Ti ndriste Kosoves vetem nga vjershat liria dhe fati

[Al-Saraj]

Te falenderoj shume per ato qe po sjell ketu!Te lexojme pak Driterojn poet.Politika te zjeje ne atedhe

[lum lumi]

Flm. për kurajo Al-Saraj dhe mirëseerdhe në FORUM.

[lum lumi]

Dritëro Agolli : ANTI-MONUMENT


I mbetur në vetmi në apartament
M'u shfaq në gjumë i vrenjtur një skulptor,
Më la pa shpirt, më ktheu në monument,
Në shesh më bëri zot e madheshtor.

Dërguan një polic me revolver
Të ruante mos më vinin dinamit...
U zgjova dhe me duar nëpër terr
E preka trupin. S'isha bronx, po mish.

Vërtet u lehtësova krejt në shpirt...


S'me lenë asgjë

Trishtimi im cdo mëngjes është i madh
Dhe nervat të prishura;
Kërkoj corape të pastra të mbath,
I gjej të grisura.

Ka shumë njerëz shtëpia ime këtu
Dhe dera sa mbyllet, aq hapet,
S'më lenë asgjë pa përdorur, në lesh a në dru,
Dhe vecanërisht corapet.

Në djall të gjitha, s'më duhet asgjë,
Jam plak dhe as ngrohem, as ftohem,
Ndaj hiqem mënjanë e s'bëj zë,
Vec për corapet tërbohem!...


Fjalë për barin

Njeriu me vrasje nuk vritet,-
Një gjë e provuar prej kohësh.-
Por fjalën e kemi për barin që rritet
Sado ta presësh e korrësh.
Njeriu me shpatë nuk pritet.

Por fjalën e kemi për barin.
Ta thash të gjithë, nuk thahet,
Me zjarr t'i vesh zjarrin
Nuk digjet, me vesë vec lahet.
Njeriu me zjarrin s'bën varrin.

Po fjalën e kemi për barin që s'vdes.
Nga dolët ju zogj valë-valë
Dhe ti madhështori këndez,
Ti shtërg e ti galë?
Njeriu zë rritet, zë sheh e mban vesh.

Por fjalën e kemi për barin e gjallë.



Ta mburrim njëri-tjetrin

Pa ejani ta mburrim njeri-tjetrin
Dhe mos kursejmë as fjalë lavdërimi,
T'ia bëjmë shoku-shokut komplimentin
Në caste dashurie dhe pendimi.

Pa ejani dhe ciltërisht të qajmë
Kur vec e vec dhe ku me shoqërinë,
Mëri për fjalët sharëse mos mbajmë,
Se dashuria fqinje ka mërinë.

Pa ejani, dhe gjysmë fjale qoftë
Për ne pendim, pajtim dhe marrëveshje:
Që kush gaboi, më tutje mos gaboftë,
Nese kupton se jeta ka një vdekje.

[AsgjëSikurDielli]

Rrofsh o Agim...

[lum lumi]

DRITERO AGOLLI: Në pyll me kafshët e egra

Nëse dëshiron të shpëtosh nga kafshët e egra,
Mes pyllit kalo lakuriq, pa këmishë e pa brekë,
Dhe bishat do binden që s'ke synime të rrepta,

S'ke armë me vete, hanxharë e dyfekë
Dhe je i sinqertë si ujku, cakalli dhe dhelpra,
I zhveshur sic janë ata në pyje dhe bjeshkë.


Majtas dreqër, djathtas djaj

Më gjurmon dikush patjetër
Dhe vërtet s'di nga t'ia mbaj;
Majtas vrap më dalin dreqër,
Djathtas vijnë e presin djaj.

Nga dollapi nxjerr një pjepër,
Thela-thela nis ta caj:
Gjysmë e pjeprit plot me dreqër,
Gjysma tjetër mbushur djaj.

Mbreh një laps e hap një letër,
Sytë e mi nga letra s'ndaj:
Sipër letrës shtrihen dreqër,
Përmbi lapsin hipën djaj.

Ku të futëm, s'gjej vend tjetër,
Ku të qesh e ku të qaj?
Majtas vrap më dalin dreqër,
Djathtas vijnë e presin djaj...

[Agim Doçi]

Drietro Agolli

I PATURPËSHMI!

Dhe ndjenjat s'i dua të rënda
Kompleksi i mendimit më lodh
Zbavitjen pa turp ma ka ënda
Nga gjërat e turpshme s'ka ndot!

............................................
Agim Doçi
----------------------------------------
Nja dy fjalë gjithë kombit mbarë
Sy ndër sy me ia thanë deshta:
ma zor mblidhen dy shqiptarë
Se sa mblidhet nji thes me pleshta!

(Kjo strofë sipas At Gjergj Fishtës)
----------------------------------------------

Urrejtje ndaj njeriut s'kam pasur kurrë
Urrejtjen s'e përziej me poezinë!
Por nëse Driteroi do të ishte burrë
Përse me "dykuptime" e dashka Shqipërinë(?).....

(kjo strofë sipas "motiveve agolliane")
-----------------------------------------------
Agimi

[lum lumi]

Dritëro Agolli: Jevgjiti i djathtë


Unë e njoh këtë jevgjit të thatë,
Lagjja ime gjithashtu e njeh.
Sa më sheh, më thotë: "Jam i djathtë,
Mos humb kohën, eja shpejt me ne!..."

E cuditshme! S'ka jevgjiti brekë,-
Me të djathtët puthet shesh më shesh.
Vendi im, me drogë e me dyfekë,
Djathtas-majtas rri e bën përshesh!...



Tek dera

Afrohem tek dera,
marr vesh disa gjëra,
S'kuptoj plot të tjera,
Dhe kjo është e tëra
Tek dera...

[Agim Doçi]

Dritero Agolli

KËNGA E TË DËSHPËRUARËVE
........................................
Po ishim vërtetë romantikë
Kërkonim përmbysjen e botës
Por bota ma ktheu në alkoolikë
Na mbyti në fundin e...gotës!
....................
MBESA PËR GJYSHIN
:::::::::::::::::::::::::
Ti mbi varrin tim të lirë
do tregosh me gisht:
Gjyshi im, njeriu i mirë
Ishte komunist!.........

[Al-Saraj]

Poet te ben vepra,ajo qke shkruar,dhe jo nje nenshkrim poshte emrit.

[Agim Doçi]

Al-Saraj!
Mëso të shkruash në gjuhën time shqipe sa gjysma e nipit tem që mbaroj klasën e tretë fillore, dhe pastaj më jep mend!
Nuk emocionohem prej shallvareve që ke në kokë ti bimbash Maqedonije!
Nëse të shqetson që mbas emrit dhe mbiemrit tim është vënë Poeti - po të sqaroj se ka në Shqipëri:
Agim Doçi - elektriçist në Kukës (goran)
Agim Doçi - hajdut në Shkodër (shkodran)
Agim Doçi - drejtor i uzinës së luftës Mjekës Elbasan! (vlonjat)
Agim Doçi - nënoficer në Gardë të Redpublikës (tropojan)
DHE UNË PERSONALISHT
Agim Mëhill P. N. Mar'Doçi - inxhinier, poet, gazetar, mirditas i ardhun prej Hasit aty nga vitit 1467 - POR FIS KËLMENDAS!
Në rast se të pengon edhe kjo, trus bithën aty ku je se jo ty si Al-Saraji i FORUMIT por edhe SARAJET E SULLTANËVE, KRAJLAVE dhe KOMUNISTAVE të parët e mij i kan rrafshue për tokë!