Kosova dhe Mali i Zi vendosin raporte diplomatike

[DYDRINAS]

| 15.01.2010 | 17:00 UTC

Kosova dhe Mali i Zi vendosin raporte diplomatike

Pas më shumë se një viti që kur Mali i Zi njohu pavarësinë e Kosovës, dy vendet vendosën sot marrëdhënie diplomatike. Kështu njoftoi në një konferencë për media ministri i jashtëm i Kosovës, Skender Hyseni. Sipas ministrit Hyseni, vendosja e marrëdhenieve diplomatike me Malin e Zi, erdhi pas një komunikimi zyrtar me homologun e tij, malazez Millan Roçen. Ministri Hyesni, hodhi poshtë zërat që thonë se Podgorica ka zhagitur vendosjen e marrëdhënieve diplomatike me Prishtinën me kushtin që kjo e fundit të njohë qytetarët malazezë që jetojnë në Kosovë si pakicë zyrtare. “Republika e Kosovës do të përkujdesët që të gjithë qytetarët e saj, përfshirë edhe qytetarët e përkatësisë malazeze të ndjehen mirë në Kosovë të ndjehen si në shtëpinë e tyre," tha ministri Hyseni. Njohja e pavarësisë së Kosovës nga Mali i Zi, u bë në vitin 2008 në kohën kur Serbia kërkoi nga Gjykata Ndërkombëtare e Drejtësisë që të shqyrtojë ligjshmërinë e pavarësisë së Kosovës. Reagimet nga Serbia ishin të ashpra dhe Beogradi zyrtarë dëboi nga Serbia ambasadorin malazez, por nëntorin e kaluar një vit pas, ambasadori i Malit të Zi u kthye serish në Beograd.

DW

[DYDRINAS]

| 15.01.2010 | 17:00 UTC

Serbia i dërgon notë proteste Malit të Zi dhe vendos të tërheqë ambasadorin

Ministria e Jashtme e Serbisë i ka dërguar notë proteste përfaqësuesit të Malit të Zi në Beograd, për shkak të vendimit të marrë nga Podgorica për ngritjen e marrëdhënieve diplomatike me Kosovën. Agjencitë e lajmeve njoftojnë se ministri i Jashtëm serb, Vuk Jeremiq ka kërkuar tërheqjen urgjente të ambasadorit të Serbisë nga Mali i Zi, për konsultime në Beograd. Vendosja e raporteve diplomatike të qeverisë së Malit të Zi me Prishtinën, cënon stabilitetin e rajonit dhe vështirëson vendosjen e marrëdhënieve të mira mes vendeve fqinje, që është ndër prioritetet e qeverisë së Republikës së Serbisë, thuhet në kumtesën e Ministrisë së Jashtme në Beograd.

DW