Ok, një vit e gjysëm nuk është pak për ta njohur tjetrin. Me këtë dua të them, që pak a shumë ti duhet ta njohësh tipin e shokut tënd për të "përcaktuar" nqs "ftohja" e tij ka të bëjë me ndjenjat apo thjesht me faktin që nuk implikohet shumë emocionalisht në një lidhje.
Unë do të të sugjeroja të flisje hapur me të, aq më tepër nqs vini nga një ndarje e shkurtër. Duhet të qartësoni veten të dy, përse u kthyet bashkë dhe sa e fortë është tashmë ajo "Ne".
Unë kam pasur një tip të ngjashëm me tipin tënd. Lidhja ime e parë, ishte dhe "dashuria" ime e parë. Ashtu si ti, ishim edhe ne bashkëmoshatarë. Isha kaq e thekur për të, ai gjithashtu, dhe isha e lumtur si një vogëlushe e vogël, së cilës çdo ditë i bëjnë nga një dhuratë të hatshme, të veçantë nga hera e parë, që e mrekullon pa masë. Ai dinte të më magjepste natyrisht, edhe pse në retrospektivë mendoj se ishin thjesht efekte të moshës së pubertetit,amplifikime të adoleshencës, ku çdo gjë përjetohet fuqishëm e lë gjurmë. Romaticizmi im i at'hershëm e ngriti atë mbi një piedestal dhe e idealizoi, duke bërë kështu që unë të "dashurohesha" me atë që vetprojektova në idetë e mia, dhe jo me atë që ai ishte. E kisha të pamundur të mos e mendoja në çdo sekondë dhe në çdo vend, ti lexoja nga 500 herë msg që më dërgonte, të riprodhoja në mendjen time bisedat tona, buzëqeshjen dhe gjestet e tij. Më vinte inat kur nuk gjente kohën të takoheshim, kur nuk më kthente msg ose kur kalonte dita pa folur në tel. E kështu, ngaqë u bëra shumë penetrante, lidhja jonë 5 mujore shkoi drejt greminës. Edhe pse e provuam prapë pas tre muajsh të krijonim një "NE", përpjekja dështoi pas javës së dytë. Të shkrujata përvojën time për të të thënë që:
1. Pas kaq vitesh, pasi u maturova dhe nuk ha më çdo gjë që fluturon, gjykoj se, duhet të jesh me këmbë në tokë, mos të ëndërrosh shumë e as imagjinosh shumë. Ashtu si, duhet ta lësh atë të të dojë në mënyrën e tij dhe jo ashtu si ti do.
2. Një lidhje është një marrëdhënie mes dy individëve. Kontributi i secilit duhet të jetë afërsisht i njëjtë. Është si një biznes i vogël, ku duhet të jesh i zgjuar e të investosh nga pak çdo ditë. Investimi i gjithë kapitalit për një herë, mund të të çojë në falimentim.
Por sado që historitë e secilit prej nesh mund të jenë të ngjashme në thelb, jemi ne të ndryshëm. Ndaj askush, përveç teje mund ta vlerësojë këtë fazë që po kaloni. Mos harro sprovat e forcojnë një lidhje
Përgjigju Duke Cituar
Postuar më parë nga angelina o2
...mu duk sikur dikush tj po tregon per mua...ne te dyja nuk njihemi apo jo :P lol...
shume shume e bukur......thnx
Krijoni Kontakt