Vdes Fadil Ferati

[fattlumi]

Po i permendi vetem disa nga projektet dhe punen qe ka bere ky burre per qytetaret e Istogut:

Te gjtha rruget qe shpiejne neper fshatrat e kesaj komune jane komplet te asfaltuara qysh para 2 viteve,qe asnje rruge ska qene e asfaltuar me pare.

Ne te gjitha fshatrat eshte derguar ujesjellesi,

Pothuajse ne te gjitha fshatrat jane ndertuar shkolla moderne

Te gjitha trotuaret ne qytetit e Istogut jane te shtruara me pllaka dhe gjelberim

Dhe projekti i fundit,i tere qyteti ka ndriqimin rrugor modern.

Keto jane vetem disa nga ato qe beri ky burre per qytetaret e kesaj komune.

Ndersa te permendi qe e tere pasuria qe kishte Fadil Ferati ishte paga qe e merrte si kryetar komune,pa pervetesuar asgje nga pasurite,gje qe hasim ne komunat tjera.Shtepine qe pati ne Gurrakoc e ndane ende bashke me vellezerit e tij qe e trasheguan nga i ati.


Le te mbetet shembull se si duhet udhehequr nje komune ose Kosova ne pergjithesi.Per kete e kishin zili edhe te tjeret.

[ganimet]

ngushllime per familjen Ferati.Vdekjen te gjith do e shijojm por gjall do mbetet vepra jon .Vertet nji humbje e madhe per te gjith.

[fattlumi]

Me vjen keq qe me duhet ta postoj kete ne kete teme te dhimshme dhe te ndjeshme por ja se si e ndien veten per vdekjen e ketij burri disa nga mbeturinat staliniste dhe qe shetisin neper foruma per te bere propagande te krymbur.

[fattlumi]

Telegram ngushellimi nga kryeministri i Kosoves Hashim Thaqi:

Thaçi: Jeta dhe vepra e Feratit ka qenë në shërbim të Kosovës
Kryeministri i Republikës së Kosovës, Hashim Thaçi i ka dërguar një telegram ngushëllimi familjes Ferati, Kuvendit Komunal të Istogut dhe kryesisë së Lidhjes Demokratike të Kosovës, me rastin e ndërrimit të jetës të kryetarit të Komunës së Istogut, Fadil Ferati.
Në telegramin e ngushëllimit kryeministrit Thaçi ndër të tjera thekson se, “jeta dhe vepra e z.Fadil Ferati ka qenë në shërbim të shtetit të Kosovës”. “Të gjithë ne do ta kujtojmë kontributin e çmuar të z.Ferati në funksion të avancimit të proceseve pozitive në komunën e Istogut dhe në tërë Kosovën”, thuhet në telegramin e Thaçit.

“Më lejoni që në emër timin dhe të Qeverisë së Republikës së Kosovës, t’iu shpreh ngushëllimet më të sinqerta”, përfundon telegrami i kryeministrit Thaçi.

[veletini]

Me vjen keq qe me duhet ta postoj kete ne kete teme te dhimshme dhe te ndjeshme por ja se si e ndien veten per vdekjen e ketij burri disa nga mbeturinat staliniste dhe qe shetisin neper foruma per te bere propagande te krymbur.

Llapit do t`i thoja vetem kaq:burri qe eshte sadopak burre,per te vdekurin nuk flet keshtu.As per me te keqin nuk flitet keshtu,jo me per Fadil Feratin,nje burre jo pak burre.Keshtu si Llapi flasin vetem njerezit shume te ligj,ose vetem ata qe cdo shqiptar e shohin nga prizmi partiak,d.m.th.sakush qe nuk eshte ne partine time,eshte i keq.
Ngushllime familjes se Fadil Feratit.

[jozefi]

ngushlime per familjen
FERATI nga JOZEF FRROKAJ ME FAMILJE humbje e madhe per istogun dhe kosoven pushoft ne paqe LAVDI

[Guri i Kuq]

Sejdiu: Fadili - vullkan i gjallë prej të cilit shpërthente gjithmonë zjarr i gjallë atdhetarie

Bota Sot,31.1.2010

Presidenti i Republikës së Kosovës, dr. Fatmir Sejdiu, së bashku me zonjën Sejdiu dhe me bashkëpunëtorët e tij, vizitoi familjen e Fadil Feratit, me ç’rast në emër të popullit dhe të institucioneve të Republikës së Kosovës u shprehu ngushëllimet më të sinqerta për ndarjen nga jeta të Fadil Feratit, kryetar i Komunës së Istogut dhe nënkryetar i Lidhjes Demokratike të Kosovës.

Gjatë vizitës në Kuvendin Komunal të Istogut, Presidenti Sejdiu bisedoi me strukturat udhëheqëse të kësaj komune si dhe i ngushëlloi të gjithë qytetarët e Komunës së Istogut, të cilët në numër jashtëzakonisht të madh ishin tubuar në ndërtesën e Kuvendit Komunal për të nderuar kryetarin e tyre.

Po sot, Presidenti Sejdiu i vizitoi dhe u shprehu ngushëllime qytetarëve të Gurrakocit, të tubuar në shkollën e fshati Gurrakoc, vendlindja e Fadil Feratit.

Me këtë rast, Presidenti Sejdiu tha se humbja e Fadil Feratit është një humbje e madhe dhe e dhimbshme për Kosovën, sepse nuk do të kemi njeriun i cili diti aq fuqishëm dhe gjithmonë të jetë një vullkan i gjallë dhe të rrezatojë energji të paskajshme në Luftën për Lirinë dhe Pavarësinë e vendit dhe po ashtu për ndërtimin e institucioneve të vendit dhe në udhëheqjen e tyre në mënyrën më të mirë.

“Fadilin e kisha bashkëpunëtor të ngushtë. Ai na mungon të gjithëve, para së gjithash familjes dhe të gjithë njerëzve të Kosovës”, theksoi Presidenti Sejdiu.

Ndërkaq, në “Librin e Kujtimeve” për Fadil Feratin, Presidenti Sejdiu ndër të tjera shkroi: “Qoftë i përjetshëm kujtimi për Fadilin, kolosin e Kosovës i cili asnjëherë nuk diti dhe nuk deshi të ndalet e as të trembet në luftën e madhe e të gjatë për Lirinë dhe Pavarësinë e Kosovës. Fadili ishte dhe mbeti vullkani i gjallë prej të cilit shpërthente gjithmonë zjarr i gjallë atdhetarie”.

[Guri i Kuq]

Varrimi i Feratit bëhet më 3 shkurt

Nga Express më 31.01.2010 në ora 15:18

Ceremonia e varrimit të kryetarit të komunës së Burimit, njëherësh nënkryetar i Lidhjes Demokratike të Kosovës (LDK) Fadil Ferati, i cili dje ndërroi jetë pas një sëmundje të rëndë, do të mbahet të mërkurën, më 3 shkurt, në varrezat e fshatit Gurakoc të Burimit.

Këshilli i caktuar për varrim në mbledhjen e sotme caktoi orarin për nderimet dhe ceremoninë e varrimit të kryetarit të komunës së Burimit. Të hënën, më 1 shkurt, në selinë qendrore të LDK-së, duke filluar nga ora 9.00 do të hapet Libri i Zisë, ndërsa mbledhja komemorative mbahet në Teatrin Kombëtar, në ora 11.00, ku një fjalë rasti do të mbajë presidenti Fatmir Sejdiu.

Të martën, në ora 8.20 në Aeroportin Ndërkombëtar të Prishtinës do të arrijë arkivoli me trupin e pajetë të Fadil Feratit, ndërsa homazhet do të bëhen duke filluar nga ora 10.00, në Shtëpinë e Kulturës në Burim, për të vazhduar edhe ditën e mërkurë.

Po të mërkurën, në Shtëpinë e Kulturës në Burim do të mbahet një mbledhje komemorative, ndërsa ceremonia e varrimit do të mbahet në varrezat e fshatit Gurakoc, në ora 16.00.

Kryetari i komunës së Burimit dhe nënkryetar i LDK-së Fadil Ferati vdiq dje në moshën 50-vjeçare, në një spital të Gjermanisë, pas një sëmundje të rëndë.

[fattlumi]

Fadil Ferati, veprimtar i denjë i lirisë e i pavarësisë


Prishtinë, 1 shkurt


Presidenti i Kosovës, Fatmir Sejdiu, në një akademi komemorative të organizuar sot për nder të kryetarit të ndjerë të Istogut, Fadil Ferati, e cilësoi atë kolos të Kosovës, i cili asnjëherë nuk diti dhe nuk deshi të ndalet e as të trembet në luftën e madhe e të gjatë për lirinë dhe pavarësinë e Kosovës.
Në këtë akademi komemorative të pranishëm ishin krerët më të lartë të vendit dhe përfaqësues të jetës politike e shoqërore.
Presidenti Sejdiu me këtë rast theksoi se Ferati bashkohet me vargun e pasosur të burrave të mëdhenj të Kosovës, të cilët ikën nga kjo botë e vdekshme pikërisht në janar.
“Pak ditë më parë, ne shënuam kështu së bashku katërvjetorin e shkuarjes në amshim të presidentit historik të Kosovës, dr. Ibrahim Rugova. Sot jemi mbledhur për t’i shprehur nderimet tona më të larta njërit prej bashkëpunëtorëve të tij të ngushtë, Fadil Ferati, të cilin do ta përkujtojmë gjithmonë si një prind të mirë, si një veprimtar të palodhshëm dhe si një udhëheqës të shquar e me vizion”, tha Sejdiu.
Ai tha se kryetari i ndjerë i Istogut, Fadil Ferati ishte ndër të parët në këtë komunë që iu bashkua lëvizjes të madhe për liri, pavarësi e demokraci.
“Për fat të keq, vjeshta e fitores së tretë të Fadil Feratit qe vjeshta e tij e fundit; Fadili iku pa e dhënë betimin para përbërjes së re të këshilltarëve të komunës së Istogut, pa e përmbushur vullnetin e qytetarëve të Istogut që t’u prijë edhe në vitet e ardhshme. Kjo do të jetë sigurisht një brengë më shumë për ne të gjithë, një peng që do të na rëndojë gjatë ditëve, javëve a viteve që na kanë mbetur. Fadili mori edhe një herë besimin e qytetarëve, por vdekja qe më e shpejtë se ai”, u shpreh më tej Sejdiu.
Sipas presidentit të vendit, Ferati rrezatonte energji të paskajshme gjatë gjithë shekullit të punës së tij, u shqua për punën tepër të përkushtuar për ndërtimin e institucioneve të vendit dhe në udhëheqjen e tyre në mënyrën më të mirë, duke dëshmuar në vazhdimësi urtësinë politike, që ishte një virtyt dallues i tij.
Ai pohoi se me shkuarjen në amshim të Fadil Feratit, Istogu mbeti pa prijësin, kurse Lidhja Demokratike e Kosovës pa një veprimtar të devotshëm, i cili dha shumë për lirinë dhe për punën e madhe gjatë rezistencës të përgjithshme, ashtu edhe në vitet e pasluftës, kur ai punoi pareshtur për ndërtimin dhe forcimin e institucioneve shtetërore.
Ndryshe, kryetari i Istogut, Fadil Ferati ndërroi jetë të shtunën në një spital në Gjermani, pas një sëmundje të rëndë.
Në fillim të vitit 1990, Fadili Ferati u zgjodh anëtar i Kryesisë së Aktivit të LDK-së në vendlindjen e tij, në fshatin Gurrakoc. Që nga ai moment, me punën dhe përkushtimin e tij kaloi nëpër të gjitha strukturat e hierarkisë së LDK-së.
Në zgjedhjet e fundit lokale, Ferati ishte zgjedhur kryetar i komunës së Istogut, njëherësh ishte edhe nënkryetar i LDK-së.

[fattlumi]

Offenbach, 1 shkurt


Sot, në mesditë, nga Gjermania u nis për në Kosovë kufoma e Fadil Feratit, ish-nënkryetarit të LDK-së dhe ish- kryetarit të Komunës së Istogut, i cili ndërroi jetë të shtunën në mëngjes në Klinikën shtetërore të Offenbachut (afër Frankfurtit). Kufoma e të ndjerit sot u përcoll me nderime për në vendlindje, ku do të prehet i qetë trupi i njërit nga veprimtarët e shquar të Lidhjes Demokratike të Kosovës dhe të çështjes kombëtare.
Kufoma e Fadil Feratit arrin në Kosovë të martën (rreth orës 8:30 minuta) në Aeroportin e Prishtinës, kurse varrimi do të bëhet një ditë më vonë, në Gurrakoc të Istogut.
Nga i ndjeri në Offenbach të Gjermanisë për herë të fundit u ndanë Astrit Zemaj, konsull, Ardian Spahiu, vicekonsull, Hazir Krasniqi, kryetar e Myftar Halili - Dragidella, nënkryetar i Degës së LDK-së në Gjermani, si dhe të afërm e bashkatdhetarë tanë në Gjermani.
Vdekja e Fadil Feratit ka shkaktuar dhembje të madhe ndër veprimtarët e LDK-së në Gjermani e kudo tek bashkatdhetarët tanë dhe ndarja nga ai sot në Offenbach u përcoll me lot e dhembje, ngase i ndjeri ishte shumë i respektuar dhe i dashur për veprimtarët e LDK-së në Gjermani e vendet e tjera ku ai shpesh ishte mysafir.