KE: Opozita te hyje ne kuvend, ligji i zgjedhjeve te permiresohet

[juanito02]

U kujtua Be me ne fund qe ti sugjeroje qeverise shqiptare te hetohen zgjedhjet e 28 Qershorit. Me mire vone se kurre gjithsesi

Raporti, KE: Të hetohen zgjedhjet, opozita në kuvend

STRAZBURG- Në raportin e tij më të fundit KE i bën apel opozitës dhe qeverisë shqiptare për të gjetur gjuhën e dialogut, me qëllim daljen nga kriza politike që ka pllakosur vendin. Në raportin që do të diskutohet më 28 janar ora 15.00 në Asamblenë Parlamentare në Këshillin e Evropës në Strasburg i kërkohet qeverisë të ngrejë një komision hetimor për zbardhjen e zgjedhjeve të 28 qershorit, ndërsa opozitës i bëhet thirrje të kthehet në Parlament, nga ku së bashku me maxhorancën të punojnë për realizimin e reformave të rëndësishme.

Në raportin e plotë që ka siguruar News 24 theksohet se ngritja e komisionit hetimor duhet të jetë e menjëhershme, gjithashtu kërkohet përmirësimi i kuadrit ligjor.
“Autoritetet shqiptare duhet të përmirësojnë kuadrin ligjor zgjedhor, në bashkëpunim të ngushtë me Komisionin e Venecias”, theksohet në raport.

Ky komision i kërkon presidentit të Republikës, Bamir Topi të luajë rolin e ndërmjetësit, në gjetjen e një konsensusi për t’i dhënë fund bojkotit të opozitës, si dhe për ndreqjen e problemeve të zgjedhjeve të shkuara.

Draftrezulta e hartuar nga bashkëraportuesit, Jako Lakso, David Uilshire, përmban dhjetë pika. Në të parën thuhet se kriza politike dhe institucionale që pas zgjedhjeve të 28 qershorit me bojktorin e Partisë Socialiste ka paralizuar vazhdimësinë e reformave në vend. Kjo situatë dëmton interesat e shqiptarëve dhe ambiciet integruese europiane.
2. Asamblja konstaton se ky bojktot ka dëmtuar edhe marrëdhëniet e Shqipëirsë me Asamblenë. Nuk është formuar ende një delegacion i ri shqiptar për Asamblenë e KE për shkak pasi anëtarët e vjetër të opozitës nuk mund të marrin pjesë në aktivitetet e Asamblesë.

[REALIST]

JUANITO pse ende po ushqehesh dhe genjehesh me genjeshtra te gatuara ne mediume te dyshimta qe jane ne sherbim te verber te Edvin Ramjes?
Edhe sikur te kerkonte BE te hetohen zgjedhjet kjo do te ishte plotesisht ne rregull. Zgjedhjet mund te hetohen, por jo rrugeve ashtu sic po kerkon Edvin Rama.
Zgjedhjet mund te hetohen nga nje komision i formuar ne kuvend, e jo neper rruge. Edvin Ramja Kete oferte e ka nga qeveria Berisha por Edvin Ramja nuk po e pranon.
Zgjedhjet mund te hetohen nga prokuroria, mirepo Edvin Ramja nuk po dergon padi apo akuze ne prokurori por prap kerkon qe rrugeve te perjarget me kerkesat e tij prej psikopati.

[REALIST]

Bojkoti parlamentar i Partisë Socialiste dëmton jo vetëm popullin shqiptar por edhe vetë aspiratat e vendit për integrimin europian. Kjo është kryefjala e projektrezolutes së grupit monitorues të Këshillit të Europës për angazhimet dhe detyrimet demokratike të vendeve anëtare. Në projeketrezolutën e përpiluar nga Z Jaakko Laakso dhe David Uilshire i bëhet thirrje qeverisë që të ngrejë një komision parlamentar që të hetojë zgjedhjet e 28 qershorit të vitit të kaluar dhe opozitës qe të kthehet në parlament dhe të bashkëpunojë plotësisht në këtë komision.
Ky bojkot dhe mungesa e dialogut vëren ekipi monitorues i Këshillit të Europës dëmton funksionimin e institucioneve demokratike.
Këshilli i Europës thekson edhe njëherë se dialogu politik duhet të kryhet në parlament e jo në rrugë.
Në raport thuhet gjithashtu se Bojkoti i Opozitës ka dëmtuar marrëdhëniet e Shqipërisë me Asamblenë Parlamentare të Këshillit të Europës.
Ky organ i rëndësishëm i bllokut 27 anëtarësh këshillon që të gjitha palët të heqin dorë nga retorika nxitëse sepse ajo mund të destabilizojë vendin.
Po kështu, thuhet se është e rëndësishme që të theksohet fakti se deputetët duhet të zënë vendet e tyre në kuvend brenda 6 muajsh, siç parashikon Kushtetuta. Në këto kushte, Asambleja e Këshillit të Europës angazhohet të japë ndihmën e saj në përmirësimin e klimës politike në Shqipëri dhe vendosjen e themeleve të një dialogu politik.
Projektrezoluta do të votohet në Asamblenë e Këshillit të Europës në seancën e 28 janarit.
klan

[Albo]

Ustallaret e Balkanweb mund ti "llustrojne" lajmet sipas qejfit, por keto llustrime nuk e kane vendin ne Forumin Shqiptar. Raporti i KE ne asnje vend nuk ben fjale per hetimin e zgjedhjeve, por ben fjale per hyrjen e opozites ne kuvend dhe permiresimin e kodit zgjedhor ne menyre qe te mos kete probleme te tilla ne zgjedhjet e ardhshme.

Albo

[Duaje Siveten]

rendesi ka e verteta, dhe ajo nuk mund te hetohet si e do njeri apo tjetri ...

hapja e kutive zbulon te verteten ... te tjerat jane llafe, broçkulla, mashtrime, spekullime ...

[Albo]

rendesi ka e verteta, dhe ajo nuk mund te hetohet si e do njeri apo tjetri ....

Ne demokraci nuk eshte e rendesishme "hapja e kutive", sa here qe i teket nje politikani, kushdo qofte ai, por RESPEKTIMI I LIGJEVE TE ATIJ VENDI.

- Zgjedhjet u bene e u menaxhuan nga KQZ.
- Komisionuaret certifikuan voten.
- Partite dhe kandidatet paten mundesine qe te ankohen ne KQZ dhe kolegjin zgjedhor.
- KQZ shpalli rezultatin e certifikuar.

U mbyll kapitulli i zgjedhjeve te 28 dhjetorit e boll cuditet boten me injorancen tuaj. Nese jeni vertet kaq te interesuar per te mbrojtur demokracine e voten e shqiptareve, hyni ne kuvend ku e kini vendin e punoni per te permiresuar ligjin qe zgjedhjet e ardhshme te jene akoma me te mira se ato te 28 qershorit. Berisha u la ta shkruanit vete Kodin Zgjedhor te zgjedhjeve te 28 qershorit, e nuk besoj se do t'ua mohoje kete mundesi edhe ne te ardhmen.

Dhe mesoni te pranoni humbjen e te mos sulmoni si cakenj institucionet e shtetit.

Albo

[juanito02]

Ketu eshte fjala per te zgjidhur krizen politike ne Shqiperi dhe ai qe ka gjetur ballkanweb eshte nje draft qe do diskutohet se afermi ne BE.
Ska asgje te keqe qe te behet transparenca e e zgjedhjeve qofte edhe pse djeg ndokend.

[davidd]

KE, draft rezolutë për Shqipërinë: Komision për hetimin e zgjedhjeve

Këshilli i Europës i bën apel qeverisë dhe opozitës të nisin dialogun për zgjidhjen e krizës politike, kthimin e opozitës në Kuvend dhe kërkon ngritjen e një komisioni hetimor për zgjedhjet e 28 qershorit.

Mesazhi jepet në raportin e fundit që Komisioni për Respektimin e detyrimeve dhe angazhimeve nga vendet anëtare të Këshillit të Evropës ka publikuar për funksionimin e institucioneve demokratike në Shqipëri.

Raporti pritet të diskutohet më 28 janar ora 15.00 në Asamblenë Parlamentare në Këshillin e Evropës në Strasburg, ndërkohë që pjesë e këtij komisioni raportuesish janë Jako Laakso nga Finlanda, Grupi i majtë i evropianëve të Bashkuar, dhe David Wilshire nga Mbretëria e Bashkuar, Grupi Demokratik Evropian.

Sipas raportit, opozita duhet të kthehet në Kuvend dhe të marrë përgjegjësitë e saj për zhvillimin e reformave në vend.

KE i drejtohet me një apel edhe kreut të shtetit, Bamir Topi, duke theksuar se ai duhet të ndërmjetësojë për zgjidhjen e krizës politike.


Draft rezoluta
Në pikën e parë të Draft Rezolutës disaprovohet kriza politike dhe institucionale që është në vend, ku PS ka bojkotuar Parlamentin dhe konteston legjitimitetin e qeverisë së drejtuar nga Partia Demokratike. "Në një Parlament ku mazhoranca qeverisëse nuk ka 3/5 (tre të pestat) e votave të duhura për të kaluar reformat kryesore kushtetuese, ky bojkot bën që reformat më shumë të nevojshme të jenë të pamundura. Kjo situatë dëmton popullin shqiptar dhe ambiciet e tyre të integrimit evropian"- thuhet në rezolutë.
Sipas saj, mungesa e dialogut parlamentar dhe rekursi tek bojkoti, në mënyrë të veçantë pas rezultateve të zgjedhjeve, përbën një problem të ripërsëritur në Shqipëri, që seriozisht pengon funksionimin e institucioneve demokratike të shtetit.

Në kushtet e mungesës së dialogut, Asambleja konstaton se kjo situatë mund të destabilizojë vendin.

Duke u ndalur në aplikimin për statusin e vendit kandidat, Asambleja vlerëson se në situatën aktuale, progresi i vendit drejt integrimit evropian është bllokuar. "Është domethënëse që Shqipëria, jo si tre vendet e saj fqinje, nuk është kualifikuar ende në liberalizimin e vizave nga Këshilli i Bashkimit Europian"- thuhet në të. .

Asambleja shpreh gatishmërinë e saj për të ofruar një ndihmë për të arritur zgjidhjen në Shqipëri dhe të punojnë në bashkëpunim të ngushtë me organizata të tjera ndërkombëtare, në kërkim të një zgjidhjeje të krizës politike. Për këtë, ajo mbështet gjitha përpjekjet, përfshirë ato të ndërmarra nga Presidenti shqiptar Bamir Topi, për të mbledhur së bashku partitë politike evropiane. Në këtë këndvështrim, konsideron se një tavolinë e rrumbullakët, ku të marrin pjesë të gjitha partitë politike për të vendosur bazat për të rivendosur dialogun parlamentar.

"Asambleja i kërkon qeverisë shqiptare dhe opozitës t'i japin fund krizës aktuale politike në vend dhe të marrin përsipër përgjegjësitë e tyre, në mënyrë që të procedojnë me reformat jetike dhe shumë të nevojshme dhe të shënojnë progres në drejtim të integrimit evropian, një qëllim i përbashkët për të gjithë. Në mënyrë të veçantë, kërkon që qeveria të ngre,pas vonesë, një komision hetimor parlamentar për zgjedhjet e qershorit 2009, si dhe në të njëjtën kohë i kërkon opozitës të kthehet në Parlament dhe të marrë pjesë tërësisht në punimet parlamentare"- thuhet në draft rezolutë.
//shekulli//

[davidd]

“Të hetohen zgjedhjet, opozita në Kuvend”
Rezoluta e Këshillit të Europës kërkon zgjidhje të menjëhershme të krizës
Paralelisht me Brukselin, një “gjyq politik” ndaj Shqipërisë pritet të zhvillohet në ditët e fundit të janarit në Strasburg. Proces që thelbin e ka te kërkesa e fortë ndaj qeverisë shqiptare, që të nisë sa më shpejt hetimin për zgjedhjet parlamentare të 28 qershorit. Më 27 janar, në orën 15.30, Asambleja Parlamentare e Këshillit të Europës do të mbajë një seancë speciale për funksionimin e institucioneve demokratike në vend, si edhe zbatimin e standardeve të KE-së nga ana e Shqipërisë. Në këtë seancë do të prezantohet një projektrezolutë nga dy reporterët për Shqipërinë, përkatësisht finlandezi Jaakko Laakso dhe britaniku David Walshire. Asambleja do të debatojë dhe më në fund ta votojë rezolutën, e cila do të jetë edhe një kusht për Shqipërinë.

Hetimi
Në tekstin e këtij dokumenti theksohet se “komuniteti ndërkombëtar nxit me forcë qeverinë shqiptare dhe opozitën t’i japë fund krizës aktuale dhe të marrë përgjegjësitë që i takojnë për të proceduar me reformat vitale. Qeveria duhet të ndërtojë pa u vonuar komisionin e hetimit të zgjedhjeve parlamentare të qershorit 2009 dhe opozita të rikthehet në Parlament e të kryejë funksionin e saj. Autoritetet shqiptare duhet të ndërmarrin një reformë legjislative, e cila duhet të jetë në bashkëpunim të plotë me Komisionin e Venecias.

Presidenti
Këshilli i Europës do të ndihmojë Presidentin Topi në rolin e tij si mediator dhe të ndihmojë të arrijë mbylljen e bojkotit që është bazuar në pranimin e rezultatit të zgjedhjeve dhe rikthimin e plotë të demokracisë parlamentarë në vend. Së shpejti, Komiteti Parlamentar i Këshillit Europës do të zhvillojë një vizitë në Shqipëri për të nisur iniciativën e dialogut politik.

Rezoluta
Asambleja Parlamentare shpreh keqardhjen e saj për krizën politike dhe institucionale që ka paralizuar politikën shqiptare pas zgjedhjeve të qershorit. Në një Parlament që mazhoranca nuk ka dy të tretat e domosdoshme për të kaluar reformat e domosdoshme, ky bojkot i bën këto reforma të pamundura. Kjo situatë dëmton rëndë popullin shqiptar dhe ambiciet e tyre për integrimet europiane.
Asambleja shpreh keqardhjen se ky bojkot ka dëmtuar relacionet e Shqipërisë me Këshillin e Europës. Pas zgjedhjeve të qershorit ende nuk është emëruar delegacioni i ri shqiptar në KE.
Theksohet se mungesa e dialogut parlamentar dhe bojkoti është një pengesë për funksionimin e institucioneve demokratike të shtetit.

Këshilli i Europës thekson se në mungesë të dialogut, retorika irrituese e dy partive kryesore ka përkeqësuar situatën, duke krijuar mundësi për destabilitetin e vendit. Asambleja, edhe pse vë re se Shqipëria ka aplikuar për statusin e kandidatit në BE që në prill dhe Këshilli i BE-së e futi në rend të ditës këtë dokument, thekson se procesi i integrimit të Shqipërisë është i bllokuar. Është e rëndësishme që Shqipëria të ndjekë shembullin e tre fqinjëve të saj, që u kualifikuan për liberalizimin e vizave.

KiE shpreh gatishmërinë që të ofrojë bashkë me një forum të gjerë ndërkombëtar një zgjidhje të krizës në Shqipëri dhe do të punojë në bashkëpunim të plotë me organizatat ndërkombëtare në kërkim të zgjidhjes. Ajo mbështet të gjitha përpjekjet që po ndërmerren kryesisht nga Presidenti Topi që të afrojë së bashku partitë kryesore politike. Asambleja kërkon nga qeveria dhe opozita që t’i japin fund menjëherë krizës politike në vend që të marrin përsipër përgjegjësitë dhe të ndërmarrin reformat e nevojshme. Në veçanti i kërkon qeverisë të mos e shtyjë më ngritjen e komisionit hetimor për zgjedhjet e 28 qershorit. Sakaq, kërkohet zbatimi i rekomandimeve të vëzhguesve të zgjedhjeve të 28 qershorit në bashkëpunim të plotë me Komisionin e Venecias.

Ndërkohë, ftohen partitë politike në Shqipëri dhe përfaqësuesit e shoqërisë civile që të ngrenë një grup të përbashkët për të zbuluar rastet e presionit që është ushtruar gjatë zgjedhjeve të 28 qershorit
//shqip//

[davidd]

Hetim zgjedhjeve, kriza të zgjidhet sa më shpejt, Topi negociator

Dy të dërguarit e Këshillit të Evropës, Jaakko Laakso dhe David Wilshire, kanë përgatitur një rezolutë për Shqipërinë, që pritet të diskutohet gjatë Asamblesë Parlamentare të këtij Këshilli, në fund të këtij muaji.
Në rezolutë thuhet se vendi është i përfshirë në një krizë politike, e cila po dëmton integrimin e vendit. Raportuesit thonë se është koha për t’i dhënë fund kësaj krize. Ata sugjerojnë se duhet të ketë një komision të përbashkët parlamentar, që duhet të hetojë shkeljet në procesin zgjedhor të 28 qershorit. Raportuesit thonë se rolin në këtë proces ndërmjetësimi duhet ta ketë Presidenti i Republikës, që do të asistohet dhe nga Këshilli i Evropës.

Rezoluta

Draft-rezoluta me dhjetë pika thekson që në fillim se vendi ndodhet në krizë, për shkak të bojkotit që po i bën opozita parlamentit. Raportuesit thonë se kjo po dëmton reformat në vend. Sipas tyre, bojkoti që po i bëhet parlamentit ka dëmtuar dhe marrëdhëniet mes Asamblesë së Këshillit të Evropës dhe Shqipërisë, pasi nuk janë zgjedhur anëtarët e delegacionit të parlamentit shqiptar, që merr pjesë në punimet e kësaj Asambleje. Mungesa e dialogut, thuhet në rezolutë, ka nxitur retorikën e ashpër mes palëve, çka mund të destabilizojë vendin. Më poshtë në rezolutë thuhet se tashmë Shqipëria duhet të përgatisë opinionin për në Komisionin Evropian, që do i hapë rrugë marrjes së statusit të kandidatit, por situata në vend po e bën shumë të vështirë progresin. Rezoluta thotë se dështimi i Shqipërisë për të liberalizuar vizat, ndryshe nga tri vendet fqinje, është një tregues domethënës. Asambleja, thuhet në rezolutë, është e gatshme të ofrojë mbështetje për zgjidhjen e krizës. Asambleja vlerëson hapat e presidentit Topi për krizën dhe thotë se një tryezë e rrumbullakët është e nevojshme. Asambleja kërkon që kriza të zgjidhet sa më shpejt, duke i kërkuar qeverisë në veçanti që të ngrejë sa më shpejt një komision parlamentar për hetimin e zgjedhjeve, ndërsa opozita duhet të kthehet në Kuvend për të marrë pjesë në punimet e tij.
Në rezolutë thuhet se Shqipëria duhet të marrë parasysh rekomandimet që janë bërë për procesin zgjedhor, duke bërë përmirësimet e nevojshme për zgjedhjet e ardhshme parlamentare.
Kryesisht shqetësuese është çështja e regjistrit zgjedhor, e medieve, e komisionarëve të niveleve të dyta dhe të treta etj.
Asambleja i kërkon gjithashtu partive politike dhe shoqërisë civile që të ngrenë një grup të përbashkët për të shqyrtuar rastet e presioneve të bëra gjatë fushatës dhe për të nxjerrë përgjegjësit para ligjit.
Në përfundim rezoluta thekson se do kërkojë nga presidenti Topi, nëse ka nevojë për asistencë. I kërkohet trupit diplomatik në Shqipëri që të japin sugjerime të mëtejshme dhe theksohet se së shpejti raportuesit do jenë sërish në Shqipëri.
//tema//