Projekti “Shkupi 2014” pa asnjë element shqiptar

[heretikus]

Fakti që ndërtimi i xhamisë Burmali, nuk është parashikuar në projektin “Shkupi 2014”, tregon se kryeministri Nikolla Gruevski ka dërguar sinjal se për të, myslimanët në Maqedoni, nuk janë të dëshiruar.

Kështu vlerëson kryetari i këshillit iniciator për ndërtimin e xhamisë Burmali, Ramadan Ramadani i cili shtoi se këshilli i ka dërguar letër kryeministrit shqiptar Sali Berisha, e po ashtu, do ti dërgojë letë edhe Qeverisë së Turqisë.

“Myslimanët kanë marrë porosinë e tyre se ky kryeministër nuk mendon për ata. Ne si përshëndetje për këtë porosi duke filluar nga java e kaluar kemi filluar takime intensive me faktorin ndërkombëtar. Sot dita e hënë ne i kemi dërguar një letër kryeministrit Sali Berisha për ta alarmuar për këtë situatë dhe gjenocid kulturor që bëhet ndaj shqiptarëve dhe myslimanëve tjerë në Maqedoni. Ne duke filluar edhe nga autoritetet turke edhe më tej do ti informojmë”, deklaroi Ramadan Ramadani – kryetar i Këshillit për ndërtimin e Burmali xhamisë.

Per sa i perket xhamive, boll ka te tilla ne territoret ku ka shqiptare, biles ka xhamia ne fshatra ku kane ngele gjithsej 10 veta, ka rrezik te kete me shume personel fetar se sa besimtare. Ato pare qe do i prishesh per te bere xhami, me mire prishi per te bere ndonje shkolle, ndonje qender shendetsore, ndonje ujesjelles etj. qe i sherbejne direkt dhe me mire komunitetit shqiptar.
Tung

[gimche]

Djallëzia e projektit “Shkupi 2014”


Shkruan: Muhamed Murtezi


Videoprezantimi që u emetua para syve tanë disa ditë më parë lidhur me projektin në fjalë, në të vërtetë nuk paraqet asgjë të re në mjedisin edhe ashtu politikisht të kontaminuar të këtij nënqielli. Ai është vetëm një paraqitje pak më ndryshe, tani edhe në formë konkrete vizuale, e asaj që një kohë të gjatë janë duke përgatitur dhe llomotitur politikanët e pozitës maqedonase dhe shkencëtarë, historianë e analistë tjerë të tillë, të kapur fortë për litarin e pushtetit aktual. S’do mend që efekti i pamjeve vizuale ka fuqinë më të theksuar psikologjike, por a nuk është edhe ky projekt vetëm vazhdimësi e politikës së llastuar dhe të çmendur të pozitës aktuale maqedonase kohëve të fundit? Po ia atribuoj këtë vetëm pjesës “maqedonase” të qeverisë, sepse akoma nuk po mund të besoj se edhe pjesa shqiptare në pushtet mban pozicionin e njëjtë dhe është pjesë e kësaj politike krejt antishqiptare, përkundër gjendjes letargjike që e ka kapluar atë dhe heshtjes absurde që ka zgjedhur ajo si formë veprimi, e që në formën më të butë mund të komentohet si përmbajtje indirekte e tërë kësaj që po bën partneri i tyre maqedonas në ekzekutivin shtetëror. Dhe kështu ndoshta do të vazhdojë të mbetet, përderisa edhe ata të mos na befasojnë me ndonjë paraqitje konkrete pamore të këtij qëndrimi të tyre, kur edhe përfundimisht do të na bëhet e qartë se çfarë në të vërtetë janë duke bërë “njerëzit tanë” nëpër kolltukë.

Pra, koncepti vizual “Shkupi 2014” nuk paraqet asgjë të re në politikën tendencioze monoetnike të kryeministrit aktual dhe bashkëpunëtorëve të tij. Ai është vetëm vazhdimësi e gjurmimeve famoze shkatërruese arkeologjike në kalanë e Shkupit, në kërkim të ndonjë figure me prejardhje antiko-maqedonase; është vazhdim i politikës së mosmiratimit të ligjit për ish-ushtarët e UÇK-së; të zvarritjes së vazhdueshme dhe absurde të rastit të Sopotit; të pengimit të gjuhës dhe flamurit; të avancimit të kishës dhe përbuzjes së xhamisë; të imponimit të gjuhës maqedonase që nga klasa e parë etj., etj.

Dhe mos më thoni që këto nuk përkojnë me punë të djallit (larg qoftë ai nga ky shkrim dhe nga ju që po e lexoni), sepse punë engjëlli sigurisht nuk janë. E nëse nuk është kjo e dyta, atëherë doemos të jetë e para. Sepse, mësimet e djallit mbështeten në intriga e mashtrime, veprat e tij konsistojnë në hijeshimin e të shëmtuarës, qëllim i tij janë zënkat dhe konfliktet mes njerëzve... Pse, a nuk është mashtrim djalli klithja e politikanëve maqedonas se projekti “Shkupi 2014” në të vërtetë ka për synim vetëm modernizimin e sheshit të qytetit që na përket të gjithëve dhe se të mirëseardhura do të jenë edhe propozimet/sugjerimet nga bashkësitë tjera etnike e konfesionale, sikur ata ishin të shurdhër deri tani për të gjitha vërejtjet që u dhanë në këtë drejtim; apo se maqedonishtja që nga klasa e parë ka të vetmin qëllim që t’i kontribuojë zhvillimit më të mirë të fëmijëve shqiptarë dhe integrimit të tyre më të lehtë në shoqëri? A nuk nënkuptohet si një tentim i dështuar djallëzor paraqitja si diçka e bukur dhe moderne e gjithë atij ngarkimi të shëmtuar të sheshit të kryeqytetit me lloj-lloj figura njerëzish e kafshësh? Dhe, a nuk janë kah shpijnë këto lojëra me zjarr të qeveritarëve maqedonas drejt zënkave brenda vetë komunitetit të tyre dhe konfliktit ndëretnik me pasoja të paparashikueshme që Shkupin mund ta kthejnë në gjendjen arkitektonike të 1945 apo 1963?

Përveç kësaj, puna e djallit ka edhe një qëllim tjetër: largimin e vëmendjes së njerëzve nga çështjet jetike që kanë të bëjnë me aktualitetin, drejt diçkaje që u përshtatet vetëm atyre që sundojnë me masën. Dhe, vërtet, tani që merremi me “Shkupin 2014”, do të harrojmë 1 korrikun 2010, ditën kur kalojnë gjashtë muajt shtesë të kësaj garniture politike për të zgjidhur çështjen e emrit me fqinjin jugor, në mënyrë që të mbetet e hapur perspektiva jonë euro-integruese. Do të harrojmë edhe vdekjen klinike që pothuajse ka kapluar ekonominë e vendit dhe do të mbyllim sytë para mjerimit social nëpër të cilin po kalojnë shtresa të ndryshme të shoqërisë. Do të neglizhojmë, po ashtu, edhe të gjitha ndërkëmbëzat dhe shqetësimet që në plan kombëtar dhe fetar është kah na i shkakton kjo politike nacionaliste e kryeministrit të vendit dhe partisë së tij.

Ndërsa, kur veç më e zumë në gojë kryeministrin, duhet pranuar troç ai është mjaft i vetëdijshëm se çfarë është duke bërë, sepse politika populiste ka qenë ajo që gjithnjë ka udhëhequr partinë e tij dhe e ka kthyer apo mbajtur në pushtet. Dhe ashtu mbetet edhe tani. Këtë synim ka ai: mbijetesën politike edhe për një mandat të ri qeveritar, në zgjedhjet që po bëhen gjithnjë e më shumë realitet kah fundi i këtij viti. Interesimi dhe angazhimi i tij dhe bashkëpunëtorëve të tij, kinse mbi gjetjen e një opsioni të pranueshëm për emrin e shtetit dhe zgjidhjen e kontestit me Greqinë, paraqesin vetëm një farsë dhe lojë politike të cilën ai duhet ta luajë detyrimisht para syve të ndërkombëtareve dhe presionit të tyre, dhe deri diku edhe para votuesve të vet potencialë.

Diku në një tekst timin të para 7 dhjetorit të vitit të kaluar, ku shtjellova gjendjen tonë të mundshme të pas 7 dhjetorit, pata ftuar për një seriozitet më të madh të pozitës maqedonase, këndellje të opozitës maqedonase dhe konsolidim të faktorit politik shqiptar. Dhe, përderisa mund të thuhet që opozita maqedonase doli nga gjendja e pusisë dhe bëri hapin e parë në drejtim të konsolidimit të radhëve të veta, përmes formimit të bllokut politik opozitar, sado i mangët dhe me të meta qoftë, pozita maqedonase vazhdon duke sforcuar mentalitetin e ndarjeve të imponuara etnike në nivel të pushtetit dhe shtetit, duke u kënaqur me kërkimin dhe lavdërimin e historisë së shtrembëruar dhe me ngritjen e përmendoreve gjithandej. Ndërsa faktori politik shqiptar assesi të ngrihet mbi mosmarrëveshjet, inatet dhe urrejtjet që po e përcjellin si mallkim me vite, në drejtim të arritjes së konsensusit dhe bashkimit për të sendërtuar një strategji të përbashkët veprimi, e cila do të kishte mbajtur në jetë premtimet elektorale që u dhanë me gojën plot para elektoratit shqiptarë: ruajtja e vlerave kombëtare e fetare dhe perspektiva e tyre evropiane. Dhe përderisa nuk ndodh kjo, të kota do të jenë klithjet e tyre patriotike në terrenin edhe ashtu të shterur e të harxhuar elektoral. Është koha e fundit për një politikë më të mençur dhe për bashkëveprim, për të kuptuar liderët tanë politik se asnjë dobi nuk është duke sjellë situata aktuale dhe e ndarë: qëndrimi i pozitës shqiptare në një qeveri të tillë pa asnjë lloj pushteti apo bashkëpunimi i paralajmëruar i opozitës edhe ashtu inekzistente shqiptare.

Dhe, t’i kthehem sërish projektit “Shkupi 2014”. Vetëm një dilemë më sillet në kokë lidhur me të në këtë moment: nëse projektuesit e tij e përcaktuan sheshin e kryeqytetin si pikën më të përshtatshme ndarëse të këtij shteti, apo e paramenduan si një pashallëk ku do të mund të mbijetojnë në rast të ndonjë furtune edhe më të rëndë apokaliptike. Opsion të tretë unë fatkeqësisht nuk shoh në horizont. Po ju?

[gimche]

Per sa i perket xhamive, boll ka te tilla ne territoret ku ka shqiptare, biles ka xhamia ne fshatra ku kane ngele gjithsej 10 veta, ka rrezik te kete me shume personel fetar se sa besimtare. Ato pare qe do i prishesh per te bere xhami, me mire prishi per te bere ndonje shkolle, ndonje qender shendetsore, ndonje ujesjelles etj. qe i sherbejne direkt dhe me mire komunitetit shqiptar.
Tung

Askund, asnjëherë nuk kam parë të jetë protestuar për një gjë kur ajo popullates nuk i mungon, pra e ka.
Asnjëherë nuk kam parë që njerëzit të hidhen në protestë për rritje pagash, kur ata i kanë pagat e mëdha.
Edhe ketu nuk është protestuar palidhje mirpo shkaku që nuk ka Xhami është protestuar, sigurisht Kosova dhe Shqipëria dallojnë nga Maqedonët dhe Maqedonia sepse ne shquhemi për tolerancë të madhe fetare.

[gimche]

Protestë e OJQ-ve kundër projektit qeveritar “Shkupi 2014”

Shkup, 13 shkurt - Organizata joqeveritare “Zgjohu” simbolikisht ka rrënuar të shtunën murin e Urës së Gurit që të dëshmojë se projekti qeveritar “Shkupi 2014” krijon ndasi etnike.
"Ne të rinjtë e Shkupit shqiptar dhe maqedonas jemi kundër ndërtimit të mureve për të ndarë qytetin në dy anë. Prandaj, ne u tubuam tek Ura e Gurit që paraqet simbolin e bashkëjetesës dhe tolerancës midis të gjitha komuniteteve dhe të gjithë bashkë në orën 12 pa pesë po e shembim këtë mur në mënyrë simbolike ashtu siç besojmë se do ta shembim edhe projektin “Shkupi 2014” pasi që ky projekt nuk ia do të mirën Maqedonisë", ka theksuar përfaqësuesi i organizatës “Zgjohu”, Bekim Hoxha.
Në këtë protestë duhej të merrnin pjesë edhe përfaqësuesit e OJQ-së “Sheshi Liria”, por këta të fundit u distancuan në momentet e fundit nga protesta, për shkak të, siç thanë ata, keqpërdorimit politik të qëllimeve të tyre.
Nikola Naumovski i kësaj OJQ-je pohon edhe për presione nga Qeveria.
Përndryshe, në debatin që organizoi Demokracia e Re në selinë e partisë në Shkup, ku morën pjesë ekspert, historianë dhe përfaqësues të disa organizatave joqeveritare, u tha të mos lejohet që Shkupi të bëhet si Belfasti i Irlandës së Veriut ku ndarja mes protestantëve dhe katolikëve është e pranishme në çdo lagje të qytetit./koha/

[Explorer]

Burimi i te gjithe te keqijave ne FYROM, eshte BDI-ja e Ali Ahmutit.

[Explorer]

I vetmi shpetim per Shqiptaret ne FYROM-it , eshte te votojne platformen e

PDSH-se.

[Explorer]

Gruevski nuk i dëshiron myslimanët në Maqedoni.

Vetemse nje sqarim.
Nuk eshte e sakte se vetemse Gruevski nuk i deshiron muslimanet ne Maqedoni.
E sakte eshte se nje parti kaçakesh e quajtur BDI, ne krye me nje çoban Ali Ahmeti ( çobani me i pasur me dhen ne Maqedoni) eshte ne koalicion qeveritar me partine e Gruevskit VMRO-DPMNE. Keto dy parti ndihmojne njera tjetren jo vetemse per zhdukjen e muslimaneve nga Maqedonia, por edhe per zhdukjen e Shqiptareve ne pergjithesi si komb.

Ali Ahmeti, i mori ne qafe shqiptaret ne vitin 2001, kur zhvilloi nje lufte ( aventuren) kundra maqedoneve. Ai u premtoi shqiptareve se pas lufte , do te realizoje tegjitha te drejtat e shqiptareve. Ne kete lufte u vrane me shume se 1000 djem fukarenj shqiptare. Pas lufte , sot e nente vjet , shqiptaret jo se nuk fituan asgje ,por jane ne gjengje me katastrofale se ne kohen e ramkoviçit.

[mesia4ever]

Askund, asnjëherë nuk kam parë të jetë protestuar për një gjë kur ajo popullates nuk i mungon, pra e ka.
Asnjëherë nuk kam parë që njerëzit të hidhen në protestë për rritje pagash, kur ata i kanë pagat e mëdha.
Edhe ketu nuk është protestuar palidhje mirpo shkaku që nuk ka Xhami është protestuar, sigurisht Kosova dhe Shqipëria dallojnë nga Maqedonët dhe Maqedonia sepse ne shquhemi për tolerancë të madhe fetare.

D.m.th. xhamia sipas teje qenka me e mire dhe me me rendesi se krejt gjendja ekonomike e politike e popullit shqiptar atje. Atje ka shume patriote shqiptare, eshte dem qe ju fetaret deshironi t'i prezantoni krejt shqiptaret, e prezantoni situaten se kinse atje vetem xhamia ne mes te Shkupit po mungon, se tjerat krejt jane ne rregull. Qka te nevojitet xhamia ose kisha kur te mohon shume te drejta shteti. E marove nje xhami ne mes te Shkupit, cka rregullove asgje hiq, pervecse iu ke sherby arabeve. Iu ka lene ne injorance (po flas per ju fetaret) me kete politike qe po e ndjek, ai me qellim nuk ka lene xhami ne Shkup, qe juve t'ju radikalizoje e perpara faktorit nderkombetar do t'ju paraqese si ekstremiste, pra ju gjithmone bini ne gracke, sepse ju s'mund te mendoni me shume, nuk mund te shihni me larg se Muhamed dhe Islam, dhe ne fund t'iu shkatrroje. Krejt edhe keshtu eshte ne Kosove (po njerezit me te mencur e mbajne vetem si tradite, se e shohin se islami te con ne shkatrrim total), e ne Shqiperi eshte gjendja me e mire sa i perket injorances islame fetare.

[Iliri.]

I vetmi shpetim per Shqiptaret ne FYROM-it , eshte te votojne platformen e

PDSH-se.

Hajt thefshi qafën te gjithe partit e Maqedonisë sa ma shpejte edhe ju qe nuk ju vjen turp akoma edhe ti reklamoni ..Në kohërat kur skishe parti ishim me te bashkuar e ma vizionare se sa jemi tash , tash te ka dal punë pa asnjifare turpi edhe ti reklamosh ata qe na sjellen në këtë gjendje .!

[sopra]

Shqiptarë eshte sinonim i Muslimanëve per ata pak injorant qe nuk e din.

Se po te ishin ne Maqedoni te Krishter (katolik apo ortodoks), ata do i kishin sot te njejtat drejta me maqedonasit dhe do e kishin quar mir si thiu me qenin !

Prandaj, mos te habitemi kur degjoni kesi lloj argumentësh serbofile nga shpirtshiturit krishtero-ateiste.

Eshte gjithcka normale, ata deshirojn bashkimin me serbin e maqedonin para bashkimit mes trojeve shqiptare.