Olen Çezari

[sirena_adria]

Virtuozi durrsak I violines sjell nje tjeter koncert recital per 2 mbremje rrjesht, sot e neser, ne Pallatin e Kongreseve .




Me fat ata qe do e ndjekin ne salle !

[sirena_adria]

Serisht bashke ne skene.... Inva e ftuar speciale e koncertit te Olenit. Suksese !

[sirena_adria]

Oleni, Paganini shqiptar

Sukses i jashtëzakonshëm i Olen Çezarit në Tiranë. Ndizet Pallati i Kongreseve nga talenti shqiptar me famë ndërkombëtare që ka prekur majat më të larta të klasifikimeve botërore

Nga Arlinda Canaj - Konica.al

Olen Çezari nuk është vetëm një virtuoz në violinë, por një mjeshtër i vërtetë plot stil dhe sharm. Violina nën gishtat e tij të udhëton në vende magjepsëse, në zgripe emocionesh dhe valë magnetike që të fluturojnë tjetërkund. E ka ndezur dje Pallatin e Kongreseve në udhëtim drejt paradizit të tingujve. I tejmbushur me spektatorë që kanë dëgjuar për famën e këtij violinisti magjik, i ngjashëm në shumë tipare me Mozartin e Paganinin.  Oleni për dy orë mbajti frymën e shqiptarëve. 40 këngë të përcjella nën gishtat që lëvrinin telat e violinës së tij dhe orkestrës Clandestine e  kanë çuar spektatorin në një dimension yjesh. Dhe për t’i sjellë ngjyrë kombëtare koncertit të tij që përmban brane nga e gjithë bota, Oleni ka interpretuar dhe dy këngë të njohura shqiptare. Pjesëmarrja e sopranos Inva Mula në koncert, nuk ishte gjë tjetër veçse konfirmim që talentet shqiptare në fushën e muzikës po konkurrojnë denjësisht në artin botëror. Diva e muzikës operistike interpretoi disa arie popullore. Të ftuar nderi ishin dhe artistë ndërkombëtarë si Carlos Paz dhe Lavinia Marcusi. Gjatë koncertit,  Oleni dha dhe mesazhin e tij që këtë radhë kishte të bënte me kontributin që ka dhënë populli shqiptar ndaj hebrenjve gjatë Luftës së Dytë Botërore.

Kush është Olen Çezari?

I lindur në Durrës, në moshën 3- vjeçare do të fillonte studimin e violinës me të ëmën, e cila ishte muzikante. I quajtur “fëmijë gjeni” për cilësitë e larta interpretuese,  interpreton për herë të parë në moshën 5- vjeçare para publikut dhe në moshën 7- vjeçare jep koncertin e parë në teatrin më të rëndësishëm të Durrësit. Në moshën 13- vjeçare diplomohet shkëlqyeshëm pranë Insitutit të Arteve në Tiranë  dhe po të njëjtin vit fiton medaljen e arit si Instrumentisti më i Mirë Shqiptar.

Në vitin 1989 shkon në Itali, falë një burse studimi dhe fillon menjëherë një aktivitet koncertor intensiv në sallat e famshme italiane mes të cilave Pallati Barberini dhe Akademia e Francës në Romë, me koncerte për violinë të shumë kompozitorëve mes të cilëve: Wieniawski, Sibelius, Glasunov, Tchaikovsky, Bach e Mendelssohn. Në moshën 14- vjeçare surprizon publikun duke interpretuar në perfeksion “24 Kapriçot” e Paganinit, vështirësia e të cilave është e madhe dhe që përbëjnë një sfidë për çdo virtuoz në violinë.

Në moshën 15 -vjeçare fiton çmimin “Rodolfo Lipizer”, në një prej konkurseve ndërkombëtare për violinistë klasikë. Në moshën 17- vjeçare diplomohet në konservatorin e S. Secilia në Romë me pikët maksimale, duke u bërë kështu violinisti i parë i kësaj moshe në historinë e konservatorit roman.

Në vitin 1992 fiton “Çmimin Mozart” duke hyrë  me të drejtë në “Mozarteum“ të Salisburgut, ku nën udhëheqjen e mjeshtrit italo-amerikan, Ruggiero Riçi, mentori i tij i vërtetë, koleksionion një sërë çmimesh në të gjitha konkurset ku merr pjesë, siç ishte çmimi ndërkombëtar “FOYER DES ARTISTES” – për interpretimin e veprave të Paganinit.

Ftohet për të luajtur me violinë në shumë teatro të Evropës nga ku fiton një sukses të jashtëzakonshëm tek publiku dhe njëkohësisht dhe nga kritika, deri në koncertin e jashtëzakonshëm “Salzburg Landestheater”  ku mjeshtri Ruggiero Riçi  ka nderin t’i japë të luajë me Stradivarin e tij  të çmuar. Mbaron eksperiencën e tij austriake vetëm në një vit, në vend të katër të kërkuarat, dhe kjo është diploma e tretë, shkëlqyeshëm.

Në vitin 1993 transferohet në SHBA, në Detroit, ku për një vit vazhdon aktivitetin e tij si solist koncertor klasik në teatro të mëdhenj si ”Masonic Temple Theatre”, Detroit, “Silk Road Theatre”  Chicago. Më 1994 transferohet në New York ku fillon të eksplorojë të gjitha llojet muzikore nga  jazz në black music, nga soul në rap, në country  dhe vendet e tij të referimit bëhen “Tabac Cafè” dhe “Time Cafè” ku të gjitha netët interpreton me artistët më të njohur si Maroon 5, Lenny Kravitz e Sheryl Crow. Takimi me këta muzikantë amplifikon horizontet e tij muzikore dhe zbulon se ai është i tërhequr nga muzika pop dhe ajo bashkëkohore. Në New York bashkëpunon me Danny Elfman, dhe kompozitorin e muzikës së filmave, Tim Burton.

Në vitin 1996 kthehet në Romë dhe “Lokali” është pika e takimit ku të gjithë muzikantët e rinj të “shkollës romane”, bëhen dhe për të një pikë referimi për koncertet live. Në të njëjtën periudhë krijon “Liebhaber Konzert Trio” me Giuseppe Pistone (chitarra) dhe Alessandra D’Andrea (flauto traverso). Me ta niset për një turne evropian për dy vjet, me një koncert që përmban vepra të  Mozart, Rossini, Haydn, Debussy e Piazzolla që vijnë komplet të riadaptuara dhe riarranxhuara. Trioja ftohet të luajë edhe në festivalin e 40-të të Spoletos. Në këtë periudhë ka bashkëpunime me grupe të ndryshme të muzikës etnike dhe popullore.

Në vitin 1997 fillon një bashkëpunim që do të zgjasë tre vjet me Franko Califano. Më 1998 takon një prej artistëve më të mëdhenj të muzikës italiane: Luçio Dalla, me të cilin niset për një tur botëror që do ta çojë në teatrot më prestigjioze të botës, deri në koncertin përpara Papa Giovani Paolo II, me rastin e një kongresi Eukaristik. Gjatë këtij rasti ka nderin të interpretojë edhe me dy legjendat të muzikës, Bob Dylan dhe pianistit xhaz Michel Petruçiani. Në 2001-in për një vit do të jetë në turne me Ana Oksën dhe aty takon  Simone Cristiçhi, me të cilin fillon një bashkëpunim live. Një nga bashkëpunimet e tij më të frytshme që vazhdon prej pesëmbëdhjetë vitesh  është ai me një prej artistëve më interesantë të panoramës muzikore italiane, me Sergio Cammariere.

Në 2004-n formon “Olen Art” një etiketë diskografike të pavarur. Prodhon këngën “E gjithë jeta në një moment” që bashkë me titullin “Back in Town” është kënduar nga kanadezi  Matt Dusk, duke arritur vendet e para në klasifikimet ndërkombëtare.
Në maj të këtij viti merr pjesë në Koncertin e 1 Majit në Romë dhe ftohet prej një prej zërave më të rëndësishme të këngës shqiptare, Juliana Pasha, si një yll në Festivalin Evropian të mbajtur në Oslo.

Është shumë i madh pasioni i Olen Çezarit për kinemanë. Ai do të shkruajë dhe prodhojë me Sergio Cammariere muzikën e filmit të shkurtër  “Non finisce qui” me regji të di Maria Sole Tognazzi. Do të vazhdojë më pas me dokumentarin e Francesco Cabras e Alberto Molinari (Ganga Film) “Mattia Preti, il pennello e la spada” filmin “L’italiano” të Ennio De Dominicis. Vë firmën në kolonën zanore të metrazhit të mesëm “Diamonds, bullets and fate”, fitues i Gold Grand Jury Award në Houston Texas Film Festival.

Në vitin 2006 do të marrë pjesë në realizmin muzikor të filmit dokumentar “The Big Question”xhiruar nga Cabras e Molinari pas kuintave të filmit  “The Passion” të Mel Gibson, i seleksionuar nga “American Film Institute Festival” dhe shfaqur në sallat kinematografike amerikane.

Në nëntor të 2010-s del albumi i tij “UNEXPECTED“ (Olen Art),  që pozicionohet menjëherë në vendin e parë  të klasifikimit të shitjeve i-Tunes.

“Ideja e këtij disku më lindi gushtin e shkuar, kur së bashku me artistë të tjerë, mora pjesë në një trio në shfaqjen “Campi Sonori” të Aquilës. Isha shumë i emocionuar, e dija që do të dhuroja muzikën time një publiku krejt ndryshe nga ai që isha mësuar. Ishin persona të goditur nga një tragjedi natyrore dhe një dhimbje e vështirë për tu imagjinuar. Dhe këtë gjë e vura re pas pjesëve të para kur shumë prej spektatorëve kërcenin dhe ndiqnin ritmin, sikur muzika i çonte në vende të tjera. Kështu u ngritën një kor zërash që më sugjeronin vende të largëta dhe fillova kështu një udhëtim rreth botës, në të katër kontinentet. E di prej kohësh që muzika mund të bashkojë duke krijuar emocione të thella. Dhe kjo gjë më ndodhi atë mbrëmje dhe nuk mund ta harroj”.

Dhe kështu do të lindte “UNEXPECTED” albumi i parë i tij si solist që përmban nëntë klasikë të mëdhenj dhe katër të panjohur. Ai është një përshkrim muzikor që të emocionon dhe të mrekullon, një mbledhje tingujsh, zërash dhe ngjyrash që sjellin vende të largëta. Një udhëtim në telat e violinës që prek kordat më të thella të shpirtit.

Nga dalja e albumit të tij, Olen Çezari dhe banda e tij ndërkombëtare Clandestine Orchestra ka vazhduar të çojë në xhiro evropiane koncertet e tij live, duke u prezantuar në shumë vende si në Itali, Francë, Greqi, Shqipëri, Turqi, Slloveni por dhe në Meksikë, Kubë dhe SHBA. Videoja e këngës “Anema e core“ me Sergio Cammariere e Lucio Dalla, legjendë e muzikës italiane që ka kënduar këtë pjesë në albumin e Olenit, është kthyer në kult. Ka hyrë në histori koncerti i tij në Paris në teatrin  “Le Palace”. Michel Hazanavicius shkruan një artikull të gjatë për violinistin në gazetën  Le Express.
Gjatë promovimit të “Unexpected” nëpër Evropë ai shkon në Turqi, vend ku pjesa  “Dervish”  përfaqësohet si një udhëtim muzikor i albumit. Gazetat dhe televizionet turke e presin nxehtësisht.

Ndërkohë Komuniteti Evropian e bën anëtar të klubit EU dhe i beson organizimin e një turi promocional të Komunitetit Evropian në Shqipëri ku luan në të gjitha në sheshet më të rëndësishme të bregdetit shqiptar. Qeveria italiane e dërgon në Meksikë për të përfaqësuar ekselencën italiane. Ai ka qenë i pranishëm dhe në 100- vjetorin e Pavarësisë në Tiranë,  ku interpreton para pushtetarëve së bashku me sopranon Inva Mula.

Aktualisht vazhdon të çojë shfaqjen e tij nëpër botë me një sukses të padiskutueshëm.

http://konica.al/2017/04/oleni-paganini-shqiptar/

[sirena_adria]

[sirena_adria]

Pas Tiranes Oleni prek me performancat e tij magjike edhe Prishtinen duke iu bashkangjitur Alban Skenderajt ne koncertin e tij te para pak diteve.

Ne pritje per t'i pare te dy koncertet ne TV ose te regjistruara.


Me fat publiku qe ndjek keto magji live nga skenat ku virtuozet interpretojne !

[sirena_adria]

Olen Cezari magjeps me violinën e tij, në statujën e famshme në Rio de Zhaneiro

Artisti shqiptar i njohur ndërkombëtarisht Olen Cesari ka publikuar projektin më të ri muzikor të cilin e ka xhiruar në statujën e “Krishtit” në Rio De Zhanjero, Brazil. Ai prej kohësh tashmë ka lajmëruar ardhjen në jetë të kësaj videoje, ndërkohë që vetë ka qëndruar një muaj në Brazil. Nën titullin “Dashuria e pastër” violinisti virtuoz përpiqet të sjellë një panoramë të një ‘dhome’ të vogël që ne kemi harruar se ekzistonte. Kjo është hera e parë që një artist shqiptar realizon një projekt të këtyre përmasave. Në skenat e video-klipit shfaqen pamjet se si përcillet dashuria e një nëne për fëmijën e saj që e ndjek atë, duke eksploruar botën hap pas hapi dhe ditë pas dite.

http://www.javanews.al/video-olen-ce...o-de-zhaneiro/

[sirena_adria]

VIRTUOZI I VIOLINES SHQIPTARE

[sirena_adria]

https://www.youtube.com/watch?v=77NSkrV7WkM

Olen Çezari - Xing me Ermalin, Prill 2019.

[sirena_adria]

https://www.youtube.com/watch?v=6m7MTnLKE0Y

[sirena_adria]

https://www.youtube.com/watch?v=Gi3qMqi2vNA

Ftesë në 5 - Çesari i violinës dhe fëmijëria e tij pa lodra