Takvimi 2010

[aadili]

10.01.2010

SI FLEJNE KAFSHET
Qeni: Përpara se të flejë, bën gjithmonë të njëjtat veprime. Ngrihet në këmbë, shkon tek vendi i tij, rrotullohet disa herë dhe shtrihet me kokën mes këmbëve të para.









Kafshët e egra: Shumica e tyre kur vendi errësohet krejt, zgjohen plotësisht. Pjesën më të madhe të ditës e kalojnë në gjumë.











Lepuri dhe dhelpra: Për të pushuar pas një nate të lodhshme, zgjedhin një vend të sigurtë. Ndjenja e dëgjimit dhe nuhatjes i ndihmon të jenë gati për t’ia mbathur në çdo moment.









Elefanti dhe kafshët e tjera që jetojnë në tufë vendosin gjithmonë roje pranë vendit ku do të flejnë gjumë.









Zogjtë: Foletë i përdorin vetëm për të ngrohur vezët dhe për të rritur të vegjlit, ndërsa për të fjetur preferojnë degët e ndonjë peme. Pemën e zgjedhin në ndonjë vend të qetë. Shpeshherë pema shërben si vend gjumi për një tufë të tërë zogjsh.









Pulëbardhat dhe shpendët e tjerë të ujit flejnë duke notuar mbi valëç

[aadili]

11.01.2010

ANDALUZIA DHE EUROPA

Ata që ndjekin gjurmët e civilizimit musliman në Europë mahniten nga madhështia dhe kultura e Endulusit. Në këtë civilizim gjejmë harta që na i kanë lënë trashëgim Ibni Battuta dhe Ibni Xhubejr të cilët e kanë kaluar tërë jetën e tyre duke shëtitur nëpër botë dhe janë nga të parët që kanë shkuar në Kinë.

Dituria në Europë ka ardhur me krijimin e këtij civilizmi në Endulus. Në shekullin e IX ku në qytetet europiane gjeje vetëm kasolle prëj dërrase, në qytetin Kurtuba me një popullsi prej 500 000 banoresh kishte 300 hamame. Rrugët e qytetit ishin të ndriçuara dhe gjithashtu ishte bërë kanalizimi i ujrave. Në atë kohë Kurtuba ishte bërë qendra më e madhe e diturisë në Europë. Në librin e shkrimtarit Stanley Lanepoole " Moors in Spain" (muslimanët në Spanjë), shkruan këto gjëra për Endulusin:

Këtu janë mbledhur shumë nxënës nga Franca, Gjermania, Anglia dhe gjithë bota për të pirë nga burimet e diturisë.

HAZRETI ALIU
Në një luftë, hazreti Aliu " radijallahu anh" kishte shtrirë në tokë një nga ushtarët e fortë të armikut. Ngriti shpatën për ta vrarë, por përpara se ta vriste, i tha ushtarit:

- Eja bëhu musliman dhe shpëto. Ushtari nuk pranoi. Përveç kësaj e ofendoi hazreti Aliun dhe i pështyu në fytyrë. Pas këtij veprimi të ushtarit, hazreti Aliu e uli shpatën dhe e futi në mill. Ushtari i shtrirë në tokë u çudit.

- O Ali! Ti do të më vrisje mua, por pasi të ofendova, hoqe dorë. Cila është arsyeja e kësaj?

- Pak më parë doja të të vrisja për hir të Allahut. Por ti më ofendove mua. Në këtë punë u përzie edhe nefsi im. Hoqa dorë nga frika se mos nuk të vrisja për hir të Allahut, por për të kënaqur nefsin tim.

Ushtari u mahnit nga kjo përgjigje dhe u bë menjëherë musliman.

[aadili]

12.01.2010

HAZRETI TALHA


Hazrei Talha bënte shpesh udhëtime me qëllim tregëtie. Një herë përpara se Muhammedi “alejhis-selam” të shpallej pejgamber kishte shkuar në Bastra. Në një kuhë kur ishte në treg pa një prift që po pyeste tregëtarët a kishte njeri që vinte nga Mekka.

Hazreti Talha i’u përgjigj menjëherë:

- Unë jam nga Mekka.

- A është shfaqur Ahmedi?

- Cili është Ahmedi?

- Eshtë djali i Abdullah bin Abdulmuttalibit. Mekka është vendi ku do të shfaqet ai. Ai është i fundmi i pejgamberëve.

Këto fjalë u ngulitën thellë në zemrën e Talhas, u largua nga Basra dhe shkoi menjëherë në Mekkë dhe pyeti:

- A ka ndodhur ndonjë gjë e re këtu gjatë largimit tim?

- Po ka ndodhur. Muhammedi, djali i Abdullahut pretendon se është pejgamber. Edhe Ebu Bekr është bashkuar me të.

Hazreti Talha i gëzuar shumë nga lajmi që mësoi u nis menjëherë për tek Ebu Bekri dhe e pyeti:

- O Ebu Bekr! A janë të vërteta ato që kam dëgjuar?

- Po Talha! Ato që ke dëgjuar janë të vërteta!...

- Çfarë di dhe çfarë mendon rreth Tij?

- Ai është Pejgamberi i fundit i Allahut dhe është dërguar si mëshirë për të gjithë njerëzimin. Ai na fton të gjithëve në fenë e Allahut të vetëm...

- Atëherë më ço tek Ai!...

Hazreti Ebu Bekri e çoi Hazreti Talhën tek Resulullahu dhe aty Hazreti talha ra në shehadet e u bë Musliman.

[aadili]

13.01.2010

Ai që i jep borxh dikujt për riza të Zotit, fiton çdo ditë sevap sadakaje.

[aadili]

14.01.2010

VITAMINAT
Vitamina A: Eshtë e nevojshme për zhvillimin e trupit, shëndetin e syve, dhe për një lëkurë të shëndetshme. Gjëndet tek mëlçia, mishi pa dhjam, qumështi, gjalpi, vezët dhe tek perimet e verdha.

Vitamina B: Eshtë grupi i vitaminave B-1, B-2, B-6 dhe B-12. Eshtë i nevojshëm për oreksin, sistemin tretës dhe atë nervor. Vitaminat e këtij grupi gjënden tek mishi pa dhjam, veshka, zemra, buka e zezë dhe maja birre.

Vitamina B-1: Gjëndet tek orizi, misri, buka e zezë dhe maja birre.

Vitamina B-2: Gjëndet tek qumështi, djathi, kosi, dhe në perimet me gjethe jeshile të errët.

Vitamina B-6: Gjëndet tek mishi i pulës, viçit dhe qëngjit, tek mëlçia e zezë dhe tek vezët.

Vitamina B-12: Gjëndet tek mishi, mëlçija të zezë edhe tek vezët.

Vitamina C: Rrit imunitetin e trupit, mbron trupin nga sëmundjet mikrobike, është e rëndësishme për shqisat dhe për shëndetin e mishit të dhëmbëve. Më tepër është e nevojshme për përdoruesit e cigares. Gjëndet tek portokalli, mandarina, limoni, karrota, luleshtydhja, pjepri, specat, llahanaja, majdanozi dhe në perimet jeshilë.

Vitamina D: Eshtë e nevojshme sepse ndihmon absorbimin e kalciumit dhe të fosforit nga ana e trupit. Gjëndet tek vaji i peshkut, qumështi dhe gjalpi.

Vitamina E: Eshtë e nevojshme për rritjen dhe zhvillimin e trupit. Gjëndet tek gruri, orizi, misri, sallata jeshile, soja, kikirikët, farat e kungullit, susami, arra, vaji i ullirit, vaji i luledjellit, dhe perimet jeshile.

Vitamina K: Eshtë e nevojshme për trashjen e gjakut në kohë normale. Gjëndet tek mishi, mëlçia e zezë, domatet, kungulli, lulelakra, gjithashtu edhe tek spinaqi dhe perimet me gjethe jeshile.

[aadili]

15.01.2010

DITA E PREMTE
Allahu teala ditën e Premte e ka krijuar posaçërisht për muslimanët. Në këtë ditë vizitohen varrezat. Ndalohen mundimet e varrit. Sipas mendimit të disa dijetarëve për besimtarët mundimet e varit nuk fillojnë më. Ndërsa për kafirët përveç ditës së Premte dhe gjatë Ramazanit vazhdojnë deri në ditën e Kijametit. Besimtarët të cilët vdesin këtë ditë ose këtë natë nuk e provojnë fare mundimin e varit. Ditën e Premte shpirtërat mblidhen sëbashku dhe njihen me njëri tjëtrin. Xhehennemi nuk është shumë i nxehtë ditën e Premte. Ditën e premtë është krijuar Ademi Alejhisselam. Po në ditën e premte është nxjerrë nga Xhenneti. Ata që ndodhen në Xhennet Allahun teala do ta shohin në ditën e Premte. Ibadetet që bëhen në ditën e Premte shpërblehen të paktën me dyfishin e sevapeve. Po ashtu edhe gjynahet e bëra në ditën e Premte shkruhen dy fish. Të meresh me tregëti ose punë të tjera në kohën e namazit të Xhumasë është gjynah.

Në ajetin e fundit të surë Xhuma thuhet:

“Po, kur ata shohin ndonjë tregti, ose ndonjë aheng lëshohen atje, ndërsa ty të lënë në këmbë. Thuaju: “Ajo që është te Allahu është shumë më e mirë se dëfrimi dhe tregëtia, e Allahu është furnizuesi më i mirë!”

•N. q. s një musliman ditën e Premte mer gusul dhe shkon të fali namazin e Xhumasë, i falen gjynahet e një jave dhe fiton sevap për çdo hap që hedh.
•N. q. s dikush nuk fal tre namaze të Xhumasë pa patur ndonjë arsye, Allahu teala e vulos zemrën e tij. Pra nuk vepron më të mira.
•Eshtë një kohë në ditën e Prempte në të cilën duaja e bërë nga besimtari nuk kthehet mbrapsht.

[aadili]

KESHILLAT QE RESULULLAHU I KA DHENE Hz. ALIUT (1)
Hazreti Aliu ka thënë: Një ditë Resulullahu “sal-lall-llahu alejhi ue sel-lem” më thërriti pranë tij dhe më tha:

O Ali! Ti për mua je siç ishtë Haruni alejhis-selam për Musain alejhis-selam. Por pas meje nuk ka Pejgamber tjetër. Po të lë një amanet dhe po ta dëgjosh me vëmendje dhe ta mbash mend, bëhesh nga felenderuesit dhe shehid. Në ditën e kijametit Allahu teala të rilind ty si dijetar i fesë dhe i Fikhut.

Ta dish se besimtarët kanë 3 gjëra dalluese: Falja e namazit, agjërimi dhe dhënja e sadakasë.

Servilët kanë 3 gjëra dalluese : Në prani të të tjerëve i bëjnë shumë mirë rukunë dhe sexhden, kur janë vetëm i bëjnë shkel e shko. Kur i lavdërojnë, e bëjnë një punë me shumë dëshirë. Në prani të të tjerëve e përmendin shumë Allahun, kur janë vetëm asnjëherë.

Njerëzit e këqinj dallohen nga 3 gjëra: I bëjnë keq atyre që kanë poshtë, kur kanë mundësi ia marrin mallin të tjerëve me zor. Nuk e venë re fare se nga hajnë dhe nga vishen.

Xhelozët kanë 3 veçori: Kur janë pranë, servilosen. Kur largohen, flasin prapa krahëve. Kur dikujt i bie një e keqe, gëzohen.

Munafiku dallohet nga 3 gjëra: Thotë gënjeshtra. Nuk e mban fjalën. Nuk e çon në vend amanetin.

Dembelët kanë 3 veçori: Mezi i çojnë në vend urdhërat e Allahut, i bëjnë punët me mangësi, kështu që i shkon mundimi kot. E vonon faljen e namazit, shpesh herë i kalon koha.

Ata që bëjnë teube kuptohen nga 3 gjëra: U largohen harameve. Kanë shumë dëshirë të mësojnë dituri. Nuk e përsërisin kurrë një gjynah.

Njerëzit e zgjuar kanë 3 veçori: Nuk janë të lidhur pas mallit të kësaj bote. Kanë vuajtje. Janë të durueshëm ndaj skamjes.

[aadili]

KESHILLAT QE RESULULLAHU I KA DHENE Hz. ALIUT (2)
Injorantët kanë 3 veçori: Tregohen dembelë në kryerjen e farzeve të Allahut teala. Flasin shumë fjalë të kota. I bëjnë keq njerëzve të tjerë.

Ai që ka fat të mirë, ka 3 gjëra: Ha nga hallalli. Kalon shumë kohë me të diturit. Të 5 kohët e namazit i fal me xhemat.

Ai që vepron punë të këqija, ka 3 gjëra: Tregohet dembel në kryerjen e farzeve të Allahut teala. Eshtë i dhënë pas muzikës dhe pas kërcimit. Eshtë harraq.

Njerëzit që nuk i do Allahu dallohen nga tre gjëra: Gënjejnë shumë. Bën shumë be edhe kur gënjejnë. I krijojnë mundime njerëzve të tjerë.

Miku jot dallohet nga 3 gjëra: Mallin e tij e sakrifikon për ty. Nefsin e tij e lë mënjanë për ty. Sekretin tënd e ruan të fshehtë.

Kafiri ka 3 shenja: Dyshon në fenë e Allahut. I bën armiq njerëzit që do Allahu. Nuk i bindet Allahut dhe nuk bën ibadete.

GRINDJA DHE MERIA
Grindja nuk është e lejuar në asnjë rast. Grindja pakëson miqësinë e shokëve dhe shton armiqësinë e armiqve. Në hadithe sherif thuhet:

"Kush i largohet grindjes megjithëse ka të drejtë i ndërtohet një shtëpi në mes të Xhennetit."

"Ai i cili nuk e braktis grindjen megjithëse ka të drejtë nuk arrin të bëhet dot besimtar i përsosur."

Edhe mburrja nuk është gjë e mirë. Ndërsa më e keqja është inatosja e prijësit. Në hadithe sherif thuhet:

"Kur inatoset sultani, atë e nxit shejtani."

"N.q.s një njeri i inatosur megjithëse ka fuqi ta bëjë atë që dëshiron, sillet me butësi, Allahu teala e mer zemrën e tij në mbrojtje dhe e mbush me besim."

"Inatosja shkaktohet nga vesveseja e shejtanit."

Inatosja lind nga mendjemadhësia. Ai person që inatoset duhet të lexojë duanë që na e ka treguar Resulullahu "Allahumagfir li-dhenbi ue edh-hib gajza kalbi ue exhirrni minesh-shejtan."

[aadili]

CILET ORGANE DEMTON ALKOOLI
Trurin: Vdes qelizat e trurit. Si pasojë e kësaj me kalimin e kohës shkaktohen humbje të memories, depresjon, haliçunacione etj

Sistemin nervor: Krijon infektim në majat e nervave, si pasojë e kësaj krijon humbje të ndjenjave, mpirje të trupit, dridhje dhe dhimbje.

Zemrën dhe sistemin e damarëve: Krijon hipertension, zmadhime të zemrës dhe të muskujve të zemrës dhe rrahje të shpejta.

Gurmazin: Krijon kancer të gurmazit dhe fryrje të damarëve të tij.

Mëlçinë e zezë: Në fillim krijon dhjamosje e më pas hepatit alkoolik dhe cerozë.

Stomakun dhe zorrët: Duke prishur shtresën e brëndshme të stomakut, krijon gastrit dhe ulçër. Krijon diarre dhe shëndoshje të trupit.

Lëkurën: Si pasojë e dëmtimit të mëlçive, ndryshon përbërja e gjakut. Në lëkurë krijohen njolla, skuqje, fryrje ndërsa nën sy krijohen qeska.

Kockat: Ngaqë pakësohet kalciumi i gjakut, trupi përdor kalciumin e kockave. Si pasojë kockat dobësohen dhe thyhen më me lehtësi.

Sistemin gjinetal: Sjell impotencë dhe shterpësi.

Sjelljet: Sjell teprime në ndjenja dhe sjellje, vështirësi në lëvizjet e muskujve, mungesë koordinimi, humbje të ndjenjave, sjellje të papërgjegjshme, vështirësi në të qëndruarit në këmbë, ndonjëherë edhe komën.

[aadili]

TE BESOSH AHIRETIN (1)
Uel jeumil ahiri: Domethënë e besova ditën e Ahiretit-Ditën e Gjykimit. Fillimi i kësaj kohe është dita e vdekjes së njeriut dhe zgjat deri në Ringjallje. Kur do të ndodhë Kiameti, nuk është njoftuar. Por, pejgamberi ynë i ka bërë të ditur shumë shenja të tij si:

“Do të vijë hazreti Mehdiu. Do të zbresë nga qielli Isai alejhisselam, në Damask; Do të dalë Dexhalli; Disa që quhen Je’xhuxh Me’xhuxh çdo vend do ta ngatërrojnë; Dielli do të lindë në perendim; Do të bëhen tërmete të mëdha. Do të harrohen njohuritë fetare. Do të lëshohet rruga e Allahut xheleshanuhu, e do të shtohen të këqijat. Kudo do punohet me mëkate. Nga Jemeni do të shpërthejë zjarr. Qiejt dhe kodrat do të copëtohen. Dielli, Hëna do të errësohen... ”.

Në varr njerëzit do të merren në pyetje. Që t’u përgjigjemi në varr melaqeve Munker dhe Nekir, duhen mësuar përmendësh po duhet t’ua mësojmë edhe fëmijëve këto gjëra: Krijuesi im është Allahu teala, Pejgamberi im Muhammedi (salall-llahu alejhi ve selem), feja ime feja islame, libri im Kur’ani Kerimi, kibla ime Qabeja, medhhebi im në i’tikad Ehli sunneti vel xhemaat, medhhebi im në të vepruar medhhebi Imam Adham Ebu Hanife. Ditën e Kiametit do të ngjallen të vdekurit.
Do të tubohen në vendin e quajtur Mahsher. Fletoret (regjistrat) e veprave, të mirëve do t’u jepen nga ana e djathtë, të këqijve nga prapa ose nga ana e majtë. Çdo gjynah, përveç shirkut e kufrit, Allahu (xheleshanuhu) po të dojë e falë,e nëse jo edhe për një gjynah të vogël do të dënojë.

Për t’i peshuar punët është Mizani (peshorja). Me urdhër të Allahut xheleshanuhu, mbi Xhehennem vihet Ura e Siratit. Për Muhammed Mustafanë është hauz (pishina) e veçantë Keuther.

Ndërmjetësimi është i vërtetë. Për t’i falur gjynahet e vogla e të mëdha të besimtarëve të vdekur pa pendim, me leje të Allahut xheleshanuhu do të ndërmjetësojnë pejgamberët, evlijatë, dijetarët,engjëjt, shehidët(dëshmorët) dhe do të pranohen.

Xhenneti dhe Xhehennemi ekzistojnë edhe tani. Xhenneti është shtatë kat mbi qiejt. Xhehennemi është poshtë çdo gjëje. Xhenneti ka tetë dyer. Nga çdo derë hyhet në një Xhennet. Xhehennemi është shtatë shtresash. Nga shtresa e parë drejt së shtatës