Raundi i trete i zgjedhjeve ne Kosove, verehen ende probleme

[firaku]

O njerez lene tani inatin e pranone si burrat humbjen.
Ky eshte verdikti i popullit.
Urone ne kete rast PDK-ne.

[gimche]

http://www.mesazhi.com/modules/news/...a%20fitues.jpg

PDK fitoi në Prizren dhe Lipjan

Partia Demokratike e Kosovës ka ndezur fishekzjarret në Prizren dhe Lipjan, të dielën mbrëma, pak orë pasi që u mbyllën kutitë e votimit, në të cilat qytetarët thanë edhe një herë fjalën e tyre.

Dy kandidatët e saj, Ramadan Muja dhe Shukri Buja, u konfirmuan fitues, përballë rivalëve të LDK’së, Hanefi Muharremi dhe Imri Ahmeti, në takimin e tretë me radhë para fletëvotimeve.

LDK do ta mbajë në mend 31 janarin e këtij viti si moment kur humbi betejën me Hashim Thaçin, shpresën për forcim të mëtutjeshëm dhe entuziazmin për zgjedhje të parakohshme.

Rezultatet preliminare, të shpallura pas mesnatës nga Komisioni Qendror Zgjedhor, vërtetuan fitoren e PDK’së në Prizren dhe Lipjan.

Sipas KQZ’së, kandidati i PDK’së në Lipjan, Shukri Buja ka fituar gjithsejtë 14 mijë e 209 vota, apo 53.7 për qind. Ndërsa, kandidati i LDK’së, Imri Ahmeti ka fituar 12261 vota apo 46.3 për qind. Ndërkaq, kandidati i PDK’së për Kryetar të Prizrenit, Ramadan Muja ka fituar 30 mijë 251 votë, gjegjësisht 53.2 për qind. Ndërsa kandidati i LDK’së, Hanefi Muharremi ka fituar 26 mijë e 493 vota, apo 46.8 për qind.

Koalicioni i OJQ’ve “Demokracia në Veprim”, po ashtu, ka konfirmuar fitoren e PDK’së në dy komunat.

Sipas “Demokracia në Veprim”, në Prizren, Ramadan Muja i PDK’së ka marrë 53.1 për qind të votave, ndërsa Hanefi Muharremi i LDK’së ka marrë 46.9 për qind të votave. E në Lipjan, kandidati i PDK-së, Shukri Buja, ka marrë 53.6 për qind ë votave, ndërsa ai i LDK-së, Imri Ahmeti, 46.4 për qind.

Prizreni dhe Lipjani është dashur të hyjnë në rivotim, pas balotazhit, pasi që KZAP konstatoi parregullsi më 13 dhjetor.

Ky institucion ka dhënë të njëjtin udhëzim edhe për Gjilanin, por KQZ ka vendosur që për këtë komunë të ketë rinumërim të votave. Ky proces ka përfunduar, mirëpo KQZ, për shkak të pamundësisë së arritjes së konsensusit të brendshëm, këtë çështje e ka lënë ende pezull.

Gyle-Gyle, LDK

Ramadan Muja është shfaqur para kamerave me buzëqeshje në fytyrë dhe me një fije të hollë humori, në natën e së dielës.

Ai ka kërkuar nga kundërshtari i tij ta pranonte humbjen.

“Le të bëhet burrë dhe le të më thërras ne telefon për të ma uruar fitoren”, ka thënë Muja, i çliruar nga ankthi.

Pak para se të largohej nga transmetimi i drejtpërdrejtë në televizione, ai është ndalur edhe për një çast para kamerave, për t’ia dërguar urimet e fitores edhe kolegut të tij në Lipjan.

Fitoren e PDK’së në Prizren dhe Lipjan e ka deklaruar Nënkryetari i saj, Hajredin Kuçi.
“Besoj që kjo fitore është e pranueshme edhe nga të tjerët. Besoj se të gjithë janë të bindur në sloganin e PDK’së: Ne fitojmë përsëri”, është shprehur ai.

Tjetër pamje ka ardhur nga kampi i LDK’së.

Nënkryetari Lutfi Haziri doli i ngrysur në fytyrë, rreth orës 22:00, kur foli para gazetarëve dhe tha se rezultatet nga Prizreni e Lipjani nuk ishin fort kurajuese për LDK’në.

“Kandidati i PDK’së, Ramadan Muja, është duke udhëhequr në komunën e Prizrenit ndaj kandidatit të LDK’së, Hanefi Muharremi, derisa për komunën e Lipjanit rezultati është më i balancuar dhe priten rezultatet edhe nga pesë qendra votimi”, ka thënë ai.

Kjo ishte paraqitja e fundit në opinion e Lutfi Hazirit, për natën e së dielës. Më nuk doli. As në konferenca për shtyp, e as nuk shkoi në studiot televizive, ku kishte paralajmëruar pjesëmarrjen.

Qytetarët u përgjigjën

Numri i votuesve në raundin e tretë të zgjedhjeve lokale, në Prizren dhe Lipjan, ishte më i lartë se në dy raundet e kaluara.

Përqindja e qytetarëve që kanë votuar në komunën e Lipjanit ka qenë 57.08 për qind, ose 27 mijë e 446 votues. Ndërsa në komunën e Prizrenit kanë votuar 40.62 për qind, ose 55 mijë e 996 votues.

Kryeshefi Ekzekutiv i KQZ’së, Xhemajl Peçani, ka njoftuar se zgjedhjet në këto dy komuna janë zhvilluar pa probleme.

“Informatat e KQZ’së janë se në Prizren dhe Lipjan nuk ka pasur probleme gjatë votimeve”, ka thënë Peçani.

Akuza në Prizren, Lipjani hesht

Rivaliteti i PDK’së dhe LDK’së ka shpërthyer në Prizren, ku në ditën e votimeve ka pasur shumë akuza për parregullsi të procesit zgjedhor.

Gjatë ditës, nuk kanë munguar fjalët nga të dyja kampet.

Akuzat e PDK’së i ka transmetuar zëdhënësi Blerand Stavileci, i cili ka mbajtur konferenca në gjatë ditës në Prizren.

Sipas Stavilecit, LDK ka sjellë simpatizantë e qyteteve tjera në Prizren.

“Një fenomen, i cili është përsëritur, është bartja në mënyrë grupore e simpatizantëve të LDK’së nga Prishtina dhe Deçani”, ka akuzuar Stavileci.

Ndërsa Nënkryetari i LDK’së, Lutfi Haziri, ka pohuar se tani është mundësia që të përmirësohet ajo që ka ndodhur më 13 dhjetor.

“Është mundësia e vetme që të përmirësohet gjithçka që ka ndodhur më 13 dhjetor, 13 dhjetori ka sjell tensione politike në Prizren, dhe sot ne duhet të jemi të kujdesshëm, që t’i eliminojmë ato”, tha Haziri.

Votimi pa fjalë shumë

Kandidatët për kryetar komunash në Prizren dhe në Lipjan kanë qenë të dielën të kujdesshëm në deklarimet për media, pasi kanë hedhur votat e tyre.

Ata janë zotuar se do ta njohin rezultatin zgjedhor, ndërsa kanë shprehur keqardhje për maltretimin e qytetarëve të këtyre dy komunave, që është dashur brenda më pak se tre muajsh të dalin tek kutitë tri herë radhazi.

Ramadan Muja, ka votuar në qytet, ndërsa deklaroi se do t'i pranojë rezultatet çfarëdo që të jenë ato.

“Kemi treguar një kulturë, një disiplinë në dy raundet e zgjedhjeve. Besoj se kjo do të përsëritet edhe në këtë raundin e tretë”, ka thënë Muja.

Hanefi Muharremi ka votuar në qendrën e votimit në Shkollën Fillore “Motrat Qiriazi”.
“Kam shpresë dhe apeloj te qytetarët që megjithëse janë të lodhur, edhe këtë herë të dalin të votojnë, për arsye se është shumë me rëndësi për shkak të demokracisë”, ka thënë Muharremi.

Në Lipjan, Shukri Buja e ka hedhur votën e tij, në fshatin Babush, i bindur në fitore.
“Besoj se qytetarët me votën e tyre sot do të rikonfirmojnë fitoren e atij që ka fituar gjithmonë”, është shprehur ai.

Imri Ahmeti, gjatë votimit në fshatin Puturovc, ka thënë se është në dorën e qytetarëve të vendosin se kush do t’i udhëheqë në katër vjetët e ardhshme.

“Unë nuk kam se çka i pranoj rezultatet. Sigurisht se do të jem kryetar i komunës, pyetni të tjerët se a do të pranojnë rezultatin”, ka thënë Ahmeti.


Zgjedhje në Istog, pas 45 ditësh

Për shkak të vdekjes së Kryetarit të Istogut, Fadil Ferati, KQZ është e obliguar të organizojë zgjedhjet edhe në këtë komunë.

Sipas Kryetares së KQZ’së, Nesrin Lushta, procesi zgjedhor në Istog do të organizohet brenda 45 ditësh, ashtu siç është e paraparë me Ligj për Zgjedhjet Lokale.

“Sipas Ligjit, edhe në Komunën e Istogut pritet të shkohet me zgjedhje të reja për kryetar të komunës dhe atë brenda 45 ditësh”, ka njoftuar Lushta.

Vendimi për këtë komunë pritet të merret pas përfundimit të raundit të tretë zgjedhor të Prizrenit dhe Lipjanit. /express/

Urime PDK
Urime PDK
Urime PDK

[projekti21_dk]

Urime për fituesin dhe i dëshiroj sukses në qevrisjen e ardhshme.
Mirë në Lipjan munguakan votat dhe pritet të plotësohen, por problemi është në Prizren që ka më tepër vota se votues si do i bëhet kësaj pune!!

[gimche]

http://www.mesazhi.com/modules/news/...o%20010210.jpg

LDK: Do t’i urojmë fituesit

Lidhja Demokratike e Kosovës është shprehur të dielën në mbrëmje që mostrat e para të rezultateve të zgjedhjeve të së dielës të mos jenë inkurajuese për këtë parti.

Nënkryetari i LDK-së, njëherësh edhe shef i Shtabit Zgjedhor të kësaj partie, Lutfi Haziri, duke u shprehur i privuar nga mundësia që të jepte rezultate konkrete, ka thënë që në Komunën e Prizrenit kandidati i PDK-së të jetë duke udhëhequr në raport me atë të partisë së tij, kurse në Lipjan gjendja të jetë më e balancuar.

“Rezultatet nuk janë inkurajuese për LDK-në”, ka qenë shprehja e parë, me të cilën ai e ka nisur fjalën e tij. “Në Prizren kandidati i PDK-së dhe i koalicionit të tyre është në një udhëheqje ndaj kandidatit tonë”.

Duke kapërcyer te Lipjani, Haziri ka thënë që në këtë komunë rezultati të jetë më i balancuar dhe se LDK-ja të jetë në pritje të numërimit të votave të pesë qendrave të mëdha të votimit. Këto qendra e kanë ndikimin kryesor që të definohet qartë se vota pro cilit kandidat është. Po presim votat nga këto qendra. Parashikimet tona janë që PDK-ja nga dy prej këtyre qendrave e ka një pritje më të madhe”, ka shtuar ai.

Haziri është shprehur që partia e tij ta pranojë rezultatin zgjedhor burim i të cilit është KQZ-ja dhe ta urojë kandidatin që do ta certifikojë si fitues ky institucion.

Ndërkohë shefi i Shtabit Zgjedhor të LDK-së i është përgjigjur deklaratës së nënkryetarit të PDK-së, Fatmir Limaj, se “Shtabi Zgjedhor i LDK-së duhet t’u kërkojë falje qytetarëve të Prizrenit për shkak të mundimit që ata të dalin për herë të tretë në zgjedhje”.

“Limaj duhet t’u kërkojë falje qytetarëve të Prizrenit, Lipjanit dhe Gjilanit që mekanizmi i tij partiak ka abuzuar me votën e lirë të qytetarëve. LDK-ja u ka bërë nder qytetarëve të tri këtyre komunave që u ka krijuar mundësinë për t’u shprehur lirshëm”, ka thënë Haziri. “Nuk do të doja të luaja pingpong në kuptimin e gjuajtjeve politike, por ata që duhet t’u kërkojnë falje qytetarëve janë ata që kanë abuzuar me votën e lirë herën e kaluar”.

I pyetur nga gazeta se çfarë qëndrimi do të manifestojë LDK-ja në raport me PDK-në koalicionin qeverisës në nivel shteti pas mbarimit të procesit zgjedhor të së dielës, nënkryetari i LDK-së, njëherësh shef i Shtabit Zgjedhor të saj, është shprehur që LDK-ja të mos ndjehet e lënduar prej rezultateve.

“Sa i përket nivelit qendror, motivi ynë mbetet i njëjtë, nuk është i lënduar. Natyrisht që LDK-ja do të marrë qëndrim politik në kuadër të krejt këtij zhvillimi, por tash pas asaj që ka folur qytetari do të flasin KQZ-ja dhe organet kushtetuese”, ka thënë Haziri./koha/

[projekti21_dk]

Duke iu referuar një shkrimi të gazetës ”Express” http://www.gazetaexpress.com/web/ind.../23964/C4/C13/, "Merhaba PDK", sipas një llogaritje del se ka gabime statistikore.

Unë këtu po sjell vetëm pjesën ku jepet statistika:



Statistikë:

Lipjani 27.446 votues
Shukri Buja: 14.209 vota
Imri Ahmeti: 12261 vota
Gjithsej: 26.470 vota / votues
Ku janë edhe 976 vota?

Prizreni 55.996 votues
Ramdan Muja 30.251 vota
Hanefi Muharremi: 26.493 vota
Gjithsej: 56. 744 vota/votues

Si ka mundësi 748 vota më tepër?!

nuk desha që në fillim të shkruaja, se këtë statistikë e kam postuar edhe në gazetën "express", kah ora 9:... e dicka, por as atëherë dhe as tash kur bën ora 13:50 postimi nuk doli. Shkrimin e botuar në këtë gazetë e kam kopjuar, se nuk i dihet e bëjnë korrigjimin dhe i kurdisin shifrat më vonë!!

AI që ka vjedhë shumë herë do vjedh edhe kësaj radhe!

[njani]

nga nxitimi cifuti thaq me bashkepunetoret e tij per mos leshuar jerusalemin e tij kane bere gabime gjate vjedhjeve nuk eshte per tu habitur, e njejta pune si e serbise qe thote se kosova eshte jerusalemi i saj ashtu edhe hasha e ka jerusalem prizrenin.
Ketu nuk flitet per votat me kusht apo me poste, por per votat te cilat jane numeruar

[Llapi]

Llapi urime fitorja juve PDK-së e gjithashtu edhe neve (PD - Partisë së Drejtësisë) më të vertetë tani jam i bindur se jemi lidhur me të fortit dhe i kemi mposhtur komunistët.
Fitorja në Prizren deshmon qartë se Ramadan Muja është njeri i duhur dhe i mbeshtetur jo vetëm nga PDK-ja por nga shumë subjekte politike në këtë komunë.
E gjithashtu edhe Shukri Buja fitoj dhe uroj që ta vazhdojmë këtë trend të bashkpunimit e që është në të mirën e qytetarëve dhe njëherit ta mposhtim LDK-në dhe AAK-në

Përshëndetje!

Pershendetje
te falenderoi per urimin
gjithashtu jau uroj edhe juve
dhe te gjith qytetarve te Prizrenit Lipjanit dhe te gjith shqiptarve
dhe jam i bindur se me fitoren e PDK-se kan fitue te gjith.

[Llapi]

Zgjedhje korrekte

Demokracia në Veprim ka vlerësuar se procesi zgjedhor ne Prizren dhe Lipjan ka kaluar pa probleme të mëdha. Por, vëzhguesit e kësaj organizate kanë vërejtur edhe disa probleme gjatë procesit elektoral.

Nga Visar Shatrolli më 01.02.2010 në ora 15:19
Drejtuesit e Demokracisë në Veprim (KDI) i kanë vlerësuar si të suksesshme zgjedhjet që janë mbajtur për të tretën herë radhazi në Komunën e Prizrenit dhe të Lipjanit.

Këtë qëndrim të KDI’së e ka dhënë, Besnik Ramadanaj, të hënën, ku ka vlerësuar se rivotimi në Komunën e Prizrenit dhe Lipjani ka përmbushur standardet për zgjedhje të lira dhe të drejta.

Por, kjo organizatë ka gjetur edhe disa parregullsi të vogla, të cilat nuk kanë ndikuar në rezultatin e zgjedhjeve.

“Ndër parregullsitë kryesore që kanë hasur vëzhguesit e DV ishin prezenca e vazhdueshme e personave të paautorizuar nëpër vendvotime, votimet familjare, asistimi i votuesve nga ana e vëzhguesve të partive politike, fotografimi i votave nga shoqëruesit e votuesve...”, ka thënë Ramadanaj.

Demokracia në Veprim ka inkurajuar Komision Qendror Zgjedhor dhe palët tjera të përfshira në proces që të punojnë së bashku në mënyrë që t’i evidentojnë këto parregullsi. Kjo organizatë ka rekomanduar edhe rishikimin e legjislacionit për zgjedhje, pasi janë vërejtur mangësi në mekanizmat e kontrollit të votave.

[Llapi]

PDK falënderon qytetarët e Prizrenit dhe Lipjanit

Zyrtarë të lartë të Partisë Demokratike të Kosovës, të hënën kanë falënderuar qytetarët e komunës së Prizrenit dhe Lipjanit, për besimin që ju kanë dhënë kandidatëve të tyre, të cilët për një mandat do të drejtojnë dy komunat në fjalë.

Zëdhënësi i kësaj partie, Blerand Stavileci, ka pohuar se fitorja e PDK-së është vazhdimësi e referendumit për qeverisje të mirë, që sipas tij, është duke e bërë Partia Demokratike e Kosovës. Sipas tij, fitorja bindëse dhe e thellë e PDK-së për të treten herë radhazi brenda dy muajsh i ka “rënë vulë” faktit se Partia Demokratike e Kosovës është partia numër një në vend.

Me gjithë insistimin e vazhdueshëm të gazetarëve për të marrë informata më tepër rreth mbledhjeve të PDK-së, dhe diskutimeve për procesin e riformatizimit të qeverisë, Stavileci nuk ka treguar vullnet për të dhënë detaje, duke pohuar se për gjithçka vendos kryeministri i Kosovës, Hashim Thaçi. /Zëri/

[Llapi]

Elektorati ndëshkoi LDK’në, sipas analistëve

Bazuar në rezultatet e balotazhit të përsëritur në Prizren dhe Lipjan, analistët në Prishtinë thonë se elektorati ndëshkoi LDK-në, për shkak të mesazheve jo të qarta, të cilat kjo parti politike i dërgoi në raport me Qeverinë qendrore.

Nga Express më 01.02.2010 në ora 15:56
Thellimi i epërsisë në rezultatin e zgjedhjeve për kryetar të Prizrenit dhe Lipjanit ndërmjet kandidatëve të Partisë Demokratike të Kosovës dhe atyre të Lidhjes Demokratike të Kosovës, sipas analistëve, vjen si pasojë e mungesës së një politike të qartë të LDK-së ndaj koalicionit dhe Qeverisë në nivelin qendror.

Analistët thonë se rezultatet e zgjedhjeve lokale do të reflektohen më shumë te LDK-ja, si parti në koalicionin qeverisës. Andaj, ata edhe e ndërlidhin çështjen e reflektimeve në koalicionin qeverisës me pozicionin që kjo parti politike do të marrë ndaj koalicionit me PDK-në në Qeverinë qendrore.

Analisti Ilir Deda thotë se ndryshimi kaq i shpejtë në përqindje në rezultatet e votimeve për kryetar të Prizrenit dhe Lipjanit, vjen si pasojë e dërgimit të dy mesazheve drejtuar elektoratit nga ana e LDK-së.

“LDK-ja është duke e humbur kredibilitetin para elektoratit kosovar, duke marrë parasysh se i çon dy mesazhe, të cilat janë të kundërta njëra me tjetrën. E ky është mesazhi i paqartësisë se a do të mbetet në Qeveri apo do ta braktisë koalicionin qeverisës dhe të hyjë në zgjedhje të reja”, thotë Deda.

Premtimet e dhëna elektoratit gjatë fushatës, se do të shqyrtohet koalicioni qeverisës dhe mosveprimi ndërmjet rretheve të votimit, sipas analistit Bardh Hamzaj, u janë hakmarrë LDK-së në votimet e djeshme.

Analisti Hamzaj thotë se partitë politike duhet ta kenë një pozicion të qartë në raport edhe me elektoratin, nëse duan t’i mbajnë votat, të cilat i kërkojnë gjatë proceseve zgjedhore.

“Duket se këtu sjellja e dyfishtë e LDK-së gjatë fushatës, duke e luajtur në njërën anë rolin e opozitës dhe rolin e rivalitetit me partnerin e koalicionit qeverisës, si dhe, në anën tjetër, gjatë kësaj kohe u pa se LDK-ja, të paktën për një periudhë aktuale, nuk e ka ndërmend të dalë nga Qeveria - kësaj here u janë hakmarrë LDK-së”, thekson Hamzaj.

Marrë parasysh rezultatin e zgjedhjeve lokale, i cili, përjashtuar Gjilanin, është i qartë për të gjitha partitë pjesëmarrëse, tani, sipas Bardh Hamzajt, i mbetet LDK-së që të vendosë se a do të jetë pjesë e Qeverisë apo jo.

Marrjen e një vendimi të tillë brenda LDK-së, Hamzaj e sheh si mjaft të ndërlikuar, pasi që në LDK, sipas tij, ka dy rryma politike.

“LDK-ja, mendoj se nuk do të ketë shumë zgjedhje në këtë aspekt, për arsye se nga këto zgjedhje ka dalë e përçarë”.

“Është një grup i njerëzve, të cilët kanë menduar gjithmonë se më mirë është të dilet nga Qeveria, ndërkaq që po shihet se ky grupim rreth presidentit Sejdiu, e që supozohet të jetë më i madh, mendon të vazhdojë me këtë koalicion. Kështu që vendimet e LDK-së do të jenë gjithnjë e më të vështira për vetë LDK-në”, shprehet Hamzaj.

Ndërkohë, analisti Ilir Deda thotë se paqartësitë brenda LDK-së mund të zgjidhen nëse kjo parti politike e mban Kuvendin Zgjedhor gjatë kësaj pranvere. Mbajtja në jetë e koalicionit, sipas Dedës, varet tashmë nga LDK-ja.

“LDK-ja, realisht, çdo ditë që mbetet në koalicion, ajo humb në peshë, në imazh edhe në elektorat. LDK-ja duhet të bëjë çmos që ta rizbulojë identitetin e saj, t’i kapërcejë interesat e ngushta të grupeve partiake dhe të shohë se ku do të jetë, pas 20 vjetëve, në skenën politike”, thotë Deda.

Kryeministri Hashim Thaçi, qysh në nëntorin e vitit të kaluar, pati paralajmëruar ndryshime në Qeverinë aktuale. Mirëpo, deri më tani, diçka e tillë nuk ka ndodhur.

Zyrtarë të LDK-së kanë paralajmëruar se nga mesi i shkurtit do të kërkojnë diskutime me PDK-në lidhur me mundësinë apo jo të rikonfigurimit të koalicionit aktual. /rel/