Nëse Gruevski vazhdon njësoj sikur Milosevici, e pret i njëjti fat, atje ai ku vetëshkoi dhe vetëpërfundoi”. Kështu thuhet në reagimin e Shoqatës së Veteranëve të Luftës së ish Ushtrisë Çlirimtare Kombëtare drejtuar kryeministrit Nikola Gruevski.
Kjo shoqatë pohon se është e inidnjuar thellë nga veprimet kundërshqiptare dhe kundërqytetare të kryeministrit Nikola Gruevski, i cili këmbëngul që gjuha maqedonase të mësohet nga klasa e parë, si detyrim i patjetërsueshëm.
Në reagimin drejtuar shefit të Qeverisë thuhet “kurrë s'do t’ia arrini qëllimit pasi veproni në kundërshtim me Kushtetutën, ligjet e vendit dhe programin edukativo-arsimor”.
Më tej në komunikatën e firmosur nga Fazliu Veliu, kryetar i SHVL-së së ish UÇK-së dhe deputet i Bashkimit Demokratik Integrim thuhet “as në kohën e Mbretërisë SKS dhe as pas Luftës së Dytë Botërore, pra asnjëherë nuk është vepruar imponueshëm që të mësohet në gjuhë tjetër, që nga klasa e parë, kur ende nxënësi nuk e ka mësuar alfabetin dhe gjuhën e nënës”.
Në reagimin drejtuar Gruevskit thuhet se kryeministri ka hyrë në rrugë të gabuar, duke e flijuar ministrin e Arsimit si dhe të tjerët rreth tij.
“Mund të veproni si të doni, me forcën e shkopit dhe kamxhikut, por nuk mund të na detyroni të hymë në greminë, ku Ju jeni buzë saj”, thuhet në reagim dhe më pas shtohet se "asnjë perandori e as kjo që udhëheq Nikolla Gruevski nuk ka mundur t’i asimilojë dhe zhduk shqiptarët".
Në fund të reagimit, SHVL e ish UÇK-së drejtuar Gruevskit konkludon se “nxënësit shqiptarë, së pari do të mësojnë gjuhën shqipe, e cila është gjuhë kombëtare, që ka hyrë në gjirin e gjuhëve ndërkombëtare, mandej në moshë të rritur gjuhët e huaja, pra edhe gjuhën tënde, të cilën as ti nuk e di siç duhet”. /alsat-m/
Përgjigju Duke Cituar
Postuar më parë nga boll mo
Krijoni Kontakt