Urime paqeje dhe lutje per vitin e ri

[Reschen]

Lutje per vitin e ri

Të falënderoj, o Zot,
më dhe hirin të shkel në shtigjet e pashkelura,
të një viti të ri.
Koha para meje
është libër me faqe të bardha
ku unë do të shkruaj:
ndihmomë të shkruaj ç’është e drejtë,
e mirë, e bukur, e vërtetë;
që Viti im i ri, kur të bëhet Vit i vjetër,
të jetë i denjë për t’u lexuar prej teje.
Më mbaj ndër krahë
çdo ditë të këtij viti,
që drita e fytyrës sate,
të ndriçojë mbi timen.

Më mbaj në krahë
si të mbajti ty Maria
që të mos më pengohet këmba
e zemra lodhje të mos ndjejë.

Më merr ndër krahë,
e kështu çdo ditë
t’i besoj gëzimet
por dhe ligështitë
që rëndë peshojnë mbi shpirt.
Më merr, si Maria, e Viti,
i ri do të mbetet gjithnjë
deri në ditë të fundit,
kur ndërrohen kalendarët!


Urime paqeje

Fjala çeli sytë
Ajo lajmëron paqen
O ti, që dëgjon
Fillo të dashurosh
Ti, këtë vit, gëzim duhet të përçosh.


Paqja ka fytyrën
Dhe emrin e Krishtit
O ti, që e shikon
Praninë e Tij të zbulosh
Jetoje, këtë vit, besimin që shpalos.


Paqja është sot
I është dhuruar botës
Në zemër ajo banon
Paqen, këtë vit, ta krijosh ty të takon.


Zoti ka besim në ty
Që të shndrisë Krishtlindja
I pasur do të jetë viti
E ti do të gëzosh
Gjatë ditëve, këtë vit, gëzimin ta jetosh!

Me ty do te ecim cdo dite

Ja, Viti i Ri
shtigje të reja na hap përpara,
e ecim, pa ditur ku shkojmë,
e presim plot shpresë
ditët e reja.
Ç’na pret këtë vit, o Zot?
Si do t’i prijmë
karvanit të gjatë të ditëve
e grigjës së zezë të netëve?
Ç’do të na dhurojnë?
E sidomos çfarë kanë ndër mend të na mohojnë?

Veç ti e di, o Zot,
prandaj na fol, e zemrat do t’i hapim
për të pritur Fjalën tënde,
si pritet drita në terr
e zjarri në vatër të fikun.
Na fol, sidomos,
në të ftohët e nëpër natë,
që shtigjeve të këtij viti të vështirë
të ecim me kujdes,
për të parë në to shenjat
që Ti na kumton,
për të shkelur mbi gjurmët e Tua:
për të gjetur shenjat e shpresës sate,
të mirësisë, të paqes, të dashurisë.
E drita jote të na ndrisë,
kur të bëhet natë.
Me ty do të ecim përsëri,
deri te drita e ditës së re,
e Vitit tjetër të Ri.


Kopjuar pa leje nga websiti i Radio Vatikanit ne gjuhen shqipe