SaNe ~ Tinguj ne Tru

[DeLiRiUm TrEmEnS]

SANE

Krijesa pa tituj parakalojnë trëndafilave të bardhë,
 Të porsa çelur vargje të plasur kuturru, 
     Mes petaleve të ngjyera në të kuq, 
          Prej lëngut rrjedh lëkurave të çjerra,
                Porsi me çengelë pushtues kështjellash, 
                                                     Zemrash.


Por, trëndafilat - 
             ...Konsiderohen lule të vjetëruara;
     Sytë trishtohen tek vrojtojnë të njëjtin peisazh, 
                                                     Përditë -


Përgjoj muzikën, 
     Tek vdes...
  
                              * * *

     Shekujt -
         - Sekuenca kohore të komplikuara, 
                 Fillojnë pas skenave të inegzistencës, 
                        Përfundojnë te po ai fillim,
                               ...Do të jetë varri...
                                                I paemërt!


     Vitet - 
        ... Labirinte të ngatërruar;
       (Ne -
        ... Paksa më tepër se ta.)


        ... Adhurojmë Detin e Vdekur, 
            Teksa qielli zhvishet në blu;
             ... Ngjallim nga më absurdet gënjeshtra,
                     Teksa të errtave netë, 
             ... Flijojmë të vërtetat e bëlbëzimeve të dashurisë;
                            Fjalët ngecin buzëve të ndryshkura, 
                                   Ku u çvirgjërua dhe ..., 
                                        Rilindi një fjalë: 
                                             "...të dua!!!"

                              * * *

Adhurimi - 
        ... Fshihet pas ylberit;
              Zhgënjim?!
                    Dashuri?!
                      ... Përgjigjia e pyetjes:
                                         "Drejtoju vetvetes!"

Nën një yll -
        ... Tinzar,
            Njerëz -
            ... Të pafjalë;
        Nën një pemë të tharë,
            Frute të kalbura, 
                Përrreth, 
                    Lule të zvarritura pas ...
                                        - Ferrave në gri.

Mjedis I vdekur!...

E gjeta të vështirë,
        Torturuese konsiderohet ..., 
            Të zbulosh "Emrin" ...
            ... Të shtrirë në këtë ... 
                                - Absurditet.

                              * * *

      ... Duke u rrëzuar mbi ...
                          - Endërrimet e tua, 
                ... Fluturimthi, 
                            Të rrëmbej;
                   Në qoftë se,... s'më kupton ...
                                           - Lutu për mua!


     ... Dëshiron të dish ç'është "parajsa!"?
             Hyrë brenda meje, 
                 ... Të të mësoj ...
                               - Të fluturosh!
             Parapëlqen të mësosh ç'është "ferri!"?
           Eja me mua, 
                     Të të udhëzoj si ...
                               - Të gënjesh!


         Mos i fshij lotët, me duar, 
         ... Lejoi të rrjedhin "të lirë!";
                  Sikurse trumcakët e pashpresë,
                       Tek fluturojnë pentagramit të horizontit, ku ...
                               - E zeza zhvishet në "të zëzë!"

                              * * *

Melodia e shiut, 
      Nën rrjetën e tokës;
           S'më dëgjon tek shkruaj, 
                Porsi shiriti I nje kasete të paregjistruar,
                       Vërtis dehjen e vështrimeve të tua!.

               - E dashur?!


... Heshtje -

Vrapoj te pasqyra- 
            ... Të paraqes ...
                   - "Vetveten!"
... Harroj emrin,
             Mbyll sytë, 
                     Lexoj tituj mbi varre poezish; 
             Përbrenda trurit tim - 
                 ... Ndjej mpirësen aromë gjumi!

                              * * *

    Krijesa pa gërma; 
             Ku ... përfundojnë "njerëzit" e realitetit?

                              * * *

Qetësi madhështore e qytetit tim.
A e dëgjoni ulërimën rrëngjethëse
                             Të varferisë oratorike?
Tinguj pianoje -
               ... Anohen!
Hëna e vjetëruar - 
               ... Lart, netëve të qiellit tim; 
      ... Gjithçka - bosh!


... Zbraza zemren time te ti, 
          E dashur; 
               ... Ishin pak...!
Kam dashuruar shumë, por ...;
          Lejomë të vrapoj ... 
                           - Botës së huaj;
          Ndoshta zbuloj dicka - 
               ... Të plotësojë nervat e varura ...
                           - Trekëmbëshave të durimit!

                              * * *

      ... Netet, po rastisin, 
                   Më të bukura se,...
                           - Agimet!

                              * * *

      ... Gjej një të verbër kthesë, 
                   Rrugën e ecur - 
                         ... T'a shkelësh! 
... Përsëri!...
... Të pres te i njëjti vend,
          Ku ..., përsëritjet startojnë dëshirën -
                         ... Për të prekur fytyra të reja, dhe ...
                   Dashuritë lulezojnë,
                             Porsi gonxhet e Opiumit, 
                                       Në fshehtësi!


... Hap gjithë dhomëzat e shpirtit tim - "vetmi!";
      ... Jam një lypës I rrëndomtë -
                         ... I rrugicave të fjalëve; 
          A më "Urren!" ndopak, 
                             Tani???

                              * * *

          Instikte në përsëritje të pamasë!!!

     "Pa lidhje fjalët, 
          ... Zgjidhin rebuset e tua!"
                                    - Hipoteza ime.

                              * * *

[Cupke_pe_Korce]

Well, ty nuk te imagjinokam dot te shkruash poezi me rime! Ndoshta ngaqe i jep shume force vargut...saqe e ben te pamundur perdorimin e saj. Per me teper, eshte nje teknike qe i pershtatet stilit tend ekspresiv. E shoh krejt te papershtatshme per nje ankth ekzistencial si poezia me lart. Eshte nje "outcry" e vuajtjes njerezore per te kuptuar vetveten.

E di si me vjen? Ta perkthej ne gjuhen e rimes, se vetem keshtu do te mund ta bej timen. E dua se e urrej; e urrej se eshte e vertete....prandaj dhe e dua, insanely!!!!

ps. komentin e ke te perzemert, keshtu qe, "hold your horses" para se te me "versulesh" per rimen

[drini_në_TR]

Shtyp pak këtu Delirium

Përshëndetje

[DeLiRiUm TrEmEnS]

Drini rrofsh!!!
Kjo po ka per te me lehtesuar pune!!!

[DeLiRiUm TrEmEnS]

... Te pakten nje person vertet i paska shkuar deri ne fund, nga 200 e ca lexime!!!

[Cupke_pe_Korce]

i thuaj Drinit te ta editoje ca kete poezine; nenvizimet e bejne ca te veshtire leximin.

[Lule Portokalli]

Shume te bukura poezite. Eshte kenaqesi ti lexosh. Pergezime....

Te kam lexuar edhe ne tema te tjera. Nuk jam dakord me ty persa i perket rimes se jashteme ne poezi. Kjo per faktin e thjeshte qe ( ti mendoj qe e di shume me mire se mua) poezia vjen, nuk porositet. Ajo vjen nga brenda shpirtit te poetit dhe vjen ashtu, me rime ose me vargje te lira. Nuk e ben me te forte apo me te bukur poezine, rima apo vargjet e lira, por ndjenja emocioni apo tensioni qe ajo bart dhe, kuptohet dhe veshja me fjale i ketij emocioni.
Mua me pelqejne poezite e tua, jo per shkak te rreshtave qe ti ke zgjedhur, por per ate qe ti ke pasur ne ate moment brenda teje dhe qe e ke shprehur ne menyre te tille qe une, ne nje fare menyre arrij qe ta ndjej dhe me emocionon, pa pasur nevoje ti ve asnje emer te sakte.
Une ndjej ne te njejten menyre edhe poezite me rime, boll qe ato te kene ngarkese.
Gjithsesi ky eshte vetem mendim i imi . Ty te uroj shume suksese.

[DeLiRiUm TrEmEnS]

“Ecja,”
_______Dikur -
___________(… Përafërsisht, kuptohet!)


… Dikush –
________… Bisedoi me primitiven ...
____________________________- Endërrën më të fundit,
_______________Rreth të roztave skenave “hardcore” –
_____________________________________________… Të dy shekujve lezbike:
_______________… I II-ti & i XII-ti;
________________________Dhe …, krejtësisht,
________________________________Pa ndonje kuptim të dyfishtë,
_________________________________________La pa përmendur …
__________________________________________________ _____- Rëndësine “incestiale” të shekullit të VII-të.


… Do të dëshiroja –
_________Por …, ç’rëndësi kane dëshirat?
__________________________________Sot,…?!


* * *

… brenda ekranit imitues –
_____________________… të një cope të tejdukshme qelqi;
________përkrah të rrjedhurave ngjyra,
_______________porsi të shkarkuar prej ekstremeve -
____________________________________________… të pabaza të një ylberi;
________reflektohet imazhi yt –
_________________________… i freskët,
_______________një mbrëmje e braktisur,
___________________________________pa yje.


* * *

Çdo fjalë –
_______… Na detyron të ndjehemi “të Huaj!”
____________________________________Në prani te rrimës,
________… Belbëzojnë të turpshmet …
_______________________________- Buzët e tua, kur …,
_______________Zgjohem pranë teje!


… Midis dy shtyllash elektrike,
________Apo …, dy plepash të krrusur buzëdetit,
_______________Porsi gëlltitur prej një klandestini-iriq deti;
________… Fle përbrenda nje vizioni utopie –
____________________________________… Polli ky fillim-shekull.


* * *

a arrin të përgjosh …
________________- zhurmën mërmëritëse të përplasjeve se ...
__________________________________________________ _ kokave të xhuxhëve paragrafe-kujtimesh,
________kalamaj të rebeluar,
________________murreve imagjinarë të frymëzimit(?!)


* * *

… Të zezat sutjenat e tua,
________Tani, …
______________I ka veshur …
________________________- Koha;
________(Ndonse …, për së mbrapshti),
_______________Përsëri …,
_______________________Pak rëndësi ka fakti, se …;
_______________Unë,
__________________Në gjume,
__________________________Përpiqem të zhubros ...
____________________________________________- Gjethen e panjës;
__________________________Të vjedhur prej simbolikës se ...
__________________________________________________ __- Flamurit kanadez;
___________________________________Përposh hartës gjeografike të Amerikës Latine,
____________________________________________Pasqyruar prej kufijve-dantella të brekëve të tua!!!


… Të xhamtat buzët e shishes,
_________Sa herë,
________________Kafshojnë buzët e mia –
___________________________________… Pasi të pëshpëris:
__________________________________________________ _“… Mirupafshim!!!”

[macia_blu]

eshte lloji i grafikes ,me te cilen ai i ka shfaqur , ndersa vijat te detyron forumi, ti hedhesh se perndryshe , sapo te postohen , dalin ne nje radhe grafike te zakonshme.
Mua me pelqen shume kjo teme, keto vargje dhe kjo menyre shfaqjeje. Dua te uroj Deliriumin -nihilist per to!
Macia_blu

[DeLiRiUm TrEmEnS]

pa ndonjë titull domethënës …



_______________... Mbaj vesh mërmëritëset,
____________________________________Të tuat postulate të huazuara!


Dhe ...,
_____Gishtat –
___________... Një orgji antike hardhucash,
_________________... Ngatërrohen me grindavecet oshëtima e tua.

_______________________________________________Sot ,
__________________________________________________ Lejohet zhurma!!!


Shoh se si ..., “ngrihesh”,
_____Derisa profilet e mermerta të ...
_____________________________- Gjysmë-sferave të tua
__________Plotësojne ...
____________________- Perimetrin e cunguar të hënës,
_______________Lart në të oqeantin qiell.

_______________________________________________Të ndiej –


Nata –
____... E divorcuara gruaja ime,
__________Me rica vjollcë;
_____... Na vret me vezulluese shigjeta xhelozie,
__________Prej yjeve jetimë të marra hua.


_____Shhhttttt...

Ti –
_... Zgjon një të avullt karrocë afshi,
_____Udhëhequr prej të harbuar kuaj-zanoresh;
_____Prej të mëndafshës shpellës tënde orale;
__________Të ndjekur prej një tufe rrugace qensh,
_______________Bashkëtingelloresh flokë paprer`!


_____Rrëzohesh –

... Zhytesh në pellgun e bronxtë të lëkures sime
_____Me sekuenca përpëlitjesh të heshtura,
__________... Paralelizojnë të çrregulltin rritem
______________________________________Të predikimeve të castit
________________Me vështrimet e ekzaltuara të mbrëmjes së mbartur.


___________... Koleksionoj gjurmët e lagështa –
______________________________________... Të të fundit puthjeve të tua!!!