditë më parë. Ky përdorues i përhershëm i drogës torturonte dhe kërcenonte me vdekje të ëmën, vetëm se ajo nuk i jepte lekë nga shtëpia. Ndonëse nuk e dinte se për cfarë I duheshin përditë sasia e parave të kërkuara prej tij, ajo u ankua në polici për tentativat e vazhdueshme të djalit për ta vrarë më thikë. Vetëm pas hetimeve u mësua se të hollat 23 vjecari I kërkonte për të blerë drogën. Me persona të tillë mendohet të përballen secila prej familjeve që ka të paktën nga një ushqyes droge në shtëpi.
Ndonëse nga luftuesit e këtij fenomeni premtohet shumë, shifrat e këti fillimviti në krahasim me 2002, janë frikshme. Këtu nuk përjashtohen as kapjet me sasi të mëdha të lëndëve narkotike që marrin rrugën e jashtë kufinjve, për kalimin e sëcilës përdoren furgona ose maune.
Nikoleta Kovaci