Mos u anko!

[Ibn Abdu Rrahim]

Mos u anko!

Gjithmonë harrojmë se kjo jetë është sprovë e po ashtu harrojmë se në këtë botë ka keq e më keq, vështirë e me vështirë. Ankohemi çdo ditë e me tepër, për çdo gjë, e harrojmë se ne këtë botë ka shumë më keq, saqë nuk mund ta imagjinojmë, ankohemi nga varfëria e prapë harrojmë se në këtë botë ka më varfanjakë sesa ne.

Gjithmonë kujto dhe asnjëherë mos harro se në këtë rruzull tokësor vdesin njerëz nga uria dhe dije që ti je më i pasuri në botë andaj mos u anko!

Ti madje ke veshmbathje dhe konstatojmë se mund të dalësh në qytet lirshëm, por mos harro se ka njerëz në këtë botë të cilët nuk kanë veshmbathje as për t’i mbuluar pjesët e turpshme të tyre, atëherë çudi pra pse ankohesh!
Kur ti e shuan etjen tënde me ujë te pastër duke pirë nga gota të ndryshme, kujto që në ato momente në pjesë të tjera të botës ka njerëz që etjen e tyre e shuajnë me ujë të ndotur në prrocka të ndryshme që as kafshët nuk mund të pinë ujë nga to dhe dije që ka njerëz të cilët vdesin për shkak se nuk kanë me çka ta shuajnë etjen e tyre.
Atëherë të porosis ta falënderosh Krijuesin tënd që nuk të ka sprovuar ty në atë mënyrë. Ju gjithmonë ankoheni e gjendja juaj është e mrekullueshme, e po të ishit në vendin e atyre që cekëm më lart, imagjinojeni si do të ishte gjendja juaj atëherë.
Pra, vëlla i nderuar dhe motër e respektuar, a ia vlen të ankohesh? Jo assesi, atëherë pra falënderoje Atë që e meriton falënderimin dhe ji mirënjohës ndaj begative të Tij, mbështetju Atij tek i Cili është kthimi yt, mbështetu tek Zoti i gjithësisë, i së dukshmes dhe së padukshmes dhe mos u anko asnjëherë!
　
Jam i bindur se ju keni me çfarë të ushqeheni, prandaj falënderoni Zotin që nuk jeni në gjendje të mjerueshme. Jam i sigurt se ju keni ujë për ta shuar etjen, pra mos u ankoni. Mos u ankoni sepse nuk keni përse. Njiheni Zotin tuaj që ju krijoi pa qenë fare e e mos u bëni zullumqar të vetes dhe familjes suaj.

Përgatiti për ju: Berat Shatri
Skenderaj

[HELEN OF TROY]

Nje teme shume e bukur dhe teper e prekshme .....
Ankohemi sepse nuk kemi kuptuar shijen e jetes .....
mendojme se jeta ato qe na jep jane standare ......
urime...........