Krejt kundër LDD-së

[Kosovelli]

LDD drejt zhbërjes

13-06-2010 18:28 CET
Prishtinë. Largimi nga strukturat drejtuese të partisë i nënkryetarit të deriatëhershëm, i ka kushtuar Nexhat Dacit me humbjen e një dege dhe rreth 40 nëndegëve të Lidhjes Demokratike të Dardanisë në Ferizaj. Por, në një intervistë për “Zëri”, deputeti Adem Salihaj paralajmëron një tërmet të tërë largimesh nga kjo parti. Ai thotë se tashmë procesi i bashkimit të LDK-së me LDD-në ka filluar dhe se ky proces mund të çojë në zhbërjen e LDD-së nga skena politike. Salihaj beson se pas bashkimit të degëve në Ferizaj, LDK-ja do të marrë pushtetin atje që në zgjedhjet e para. “Nexhat Daci e ka marrë një përgjigje timen dhe të elektoratit rugovist për veprimet që ai ka bërë, dhe unë mendoj që do të ketë një përgjigje të themi në formë serike për një periudhë më të gjatë, si reaksion i veprimeve jo të mira të tij, në raport me vetë elektoratin rugovist dhe me rugovizmin”, thotë Salihaj.

Zëri: Z. Salihaj, pse vendosët dhe si arritët që të riktheheni në LDK dhe ta merrni me vete edhe tërë Degën e LDD-së në Ferizaj?

Salihaj: Së pari dëshiroj t’ju them se unë kam dalë qe një kohë të gjatë me idenë për një afrim, koalicion apo edhe bashkim mes LDK-së dhe LDD-së, pasi që nuk mund të bëhemi faktor i vërtetë në skenën politike, as LDK-ja dhe as LDD-ja, si të vetme. Dhe këtë ide timen, ka disa muaj që e kam paraqitur publikisht. Në anën tjetër, dëshiroj t’ju them që në nivel dege, por edhe në nivel qendror, unë kam zhvilluar një sërë kontaktesh lidhur me bashkimin e degëve në nivel lokal dhe kjo ka përfunduar me propozimin tim në Kryesinë e degës, e cila e ka përkrahur këtë propozim dhe prej 18 anëtarëve prezentë, 16 kanë qenë pro dhe vetëm dy kundër. Kështu është rrumbullakuar një proces dhe unë besoj që tash dy degët e bashkuara në Ferizaj do të bëhen, në një periudhë jo të gjatë, një faktor shumë i rëndësishëm, i cili do të garojë dhe pretendon seriozisht që ta marrë pushtetin në Ferizaj.

Zëri: Kthimi juaj është mirëpritur në LDK. A zotoheni se do të riktheni Ferizajn në bastion të LDK-së, si dikur?

Salihaj: Unë mendoj që shanset janë shumë serioze që ne ta rikthejmë primatin këtu. Unë do të jem shumë i angazhuar që Dega e LDK-së në Ferizaj të jetë një degë e fuqishme, përafërsisht ashtu siç ka qenë dikur dhe ta marrim pushtetin e të udhëheqim me të si në të kaluarën. Unë mendoj që kemi shanse reale, shumë serioze që këtë ta arrijmë që në zgjedhjet e ardhshme.

Zëri: Në LDD e kanë nënvleftësuar këtë ngjarje?

Salihaj: Unë mendoj që LDD-ja po udhëhiqet nga një lloj adoleshence politike që nuk i sheh gjërat larg dhe nuk di të ketë një projekt serioz apo një vizion. Ata po sillen me një lloj megalomanie se gjoja nuk është me rëndësi për ta kjo, s’është me rëndësi ajo, por më lejoni të them që LDD-ja ka pësuar një goditje shumë të fuqishme me daljen e Degës në Ferizaj. Poashtu kanë
dalë edhe Dega e Gjermanisë, Dega e Norvegjisë dhe Dega e Francës ka abstenuar dhe nuk zhvillon aktivitet në kuadër të LDD-së. Unë pres që edhe shumë degë të tjera ta lëshojnë masivisht LDD-në dhe LDD-ja nuk e di a do të mund ta mbijetojë këtë termet që po i ndodhë.

Zëri: A do të thotë kjo që pas largimit të Degës së Ferizajt, ju do të nxisni largime të tjera?

Salihaj: Unë jam munduar ta nxis një proces dhe një lëvizje të bashkimit mes LDK-së dhe LDD-së dhe unë do të punoj shumë që ky proces të jetë në vazhdimësi dhe të japë rezultate. Unë mendoj që pjesa dërrmuese e LDD-së do t’i bashkohet këtij procesi dhe kësaj lëvizje sepse nuk ka rrugë tjetër që të faktorizohemi si elektorat i vizionit rugovist, që një ditë përsëri të jemi të fuqishëm dhe ta marrim pushtetin. LDD, në krye me Nexhat Dacin nuk ka arritur as ta ruajë dhe as ta forcojë vizionin rugovist, përkundrazi e ka degraduar në masë shumë të madhe dhe mendoj që është një parti që me Nexhat Dacin nuk ka asnjë perspektivë në Kosovë.

Zëri: A i jeni hakmarrë Dacit me largimin tuaj dhe të Degës së Ferizajt apo është vullnet i anëtarësisë bashkimi me LDK-në?

Salihaj: Jo është çështje e vizionit tim, nuk është çështje e hakmarrjes dhe unë e thash që edhe disa muaj para Konventës unë e kam paraqitur këtë pikëpamje timen. Nuk është e re, e sotshme, dhe thjeshtë unë po bëj përpjekje ta kemi një lëvizje të bashkimit të elektoratit rugovist në Kosovë me qëllim që të bëhet një faktor i rëndësishëm në skenën politike të Kosovës. Por, në anën tjetër, tërthorazi, Nexhat Daci e ka marrë një përgjigje timen dhe të elektoratit rugovist për veprimet që ai ka bërë dhe unë mendoj që do të ketë një përgjigje të themi në formë serike për një periudhë më të gjatë, si reaksion i veprimeve jo të mira të Nexhat Dacit, në raport me vetë elektoratin rugovist dhe me rugovizmin.

Zëri: A i keni tejkaluar të gjitha mosmarrëveshjet e dikurshme me z. Grainca dhe zyrtarët tjerë të LDK-së dhe si do të funksionojë Dega e Ferizajt, pas këtij bashkimi?

Salihaj: Dëshiroj t’ju informoj se ne kemi zhvilluar kontakte dhe takime të shumta edhe në nivel qendror dhe në nivel të degës dhe e kemi rrumbullakuar këtë proces me një marrëveshje të shkruar, në të cilën janë 15 pika dhe çdo gjë është e definuar qartë. Nuk ka asnjë lloj mospajtimi apo mosmarrëveshje. Degët, përkatësisht Kryesitë e dy degëve do t’i konsiderojnë anëtarë të gjithë ata që në atë moment janë bashkuar, do të thotë që në atë moment janë anëtarë të kryesive të degëve. Përafërsisht do të jenë rreth 35 anëtarë të Kryesisë së Degës së LDK-së nga dy kryesitë dhe deri në zgjedhje, Kryesia do të funksionojë me katër bashkëkryesues të cilët me radhë do ta udhëheqin Kryesinë e Degës nga një muaj, në formë të rotacionit. Çdo gjë është shumë e definuar, nuk kemi asnjë lloj mospajtimi apo mosmarrëveshje dhe unë mendoj që ne jemi në një rrugë të mirë të rikonsolidimit të Degës së LDK-së në Ferizaj.

[Kosovelli]

Vazhdon shkatrrimi:
Hajdaraj kalon në AAK

Ish-zyrtari i LDD’së, Tomë Hajdaraj kaloi në partinë e Ramush Haradinajt. Aty, ai mori postin e anëtarit të Kryesisë.


Nga Faton Ismajli më 14.06.2010 në ora 17:52

Ish-zyrtari i Lidhjes Demokratike të Dardanisë, Tomë Hajdaraj, të hënën, është bërë pjesë e partisë së Ramush Haradinajt dhe menjëherë është shpërblyer me postin e anëtarit të Kryesisë së AAK’së.

Në një konferencë për media, Hajdaraj së bashku me Liderin e AAK’së dhe Nënkryetarin e Parë Blerim Shala, ka sqaruar vendimin për ndërrimin e partisë.

“Ka qenë në pyetje “koncepti rugovist” dhe kemi parë se aty (në LDD) nuk implementohet ky koncept. Këtu gjej “konceptin rugovist”, djathtist dhe konceptin e bashkimin e forcave progresiste me në krye Kryeministrin Ramush Haradinaj”, ka thënë Hajdaraj.

“Nuk kam ardhur nga kërkuhi, por kam ardhur nga dikuhi në një vend ku mendoj se do ta gjej veten”, ka shtuar ai.

Ramush Haradinaj, ndërkaq, ka folur fjalë të mira për anëtarin e ri të AAK’së, për të cilin ka thënë se është një profesionist i dëshmuar në fushën e bujqësisë.

“I premtuam se do të jemi kolegë të mirë”, ka thënë Haradinaj.

Haradinaj ka përsëritur se AAK’ja ka vazhduar me punë në këto tri vite, duke u reformuar me njerëz të rinj të profileve të ndryshme. Lideri i AAK’së ka folur edhe për hetimet e EULEX’it dhe ka kërkuar luftimin e korrupsionit deri në fund. Ai ka thënë se nuk kanë asnjë informatë zyrtare se ndonjë zyrtar i partisë së tij po hetohet nga drejtësia.

“Nuk kemi informatë se dikush nga Aleanca, e ndonjë niveli të caktuar, është nën hetime. Pozicioni ynë është i hapur për hetime në të gjitha etapat e zhvillimit të vendit dhe për të gjithë njerëzit”, ka thënë Haradinaj.

[projekti21_dk]

Krejt kundër LDD-së

Numri i anëtarëve të Lidhjes Demokratike të Dardanisë që punojnë nëpër institucione qendrore dhe lokale po rrudhen çdo ditë. Ata që u rezistojnë presioneve largohen, derisa të tjerët detyrohen të ndërrojnë parti. “Do vish në partinë time, apo nuk do të jesh më në punë”, kjo është strategjia që sipas anëtares së LDD-së, Besa Gaxherri, po ndjekin partitë më të mëdha ndaj këtij subjekti.

Presionet më të mëdha, sipas saj, vijnë nga Lidhja Demokratike e Kosovës, e pasuar nga Partia Demokratike e Kosovës. Qëllimi, sipas saj, është i qartë. “Çdo lloj shantazhi bëhet ndaj LDD-së që ta shkatërrojnë këtë subjekt politik”, shton ajo.

Numri i atyre që janë larguar nga administrata qendrore dhe lokale, sipas Gaxherrit, është mbi 79. Rasti më i freskët është në Komunën e Prishtinës, në Ministrinë e Shërbimeve Publike dhe në Komunën e Vitisë.

Sabile Pllana, para dy viteve, ishte suspenduar nga kryetari Isa Mustafa. Pas ankesës që kishte bërë në Këshillin e Pavarur Mbikëqyrës të Kosovës, ajo kishte fituar të drejtën që të kthehet sërish në punë. “Obligohet kryetari i Komunës që në afat prej 15 ditësh nga disa e pranimit (07. 07. 2009) të këtij vendimi ta kthejnë ankuesen në vendin e punës”, kështu thuhet në vendimin e Këshillit të Pavarur Mbikëqyrës.

Megjithëkëtë, kryetari Isa Mustafa nuk ka respektuar këtë vendim dhe e ka dërguar këtë çështje në Gjykatën Supreme të Kosovës. Ajo pritet të vendosë për fatin e Pllanës dhe shumë punëtorëve të tjerë.

Por, nuk është vetëm Mustafa që nuk ka respektuar vendimin KPMK-së. Edhe Ministria e Shërbimeve Publike në kohën kur ishte Melihate Tërmkolli ministre ka suspenduar nga puna punëtoren Jeta Rafuna. Edhe në këtë rast, KPMK-ja ka kërkuar që ajo të kthehet në vendin e saj të punës, por as në këtë rast nuk ka ndodhur.

Edhe në Komunën e Vitisë, e udhëhequr nga Partia Demokratike e Kosovës, është larguar një punonjëse e Komunës. Edhe në rastin e Zymrije Salihut, KPMK-ja ka marrë vendim për rikthimin e saj në vendin e punës, por as në Viti kjo nuk kishte ndodhur.

“Nuk po ndodh prej dje ose sot, por po ndodh tri vjet me radhë. Prandaj, LDD’ja nuk është në një situatë të lehtë, sepse partitë e tjera në pushtet bëjnë edhe këso lloj shantazhesh, edhe këso lloj përjashtimesh. Kjo është e papranueshme”, shton Gaxherri.

Për këto diferencime, ajo akuzon LDK-në dhe PDK-në. Në LDD tashmë kanë filluar të mbajnë shënime për njerëzit që po largohen nga puna, sipas tyre, për motive politike.

“Unë ju garantoj që numri është me i madh se 79 persona. Në radhë të parë, para tri vjetëve kur jemi shkëputur nga LDK-ja, kanë reaguar me krejt forcat dhe ku kanë mundur, i kanë larguar aktivistët tanë. Tash po bëjnë edhe përjashtime edhe shantazh”, thekson ajo.

Astrit Haraçija nga Lidhja Demokratike e Kosovës përjashton raste të tilla. Por, pranon se edhe brenda LDK-së mund të ketë njerëz që bëjnë diçka të tillë. “Nuk ka mal pa thi”, thotë shkurt Haraçija.

Por, ai thotë se këto dy subjekte politike në vend se të përçahen, është mirë të bashkohen.

“Ne i llogarisim njerëzit e LDD-së si të jenë të LDK-së dhe pres që shumë shpejt ata t’i bashkohen LDK-së. Kur kemi mundur të bëjmë koalicion me AAK-në dhe PDK-në, qysh mos të bëjmë ne me shpinë tonë. Janë pjesë e shpisë sonë. Sa më shpejt të bashkohemi që mos të lëmë të na shfrytëzojnë as PDK’ja, e as AAK-ja”, thotë ai.

Edhe Blerand Stavileci, zëdhënës i Partisë Demokratike të Kosovës, thotë se akuzat e LDD-së janë arsyetime për dështimet dhe rënien e tyre politike.

“Përkundrazi, PDK’ja edhe në nivelin qendror edhe në nivelin lokal në komunat që qeveris, për herë të parë në Kosovë e kanë dhënë provimin e korrektësisë. Asnjëherë nuk ka pasur përzierje në administratë përkatëse. Siç janë aplikuar praktikat në të kaluarën, kur njerëzit kanë pësuar për shkak të përkatësisë politike”, vlerëson ai.

Ndërsa, Ernest Luma, zëdhënës i AAK-së, thekson se kjo parti ka mirëkuptim për të gjithë nëpunësit që janë të angazhuar në pushtetin lokal, pavarësisht ngjyrave dhe dallimeve partiake.

“Me këtë rast, nuk është faj i AAK-së, fakti që njerëzit e Lidhjes Demokratike të Dardanisë gjithnjë e më shumë po e gjejnë veten te koncepti politik i AAK-së”, shton ai.

Të hënën, në një intervistë për Express, lideri i LDD-së, Nexhat Daci ka kritikuar ashpër presidentin Fatmir Sejdiu, kryetarin e AAK’së, Ramush Haradinaj dhe kryetari i Prishtinës, Isa Mustafa, se kanë vendosur ta copëtojnë LDD-në.

“Mendoj se është një turp i madh i këtyre partive që po mundohen ta shfrytëzojnë mungesën e ligjshmërisë në vend për t’i trafikuar mandatet. Ata, në veçanti, u janë gjuajtur deputetëve të partive që nuk kanë shërbime informative apo ushtarake të veta”, ka deklaruar Daci.

Ai, më pas, ka sjellë shembuj konkretë. “Presidenti i Kosovës, i cili mban funksionin e ngrirë të Kryetarit të LDK’së, po i thërret në konsulta sekrete në Presidencë deputetët e LDD’së dhe AKR’së, sepse deputetët e partive të tjera nuk ka kurajo”, ka deklaruar Daci.
Ngjashëm si Sejdiu, sipas Dacit, po vepron edhe kryetari i Prishtinës, Isa Mustafa, i cili thuhet se u është afruar disa deputetëve të LDD’së me ofertën që të kalojnë në partinë e tij, LDK. “Nuk do të kisha dashur të merrem (me Isa Mustafën). Por ka faktografi të gjallë. Është shumë e vërtetë që është marrë me këto gjëra”, ka deklaruar Nexhat Daci.

Çka është Këshilli i Pavarur Mbikëqyrës i Kosovës
Këshilli i Pavarur Mbikëqyrës i Kosovës (KPMK) është i paraparë në aktin më të lartë Juridik të Republikës së Kosovës, konkretisht me nenin 101.2 të Kushtetutës së Republikës së Kosovës, i cili përcakton “Një Këshill i Pavarur Mbikëqyrës për shërbimin civil, siguron respektimin e rregullave dhe parimeve që rregullojnë shërbimin civil dhe i cili pasqyron diversitetin e popullit të Republikës së Kosovës”.

Kosovelli kam një pyetje të sinqertë. (Luteni të mos e merrni si provokim këtë, por siqerisht nuk po dua të besoj se është kjo e vërtetë)
A është e vërtetë kjo që për shkak të përkatësisë partiake mund të mbesësh pa punë në Kosovë?
Nëse është kështu qenka turpi i botës!! Qenkemi i vetmi shembull në botën e civilizuar.

[Arberl]

Kosovelli kam një pyetje të sinqertë. (Luteni të mos e merrni si provokim këtë, por siqerisht nuk po dua të besoj se është kjo e vërtetë)
A është e vërtetë kjo që për shkak të përkatësisë partiake mund të mbesësh pa punë në Kosovë?
Nëse është kështu qenka turpi i botës!! Qenkemi i vetmi shembull në botën e civilizuar.

Pershendetje, vetem deshta te te pergjigjem ne pyetjen tende, pergjigja eshte PO dhe nje PO E MADHE. per shkak te perkatesise partiake mund te mbetesh pa pune, gjithashtu po nuk je i angazhuar ne ndonje parti politike mbetesh pa pune, rendesi ka qe cila parti eshte ne pushtet qe qeverise dmth.

Une njoh shume raste ku nuk jane te angazhuar askund, ne ndonje subjekt politike dhe jane te pa pune ose ose prej atyre qe bejne pune jasht profesionit, psh jane me fakultet dhe master dhe punojne psh ne supermarket si shites apo ndonje pune qe ska te beje fare me profesion (familja duhet mbajtur disi) ose menyra e vetme e punesimit hapja e ndonje bisnesi privat ne qoft se ke pare .
Kurse njoh raste tjera qe jane te angazhuar ne parti politike dhe jane te punesuar ne institucione kosovare, madje madje kane ka dy puna dhe plus angazhime tjera , aktivitete tjera si te partise etj, plus ka prej tyre qe nderrojne punet si te ju pelqej, aty ku ka pare me shume me rendesi eshte te jesh ne partin qe qeverise se punet mire i ke.
Punesimi ne Kosove nuk shkone ne baze te meritave dhe kualifikimit.

[projekti21_dk]

Pershendetje, vetem deshta te te pergjigjem ne pyetjen tende, pergjigja eshte PO dhe nje PO E MADHE. per shkak te perkatesise partiake mund te mbetesh pa pune, gjithashtu po nuk je i angazhuar ne ndonje parti politike mbetesh pa pune, rendesi ka qe cila parti eshte ne pushtet qe qeverise dmth.

Une njoh shume raste ku nuk jane te angazhuar askund, ne ndonje subjekt politike dhe jane te pa pune ose ose prej atyre qe bejne pune jasht profesionit, psh jane me fakultet dhe master dhe punojne psh ne supermarket si shites apo ndonje pune qe ska te beje fare me profesion (familja duhet mbajtur disi) ose menyra e vetme e punesimit hapja e ndonje bisnesi privat ne qoft se ke pare .
Kurse njoh raste tjera qe jane te angazhuar ne parti politike dhe jane te punesuar ne institucione kosovare, madje madje kane ka dy puna dhe plus angazhime tjera , aktivitete tjera si te partise etj, plus ka prej tyre qe nderrojne punet si te ju pelqej, aty ku ka pare me shume me rendesi eshte te jesh ne partin qe qeverise se punet mire i ke.
Punesimi ne Kosove nuk shkone ne baze te meritave dhe kualifikimit.

Më tmerrove o Arbër me këtë përgjigje! Kjo është një politikë e dështuar. Në vend se "të mëdhenjtë" të mbledhin rreth vetes njerëz ekpert ( unë kështu pë e kuptoj ) ata përkundrazi heqin ekspert ( se nuk u përkasin paritisë së tij ) dhe fusin çoban ( më falni për këtë fjalë të padenjë që përdore, por kështu po e kuptoj ). Pse ta zëmë Amerika dhe shumë shtete tjera janë të forta, po këtu bën pjesë edhe Danimarka, sepse jo vetëm nga vendi i vet por paguajnë edhe nga bota njerëz të aftë. Me eksperta shkohet përpara!

Megjithëkëtë Arbër as ty nuk po dua të të besoj. Nuk besoj se kemi këso klase poltike kaq të ulët!

Zoti na ndihmoftë.

[Kosovelli]

Kosovelli kam një pyetje të sinqertë. (Luteni të mos e merrni si provokim këtë, por siqerisht nuk po dua të besoj se është kjo e vërtetë)
A është e vërtetë kjo që për shkak të përkatësisë partiake mund të mbesësh pa punë në Kosovë?
Nëse është kështu qenka turpi i botës!! Qenkemi i vetmi shembull në botën e civilizuar.

Sinqerisht po te pergjigjem , aty ku punoj une nuk ka kurfar dalimesh as partiake , fetare apo nacinale. As kush nuk eshte largue prej puen pasi eshte i ndonje partie qe nuk eshte ne pushte apo as nje nuk eshte ule nga pozita.
Nuk kam degjue se dikun eshte largue ndonje puntore per qellime partijake, por largime dhe suspendime nga puna ka dhe do te kete per derisa thehen rregullat e punes apo sabotimi dhe varet prej njerzve pastaj si duan ti shfrytzojn per qellime partijake, Ata pastaj disi duhet te arsyetohen para opinjonit por edhe para familjes se vete se diqka ka ndodhe...
Normal gjithkush kure eshte ne pushtet i mban afer njerzit e vete te besueshe dhe me ekspertet e mundeshem, sepse ka deshire te kete sukses.
Po tash pse i eshte largue qypi i mijalit Adem Salihut. Tom Hajdarit apo Berim Ramoses nuk do te thot se u ba nami.

[Kosovelli]

Koment i hapur!

Shumë i nderuari ???,

me sa di unë ju keni kërkuar të antarësoheni në LD e Gjermanisë!
Me komentet tuaja jeni bërë një kujdestar i çuditshëm që dorën në
zemër shpesh nuk po mund të ju kuptoj se kah po ju rrahë zemra!
Nganjëherë dalin komente përkrahëse e saora ndërroni mendim dhe
me një shqelmë i rrëzoni shtamat e mbushura dhe ndërroni fjalët
dhe çëndrimet! Ju i nderuar me disa tjerë në Prishtinë me sa di unë
u gëzuat me largimin tonë nga LDD-ja, sikur ua kishim zënë rrugën
planeve tuaja dhe të shefit tuaj dhe qemë bërë pengesë kokëdhimbëse
dhe kokëçarëse për Klanin Daci dhe CO. Do ishte mirë që ju tani të
festoni, gëzoni dhe uroni njëri tjetrin, por, neve i nderuar dhe të nderuar
të na lini rehat në Rrugën tonë të filluar! Ne po kthehemi aty
ku ishim dhe e kemi vendin e që doren në zemër gabimisht u larguam
duke menduar të mbronim një dhe disa të diferencuar, duke e nxjerrë
nga Aktakuza dhe duke rehabilituar Njeriun që u kthye në diferencues
dhe bukëpërmbysës e përbuzës (bukëshkalë thonë kah jugu). Ne as
kemi sha e as shajmë askënd ngase nuk është në moralin dhe traditën
tonë. Thjeshtë, neve mundohemi ta ndajmë shapin nga sheqeri i nderuar.
Ju ja pafshi hajrin Shefit tuaj, ishalla ju qon drejt e në marrje Pushteti
por me këtë hënë nuk e beson askush e qebesa as ju vetë dhe shefi juaj.
Mos na tërhiqni për gjuhe i nderuar miku im se edhe ne kemi materiale
të bollshme, shkaku i të cilave u larguam nga LDD-ja e
privatizuar me "Spinoff special" nga Daci dhe Co (jo të gjithë, se ka
shumë të ndershëm që për momentin janë aty). Komentet që ju bëni
i nderuar nuk e di a janë tuajat personale apo të LDD-Bruxell, Belgjikë e
Beneluks, ngase sa unë e njoh Bahtirin, nuk është në stilin e tij kjo
mjegullnajë që ju po krijoni. Sa për LDK-në e privatizuar siç ju thoni nga
H. Thaçi, i nderuar, po tju merrte PDK-ja në një Koalicion të mundshëm
ju me dhurata të majme do ju hynit në gushë, bile edhe pa kushte tjera
përveq atyre personale të Shefit tuaj. Fundja ai disa herë edhe ka kërkuar,
por nuk ishte Faktor me rëndësi për një gjë të tillë! I nderuar,
ofendimet tuaja ne deri tani i kemi toleruar për hirë të së ardhmes e jo
të kaluarës, andaj nderone pak vetveten se çdo vjellje në një formë
quhet jashtëçitje i nderuar, e madhe apo e vogël. Nderi vlenë për
secilin prej nesh! Ata që Shefi juaj i largoj njëanshëm dhe në formën
më staliniste të mundur (Zotrinjtë: Gagica, Salihaj e Hajdaraj) duket se
tani me nderin dhe respektin që gëzojnë në opinionin e gjërë Rugovjanë,
janë bërë halë e re në syrin e Shefit tuaj, por Epoka e ëndërruar e tij
mbaroi i nderuar miku im! Procesi i filluar nga ne i Ribashkimit Rugovjan
në një LDK të fuçishme po ecë për mrekulli (shih bashkimet e fundit me
Degë e nëndegë komplet), kjo na gëzon neve e do duhej të
ju gëzonte edhe juve nëse ndjeheni Rugovjanë, por, si duket ju
dëshironi një Identitet të ri - Dacjanë, gjë që neve nuk na pengon fare
ngase tashmë LDD-ja për ne LD Gjermani është subjekt politik jo
i joni por thjeshtë konkurues dhe "kojshi". Rruga e mbarë juve dhe
edhe më e mbarë neve në misionin tonë!

Vëllëzërisht: Mentor Thaqi (LD Gjermani dhe personalisht)

[Guri i Kuq]

Sabri Morina, anëtar i kryesisë së LDD-së kthehet në LDK

Morina po ashtu e ka njohur me një deklaratë edhe Kryesinë e LDD-së për dorëheqjen e parevokueshme.

Anëtari i deritashëm i Kryesisë së LDD-së, Sabri Morina ka bërë të ditur nëpërmjet një deklarate për opinion se ka dhënë dorëheqje nga kryesia Qendrore e LDD-së, përcjellë njoftimin zëdhënësi i LDK-së, Vehbi Miftari.

“Ndërsa arsyet për marrjen e këtij vendimi janë, se LDD dhe LDK në komunën e Kamenicës janë në koalicion, dhe kanë filluar të bashkëveprojnë mjaft mirë. Mendoj se, është e nevojshme që të bëhet një konsolidim i gjithmbarshëm politik, në rend të parë të elektoratit dhe të simpatizantëve rugovist, i cili tash më nuk duron asnjë ndarje, por kërkon vetëm bashkim. Këtij zëri edhe po i përgjigjem”, thuhet ne deklaratën për opinion të Sabri Morinës, ish anëtar i Kryesisë qendrore të LDD-së.

Morina po ashtu e ka njohur me një deklaratë edhe Kryesinë e LDD-së për dorëheqjen e parevokueshme. “Ju njoftoj se, që nga sot (e hënë, 14 qershor 2010) kam vendosur që të jap dorëheqje nga të gjitha funksionet në Lidhjen Demokratike të Dardanisë. Gjithashtu, dorëheqje jap edhe nga anëtarësia e LDD-së. Dorëheqja ime është e parevokueshme. Konsideroj se, ky vendim i imi politik nuk duhet të reflektojë në marrëdhëniet e mira në jetën private”, thuhet në tekstin e deklaratës së dorëheqjes. /bs

[Kosovelli]

Vazhdon shkatrrimi :

LDK- ja është duke shkuar në humnerë së bashku me LDD - në!!!

“Po shpresojmë se më në fund janë mbushur mend dhe po bahen ndryshime rrënjësore në LDK. Me politikën e tanishme, LDK- ja po rrëshqet në humnerë së bashku me LDD- në”, tha anëtari i Kryesisë se LDK-se, z. Ali Lajçi

LDK-ja ka mbledhja e Këshillit të Përgjithshëmvendosur të nisë procesin e brendshëm zgjedhor. Hapi i parë në këtë drejtim është mbledhja e Këshillit të Përgjithshëm. 29.04.2010 Lidhja Demokratike e Kosovës ka vendosur që të mbledhë Këshillin e Përgjithshëm dhe të vendosë për mbajtjen e zgjedhjeve të brendshme, ku do të përcaktohen për udhëheqjen e re.

Në mbledhjen e Kryesisë, e cila është mbajtur të mërkurën, është vendosur që në mes të muajit maj të mblidhet Këshilli i Përgjithshëm, organ ky që mund të shpallë zgjedhjet e brendshme.

Nënkryetari i Parë i LDK -së, Eqrem Kryeziu ka konfirmuar se janë marrë vesh që të mbledhin Këshillin Kombëtar për të vendosur deri në vjeshtë për mbajtjen e zgjedhjeve të përgjithshme në parti.

“Nuk kemi folur me emra, pasi Këshilli i Përgjithshëm do të merret me të gjitha. Në agjendë duhet të ishte shpallja e zgjedhjeve të përgjithshme në LDK”, ka konfirmuar Kryeziu.

LDK- ja as në këtë mbledhje nuk ka vendosur për emrat e zëvendësministrave në Qeverinë e Kosovës.

Ndryshe, anëtari i Kryesisë, Ali Lajçi thotë se LDK- ja është duke shkuar në humnerë.

“Po shpresojmë se më në fund janë mbushur mend dhe po bahen ndryshime rrënjësore në LDK. Me politikën e tanishme, LDK- ja po rrëshqet në humnerë së bashku me LDD - në”, ka konstatuar Lajçi.

[Kosovelli]

Vazhdon shkatrrimi :

LDD: Hajdaraj dhe Salihaj “mall i skaduar”

Prishtinë. Njerëzit që po e lënë Lidhjen Demokratike të Dardanisë dhe po u bashkohen partive tjera përbëjnë “mallra që u ka skaduar afati”, dhe që janë konsumuar politikisht, kanë vlerësuar të martën zyrtarët e LDD-së.

Duke iu përgjigjur largimeve të fundit të ish-zyrtarëve të lartë të kësaj partie, Adem Salihaj që tashmë ka shkuar në LDK dhe Tomë Hajdaraj, që është bërë pjesë e AAK-së, nënkryetari i LDD-së, Naser Rugova, ka thënë se këta dy persona duhet t’i bëjnë një
rentgen vetvetes dhe të rikujtojnë deklaratat e tyre të dhëna kohë më parë për partitë që tashmë i kanë përqafuar.

“LDD-ja vazhdon rrugën e konsolidimit, zhvillimit, profilizimit. Ne jemi duke punuar shumë seriozisht që në zgjedhjet e ardhshme të dalim me një ofertë shumë pragmatike për qytetarët e Kosovës, e cila do të jetë alternativa e vetme që do ta shpëtojë popullin dhe qytetarin e Kosovës nga ky qorrsokak që e ka futur koalicioni qeverisës”, është shprehur Rugova, të martën gjatë një konferencë me gazetarë.