Zërat e çjerrë

[riza2008]

****************


Mbi pemë të larta
e shekullore,
Bien rrufetë,
Ato kërkojnë
majën e gjërit,
Nuk bien
që të lahen haletë
Dhe jetën
mos ta kemi,
në fije të përit.....

[riza2008]

S'na the gjë....


Për çfar t'ju flas?
Çfar kini nevojë?!
Mjaft u morët
me politikë.
Lëreni,
të pistën lojë,
S'është për ju,
është për të paciptë.

Ju sot
mund të lexoni
postimet e mija,
Të ëmbëlsoheni,
thartoheni,
e ti shtrëmbëroni turinjtë.
Të thoni:
Ky s'marrka vesh
nga poezia,
S'na tha gjë
për faqezinjtë......

[riza2008]

Përgjërohem për pranverën...


Pse po hesht?
Pse je tulatur?!
Ç'të mundon
në këtë natë?!
Pse më dukesh
si e plakur?
Sa më shfaqesh
ikën prapë.

Ç'të thot'
zemra e brengosur?
Ç'dallgë pret?
Ç'dallgë përcjell?!
Vdekjen për ty
kam burgosur
Rreze hëne
po të sjell.

Përgjërohem
për pranverën
Embëlsisht
m'a ke dhuruar,
Pse me zor
po m'a hap derën?
Pse më
quake të huaj?

Çfar arome
t'i hedh shpirtit?
Edhe ta helmoj
trishtimin.
Të mos
fiket dashuria
Nëpër
udhët e mallkimit.

[MI CORAZON]

Shume te bukura I ke poezite. Thanks qe I sjell ketu.

[riza2008]

Shume te bukura I ke poezite. Thanks qe I sjell ketu.

Mi Corazon ju falenderoj dhe ju përshëndes me poezinë e më poshtme....



S'e di.......?!


S'e di nga ne,
kush po rri zgjuar,
Në këtë natë
ku vdekja vretë,
Kush rrugës del
për të kërkuar,
Tek dera vallë
nga ne kush pretë?!

Unë them për vete
se po pret malli,
Vallë kush ka mall
nga ne të dy?!
S'e di se ç'lojë
po luan djalli,
Kush djall e ftoi
në dashuri.......!

[MI CORAZON]

Bukur! Poezite e tua te fusin ne mendime. Cdokush mund te gjeje veten neper ato vargje. Edhe nje here thanks dhe gezuar festat!

[riza2008]

Ç'vënd kam zënë tek ty.....?

S'e di sonte
a do më kujtosh?!
Ku gjith' bota
digjet nga gëzimi,
Dhe në cep të zemrës
të më çosh
Shpirti,trupi jot'
i gjith' bëhet imi.

S'e di sonte ç'vënd
kam zënë tek ty?!
Se dikur kam qënur
princi yt sykaltër
Dhe sikur të ma
bësh me sy
Do ta quaj nder
Do ta marr si hatër.

S'e di sonte
buzët kë do puthin?!
Kë do quajnë mbretë
e kë viktimë,
Sikur njëmijë femra
të më lusin
Ato buzë i dua
S'janë vitrinë.



Plot pikyetje
kam në mëndjen time.
Si ti heq
e di vetëm ti
Dashuria s'ngopet
me thërrime
ka nevojë
dhe për xhelozi..

MI CORAZON Kalofsh mire festat e fundvitit..Respekte....

[riza2008]

Ç'prisni..........?!

Përse s'më doni?
Çfar ka ngjarë!
Un' jam njeri
i shpresës suaj,
Me laps në dorë,
luftën kam ndalë
Dhe thellë në shpirt
si gjak ju ruaj.

Jam pjesa juaj
e luftës jetë.
Njësh në rrugë
ecim, vajtojmë,
Ma thoni :Ç'prisni?!
Ç'prisni vërtetë?
Që bashkërisht
ta projektojmë.

Un' jam njeri
si gjith' të tjerët,
S'pranoj
urrejtje,mizori.
Ua kam thënë
në vite, herët,
Kurrë mos pranoni
Tirani........!

S'jam un' tirani
i kësaj bote,
Që shtyp,
vjedh e poshtëron.
Çfar kini?!
Që sillni veç morte
Dhe popullin
e quani milingon.

[riza2008]

Mbase......

Mbase pak,
po ta prish qetsinë,
Nga gjumi të zgjova,
s'e di se për se?!
Ishja duke ecur,
kujtova rininë,
Kur për njëri-tjetrin,
kokën bënim be.

Fare pa menduar,
i rash celularit
Dhe krejt i hutuar
Çfar t'i them dhe pse?
Ti pran' një oxhaku
krahët i kthen zjarrit
Un' si endacak,
s'më nxë ai dhe.

Mbase s'u shqetsove
dhe të erdhi mirë,
Kur pe emrin tim
në ekranin blu,
Hë!Kështu të pafsha,
rrugve si i pirë,
Kur të desha unë,
rrije si kërcu.

Mbase je mërzitur
edhe ke lotuar,
Ke thënur me vete:
Pse më rri kaq larg?
Un' e kam mallkuar
atë kohë të shkuar,
Kjo kohë s'më pranon
Më quan guak........

[riza2008]

Çfar të them,çfar të mos them.........?!


Ç'ti them Zotit?
Vallë ç'ti them!
Që më plaki para kohe.
Ti them mirë
Thotë më gënjen,
Ti them keq
Mos keqkuptohet!

Ç'ti them mikut?
Vallë ç'ti them!
Në furtunë
m'a kthehu shpinën.
Kur ka hall
derën ma gjen,
Kur kam hall,
sjell vetëtimën.

Ç'ti them vetes?
Vallë ç'ti them!
I pa zotë,a mëndjelehtë?!
Kam një frikë,
se mos ma kthen
Dhe mbi trup
më lëshon retë.

Çfar të them?
Çfar të mos them?!
Them më mirë
që ta mbyll gojën.
S'gjën derman
me këta qen
Dhe kurrë
mos ua pafsha bojën....