Arrestohet edhe Driton Hajdari nga Eulex-i

[grepi, dora vet]

Thaqi tenton të kriminalizoj vetvendosjen dhe Shoqatat e Luftes që si binden atij apo dhe kedo tjeter nga partit e Vogla që tentojn të qesin Popullin në rrugë !!


grepi, dora vetë

[DYDRINAS]

Fjala e Kryeministrit Thaçi në takimin me liderë të rajonit në Bërdo, Slloveni

Fjala e kryeministrit të Republikës së Kosovës, Hashim Thaçi, mbajtur në sesionin plenar të konferencës “Bashkë në Unionin Evropian – Kontributi i Ballkanit Perëndimor për Perspektivën Evropiane”

Të nderuar nikoqirë, znj. Kosor dhe z. Pahor,

Të nderuar përfaqësues të lartë të Bashkimit Evropian,

Të nderuar liderë të shteteve të Ballkanit Perëndimor,

Me lejoni të filloj duke ju përshëndetur në emër të Qeverisë së Republikës së Kosovës dhe të qytetarëve të saj. Është një nder dhe kënaqësi e veçantë të jem këtu në këtë forum shumë të respektuar, në mesin e liderëve të shteteve të rajonit dhe përfaqësuesëve të lartë të Bashkimit Evropian.

Një falenderim i veçantë u takon organizatorëve të këtij takimi, Kryeministres së Republikës së Kroacisë, znj. Jadranka Kosor dhe Kryeministrit të Republikës së Sllovenisë, z. Borut Pahor. Iniciativa e juaj është shumë e çmueshme dhe jemi këtu me bindjen se ky takim do të ndikojë në fillimin e një kapitulli të ri të bashkëpunimit rajonal dhe bilateral ndërmjet shteteve të Ballkanit Perëndimor.

Më lejoni në fillim të ju njoftoj se deri sot, Republika e Kosovës është njohur nga 65 vende të botës dhe është pranuar si anëtare në Fondin Monetar Ndërkombëtar, si dhe në Bankën Botërore. Jemi duke punuar që së shpejti të anëtarësohemi edhe në Bankën Evropiane për Rindërtim dhe Zhvillim. Me ndihmën edhe të partnerëve tanë ndërkombëtar në Kosovë, jemi duke implementuar Kushtetutën tonë moderne, të bazuar në Propozimin Gjithpërfshirës të Presidentit Ahtisaari.

Siç e dini, në fund të vitit të kaluar, ne organizuam zgjedhjet e para të lira në Kosovën e pavarur. Ky proces zgjedhor dëshmoi se institucionet dhe qytetarët e Kosovës mund të realizojnë zgjedhje të lira, demokratike, të drejta dhe të pranueshme. Shtete të shumta dhe vëzhguesit ndërkombëtarë, me të drejtë kanë vlerësuar se këto zgjedhje i kanë përmbushur standardet ndërkombëtare.

Shqiptarët, serbët dhe komunitetet e tjera votuan dhe i zgjodhën përfaqësuesit e tyre legjitim, dhe, si rezultat i këtyre zgjedhjeve, u krijuan edhe tri komuna të reja me shumicë serbe – Komuna e Graçanicës, e Kllokotit dhe e Ranillugut. Këto komuna tanimë kanë filluar funksionimin e tyre efikas me mbështetjen e plotë dhe të gjithëanshme të Qeverisë së Republikës së Kosovës dhe të partnerëve tanë ndërkombëtare.

Si çdo vend demokratik, në këto zgjedhje synuam pjesëmarrjen e të gjithë qytetarëve tanë, dhe ne këtë e kemi arritur me pjesëmarrjen më të madhe ndonjëherë të komunitetit serb të Kosovës, të cilët përmes pjesëmarrjes në këtë proces demokratik dërguan një mesazh të qartë: mesazhin e zhvillimit demokratik dhe të jetës më të mirë në kuadër të sistemit juridik dhe politik të Republikës së Kosovës.

Përkundër suksesit evident në pjesën më të madhe të Kosovës, serbët në pjesën veriore të vendit ende janë peng të ndikimit dezintegrues të Beogradit zyrtar dhe të individëvë të caktuar, apo të të ashtuquajturave “struktura paralele”. Për të tejkaluar këtë situatë, Qeveria që unë drejtoj, së bashku me Zyren Civile Ndërkombëtare ka hartuar një qasje gjithëpërfshirëse për të vendosur legjitimitetin institucional edhe në këtë pjesë të vendit, gjithnjë në funksion të përmirësimit të mirëqenies së qytetarëve tanë në veri, si në kuptimin social dhe ekonomik, ashtu edhe në atë legal dhe politik.

Të nderuar zonja dhe zotrinj,

Në dy vitet e pavarësisë së saj, Republika e Kosovës ka shënuar arritje në shumë fusha, por pa dyshim që si shtet i ri, ballafaqohet edhe me sfida të shumta. Këto sfida, që paraqesin edhe prioritetet e Qeverisë që unë drejtoj, janë theksuar edhe në Raportin e Progresit për Kosovën të vitit 2009 nga Komisioni Evropian dhe institucionet tona tashmë kanë koncentruar resurset e nevojshme me qëllim të tejkalimit të këtyre sfidave dhe përbushjes së kritereve dhe standardeve demokratike për integrim evropian.

Ne e mirëpresim qëndrimin e qartë dhe të theksuar në vazhdimësi nga përfaqësuesit e Bashkimit Evropian se Kosova, njejtë si i gjithë rajoni, ka perspektivë evropiane dhe se e ardhmja e saj është në familjen evropiane. Kjo është bërë e qartë edhe në Studimin për Kosovën, të publikuar vitin e kaluar nga Komisioni Evropian, që i ka hapur vendit tim perspektivën e sigurt për marrëdhënie tregtare me Bashkimin Evropian, për liberalizimin e vizave, si dhe për dialogun në procesin e Stabilizim – Asocimit.

Ne tashmë kemi pranuar pyetësorin për marrëdhënie tregtare me Bashkimin Evropian dhe presim që shumë shpejtë të marrim edhe udhërrëfyesin për liberalizimin e vizave, deri sa jemi të përqëndruar fuqishëm në dialogun për procesin e Stabilizim-Asocimit. Kosova dhe populli i saj e ka synim të qartë anëtarësimin në Bashkimin Evropian dhe në NATO, prandaj besojmë që përparimi i Kosovës në procesin e integrimeve Evropiane dhe Euro-atlantike do ta shpërblejë këtë vullnet të qytetarëve tanë.

Në këtë drejtim, duke mirëpritur hyrjen në fuqi të Traktatit të Lisbonës, ne besojmë se Bashkimi Evropian duhet të vazhdojë të mbajë derën e hapur për anëtarësim për të gjitha shtetet e Ballkanit Perëndimor, meqë procesi integrues është nxitja më efikase për thellimin e reformave të nevojshme dhe për arritjen e kushteve dhe kërkesave të Kritereve të Kopenhagës dhe të Procesit të Stabilizim – Asocimit.

Edhe procesi i liberalizimit të vizave për të gjitha vendet e rajonit tonë duhet të vazhdojë dhe përveç si një proces teknik i arritjes së standardeve të kërkuara, duhet të shihet edhe nga perspektiva humane e lirisë së lëvizjes dhe ofrimit të mundësive të reja për qytetarët e shteteve tona. Por, po ashtu, ne besojmë se ky proces nuk duhet të jetë politik apo të politizohet në çfarëdo mënyre.

Të nderuar pjesëmarrës, zonja dhe zotrinj,

Pjesë e rëndësishme e integrimit është edhe synimi për marrëdhënie të mira fqinjësore. Kosova ka raporte të shkëlqyeshme me Shqipërinë, Maqedoninë dhe Malin e Zi. Ne kemi vendosur marrëdhënie diplomatike në nivel ambasadorësh me Shqipërinë, Maqedoninë dhe së shpejti presim të emërojmë ambasadorët e ndërsjellë edhe me Malin e Zi.

Unë besoj se raportet tona fqinjësore vazhdojnë të dëshmojnë për rajonin tonë, por edhe më gjerë, se pavarësia e Kosovës është faktor i paqes dhe stabilitetit rajonal, duke sjellë edhe më shumë bashkëpunim mes shteteve të Ballkanit Perëndimor. Kosova është e përkushtuar për marrëdhënie të mira me fqinjët, me vendet e Bashkimit Evropian dhe me çdo vend tjetër, si një shtet mik i të gjithëve. Kosova është e gatshme të bashkëpunoj edhe me Serbinë për të gjitha çështjet e interesit të ndërsjellë.

Ne e ritheksojmë edhe këtu vullnetin dhe gatishmërinë tonë për të kontribuar në rritjen e nivelit të komunikimit dhe bashkëpunimit rajonal, me të gjithë dhe pa përjashtime, dhe mbesim me shpresë se takime të kësaj natyre do të mund të organizohen edhe në të ardhmen, gjithmonë në funksion të stabilitetit rajonal, zhvillimit ekonomik dhe integrimit evropian të rajonit tonë.

Ju faleminderit për vëmendjen tuaj.

Bota Sot

[beni33]

Ne Kosove I Dim Mir Se Kush Ishin Bashkpuntort E Udb-s Esht E Vertet Se Udba Ne Kosove Kishte Shum Pashkpuntor Punoj Mbi 50 Vjet Tash Kan Filluar Te Aktivizohen Prap Pra Nese Vret Nje Ish Pashkpuntor Te Quajn Marksist Lelinist Ahaha Poe Marr Si Shembull Ibush Kllokoqin Edhe Disa Dosta Qe Tash Nuk Pom Kujtohen Emrat E Ktyre Mbeturinave

[mebybe]

Ne Kosove I Dim Mir Se Kush Ishin Bashkpuntort E Udb-s Esht E Vertet Se Udba Ne Kosove Kishte Shum Pashkpuntor Punoj Mbi 50 Vjet Tash Kan Filluar Te Aktivizohen Prap Pra Nese Vret Nje Ish Pashkpuntor Te Quajn Marksist Lelinist Ahaha Poe Marr Si Shembull Ibush Kllokoqin Edhe Disa Dosta Qe Tash Nuk Pom Kujtohen Emrat E Ktyre Mbeturinave

A e ki fjalen per Ibarin e Vujkon!?

[beni33]

A e ki fjalen per Ibarin e Vujkon!?

NUK I NJOF ME KET NOFK PYTA PER NIFAR IBUSH APO IBISH KLLOKOQIN DHE DISA TJER

[PLAKU]

http://www.botasot.info/mesme/Fahredini-rama.jpg

Filloi gjykimi kundër Fahredin Gashit e Hysni Ramës
Teuta Rexhepi Bota sot
Që të dy të dyshuarit përmenden në rastin Nazim Bllaca e që akuzohen për krime të kryera pas lufte si pjesëtar të SHIK-ut.
Në Gjykatën e Qarkut në Prishtinë të martën ka filluar gjykimi kundër Fahredin Gashit dhe Hysni Ramës. Që të dy të dyshuarit përmenden në rastin Nazim Bllaca e që akuzohen për krime të kryera pas lufte si pjesëtar të SHIK-ut.
Sipas aktakuzës së prokurorit të EULEX-it, i dyshuari Fahredin Gashi (1969) i njohur me nofkën “Faruk”, i arrestuar më 13 korrik akuzohet për krime lufte kundër popullatës civile sepse në bashkëveprim me Nazim Bllacën i deklaruar dëshmitar bashkëpunues nga Gjykata e Qarkut në Prishtinë në cilësinë e pjesëtarëve të UÇK-së kanë hyrë në shtëpinë e Salih Gashit dhe e kanë vrarë atë duke e qëlluar me armë automatike në Varigovc të Lypjanit më 15 qershor të vitit 1999. Ndërsa, Hysri Rama (1973) i njohur me nofkën “Hysi” akuzohet për dhënie të ndihmës kryerësve pas kryerjes së veprave penale. Ai akuzohet se i ka ndihmuar Fahredin Gashit për të shmangur zbulimin duke ia dhënë babait të Fahredin Gashit një deklaratë të nënshkruar në të cilën i pandehuri në mënyrë të falsifikuar ka thënë se Nazim Bllaca më 2009 i kishte thënë atij se Fahredin Gashi nuk kishte të bënte asgjë me vrasjen e Salih Gashit dhe se Bllaca do ta akuzonte Gashin vetëm për të nxjerr para prej tij dhe duke e konfirmuar përmbajtjen e deklaratës së tillë të shkruar me dorë para prokurorit kur është dëgjuar si dëshmitar në Prishtinë më 29 tetor 2010.
Avokatët paraqiten disa ankesa për procedurën e ngritjes së aktakuzës dhe të zhvillimit të hetimeve. Gjykimi vazhdon pasnesër.

[gjema]

a ju paska hi fitili shikasve aaaa bash mir po kam frig se do mbetet vetem me kaq me zbulimin e do vrasjeve te dores se dyt, kam shum frig se vrasjet mat rensishme do mbesin pa zbulu si vrasja e themelusit te uck remzi hoxha, zedhensit te par te uck ali uka,komandant drinit, ministrit te mbrojtjes kolonel ahmet krasnici, kolonel tahir zemes, xhemajl mustafes, enver malokut,etj etjkamfrig se duke u koncentru vetem ne keto vrasjet e bashkpuntorve te serbis si ibush kllokoci e salih gashi e ndonje te ngjashem, vrasjet e patrioteve te mdhenje per me jav zan karrigen do mbesin ne rend te dyt

[PLAKU]

O Z.Gjema, vrasjet dihen edhe porositesit edhe vrasesit, dorasit maskagji dihen. Shqypetaret i din. Vetem se munegon drejtesa per ta thene fjalen e vete. N'se nuk exziseton drejtesi qe i gjykon keto krime tinezare, populli shqypetar i di, si harron kurren e kurres. Duaret e lyeme me gjak shqyptari nuk pasterohen kurre.

[Guri i Kuq]

Si e zbuloi Nazim Bllaca vrasjen e Sali Gashit

Publikuar: Sot, më 18 mars 2011



Prishtinë, 18 mars – Për tetë vjet rresht Afrim Gashi nuk kishte pasur idenë se kush ia kishte vrarë babanë.
Një telefonatë në një mbrëmje vere e kishte çuar te një zarf, në të cilin ndodhej një letër e shkruar me dorë, në të cilën thuhej se babanë e tij Salih Gashi ia kishte vrarë Faruk Gashi. Letra i kishte ardhur nga një person i panjohur, për të cilin tek pas dy vjetësh kishte kuptuar se autor i saj ishte Nazim Bllaca.
Në seancën gjyqësore të enjten në Gjykatën e Qarkut në Prishtinë, djali i Salih Gashit, i vrarë më 15 qershor 1999, për vrasjen e të cilit akuzohet Fahredin Gashi, e ka përshkruar të atin si një bujk që është marrë me punë toke e bagëti dhe se ka qenë një anëtar i Lidhjes Demokratike të Kosovës.
Prokurori i rastit, Maorizio Salustro, është ndalur më shumë tek kontaktet e tij të para me Nazim Bllacën për të cilin nuk kishte ditur se ai po i shkruante.
“Jam kanë me gruan tu ardhë në autobus prej miqve. Ora ka qenë shtatë në mbrëmje. Ka thirr dikush (në telefon celular) dhe më ka thanë shko në shtëpinë tënde në Lypjan në katin e tretë të shtëpisë ndër një bllok e ke një letër në zarf. Kjo ka ndodhur në vitin 2007”, ka thënë ai.
“Jam çu herët edhe kam shkuar në shpi. Qysh më ka thanë e kam gjet letrën ndër bllok. E kam gjet zarfin edhe e kam gjet letrën”, ka thënë dëshmitari.
Autori i letrës në atë kohë anonim, i kishte shkruar se babën nuk ia kishte vrarë UÇK-ja, por Faruk Gashi. Autori i saj kishte thënë se po të donte UÇK-ja do ta kishte bërë këtë kur do të kishte dashur.
“Baba yt nuk u kanë as spiun, as tradhtar, por pse e ka vra Faruku e din. Ai veç ka ardh edhe më ka thanë hajde se kemi me shku me vra Salih Gashin. Unë kam marrë pjesë në vrasje, po babën ta ka vra Faruku”, thuhej në letër.
Kjo letër i është dorëzuar trupit gjykues si provë materiale. Në letër përshkruhet mënyra se si i është vrarë babai dhe nga kush. Kur Afrimi kishte shkuar e kishte gjetur letrën ashtu siç i ishte thënë në një zarf në të cilin shkruhej “në këta dy numra me lajmëro kur ta marrsh letrën”.
“Duhet të ma japësh besën e shqiptarit mos mem qit kurrë Afrim, t’i duhet ta dish, familja jote, fshati, çka ka ndodh me babën tënd. Sali Gashi nuk ka qenë spiun kurrë. Mirëpo babai yt ka ditë diçka me rëndësi për një person në Shtime, i cili para lufte ka bashkëpunuar me polici të Serbisë, e ai është Faruk Gashi”, thuhet në letër. Në letër po ashtu thuhet se, “...deri sot nuk është zbuluar pse u vra Salihu. T’i duhet me e hap rastin jo në SHPK, por në UNMIK, për arsyeje se ky person ka gjin në SHPK, në gjykatat tona, nëse e lajmëron në UNMIK ti fiton, familjes tënde i hiqet emri i tradhtisë”, thuhet ndër të tjera në letër.
Afrim Gashi ka shtuar më tej se pasi e ka marrë letrën për tre vjet nuk kishte ndërmarrë asnjë veprim. Mirëpo edhe më vonë ai kishte pranuar sms të ndryshëm, të cilët i kishte kthyer herë pas here, por nuk e kishte ditur se kush po i shkruante deri në vitin 2009 kur ishte shfaqur Nazim Bllaca në oborrin e shtëpisë së tij në Varigovc.
“Ma vonë, në vitin 2009, jam kanë te shpija në Lipjan me tre vëllezërit e mi që jetojnë në Zvicër. Ka thirr mixha jem Salihi në telefon edhe ka thanë hajde se kanë ardh dy persona me fol me ty. Jemi kthy shpejt në shpi në katun, kur kemi shku e kam pa një xhip të zi. Në xhip u kanë Hysri Rama. Nuk ka dalë prej kerri e as nuk ka fol kurrgjë”, ka treguar ai. Dëshmitari ka thënë se Nazim Bllaca i kishte thënë që të shkojë në EULEX për të denoncuar Fahredin Gashin si autor të vrasjes së babait të tij. Bllaca i kishte thënë sërish që nëse shkon në Policinë e Kosovës nuk do të bënte asgjë pasi sipas tij Fahredin Gashi kishte para, biznes, avokat e lidhje të forta në Policinë e Kosovës. Madje Bllaca i kishte thënë se do të jetë dëshmitar.
Me gjithë këto Afrim Gashi ka thënë se nuk iu kishte besuar shumë sms-ve që merrte e as letrave me autor të panjohur. Ka thënë se dyshonte se mos dikush qëllimisht po dëshiron ta fusë në telashe.
Dëshmitari ka thënë se bazuar në sms-të që kishte pranuar një ditë vikendi kishte shkuar në Prishtinë në Policinë e UNMIK-ut për ta paraqitur rastin. Ata nuk kishin punuar, ndërsa ishte drejtuar në Policinë e Kosovës. Oficerë të saj e kishin orientuar të shkonte në Lypjan për ta paraqitur rastin.
“Jam shku në Lypjan, ju kam kallëzue për Nazimin, e kam dhanë një deklaratë, po kurrë nuk më kanë thirr ata. Policia e Lypjanit ka dashtë me fsheh krimin se as nuk më ka marrë në pyetje as kurrgjë”, ka thënë Gashi. Dëshmitari nuk e ka akuzuar direkt Fahredin Gashin për vrasjen e babait të tij, pasi ka thënë se ka qenë me maskë. Mirëpo në bazë të ecjes së tij ka thënë se ky mund të jetë ai që ia ka vrarë të atin.
“Allahu e dënoftë atë që ma ka vra babën!”, ka thënë dëshmitari
Afrimi ka thënë se kurrë në jetën e tij nuk e ka njohur Fahredin Gashin, të cilin e quante vazhdimisht “Faruk”.
Dëshminë e ka vazhduar motra e Afrimit, Hyrije Gashi, duke përshkruar dy vrasësit e babait të saj, njërin më të gjatë dhe tjetrin më të shkurtër e më të plotë. Ajo ka thënë që të dy kanë hyrë në dhomën ku i ishte vrarë babai kur i kishte dëgjuar krismat.
“Të nesërmen kam shkuar me kerr e me kali me djalë të axhës në Lypjan në KFOR. Aty e kam dhanë një deklaratë mandej ka ardhë KFOR-i në shpi me verifiku trupin e vrarë të babës”, ka thënë ajo duke e përshkruar se si nga të shtënat e armës i ishte çarë koka babait të saj.
Fahredin Gashi i ka shtruar disa pyetje dëshmitares. Meqë ai është i majtë, është interesuar se personi më i shkurtë që aludohet të ketë qenë Fahredin Gashi a e kishte armën në dorën e djathë apo të majtën, por ajo nuk ka mundur të përgjigjet: “Nuk e di në cilën dorë e ka pas”.
Gashi e ka pyetur dëshmitaren se a kishte pasur ndonjë herë babai i saj problem me UÇK-në. Dëshmitarja ka treguar se një herë pjesëtarë të UÇK-së kishin shkuar në shtëpinë e tyre duke kërkuar armë nga babai i saj. Armë nuk kishin gjetur, por e kishin marrë vëllanë e saj të madh, Afrimin, e kishin rrahur shumë diku tjetër dhe e kishin liruar.
“Dy ushtarë që kanë hy brenda janë kanë pa maska. Njanin prej tyre e kam ni t’u e thirr ‘Vogëlush’. Ajo ka thënë se babai i saj nuk ka pasur lidhje me Policinë e Serbisë duke e përshkruar si një bujk që ka punuar tokën. Mirëpo ka thënë se ka qenë anëtar i LDK-së në partinë e Rugovës. I akuzuari është interesuar nëse i ati i saj ka pasur ndonjë konflikt me dikë. Dëshmitarja e ka pranuar se ka pasur një konflikt për mezhdë, por sipas saj nuk ka qenë serioz, por vetëm një fjalosje.
Gjykimi në rastin e Fahredin Gashit vazhdon më 22 mars.

[Guri i Kuq]

Ka vazhduar gjykimi kundër Fahredin Gashit e Hysri Ramës

Publikuar: Sot, më 22 mars 2011
"Koha Ditore"



Prishtinë, 22 mars - Ka vazhduar gjykimi kundër Fahredin Gashit e Hysri Ramës. Gashi akuzohet për krime të luftës ndaj popullatës civile dhe vrasjen e Salih Gashit, ndërsa Rama për dhënie të ndihmës pas kryerjes së veprës penale. Gjatë ditës së sotme kanë dëshmuar e veja e Salihut, Mirishahe Gashi, nusja Shefkia dhe vëllai i të vrarit, Sejdiu. Gjykimi do të vazhdojë më 29 mars, kur pritet të paraqitet dëshmitari kryesor, Nazim Bllaca, raporton KTV.
Vetëm një hap prapa vrasësve së të shoqit kishte qëndruar Mirishahe Gashi, teksa kishte dëgjuar 6 të shtëna të njëpasnjëshme që ishin zbrazur mbi kokën e Salihut.
E veja e Salihut i ka rrëfyer trupit gjykues version e saj të natës së kobshme.
“Kam qenë e ratë me burrin në dhomën e fjetjes, qika u kon çut në dhomën tjetër... une nuk e di sa u kon ora sipas mendimit tem mes 9 a 9.30...Unë i ndiva zanat, u qova... erdh nusja e qeli derën e tha: Oj nanë, dy njerëz me maska... dola te dera me pizhame dhe i pyeta çka po doni, ai i gjati tha: -Salihun, e i shkurti ja boni shshttt.”
Gjatë rrëfimit të saj, 66-vjeçarja ua përkujtonte të pranishmeve se ajo po e thoshte të vërtetën, ngase kishte parë me sytë e saj të masakruar të shoqin.
“I ranë nuses me kondak, ndoshta nuk i kanë ra me qëllim. Ata hynë shpejt të dera e dhomës sonë, unë kam nga pas tyne, ata e nxun derën, hyn një hap brenda dhe kanë shti në të. Unë isha mbrapa shpinës së tyne.. në krye i kanë ra, i gjati ke ne të djathtë, e i shkurti në të majtë, por i shkurti e vrau..... trut në tok ja kanë qit....”, ka rrëfyer Mirishahja.
E veja e Salihut thotë të jetë tmerruar nga ngjarja sa që kishte fituar edhe sëmundjen e zemrës. Megjithatë, ajo thotë se vetëm para një viti ka kuptuar se kush mund të jenë burrat me të zezë që ajo i përshkruan si i gjati dhe i shkurti, të cilët në 15 qershorin e 1999-ës ia vranë burrin.

Versionin e saj të rrëfimit e kishte dhënë edhe nusja e shtëpisë, Shefkia, e cila e kishte hapur derën për mysafirët e paftuar që ia vranë vjehrrin.
Ndërsa ka dëshmuar edhe i vëllai i Salihut, Sejdiu.
Megjithëkëtë, mbrojtësit e Farukut thonë se ka diskrepancë në deklarata e dëshmitarëve të dhëna një vit më parë dhe tash.
Procesin e quajnë të montuar me motive shantazhi, ndërsa kanë paralajmëruar se do të thërrasin edhe dëshmitarë të tyre.
Sidoqoftë, dëshmitarë kyç i këtij procesi do të jetë Nazim Bllaca, i cili ka fituar edhe statusin e dëshmitarit të mbrojtur.
Ai pritet të dëshmojë para trupi gjykues më 29 të këtij muaji.
Ky proces gjyqësor është rezultat i dëshmisë së Nazim Bllaces, i cili kishte marrë mbi vete kryerjen 17 veprave penale, në mesin e tyre edhe 2 vrasjeve.
Fahredin Gashi, i njohur si Faruku, akuzohet për krime lufte, në mesin e të cilëve edhe për vrasjen e Salih Gashit.
Ndërsa Hysri Rama akuzohet për dhënien e ndihmës kryerësve pas kryerjes së veprës penale.